Menings – Bladsy 84 – praag.co.za

As Semenya wit was…

As Semenya ‘n blanke meisie was, van enige land in die wêreld, sou daar geen geld, goud en titel gewees het nie.

Sy sou vervolg word vir bedrog en geskors word van atletiek.

Daar sou geen simpatie wees nie en niemand sou glo dat sy nie geweet het dat haar fisiologie afwyk van die van ‘n normale vrou nie!

En die nasionale en internasionale media sou haar geen privaatheid gun of dokter pasient vertroulikheid ge-eer het nie.

Die argument sou wees dat sy haarself in die openbare oog en toneel geplaas het en dat haar doene en late dus van algemene en publieke belang is.

Maar wat bereik die liberaliste en swartes met hierdie dubbele standaarde en opperste skynheilige pro-swart rassisme?

Hulle skiet hulself in die voet!

Want Semenya word voorgehou as ‘n universiteit student wat in een of ander sport rigting studeer. (Sport wat sekerlik vakke insluit soos kinisologie en fisologie?)

Maw wat al hierdie pro-Semanya idiote sê is dat ‘n Suid Afrikaanse universiteit student, met belangstelling in, studies in en hopelik kennis van die menslike liggaam, weet niks van die menslike liggaam nie! Sy weet so min dat sy nie haar eie liggaam of afwykings verstaan nie of selfs nie weet dat sy afwyk van die normaal nie!

Maw hulle bevestig dat swart SA universiteitstudente idiote is wat grade as regstellende aksie troospryse ontvang!

Verder sê die idiote ook dat nie die spandokter of bestuur weet waar die lyn tussen normaal en abnormaal is nie, of alternatiewelik dat hul deurtrapte skelms is wat nie eens skroom om die internasionale gemeenskap te belieg en bedrieg nie.

Verder toon hierdie Suid-Afrikaanse sportorganisasie, ondersteun deur die SA sportdepartement, met sy optrede nadat die waarheid aan die lig gekom het, dat hul selfs sulke gemene en deurtrapte skurke is, dat die swart ampsdraers, elkeen wat hul uitgevang het of daaroor berig het, as “rassiste” sal uitkryt.

Dit alles in ‘n poging om hul verneukspul te verdoesel deur waarheidsoekers regdeur die wêreld af te dreig met die hede se mees gevreesde ettiket naamlik: rassis!

En hoe meer die swartes probeer toesmeer, hoe meer bewys hul aan elkeen met gesonde verstand, wat ‘n klomp deurtrapte en beroulose bedrieers en gebore skurke hulle is.

Het dit nie tyd geword dat die media en sy rugraatlose joernaliste en redakteurs uitgewys word vir hul slaafse en kruipende benadering en beriggewing oor swart vergrype en gebrekkige moraliteit nie?

сауна

Afrikaners is slawe van DA-propaganda

Gister was daar, waar ek woon, ‘n munisipale tussenverkiesing. Deur die moderne toepassing van die wetenskaplike metode te gebruik, kon ek waarneem, ‘n teorie vorm en die teorie bewys deur veronderstellings.

Die demografie in die wyk is seker 70% blanke Afrikaanssprekendes, 25% blanke Engelsprekendes en 5% swart Sothosprekendes. 3 Partye het deelgeneem: die ANC, die DA en die VF+. Die uitslag is nog nie bekend nie.

Die ANC het ‘n paar lamppale versier. Die DA het baie lamppale versier, uit Kaapstad gebel en op Engels gevra of hulle op my kan staatmaak en ‘n pamflet versprei oor hoe sleg die VF+ is. Die VF+ het vir die eerste keer in mense heugenis groot moeite gedoen om steun te verwerf. Daar was ‘n vergadering waar Pieter Mulder en Jaco Mulder ‘n klein groepie toegespreek het, daar was elke dag SMS-boodskappe in Afrikaans, daar was pamflette oor onbehoorlikhede in die DA beheerde stadsraad en daar was baie versierde lamppale.

Ek hoor toe van blanke Afrikaanssprekendes wat sê dat hulle DA stem want almal wat hulle ken, stem DA. ‘n Skolier (leerder) meen die VF+ is rassiste.

Hieruit kan ons nou aflei dat die moderne Afrikaanssprekende blanke:

(a) nie vir homself kan dink nie,

(b) te lui is om self inligting te bekom,

Ons kan ook aflei dat enigeen wat ‘n boodskap aan hierdie moderne blanke Afrikaanssprekende wil oorbring:

(a) ‘n sterk plaaslike struktuur moet oprig,

(b) die boodskap deur tot deur moet oordra,

Een ding wat ek nog nie kon uitvind nie is: waarvoor staan DA nou eintlik? Is dit vir Dom Astrant, Destroy Afrikaners of het dit te doen met die “da” wat een van die Staal Burger-karakters altyd gebruik het.

99spravok

Kitsdoodstraf

Dit sal ‘n skrikwekkende gedagte wees dat iemand wat net ‘n basiese opleiding agter die rug het en geleer skiet het, die mag gegee word om te besluit oor lewe en dood. Maar is dit nie wat gebeur nie?

Die koerante is die afgelope paar dae volgeskryf oor die polisie wat deur politici en bevelhebbers aangepraat word om te skiet om dood te skiet. Vir ‘n misdaadvoos publiek is dit moontlik welkome woorde – vir die eerste keer word daar hard gepraat teen misdaad en dit lyk ook of daar hard opgetree word.

Daar is waarskynlik maar min mense wat lang trane huil oor die 17 transito-rowers wat die laaste twee maande doodgeskiet is in drie verskillende voorvalle. Die meeste van hulle was geharde misdadigers wat self nie sou stuit om ‘n lewe te neem nie.

Na die ongelukkige voorval waarin ‘n drie-jarige seuntjie per ongeluk doodgeskiet is en die uitlating van die onverantwoordelike adjunk-minister van polisie, Fikile Mbalula, dat onskuldige mense in die kruisvuur gaan sterf, was die polisie gou om daarop te wys dat geen lid van die publiek in die transito voorvalle gewond is nie.

Van die 17 rowers was minstens 15 uit op borgtog en verhoorafwagtend en almal het ‘n misdaadgeskiedenis gehad. ‘n Paar was op die polisie se soeklys.

Die nasionale woordvoerder van die polisie, senior superintendent Lindela Mashigo het gesê die polisie is trots op sy lede wat die booswigte platgeskiet het, want hulle bedreig ons vryheid en veiligheid.

Verseker het almal wat hulleself agter hoë tralieheinings wegsluit, rede om saam te juig, want minstens is daar ‘n paar minder geweldenaars op straat. Maar maak dit ons meer vry en veilig?

Die hele prentjie moet in oënskou geneem word. Hierdie misdadigers wat geskiet is, moes nooit op straat gewees het nie. Waarom was hulle uit op borgtog? Hoe kan dit wees dat ‘n groep van hulle vantevore in die hof onskuldig bevind is? Was dit ‘n geval dat die sake nie goed voorberei was nie? Is dit die oorvol tronke wat maak dat geregtigheid nie seëvier nie? En die belangrike vraag: Hoeveel transitorooftogte moet ‘n persoon pleeg voor ‘n konstabel hom in die visier kry en besluit dat ‘n kits doodsvonnis die beste oplossing is?

Natuurlik gun ons elke polisieman om homself te verdedig net soos ons dit aan elke lid van die publiek gun, maar om met die houding na ‘n toneel te gaan dat jy maar mag skiet om dood te skiet, gaan nie die gebreke in die totale regstelsel toeverf nie.

Regters wat in howe die doodsvonnis uitspreek het jare lank studeer, moet baie ondervinding hê en kan rustig al die kante van die saak aanhoor voor hulle ‘n beslissing gee en nog steeds het Radio Pretoria twyfel oor die vermoë van die regbank om in ons skeefgetrekte ideologiese bestel werklik die Bybelse opdrag uit te voer.

Soveel te meer twyfel ons aan die onderskeidingsvermoë wat iemand wat maar enkele maande lank opgelei is. Ons het al dikwels berig oor byvoorbeeld metro-polisielede wat mense wat vir ‘n vermeende verkeersoortreding afgetrek word, aanrand en rassisties beledig. Wie gaan die streep trek om te sê hulle mag nie ook sommer skiet nie?

ukladka-parketa

Hou ons taal só lewendig

As ek mag sou ek graag die n voorstel wou maak dat daar erens, weekliks of tweeweekliks ‘n ruimtetjie afgestaan word vir ‘n gedig of prosa met ‘n kort resensie uit ons baie ryk amper vergete bron van digters en skrywers.

Hierdeur kan ons ons Afrikanertaal en -kultuur lewendig hou.

My kleinkinders word so dikwels as wat ek kan blootgestel aan bv liedjies uit die F.A.K-bundel. Dan druk ek dit uit en as ons op die strand gaan loop, sing almal saam (ook kroonprinsie wat nog nie veel begrip het van lees nie en net sing – baie hard – die woorde wat hy kan onthou) – tot almal se vermaak.

Vir my is dit baie belangrik dat juis hierdie geslag van mense en kinders bedag gemaak word op ons geskiedenis en kultuur – want sou ons nalaat om dit te doen, gaan ons geskiedenis verlore wees vir daaropvolgende geslagte.
My liefde vir A.G Visser se gedigte en Langenhoven se ontuitputlike bron van mensweesplesier – is deur my pa se lees en vertelling in my hart neergelê – amper meer as dít wat ek op skool geleer het.

Eugene Terre’Blanche: ‘n ‘cowboy’ wat kan terugkeer

Dan Roodt sit hierdie keer die pot mis en maak ‘n strategiese fout met sy kommentaar oor Eugene Terre’blanche in sy rubriek: Antjie Krog – Beroepsafrikaner en nar.

Roodt skaar homself nou by Harald Pakendorf wat jaarliks by die Aardklop-kunstefees met die “Diskoers”-bespreking vir die gehoor aankondig Eugene Tere’blanche het van ‘n perd afgeval. (Ek plaas “Diskoers” in aanhalingstekens want al die deelnemers vertel altyd vir mekaar hoe goed dit in die nuwe SA gaan.)

Die storie van Eugene Tere’blanche se perd afval, die groen onderbroek, ens., het die uitlaatklep geword vir mense wat diep gefrustreerd is met hul eie mislukkings enof die mislukkings van die politieke bedeling waarvoor hulle gestem het. Dit is dus onnodig dat Roodt homself in hierdie groep plaas.

Ek is of was nooit ‘n AWB-ondersteuner of aanhanger van Eugene Terre’blanche nie, maar wil ‘n paar punte vir oorweging stel voor daar weer met ‘n moddergooiery teen Terre’blanche begin word:

Terre’blanche het waarskynlik in twee onderhoude op RSG meer Afrikaners bereik en op een of ander manier geraak as wat Praag in sy bestaan gedoen het. Daarmee bedoel ek nie Praag het nie ‘n rol om te vervul nie.
Meer mense luister na Steve Hofmeyer as na Helen Zille en Pieter Mulder saam. Laasgenoemde het die afgelope 15 jaar,met of sonder Constand Viljoen, niks uitgerig nie. Helen Zille het nog nie agtergekom, soos Van Zyl Slabbert reeds 20 jaar terug, dat sy besig is met ‘n oefening in futiliteit nie.
Meer mense lees een uitgawe van Die Huisgenoot as die boek van R.W. Johnstone “South Africa’s Brave New World” waar hy die ineenstorting van die nuwe Suid-Afrika beskryf.
Eugene Tere’blanche het in een onderhoud op RSG ‘n kristalhelder beeld opgeroep van sy visie vir die Boerevolk. Ná 15 jaar weet ek nog nie eintlik wat die Vryheidsfront Plus, Solidariteit, Afriforum, die FAK, ens. wil bereik nie. (Ek vermoed hulle weet self ook nie.)

Hoekom kan Eugene Terre’blanche weer ‘n suksesvolle terugkeer maak?

Die Western “Destry rides again” van Max Brand is die verhaal van ‘n cowboy wat onskuldig in die tronk geplaas is vir ‘n daad wat hy nie gepleeg het nie. Hy kom dan terug uit die tronk om met sy vyande af te reken, nadat hulle hom reeds afgeskryf het. Hierdie boek was die inspirasie van ‘n hele genre Hollywood-films die afgelope 70 jaar. Die sogenaamde “comeback kid” het ‘n rolmodel vir Amerikaanse politici geword, waaronder Bill Clinton. Die “comeback kid” kry gewoonlik geweldige simpatie by die publiek.
Die liberale Afrikaanse establishment het ‘n onsettende probleem indien Terre’blanche suksesvol sou terugkom, want ons het hier ‘n groot kommunikeerder. Wat die situasie so interessant, selfs gevaarlik, kan maak is dat Terre’blanche ou geraamtes uit die klerekas kan begin haal oor die oorgang en “wonderwerk” van 1994.

Die liberale Afrikaanse establishment het twee riskante opsies indien Terre’blanche te suksesvol raak:

Smeer hom deur die media soos in die verlede.
Verwyder hom permanent uit die samelewing soos Verwoerd en Robert Smit.

Die probeem met die eerste opsie is: hoe smeer jy ‘n man wat in die modder lê en wil opstaan sonder ‘n publieke teenreaksie? Die probleem met die tweede opsie is: gaan jy daarmee wegkom as jy nie die land meer regeer nie?

Daar is tans ‘n sosiopolitieke vakuum by die Afrikaner wat nie deur die partypolitieke stelsel gevul word nie.

Om op te som:

Eugene Terre’blanche kan nie nou meer skade aanrig aan die Boeresaak as 15 jaar terug nie. Inderwaarheid kan hy nou ‘n positiewe bydrae maak.
Antjie Krog is besig met ‘n reusetaak om die verligte Afrikaner se beeld as naïef, verward en bespotlik te maak. Sy moet maksimum mediablootstelling hierin kry.

Bogenoemde twee faktore, tesame met ‘n verwarde en onseker Afrikanerestablishment, kan onderhandelinge vir die Boeresaak van selfregering sterk bevoordeel.

палатки киев

Wat is Dan Roodt se punt met Nkosi…?

Ek wil nou rerigwaar met trane in my oë weet wat Dan Roodt se punt was met die artikel Nkosi, seen ons met apartheid?! Jy het my al met die tweede paragraaf verloor; is jy nou vir apartheid of teen dit? Ek stem totaal saam Gert van der Westhuizen van Beeld het blykbaar totaal kontak met die werklikheid verloor, maar ek wil my nou amper verbeel jy is nie veel beter nie?

Ek is hartlik gatvol vir “praag” wat in my keel afgedruk word in die sykolomme van g-mail. Wat was dit nou weer “moroniese gesanik”? Dit gaan altwee kante toe. Ek probeer, soos die meeste mense, net aangaan met my lewe en die beste maak van ‘n slegte situasie.

Dié tipe rubriek maak mens net moedeloos en kwaad. En vir wat? Al wat dié tipe ding aanspoor, is mense wat sê: “Wel, wat help dit ek gehoorsaam die wet/betaal my TV-lisensie ensovoorts, niemand anders doen dit nie?” Ek is so gatvol vir mense wat kwaad is vir die situasie en terug verlang na apartheid. Dis bloot omdat dit vir wit, Afrikaanse mense meer gemaklik was. Dit was nog steeds nie reg nie, net soos wat nou aangaan nie reg is nie.

Apartheid sou ook nie die verval van waardes in moderne tye kon teësit nie; dis hoe siklusse loop. Dis net baie voordelig dat dit plaasvind met ‘n ander bewind.

Probeer eerder ‘n verskil maak as net op elke liewe negatiewe ding konsentreer. Dit sal van veel meer waarde wees en my dalk weer trots maak om Afrikaans te wees…

3д рентген зубов

Eishkom

Jippie! Jacob Maroga is uit. Nee, hy’s in. Nee, hy is weer uit. Maar Bobby Godsell is definitief uit. Maar sal hy terugkom as Maroga uit is?

Die vrae en gerugte en stories oor wie nou eintlik aan die stuur van sake staan by Eskom, het gister die nuustoneel oorheers. Van onverwagse oorde het daar ook vreemde uitsprake gekom – soos die swart vakbonde wat vir ‘n verandering meen rassisme het niks met die ding te doen nie.

Daar is ANC-ministers wat bang is vir die invloed wat die gebeure op buitelandse beleggings kan hê. En dan is daar ‘n direksie wat skielik uit ‘n diep slaap ontwaak en agterkom dat die bestuurder wat hulle aangestel het ‘n verslag waarin die kragkrisis voorspel word, van die tafel gevee het, omdat die vrou wat dit opgestel het, wit is. Daar word ook ernstige debatte gevoer oor die nodigheid van regeringsingryping en die fyn lyn tussen bestuur en politieke inmenging.

Die hele geveg oor wie die trein dryf, is besig om die aandag van die werklike krisis af te lei en dit is dat die spoor reeds oor die afgrond verdwyn het.

Natuurlik is dit belangrik dat mense pa moet staan vir die besluite wat hulle geneem het en is dit ook belangrik wie aan die stuur van sake staan. Maar terwyl dit alles aan die gang is, praat niemand meer oor die Eskom-aansoek om kragpryse dramaties te verhoog nie. Die regering wil ingryp in die bestuur van Eskom, maar wil nog steeds hê dat die belastingbetalers die rekening moet betaal.

Mense vergeet ook dat die regering nog glad nie ‘n plan vir alternatiewe energiebronne het nie en dat die druk op ons natuurlike hulpbronne om aan stygende kragvereistes te voldoen, besig is om die land te verwoes.

Ons land se kragnetwerk was ‘n reuse bate toe die ANC/SAKP/Cosatu-alliansie die land oorgeneem het.

Dit was nog ‘n geskenkie wat in die skoot van hierdie mense geval het, net soos al die ander stelsels en strukture wat op Eerste Wêreld-standaard opgerig is.

Daar word nou oral laslappieplakwerk gedoen om net die dinge aanmekaar te hou, veral met die oog op volgende jaar se sokkertoernooi.

As dit verby is wat gaan dan word van die ambisieuse projekte soos die Gautrein, bouwerk aan stadions en die instandhouding van paaie? Gaan alles dan maar net weer verder verval en sal ons maar voortleef met ewige beurtkrag?

Dit was die politieke klimaat en politieke beleid wat veroorsaak het dat instansies soos Eskom hulle trots en trotse werkerskorps verloor het. Dit sal eers weer regkom as die politieke bestel verander. Daar kan maar hoeveel Bobby Godsell’s in direksies sit – as hy gedwing word om die regering se beleid van swart bemagtiging en affirmative action toe te pas, gaan hy sukkel om iemand te kry wat weet waarom daar ‘n blou, groen en bruin draadjie in ‘n prop moet wees…

Фильчаков прокурор

Die ongeluk kom in drieë

Ek raak toenemend oortuig daarvan dat die kurwe van ons afdraende verskerp het. Verskeie gebeure oor die afgelope paar maande sedert “Msholozi” met sy drie amptelike Eerste Dames beheer oor ons oorgeneem het, stem my onrustig. Dink maar self, dis voorbladnuus, onophoudelik.

Vandag het ek egter toevallig die geleentheid gehad om deur my daaglikse skedule radio te luister, nuus op die internet te lees, en so pas nuus op die E-news-kanaal te kyk, en drie dinge het my opgeval. Omdat die eerste van die drie vir my die mees ontstellende was, hanteer ek hulle in ‘n omgekeerde rangorde.

In die derde plek

E-news dra ‘n berig oor die vordering wat die regering maak met die beloofde vyfhonderdduisend nuwe werksgeleenthede. Daar word deur die spesifieke woordvoerder verklaar dat hulle “well on track (is) to meet the deadline of 31 December, and that 270 000 new jobs have been created thus far”.

Daar word vervolgens gewys na wat sommige van hierdie 270 000 werksgeleenthede behels – drie mense geklee in refleksiebaadjies, elk toegerus met ‘n handradio, wat een of ander berghang of koppie iewers patrolleer. Hulle werksbeskrywing? Om die bobbejane wat in hierdie berghang/koppie woonagtig is uit die nabygeleë woonbuurt te hou. Vergoeding? R100 per dag. (Belastingvry natuurlik, want dis minder as R 64 000 per jaar – maar raai wie betaal die drie wagte, liewe getroue SARS-kliënt?)

Geen melding word in die berig gemaak oor die verlore werksgeleenthede in Suid-Afrika oor die afgelope 10 maande nie. (As ek reg onthou, is die totaal hiervan al oor die 250 000.)

Anglo Gold alleen het 11 000 mense al laat loop – sien Finweek van 5 November, p 15. Die afgelegdes was mense met ‘n regte werk. Dit is egter geen probleem nie, die netto werkloosheidssyfer is nie geaffekteer nie want ‘n aantal bobbejaanwagte is aangestel om hul plek te help vervang. Die verskil is bloot – die mynwerkers het bygedra tot die Bruto Binnelandse Produk – die bobbejaanwagters is nog ‘n las op u, geagte SARS-kliënt.

In die tweede plek

Teenstrydig met almal se verwagtinge – en mooi lynreg teen Beeld se spotprent van 9 November 2009 – is Jacob Maroga vanaand ‘n man wat nié deel van die werkloosheidstatistiek is nie. Die Black Managers Forum, of wat de hel hul naam ook al is, tesame met Julius en sy brigade klink vir seker vanaand ‘n paar glasies op hul oorwinning. Afrikanisme het weereens daarin geslaag om onbevoegdheid te bevorder onder die strydkreet: “Rassisme!” Die arme (wit) Godsell, voorsitter, het vandag bedank en, haai raai wat? ‘n Nuwe voorsitter vir die Eksdom-raad is klaar aangekondig – ene Mokoena (as ek nou raak geluister het).

Dit alles, liewe elektrisiteitsverbruiker, het binne minder as ‘n dag gebeur – en dít in die korporatiewe wereld – met sy korporatiewe reëls.

In die eerste plek

Ek lees vandag eers die berig oor die skietery in Pietersburg. (Dis nou “Polokwane” as jy polities korrek is.)

Die feite lyk vir my kortliks so, afgelei uit die NaarPers-berigte: Die militêre vleuel van die ANC-regering se weergawe van GESTAPO / NKWD / STASI / KGB (ook bekend as “Die Polisie”), het inligting bekom oor ‘n voorgenome rooftog en het dadelik voorbereidings begin tref vir wat lyk na ‘n klassieke hinderlaag.

Soos wat ek die berig lees, is geen poging tot arrestasies aangewend nie, en al sewe voorgenome rowers het hul verdiende loon gekry in ‘n see van vuur afgelewer deur “swaargewapende taakmaglede”.

Maak geen fout nie, ek het geen simpatie met gewapende rowers nie, maar ek is nog die heeltyd onder die indruk dat die Nuwe Suid-Afrika ‘n regstaat is?

‘n Verbod is geplaas op die plaaslike peleton van die Gewapende Vleuel van die ANC (“die polisie”), om enige inligting oor die voorval aan die pers bekend te maak. Dis nou in ooreenstemming met die ANC se interpretasie van die term: “Regstaat”.

Nou ‘n vraag: Hoekom skiet “die polisie” SEWE rowers dood – VOOR hulle ‘n roof pleeg – MET die nodige intelligensie om hulle in hegtenis te neem voor die misdryf gepleeg word? Met die tipe inligting wat “die polisie” volgens die pers tot hulle beskikking gehad het, sou ek reken dat al die verdagtes in hegtenis geneem kon word voor die misdryf? Indien die verdagtes weerstand gebied het, is ek seker ek sou dalk gelees het: “Drie dood, vier in hegtenis ná gepoogde rooftog”? Sien, tussen die sewe dooie rowers is slegs drie handwapens gevind. Handwapens. “Nine mils”. Nie “AK’s” nie. Wil jy vir my sê sewe rowers met slegs drie handwapens sit so ‘n geveg op teen “swaargewapende taakmaglede” op dat laasgenoemde genoop is om al sewe dood te skiet? Geen gewondes nie? Ek glo nie.

Die vraag ontstaan seker by u, liewe wetsgetroue burger, waarom hierdie laaste voorbeeld my die meeste ontstel? Laat ek verduidelik.

In die ou dae, toe die polisie militêre range gehad het en nie ‘n “diens” was nie, het hulle akkedisse gevang en gemoer tot die akkedisse erken het hulle is eintlik krokodille. Ná 1994 is weg beweeg van hierdie brutaliteit, bloot omdat die ANC se kaders aan die ontvangkant daarvan was. Vandag is die ANC in totale mag, hulle is (amper) klaar gesuiwer van die gematigde linkses in hulle geledere en raak toenemend geïrriteerd met die kritici, die pers, en die klaende publiek in ooreenstemming met die karakter van ‘n totalitêre staat. Hul houding van onverdraagsaamheid teenoor enige teenkanting word daagliks al hoe sterker. Die “polisiediens” moet nou nie meer ‘n diens wees nie, maar weer ‘n “mag”. Hoekom? Sodat die Maghebber dit kan gebruik teen die “vyand”, presies soos wat die NP destyds gedoen het.

U sal dalk vra – wat het dit nou te doen met sewe dooie voornemende rowers? Die antwoord is maklik. Die “regstaat” het vir daardie sewe kriminele nie gewerk nie. Minimum geweld om arrestasies te bewerkstellig vir VOORNEMENDE rowers het nie gebeur nie – hulle is à la Wilde Weste afgemaai.

Nou – die volgende skets:

U reis in ‘n afgeleë plattelandse gebied op pad na u vakansiebestemming. U handhaaf ‘n spoed van 80 kilometer per uur – daar is geen haas nie – en u geniet die ontspanne, laggende gesprekke met u geliefdes. Julle is op ‘n welverdiende vakansie ná ‘n harde jaar.

U word afgetrek deur ‘n driemanskap van “die polisie”. U word vriendelik versoek om uit u motor te klim, en word dan beskuldig van allerlei oortredings. (As u al in Mosambiek was sal u verstaan waarvan ek praat.)

Daar word subtiel aan u deur een van die “beamptes” gesuggereer dat u verder kan reis sonder probleme, indien u ‘n fooitjie betaal. U is onmiddellik vies omdat u weet dat u geen wette of padregulasies oortree het nie, en in daardie oomblik snou u een van die “beamptes” iets snedigs toe. Die “beampte”, siende dat hy ‘n paar honderd rand kwyt is omdat u hom nie gaan omkoop nie, begin dreigend optree en u verset uself – hy lig u in dat u onder arres is vir verset teen arrestasie – u bloeddruk klim nog ‘n bietjie.

Die “beampte” gryp u aan die boarm en probeer u boei – u ruk weg. Die volgende oomblik hoor u ‘n slag, en voel iets soos ‘n hamerhou teen u borskas. U gryp na u bors en voel iets warms deur u vingers sypel terwyl u bene ingee… U vrou en kinders gil uit die kar uit, maar u hoor dit nie regtig nie, want ‘n sagte duisternis daal stadig oor u neer. Die laasste ding wat u sien is die “beampte” wat blinkwit teen die agtergrond van sy donker gesig leedvermakerig vir u glimlag. Net voor dit stikdonker raak, nadat u begryp wat gebeur het, bid u vir oulaas dat u geliefdes tog net gespaar sal word.

Drie ure later skryf die drie “beamptes” elk ‘n eedsverklaring oor hoe die oorledene hulle met rassistiese opmerkings getart het en toe probeer het om die arresterende “beampte” se vuurwapen af te neem.

Drie dae later huil u vrou en kinders by u graf.

Vergesog? Dalk. Kom ons kyk maar. Nou weet u hoekom die sewe dooie rowers in Pietersburg my die bangste maak.

ремонт компрессоров

Die onkruid woeker voort

Elke volk het sy kwota lae karakters en sy oomblikke van skande. Een van die swartste dae in ons volk se geskiedenis was 7 November 1901, toe die National Scouts-korps in Transvaal gestig is.

Hierdie skandebende se lede was verraaiers uit volksgeledere. Aanvanklik het die Britse militêre owerheid hensoppers en floukoppe nie-amptelik as gidse, spioene en verkenners teen die getroue, vegtende Boere gebruik.

In Desember 1900 het invloedryke hensoppers, soos oud-generaals APJ Cronjé en Piet de Wet, sogenaamde Burgervredekomitees gestig. Aanvanklik was hulle redelik passief, maar teen September 1901 het hulle aangebied om hensoppers in eenhede te organiseer om aan Britse kant teen hulle eie mense te veg.

Dit het gelei tot die stigting van die National Scouts in Transvaal en later ook die Orange River Colony Volunteers in die Vrystaat.

Die Britte het nie eintlik die Scouts gerespekteer of vertrou nie. Hulle het gesorg dat elke afdeling van 50 tot 100 lede onder die bevel van Britse offisiere staan, bygestaan deur een of twee verraaier-offisiere.

Aanvanklik sou die Scouts se vergoeding bestaan uit ‘n deel van die buit wat hulle van die Boereplase sou roof, maar later is ‘n Judasloon van vyf sjieling per dag vir manskappe en 15 sjielings per dag vir offisiere vasgestel. Die Scouts is ook voorkeurbehandeling in die konsentrasiekampe en na die oorlog belowe.

In ruil hiervoor het hulle hul Britse base as gidse en spioene gedien. Hulle het ook saam met swart Britsgesindes Boereplase afgebrand en vroue en kinders na konsentrasiekampe weggevoer.

Die National Scouts het strykdeur hatiger teen die Boere opgetree as die Engelse.

Die getroue bittereinder-generaal, Christiaan de Wet, het van die National Scouts gesê: “Verrader, monster, vloek der aarde, vernederd schepsel der natuur”. Tot vandag is National Scout ‘n skandnaam wat die grootste veragting uitlok.

Maar elke geslag het sy stryd en vandag moet ons ook elkeen hand diep in eie boesem steek om te bepaal of ons eie gedrag dié van troue bittereinders is of dié van National Scouts.

• Die National Scout het beloftes van voorkeurbehandeling, ‘n deel van die buit en later ‘n paar sikkels per dag vir sy verraad ontvang. Wat ontvang die Afrikaner van vandag wat die vyand dien deur sy vals plek- en straatname domgedwee na te praat?

• Wat ontvang die Afrikaner van vandag wat sy eie taal verraai met woorde soos stunning en awesome en seedee en deeveedee?

• Wat ontvang die Afrikaner van vandag wat sy eie kinders vrywillig oorlewer aan die konsentrasiekamp van die vyand se skole, waar hulle mislei, verneder en vernietig word en selfs die prooi word van aanranding, verkragting en skêrmoord?

• Wat ontvang die Afrkaner van vandag vir wie dit te veel moeite is om hom by die Volksverkiesingskommissie te registreer en sy stem vir sy volk uit te bring?

Daar was maar eenduisend-vierhonderd-en-tagtig National Scouts en minder as vyfhonderd Orange River Colony Volunteers, maar hulle nagedagtenis word tot vandag met veragting bejeen.

Hoe wil ons hê moet ons nageslag ons onthou?

клей шпаклевка Фильчаков Харьков

Waarheid oor Uhuru Guru gaan opspraak verwek

Mnr. Fred Rundle, wat bande met die AWB en ander verregse organisasies het en die klag van kubermisdaad teen Uhuru Guru gelê het, het die volgende brief aan ons gerig:

Anton Barnard is een van die intelligente mense wat die storie reg lees en sien dat daar meer agter hierdie storie steek as wat Bert Oosthuizen beweer. Sy nuutste pos op sy blog, is van alle waarheid ontbloot en in sy desperaatheid is hy net besig om nog spykers in sy kis te slaan.

Die waarheid gaan wel geopenbaar word en dit is 100% anders as wat Uhuru Guru (Bert Oosthuizen) voorgee. Bert probeer simpatie verwek, of sweep hy die mense op om geldelike bydraes te kry vir dít wat gaan volg? Laat die gereg sy gang gaan en dan sal almal kan lees wat die werklike waarheid is, want dit gaan opspraakwekkend wees. Die anonieme mense wat my nou so verdoem en probeer uitmaak as ‘n verraaier sal nog hulle woorde moet eet.

free slots online Александр Фильчаков

My onregmatige en onwettige arrestasie – Uhuru Guru

In antwoord op die vrae wat Anton Barnard rondom die vreemde inhegtenisname en aanhouding van die webmeester Uhuru Guru van South Africa Sucks gevra het, het ons die volgende brief van 2300 woorde van Bert Oosthuizen alias Uhuru Guru ontvang. Hoewel Oosthuizen verlede week nooit formeel aangekla is nie, het Beeld sy regte naam gepubliseer, asof hy reeds in die hof verskyn het en aangekla is. Hier volg sy brief:

Ek kan u verseker dat my arrestasie onregmatig én onwettig was. Ter verduideliking in pynlike detail:

Gedurende 1993 was ek werksaam as gekontrakteerde IT konsultant by ‘n rekenaarfirma in Cresta, Johannesburg. Ek (ongetroud op daardie stadium) het ‘n ruim meenthuis besit te Castle Hill in Ferndale / Windsor. Een van die tegnici wat saam met my gewerk het (jong blanke Afrikaanse man van 21) het by my loseer vir ongeveer 5 maande. Hy het egter nie ‘n sent huur betaal in die HELE periode nie en ek het hom uiteindelik uitgegooi. ‘n Week later het hy (by die kantoor waar ons werksaam was) my motorsleutels gegaps terwyl ek in ‘n vergadering was, ‘n hardeskyf (40Mb ek dink) geneem uit sy eie werkswinkel en dit in my meenthuis gaan plant om wraak te neem teen die feit dat ek hom uitgeskop het terug na sy ouers toe.

Hy het toe teruggekom en na die eienaar van die firma gegaan en hom meegedeel dat ek komponente gesteel het. Hy het toe die eienaar na my meenthuis geneem om hom te wys. Ek was salig onbewus hiervan terwyl ek besig was met my sake-voorlegging. Hulle kom toe beide terug, waarop die eienaar my gekonfronteer het. Ek het woedend gereageer en het onmiddelik en summier bedank. Tot vandag toe skuld hulle my baie duisende rande vir werk waarvoor ek nooit betaal is nie.

Etlike jare later vind ek uit dat daar ‘n klag van diefstal en bedrog teen my is, sowel as ‘n lasbrief van my arres. Ek was stomgeslaan en het my prokureur instruksie gegee om dit dadelik uit te sorteer. Hy het oproepe gemaak na die polisie. My prokureur het my later meegedeel dat dit ‘n onbesonne en niksseggende klag was waaroor ek nie hoef te bekommer nie. Dit het geblyk dat die klag nie op die polisie databasis was nie.

Ek het dit daar gelaat en aangegaan met my lewe. Nou, sestien jaar later kom byt hierdie ding my en veroorsaak dat ek ‘n nag in die selle moes deurbring met geharde misdadigers. Die Linden SAPS het alles in hul vermoe gedoen om te verseker dat ek nie dadelik mog hof toe gaan nie, ten spyte van die feit dat my advokaat gereel het met een van die senior aanklaers om wel my borgaansoek aan te hoor.

Indien die beskuldigde NIE voor 10h00 by die hof is nie, weier die hof om die saak aan te hoor. Die advokaat het skriftelike toestemming gekry hiervoor.

Die advokaat is terug na kaptein en het hom die brief van die staatsaanklear gewys. Sy het hom toe gevra om my te stuur, en hy het toegestem. In haar teenwoordigheid het hy twee polisielede opdrag gegee om my hof toe te neem. Dit was Woensdag ongeveer 1NM.

My prokureur was op daardie stadium by my en het my gegroet en gesê “ek sien jou oor 30 min by die hof”. Kortliks na hy uitgestap het, het die een inspekteur die

dossier neergegooi en aan my gesê “ek kan jou nie hof toe neem nie, jy is nog nie aangekla nie.” Ek was verbyster en het aan hom genoem dat ek reeds 16 jaar gelede “aangekla” is. Hy het egter aangedring hy moet my eers aankla. Toe vlieg hy op en sê “ek moet gou met die kaptein (Van der Linde) gaan praat, ek kom terug oor 5 minute.

Ek wag toe vir twee ure in die selle se aanhouding area. Teen 3NM het ek paniekbevange begin word en het toe die aanhoudingselle se bevelvoerder gevra of ek my “konstitusioneel gewaarborgde” oproep mag maak. Ek wou my prokureur bel om hom mee te deel wat aan die gang is. Dit was geweier. So 3:10 NM het ‘n swart inspekeur na my toe gekom, my gevra of ek Oosthuizen is. Ek het bevestigend geantwoord. Toe vra hy my of ek my selfoon by my het (nee) en of ek geld aan my het (nee). Toe kyk hy na sy horlosie en se “eish, I’m not going to rush to get you to court now”. Ek het by hom gepleit en aan hom genoem dat die SAP my deur afgeskop

het en dat my huis tans baie onveilig is, en dat my vrou en drie dogters se veiligheid op die spel is. Hy het my egter geïgnoreer en iets in ‘n swart taal aan die sel-bevelvoerder gesê, wat my toe dadelik terug na die selle geneem het en toegesluit het.

Intussen het my prokureur en advokaat niksvermoedend by die Randburg hof gesit en wag vir my. My advokaat het etlike kere vir Kapt van der Linde gebel wat eers gesê het, hy sal terugbel, wat hy nie gedoen het nie. Toe my advokaat weer bel sê hy dat ek binnekort op pad is, dat ek geprosesseer word, aldus my regspan. Intussentyd sit ek in die selle…

Teen 3.15 NM was die hofpersoneel wie my saak sou aanhoor, weg. Hierna het my regspan teruggekeer na Linden SAP en my meegedeel dat ek die nag in die selle gaan deurbring. Die volgende oggend om 8:30 is ek geboei aan ‘n swart dwelmsmous en winkeldief, agter in ‘n vangwa gelaai en hof toe geneem. Die bestuurder het geweldig gerem, hard petrol getrap en draaie gegooi met die voertuig. Die boeie was geweldig styf en het my seergemaak, en ek het gesukkel om asem te haal omdat die twee ander gevangenes vreeslik gestink het agter in die vangwa.

By die hof aangekom het die bestuurder (‘n swart sersant) my in die hofselle ingebring en toe die boeie verwyder. Toe sê hy op Engels dat as die hof nie my saak aanhoor nie, dat ek dan nie na Linden teruggeneem word nie maar “Sun City” toe gaan. Ek was oorbluf oor sy stelling wat ek geen kop of stert van kon uitmaak nie. Wat het Sun City tog te doen met my saak? Ek dink toe vlugtig aan die crimen injuria saak van die ou wat Shane “Sies jou vark” se CD gespeel het en gearresteer is vir Crimen injuria teen Nelson Mandela, by Sun City.

Ek gesels toe met een van die ander gevangenes wat my laggend meedeel dat “Sun City” eintlik die bynaam vir Diepkloof gevangenis is. Ek was natuurlik toe uiters bekommerd dat dit nou miskien die plan met my is. Diepkloof is tans onder kwarantyn en niemand word toegelaat om hof toe te kom of enigsins die gevangenis te verlaat nie.

My regspan was op daardie stadium besig om te prober uitvind watter hof my saak gaan aanhoor. Na ‘n vreeslike gesukkel sien hulle toe my naam op ‘n bord met die woord “NOR” aangeteken langs dit. NOR beteken “Not On Roll”. Hulle kry toe die senior aanklaer wie, nadat sy my dossier bestudeer het, besluit het om nie voort te gaan nie. Die resultaat is date k onmiddellik vrygelaat moes word.

‘n Konstabel het my uit die selle kom haal en toe ek teen die trappe van die hof opstap het ek dit vreemd gevind dat dit doodstil is. Ek het verwag om in ‘n vol hofsaal in te stap en in die aangeklaagdebank te gaan staan om te kan pleit en ook vir borg aansoek te doen.

Daar was egter nie ‘n enkele siel in die hof nie, en ek het uitgestap in die gang in, heeltemaal oorbluf van wat aan die gang was. Nadat ek vir ongeveer 20 minute op en af gestap het op soek na my advokaat en prokureur, het ek hulle uiteindelik in die gange opgespoor. Ons is dadelik weg daar. Ek wil dit benadruk dat ek op GEEN stadium voor enigiemand verskyn het nie, geensins gepleit het of selfs enigiets op enige stadium met enige aanklaer of landdros te make gehad het nie. Die saak teen my was nie op enige stadium eers op die rol geplaas nie!

Die berig in Beeld, sowel as die feit dat my naam genoem het is feitelik verkeerd en grens aan kwaadwilligheid en laster.

Al my rekenaartoreusting is gekonfiskeer en ek kan tans gladnie my besigheid bedryf nie. Die lasbrief wat Woensdag oggend om 6:15VM op my gedien is toe my deur hardhandig en onnodiglik afgeskop is in tipiese Gestapo styl, is ‘n lasbrief op sterkte van crimen injuria sowel as klagtes van ongespesifiseerde kuber-misdade. Ek is nie vir enigiets anders aangekla nie maar is deur ‘n superintendent van georganiseerde misdaad gewaarsku dat afhangende van wat op my rekenaars ne bedieners gevind word, daar verdere klagtes teen my gelê gaan word. In die lig hiervan was ek dus huiwerig om publieke uitsprake te maak en was geadviseer om liefs niks te sê nie.

My skrywe hier is nou teenstrydig met my regsadvies en ek hoop nie dat ek myself verder benadeel hierdeur nie. Ek voel egter genoop om my kant te stel deur die kuber-ruim vrae wat nou die rondtes doen en veral die vals en bedrieglike wyse waarop Beeld die artikel gepubliseer het, wat soos u tereg opgemerk het, ‘n duidelike agenda van mistasting en moedswillige verdraaiing toon. My integriteit word kwaai aangetas en ek kan nie langer die vrae ignoreer nie.

Ek is nie ‘n krimineel, dief of bedrieër nie. Ek is voorts ook nie ‘n kranksinnige Al Queda terroris of Boeremag styl bedreiging vir die staat nie, maar wel ‘n dood-gewone rekenaarkonsultant vies vir hierdie vervallende kriminele land. Steeds steier ek onder die feit dat nie minder as 5 SAPS spesialis-eenhede, ondersteun deur polisiemanne van Fairland, Linden en Honeydew polisiestasies my deur kom afskop het asof my residensiele tuiste ‘n swaar-verdedigde terroristebasis is. Die aanvanklike kontingent was ongeveer 18 na 20 polisimanne, meeste in siviele drag. Later het meer polisie opgedaag en ek sou raai dat daar ten minste dertig in totaal betrokke was hierby.

Dat sulke ongelooflike hupbronne ingespan word teen ‘n onbelangrike, onbenullige nietige man soos ek is verbysterend, veral gesien in die lig van die ondenkbare wrede moorde, verkragtings en martelings van onskuldige blanke vrouens, mans en kinders wat nooit ondersoek word agv ‘n kastige “tekort aan hulpbronne” nie. Die vrae wat aan my gestel is deur die twee blanke Afrikaanse veiligheids manne (een is nogal ook ‘n Oosthuizen!) herinner aan die Sowjet-Unie en Oos Duitsland era se modus vivendi.

Hulle was geweldig geinterresseerd in my skakel met Dr Roodt, maar my regsverteenwoordiger het dadelik ‘n stokkie voor hulle ongelooflike vrae gesteek.

Wat opmerklik was, was die belangstelling (deur AL die polisiemanne) veral in die boeke geskryf deur Dr Dan Roodt, wat hulle in my kantoor in die boekrak langs my lessenaar gevind is. Al die boeke is sorgvuldig gefotografeer en enige ander boeke wat te doen het met geskiedenis (bv ek het kopiee van David Irving se werke) sowel as ‘n boek deur Richard Dawkins is versigtig gefotografeer. Ek het handleidings wat aan my gegee is gedurende my nasionale diensplig op die SWA grens in 1983, onder meer “mynbewustheid” en ander SAW materiaal, wat gemerk is “restricted”. Hierdie SAW handleidings is gekonfiskeer en daar is aan my genoem dat ek in onwettige besit is daarvan.

Daar is ook afgekom op rekenaarspeletjies, MP3-musiek en dies meer, en toe voeg die ondersoekbeamptes by dat hulle my selfs vir besit van roofprogramme (piracy) sal aankla. Dat hulle instruksies gegee is om “throw the book at him” is duidelik en ek het geen twyfel dat alles polities geinspireer is nie.

Ergste van alles, die hele aanslag op my is geïnisieer deur Fred Rundle, met wie ek ‘n lelike argument gehad het toe hy na aanleiding van Dan se Heilbron ontmoeting weereens ‘n lelike aanval op Dan geloods het. Ek en hy was (hoewel ons vriende was) gereeld haaks oor sy ongeoorloofde en onnodige aanvalle op Dan. Rundle het die polisie gekontak en verklarings afgele wat my van kuber-misdade beskuldig het.

My vrou en kinders is ongelooflik getraumatiseerd maar dis vir my ‘n riem onder die hart dat ek sulke fantastiese ondersteuning vanuit alle oorde en veral PRAAG ontvang het. Ek wil graag vir Dr Dan persoonlik bedank vir sy moeite en bewusmaking van my onregmatige arrestasie en ook aan u Anton, my dank betuig – die artikel waarop ek nou reageer is besonder goed geskryf en u is 100% korrek oor die afleidings wat u gemaak het. Ek is spyt ek het nie vroeer my mond oopgemaak om al die onsekerheid uit die weg te ruim nie maar u sal verstaan dat dit vir my ‘n skrikwekkende en skokkende ervaring was.

Vir die eerste keer in my lewe (behalwe vir ‘n verkeersoortreding ook in die ’90’s) is ek gearresteer, boeie aan my polse gevoel en was soos ‘n gewone rampokker saam met drie swart misdadigers vir die nag toegesluit, in ‘n stinkende sel om dit deur te bring op ‘n harde, koue sement vloer met honde komberse.

Ek vrees egter dat dit nog net die begin is, en verwag om die slagoffer van verdere klopjagte en arrestasies te wees, aldus my regspan.

Beste wense,

Bert Oosthuizen

Reitzvideo was grensverskuiwend

Toe die Reitzvideo aanvanklik gedurende Februarie 2008 op die wêreldtoneel gebars het, het meeste Afrikaners gedink hier is slegs ‘n geval van onsmaaklike studentepret wat effens handuit geruk het.

Die mediareaksie op die video het egter getoon hier is ‘n senuwee oopgeboor wat die onsekere bestaan van die nuwe Suid-Afrikaanse orde wesenlik bedreig.

Soos die Reitz-4 sage voortsleep in ‘n opvoering van politieke teater in sy mees absurde vorm, word toenemend besef dat die historiese omvang van die Reitz-4 sage nie meer onderskat kan word nie. Ons het hier ‘n video wat die bodem uitruk uit die skyn en pretensies van die nuwe Suid-Afrika.

Die gebeurtenis in die Afrikaner se geskiedenis wat die naaste hieraan herinner, is die Slagtersnekrebellie amper 200 jaar gelede, wat die eerste Afrikanerdaad van openlike verset teen die Britse kolonialisme was en bygedra het tot die Groot Trek dekades later. Soos die Slagtersnekrebellie is die Reitzvideo ‘n onsmaaklike voorval van groot historiese betekenis.

Soos met die Bezuidenhoutbroers voor Slagtersnek, het die Reitz-4 nooit die historiese implikasie van hul dade besef nie.

Hier is ‘n voorlopige en onvolledige lys van die historiese implikasies van die Reitzvideo:

a)Vir die eerste keer sedert 1994 is openlik die spot gedryf met die absurditeite en skyn van die nuwe Suid-Afrika en sy politieke ideologie.

b)Die histeriese reaksie van o.a. die media, het gewys hoe onseker en bedreig die wit Suid-Afrikaanse establishment is oor die huidige sosio-politieke opset in Suid Afrika.

c)Die vreesbevange reaksie van organisasies van die ou Afrikaner establishment, wat vir een of ander rede verantwoordelik gevoel het vir die optrede van die vier studente. Die ironie is dat hierdie organisasies eintlik niemand meer verteenwoordig nie en hul irrelevansie net verder beklemtoon het.

d)Die finale doodskoot van die Vryheidsfront Plus as deelnemer aan politieke prosesse in die land “namens” Afrikaners. Die Afrikaners wat wel nog aan die politiek wou deelneem sou die volgende verkiesing binnegaan as Kaapse koloniste wat DA stem.

e)Die blootlegging van die onderliggende beskawingskonflik in Suid Afrika deur die teenstrydige intrepretasies van die video nl. studentepret vs nasionale rasseramp.

f)Die video is ook ‘n permanente historiese illustrasie van die ontstellende wyse waarop die heersende politieke ideologie die ontspanne menseverhoudinge tussen mense van verskillende rasse beduiwel het.

g)Die mediaveldtog, die vervolging van die Reitz-4, die sogenaamde “vergiffenis” en “heropleiding” om gedrag te verander en transformasieretoriek toon onteenseglik dat die liberale demokrasie op ‘n totalitêre wyse afgedwing sal moet word om in Suid-Afrika te slaag.

Staatsgesag en mediamanipulasie sal toenemend gebruik moet word om mense se kulture af te breek en te dwing tot nie-rassige Engelsprekende individuele verbruikers van kommersiële nutsprodukte wat elke vyf jaar gaan stem.

Persone wat nie hierdie nuwe vereistes vir “vryheid” nougeset nakom nie, kan verdink word van afwykende gedrag en geteiken word vir “heropleiding in diversiteit.”

h)Die versnelde transformasie van die Universiteit van die Vrystaat tot nog ‘n Engelssprekende derderangse akademiese instelling.

i)Die voorspel tot die verskyning van Julius Malema waar ANC-ondersteuners vir die eerste keer sê wat hulle dink.

j)Die versnelde dekonstruksie van die Afrikaner na ‘n pre-1910 opset van Kaapse koloniste en Boere. Laasgenoemde kan dan weer op die Groot Onttrek gaan.

j)Die moontlikheid dat die Reitz-4 historiese martelaarstatus onder Boere kan verwerf is nie meer uitgesluit nie.

Opsommend kan gestel word dat die liedjie “De la Rey” en die Reitz video meer grensverskuiwend kan word as al die letterkunde van die Sestigers.

LuceSolara

Die rede vir die arres van UG

Die senior staatsaanklaer se weiering om Uhuru Guru aan te kla en die se daaropvolgende vrylating bevestig wat ek vermoed het van die begin af:

Dit kom nie van die Zumaregime af nie. Dit kom vanaf die klomp wit lakeie uit die informante- en agente-dampkring, gekoppel aan die Broedergespuis, wat vroeër vir Mbeki gewerk het en toe deel gehad het aan die veldtog om Zuma uit te skakel deur hom in die tronk te probeer kry.

Nou is hulle desperaat en wil met alle mag en krag aan die nuwe Azaniese administrasie bewys hulle het nog ‘n doel in die bestel, sodat hulle weer geld kan kry.

Dis so maklik soos dit.

Oordrewe onderdanigheid

Robert Ingersoll (1833-1899) het opgemerk dat daar altyd ‘n Simson is wat voel hoe stewig die pilare staan. Kan politiek-gemotiveerde regstelling altyd geregverdig word? Met Media24 as die gevallestudie, word ten aanvang die volgende aan die orde gestel: Is politieke korrektheid in die gedaante van swart ekonomiese bemagtiging (SEB) uit ‘n etiese en ‘n sake-oogpunt so voortreflik soos wat gewoonlik sonder meer aanvaar word?

In 2006 het Media24 op die SEB-wa geklim deur aandele in die maatskappy teen ‘n afslag aan nie-wittes aan te bied. Uiteraard het die toekenning op ‘n ras-/kleurgrondslag geskied. Bowendien is wittes afgedreig as hulle sou probeer om van hierdie diskonto-aandele te bekom.

Wat gedoen is, is (naas die rassediskriminasie) in minstens twee opsigte verwerplik. Enersyds is die rug gekeer op die etniese groep wat by uitstek Media24 gebring het tot waar hy deesdae is. Andersyds is die waarde van die tradisionele (hoofsaaklik wit) aandeelhouers se aandele verwater.

Maar die wangedrag het nie daar opgehou nie. Omdat die styging in die waarde van Media24-aandele sedertdien nie aan die verwagtinge voldoen het nie, is daar onlangs voorgestel dat die SEB-aandeelhouers nogeens bo die tradisionele aandeelhouers bevoordeel moet word, sodat hulle “‘n billike kans het om geld te maak.” Na beraming kan dit ‘n (myns insiens onnodige) uitgawe/verlies vir die maatskappy en sy tradisionele aandeelhouers van R330 miljoen veroorsaak, wat as ‘n aalmoes aan die SEB-aandeelhouers gegee word (Die Burger, 25 Sep, p 22).

Ek moet die sakesin en -etiek van die Media24-bestuur ernstig bevraagteken. Dit is sekerlik hoogs uitsonderlik dat ‘n maatskappy homself en sy tradisionele aandeelhouers finansieel dubbelbenadeel. Die wesenlike aard van belegging in aandele, naamlik dat dit riskant is en dus tot verliese vir aandeelhouers kan lei, word om emosionele (dus nie-sake-) redes, spesifiek weens politieke korrektheid en by implikasie ANC-gedienstigheid, onteer, oftewel verkrag.

Die politieke onderdanigheid wat van Media24 uitgaan, behoort ‘n emosionele teenreaksie by minstens sommige van sy tradisionele aandeelhouers te ontlok. Daar word dikwels beweer dat emosie uit aandeelbelegging gehou moet word. Maar lede van die publiek kan deur emosie beinvloed word wanneer hulle besluit watter maatskappye hulle ondersteun en in watter hulle bele.

Ek probeer om rasioneel te bele, maar soms kry emosie die oorhand. Voorheen was van my beleggings by Allan Gray. Die stigter en hierdie maatskappy het hulle fortuin uit die ondersteuning van veral blanke beleggers gemaak. In 2007 is met ‘n groot ophef aangekondig dat Allan Gray ‘n groot bedrag bewillig het om jaarliks talle beurse aan Suid-Afrikaanse studente toe te ken. Volgens party bronne word die beurse net aan nie-wittes toegeken, terwyl ander beweer dat tien persent na wittes kan gaan. Wat duidelik is, is dat die beurse nie deurslaggewend volgens akademiese verdienste of finansiele behoefte toegeken word nie, maar op ‘n ras-/kleurgrondslag, met nie-wittes wat die voorkeur geniet. So ‘n maatskappy moet nie van my ondersteuning verwag nie.

Onlangs het die Universiteit Vrystaat ‘n duur advertensie, wat ‘n halwe bladsy beslaan, in Rapport oor die inhuldiging van sy dertiende rektor gepubliseer. ‘n Weeklange program is aangebied waarby buitelandse akademici betrek is. So iets is nie vir sy dosyn vorige rektore gedoen nie, maar die voriges was almal wit. Die nuwe rektor, Jonathan Jansen, is swart. In sy intreerede het hy aangekondig dat die universiteit skadevergoeding aan die “slagoffers” van die Reitz-video gaan betaal.

Die ander Suid-Afrikaanse universiteite met swart rektore het nie so uitspattig te kere gegaan toe hulle ingehuldig is nie. Vergelykenderwys is hulle dus benadeel. Gaan daar nou verskoning gevra en skadevergoeding aan hierdie swart rektore betaal word?

Erens moet ‘n streep getrek word. Daar behoort ‘n tyd te kom wanneer die voorheen benadeeldes genoeg bevoordeel en die tans benadeeldes genoeg benadeel is. Anders ontstaan die absurde situasie dat voorheen benadeeldes nie te veel bevoordeel kan word nie; dus dat heeltemal oorboord gegaan mag word.

best jackpot Александр Фильчаков