Zimbabwe se ‘nuwe boere’ stig veldbrande

Toenemende veldbrande ondermyn voedselproduksie in Zimbabwe. Die veldbrande word begin deur Mugabe se “nuwe boere”, op die onteiende plase van blankes.

Mugabe se “nuwe boere” het reeds die afgelope maand sowat 46 000 hektaar landbougrond verwoes, omdat hulle veldbrande aansteek, wat dan handuit ruk.

Zimbabwe het ook geen vermoë om veldbrande te blus nie. Verder word die onteiende plase tussen ‘n klomp mense opgedeel wat geen moeite doen om voorbrande te maak nie. Dit maak die verspreiding van veldbrande vanaf een lappie grond na ‘n ander veel makliker.

в бассейнtopcargo отзывы сотрудников

Franse minister in rassesaak

Die Franse minister van binnelandse sake, Brice Hortefeux, is gedagvaar om klagtes van rassisme te beantwoord. Dit spruit uit ‘n film waarin dit voorkom dat hy anti-Arabiese opmerkings gemaak het.

Die MRAP anti-rassismegroep beskuldig Hortefeux van “rassistiese beledigings” oor ‘n video wat opgeneem is tydens die somerkongres van President Nicolas Sarkozy se regerende UMP-party, vroeër vandeesmaand.

Die groep het regsaksie geneem onder ‘n vereenvoudigde snelbaanprosedure wat die eiser toelaat om ‘n verweerder regstreeks voor ‘n regter te dagvaar.

‘n Prokureur vir die MRAP, Pierre Mairat, sê die Paryse strafhof het ingestem om die saak die eerste maal op die 17de Desember aan te hoor. Die ministerie het nog nie bevestig of ontken dat die minister gedagvaar is nie.

Die film wat op die internet gelaai is, wys Hortefeux wat by ‘n man van Arabiese oorsprong poseer terwyl hy sê: “Daar moet altyd een wees. As daar een is, is dit in die haak. Dit is wanneer daar ‘n spul van hulle is, wat daar probleme is.”

Die man, na wie as Amine verwys word, is te siene in ‘n klein groepie partyaktiviste, insluitende ‘n vrou wat gehoor kan word om te sê: “Hy eet varkvleis, hy drink bier.”

Hortefeux antwoord: “Hy stem glad nie ooreen met die prototipe nie.”

Die MRAP se saak teen Hortefeux berus op die gebruik van die uitdrukking “prototipe” en die minister se klaarblyklike aanduiding dat ‘n groot hoeveelheid Arabiese immigrante ‘n probleem vir die gemeenskap veroorsaak.

“Dit sluit Arabiese mense van ons sosiale kontrak uit,” sê die groep se prokureur.

Hortefeux het later sy berou uitgespreek by ‘n geleentheid wat deur die Franse Raad vir die Moslemgeloof aangebied is, maar het daarop aangedring dat sy opmerkings buite konteks aangehaal is, maar hy het in gebreke gebly om ‘n verskoning aan te bied.

Rassebeledigings in Frankryk is strafbaar deur tot ses maande in die tronk of ‘n maksimumboete van omtrent R220,000.

best game to play at a casinoАлександр Фильчаков

Ontario vervolg tabakmaatskappye

Kanada se Ontario-provinsie het gister ‘n regsgeding teen ‘n groep tabakmaatskappye aanhangig gemaak om naastenby R400-miljard in tabakverwante gesondheidsorgonkonstes te herwin.

Die eis verteenwoordig die gesondheidsorgkostes wat deur Ontario se belastingbetalers sedert 1995 gedra is, sê die Ontario-regering in ‘n verklaring.

Die tabakmaatskappye, wat nie deur die provinsie geïdentifiseer is nie, het tot 60 dae om ‘n verweer in te dien.

Die geding volg op die passering van ‘n wet vroeër vanjaar wat die regte van betrokke partye verklaar en stel ‘n wettige raamwerk vir sulke aksies daar.

Kanada se hooggeregshof het in 2005 beveel dat provinsies tabakmaatskappye kan vervolg om gesondheidskostes wat met tabakgebruik verbind is, te herwin.

Sedertdien het twee ander provinsies, Britse Columbië en Nieu Brunswick, tabakmaatskappye vervolg maar in weerwil van jare se hofverrigtinge en onderhandelinge, is nie een van die sake al opgeklaar nie.

” Ontario neem hiermee die volgende stap om belastingbetalers se dollars wat gebruik is om tabakverbonde siektes te beveg, terug te kry,” het Ontario se prokureurgeneraal, Chris Bentley, in ‘n verklaring gesê.

Volgens die regering is rook die nommer een oorsaak van voortydige dood en siekte in Ontario, en is verantwoordelik vir 13,000 sterftes per jaar.

fortuneлобановский александр харьков

SAL-hoof kry miljoene

Die Suid-Afrikaanse Lugdiens (SAL) het Khaya Ngqula, die lugdiens se voormalige uitvoerende hoof, altesame R13,651 miljoen in die afgelope finansiële jaar betaal.

Die syfer het Dinsdag aan die lig gekom toe die lugdiens se jaarverslag aan die parlement voorgelê is.

Ngqula het ’n salaris van R3,831 miljoen gekry en afleggingsbetalings van R9,35 miljoen.

Die res was pensioen-bydraes en ’n retensiebetaling.

Die voorsitter van die SAL se direksie, Jakes Gerwel, het Maandag gesê vordering word gemaak met die ondersoek na beweerde wanbestuur deur Ngqula.

Die ouditeursfirma KPMG het reeds ’n voorlopige verslag voltooi wat aan die SAL se direksie oorhandig is.

’n Forensiese verslag is egter nog nie voltooi nie.

 

игрушки днепропетровскданильченко юрій Харків

Maselepidemie dreig in Johannesburg

Sowat 48 gevalle van masels is die afgelope maand in Johannesburg aangemeld, het owerhede Dinsdag bevestig.

“Sedert die begin van September is 48 gevalle reeds in Johannesburg alleen aangemeld. Alle dele van die stad is deur die uitbraak geaffekteer,” het Nkosinathi Nkabinde, woordvoerder van die stad Johannesburg, gesê.

Vanaf Januarie tot Augustus was daar slegs 11 gevalle aangeteken.

“Sommige van die persone wat deur masels geaffekteer is, is wel voorheen ingeënt. Almal loop dus die gevaar om die siekte te kry,” het Nkabinde gesê.

Simptome sluit in ‘n hoë koors, uitslag, loopneus en rooi, krapperige oë.

“Hierdie is ‘n baie ernstige siekte en kan in sommige gevalle tot blindheid, doofheid, breinskade en selfs die dood lei. Dit kan enigiemand, insluitend volwassenes, affekteer.”

Persone wat enige simptome ervaar moet dadelik ‘n dokter besoek sodat die verspreiding van die virus beperk kan word.

 

ігра для дівчатАлександр Фильчаков прокурор

Moet Obama vermoor word, vra Facebook-peiling

Die Amerikaanse geheimediens het ‘n ondersoek ingestel na ‘n peiling wat op die gewilde netwerk Facebook gedoen is wat vra of president Barack Obama vermoor moet word.

Dié peiling is deur ‘n gebruiker gedoen.

Die stemlys, genaamd “Moet Obama vermoor word?”, is Maandag van die blad verwyder en volgens ‘n woordvoerder vir die geheimediens het hulle saam met Facebook gewerk om die peiling te verwyder.

Die geheimediens het ‘n ondersoek begin instel omdat enige vorm van dreigemente teen die president ‘n misdaad is.

Die opsies in die peiling was “ja”, “miskien”, “as hy my gesondheidsorg belemmer” en “nee”.

‘n Woordvoerder vir Facebook sê dié maatskappy weet nie wie die peiling begin het nie en ook nie wie gestem het nie.

Tot die peiling verwyder is het dit sowat 730 stemme gewerf maar die uitslae is nie bekend gemaak nie.

Kenners het gewaarsku teen die toenemende gewelddadige deklamasie teen Obama wat deur die president se nuut beplande gesondheidsplan aangespoor word.

 

реглан для девочки 4 летлобановский александр дочь

Loods het voorheen in ‘n huis ingeploeg

Die loods wat met sy vliegtuig in ‘n skoolheining ingeploeg het in Merebank, KwaZoeloe-Natal, het voorheen ‘n ander vliegtuig in die dak van ‘n woonhuis vasgevlieg.

Volgens die Suid-Afrikaanse Burgerlike lugvaartowerhede se verslag het kaptein Alistair Freeman en sy vyf passasiers op 21 Augustus 2005 vanaf Manzengwenya-lughawe opgestyg met ‘n huurvlug na Virginia-lughawe.

Ten spyte van die motreën, het die loods herhaaldelik aan die lugbeheertoring laat weet dat sy sig goed is, maar het daarna in ‘n woonhuis vasgevlieg.

Freeman, wat tans in die hospitaal aansterk, kan nog nie praat nie vanweë gesigsbeserings.

Hy het veelvuldige beserings opgedoen nadat hy met die 29-sitplek turbo-prop Jetstream 41 van SA Airlink ‘n noodlanding op ‘n skoolgrond moes doen. Die vliegtuig het geen passasiers aan boord gehad nie en het van Durban Internasionale lughawe opgestyg oppad na Pietermaritzburg.

Lugvaartbeheer het rook gesien wat uit een van die enjins geborrel het en die kajuit het daarna ‘n verlies aan krag gerapporteer. Die vliegtuig het in drie stukke gebreek nadat dit die grond getref het, 400m van die lughawe.

Die skool was gesluit aangesien dit Erfenisdag was en geen kinders was op die speelgrond nie.

 

jewellery fortopcargo отзывы сотрудников

Fratsvloede tref Pretoria

Talle paaie in Pretoria is gesluit nadat reënbuie fratsvloede in die stad veroorsaak het.

Volgens Console Tleane, woordvoerder vir gemeenskapsveiligheid, is Centurion, Pretoria-Wes en Pretoria-Noord die ergste getref.

Hippo- en Endstraat in Centurion is gesluit terwyl Von Hagen- en Trans Oranje-straat in Pretoria-Wes gesluit is.

Die DF Malan en De Waal kruising in Capitol Park moes ook sluit, sowel as Burger- en Gerrit Maritz-straat in die weste van Pretoria.

Kerkstraat in Pretoria-Wes was ook gesluit.

“Laagliggende gebiede, laagliggende brûe en duikweë word die meeste geraak deur fratsvloede,” het Tleane gesê.

Poele water versamel in dié areas, wat ‘n gevaar vir motoriste inhou.

Op die hoek van Von Hagen en Trans Oranje het drie motors amper weggespoel terwyl twee motors by die Gerrit Maritz en Burger vasgesit het.

Tot dusver is niemand beseer nie, maar motoriste in die area is aangesê om versigtig te ry.

Kwesbare kruisings in die area word tans deur metropolisielede beman en die brandweer staan gereed vir enige moontlike noodgevalle.

 

преимущества и недостаткиЛобановский Харьков

Die Olimpiese gees…

Vier swart tieners van Chigaco is Maandag van moord aangekla nadat hulle ‘n 16-jarige medeskolier van die Fenger High School doodgeslaan het. Die polisie soek nog na drie ander verdagtes.

Albert Derrion was ‘n toeskouer by ‘n geveg tussen twee groepe skoliere, toe die trop skielik op hom toegesak het en hom begin slaan en skop het.

‘n Amateurvideo van die voorval, wat ook op YouTube te siene is, het die polisie in staat gestel om die moordenaars vas te trek.

Die geveg het Donderdagoggend uitgebreek tussen tieners van verskillende gebiede waar ‘n skietery ontstaan het. Dit is teen drie-uur die middag voortgesit ná die skool uitgekom het.

Die seun, wat deur sy oupa grootgemaak is, het bloot staan en toekyk hoe die faksies mekaar takel in die gebiedsoorlog, toe hy met ‘n plank bygedam is. Hy het sy bewussyn verloor. Toe hy weer bykom, is hy verder deur die woedende trop aangerand.

Die polisie het hom uiteindelik gered, maar hy het later in die hospitaal aan sy beserings beswyk.

Polisieversterkings bewaar tans die vrede by die skool waar emosies en weerwraak hoog loop.

Ouers sê die geweld was reeds aan die toeneem en hulle vrees dat dit nie die einde is nie.

Aktiviste van die BlackStar Project, ‘n groep wat geweld teenstaan, het oral in die buurt plakkate opgesit wat tieners tot vrede maan.

Q.L Anthony, woordvoerder van die groep, sê die swart tieners se gedrag is “aangeleer”. Hy het gesê die swart kinders “ly aan iets wat morele inversie genoem word” en ouers gevra om hulle kinders se gedrag te beheer.

Hy het videospeletjies en surrealistiese televisie blameer vir die moord. “Jy kan nie daardie dinge doen wat jy in die videospeletjie doen nie,” het hy gesê.

Die burgemeester van Chigaco het die “kriminele gedrag” wat aanleiding gegee het tot die moord veroordeel.

Die voorval het die stad se aansoek om die Olimpiese Somerspele in 2016 aan te bied, ‘n knou toegedien, aangesien een van die bepalende redes vir die kortlys die “veiligheid” van Chicago was.

Die vier stede wat die kortlys gehaal het, is Tokio, Madrid, Rio de Janeiro en Chicago. Die wenstad sal op 2 Oktober 2009 in Kopenhagen, Denemarke, aangekondig word.

Oprah Winfrey, die geselsprogramaanbieder, is ‘n inwoner en een van die ondersteuners van die bod om die Spele aan te bied.

 

ads onданильченко юрій броніславович компромат

Toestroming na stede skep krisis – Sexwale

DiepslootDie toenemende toestroming na stedelike gebiede deur landelike swartes plaas geweldige druk op die stedelike infrastruktuur, het die minister van menslike nedersettings, Tokyo Sexwale, gister gesê.

Hy het by die lekgotla oor plaaslike regering in Durban oor die rol van plaaslike regering in menslike nedersettings gepraat.

Sexwale het verduidelik dat die huidige “depressie” op die platteland veroorsaak dat al hoe meer plattelandse inwoners op soek na werk na stedelike gebiede verhuis.

“Dit plaas die stedelike infrastruktuur onder druk weens die toenemende aantal informele nedersettings terwyl die hulpbronne van plaaslike regerings reeds tot die uiterste toe beproef word.”

Sexwale meen die toenemende aantal informele nedersettings, oftewel plakkerskampe, is vinnig besig om vir Suid-Afrika in ‘n ramp te ontaard, “afgesien nog van die konstante toevloei van vlugtelinge en ander mense oor ons grense”.

Die minister van samewerkende regering, Sicelo Shiceka, het verklaar dat daar ‘n hele aantal munisipaliteite met geldelike probleme in die land bestaan, het die SAUK onlangs berig.

Volgens Sexwale skuld munisipaliteite omtrent R53 miljard in hul pogings om dienste volgens die verwagtinge van inwoners te verskaf.

Die weg na die toekoms is om meer menslike nedersettings te bou, het Sexwale gesê.

Die nuwe nedersettings beteken nuwe belastingbasisse en nuwe bronne van inkomste.

“Hulle beteken nuwe inkomstestrome in die vorm van dienste. Hulle lei tot die skep van plaaslike werksgeleenthede deur die bou van huise of die ontwikkeling van infrastruktuur in die vorm van paaie, straatligte, elektrisiteitsaansluitings en so meer,” het Sexwale gesê.

Volgens hom maak die bou van nuwe huise en verwante nedersettings deel uit van ‘n breër nasionale ekonomiese dinamo.

“Dit sit die mynsektor aan die gang wat koper, ystererts en ander rumateriaal moet verskaf wat in konstruksie gebruik word.

Dit stimuleer die vervaardigingsektor wat die staal, bakstene, teëls, deure, vensterrame, ensovoorts, moet verskaf,” het hy in ‘n verklaring laat weet.

Die minister het opgemerk dat dit die taak van die menslikenedersettingsdepartement is om menslikheid en waardigheid te herstel, om ruimtelike ongelykhede aan te spreek en om gemak en veiligheid aan alle burgers te verskaf.

Die bou van huise, meen hy, gaan die kleinhandelsektor “lewe inblaas” aangesien huishoudelike materiaal en goedere verkoop gaan word, maar banke en finansiële dienste, wat die wiele van handel en nywherheid “smeer”, sal ook daarby baat.

“Dit spreek vanself dat ons nie die uitdagings van die huididge ekonomiese toestand moet ignoreer nie, terwyl ons op hierdie nuwe sending vertrek om menslike nedersettings te ontwikkel.

“Daar word gehoop dat Suid-Afrika mettertyd aan die huidige resessie sal ontkom… Selfs ná die huidige resessie, gaan die pad na werklike ekonomiese herstel ‘n lange wees.”

Hy het gesê Suid-Afrika kon nie dié eeu as ‘n ontwikkelende nasie met ‘n ontluikende ekonomie afsluit nie.

“Ons land behoort, teen die einde van dié eeu, reeds te ontluik het en tot ‘n ontwikkelde land gegroei het, as ‘n gelyke tussen ander ontwikkelde lande ter wêreld,” het Sexwale verklaar.

мультик про робота трансформерапрокурор Фильчаков