Die Franse Senaat het ‘n voorstel goedgekeur om skoondheidskompetisies vir meisies jonger as 16 jaar te verbied.
Die voorstel is Dinsdag deur 146 wetgewers gesteun. Slegs een senaatslid het daarteen gestem
Dié wetsontwerp volg na omstredenheid oor modefoto’s van ‘n 10-jarige Franse meisie wat in Desember 2010 in die Vogue-tydskrif verskyn het.
Die meisie, Thylane Loubry Blondeau, en twee ander, was uitgedos in stywe rokkies, hoë hakke, duur juweliersware en swaar gegrimeer.
Vogue het destyds die foto’s verdedig en gesê dit is bloot ‘n uitbeelding van die meeste jong meisies se fantasieë – om soos hul ma’s aan te trek.
Blondeau se ma, ‘n ontwerper wat voorheen ‘n aktrise was, het verder verontwaardiging veroorsaak deur op haar blog te skryf dat haar “dogter nie naak is nie; moet tog nie alles so uit verband ruk nie.”
Die Vogue-foto’s is nie net in Frankryk nie, maar wêreldwyd gekritiseer. – AFP
Ek stem saam … laat kinders toe om kinders te wees. Dis dikwels die ouers se skuld dat kinders vroeg-ryp-vroeg-vrot is !
Trip realiteit is dat hierdie kinders vrot is voor hulle ryp is. Tragies.
Ten minste het dit ‘n uitbarsting tot gevolg gehad, en tereg so. Dit lyk my alles is darem nog nie verlore nie, daar is nog mense wat omgee.
Ek stem heelhartig saam want die modellewe is ‘n harde en mededingende beroep. Wie heel anderkant uitkom is min.
Dit is net ‘n gejaag na geld, bekendheid en roem, ten koste van kinders. Skandelik, sulke ouers moet vervolg word.
Hulle kan dit gerus in SA ook onwettig maak, hoor eendag ma van klein dogtertjie se vir vriendin oor haar sesjarige dogtertjie, what a sex appeal het my ou dogtertjie tog nie. Genoeg om van naar te raak. Ek kan maar net se comin mev. Comin.
Ja ek stem, dit is siek. Doen die kinders se naels, kleur hulle hare en sit vir hul grimering aan. Wat het geword van popspeel en buite rondhardloop? Lyk my daai dae is verby.
Dankie tog, die girls in Parris bad nie te gereeld nie……….. en meeste dra nou Burkhas
Maar hier in SA deel ons kondome op laerskoolvlak uit? Ongelooflik baie gemengde boodskappe wat daagliks uitgestuur word, g’n wonder ons volgende generasie is so deurmekaar nie. Hulle is werklik die “dit’s”. Geen morele standard nie, geen voorbeeld om te volg nie. Kyk maar wat se gemors ons op tv te sien kry!