Kategorie: Nuus

SAA beëindig BnP Capital se dienste

Die Suid-Afrikaanse Lugdiens (SAA) het ‘n besluit om die dienste van die omstrede BnP Capital te beëindig as ‘n verskaffer van finansiële dienste aan die lugredery, het die lugredery Donderdag aangekondig word.

Die besluit is Woensdag aan BnP Capital gekommunikeer, het die lugredery gesê.

Volgens News24 was BnP Capital se skielike aanstelling nie net buitensporig duur nie, maar het ook ‘n goedgekeurde banktender aan Nedbank vervang.

SAA het goedkeuring verleen vir die toekenning van bankdienste aan Nedbank op 27 Mei, vir vyf jaar, teen ‘n beraamde koste van R278 miljoen.

Die Nedbank-kontrak was onderhewig aan ‘n skuldkonsolidasieproses wat aan die gang was ten tyde was die aanstelling van BnP Capital, ‘n “boetiek finansier”.

Dit is aangestel om die lugredery te adviseer oor hoe om R15 miljard se skuld te herstruktureer.

BnP Capital sou teen ‘n fooi van R256 miljoen die advies gee, selfs al het die SAA se tesourier, Cynthia Stimpel, gesê dit kan gedoen word teen ‘n fraksie van die koste.

BnP Capital het die kontrak in Maart voor ‘n hele paar goed gevestigde maatskappye, insluitend Nedbank, Regiment en Deloitte & Touche weggeraap.

Volgens die Raad op Finansiële Dienste, is BnP Capital se lisensie om te funksioneer as ‘n verskaffer van finansiële dienste vroeër in die jaar opgehef.

Duisende in SA doen aansoek om spesiale stemme

Duisende Suid-Afrikaanse kiesers in drie provinsies het reeds by die Onafhanklike Verkiesingskommissie (OVK) aansoek gedoen om spesiale stemme uit te bring tydens die 2016 Munisipale Verkiesing.

Meer as 55 700 aansoeke is die Vrystaat ontvang terwyl meer as 67 000 kiesers in Noordwes en meer as 56 000 in Noord-Kaap aansoek gedoen het.

Die OVK het Donderdag aangedui dat altesaam 740 000 aansoeke om spesiale stemme landswyd ontvang is. Net meer as 719 000 regoor die land is aanvaar.

Dié kiesers gaan hulle kruisies oor twee dae – vanaf 1 tot 2 Augustus – kan maak. Die stembus sal, anders as op stemdag 3 Augustus, vanaf 8-uur die oggend tot 5-uur die middag op dié twee dae oop wees.

Dokters, lede van Suid-Afrikaanse Polisiediens, nooddienste en gestremde kiesers kom in aanmerking vir spesiale stemme.

Die keuse van partye by die stembus in Suid-Afrika is wissel tussen pro-swart en anti-wit, wat byna alle Afrikaners uit die politieke proses uitsluit.

Moslemsokkerspan rand drie jong meisies in Swede aan

Een van die sokkerspanne in die Gothiajeugbeker in Swede, onder leiding van sy 35-jarige afrigter, het Sweedse tienermeisies seksueel aangerand.

Die ma van een van die drie weerlose meisies het aan die media vertel dat haar dogter en haar twee metgeselle tydens die toernooi se openingseremonie omring deur ‘n groep van 30 tot 40 Moslemtieners en ‘n volwassene man buite die Ullevi-stadion.

Die groep het nader beweeg en die meisies begin betas. Hulle het probeer om hul hande onder die dogters klere te kry. Hulle het ook die jong tieners vasgegryp en gesoen.

Haar jong dogter vertel dat die volwasse man se tong in haar mond was, sê die moeder.

Die volwasse man, wat 35 jaar oud is en, volgens die aanklaer, die leier van die bende is wat die meisies aangerand het, is in hegtenis geneem vir seksuele aanranding.

Fria Tider het beide die polisiewoordvoerder en die hoofaanklaer gevra waar die man vandaan kom – maar sonder resultate.

‘n Polisieman, Peter “Peppe” Larsson, sê dit was ‘n span uit Noord-Afrika.

“Sien geen rede waarom die waarheid vir ernstige misbruik verduister moet word nie,” skryf Larsson op Twitter.

Dit is nog nie duidelik of die span van Marokko en die betrokke afrigter steeds sal deelneem aan die jeugtoernooi nie.

PRAAG verwelkom uitspraak van Vrystaatse Hooggeregshof oor Afrikaans aan die UV

PRAAG (die Pro-Afrikaanse Aksiegroep) verwelkom die uitspraak van die Vrystaatse Hooggeregshof wat Afrikaans as onderrigtaal aan die Universiteit van die Vrystaat herstel. “Hiermee is ‘n veldslag gewen, maar in die aangesig van die mees intense haatveldtog teen Afrikaans in die moderne geskiedenis is die oorlog steeds nie gewen nie,” sê dr. Dan Roodt, leier van PRAAG.

Die taalorganisasie is besig om ‘n aantal hofaansoeke teen die Universiteit van Pretoria voor te berei waarin insgelyks gevra sal word dat die afskaffing van Afrikaans op dié kampus as ongrondwetlik en strydig met die volkereg tersyde gestel word.

“Ons moet egter verder gaan,” sê Roodt. “Om telkens die pogings van radikale groepe soos die EFF om Afrikaans uit die weg te ruim, af te slaan, is nie genoeg nie. Die EFF en sy verwante jeugmilisies wat hul op militêre grondslag organiseer, pleeg inderdaad ‘n vorm van terreur teen ruggraatlose universiteitsbesture deur hulle na willekeur polities af te dreig. Om ‘n instelling met geweld of dreigemente van geweld af te dreig, pas die internasionale definisie van terrorisme. Daarom voer ons ‘n stryd teen taalterrorisme op Afrikaanse kampusse.”

Volgens dr. Dan Roodt, wat reeds internasionaal “groot steun vir Afrikaans en die taalstryd” in lande soos Nederland, België, Swede en die VSA gewen het, sal PRAAG nou tot die volgende stap oorgaan en massiewe siviele eise teen universiteite instel. “Ons taalregte is sedert 1994 konstant geskend, veral op kampusse oral in die land. Die totale Afrikaanse taalgemeenskap, waaronder die Afrikanervolk as nasionale minderheid, het skade gely. Jong mense se toekoms is verwoes. Uitgewers en skrywers het skade gely omdat inheemse voorgeskrewe werk nie meer gebruik word nie, maar slegs ingevoerde Britse stof. Dít alles moet onder die loep in die howe kom.

Ook staatsdepartemente is in PRAAG se visier. “Selfs nie eens die Menseregtekommissie kan ‘n mens in Afrikaans te woord staan nie,” sê Roodt. “Dis eenvoudig verregaande en moet nou ophou.”

Terwyl PRAAG waardering vir die Engelse kultuur in Brittanje en die VSA het, meen die organisasie dat Suid-Afrikaanse Engels “reeds lankal ‘n armoedige terreurtaaltjie en bargoens vir polities korrektes geword het”. Dr. Roodt het dit met die Duits van die voormalige Oos-Duitsland vergelyk. “Suid-Afrikaanse Engels is deurspek met marxistiese begrippe en clichés, vandaar dan ook dat dit as ‘n haatmedium teen ons edele Afrikaans ingespan word. Nooit sal ons voor die geprogrammeerde uitwissing van ons taal op universiteit, in skole en in die openbare lewe buig nie,” het hy gesê.

In die aanloop tot GRA-dag, 14 Augustus, die verjaardag van Afrikaans, is dit voorwaar welkome goeie nuus uit Bloemfontein waar D.F. Malherbe eens hard geveg het om Afrikaans as universiteitstaal te vestig.

Turkse staat verswak na spioene die trekpas kry

Die Turkse president, Recep Tayyip Erdogan het ‘n noodtoestand van drie maande afgekondig na verlede week se mislukte militêre staatsgreep, maar kritici waarsku dat sulke maatreëls Turkye duur te staan kan kom.

Erdogan sê die maatreëls sal owerhede toelaat om vinnig en doeltreffend op te tree teen diegene wat vir die opstand verantwoordelik was, maar dit lyk al hoe meer na ‘n suiweringsveldtog teen sy opposisie.

Die noodtoestand beteken dat die president nie die toestemming van die parlement nodig het om nuwe wetgewing goed te keur nie.

Turke se regte en vryhede kan nou na willekeur ingeperk of opskort word indien die regering dit nodig ag.

Die ministerie van onderwys het 15.200 onderwysers en werkers in die onderwys geskors.

Die lisensies van 21.000 onderwyser by private skole is ook herroep.

Die Hoër Onderwys Kommissie het 1577 Universiteitsdekane gevra om te bedank.

Die Direktoraat van godsdienstige sake het 492 personeellede afgedank, insluitende imams en moeftis en die Turkse premier het 257 van sy personeellede afgedank.

Die Turkse geheime diens M.I.T het sowat 130 van sy spioene die trekpas gegee.

Meer as 600 skole is gesluit.

Dit beteken dat Erdogan reeds van sowat 60.000 soldate, polisiebeamptes, regters, onderwysers en staatsdienswerkers ontslae geraak het, geskors of afgedank het en die res word tans ondersoek.

Die meeste van hierdie mense het niks te doen gehad met die mislukte staatsgreep teen die regering nie.

Die verlies van kennis en ervaring sal die funksionering van die Turkse staat en sy veiligheidsdienste ernstig knou sê ontleders.

Erdogan gebruik sy huidige gewildheid om Turkye na sy beeld te verander, maar beskuldig steeds ‘n uitgeweke moslemleier, Fethullah Gülen daarvan dat hy die staatsgreep beplan het.

Gulen ontken dat hy betrokke was.

Anti-Russiese joernalis sterf in motorbomontploffing

‘n Bekende Joodse, anti-Russiese joernalis is Woensdag in Kiëf, die hoofstad van die Oekraïne, in ’n motorbomontploffing dood.

Dit het skokgolwe deur die Oekraïne se NeoCon-gesinde joernalistieke gemeenskap gestuur.

Sedert die begin van 2014 is ten minste 15 pro-Russiese joernaliste vermoor, maar sonder veel ophef.

Die moorde op ondermeer Oles Buzina, Sergei Sukhobok, Andrei Stenin, Igor Korneljoek en Anton Volosjin is vermoedelik gepleeg om nuus oor die burgeroorlog in die Oekraïene te verhoed.

Hierdie pro-Russiese joernaliste het die slagting van burgerlikes deur die regime in Kiëf ontbloot.

Die land se regime-nuuswebtuiste, Ukrainska Pravda, sê sy joernalis Pavel Sheremet is in die ontploffing dood toe hy in die motor ingeklim het om na ’n radiostasie te ry waar hy die aanbieder van ’n geselsprogram was.

Die motor het aan die hoofredakteur, Olena Prytula, behoort.

Zorjan Shkirjak, ’n raadgewer vir die ministerie van binnelandse sake, het op Facebook gesê ’n geïmproviseerde ploftoestel is onder die motor aangebring.

Volgens nog ‘n amptenaar is die toestel dmv ‘n frekwensie-induksieskakelaar of ‘n tydtoestel laat ontbrand. Die insittende is op slag dood.

Die Oekraïense “stelsel” het ‘n “massagraf” vir joernaliste geword, het die Russiese ministerie van buitelandse sake se woordvoerder Maria Zakharova Woensdag gesê.

“Oekraïne – nie as ‘n land, maar as ‘n stelsel – is besig om ‘n gesamentlike graf vir joernaliste en joernalistiek te word,” het Zakharova gesê.

Russiese wetstoepassers het ‘n kriminele ondersoek van stapel gestuur in Mei vandeesjaar na die uitsprake van ‘n Oekraïense politieke wetenskaplike wat na bewering ‘n beroep op die regime gedoen het om Russiese joernaliste “deeglik uit te wis”.

Die verdagte, Juri Romanenko, het in April op ‘n openbare konferensie aan die Harvard Universiteit in die VSA dié uitspraak gemaak.

Later, het Romanenko die teks van sy verklaring op sy Facebook-blad gepos en dit is herhaaldelik aangehaal deur die hoofstroommedia.

In sy eie woorde, wou die direkteur van die Stratagema politieke analisesentrum en besturende redakteur van die Khvilja-webwerf “die probleem van massamedia tot ‘n nuwe vlak bring”.

“Die militêre magte van die Oekraïne moet selektief en deeglik Russiese joernaliste wat die situasie in Donbass dek, uitwis. Hulle moet ‘n bevel aan weermagskerpskutters gee dat mense met ‘Media’ geskryf op hul valhelms, prioriteitteikens is om uit te haal,” het hy gesê.

Trump triomfeer as presidentskandidaat

Donald Trump is amptelik die presidentskandidaat vir die Republikeinse Party.

Die miljardêr is Dinsdagnag in Cleveland in die Amerikaanse deelstaat Ohio amptelik as dié party se kandidaat aangewys.

Hy het 16 teenstanders uitgestof en moes byna ‘n jaar lank ‘n uiters giftige mediaveldtog, selfs uit Republikeinse geledere, trotseer.

Hoofstroomontleders het ook week na week plegtig verklaar dat Trump nie ‘n kans staan om ooit benoem te word nie.

Kort voor die aankondiging het Rupert Murdoch, eienaar van die gewilde Fox News nog van sy stigter Roger Ailes probeer ontslae raak, om die Trump-golf te keer.

Ailes, wat te “regs” is na Murdoch se smaak, is ‘n Trump-ondersteuner en was voorheen die raadgewer van president Richard Nixon. Hy het Fox van niks af uitgebou tot ‘n magtige en uiters winsgewende media-organsisasie.

Donald Trump jr., Trump se oudste seun, het by die party se nasionale konvensie die deelstaat New York se steun aan die kandidaat toegesê wat aan hom 1 237 afgevaardigdes besorg het.

Die byeenkoms is die eerste dag ontwrig deur ‘n groep wat gedink het hulle kan die benoeming ontspoor, maar die teenstanders is gou uitgeboender en hul pogings het klaaglik misluk.

Die Amerikaanse presidentsverkiesing vind op 8 November plaas.

Mike Pence, goewerneur van Indiana, is reeds voor die benoeming as die Republikeinse Party se visepresidentskandidaat aangewys, in ‘n poging om die onderlinge geskille binne die party by te lê.

Afgevaardigdes het senator Ted Cruz uitgejou nadat hy nie in ‘n toespraak sy amptelike steun aan Trump as die party se presidentskandidaat toegesê het nie.

Cruz het vroeër teen Trump meegeding vir die party se benoeming, en het in die tweede plek geëindig. Hy het Trump gelukgewens, maar die swak verloorder het bygevoeg dat Amerikaners volgens hulle “gewetes” moet stem.

Trump-ondersteuners het ook striemende aanvalle teen Hillary Clinton geloods gedurende die Republikeinse Party se konvensie.

Sy het privaat e-posbedieners gebruik in haar ampstermyn as minister van buitelandse sake, vermoedelik om betalings te ontvang vir gunste, ook van buitelanders. Dit kom basies neer op hoogverraad.

Die federale speurdiens (FBI) het ná ‘n ondersoek bevind dat Clinton gelieg het oor haar hantering van geklassifiseerde inligting. Sy gaan egter nie strafregtelik daaroor vervolg word nie.

Clinton het haar fondsinsameling ongeërg voorgesit ná Trump se benoeming en getwiet: “Donald Trump is pas aangewys as die Republikeine se kandidaat. Begin nou geld bydra sodat hy nooit sy voet in die Ovaalkantoor sit nie.”

Vloede tref Beijing

Vloede wat veroorsaak is deur onafgebroke swaar reën het wydverspreide ontwrigting in die Chinese hoofstad, Beijing, veroorsaak.

Dit het tot gevol gehad dat honderde vlugte gekanselleer is en sommige moltreinstasies gesluit moes word.

Beijing se humiede somermaande word dikwels deur swaar reënstorms gekenmerk en in 2012 is 37 mense in die storms dood.

Die Beijing se stadsowerhede het ‘n oranje waarskuwing uitgereik, die tweede hoogste in China se viervlak-waarskuwingstelsel en het inwoners gemaan dat dit oornag kon voortduur met neerslae wat plek-plek tot 100 mm kan val.

Meer as 200 vlugte van Beijing se hooflughawe af is gekanselleer.

Groot dele van Sentraal- en Oos-China is vanjaar deur swaar reën getref met meer as 200 mense wat reeds gesterf het.

Sedert Maandag is 13 mense dood en word 62 vermis vanweë die reën in die noordelike en noordwestelike dele van die land, berig die nuusagentskap Xinhua.

Zimbabwe sukkel steeds met staatsdiensbetalings

Die Zimbabwiese regering sukkel steeds om sy horde staatsamptenare te betaal. Tagtig persent van staatsuitgawes bestaan uit salarisse wat maandeliks ‘n allamintige $260 miljoen opslurp. Ná jare van “bevryding” is Zimbabwe se ekonomie nie veel groter as ‘n middelgrootte SA stad soos Rustenburg s’n nie, dus kan die land kwalik dié reusebedrae aan salarisse bekostig.

Volgens Zimbabwiese webblaaie was die Mugabe-bewind nie in staat om sy soldate op 14 Julie te betaal nie. Hulle word gewoonlik op die 14de van die maand betaal, maar banke het nie die geld vandeesmaand ontvang nie. Die lojaliteit van sy weermag is vir die Mugabe-bewind belangrik en daarom sou daar verwag kon word dat ten minste die soldate se soldy eerste betaal sou word.

Die staatsdiensminister, Prisca Mupfumira het gister aan die Daily News gesê dat die regering teen vandag “‘n duidelike padkaart” sal aankondig.

“Ons sal teen môre (vandag) in ‘n posisie wees,” het Mupfumira gesê sonder om enige verdere besonderhede te verskaf.

Vergaderings tussen die regering en staatsamptenare was tot dusver vrugteloos om die salarisprobleem te probeer oplos. Laat betalings van staatsdienssalarisse en pensioene vind reeds maande lank plaas. Veral pensioenarisse trek noustrop en betaaldatums word telkens verder en verder in die toekoms in verskuif.

Ook onderwysers is bekommerd oor hul salarisse, volgens die voorsitter van die onderwysersvakbond, Richard Gundani. Volgens hom wag hulle steeds op die regering om die betaaldatums aan te kondig.

Vroeër vandeesmaand het staatsdienspersoneel, waaronder onderwysers en mediese personeel begin staak wat hospitale en skole verlam het nadat die regering nie hul salarisse betyds kon betaal nie.

President Robert Mugabe, wat deur die toedoen van die Britse diplomaat Baron Robin Renwick die mag in die oud-Rhodesië verower het, is reeds 36 jaar aan bewind en het in dié tyd die eens veruitstrewende Rhodesië in die mislukte staat van Zimbabwe omskep.

Onlangs was daar ook ‘n wegbly-aksie wat deur pastoor Evan Mawarire georganiseer het, wat tot verspreide voorvalle van polisiegeweld teen inwoners gelei het.

 

Snerpende koue oor binneland verwag, swaar reën vir Kaap

Vrystaters en Gautengers kan van vroeg aanstaande week snerpende koue verwag.

‘n Weerstelsel gaan van Maandag af tot gevolg hê dat die kwik in die binneland skerp gaan daal en die kwik gaan net-net tot meer as 14 grade styg.

Die Weerdiens sê dit gaan van Maandag tot minstens Woensdag toe besonder koud in die Vrystaat en Gauteng wees en sneeu word oor dele van die Vrystaat verwag.

Kapenaars kan hulself al van vandag af op koue en nat weerstoestande voorberei.

Die Suid-Afrikaanse Weerdiens waarsku dat swaar reën en stormsterk winde vandag in gedeeltes van die Wes-Kaap sal voorkom.

Kaapstad, Paarl, Grabouw en Ceres kan swaar reën van vanmiddag tot laataand verwag. Oorstromings kan ook voorkom.

Sterk winde sal in Worcester, Laingsburg en Prins Albert waai, terwyl veldbrande in Prins Albert en George kan voorkom.

Die reën sal tot Saterdag voortduur.