praag.co.za

Diversiteit en samewerking met ander gemeenskappe: Pieter Mulder

Written by

Dan Roodt

in

,
Dr. Pieter Mulder, leier van die Vryheidsfront Plus
Dr. Pieter Mulder, leier van die Vryheidsfront Plus

Samewerking is die enigste manier waarop die ANC gestuit kan word, en dit dui ook die nuwe koers aan wat die Vryheidsfront Plus gaan volg om ‘n nuwe bedeling in Suid-Afrika te weeg te bring tot voordeel van al die land se inwoners.

Dit was die sentrale tema van die boodskap van dr. Pieter Mulder, leier van die VF Plus, met die bekendstelling van die party se hersiene missie wat saamgeloop het met die afskop van sy verkiesingsveldtog vir 2014.

Die luide applous van die gehoor wat die West End-teater op die skougronde in Pretoria volgepak het, was ‘n aanduiding van die mandaat van die party se ondersteuners aan die nuwe koers gegee het.

Ewe luide applous vir ‘n sterk afvaardiging Khoi- en San-leiers en van hul volgelinge, was terselfdertyd ‘n aanduiding van die hand wat ondersteuners van die VF Plus uitgereik het na ander minderheidsgroepe in Suid-Afrika wat ‘n gesamentlike doel het om ‘n nuwe bedeling in Suid-Afrika tot stand te bring.

In sy boodskap het dr. Mulder gesê die strewe na ‘n oplossing vir die onderdrukking van Afrikaners en ander minderheidsgroepe in die land, moet realisties, modern en regverdig wees vir almal.

“Daar is plek vir almal van ons in hierdie land. Die VF Plus se herbewoorde missie wil nie net die Afrikaner motiveer nie, maar ook ander minderheidsgroepe. Ons het saam een doel en dit is om die ANC te verslaan, het dr. Mulder gesê.

Dr. Mulder was skerp in sy kritiek teen die ANC en het gesê daar heers tans ‘n ‘tirannie’ van ‘n meerderheid sonder enige seggenskap vir minderhede in die land.

“Daarom is dit dringend noodsaaklik dat ‘n nuwe bestel tot stand kom waarin erkenning gegee word aan die diversiteit van die land en sy mense. In die proses  het die VF Plus hom onherroepelik verbind tot samewerking met ander gemeenskappe.

“Ons vra ‘n beter bedeling vir die Afrikaner, maar sal ook veg vir ander minderhede om dit te verkry,” het dr. Mulder gesê.

Die VF Plus se nuwe embleem is ook bekend gestel en op ‘n ligter noot het dr. Mulder gesê die party sal dit eers oor twintig jaar oorweeg om die embleem weer te verander.

Comments

88 responses to “Diversiteit en samewerking met ander gemeenskappe: Pieter Mulder”

  1. JohannSchutte Avatar
    JohannSchutte

    Sorg dat die padstrepe geverf word Piet. Dis verkiesingstyd.

  2. Riempies Avatar
    Riempies

    Hier is my stroomop mening vir wat dit werd
    is.

    Ek gaan vir Vf+ stem nie vir lam Piet of sy twee
    lam seuns se onthalwe nie maar vir my Afrikianervolk se onthalwe. Hoeveel jare poog ons al
    om iets te bereik vir ons Afrikanervolk en kom nerens uit nie. Die Vf+ is vir my
    net die middel tot my doel om vir dr Dan Roodt in n posisie te kry waar hy met
    gesag sy stem vir ons kan dikmaak in die buiteland waar die Vf+ ALLEEN erkenning
    geniet as spreekbuis vir ons Afrikaners.

    Ja lam Piet en sy twee Lam seuns sal voordeel trek
    daaruit – maar wie gee om – as hulle tot nou toe nerens hond haaraf gemaak het
    nie waar gaan hulle na hierdie verkiesing hulle bevind met die daaropvolgende
    verkiesing?

    Wat anders kan ons doen as om te probeer – en wat
    het ons om te verloor as dit nie gewerk het nie? Ons verantwoordelike Afrikaners
    se uurglas is besig om leeg te loop om die nuwe geslag Arikaners se toekoms te
    verseker – hou ingedagte dat hierdie nuwe Afrikaner geslag nie die erns van die
    situasie besef asgevolg van hulle kondisionering in die ANC “skole” en
    “universiteite” nie en geen verweer het teen die barbaarse norme standaarde en
    beginsels soos ons nie. Dit n my stuiwer om te maak daarmee wat julle
    wil.

    1. Keelvol Avatar
      Keelvol

      Gaan die VF+ ooit vir Dr Dan in daai posisie plaas? Is daar waarborge in plek of is dit maar soos dit gewoonlik in die politiek gaan? Maak beloftes en hulle word net nie na gekom nie? Ek wil graag ook vir Dr Dan voor die internasionale wêreld sien waar hy ons saak vir ons baklei…

      Dr Dan my persoonlike opinie
      is dat hulle jou by hulle hou en alle beloftes maak dat jy nie jou eie
      party stig nie. Want hulle weet as hulle teen jou moet staan gaan hulle
      verloor. Is jy nie van n beter kans verseker om op die internasionale verhoog te kom deur jou eie voertuig te skep nie?

      Ons almal weet die VF+ is die enigste organisasie wat veronderstel is om namens ons te praat maar wat verander hulle nuwe skuiwe aan hierdie saak? Want nou práát hulle in elk geval nie net namens ons nie maar n hele klomp ander ook…

      1. Riempies Avatar
        Riempies

        Keelvol nou dwing jy my in n posisie om vir Pieter Mulder op te kom, en ek neem hom kwalik omdat ek voel hy nie die geleetheid in
        die buiteland benut het om vir ons lanse te breek nie – Dit gese:

        As dit nie vir Pieter Mulder se posisie in die parlement as adjunk minister en sy insette was nie – het die land heel anders
        daaruitgesien met plaasbesettings en magsmisbruik afneem van die plase aan die orde van die dag.
        Dat hy nie dinamies genoeg is nie en nog ook van die oudskool
        NP manier van funksionering bedryf is so maar dat hy niks vir ons gedoen het is ook voorwaar nie die waarheid nie.

        Ons is te verdeel en hardkopping individualisties EN te arm om te poog om n heel nuwe party op die been te bring.

        Weet jy Keelvol ons Afrikaners het die manier as hulle dit teen iemand het om alles wat hy doen verdag te maak en af te skiet –
        ek is anders – ek glo wees altyd eerlik teenoor jouself en jou beginsels en oortuigings en doen dieselfde aan jou medemens.

        Moet asseblief my nou nie verder uitvra oor my medemens nie. Jy sien wat het Praag hierbo aan die kommentaarblad geskryf 😉

        1. Keelvol Avatar
          Keelvol

          Jammer, Riempies dit is onregverdig van my om jou so in die kollig te
          plaas. Ek weet jy maak jou besluit op wat jy dink reg is maar ek is
          bekommerd dat die politiese nie hulle beloftes gaan na kom nie.

          Die red hoekom ek by die VF+
          aangesluit het was om om vryheid vir my kinders té probeer kry – na al
          die jare het dit nie gebeur nie en kan ek nie juis enige iets van die VF+ uitwys nie – kyk dit is wat die VF+
          vir my en my gesin bereik het! Die situasie het net agteruit gegaan
          onder hulle leiding.

          Ek persoonlik wil nie meer deel wees van
          populistiese politiek nie ek soek antwoorde en die VF+ is nie professioneel genoeg om my verwagtinge na te kom nie. Ek het self vir hulle gaan kuier in die parlement en alhoewel
          daar goeie mense is het dit my opgeval dat hulle nie ernstig genoeg is
          nie. Ons mense gaan dood en almal loop daar rond in die selfde patroon
          wat hulle al vir jare stap.

          Ja, die party het nie geld nie en die mense
          wil nie skenk nie maar in die selfde asem vorder die Mulder
          broers baie geld in en lyk glad nie of daar iets kort by hulle nie. Ek
          sien nie die lyding wat ons al van te vore oor gepraat het nie.

          1. Riempies Avatar
            Riempies

            Keelvol of my idees haalbaar is kan ek ook nie waarborg nie – die feit is – dit is my voorstel tot n poging om iets te laat realiseer, ek is moeg gepraat en niks gedoen of bereik nie.
            My viesier is op dr. Dan – nie die Vf+ nie – ek verwag niks van hulle nie dus kan hulle my nie teleurstel nie.

            Wat anders wat haalbaar is kan n mens doen aan ons situasie?

          2. Keelvol Avatar
            Keelvol

            Voor ek heeltemal op hol gaan met hierdie hele storie – daar is nog tyd,…. en ek het vir Dr Dan deur die VF+ leer ken en so lank hy self nog daar is – wil ek graag van hom ook hoor.

            Een ding is verseker die besluite wat ons elkeen gaan maak gaan ons elkeen die gevolge van dra.

            Dinge is nou besig om vinnig agter mekaar te gebeur so ek dink nie dat ons lank hoef te wag om te sien wat die gevolge gaan wees nie.

            Die anc sal hulle beste voetjie voor hou soos altyd en ons kan n paar Bok springe van die DA verwag. Interessante tye ek se!… 🙂

            So bly ek het die voor reg om met sulke goeie Praag mense dit te kan deel want niemand gaan vir ons hierdie keer n rat voor die oe draai nie. Hierdie keer gaan ek dit met gebed in.

    2. Matt Heyns Avatar
      Matt Heyns

      Hierdie kommentaar se aard en omvang steek my dwars in die krop.

      1. Riempies Avatar
        Riempies

        Nou dit glo ek bedoel jy opreg 😉

  3. Willy Avatar
    Willy

    Die monde van dié wat in die bresse tree vir die minderheidsgroepe word gesnoer of bereik dit net nie vir my nie? Of word daar te veel tyd en energie spandeer om die ANC onder die vergrootglas te plaas dat daar nie gehoor gegee kan word aan dié wat vir die minderheidsgroepe se belange opkom, of word daar net vinnige ‘n paar niksseggende woorde geuiter voor ‘n verkiesing?

  4. OomKosie Avatar
    OomKosie

    Die Vryheidsfront het homself met ‘n nuwe embleem en visie geherposisioneer, in die proses poog hy om ‘n meer inklusiewe benadering te volg, en as bewaker van alle minderheidsgroepe se regte op te tree. Mag ek my verstout om te sê dat hierdie aksie die VF se swanesang in die komende verkiesing gaan verteenwoordig.

    In die eerste plek is die naam afgelei van die oorspronklike visie wat veronderstel was om vryheid vir die Afrikaner te bewerkstellig, op watter basis die naam enige aanslag vind onder ander minderheidsgroepe, soos Engelse, Jode, Grieke, Indiërs en Kleurlinge om net ‘n paar te noem is onbekend. Sovêr my kennis strek is daar geen gom wat onder die vaandel van ‘vryheid’ hierdie groepe saambind nie. Die Afrikaner daarinteen is op soek na vryheid, maar nou word sy kultuur en strewe opgeneem in ‘n nuwe benadering wat geen duidelike groepsvoordele inhou nie.

    Voorts gaan daar weinig politieke voordeel voortspruit uit hierdie konkoksie, die VF poog nou om ‘n vegter te word van minderheidsregte maar ongelukkig is hierdie ruimte reeds ingeneem deur buite-parlementêre groeperinge soos Solidariteit en Afriforum. Hulle sigbaarheid en aksies het hulle profiel tot so ‘n mate verhoog in teenstelling met die VF se amper ‘onsigbaarheid oor die laaste 20 jaar dat ek sterk betwyfel of die tendens van verlore steun omgedraai kan word. Die VF se strategie van stille diplomasie en en assosiasie met die ANC was ‘n fatale strategiese fout, politieke partye wat hierdie benadering gevolg het het sonder uitsondering steun verloor, terwyl die wat aggressief opgetree het en daadwerklike aksies uitgevoer het om die ANC te stuit se profiel en ondersteunersbasis gestyg het.

    Die Vryheidfront se werklike probleem lê ongelukkig nie by ‘n embleem of posisionering nie, daar was niks fout daarmee nie, maar by leierskap. Dr Mulder is oor die algemeen ‘n aangename persoon maar dit is waar dit eindig. Die dinamika en leierskap ontbreek en moes die VF manne in hulle bosberaad waar hierdie planne geformuleer is meer inwaarts gefokus het, hulle swak leierskap gekonfronteer het en Dr Mulder laat aftree het. Die ‘volk’ het vertroue verloor in die leierskap en geen mate van opwarming van koue kos gaan dit beter laat smaak nie.

    Ek is bevrees die koeël is deur die kerk en die einde het aangebreek, weereens as gevolg van gebrekkige leierskap is die inisiatief verloor op die regte oomblik met die verkeerde plan. Die verwerping van ‘n stelsel wat minderheidsgroepe se regte verkrag sal ‘n baie groter sein aan die ANC en buitewêreld stuur, en sal die DA wat die Afrikanerstem nou as ‘n gegewe aanvaar stof tot nadenke gee. My stem gaan vir ‘n grootskaalse bederf van stembriewe in die komende verkiesing, daardeur neem jy deel aan die demokratiese proses maar dra ‘n ander boodskap oor, jou stem vir ‘n party gaan geen verskil maak aan wie die septer gaan swaai nie.

    Na my mening is die pad vorentoe nie deur die parlemêntere stelsel nie, die bevolkingsamestelling -en groei is nie aan die kant van minderheidsgroepe nie, die Afrikaner sal homself moet herposisioneer buite die stelsel. Die samestelling van Afrikanergroepe is tans wyd uiteenlopend en daar sal gemeenskaplike waardes rondom die middelpunt ontwikkel moet word. Die bewaring van die morele hoëgrond is krities in hierdie proses om ten alle koste ‘n rassistiese konnotasie te vermy. Ons kan nie in isolasie ons stryd voer nie en het steun oor ‘n wye front nodig, selfs onder die wat nie die strewe tot selfbeskikking deel nie, maar wat tog daarmee kan assosieer.

  5. Hans Onrust Avatar
    Hans Onrust

    “In sy boodskap het dr. Mulder gesê die strewe na ‘n oplossing vir die onderdrukking van Afrikaners en ander minderheidsgroepe in die land, moet realisties, modern en regverdig wees vir almal.”

    Het streven naar een oplossing voor de onderdrukking ?

    dit mag tog veronderstel word dat daar van onderdrukking heeltemal geen sprake mag wese.
    is dit geïmpliseer dat de VF+,as politieke party verteenwoordig in ‘n ‘parlement’, SA as ‘n diktatorskap sien ?

    Mooi, weg met deze totalitaire marxistische gewelddadige anc dictatuur waarin uitsluitend( uitsluitlik) anc partijbelangen heilig zijn.

  6. Boerseun.Z.A.R Avatar
    Boerseun.Z.A.R

    Iser it not Piet Mulder who occupies a position in national gov?
    I remember when his youth league leader told “him”,he is a traitor.
    The guy got fired,Is this the same guy?
    If it is,I got no time for him.

    1. JohannSchutte Avatar
      JohannSchutte

      Dis die einste Piet.

      Hy het `n adjunkministerpos in Zuma se kabinet, wat verder amper uitsluitelik van hout gemaak is.

      1. Boerseun.Z.A.R Avatar
        Boerseun.Z.A.R

        So in other words his youth league leader was right,he is part of the problem….

        1. gas Avatar
          gas

          die nuwe jeugleier het ‘n so ‘n baie duur plat mercedes sportskar gekry vir sy moeite om van die oue ontslae te raak. weet nie hoe bekostig die party dit nie. dis seker van die “perks” om saam te werk met die anc

          1. Tine Avatar
            Tine

            Wel, vra vir dr Roodt wat aan. Hy sal jou kan vertel

          2. gas Avatar
            gas

            VF+ skors voorsitter oor gelddispuut
            2012-11-17 11:30

            Johannesburg
            – Die voorsitter van die VF+ se finansiële komitee is geskors voordat
            hy ’n toespraak voor die party se federale raad kon maak, het Beeld
            Saterdag berig.

            Taljaard sou na bewering in sy finansiële verslag
            onder meer aanvoer die federale dagbestuur, onder wie die partyleier,
            dr. Pieter Mulder, het versuim om op te tree nadat Mulder se broer, dr.
            Corné Mulder, en ander Wes-Kaapse partyleiers geld uit ’n groot skenking
            verkeerd gedeponeer het.

            “Ek is geskors sodat ek nie aan die lig kan bring wat die partyleierskap onder die mat wil vee nie,” het Taljaard gesê.

            In
            sy toespraak sou hy na verwagting rapporteer sommige provinsiale leiers
            weier om hul provinsies se bankstate en debietorder-inkomste te
            openbaar, en dat besonderhede oor geldelike partybydraes deur LP’s
            moeilik is om na te speur.

            ’n Verdere dispuut blyk ’n bedrag van
            R15 000 (10% van ’n skenking van R150 000) te wees wat dr. Corné Mulder
            kontant by die bank sou trek en as kommissie aan Taljaard sou betaal.

            Taljaard het gesê hy het die geld nooit ontvang nie.

            Die party se federale raad, wat bestaan uit verteenwoordigers van al nege provinsies, vergader Saterdagoggend in Centurion.

          3. Boerseun.Z.A.R Avatar
            Boerseun.Z.A.R

            Alway$ another traitor to take the position…

          4. Riempies Avatar
            Riempies

            En jy sit seker grasgroen op jou baie-sukkel?

          5. gas Avatar
            gas

            man ja, want ek wonder baie hard hoe maak mens so baie geld in so ‘n kort rukkie. miskien kan jy help om die raaisel op te klaar?

  7. Rooikop Avatar
    Rooikop

    Nog een het omgerol en wys magie vir die ANC base.

  8. Grobbie Avatar
    Grobbie

    Niemand sal die ANC by die stembus kan aanpak nie. Jy los ‘n wind teen donderweer. Al hoe ons van die ANC ontslae gaan raak is wanneer ons selfbeskikking kry. Hoe verder van hulle af hoe beter.

  9. Keelvol Avatar
    Keelvol

    Hierdie beweging is al op die kaarte vir meer as vyf jaar en vir my is dit nie n verassing nie. By hulle vergaaderings word daar al n geruime tyd gespook met kwynende kieser getalle en om meer inklusief te wees.

    Dit is die regte stap vir die VF+. Want daar is iets te se in die feit dat alle minderhede kan baat vind by selfbeskikking. Die VF+ sal dan die voertuig wees wat hierdie moontlikheid ook aan hulle sal verkoop. Hoe meer mense selfbeskikking op eis van die anc
    hoe beter vir almal van ons.

    Maar ek wil weet hoe hierdie skuif Ons stryd vir vryheid gaan
    affekteer… Op die einde van die dag gaan ons almal stem en dan gaan
    die stemme verdeel word in groepe? Jy kry soveel hektaar en jy soveel?
    Gaan Pieter nou by UNPO staan en baklei vir die San en almal anders? Ons weet tog die buitewêreld het maar min oog hare vir die Boere so ons sal weer op die agtergrond geskuif word?

    Wat se versekering kan ons kry dat die VF+ nie gekaap gaan word deur die ander nie? Dat die kwessies wat ons die ergste raak nie verder vir hulle belangrik genoeg gaan wees nie?

  10. Matt Heyns Avatar
    Matt Heyns

    Nelson
    Mandela het ons unieke Boere volk minderheid destyds versoek om by die Swart
    meerderheid aan te sluit. Hierdie “ikoon” het beslis nie beséf so ‘n versoek verhoog sy
    morele dilemma nie. Om ‘n Boere minderheid te vra om deel te word van die Swart
    meerderheid spreek ‘n verfoeilike oordeel uit oor die politieke stelsel en
    verraai ‘n skromelike onkunde oor die werking van ‘n demokrasie in ‘n multi
    kulturele samelewing. Ware demokrasie verskaf juis sekuriteit en ook sin en
    betekenis vir politieke optrede aan minderhede sonder om hoegenaamd in meerderhede
    hoef op te gaan om ‘n sê te kan hê. As hierdie bewering waar is; bly die vraag
    steeds wat soek dr Pee by die ANC.

    1. Gas Avatar
      Gas

      Pilletjies vergeet Matt?

  11. Matt Heyns Avatar
    Matt Heyns

    Die VF Plus se nuwe embleem is ook bekend gestel en op ‘n ligter noot het dr. Mulder gesê die party sal dit eers oor twintig jaar oorweeg om die embleem weer te verander. Ja nee, as ons nie verder kan gaan nie begin ons maar van voor af aan so lank ons nie sous trein ‘mis’ nie.

  12. Matt Heyns Avatar
    Matt Heyns

    Die morele aansprake van etniese minderhede op selfbeskikking dra baie gesag maar word nie eens genoem nie.

  13. Matt Heyns Avatar
    Matt Heyns

    Die geskiedenis is aan ons kant ….. ‘n doeltreffende slag kreet vir enige politieke beweging …… behalwe natuurlik vir die VF.

    1. Riempies Avatar
      Riempies

      Ag tog Matt moet tog asseblief nie so uitputtend wees nie!

  14. Matt Heyns Avatar
    Matt Heyns

    As ons nie Boere volk nasionalisme op die been kry nie kan ons maar net so wel die VF se voorbeeld volg en hoop vir die beste.

  15. Matt Heyns Avatar
    Matt Heyns

    Ons het te doen met die verhouding
    tussen etniese groepe en hulle onderskeie nasionalismes maar dit beteken nie
    ons moet stert swaai en agterstewes lêk nie.

  16. Matt Heyns Avatar
    Matt Heyns

    Ek het gehoop hy sal die mislukking van die ekonomiese stelsel, die aspirasies en vrese van etniese minderhede ‘n prioriteit maak aangesien ons die druk van die meerderheid nie kan weerstaan nie. Ons het nie eers ‘n federale veto nie laat staan ook die belange van minderhede wat ignoreer word.

  17. Matt Heyns Avatar
    Matt Heyns

    Dr Mulder sê. Ons het saam een doel en dit is om die ANC te verslaan. Etnisiteit was nog altyd die oorsaak van die ineenstorting van kunsmatige state en die uit mekaar beweeg van kultuur groepe binne bestaande state. Ek glo hy sit weer die politieke pot mis want daar is beter opsies beskikbaar.

  18. Albert Brenner Avatar
    Albert Brenner

    Dr Mulder: Ek is n man wat staan by my beginsels!
    Kieser: Is dit werklik waar?

    Dr Mulder: Ja, inderdaad. En as u nie van my beginsels hou nie, dan verander ek hulle.

    1. Riempies Avatar
      Riempies

      Albert ek het my redes vir my besluit om vir die Vf
      te stem, gegee – wat is jou alternaitewe antwoord as oplossing vir ons situasie,
      jy moet my tog gelyk gee dat ons die afgelope 20 jaar soos die Israeliete in die
      woestyn voortploeter sonder manna of water en woestyn net dorre stof opskop. Ek
      hoor graag van ander haalbare idees want ek glo dit is hoe ons by antwoorde gaan
      uitkom.

      1. Gas Avatar
        Gas

        Ek stem saam met jou Riempies. Die VF+ sal my stem kry. Ek gee nie om of hy vir die Khoi-San veg nie. Ek werk liewer saam met Khoi-San as die DA trawante. Wat leierskap aanbetref dink ek ook die tyd is ryp om iemand soos Advokaat Alberts aan te stel. Hy is nog jonk en skerp ook. Volg gereeld die hofsake waar hy betrokke is. Blykbaar was daar van die Oraniërs ook by die nuwe besluite van die VF. Ek glo ook nie Zuma gaan Dr Mulder weer in sy kabinet aanstel nie. Hy het hom ‘n goeie geskiedenisles gegee wat hy en die DA nie wou hoor nie! As Dr Mulder die Afrikaner so swak by UNPO verteenwoordig het sou hulle hom defnitief nie in die bestuur gekies het nie.

        1. Riempies Avatar
          Riempies

          Gas ek wou eers sien hoe reageer die man op die
          straat of liewer die Praag kommentators voor ek juis dit tewerde wou bring, wat
          jy nou noem. Sou ons saam met die KoiSan werk is ons mos presies op die pad waar
          ons wil wees.
          Ons Afrikaners het nog nie geleer om strategies te dink nie, en
          sal hulle neuse afsny en hulle gesigte skend om die eenvoudige rede dat hulle
          nie hulle wil oopstel vir n volgende mening wat moontlik verskil van hulle eie
          vooropgestelde onwrikbare standpunt nie. Ek het van kleintyd geleer om te
          luister na ander se mening en selfs as daar meriete is dit te ondersoek –
          Ons is
          min en die veraaiers glo dat hulle ons effektief uitgeskakel het – nie wat my
          betref nie – Want juis omdat ons min is sal en moet ons sterk wees en op die
          vlak waar dit moontlik is en dit is met ons verstandelike vermoee hulle troef op
          n vlak waar hulle nie kan meeding nie en uiteindelik die stryd wen –
          MAAR eers moet ons leer om luister en te dink.
          Neem nou maar net hierdie enkele blog hoeveel van die kommentators het die
          moontlikhede raak gesien en dit besef omdat hulle strategies gedink het? net
          jy!

          1. sjert Avatar
            sjert

            My jinne tog Rieme
            Is ons ou spul agtergeblewe neusafsnyers daremnounie enkel-gereformeerd-vertraagd en onnooslik nie???
            Gelukkig het ons ou spilliekie darem vir julle tweekies om ons op die goeie, strategiese en regte paaie te lei.
            hehehe

          2. Riempies Avatar
            Riempies

            Jy bevestig nou juis waarvan ek gepraat het – het jy gedink en gevalueer wat ek gese het of sommer net lukraak gereageer?

            Ek daag jou uit bewys my verkeerd – Hierdie keer net in Afrikaans dat ek ook alles kan verstaan wat jy se 😉

          3. sjert Avatar
            sjert

            Ek kop nie jou vraag nie. Wat moet ek verkeerd bewys?

            Siende dat jy my gebrekkige Afrikaans tewerde (soos jy dit stel) bring, sal ek weer probeer.

            Voor jy volgende keer jouself op die skouer klop en die volgende kwytraak:

            “MAAR eers moet ons leer om luister en te dink.
            Neem nou maar net hierdie enkele blog hoeveel van die kommentators het die moontlikhede raak gesien en dit besef omdat hulle strategies gedink het? net jy!”
            Lees, dink en traai weer voordat jy laat waai..
            🙂

          4. Riempies Avatar
            Riempies

            Kom ek stel myself duideliker – wat het ons om te verloor om vir die Vf+ te stem met die moontlikheid van iets bereik teenoor – nie stem nie – en verseker weet daar is geen kans op enige moontlikheid nie?

          5. Arnieann Avatar
            Arnieann

            Mens is soms sku om jouself te herhaal.
            Ek het dit wel al gedoen , en gaan dit nou maar weer doen.
            Ek self het al voorgestel dat ons met die ander minderhede, wat ook selfbeskikking nastreef, moet saamwerk.
            Het die VF+ daardie huiswerk gedoen??
            Geen mens weet nie.
            Om sommer net mense by jou politieke planne in te sleep, sonder om eers met hulle daaroor te beraadslaag, is voorbarig.
            Selfs Dr. Dan Roodt het al die Zoeloes genoem as moontlikke volksgroep om mee saam te werk.
            Orania is ook een van die organisasies wat dit onlangs begin doen het.
            Daar is swart volke wat selfbeskikking wil hê. Indien die VF+ onder nuwe leierskap hierdie weg wil volg, sal ek hulle steun.
            Elke Volk onder sy eie regering.

      2. Matt Heyns Avatar
        Matt Heyns

        Daar is baie alternaitewe beskikbaar!

        1. Arnieann Avatar
          Arnieann

          Nou noem die blessit alternatiewe !!!!!

          1. Matt Heyns Avatar
            Matt Heyns

            Dis Riempies se woord. Lees weer!

          2. Arnieann Avatar
            Arnieann

            Sy het na die leierskap verwys.
            En ja, daar is mense wat ‘n beter “Joppie” daarvan sal maak as die Mulders.

          3. Matt Heyns Avatar
            Matt Heyns

            Arnieann: Kyk na Riempies se spelling (alternaitewe) van die woord alternatiewe.

  19. Ciska Avatar
    Ciska

    Ek wil niks met ander stamme / mense / groepe te doen hê nie, ek veg nie meer vir iemand ander as my eie mense nie, ek voer handel met jou vanuit my EIE land met jou in jou EIE land. Hemel, het die man nognie geleer nie?

  20. JvNk Avatar
    JvNk

    Business Day se reaksie op die VF+ se nuwe visie

    http://www.bdlive.co.za/opinion/columnists/2013/09/03/goodbye-freedom-front-plus-and-thanks-for-coming

    1. Arnieann Avatar
      Arnieann

      Ek hoop Mulder het die berig gelees. Dit laat ‘n bitter smaak in ‘n mens se mond, maar dit is ongelukkig die waarheid wat daar geskryf word.
      Mulder het een laaste skuif wat hy kan maak om sy bas te red.
      Bedank uit die ANC se sagte stoel.
      Of bly waar jy is, en bedank uit die VF+.

      1. gas Avatar
        gas

        die party se leierskap moet dadelik bedank. hulle is teen die da en dan kom verkondig hulle samewerking met die opposisie. wat rook die spul?

        1. Riempies Avatar
          Riempies

          Ek dink jy het die kat aan die stert beet rondom die rede waarom die Vf+ bestuur moet bedank – Die Da is net n verlengstuk van die ANC vandaar die benaming van die DA as ANC-Lite. Hulle het geen genade vir blankes nie en diskrimineer netsoveel as die ANC teen blankes.

          Ek stem wel saam met jou dat die bestuur behoort
          te bedank wel om die rede dat hulle nie oop is omtrent hulle beginsels nie en nie n woord praat oor die volgehoue swart op wit Afrikanervolksmoord nie.en niks doen aan ons vryheid nie trouens dit lyk of hulle nie belangste daarin nie.

          EN daar is baie beter onontginde leierskap beskikbaar.

          1. Arnieann Avatar
            Arnieann

            Presies my standpunt ook Riempies.
            Hulle lampies brand onder die maatemmer.

      2. Isabel van Wyk Avatar
        Isabel van Wyk

        Arnieann, Die berig laat voorwaar ‘n bitter smaak in my mond ook – nie vir die agteruitgang wat hier in harde feite gegee word nie, maar omdat dit so vir soetkoek ge-eet word. Sien dit asseblief vir wat dit is. Die punch-line is in die laaste gedeelte om Afrikaners aan te moedig om weereens DA te stem. Juis daarom word Solidariteit bygesleep en word ons vertel van vergaderings wat plaasvind wat tussen die DA en Solidariteit. Dit mag so wees dat die vergaderings plaasvind, maar Solidariteit word hier gebruik om die Afrikaners sag te maak.
        Die vraag wat nav hierdie berig behoort besoek te word is: waarom het nog niemand ‘n woord oor Solidariteit en die DA se verhouding gespreek nie? Hoekom is dit okay as Solidariteit bietjie rondvry, maar die VF Plus moet in die spoor trap?
        Die ANC het sedert 1994 alles wat Arikaner was sistematies afgetakel. En ek kan nie verstaan dat Afrikaners nie die aanslag kan afwend wat deur die media volgehou word nie. Dit sal egter nie gebeur deur (verskoon) te bliksem en te donder nie. Die enigste oplossing is waarskynlik dat ons, desondanks ons “likes” en “dislikes”, sal moet saam staan en gebruik wat ons tot ons beskikking het.
        Al die ontevredenheid wat hier deurskemer ten opsigte van leierskap en beleid, sou waarskynlik heel anders gelyk het as Afrikaners hulle
        “likes” en “dislikes” opsy geskyf het en die arms van die VF Plus, desondanks geen publisiteit/negatiewe publisiteit, blindelings omhoog gehou het – ter wille van Afrikaner wees.
        Maar wat het gebeur: Stem DA net om soos ‘n kind ge-ignoreer te word. Die DA is reeds ‘n swart party. Net soos in die ANC gebeur het, gaan ook in die DA gebeur. Die swartes gaan die wittes marginaliseer. Met ander woorde; die slotsom: ‘n mors van Arikanerstemme was!

        1. Arnieann Avatar
          Arnieann

          My slegte smaak waarmee ek sukkel om dit uit my mond te kry, is juis agv my totale steun wat ek altyd vir die VF+ gegee het.
          Presies dit waarvoor hulle gevra het, om voor te stem, dit het die mense vir hulle gegee in honderde duisende stemme.
          Daar was verwagtinge geskep wat ons almal baie positief gemaak het. Met verloop van tyd het daar van die oorspronlikke beloftes niks gekom nie.
          Die VF het van sleg na slegter, en agteruit geboer, verkiesing na verkiesing.
          Dit was die tweede skok na die “Ja” stem katostrofe wat die Afrikaner moes verduur.
          Nou word ons gekruisig omdat ons wantrouig geraak het.
          Is ons dan klippe??? Elke keer word daar net eenvoudig van ons Afrikaners verwag om soos ‘n spul slagskape net eenvoudig slagpale toe moet aanstap agter ‘n Judas bok aan.
          As ons in opstand kom word ons as onpatrioties aangekla.
          Slim argumente word rondgegooi, en geldige argumente word as hardegatgeit afgemaak.
          Wie mors met wie???

          1. Johan van Wyk Avatar
            Johan van Wyk

            En die tyd staan nie stil nie – elke vyf jaar se stem word in die asblik gegooi – dit terwyl die leiers van die VF+ selfbeskikking moet opeis vir die Afrikaner.

            Elke vyf jaar gaan ons nog verder in hierdie put van volksmoord in – maar dit bleik nie by die leiers van VF+ enige haas te kweek nie.

          2. Moemf Avatar
            Moemf

            Ja en so sit ons in masochistiese vreugde onsself en jammer kry en kap so af en toe die wat iets poog se hande af dat hulle tog nie antwoorde kan raakvat nie.

        2. Riempies Avatar
          Riempies

          Isabel ek wil graag hier by jou aansluit met die volgende:

          Dit is reeds ou nuus dat FW de Klerk Leopodt Scholtz en Flip Buys van Solidariteit baie nou bande het. Aanvanklik het ek vermoed dat Solidariteit beplan om n politieke party te stig om FW de Klerk se planne tot uitvoer te bring. Intussen het dit onder my aandag gekom dat die pad
          vir FW de Klerk deur die DA gaan loop die ondersteuning Van Solidariteit en Orania. Hoeveel van wat ek gehoor het waar is, kan ek uit die aard van n blote oorvertelling nie waarborg nie maar terselfdertyd waar daar n rokie is – is daar n vuurtjie.

          Dit is ook feit dat Solidariteit met die vorige verkiesing 5 jaar
          gelde hulle lede aangemoedig het om vir die DA te stem dus by implikasie nie vir die Vf+ te stem nie.

          Sou hierdie FW de Klerkgroep eerbare bedoeling
          verteenwoordig hoekom nie alle bestaande Afrikanergroepe betrek nie?

          Dan stem ek liewer vir lam Pieter Mulder voor ek my
          hand moet afkap om nie vir n veraaier te stem nie.

          1. Arnieann Avatar
            Arnieann

            En hulle het ook Radio Pretoria geannekseer.
            En ek het ook gehoor dat hulle ‘n vinger in die Orania opset het.
            Orania ontken dit ten sterkste. Miskien kan een van hulle indoenas ons meer inlig.
            Dr. Mulder het blykbaar ook ‘n neute plasie op Orania.
            Het ons met ‘n seekat politieke situasie te doene.

    2. Isabel van Wyk Avatar
      Isabel van Wyk

      Die skrywer van hierdie artikel was tot onlangs toe die hoof van die DA se beleidsafdeling. Business Day het ernstige onetiese joernalistiek gepleeg deur nie lesers se aandag hierop te vestig. In vorige verkiesings het die DA veldtog teen die VF Plus gevoer deur voor te gee stemme word verdeel. Nou “plant” die DA van hulle mense by koerante om die veldtog op n ander manier te voer. Om joernaliste by koerante te plant, is ou taktiek. Ek hoop Bisuness Day en die DA word hieroor aangevat. Die soort beriggewing het ou jare as “beating drums for” in die joernalistiek bekend gestaan. Dit is eintlik baie meer kru as tjekboek-joernalistiek. Ek hoop die VF gryp die DA hieroor. Ons moet eerder tyd bestee om die wat by ander koerante geplant is, uit te snuffel.

  21. DichterS Avatar
    DichterS

    Dit sal die regte ding wees van die VF om by UNPO te de-registreer as die verteenwoordig van die Afrikaner. Ek kan aan geen meer rede dink hoekom hulle daardie rol moet vervul nie…

  22. Koos Willeboer Avatar
    Koos Willeboer

    Ek wil graag aanneem dat Dr Mulder goeie bedoelings het en die Arikanersaak op sy manier wil dien. Tog klink die “samerwerking” storie vir my tog so baie na die paaipraatjies van die ou Nasionale Party. En dan veral, die “beter bedeling vir die Afrikaner”. Wat kan dit tog beteken? Dr Mulder moet in besonderhede uitspel wat hy met ‘n “beter bedeling” vir Afrikaners bedoel, anders kan ons hom net nie ernstig opneem nie. Myns insiens is die enigste bedeling waarna die Afrikaner kan streef, selfbeskikiking in ‘n eie grondgebied. En verder basta.

    1. OomKosie Avatar
      OomKosie

      Ek is jammer, maar na 20 jaar kan jy mos nie meer sy stories glo nie, sy enigste doel is om genoeg stemme bymekaar te maak vir minstens 1 verteenwoordiger in die parlement, homself.

  23. Rebel Avatar
    Rebel

    Die Vryheidsfront gaan na volgende jaar se verkiesing heeltemal verdwyn, tensy die Afrikaner-jeug voor daardie tyd van regstellende aksie vrygespreek word en die Afrikaanse taal beter beskerming geniet. Tot dusver kon die Vryheidsfront nie veel vermag waarmee ons kan spog nie. Interessant, die Afrikaanse Sondagkoerant het nou wel die nuwe embleem gewys, maar saam met n foto van bejaardes. Ek kan my nogal indink dat hulle liewer die beeld van die DA sal wil bevorder, maar wat kon die DA tot dusver vir die Afrikaner en die Afrikaanse taal doen?! Absoluut NIKS!!!

  24. sjert Avatar
    sjert

    Die VF+ piete kan minstens daarop wys dat hulle ‘n MEETBARE aantal ondersteuners het. Iets waarop meeste ander Afrikaner ‘vegters’ en groepe nie aanspraak kan maak nie.

    Indien samewerking met ander minderheidsgroepe positiewe gevolge vir hul kwynende ondersteuning en vir Afrikaner belange mag inhou…Doe zo voort Piet Mulder en mag julle baie suksesvol wees!

    Die parlementêre slaap-en-praat sirkus het eintlik nog nooit in hierdie land gewerk nie, maar dit bied tog geleentheid aan kleiner partye om ‘n wyer gehoor te bereik.

    Aansluitend hierby is ek oortuig daarvan dat Mulder as adj-min veel meer positiewe resultate bereik het, as wat hy en sy party met ‘n geween en gekners van tande vanuit die minderheidsbanke sou behaal het.

    En nee, ek is nie ‘n VF Plusser nie en het nog nooit my stemreg gebruik nie, omdat ek nie politici se perdedrolle met vye verwar nie.

    1. sjert Avatar
      sjert

      “…veel meer positiewe resultate bereik het,…”
      Moet lees…veel meer positiewe resultate sal bereik, as wat…

      TSK

  25. Isabel van Wyk Avatar
    Isabel van Wyk

    Die kommentaar wat voortspruit na aanleiding van bogenoemde artkel, asook “Bederf eerder stembriewe as om VF Plus te stem!” is,uiters ontstellend. Nie omdat die VF Plus, of die doen of nie doen van Dr Mulder, aangeval word nie, maar juis omdat dit die direkte uitwerking weergee van die indoktrinasie van die die media.

    1. Riempies Avatar
      Riempies

      Isabel ek stem saam met jou – om bloot buite
      stemming te bly gee twee stemme gratis aan die opposisie. Dan is daar nog die
      groep wat DA stem – dit gaan my verstand te bowe. Hierdie blankes moet werklik
      oorgegee het aan hulle eie ondergang waar swartes altyd ten koste van hulle
      bevoordeel sal word en hulle gekapituleer het tot hierdie realiteit van die
      NSA. Dit is om te glo dat om n half onbinde rot is beter as n hele ontbinde rot
      om saam met jou boontjiebredie te kook vir aand ete.

      1. Isabel van Wyk Avatar
        Isabel van Wyk

        Dit is hoe die media met die Afrikaner werk: Die skrywer van die artikel in BUSINESS DAY WAS TOT ONLANGS HOOF VAN DIE DA SE BELEIDS-AFDELING. En ons neem notisie?

  26. jan Avatar
    jan

    Samewerking met ander groeperings is nie die probleem nie – dit is selfs goeie strategiese operasionele denke ja.. Die ongeluk is die samewerking met hul EIE groepe soos Orania en veral die VVK wat reeds die grootste bewysde wettige steun geniet.
    Barney Barnato het hierdie juweel kwytgeraak: ” Mense hierdie is my BEGINSELS – as julle dit nie laaaik nie het ek nog vele meer…!!!”
    Om te hergroepeer is dood dollies maar met WIE word daar hergegroepeer is die kernkwessie. Die kaf of die korrels / ‘overheads or profit’ is die kwessie.
    Iedergeval wens ek hulle alle voorspoed en sukses toe want dis my eie mense.

  27. Isabel van Wyk Avatar
    Isabel van Wyk

    Iemand verwys hier na die “ontleding” wat in Business Day gepubliseer is, en die volgende beaam dit as “ongelukkig die waarheid”. Wat geskryf is, maag harde feite wees, maar wat my stom slaan, is dat niemand ‘n woord rep oor die sogenaamde vergaderings wat plaasvind tussen die DA en Solidariteit nie?
    Die DA word uitgemaak as ANC-LITE! Ten minste is Dr Mulder nie met die “LITE” deurmekaar nie. Nie dat ek ‘n pyn het met Solidariteit nie, maar hulle kuier ook maar rond.
    Die ontleding is ‘n stukkie bedrewe joernalistiek wat gepleeg is om die DA te bevoordeel.

  28. Rebel Avatar
    Rebel

    Ek wil nou n klip in n (gevaarlike!) bos gooi; hoe klink n konfederale-idee rondom taalgebruik vir Praag-lesers? Die Noord-Kaap is oor die 90% Afrikaanssprekend. Dit is n idee wat nasionaal en internasionaal maklik aanvaar sal word. Waaroor ons as Afrikaners wel baie dankbaar en trots kan voel, is die feit dat ons vandag 11 amptelike tale het in SA. As die vorige Engels-georiënteerde regerings aan bewind gebly het, sou ons vandag nie eers meer n taal of tale van ons eie gehad het nie. Kyk na die res van Afrika… en kyk hoe smag die Iere, Walliesers en Skotte na n identiteit van hul eie – selfs na daar bitter min van hul Galliese tale oorgebly het. Ons het in SA nog tyd om die vernietiging van diversiteit te keer voor dit te laat is.

    1. Rebel Avatar
      Rebel

      Skuus, dit moet lees Gaeliese tale, of ook Keltiese tale.

  29. Arnieann Avatar
    Arnieann

    Die VF+ is terug.

  30. OomKosie Avatar
    OomKosie

    Die VF manne het iewers gehoor ons moet meer inklusief wees, toe koop hulle dit “hook, line and sinker”. Wat was hulle mandaat, om vir minderheidsregte te veg of vir Afrikanerselfbeskikking? As blanke Afrikaner het ons in wetklikheid net ‘n paar strategiese opsies om magspolitiek te steun, binne die bestel of buite die bestel. Die kans is baie goed dat swart DA kiesers in getal met die komende verkiesing blanke DA kiesers sal verbygaan. Dit los ons met die VF met sy ‘verlamde eend’ leierskap en beloftes wat in die verlede nie nagekom is nie, en nou ‘n nuwe inklusiewe rigting wil inslaan. Buite die politiek is myns insiens ‘n legio opsies wat ondersoek kan word, maar moontlik is ons nog nie genoeg gestraf met hierdie regering nie en gaan dit nog te goed met ons.

    Die oorwig van getalle sal onafwendbaar binne die volgende twee verkiesings die einde van blankes in die politiek beteken, elke dag wat verder aan politiek binne die stelsel spandeer word is heelwaarskynlik tevergeefs. My vermoede is dat instellings soos Afriforum lankal dit besef het en reeds aanbeweeg het na ‘n nuwe benadering.

    Het ons nog die luuksheid om verdere geloofwaardigheid aan ‘n korrupte en geweldadige staat te gee?

  31. BS Avatar
    BS

    I don’t vote and i sure as hell am not going to vote for a Khoisan party.

  32. Johan van Wyk Avatar
    Johan van Wyk

    Ek is baie jammer vir die lesers van Praag, vir die Boerevolk en vir elke Afrikaner wat hulle vertroue op die klomp leiers van die VF+ gesit het.

    Hiermee weereens sit ek weer my MOSIE VAN WANTROUE in teen die leiers van die Vryheids Front Plus.

    Daar bly twee weke oor voordat hulle dit in ontvangs gaan neem.

  33. Liberal Repellent Avatar
    Liberal Repellent

    Right from the start the FF-minus was created as a dummy (pacifier) for the typical ignorant rugby addicted right wing church going (brain washed) Afrikaner, who always will childishly believe that joining African politics and/or participating in the Apezanian constitutional system will bring forth some good fruits for the future. Bheeeep!! Wrong!! Being part of the Freemasonry movement (including the Afrikanerbond, Solidariteit, Afriforum, ATKV, FAK, Afrikaanse Sakekamer, Rapport Ryers, Erfenis Stigting, Orania beweging, etc…), the FF-minus was also created to serve its purpose, namely to serve Freemasonry and its Universal goals, mainly to mislead and to pacify the Afrikaner people. And proving the church indoctrinated blind sheep they really are, they fell for it… time and again… even untill today.

  34. Matt Heyns Avatar
    Matt Heyns

    Dr Pieter Mulder durf nie op twee stoele sit nie. Wat JZ hier reg gekry het is om die angel van ‘n beduidende Afrikaner stem uit te trek. Daar is ewe skielik nie meer ‘n volkstaat op sy agenda nie. In politics, if you cannot explain yourself in a short, succinct message, you might as well talk to an empty room. Nuwe visie of missie of te not, maar nou word inderdaad gehoor gegee aan Nelson Mandela se versoek om in die meerderheid op te gaan. Wat ‘n verfoeilike daad!

  35. Matt Heyns Avatar
    Matt Heyns

    Solidariteit het die VF+ oorbodig gemaak. Hier is ‘n rede: Solidariteit het ‘n lang lys van hofsake teen die “regstelling” pogings deur die regering. Wat het die VF+ om te wys?

  36. Deon Avatar
    Deon

    Ai Volksgenote, dit is so maklik om die wie dag-en-nag vir ons saak hard werk soos
    Dr Pieter Mulder wie ek 25 jaar ken af te kraak eerder as om te help. Van
    Stadsraadslid, tot Senior KP tot VF+ leier. Sy (hul) posisie en bedingingsmag
    was van die begin af deur ons familie en vriende in die Volksraadverkiesings en
    referendum, en sedertdien (deur weg te bly of DA te stem) elke keer verder
    verswak.
    Dr Mulder is reg – wat die parlementere been van die stryd betref, is ‘n Koalisie van anti-ANCs (buitekring groep) nodig om die ANC te verslaan. ‘n Binnekring van Volke wie Selfbeskikking vereis kan die buitekring versterk, met Afrikanerrepublikeine (kantonne en voorkeurgebied/e) as kern van die strategie.

    Ons het al die organisasies se hulp nodig – met hulle verskillende fokusse.

    Van voorkeurgebiedaanwysing, Volksraad, dorpstigting, selfverdediging,
    burgerlike regte vegters tot wetgewende (parlementere) bewakers (so ver as hul
    kan). Ons moet minder simplisties dink sodat ons vyande nie altyd weet hoe om
    ons te neutraliseer nie. Kyk na die jode – van die VSA beheer, tot beheer
    uitoefen in die midde-ooste, olie-beheer, wereld finansies tot volkstaat-verkryging en
    behoud!

    1. sjert Avatar
      sjert

      Is inderdaad tragies dat Mulder en julle Party vanuit Afrikaner geledere so veroordeel word.

  37. Matt Heyns Avatar
    Matt Heyns

    Niks anders as VF+ retoriek nie!

  38. Deon Avatar
    Deon

    Matt Heyns, ek is nie ‘n VF+ lid nie maar waardeer al die bydraes van bouers aan die vrywordingsproses. Jy darenteen blyk ‘n verdeler en ‘agent’ van ons vyande te wees? Is daardie werksdrag van die vloot op jou foto? Het jy saam met Kommodoor Dieter die Russiese spioen in Simonstad gewerk en/of familie van Prof Heyns met sy anti-volk geskiedenis? Of messelaar?

    1. Riempies Avatar
      Riempies

      Deon – Matt is is Praag se amptelike informele settelaar wat soos n vlieende jig van tyd tot tyd enige plek uitslaan – en neewat hy hoogstens soms ongeriefik – nie gevaarlik nie.

      1. Deon Avatar
        Deon

        Dankie Riempies

  39. Matt Heyns Avatar
    Matt Heyns

    Gisteraand was ek in vergadering, oor braaivleisvuur, met
    vooraanstaande lede van die Suider-Paarl en wie ook kontak het met
    vooraanstaande / prominente uiters belangrike besigheidslui in die Wes-Kaap, tydens
    ons onlangse jagseisoen.

    Ons het die volgende vrae tussen
    ons gebesig:

    In Me
    Zille se jongste SATODAY’s, kom sy oor as te wees “ magteloos” teenoor sogenaamde beweerde
    magte in Suid- Afrika – Wes- Kaap? [Niemand
    wil na haar luister nie?];

    Het sy die
    regte Veiligheids personeel in diens?;

    Regsadviseurs
    wat haar na behore kan adviseer oor watter pad te loop wanneer die
    Wes-Kaap blootgestel word aan Terroristiese aktiwiteite?; en

    Daar onse
    DA lede, op vele vlakke, in onse Parlement en van ons Wetgewende gesag
    verteenwoordig is en sitting het, waarom is onse Da Party nie op
    hoogte van onse Wet 33 van 2004, in die aanspreek van ons huidige,
    vroeër vanjaar se De Doorns onluste en onse “ Feses Strooiers”
    nie?

    Ek haal vir u aan, ʼn opmerking van
    ons land se sentrale, belastingbetalers vereniging, se korrespondensie
    gister aan my:

    “Dit is eintlik skokkend dat privaat indiwidue nou aan
    die persone in beheer moet voorsê hoe om op te tree……”

    Ten opsigte van my hierby aangehegde vrae, verneem ek
    graag van u.

Leave a Reply

More posts