praag.co.za

SAOU ondersoek internasionaal erkende Afrikaanse eindeksamen

Written by

Karin Roodt

in

,

saou_logosDr. Jopie Breed, president van die Suid-Afrikaanse Onderwysersunie (SAOU), het gister op die 17de hoofdesimposium gesê die vakbond kyk na stappe om Afrikaanse onderrig en die taal te beskerm.

Die SAOU sal die moontlikheid van ’n internasionaal erkende Afrikaanse matriekeindeksamen ondersoek, het Beeld berig.

Breed het gesê verteenwoordigers van die vakbond sal ‘n inligtingstoer na Afrikaanse stamlande onderneem om die moontlikheid van ’n internasionaal erkende matriekeksamen te ondersoek.

Die gedagte is om pro-aktief te wees en saam met die Suid-Afrikaanse instituut vir omvattende assessering (Sacai) op te tree om ’n eksamen te kan aanbied vir Afrikaanse leerlinge wat nie in die toekoms toegang daartoe sal hê nie.

“Met dié stap wil ons glad nie sê ons wil in opposisie of ’n teenpool vir die departement wees nie. Dit is bloot om ’n Afrikaanse eksamen beskikbaar te stel waar dit in sekere provinsies in die toekoms dalk minder moontlik sal wees,” het Breed gesê.

Sacai is besig om as onafhanklike eksamenliggaam akkreditasie te kry by Umalusi, die raad vir gehalteversekering in algemene en verdere onderwys en opleiding. – Alet Rademeyer

Comments

6 responses to “SAOU ondersoek internasionaal erkende Afrikaanse eindeksamen”

  1. Marmer De Bruin Avatar
    Marmer De Bruin

    Ek was n hele tydjie gelede op Praag asgevolg van
    buitelandse reise en is aangenaam verras deur julle nuwe standaard van
    aanbieding en beriggewing en wye verskeidenheid, wat in die buiteland met die
    beste kan vergelyk. Baie geluk en voorspoed julle maak n mens trots op jou
    Afrikanerskap.

    1. 11petrus2 Avatar
      11petrus2

      Dis n groot waarheid wat baie meer erkenning behoort te geniet !

  2. Rooikop Avatar
    Rooikop

    Lyk vir my na ‘n verskoning om oorsee te gaan rondjakker.
    Die stamlande van Afrikaans het mos nie enige insette oor hoe die taal ontwikkel het nie?
    Verder kan dit goed wees as daar eksamens buite die departement is wat vrywilliglik afgelê word in AL die vakrigtings sodat ons onafhanklik van die departement standaarde daar kan stel.

    1. JohannSchutte Avatar
      JohannSchutte

      Briljante idee.

  3. 11petrus2 Avatar
    11petrus2

    Nie net Afrikaans nie maar die hele Afrikaanse Matriek spektrum behoort ondersoek te word . Plaaslike standaarde begin algaande meer gebreke te toon. Internationale blootstelling behoort ook nie n slegte ding te wees nie. Veral Vir die gedeelte V/D SA beVolking wat tans terede moet wees met n soort tweedeklas burgerskap . Die stamlande het inderdaad n groot bydrae gemaak tot Afrikaans en nog steeds. Hier is biblioteke gepak met Afrikaanse literatuur en hier om die draai staan my Afrikaans/ Nederlandse woordeboek op die rak. Dis Verstommend hoe die opVoedingstelsels Van my jare en manier Van doen ooreenkom met dit hier in die Nederlande. Afrikaners skakel maklik in en die humor kom Verstommend ooreen. Ek hou Van die SAOU se idee…..Veral Afrikaners behoort in n groter mate te tap uit die kulturele bronne Van die Nederlande bV kwaliteit teleVisie. Hoekom nie ook meer Afrikaanse films rig op die Nederlandse mark nie. Die mense hou daarVan en Afrikaners het Verseker ook baie te bied tot die Nederlande kultuur wereld…….Onthou net Afrikaners is n spesiale spesie,…al KWYL die Anglisaks geindoktroneerde Libtars/Rainbows ook wat…

  4. Ratel Avatar
    Ratel

    Ek verstaan nie einltik die hele doel nie, en miskien kan iemand my reghelp.
    Soos ek die berig verstaan wil Dr. Breed ‘n Matriekeksamen instel wat aan internasionale standaarde voldoen. Dit wil se dat ‘n kind wat Dr. Breed se eksamen suksesvol afgele het, op standaard sal wees met die res van die wereld, soos byvoorbeeld, kinders in Nederlands-, Belgies- en ander Vlaamssprekende lande. Die kinders sal dan ook deur SACAI ge-asesseer kan word, wat dan sal beteken die kind beskik oor een of ander sertifikaat wat sal aandui dat hy op standaard met die res van die wereld is. Is dit hoe ek dit moet verstaan?
    My vraag nou is; gegewe die swak, en vinnig verswakkende standaard van Afrikaanse onderrig spesifiek en swak onderrig in die algemeen, hoe gaan ‘n kind op ‘n punt kom waar hy met sy swak onderrig, ‘n diploma of bewys kan verwerf wat aan internasionale standaarde voldoen? Hoe gaan die kind toegerus word om op internasionale vlak met kinders wie se onderrig ligjare beter is, te kan kompeteer.
    Moet ‘n mens nie eerder die kind se opleiding vanaf laerskool en reg deur sy hele skoolloopbaan in heroenskou neem nie. Die enigste opsie wat werklik dan oorbly is om ‘n aparte kurrikulum met opgeleide en toegewyde onderwysers, beskikbaar te he, sodat die kind van dag een af voorberei kan word vir ‘n internasionaal erkende eksamen.
    Die huidige stand van onderrig, in die meeste gevalle, kan dit nie bied nie. Die huidige onderrig maak voorsiening om ‘n kind deur die skool te kry, nie om hom of haar noodwendig die beste onderrig te gee nie, en veral nie met ‘n onderrigvlak wat met die beste in Europa kan vergelyk nie.
    Vir my gaan dit dus nie oor die eindeksamen nie, maar op die voorbereiding tot die eindeksamen. Afrikaanse kinders, spesifiek, in my tyd was op ‘n internasionale standaard, want ons was beter onderrig as wat tans die geval is. Dit mag miskien soos ‘n ondeurdagte stelling klink, maar ek dink die benoude spronge wat nou gemaak word, bewys die stelling.
    Dit klink net vir my asof Dr. Breed-hulle by ‘n matriekeksamen wil begin om kinders internasionaal te wil voorberei, terwyl ek voel dat ‘n kind van dag een af moet voorberei word vir die eksamen wat sal bewys dat ‘n kind op internasionale vlak is.
    Of het ek nou totaal uit die bus uitgeval?

Leave a Reply

More posts