‘n Inwoner van Ivory Park wat aan motors werk, het R1.29 miljoen ontvang in ‘n tussentydse skikking nadat hy sy linkerarm verloor het toe die polisie hom geskiet het, het The Star Dinsdag berig.
Ntantise Daniel Taliwe, 37, het die skikking met die polisie bereik, nadat hy aanvanklik meer as R10 miljoen in skadevergoeding geëis het.
Die saak is nooit gehoor nie aangesien die minister van polisie in sy amptelike hoedanigheid, totale aanspreeklikheid erken het.
Taliwe was besig om aan ‘n motor te werk saam met drie vriende op 19 Augustus 2004, toe hulle hoor dat skote klap, volgens die verslag.
Sy vriende het weggehardloop, maar Taliwe is getref met ‘n koeël van agter. Die koeël het in die linkerkant van sy bors ingegaan, en ‘n slagaar beskadig.
Hy het ‘n operasie gehad om die sirkulasie te herstel na sy arm, en ‘n tweede operasie weens gangreen, wat daartoe gelei het dat sy arm geamputeer moes word bokant die elmboog.
Die skikking is ten opsigte van vorige en die toekomstige verlies aan inkomste en skadevergoeding bereik.
Die koerant het gesê die polisie het geen verduideliking vir die skietery gegee nie. – Sapa
“South Africa’s police minister told parliament last week that civil damages claims totalling R7.1 billion were laid against the South African Police Service in the 2011 to 2012 financial year. In fact the closing balance of civil claims in March 2012 was more than twice that.”
“According to the SAPS financial statements, the closing balance of civil claims on 31 March 2012 was a staggering R14.8 billion.”
Bogenoemde is volgens African Check. Amper R15 000 000 000.00. En waar kom daardie geld vandaan? Nie van die Minister af wat totale aanspreeklikheid het nie, of van die polisieman wat geskiet het nie. Maar van die persoon af wat geskiet is, indien hy ‘n belastingbetaler is.
Die slagoffer betaal die boetes van die polisielid wat hom geskiet het. En die polisie kom skotvry weg.
Dit is nou duidelik hoekom ‘n siviele eis teen die polisie, vir hulle absoluut geen saak maak nie.