Vrystaters en Gautengers kan van vroeg aanstaande week snerpende koue verwag.
‘n Weerstelsel gaan van Maandag af tot gevolg hê dat die kwik in die binneland skerp gaan daal en die kwik gaan net-net tot meer as 14 grade styg.
Die Weerdiens sê dit gaan van Maandag tot minstens Woensdag toe besonder koud in die Vrystaat en Gauteng wees en sneeu word oor dele van die Vrystaat verwag.
Kapenaars kan hulself al van vandag af op koue en nat weerstoestande voorberei.
Die Suid-Afrikaanse Weerdiens waarsku dat swaar reën en stormsterk winde vandag in gedeeltes van die Wes-Kaap sal voorkom.
Kaapstad, Paarl, Grabouw en Ceres kan swaar reën van vanmiddag tot laataand verwag. Oorstromings kan ook voorkom.
Sterk winde sal in Worcester, Laingsburg en Prins Albert waai, terwyl veldbrande in Prins Albert en George kan voorkom.
Die reën sal tot Saterdag voortduur.
Lekkerrrrr winterrrrr.
Eisj. Jy moet baie noordelike gene hê. Myne is uitgedun.
Ek het te veel van daai noordelike gene – my voorsate kom van baie ver noord – die son moet my nie beetkry nie, nie eers die lawwe ou wintersonnetjie nie dan lyk ek soos ‘n kreef. (dit wat volg is blase, afdop en weer leliewit)
Wim Hoff?
Dit gaan ook veroorsaak dat die Stormers gaan verloor. Die Kiwis speel baie beter as ons spanne in nat omstandighede
Ek sal seker maar my boney moet parkeer.
Nou sal ons sien of Eksdom se praatjies stront of suiker is…