Kategorie: Nuus

Rand-lopie na gerugte van valuta-samespanning

Absa sê hy sal met die Mededingingstribunaal saamwerk nadat die Mededingingskommissie besluit het om ‘n saak van samespanning tussen 17 banke na die tribunaal te verwys vir verdere stappe.

Drie plaaslike banke: Absa, Investec en Standard Bank, was na bewering by die samespanning betrokke.

Die Kommissie het prysvasstelling van buitelandse geldeenhede teenoor die rand ondersoek.

Die Kommissie wil hê die Tribunaal moet die banke dwing om ‘n administratiewe boete gelykstaande aan tien persent van die jaarlikse omset te betaal.

Die Mededingingskommissie sê intussen die onetiese handel strek sover terug as 2007 en het ‘n negatiewe impak op die vertoning van die rand gehad.

‘n Woordvoerder van die kommissie, Thembinkosi Bonakele, sê dit is nog te vroeg om te sê wat die gevolge vir beleggers inhou.

Sy sê die samespanning is egter nie verrassende nuus nie, aangesien dit op ‘n internasionale ondersoek volg en verskeie Europese banke reeds daarvoor beboet is.

Sy sê die impak wat dit spesifiek op die rand gehad het kan egter wel vir sommige mense as ‘n skok kom. Die rand het intussen tot R12.94 teenoor die dollar verstewig – sy sterkste lopie in bykans twee jaar.

Het ‘n towerspreuk Harry Potter-outeur se besige tong stil?

JK Rowling, die skepper van Harry Potter, is ‘n baie ryk burger. Volgens die media het sy bates met ‘n netto waarde van sowat een miljard dollar. Maar afgesien van haar rykdom, is sy ook lief vir oop grense en “vlugtelinge”.

Toe sy egter die geleentheid gegun word om te bewys sy is opreg in haar soort “menslike” oortuigings, en dat sy bereid is om persoonlike opofferings te maak vir oopgrens-immigrasie – presies wat sy van ander verwag om te doen – is die prekende en praatsieke Rowling skielik skynbaar minder gewillig.

Die skrywer het eenkeer melodramaties die stories oor immigrante wat geraak word deur Trump se “reisverbod” op Moslems vergelyk met haar werk by Amnestie Internasionaal wat oor politieke gevangenes en diktators gehandel het.

Rowling verdedig migrante met ywer en ontken die stygende misdaad wat verband hou met die instroming. Diegene wat teen oop grense is, is volgense haar Twitter-vete met Daily Mail redakteur Piers Morgan dié wat die meeste aanstoot gee.

Terwyl die meeste van haar aanbiddende lesers nie van die feit hou dat immigrante hul lande oorstroom nie, veral in Frankryk, Swede en Duitsland, verdedig Rowling nogtans onbeperkte immigrasie.

Na sy Morgan vertel het om te “fokof” toe hy gesê het die uitvoerende bevel van President Donald Trump se immigrasieverbod is nie slegs ‘n Moslemverbod nie, was Rowling pens en pootjies midde in die geveg vir meer “vlugtelinge” na haar land. Sy beskryf die hofbesluit in die VSA om die verbod ongedaan te maak “so bevredigend soos ek gedink het”.

‘n Konserwatiewe kommentator, Mike Cernovich, wat al keelvol was vir Rowling se morele aanstellerigheid, het nou aangebied om vliegtuigkaartjies te koop vir 100 vlugtelinge om in haar groot herehuise in Aberfeldy en Edinburgh vir ‘n jaar te kom woon. Aanbieder van die “Mark Kaye Show” het aangebied om 20 kaartjies te betaal en Hollywoodsterre met groot bekke word nou ook gevra om hul huise oop te stel.

Mike se uitdaging versprei soos ‘n veldbrand. Na 27 301 stemme, het Cernovich ‘n oproep gedoen aan Rowling om “die herehuis se mure af te breek”. Sy Twitter-peiling het bevind dat 92 persent van die stemmers meen dat Rowling sy aanbod moet aanvaar.

Die mense het gepraat, en die resultate is duidelik: JK Rowling moet “vlugtelinge” toelaat in haar wonings of haar grootbekuitsprake stop. Kort na die uitdaging, het Rowling wat baie aktief is op Twitter, skielik baie stil geraak.

Dit lyk asof Harry Potter towerwoorde oor haar uitgespreek het. Haar stilte spreek egter boekdele. Die “Harry Potter” skrywer het toevallig ‘n “muur” van 10m heinings opgesit om haar huis om haar privaatheid te verhoog.

Raaiselagtige moorde in Bloemfontein kan etniese twis wees

Die polisie sal na verwagting meer verdagtes in hegtenis neem in verband met die moorde op drie jong mans van Bloemfontein.

Tien verdagtes tussen die ouderdomme van 19 en 29 is Vrydag in Bloemfontein vir die moorde in hegtenis geneem.

Die lyke van Lefa Soaisa, Vuyani Makhapela and Mojalefa Fransis is op 1 Februarie in ‘n oop stuk veld langs die nuwe Lemo-winkelsentrum in Dr Belcherweg, Heidedal deur ‘n verbyganger gevind. Daar was verskeie steekwonde aan hul bolywe.

Polisiewoordvoerder, Thandi Mbambo, sê die tien verdagtes wat Vrydag in hegtenis geneem is, het gister in die plaaslike landdroshof op ‘n klag van moord verskyn.

Sy sê hulle sal na verwagting op 20 Februarie vir borg aansoek doen. Die verdagtes bly intussen in aanhouding.

Die omstandighede wat gelei het tot die moorde is nie bekend nie. Dit kan moontlik verband hou met etniese twis.

SA lugredery wag vir regeringshulp

Die Suid-Afrikaanse lugredery, Fly Blue Crane, hoop om binnekort hulle finansiële probleme uit te stryk en vlugte te hervat met die hulp van belastingbetalers se geld.

Die redery het alle vlugte onderbreek ten einde die maatskappy se besigheidsreddingsproses af te handel.

Die Oos-Kaapse regering het vroeër gesê hulle hoop dat goedkoper vlugte sal lei tot minder padongelukke. Die roete na die Transkei word vir minder as R800 ‘n vlug aangebied.

In teenstelling met ander lae-koste rederye, word gratis etes en drank aan boord voorsien.

Volgens lugredery-woordvoerder, Bettina Mtetwa, word passasiers op die vlugroetes tussen Johannesburg, Kimberley, Bloemfontein en Kaapstad die meeste deur hierdie proses geraak.

Mtetwa sê hulle is vol hoop ná President Zuma se staatsrede waarin hy kwessies soos transformasie en Swart Ekonomiese Bemagtiging aangeraak het, dat die maatskappy uiteindelik regeringsondersteuning sal ontvang.

“Ons verwelkom die feit dat die president swart besighede wil ondersteun, maar ons was nog nie suksesvol in hierdie verband nie, ten spyte van die feit dat ons verskeie regeringsbefondsingskemas genader het,” sê Mtetwa.

Sy sê ten spyte van die feit dat die lugredery die eerste kommersiële lugredery in die land is waarvan vroue die meerderheidsaandeel het, kon hulle nog nooit finansiële ondersteuning kry nie.

Die lugredery hoop om binne die volgende paar weke ‘n besigheidsreddingsplan aan krediteure voor te lê.

DA se Van Damme uitgejou as ‘straatmeid’

Spanning loop hoog in die Parlement waar egos buite beheer geraak het. “Straatmeid” is nou die nuwe swart belediging vir ‘n bruine.

Hierdie keer het ‘n geskel plaasgevind het tussen DA-LP Phumzile van Damme en ander parlementariërs tydens die staatsrede-debat.

Toe ‘n ANC-lid probeer het om ‘n vraag te stel, het Van Damme gegil “hou jou bek!” in Afrikaans.

Die voorsitter van die Nasionale Raad van Provinsies Thandi Modise het het haar hande vol gehad om Van Damme en die res van die “honourable membas” tot bedaring te probeer bring.

Van Damme het skril te kere gegaan, lede vir idiote uitgeskel, vinger gewys en met individue gestry. Kortom het die DA-lid elke reël oortree.

‘n ANC-lid het haar daarna twee keer vir ‘n “straatmeid” uitgejou.

Die debat oor President Jacob Zuma se staatsrede het net na 14:00 in die Parlement begin. Die leier van die opposisie Mmusi Maimane het oudergewoonte die ANC gekritiseer.

Hy het onder meer gesê dit is duidelik dat die ANC en die regering teen Suid-Afrikaners gedraai het.

Maimane het in sy toespraak gesê die regering het gegaan vanaf ‘n bevryder van die nasie tot ‘n onderdrukker van die nasie. Hy het veral die president gekritiseer, maar sy besware het soos ‘n jaloerse tirade geklink.

“Al waarvoor hy omgee is die voordele wat sy posisie hom bied,” het Maimane gesê, “die motors, die oorsese reise, die bloulig-brigades. Die ANC het opgehou om vir gewone Suid-Afrikaners om te gee.”

Maimane is gereeld tydens sy toespraak deur die vloer onderbreek en het net voor 15:00 sy toespraak afgesluit.

Miljoene rande se perlemoen gevind

Dit lyk asof Chinese seekosstropers steeds voortgaan met hul misdadige bedrywighede, waarskynlik met die hulp van die plaaslike bevolking.

Tien mense wat tydens klopjagte in en om Kaapstad in hegtenis geneem is vir die besit van gedroogde perlemoen ter waarde van viermiljoen rand, verskyn vandag in landdroshowe in Kaapstad en Bellville.

Die Valke se woordvoerder, Loyd Ramovha, se die klopjagte was gelyktydig by ses eiendomme in Durbanville, Plattekloof, West Beach, Atlantic Beach, Table View en Parklands uitgevoer.

Hy se hulle het ook op droogmaak toerusting en geld beslag gelê. Die leier van die groep is ook in hegtenis geneem.

In ‘n afsonderlike voorval oor die naweek, het die polisie beslag gelê op ‘n besending perlemoen ter waarde van bykans 40 miljoen rand by ‘n stoorfasiliteit in Paardeneiland.

Die perlemoen sou na bewering uitgevoer word. Dit is onduidelik of die twee voorvalle verband hou met mekaar.

Twee weke gelede is twee Malawiërs vasgetrek in die Kaap. Hulle is onder die 16 mense wat in ses afsonderlike voorvalle met betrekking tot die onwettige uithaal van perlemoen deur die polisie in hegtenis geneem is. Al die voorvalle het plaasgevind in die Wes-Kaap.

“Dit is baie frustrerend, want die onwettige perlemoen is gewoonlik baie, baie klein, wat is nutteloos in elk geval en sal waarskynlik weggegooi word,” het departementele woordvoerder Palesa Mokomele gesê.

In ‘n ander voorval op 2 Februarie, is klopjag uitgevoer op ‘n onwettige perlemoen verwerkingsaanleg in Milnerton en Montague Gardens.

Ernie Els speel saam met president Donald Trump

Die Suid-Afrikaanse gholfheld Ernie Els, het Saterdag gholf gespeel saam met president Donald Trump en Japan se premier Shinzo Abe.

Els, ‘n wêreldklasspeler het ‘n voorsmakie gehad van Amerikaanse diplomasie tydens ‘n ronde gholf met die Japannese premier by die spoglandgoed wat aan Trump behoort, naamlik Mar-a-Lago.

Die drie het uitstekende weer geniet by die Trump International Golfklub in Wes Palm Beach, Florida wat in Jupiter geleë is.

Donald Trump, wat uit Washington ontsnap het vir die naweek, was geklee in ‘DJT’ monogramskoene en sy beste wit ‘Maak Amerika Groot’ pet.

Suid-Afrikaanse viermalige hooftoernooikampioen Ernie Els het ‘n kortbroek gedra en het vier ure op die baan saam met die twee wêreldleiers deurgebring, voordat die twee verdaag het vir ‘n werksessie oor middagete.

Die Amerikaanse president het Ernie gehoog-vyf op ‘n stadium. Sy mediasirkus is nie toegelaat om die groep om die baan te volg nie.

Els is die tweede kampioen gholfspeler en die eerste buitelander wat saam met die president speel, nadat Tiger Woods in Desember verlede jaar uitgenooi is.

Trump het Saterdagaand getwiet: “Gholf gespeel vandag met premier Abe van Japan en @TheBigEasy, Ernie Els, en het ‘n goeie tyd gehad. Japan is baie goed verteenwoordig!”

Die president het ‘n skaflike die 18 putjies gespeel en kopgehou vir sy houe op die setperke.

BLM Toronto verklaar dat swartes wittes kan uitwis met beter genetika

Die mede-stigter van Black Lives Matter in Toronto, Kanada, glo witmense is “resessiewe genetiese defekte” en bespiegel oor hoe hulle “uitgewis” kan word volgens ‘n berig oor wat lyk na haar Facebook-blad.

Yusra Khogali het die afgelope jaar die BLM Toronto se politieke invloed verbreed ná hul konfrontasies met Ontario Premier Kathleen Wynne.

Khogali het ‘n bewese rekord van gewelddadige en verdelende retoriek.

Net verlede week tydens ‘n protesoptog voor die Amerikaanse konsulaat het Khogali geskree in ‘n mikrofoon dat nie-blankes die getalle het op teen wittes op te staan.

“Kyk na ons, ons het die getalle,” het sy gesê.

Terwyl hierdie opmerkings talle Kanadese onthuts, is dit in vergelyking met ‘n verklaring wat Khogali blykbaar gepos het op Facebook in 2015, niks.

“Witheid is nie menslik nie,” het die verklaring begin. “Om die waarheid te sê is witheid submenslik.” Die boodskap gaan voort om ‘n genetika gebaseer op melanien en ensiem aan te bied.

Sy sê “swartes kan eenvoudig deur hul dominante gene letterlik wittes uitwis”.

Zuma en Trump gesels oor koeitjies en kalfies

President Zuma se kantoor het gesê hy het met Trump oor die telefoon gesels.

Die gesprek het glo gegaan oor ‘n sterk verbintenis tot bilaterale verhoudinge tussen die VSA en Suid-Afrika en sekuriteit in Afrika.

Die hooffokus van die telefoonoproep tussen die Amerikaanse president Donald Trump en President Jacob Zuma het Maandagmiddag nie vir enige opskudding gesorg nie.

In ‘n verklaring deur Zuma se kantoor vrygestel kort ná die oproep plaasgevind het, het die presidensie gesê die twee leiers het hul verbintenis herbevestig tot die bevordering van sterk bilaterale verhoudinge.

“Daar is ses honderd Amerikaanse maatskappye in Suid-Afrika en sterk handelsbetrekkinge tussen die twee lande,” het die presidensie gesê.

Zuma het ook Trump gelukgewens met sy verkiesing as die 45ste president van die VSA.

Die twee het ook gepraat oor die noodsaaklikheid om saam te werk oor multilaterale kwessies sowel as en “veral die soeke na vrede en stabiliteit op die vasteland van Afrika”.

Suid-Afrika is nie hoog op die lys van prioriteite nie aangesien die VSA se fokus in die Midde-Ooste lê.

Egiptiese president Abdel Fattah Al Sisi is “beloon” met ‘n oproep op 23 Januarie net drie dae na die inhuldiging.

Gister het die Amerikaanse president het met Nigerië se Muhammadu Buhari gepraat, wat op vakansie is in die Verenigde Koninkryk, en ‘n uur of so later, met Zuma.

Trump het glo die koning van Nkandla versoek om hom te skakel, en die impi was dadelik inskiklik.

In Desember 2013 het Trump het 24 miljoen Twitter-volgelinge vertel: “Kan jy glo dat die korrupte en patetiese Suid-Afrikaanse polisiemag moet nog die gebaretaalman arresteer. So ‘n gevaar – gee 10 jaar ” en dit opgevolg ‘n paar uur later met: “Suid-Afrika is ‘n misdaad geteisterde gemors wat net wag om te ontplof – nie ‘n goeie toestand vir die mense nie.”

Trump oordonder Kanadese premier

Die Kanadese eerste minister, Justin Trudeau, het president Donald Trump ontmoet by die Withuis vir sy eerste besoek aan die Amerikaanse president.

Handel en immigrasie was boaan die agenda vir die twee leiers aangesien Kanada se uitvoere na die VSA aansienlik is. Trudeau kan nie beskostig om Trump te vervreem nie.

Hoewel dit op die oog af lyk of die twee leiers nie veel gemeen het nie, gaan bykans ‘n driekwart van Kanada se uitvoerprodukte na die VSA, wat goeie betrekkinge tussen Kanada en Amerika vir Trudeau noodsaaklik maak.

Albei regerings is ten gunste van planne om entrepreneurskap aan te moedig. Trudeau, ‘n linkse liberaal, is ‘n voorstander van bykans alles waarteen Trump-ondersteuners gekant is.

Maar die Kanadese premier het sy bes probeer om onderwerpe te vermy wat aanstoot kan gee. Hy het gesê hy gaan nie tydens sy besoek “lesse gee” aan sy gasheer nie.

Hy het soos ‘n ware liggewig voorgekom en is oordonder deur Trump. Die hoofstroommedia het dit probeer wegsteek met opmerkings dat Trudeau se handdruk “fermer” was en dat Trump se dogter Ivanka “bewonderend” na die Franse Kanadees gestaar het.

Trudeau beskou immigrasie as ‘n aanwins vir sy land. Trump het egter verwys na die probleme wat die VSA met Meksiko ervaar en bygevoeg dat daar nie dieselfde kwessies opduik wat die noordelike grens betref nie.