12 Kongolese milisies stem tot skietstilstand toe

‘n Dosyn pro-regeringsmilisies in die DRK se suid-Kivuprovinsie het ingestem om op te hou met gevegte en sal begin om teen die naweek te ontwapen, het ‘n top provinsiale amptenaar Donderdag gesê.

“Die ontwapening van die soldate sal Sondag in suid-Kivu se hoofstad Bukavu begin in die teenwoordigheid van die minister van verdediging, Charles Mwando Nsimba,” het die adjunk goewerneur Jean-Claude Kibala gesê na die ooreenkomste laat Woensdag onderteken is.

Die milisies, wat verskeie Mai-Mai stamme insluit en ‘n totaal van 50 000 man is, gaan na spesiale sentrums voordat hulle ontwapen gaan word na jare se konflik in die oostelike DRK, het Kibala gesê.

Een van die milisiegroepe in Kivu, die Federaliste Republikeinse Magte het volgens die adjunkgoewerneur nie die ooreenkoms geteken nie, maar onderhandelings is aan die gang.

Die milisies het besluit om te ontwapen na die top Kongolese rebelleleier, Laurent Nkunda verlede maand in Rwanda gevang is. Sy magte het beheer uitgeoefen oor groot dele van die noord- en suid-Kivu provinsies.

Meeste van die bevelvoerders van sy groep, die Nasionale Kongres vir die Verdediging van die Mense (NKVM) het Nkunda verlaat en die NKVM het ‘n politieke party geword.

Sondag is die basis van ‘n vredesooreenkoms wat die week deur onderhandelaars in Nairobi bekragtig moet word, onderteken.

роспись стен своими рукамипрокурор Фильчаков

Twee in hegtenis vanwe? moord op IVP-raadslid

Twee mans is Donderdag in KwaDukuza gearresteer vir die moord op ‘n IVP-raadslid, het KwaZulu-Natal se polisie gesê.

Superintendent Jay Naicker het gesê die mans is gearresteer vir die moord op Elliot Maphumulo by sy huis in die Manadareserwe op Woensdag omtrent 8uur die aand.

“Ons het hulle gearresteer na ons inligting opgevolg het wat hulle met die moord verbind het. Ons het hulle nog nie aangekla nie, maar hulle kyk na ‘n klag van moord,” het Naicker gesê.

Gedurende die arres het die polisie die wapen gevind wat vermoedelik gebruik is in die moord. 

ігри кухня для дівчаттопкарго

ANC gaan onderwysstelsel transformeer, s? Zuma

Die ANK beoog om die onderwysstelsel ten volle te transformeer binne die volgende 5 jaar, het ANK-president Jacob Zuma Donderdag gesê.

“’n Dringende taak lê voor in die dat ons die onderwyssisteem ten volle moet transformeer,” het Zuma gesê.

Die ANK-president het studente van die universiteit van die Vrystaat en die Sentrale universiteit van Tegnologie toegespreek by die Boet Troskie-saal van die SUT.

Zuma was in Bloemfontein as deel van ‘n deur-tot-deur verkiesingsveldtog in die stad.

Hy het aan studente gesê die ANK het groot planne vir onderwys, wat deel is van die 2009-verkiesingsmanifes wat gefokus is op “belegging in onderwys.”

Zuma het gesê ‘n nuwe metode moet gevind word om die “kommerwekkende verskynsel” aan te spreek, waarvolgens studente hoër onderwys instellings verlaat met groot bedrae skuld en nie werk kan kry nie.

“Dit is onbillik,” het hy gesê onder luide toejuiging van die  studenteskare.

“’n Ander metode moet gevind word om die probleem aan te spreek.”

камин на кухнеОлександр Васильович Фільчаков

Metropolisie kan nie vloedslagoffers bereik

Inspekteur Edna Mamonyane het gesê een patrolliemotor is in die vloedwater vasgevang en ander beamptes kon nie mense bereik nie weens verkeer wat stilstaan op paaie as gevolg van die vloedwater.

“Ons het ernstige probleme,” het sy gesê.

Vroeër is 40 mense beseer ná ‘n bus, minibustaxi en vier motors vasgekeer is op die brug wat oorstroom is in Dube.

'n Woordvoerder vir die Johannesburgse nooddienste, Percy Morokane, het gesê mense in die bus het begin paniekerig raak en probeer om uit die bus te spring, wat geringe en ernstige beserings tot gevolg gehad het.

Al die beseerdes is na die Chris Hani Baragwanath-hospitaal geneem.

Almal is gered uit die ses voertuie, behalwe vir ‘n 9-jarige seun wat vermis is.

Die Mofolo-, Dobsonville-, Dube-, Orlando- en Meadowlands-gebiede in Soweto is oorstroom ná swaar reën Donderdagmiddag.

диагностика авто черезлобановский александр дочь

OTM in Butterworth opgeblaas

‘n OTM is Woensdagoggend opgeblaas by ‘n vulstasie in Butterworth, het die Oos-Kaapse polisie gesê.

Kaptein Lingisile Magama het gesê die ontploffing het Woensdagoggend omtrent 5uur plaasgevind.

Die vulstasie was gesluit en daar was geen personeel of sekuriteitsbeamptes aan diens nie.

Polisie wat naby was het die ontploffing gehoor en hul na die toneel gehaas. Volgens hulle is daar geen geld uit die OTM geneem nie.

Daar was geen getuies nie en niemand is seker hoeveel mense by die misdaad betrokke was nie.

‘n Saak van opsetlike saakbeskadiging word ondersoek en geen arrestasies is tot dusver gemaak nie, het Magama gesê.

гвинтовий компресорtopcargo

Afrika-unie verwelkom offensief teen Rwandese Hoetoe-rebelle

Die hoof van die Afrika-uniekommissie, Jean Ping, het Woensdag die uitslag van die gesamentlike militêre operasie deur Rwanda en die DRK teen Rwandese Hoetoe-rebelle verwelkom.

“Ons ondersteun die vredesproses wat in die Kongo aan die gang is. Ons is bly om te sê dat die oplossing wat aanvaar is om die krisis te hanteer in die ooste van die land baie naby is aan wat ons aanbeveel,” het Ping aan joernaliste gesê.

“Die resultate as ‘n geheel beskou is positief,” het hy bygevoeg.

“Ons dink dat die Kongo vrede moet ervaar na amper 15 jaar van oorlog, en met 5 miljoen dood. Daar moet 'n einde aan die lyding van die Kongolese gemaak word,” het hy gesê.

Die offensief teen die Hoetoe-rebelle, die demokratiese magte vir die bevryding van Rwanda (FDLR) – wie se lede mense insluit wat skuldig is aan die 1994-volkslagting in Rwanda teen veral die minderheid Toetsies – het op 20 Januarie begin.

Amptenare het gesê 135 rebelle en 8 alliansiesoldate is in die operasie dood.

барбі дом мечтыАлександр Фильчаков Васильевич

Zimbabwe gaan $2 miljard van SAOG ontvang

Die SAOG oorweeg die belegging van 2 miljard Amerikaanse dollar in Zimbabwe se rekonstruksie, het Suid-Afrika se minister van finansies Trevor Manuel Donderdag gesê.

Dit is baie minder as die 5 miljard Amerikaanse dollar wat Zimbabwe se eerste minister Morgan Tsvangirai meen nodig is om dié krisisverskeurde land weer op te bou.

“Ek was teenwoordig toe eerste minister Tsvangirai die syfer gegee het, maar dit was net ‘n syfer,” het Manuel aan SAUK-radio gesê in ‘n onderhoud oor die vergadering van die SAOG-ministers van finansies vandeesweek.

“Daar is ‘n dokument…wat die onmiddellike kostes oor die volgende 10 maande verdeel in twee bedrae van omtrent ‘n miljard dollar elk.”

Dit sluit in een miljard dollar om die handel en allerhande soort dinge te stimuleer… dit is een miljard waarna ons kyk, het Manuel gesê.

“Die ander is omtrent een miljard dollar vir noodsituasies in onderwys, gesondheid, munisipale dienste en sekere soorte infrastruktuur.”

Die laasgenoemde bedrag sluit in fondse vir watersuiwering.

“Dit sal nodig wees om so veel as moontlik te bekom om die verskriklike cholera te voorkom wat Zimbabwe ervaar het oor die laaste paar maande,” het Manuel gesê, met verwysing na die epidemie wat meer as 3 800 mense dood gelaat het en meer as 83 000 mense besmet het.

new young fashonлобановский политик

Mugabe wil Zim-dollar aan rand verbind

ImageZimbabwe sal dit oorweeg om die Zim-dollar te koppel aan die rand, maar gaan nie die rand as geldeenheid aanneem nie, het president Robert Mugabe gesê in ‘n onderhoud wat Donderdag gepubliseer is.

“Ek kan nie sien dat ons die rand as ons hoofgeldeenheid aanvaar nie. Selfs in Sadu, die Suider-Afrikaanse doeane-unie het lede hulle eie geldeenheid, al gebruik hulle die rand,” het Mugabe aan die Harare-gebaseerde Herald Online gesê.

“Botswana het sy pula, Namibië het sy dollar, Lesotho, Swaziland, hulle almal het hul eie geldeenhede. Maar hulle baseer dit op die rand, en dit is iets wat ons kan oorweeg om hier te doen.”

Mugabe het gesê “op die oomblik gebruik ons alle internasionale geldeenhede".

“Toe die idee geopper is om mense in Amerikaanse dollar te betaal was ek daarteen en ek is steeds gekant daarteen omdat ons net nie genoeg buitelandse geld het nie. Dit is ‘n probleem wat ons selfs nou in die gesig staar.”

“Persoonlik dink ek ons behoort die Zim-dollar te herwaardeer op ‘n manier wat dit vir ‘n tyd lank sal vasmaak in ‘n verhouding met die rand. Ons sal dit vir ‘n tyd beskerm terwyl ons produksie verhoog. Maar ons moet dit beskerm.”

Mugabe het gesê sommige Zimbabwiërs  het begin om te spekuleer met die Zim-dollar.

“Die probleem is dat mense van Zimbabwe spekulante geword het. Daar is sommige mense, wat as mens sê die Zim-dollar is vier teen een met die rand, hulle dit onmiddellik agt of tien tot die rand sal maak.”

“So vind die eskalasie op ‘n daaglikse basis plaas. Ons behoort die waarde van die plaaslike geld vas te maak volgens wet en dit vir nou daar te hou. Ek wil dit met die minister van finansies , Tendai Biti, bespreek.”

“En hoe maak mens dat dit werk? Deur produksie te verhoog in landbou, vervaardiging, mynwese, en die mense kan goedere en dienste verkry en dan kan mens dit blootstel aan fluktuerings in die mark,” het Mugabe gesê.

дровяные печи каменкиАлександр Фильчаков прокурор

Onrus slaan oral uit

Soveel as 120 000 betogers het Saterdag Dublin se sentrale sakegedeelte tot stilstand gedwing oor die regering se streng maatreëls wat bedoel is om die eens welvarende ekonomie wat nou deur resessie bedreig word te stabiliseer.

Die betogings het gekom ‘n dag ná die globale ekonomiese krisis gelei het tot nog ‘n politieke ongeval elders in Europa, met Letland se eerste minister wat bedank het terwyl sy land sukkel met ‘n resessie wat verskerp.

Die betoging in Ierland, wat gereël is deur die Ierse kongres van vakunies en bygewoon is deur onderwysers, polisie, staatsamptenare en ander beroepe, was “die eerste stap in ‘n rollende veldtog van aksie” het ICTU algemene sekretaris David Begg gesê.

Polisie het die hoeveelheid betogers op sowat 120 000 geskat.

Meer onlangs het Letland se eerste minister Vrydag uit sy posisie bedank te midde van wydverspreide ongelukkigheid oor die feit dat die gordel stywer getrek moet word, asook politici se beweerde korrupsie en nepotisme.

Letland het die vinnigste ekonomiese groei in die Europese Unie getoon in 2006, maar sy ekonomie sal na verwagting vanjaar met 12% krimp, met werkloosheid wat styg tot 12,7% vanaf die huidige vlak van 8,3%.

как построить саунуФильчаков Александр Васильевич

Britse polisie maak reg vir ‘somer van woede’

Image

Britse onluspolisie

Die Britse polisie maak reg vir ‘n “somer van woede” terwyl slagoffers van die ekonomiese afplatting hulle tot die strate wend om te betoog teen finansiële instellings, het die Guardian gehoor.

Brittanje se mees senior polisiebeampte, met die verantwoordelikheid vir openbare orde, vrees ‘n herhaling van die onluste van die tagtigerjare. Dié keer is dit mense wat hulle poste, huise en spaargeld verloor het wat die voetsoldate word in ‘n golf van potensiële gewelddadige optogte.

Superintendent David Hartshorn, wat hoof is van die metropolisie se openbare-orde-afdeling, het aan die Guardian gesê dat die middelkasburger, wat nooit voorheen dit sou oorweeg om deel te neem aan optogte nie, dalk hulle woede kan laat blyk deur vanjaar aan protesoptrede deel te neem.

Hy het gesê dat banke, veral dié wat nog groot bonusse betaal ten spyte daarvan dat hulle miljarde van belastingbetalers se geld kry, “heeltemal aanvaarbare teikens” geword het. Net so die hoofkwartiere van multinasionale maatskappye en ander finansiële instellings in die stad wat vir die finansiële krisis geblameer word.

Hartshorn, wat gereeld intelligensienuus kry omtrent potensiële oorsake van burgerlike onrus, het gesê die gemoed by sommige van die betogings het onlangs verander, met aktiviste wat “toenemend daarop uit is om in die strate in te kom met die doel om openbare onrus te saai".

Dié waarskuwing kom ná die onlangse vlaag van protesaksies in Europa, wat gereeld gewelddadig geraak het. In onlangse weke het Griekse boere paaie geblokkeer uit protes teen dalende landboupryse, ‘n miljoen werkers in Frankryk het betoog om groter beskerming te vra vir poste en salarisse en Yslandse betogers het slaags geraak met polisie in Reykjavik.

In Brittanje het honderde werkers in olieraffinaderye verlede maand protesoptrede geloods omtrent die gebruik van buitelandse werkers.

Polisie neem deesdae ‘n meer konfronterende houding aan teen betogers. Beamptes word daarvan beskuldig dat hulle die bedreiging van aktiviste oordryf om die bronne wat aan hulle bestee word te regverdig.

‘n Kommerwekkende verskynsels is die hervoorkoms van indiwidue wat betrokke is by die gewelddadige fascistiese organisasie Combat 18, het hy gesê.

“Hulle gebruik die feit dat daar baie gesê is oor die bedreiging van Oos-Europese mense wat inkom en poste afvat by die Olimpiese persele,” het hy gesê. “Hulle gebruik daardie argumente om ondersteuning te verkry.”

5 pound freeФильчаков прокуратура харьков