‘n Vermeende baasbrein agter renosterstropery is in ‘n klein dorpie naby die Kruger-wildtuin in hegtenis geneem.
Volgens SANparke was dié “waardevolle” arrestasie die gevolg van ‘n uitgebreide ondersoek deur ‘n spesiale polisie-eenheid.
Die man is by Cork Trust-village in hegtenis geneem.
Volgens ‘n woordvoerder van SANparke, Ike Phaahla, “word daar vermoed dat die persoon deel van ‘n groep stropers is wat in die Krugerwildtuin en ander reservate in die omgewing bedrywig is.”
Polisie het beslag gelê op dele van wat glo ‘n renosterkarkas is, asook ‘n SANparke-veldwagter-uniform, jagtoerusting, vuurwapens en ammunisie.
In ‘n ander voorval is drie vermeende stropers in hegtenis geneem ná ‘n skietery tussen wildbewaarders en stropers in die Malelane-omgewing van die park.
Een van die vermeende stropers is gewond. Die polisie het beslag gelê op wapens en toerusting. – Sapa
Die Franse Senaat het ‘n voorstel goedgekeur om skoondheidskompetisies vir meisies jonger as 16 jaar te verbied.
Die voorstel is Dinsdag deur 146 wetgewers gesteun. Slegs een senaatslid het daarteen gestem
Dié wetsontwerp volg na omstredenheid oor modefoto’s van ‘n 10-jarige Franse meisie wat in Desember 2010 in die Vogue-tydskrif verskyn het.
Die meisie, Thylane Loubry Blondeau, en twee ander, was uitgedos in stywe rokkies, hoë hakke, duur juweliersware en swaar gegrimeer.
Vogue het destyds die foto’s verdedig en gesê dit is bloot ‘n uitbeelding van die meeste jong meisies se fantasieë – om soos hul ma’s aan te trek.
Blondeau se ma, ‘n ontwerper wat voorheen ‘n aktrise was, het verder verontwaardiging veroorsaak deur op haar blog te skryf dat haar “dogter nie naak is nie; moet tog nie alles so uit verband ruk nie.”
Die Vogue-foto’s is nie net in Frankryk nie, maar wêreldwyd gekritiseer. – AFP
Een van die eerste mans wat kragtens Frankryk se nuwe wet op gay-huwelike getroud is, is Woensdag gevangenisstraf opgelê nadat hy sy maat aangerand het enkele ure nadat die paartjie getroud is.
Die polisie in die Franse stad Alencon sê hulle het die 22-jarige man Sondag in die vroeë oggendure by die homoseksuele paar se huis in hegtenis geneem.
Die man se lewensmaat het getuig dat hy met die kop gestamp is en herhaaldelik geslaan terwyl hy op die grond gelê het, ná ‘n drinksessie wat deur ‘n rusie oor die twee se skoonma’s veroorsaak is.
Die man, het glo ook twee polisiebeamptes aangerand en beseer. Die aangeklaagde het Maandag in ‘n hof verskyn.
Ten spyte van sy pleidooie vir ‘n ligte straf vir sy lewensmaat is die man tronkstraf van twee jaar opgelê waarvan ses maande opgeskort is.
‘n Wet wat aan gays die reg gee om te trou en kinders aan te neem het in Mei in Frankryk in werking getree. – AFP
Die situasie in Bekkersdal aan Gauteng se Wes-Rand is gespanne nadat die polisie van rubberkoeëls gebruik moes maak om meer as ‘n duisend klipgooiers uiteen te jaag.
Die oproermakers wou ‘n griefskrif met eise vir beter dienslewering aan Westonaria se munisipaliteit oorhandig. Hulle eis dat die raadslede bedank.
Die skare mense het aanvanklik uiteen gegaan, maar daarna weer vergader om na die munisipale kantore te loop.
‘n Polisievoertuig is onder meer met klippe bestook en gemeenskapleiers vergader met die polisie om ‘n ooreenkoms te bereik om toe te laat dat die optog na die munisipale kantore voortgaan.
Oproermakers is vroeër in hegtenis geneem nadat geweld Dinsdagnag in die gebied uitgebreek het.
Agttien mense isgearresteer toe sommigeinwoners ander gedwing het omaan te sluitbydieoproer, het konstEvelynMatabanegesê.
Elf isin hegtenis geneem viropenbare gewelden sewe vir buitelanders se winkels wat hulle geplunder het. – Sapa
‘n Oud-onderwyser uit die Vrystaat,een van‘n paarmans wat daarvan beskuldigword dat hulle ‘n deelvan ‘n kinderpornosindikaat is, hetWoensdagindieBloemfonteinse landdroshofverskyn.
Die saak teen diemanis uitgestelvir verdere ondersoektot28 Oktober.
InAugustus het talle mans waaronder ‘n afgetredeskoolhoof,verskyninverskeie Suid-Afrikaansehowe.
Die polisie het op‘nwenk vanInterpolop 15 Augustusgereageer toe dieses mansinvier provinsiesvir die besit vankinderpornografie vasgevat is.Hulleis in hegtenis geneeminLichtenburg, Potchefstroom,Bloemfontein,Witrivier,Douglasdale,enFlorida.
‘n Prokureur,‘n dermatoloog,en ‘n sakemanis van dieses.Almal wordverdink van betrokkenheid by‘n internasionalekinderpornografie-sindikaat,het die polisie vroeër gesê.
Die polisie ondersoek ook of diesesbetrokke wasin die verspreidingen vervaardiging vankinderpornografie,en indien hullegekoppel is aan‘n internasionalesindikaat.
Ditisdie saak het skakels naKanada,die VerenigdeKoninkryk,die VerenigdeState van Amerika, Wes-Europa,en Australasië. – Sapa
Afrikaners en selfs Suid-Afrikaners kan daarvoor vergewe word dat hulle nie op hoogte is van die jongste internasionale kunswerk waarby een van hul landgenote betrokke is nie.
Nie baie mense ken die naam Steven Cohen nie, en met nadere kennismaking sal hulle waarskynlik ook nie lus voel om meer te wete te kom nie.
Cohen het dié week die internasionale nuus gehaal met sy kunswerk in Parys waar hy nakend, behalwe vir ‘n korset en ‘n paar vere, ‘n hoenderhaan aan sy ontblote geslagsdeel vasgemaak het op die Place du Trocadéro by die Eiffeltoring in Parys, Frankryk.
Franse, sowel as toeriste, moes tien minute lank sy kuns gadeslaan voordat die polisie opgedaag het om Cohen in hegtenis te neem. Hy is vir 10 ure aangehou, ondervra en psigiatries geëvalueer.
Cohen se regsverteenwoordiger Agnès Tricoire het aan die koerant, Le Parisien, gesê dis ‘n “skande dat Frankryk kunstenaars uit Suid-Afrika in die tronk smyt”.
Cohen het heel in sy noppies geklink toe hy aan die Sunday Times verduidelik het dat die klag teen hom ernstig is en op dieselfde vlak as kindermolestering asook ‘n belediging van Franse nasionale trots weens die simboliese gebruik van ‘n hoenderhaan.
Cohen se kunswerk is deur ‘n stigting, La Maison Rouge, befonds. Hy is glo woedend dat hy nie deur Suid-Afrikaners ondersteun word nie weens “magspolitiek”. Dit is nie duidelik of Cohen die term begryp nie.
Hy sê hy is wit, Joods en homoseksueel en het voorheen Suid-Afrikaners vervreem met sy kuns. Blykbaar het hy pas dieselfde gedoen in Frankryk, te oordeel aan die manier waarop die owerhede sy kunswerk behandel het.
Mevrou Tricoire het hom van ‘n tronksel gered, nadat sy vertoë aan die ministerie van kultuur gerig het om hom vry te laat tot sy verskyning op 16 Desember.
Die polisie moes ingryp na ‘n ongelukkigheid by die Rooihuiskraalse stortingsterrein.
Die metropolisie het Saterdagmiddag by die stortingsterrein in Rooihuiskraal die situasie onder beheer probeer dwing.
Die ingang tot die terrein is afgesper en geen voertuig word mee toegelaat nie.
Die metropolisie het die terrein offisieël as gesluit verklaar.
Persone wat tuinvullis wil verwyder word na stortingsterreine in Krugerlaan en Attridgeville verwys.
Talle mense het vroeër vandag in toue buite die terrein gestaan om hul vullis daar te stort.
Die vullis in die terrein het in een dag verdubbel en dit het veroorsaak dat daar nie spasie is vir die houers wat daar moet staan nie.
Diegene wat hul tuinvullis Saterdag by die Rooihuiskraal stortingsterrein wou aflaai is deur munisipale werkers weggewys.
“Dit is ‘n groot gemors. Die mense word geïntimideer,” het Steven Claasen gesê nadat hy probeer het om sy vullis te stort.
Die werkers het glo instruksies vanaf die Tshwane-metro ontvang om mense weg te wys.
Vullis is in die pad gegooi en die ingang is toegesper met boomstompe. Die wat dit wel waag om in die terrein te stort, word gedreig.
Foto’s van motors se registrasienommers word ook geneem, ook glo op die opdrag van die munisipaliteit.
Die rede waarom die terrein gesluit is, is onbekend.
Die werkers het egter aan Rekord vertel dat die voertuie buitewerking is en daarom is die vullis nie verwyder nie.
Dit het veroorsaak dat die gemors by die stortingsterrein opgehoop het en dit nou te vol is.
Inwoners voel egter dat hulle vir hierdie dienste betaal en dring daarop aan om dit te gebruik.
“Dis hulle reg om te staak, maar hulle kan ons nie dwing om iewers anders te stort nie,” het Ben Kriegler gese.
‘n Man en sy werkers is Vrydagmiddag by ‘n stortingsterrein in Rooihuiskraal met ‘n vuurwapen gedreig toe hulle tuinvullis daar wou weggooi.
‘n Werkgewer en sy werkers is deur die sekuriteit by die stortingsterrein weggewys en ‘n sekuriteitswag het sy hand op sy pistool gesit en gedreig om hulle te skiet indien hulle hul vullis daar sou stort.
Volgens die wit man het die werkers by die terrein hulle ingelig dat die trokdrywers van Tshwane Metro besig is om te staak en daarom is die stortingsterrein gesluit.
Hy het gesê dat hy vroeër in die week ook probleme ervaar het om sy vullis daar te stort, maar was nog nooit gedreig nie.
“Ek werk al vir 13 jaar saam met hierdie mense, maar nou dreig hulle ons sommer,” het hy gesê.
Hy is geskok dat so iets by ‘n plek so eenvoudig soos ‘n stortingsterrein kan gebeur. – looklocal.co.za
Goeie nuus vir Suid-Afrikaanse selfoongebruikers is dat die staat besig is met stappe wat daartoe kan lei dat selfoontariewe in die afsienbare toekoms kan daal, sê adv. Anton Alberts, die Vryheidsfront Plus se parlementêre woordvoerder oor kommunikasie.
Adv. Alberts het in ‘n geskrewe vraag aan die minister van kommunikasie gevra of sy sal toesien dat hoë selfoontariewe verlaag gaan word.
Die minister het geantwoord dat die department van kommunikasie besig is met ‘n ‘aantal beleidsingrypings’ om toe te sien dat tariewe afgebring word.
Luidens die antwoord werk die department nou saam met die Onafhanklike Kommunikasie-owerheid (Okosa) wat tans omvattende marknavorsing doen om vas te stel of regulasies wat in 2010 ingestel is, die gewenste uitwerking gehad het.
Okosa het hom onlangs ook sterk uitgespreek teen die hoë kostes en het gesê selfoongebruikers word ‘uitgebuit’.
Die minister se antwoord lui voorts dat ‘n stelsel op die been gebring word waardeur inligting rondom alle diensverskaffers se tariewe gemonitor en ontleed word sodat daar ‘betyds ingegryp kan word’ om probleme in die selfoonmark te behandel.
Navorsing word ook gedoen om ‘ingeligte besluite oor beleidsingrypings’ te kan doen wat mededinging tussen netwerke sal stimuleer by alle vorme van elektroniese kommunikasie om tariewe te verminder.
Daar gaan ook in gesprek getree word met al die diensverskaffers en belanghebbendes in die selfoonbedryf rondom die kostestruktuur van die bedryf, lui die antwoord.
Adv. Alberts sê die nuus is verblydend, maar dat die staat te lank gesloer het om daadwerklik op te tree.
“Die VF Plus is nogtans bly dat die minister daadwerklike stappe neem om selfoontariewe af te bring en ons hoop die studies sal binnekort klaar wees sodat verdere stappe geneem kan word om monopolieë in die bedryf te breek,” sê adv. Alberts.
Suid-Afrika se selfoonkostes is van die hoogste in die wêreld. Uit 140 wêreldlande, betaal verbruikers in net 23 lande meer as in Suid-Afrika om ‘n oproep te maak. Uit 34 Afrikalande betaal Suid-Afrikaners op drie na die hoogste tariewe.
Die sekretaris-generaal van die ANC, Gwede Mantashe, sê die ANC is gereed om vandag se tussenverkiesings in die Tlokwe-munisipaliteit in Portchefstroom in Noordwes te wen.
Hy het gepraat nadat die Kieshof in Bloemfontein ses van die nege tussenverkiesings wat vandag gehou moes word, op die nippertjie uitgestel het.
Die ses tussenverkiesings is uitgestel nadat die hof ten gunste van gediskwalifiseerde kandidate beslis het.
Hulle het die Onafhanklike Verkiesingskommissie voor die hof gedaag nadat hulle nominasies om as onafhanklike kandidate te staan, deur die OVK afgewys is.
Mantashe sê die party sal nou op wyke 6, 18 en 26 konsentreer om te verseker dat die ANC dié wyke wen.
Twee munispale tussenverkiesings word ook vandag in die Wes-Kaap gehou.
Wyke in die Drakenstein-munisipaliteit in die Paarl en Mosselbaai sal betwis word. In Mosselbaai word wyk 8 deur die DA, ANC en ‘n onafhanklike kandidaat betwis, nadat die lidmaatskap van die DA-raadslid deur die party be-eindig is.
In die Paarl is die ANC-raadslid geskors en word wyk ses deur die DA, die ANC en ‘n onafhanklike kandidaat betwis. – RSG
Drie swart mans wat daarvan beskuldig word dat hulle ’n 13-jarige meisie en ’n 50-jarige man verlede jaar in Muldersdrift vermoor het, het skuldig gepleit.
Die drie het ook skuldig gepleit op ’n reeks ander misdade, het The Star berig.
Alfred Zwane (27), Samson Mandlezi (23) en Manir Lubisi (27) het Maandag in die Suid-Gautengse hooggeregshof skuldig gepleit op nege van die tien aanklagte teen hulle.
Die drie het skuldig gepleit op aanklag van die moord op die 13-jarige Alyssa Botha op 5 September verlede jaar en ook op die moord op André Jordaan (50) op 13 September.
Alyssa is ten aanskoue van haar 17-jarige suster Meghan doodgeskiet en hul pa, Anton, is in die aanval gewond.
Die mans het ook skuldig gepleit op aanklagte van roof, diefstal, poging tot moord, aanranding en inbraak.
In elk van die aanvalle het die mans hul slagoffers oorval terwyl hulle by die huis was, of net by die huis aangekom het.
Zwane, Mandlezi en Lubisi is op 14 September in hegtenis geneem.
‘n Vermeende baasbrein agter renosterstropery is in ‘n klein dorpie naby die Kruger-wildtuin in hegtenis geneem. 
