Kategorie: Nuus

Help ons om praag op te gradeer!

Beste praag-leser,

Vanoggend het die webblad nie minder as drie keer nie onbeskikbaar geraak. Die eerste twee kere rondom vyfuur vanoggend was daar geheueprobleme en die derde keer het ‘n lêer in die databasis korrup geraak, moontlik weens oorverhitting.

Gelukkig kon ons dit telkens gou genoeg herstel. Die derde keer was ‘n groter tegniese uitdaging wat ons darem binne ‘n halfuur of so te bowe kon kom. Maar dit vermors kosbare tyd en energie.

Daarom het ons nou tot die stap oorgegaan om binne die volgende paar dae na ‘n nuwe, groter en sterker bediener te verskuif. Met splinternuwe programmatuur sal alles vinniger én veiliger werk. Om alles op te stel, asook al die data vir ongeveer 20 000 artikels in ‘n oorsese land van een rekenaar na ‘n ander oor te kopieer, is egter ‘n delikate oefening wat ons tot laatnag gaan besig hou. Ons begin van nuuts af aan met ‘n leë hardeskyf!

Die nuwe bediener sal ons in staat om soveel meer vir al ons lesers en ondersteuners te kan doen, met allerlei nuwe voordele en toegang tot inligting en vermaak.

Met die hoofstroommedia wat toenemend polities korrek en onder invloed van die ANC en die Suid-Afrikaanse Kommunisteparty staan, is praag vir ons almal ‘n onontbeerlike bron van inligting, menings en debat. Ons vermoed dat ‘n groot deel van die Suid-Afrikaanse media sedert 1994 deur binne- en buitelandse inligtingsdienste geïnfiltreer is; oor die afgelope paar dae was dit byna komies om te sien hoe hulle die amptelike Britse en Amerikaanse regeringsinligting en teeninligting oor Israel en die Oekraïne-tragedie klakkeloos weergee! Drie senior intelligensie-amptenare van die VSA-regering het vandeesweek presies dieselfde terme gebruik as wat in Beeld en Die Burger staan. Dis sekerlik nie toevallig nie.

Die hoofstroommedia in ons land het openlike propagandaspuite vir die ANC en die oorlugsugtige Anglo-Amerikaanse wêreldryk geword. Dit word nie eens meer weggesteek nie. Paul Craig Roberts verwys na die BBC as die British Brainwashing Corporation, maar hy het nog nie die media in óns land gesien nie!

Daarenteen, vergelyk die twee praag-blaaie met die beste van die internetmedia in oorsese lande wat die waarheid uitsnuffel en boekstaaf. Ons Engelse blad word ook wyd in Europa en in die VSA gelees. Ons stelsel is so aanpasbaar dat ons enigiets kan aanbied, van teks en foto’s tot klank/potgooie en video. Dit laai besonder maklik en vinnig op selfone en tablette ook af, selfs op verafgeleë dele van die platteland. Spoed is vir ons belangrik, vandaar die eenvoud en minder foto’s wat ons deesdae plaas.

Disqus stel lesers in staat om self deel te neem en inligting, asook skakels, foto’s en video’s te plaas. Geen van die hoofstroomblaaie se kommentaarafdelings laat soveel vryheid met skakels, beelde en video op Disqus toe nie.

Dus, as u nie reeds ‘n maandelikse debietorder uitgeneem het om ons te ondersteun nie, maak gerus nou so. Help ons om in dié see van vyandelike propaganda ‘n vlammetjie van hoop brandend te hou. Dit mag selfs lewens red, want as daar volle beheer oor inligting in ons land heers, sal ons eenvoudig een vir een uitgewis kan word sonder dat ‘n haan ooit daaroor sal kraai. Almal weet dat die SA revolusie nou eers ná 20 jaar op dreef begin kom, net soos in Zimbabwe vanaf 2000 gebeur het.

Neem ‘n oomblik en vul die vormpie hier in. As u enige vrae of voorstelle het, kontak ons by inlig[by]praag.org. As u nie tyd het nie, stuur in elk geval vir ons ‘n e-pos en ons sal ‘n plan maak om die inligting per e-pos of selfs telefonies by u te bekom.

Dr. Dan Roodt
Eindredakteur

Minister sê swart en blanke skole mág maar saamsmelt

Die ANC se plan om die oorblywende staatskole met ‘n meerderheid blanke kinders en wat gewoonlik in Afrikaans bedryf word, te saboteer, het ‘n stap nader gekom toe die minister van basiese onderwys gister gesê het dat die provinsies oor sulke magte beskik.

Volgens Angie Motshekga, die betrokke minister, “het provinsies die mandaat om hul eie provinsies en dus hul eie skole na goeddunke te bestuur, as gevolg van die skeiding van magte”.

Die LUR vir onderwys in Gauteng, die provinsie waarin die meeste Afrikaners en blankes woon, het voorheen verklaar dat hy skole in die voorstede en in die lokasies wil saamsmelt om “beter integrasie” te bewerkstellig.

Die LUR,  Panyaza Lesufi, beskik reeds oor ‘n “tegniese span” wat hom gaan adviseer oor hoe beter “maatskaplike kohesie” bereik kan word deur voorstedelike leerlinge en onderwysers te dwing om met lokasieskole te integreer.

Terwyl Suid-Afrika sedert 1994 omtrent alle Amerikaanse metodes van rasse-integrasie toegepas het, is “bussing” of om leerlinge van verskillende rasse met busse aan te ry om saam skool te gaan, nog nie toegepas nie. Dit wil nou voorkom asof die Gautengse LUR vir onderwys tot dié stap sal oorgaan.

Deel van die plan is om die “hulpbronne” van voormalige, Afrikaanstalige model-C-skole, wat gewoonlik deur die ouers onderhou word, nou deur lokasieskole te laat “benut”.

Die Amerikaanse meningsvormer en voormalige redakteur van die Wall Street Journal, Paul Craig Roberts, het onlangs in sy kommentaar oor die krisis in die Oekraïne en die VSA se rol daarin, gesê:

“As ons eerlik is en oor die moed beskik om die werklikheid in die oë te kyk, sal ons besef dat die Sowjetunie nie in duie gestort het nie. Dit het eenvoudig, tesame met Pol Pot, Washington en Londen toe getrek.”

Die vorige minister van onderwys, Kader Asmal, het reeds deur dieselfde metodes van Sowjetagtige sosiogeniëring die Afrikaanse universiteite verengels en ontwrig. Afrikaanse skole gaan blykbaar nou aan dieselfde verengelsing en aftakeling blootgestel word, ter wille van die revolusie.

Blykbaar het sulke planne in die Wes- en Oos-Kaap egter nie so goed gewerk nie en is “baie probleme” met die uitvoering daarvan ondervind, het minister Motshekga gesê.Maar indien Gauteng met sy samesmeltingsplan wil voortgaan, sal die nasionale departement van onderwys egter ‘n “eenheid” daarstel om provinsiale departemente met samesmeltings by te staan.

ANC bespreek glo Afrikaner-onafhanklikheid om litigasie te vermy

Die regering het bevestig hy sal voor die einde van Augustus met die Boere Afrikaner Volksraad vergader, het RSG berig.

Dit volg nadat die Volksraad gister aangekondig het dat samesprekings onder andere met president Jacob Zuma en sy adjunk, Cyril Ramaphosa oor self-beskikking gehou sal word.

Die groep wil onafhanklikheid van Suid-Afrika hê en ‘n staat vestig waar Afrikaners hulle kultuur en taal kan uitleef.

Die presidensiële woordvoerder, Mac Maharaj sê die regering is altyd bereid om met verskillende belangegroepe in gesprek te tree.

Maharaj sê die kwessie duik gereeld op en die regering is bereid om dit te bespreek om sodoende litigasie te vermy.

UV-rektor se mede-skollie uit

Die Universiteit van die Vrystaat se wit studentedekaan vir transformasie moet sy pos ontruim nadat hy klaarblyklik nie daarin geslaag het om die rektor se swart agenda deur te voer nie.

Dit is bevestig deur Lacea Loader, UV-woordvoerder.

Loader het egter ontken dat die besluit verband hou met Buys se planne om “fundamentele en volledige transformasie” oftewel verswarting van die Kovsie-kampus onder aanvoering van die rektor Jonathan Jansen deur te voer.

Buys het op gebruiklike wyse naakte Boerehaat ingespan om die inwoners van die JBM Hertzog-manskoshuis tot sy “kulturele hernuwingsproses”, te bekeer.

Groot ongelukkigheid heers onder studente en alumni van dié universiteit daaroor.

Klaarblyklik het Jansen se plan om soos gewoonlik ‘n witte te gebruik vir sy verswartingsprojek, nou gesneuwel.

Gedenkwaardighede, onder meer persoonlike items wat aan die Boere-generaal JBM Hertzog behoort het, is uit die koshuis verwyder as deel van Jansen en Buys se kultuurslopingprojek teen Afrikaners.

Die voormalige voorsitter van die Kovsie-alumni-trust en oud-inwoner van JBM, wat homself as “pro-transformasie” beskryf, se oë het blykbaar nou effens oopgegaan nadat die ANC-aanslag nader tuis beweeg het.

Jonathan Jansen, die rektor en aanstigter, wat openlik teen wit Afrikaners agiteer, het voorheen die “proses van hernuwing” verdedig, maar dit lyk asof Buys se dae getel is en Jansen van hom ontslae geraak het om sy verleentheid te verberg na heftige teenstand.

Jansen het oudergewoonte die ontstoke betrokkenes tot leuenaars verklaar en ontken dat gedenkwaardighede uit die koshuis verwyder is. Hy het gesê die naamsverandering van die koshuis “is deel is van ’n konsultasieproses”.

Rapport het egter ’n opname bekom van die toespraak wat Buys op 19 Februarie by JBM gemaak het. Hieruit is dit duidelik dat die studente­dekaan onder aanvoering van Jansen, verklaar dat die sogenaamde “konsultasieproses” pure oëverblindery is.

Buys, ‘n NG-predikant wat deurgaans altyd Engels praat, het voor studente verklaar: “Ek wil dit duidelik stel: Hierdie koshuis sál verander. In elke opsig. Die naam van die koshuis sal verander. Die museum (in die voorportaal van die koshuis) met materiaal wat aan JBM Hertzog behoort het, sal verwyder word.

“Ek wil dit duidelik maak, of julle saamstem of nie, die goed moet dié jaar verander. Vanjaar is die jaar wat hierdie koshuis fundamenteel en volledig verander.”

Daar is groot ongelukkigheid oor die bestuurstyl van die Kleurlingrektor, wie se termyn pas verleng is: “Wanneer hy met ons op vergaderings praat, klink hy erger as ’n diktator. Hy praat soos ’n skoolhoof wat met laerskoolkinders praat, behalwe dat ’n laerskoolhoof nie sal vloek voor sy leerlinge nie.”

Vlaminge wat van Jansen se optredes voor ‘n buitelandse gehoor bygewoon het, het voorheen aan Praag gesê gehore was ook geskok deur die man se gebrek aan opvoeding, verwysings na seks met jong vroulike studente en onbeheersde gekruide taal.

Jansen het reeds in sy talle Beeld-opiniestukke sy minderwaardigheid met giftige anti-Afrikaanse en anti-wit ywer verklaar. Dit manifesteer voorts in sy skollie-gedrag en ongeskunstelde maniere.

Studente sê hul rektor se gereelde gebruik van die woorde “fok” en “my God” in die openbaar gee veral aanstoot.

Liggame van Maleisiese vliegramp na Nederland

Die liggame van die slagoffers van die Maleisiese vliegramp sal vandag per vliegtuig na Nederland geneem word.

Die land, wat 193 burgers verloor het toe die vliegtuig in die Oekraïne afgeskiet is, se vlae sal halfmas hang.

Die Amerikaanse intelligensiegemeenskap het intussen erken dat hulle geen getuienis het dat Rusland direk betrokke is by die vliegtuigramp nie.

Drie senior inligtingsamptenare het die media Dinsdag in Washington op voorwaarde van anonimiteit toegespreek.

Hulle glo dat die vliegtuig per ongeluk deur Russies-gesinde separatiste geteiken is, maar geen nuwe getuienis vir hul jongste “scenario” aangebied nie.

Marie Harf, woordvoerder, sê hulle het nog nie “al die feite nie”.

Die intelligensiebronne het gesê dat hulle oor geen inligting beskik dat Russe teenwoordig was of opleiding verskaf het nie.

‘n Senior amptenaar het gesê die mees waarskynlike verklaring is dat die daders nie die nodige opleiding gehad het om die missielstelsel te kan gebruik nie.

Hulle het bygevoeg dat dit hoogs onwaarskynlik is dat die daders ooit uitgewys sal word.

Die amptenare het geweier om meer besonderhede oor die satelliete en ander gesofistikeerde sensors te gee wat hulle in staat gestel het om die missiel op te spoor.

Russiese amptenare het enkele dae gelede baie spesifieke tegniese data vrygestel in die openbare domein wat tot opheldering van die oorsake kan lei.

Die Amerikaanse inligtingsdiens het nie daarop gereageer nie en herhaal dat hulle YouTube en sosiale media gebruik en afleidings maak om tot hul gevolgtrekking te kom.

Van die beskikbare oopbroninligting is reeds uitgewys as vervalsings deur kenners.

Die twee vlugopnemers van die vliegtuig is intussen aan Nederlandse kundiges oorhandig, wat die ondersoek na die voorval lei.

Dit sal na Farnborough in Brittanje gestuur word waar die gestoorde data afgelaai sal word.

Die hoof van die Nederlandse forensiese span in die Oekraïene sê die trein wat vroeër in Kharkof aangekom het, vervoer 200 liggame van die vliegramp van die Maleisiese Lugdiens asook liggaamsdele.

Dit is minder as die liggame wat deur die selfverdedigingseenhede vermeld is. Vroeër is aangedui dat daar was 282 liggame is.

Die span het in die dorp gesê hulle sal na die ongelukstoneel moet terugkeer vir verdere ondersoek.

Toe die vliegtuig verlede week neergestort het, was daar na bewering 298 mense aan boord. Die meeste was van Nederland.

Die plan is dat die liggame van Kharkof af na die Nederlandse stad Eindhoven gevlieg sal word.

‘Afrikaanse universiteite bestaan nie meer’ – Blade Nzimande

Die minister van hoër onderwys en sekretarisgeneraal van die SA Kommunisteparty, Blade Nzimande, het gister gesê dat daar “nie meer iets soos Afrikaanse- of Zoeloe- of Tswana-universiteite bestaan nie”.

Hy het dié opmerking tydens sy begrotingsrede oor hoër onderwys gemaak. Verder het hy uitgevaar teen “netelige kwessies soos rassisme (waaronder die Noordwes-Universiteit), asook diskriminasie wat op geslag, MIV-status, Vigs of klas gegrond is”. Sy departement het ook ‘n “maatskaplike insluitingsbeleid” aangekondig waardeur sulke kwessies “gekonfronteer” gaan word.

Die departement van hoër onderwys wil die aantal studente van die huidige 953 373 tot 1,1 miljoen in 2019 uitbrei. Teen 2030 word beplan dat daar 1,6 miljoen studente sal wees.

 

ATKV, SAUK verbind tot samewerking vir alle tale

Die SAUK en die Afrikaanse Taal- en Kultuurvereniging, die ATKV, het hulle daartoe verbind om saam te werk om te verseker dat die belange van alle tale waaronder ook Afrikaanse “op en van die lug af goed verteenwoordig word”.

Die twee partye het vergader om die ATKV se kommer oor Afrikaanse programme te bespreek, insluitende die verskuiwing van die Afrikaanse nuus van SABC2 na SABC3, het RSG berig.

Die openbare uitsaaier sê die kwessie van taal is nie net beperk tot Afrikaans nie, omdat hy altyd daarna streef om te verseker dat “al die amptelike tale goed verteenwoordig is op al sy platforms”.

Tien lande skort vlugte na Israel op weens konflik-risiko

Die Israeliese weermag se verbete aanslag op die Palestynse het gelei tot ‘n massa-opskorting van internasionale vlugte na Tel Aviv.

Dinsdag het vyandelikhede in die Gasatrook verdiep en die onstabiele situasie het uitgebrei om die internasionale lughawe Ben Gurion.

As gevolg hiervan, het 15 maatskappye uit 10 lande dadelik alle vlugte na Israel opgeskort. Internasionale lugvaartpassasiers vrees ‘n herhaling van die mees onlangse lugramp van vlug MH17 in die Oekraïne.

Die stap is geneem na die Europese Agentskap vir Lugvaartveiligheid waarskuwings oor die gevaar van vlieg in hierdie streek van die Midde-Ooste uitgereik het.

Die agentskap sal na verwagting ‘n amptelike verklaring uitreik oor hierdie saak wat “streng aanbevelings” aan alle Europese lugdienste sal insluit.

Onder die lugdienste wat hul vlugte na Tel Aviv gekanselleer het, is Brussels Airlines, Air Baltic, Lufthansa, Swissair, Austrian Airlines, Germanwings, Air France, KLM, Cyprus Airways, Turkish Airlines, Air Serbia en Air Canada.

Intussen het die Israeliese se departement van Vervoer gekla dat hulle nie saamstem met hierdie evaluering van die situasie nie, alhoewel die Israelse regering verklaar het dat Hamas 70 vuurpyle na Israel afgeskiet het.

Die Israelse premier, Benjamin Netanyahu het die Amerikaanse Minister van Buitelandse Sake, John Kerry in ‘n telefoniese gesprek gevra om die 24 uur verbod op Amerikaanse vlugte na Israel op te hef.

Dit volg nadat die Amerikaanse Federale Lugvaart-administrasie ook alle nasionale lugrederye verbied het om vir dié tydperk op die Ben Gurion Internasionale Lughawe in Tel Aviv te land. Netanyahu sê die lughawe is veilig

Daar is egter ‘n woonhuis vernietig deur ‘n bom net 1,5 km van die lughawe.

Sedert 8 Julie bestook die Palestyne en Israel mekaar in Gasa.

Vlieëniers van die plaaslike dienste El Al en Arkia, asook ‘n aantal Europese lande kla dat hulle al “verblind” is deur militante Palestynse groepe.

Oor die twee weke van Israel se militêre operasie in Gasa, is 583 mense vermoor, insluitend 121 kinders. Soveel as 3600 mense, insluitend meer as 900 kinders, is beseer. Meer as 100,000 mense is ontwortel en 15.000 mense is van hulp afhanklik.

Hoofman verhuur erwe teen R100 aan plakkers ná geslaagde grondeis

Volgens berigte is ‘n hoofman by Carolina in die Oos-Transvaal besig om erwe teen R100 elk aan plakkers te verkoop nadat hy landbougrond deur middel van ‘n grondeis bekom het.

Die kaptein van die Mhlongo-stam, Reuben Ndlovu Dlangamandla, wat nou glo “met mense boer”, is besig om gewone boerdery in die omgewing geweldig te ontwrig omdat veediefstal en brandstigting besig is om ongekende afmetings aan te neem.

Boere praat van “miljoene rande” se skade wat hulle reeds gely het as gevolg van mielies en beeste wat gesteel word, asook die veld wat aan die brand gesteek word.

Dlangamandla het vanaf 11 Augustus 2013 die plaas Kromkrans in ‘n informele nedersetting omskep, maar hou vol dat dit “nooit ‘n plaas was nie”.

“Ons gee nou blyplek aan mense wat nêrens het om te bly nie,” sê die kaptein en “eiendomsontwikkelaar”.

Verskeie boere in die omgewing vrees dat “Suid-Afrika dieselfde paadjie as Zimbabwe kan loop” indien die situasie toegelaat word om voort te duur.

Mnr. Danie du Plessis, streeksvoorsitter van die TLU in die provinsie, sê dat die Mhlongo-stamhoof nooit by die departement van landbou, bosbou en visserye aansoek gedoen het om die grond onder te verdeel nie. Daarom is sy grondskema onwettig.

Tans verkry die 200 plakkershutte op die plaas almal water by een boorgat. Daar is geen riool nie en “mense gaan in die veld toilet toe”.

Blykbaar is Kromkrans wel voorheen as ‘n winsgewende plaas bedryf toe dit nog in privaat besit was. ‘n Vorige hoofgrondeisekommissaris, Thomazile Gwanya het in ‘n jaarverslag uit 2003 vermeld dat Kromkrans “vir landboudoeleindes, soos weiding, veeboerdery en gewasseproduksie” aangewend gaan word. Kennelik het dit nie gebeur nie.

Dlangamandla se “ontwikkeling” beloop reeds 650 erwe, waarvan 200 reeds beset word. Die plakkers behoort ook nie aan die Mhlongo-stam aan wie die grondeis toegeken is nie.

Twee weke gelede het ‘n brand in die plakkerskamp uitgebreek wat na sewe plase in die omgewing versprei het en R1 miljoen skade aangerig het.

“Iewers moet dit stop, want ons kan nie nóg koste absorbeer nie,” meen een van die boere wat geraak is. “Brande verwoes grondgehalte en neem jare om te herstel.”

Van die plakkers se honde maak jag op boere se skape. Dit het selfs in ‘n soort casino ontwikkel, want plakkers gaan weddenskappe op die honde aan om te kyk wie se hond die meeste skape kan vang. Daar word tot R20 000 op ‘n hond verwed.

Boere verloor tot 13 skape in een nag, terwyl ten minste een boer sedert Januarie 400 skape in onwettige stroop- en jagtogte kwyt is.

ANC-amptenare swyg soos die graf oor die situasie op Kromkrans.

Skok toe Britse joernalis in kinderslagoffer se tas krap

​Die Britse joernalis van Sky News Colin Brazier wat deur ‘n kinderslagoffer van die vliegramp se tas gekrap het, moes om verskoning vra vir sy skokkende gedrag.

Brazier het tydens ‘n regstreekse uitsending in die Oekraïne op die ramptoneel van die MH17-vlug in een van die passasiers, ‘n kind, se tas gegrawe.

Brazier se walglike gedrag het skokgolwe oor sosiale media veroorsaak. Hy is daarvan beskuldig dat hy met die misdaadtoneel peuter en homself aanmatig om met besittings te peuter wat nie sy eie is nie.

“Ek het die naweek ‘n fout gemaak,” het hy Dinsdag in ‘n blog op The Guardian se webwerf gesê. “As ek vir iemand in persoon kon verskoning vra, sou ek. Terwyl ek dit gedoen het, het ek besef ek maak ‘n fout, en op die lug verskoning gevra vir wat ek gedoen het.”

Intussen het selfverdedigingseenhede Dinsdag albei Malaysian Airlines vlug MH17 se vlugopnemers aan Maleisië oorhandig, het ‘n senior regeringsamptenaar gesê.

Khairil Hilmi Mokhtar, leier van Maleisië se spesialisondersoekspan, het bevestig die vlugopnemers is in Donetsk in die Oekraïne aan hom oorhandig en is nou in sy besit.

“Ons gaan hulle eers Nederland toe neem voor dit saam met ons na Maleisië sal terugkeer,” het hy gesê.

Die vlugopnemers is glo in ‘n goeie toestand.

“Maleisie sal dit tydelik veilig hou voor dit aan die regte ondersoekspan oorhandig word.”

Vlug MH17 is Donderdag in die ooste van die Oekraïne vermoedelik afgeskiet. Al 298 passasiers en bemanningslede is dood.