Menings Archives - Page 96 of 161

Ons kort minder emosie en meer strategie

Die Suid-Afrikaanse politiek lyk deesdae soos ‘n Hollywood-speelfliek. Daar is beslis geen tekort aan opwinding, woede, vermaak en skinder nie. As dit maar net ‘n storie was!

Malema het natuurlik die kat onder die duiwe losgelaat met sy ongedissipleerdheid en onverantwoordellike uitlatings. Hy sal beslis moet pa staan vir die rassespanning en polarisering wat in die laaste paar dae as gevolg van sy opmerkings ontwikkel het.

Party mense het aanvanklik gedink hy is ‘n idioot wat bietjie vermaak in die politiek kon bied. Dit het gou duidellik geword dat hy niemand sou ontsien met sy sotlikhede nie. Die enigste vraag wat ek nog het, is hoekom enige media hoegenaamd nog vir sy bakkies lugtyd gee. Sy naam verkoop natuurlik op hierdie stadium groot volumes koerante en die mannetjie voorsien aktuele vermaak in ons stadige poltieke koerant-dagboek.

Dié Julius-seun herinner my aan ‘n stout kind wat tydens Kersete wawiele doen in die sitkamer sodat al die grootmense vir hom moet kyk. In ons huis moes jy dan net die houtlepel gaan haal – dis al…

Ek was eergister saam met ‘n paar goeie vriende by Eugene se begrafnis. Dit was ‘n baie hartseer geleentheid. Alhoewel baie beganisgangers nie vir Eugene self – of vir die AWB – ondersteun het nie, was hy nogtans ons almal se familie.

Ek weet dat as my pa nog geleef het, hy al die pad van Oos-Londen af sou gery het om daar te wees. My sussie het juis hierdie week van Londen af vir my ‘n boodskap gestuur wat lees: “Pa en Eugene lag en gesels seker nou kliphard.”

Die erns van die saak is ongelukkig gefokus op die onderliggende frustrasies wat onder Afrikaners opwel. Baie boere, Afrikaners en selfs swartmense met wie ek hierdie week vergader het, is woedend oor Julius en gefrustreerd oor die afwesigheid van vinniger optrede vanaf die ANC se kant. Dit is verstommend hoeveel mense uit alle oorde glo dat sy vlammetjie geblus moet word.

Ek was nogal teleurgesteld in die politieke resultate van die begrafnis. Alhoewel ek besef dat ‘n paar mense noodwendig sal kapitaliseer op die bindende effek wat hierdie krisis op Afrikaners het, het ek meer pro-aktiewe politieke aksie van die begrafnis as ‘n geleentheid verwag.

Die dominee se boodskap was mooi, maar hy het ver te lank gepreek. Party mense het aan die slaap geraak en ‘n paar het vroeg uitgeloop. Die spreker wat voor die diens vir mense gemaan het om nie tydens die diens foto’s te neem nie, was ongeskik en kortaf toe hy verduidelik het dat diegene wat nie luister nie, summier uitgegooi sal word.

Daar is alreeds soveel plaaslike en internasionale media wat Afrikaners as eenvoudige en dom maplotters wil uitbeeld, dat ondeurdagte opmerkings en aksies van die boere se kant af, Afrikanes se beeld erg skade sal berokken. Afrikaners word die wereld deur gereken as innoverende mense met ‘n goeie werksetiek wat vaardig is en oor besondere beplanningvermoë beskik. Daardie pluspunte kan so gou geneutraliseer word deur manne wat nie mik voor hulle skiet nie. Onverantwoordelike joernaliste wat ordentlike Afrikaners wil uitbeeld as mal hase wat neo-Nazi-rassiste is, wag eenvoudig vir enigeen om tipies volgens daardie beeld op te tree sodat hulle dit more-oggend op die voorblad kan plak.

Afrikaners is te ordentlik om ‘n heilige gebeurtenis soos ‘n begrafnis amptelik te verpolitiseer. Na my mening verloor so ‘n groep dan ‘n gulde geleentheid waar hulle vir die wêreld van hulle oortuigings bewus kon maak.

Ek hoop werklik dat die nadraai van vandeesweek se politieke skommelinge meer Afrikanereenheid tot gevolg sal hê. Vir alle politieke rolspelers in die land – en veral vir gewone Afrikaners – sou groter eenheid en minder afguns op mekaar, ‘n positiewe uitwerking op ons alledaagse lewe hê. Ongelukkig wil elke Afrikaner die koning op sy eie mishoop wees en is daar min leiers met sterk persoonlikhede wat bereid sal wees om ten behoewe van die groter saak onder ‘n ander man se leierskap te dien. Die leierskapstruweling is miskien ‘n uitvloeisel van ons intellek, hardkoppigheid en deursettingsvermoë om ten alle koste te oorleef.

Ons mense het nuwe weiveld gesoek vandat ons grootouers besluit het om as Hugenote onder die Katolieke uit te trek. Ons het geweier om vir Victoria te luister, of na Kitchener of na Rhodes. Vandag trek ons kinders Londen en Australië toe vir werk. As ons daardie oorlewingsin kon inspan om ‘n gesamentlike doelwit te vermag, twyfel ek of enigeen ter wêreld dit sou kon stuit.

Onder die huidige ANC-leierskap, glo ek werklik dat daar ‘n nuwe oor is wat luister. Ons moet nie die interne dinamika onderskat en glo dat almal ons noodwendig NIE goedgesind is nie.

Dit is wanneer mens uit woede en frustrasie die baba saam met die badwater uitgooi dat die skrefie op potensiële interaksie nouer word, en ons ons eie kanse op ‘n beter bedeling sou kelder.

Om die deur oop te hou, beteken nie daarom dat jy jou beginsels oorboord gooi en jou kinders en kerk uitverkoop nie. Dis tyd dat Afrikaners rustig word en meer strategies dink sodat ons kinders nog eendag op ons eie grond kan boer.

Liesl Göttert is president Jacob Zuma se nie-amptelike mediaraadgewer en is die krag agter die Zuma-Afrikaner-byeenkomste van die afgelope paar jaar.

для компрессора

Medialema: die walglike NSA-pers

Die voorbladberigte wat daar gister in koerante van die Independent-groep (Saturday Star en Pretoria News), asook Naspers se webwerwe (Beeld, Volksblad, Die Burger) oor ‘n “gebruikte kondoom” langs wyle Eugene Terre’Blanche se bed verskyn het, verteenwoordig die absolute laagtepunt in die Suid-Afrikaanse joernalistiek. Die hoogheilige dooieboomverslaggewers wat vroeër vandeesweek ontstoke was omdat Julius Malema ‘n BBC-joernalis uit Luthuli-huis laat smyt het, skroom self nie om baie diep in die modder in te duik met hul sensasionele smeerstories nie.

Respek vir die vermoorde man en sy gesin in rou het geen snars getel by die publikasie – in vet letters op voorblaaie – van ‘n vuige brousel oor Terre’Blanche nie. Enige mens by sy gesonde verstand sou kon dink dat so ‘n uiters vreemde bewering van homoseksuele verkragting deur ‘n redelik bejaarde man wat twee weke vantevore ‘n hartoperasie ondergaan het op sy minste vergesog is. Maar nee, ‘n nuushond met ‘n lae IK wat ‘n skandaal ruik, is so onstuitbaar soos ‘n kwylende aasdier op pad na ‘n verrote karkas. Natuurlik is gister se smeertaktiek teen iemand waarvoor 30 000 Afrikaners Vrydag na Ventersdorp opgeruk het deels deur hul Afrikanerhaat gemotiveer.

Dis ironies dat “die media” so dikwels teen Julius Malema van die ANC-jeugliga uitvaar, aangesien hulle presies dieselfde taktiek gebruik en deur dieselfde gemene, onetiese motiewe aangespoor word.

Voortaan behoort ons te praat van die Medialema. Gister het die land se gedrukte koerante en die groot mediamonopolieë wat daagliks hul produkte in supermarkte en kafees aan ons afsmeer feitlik alle geloofwaardigheid verloor.

As dit nie vir die onafhanklike nuwe media van die internet soos praag.co.za was nie, het ons voorwaar gister saam soos malles in ‘n gestig gejubel oor die liederlike swartsmeerdery van ‘n dooie man wat homself nie kan verdedig nie.

Die moord op Eugene Terre’Blanche het op die vooraand van die Wêreldsokkerbeker geskied en het ‘n enorme verleentheid – nee, skande – vir die ANC-bewind geskep. Dat daar moontlik ook duistere magte agter hierdie soort veldtog sit, wat tans poog om die skande in teenpropaganda om te keer, is ‘n moontlikheid.

Malema se liedjie praat egter van “die Boere wat verkragters is”. Met Afrikalogika word die liedjie nou vertaal in ‘n versinsel oor Terre’Blanche wat ‘n kondoom sou gebruik het om sy jong moordenaar te verkrag. “Die verkragter, die Boer, is dus doodgemaak.” Dit gaan nie meer om politiek nie, maar om volkekunde.

Geweld en die toenemende terugkeer na die logika van oer-Afrika, het die land tot waansin gedryf. Laat ons, anders as die Medialema, Julius se tweelingbroer, nie op loop gaan nie. Elke bewering en stukkie getuienis in hierdie saak behoort voortaan met die uiterste skeptisisme bejeën te word en oor en oor onder die vergrootglas bekyk te word alvorens ons tot enige gevolgtrekking kom. Dat die moordenaars se regsverteenwoordigers insgelyks tot op hierdie vlak daal, met verklarings aan die Medialema in ‘n skynbare poging om hul kliënt(e) te verontskuldig, is ewe laakbaar.

Die Afrikaner wil nie langer deur die nuwe Suid-Afrika se absurditeit en liederlikheid besmet word nie.

Ons behoort ook uit beginsel geen gedrukte koerant meer te koop nie. Nie net word bome daarvoor afgekap en goeie petrol uitgery om die gemors na verkooppunte te vervoer nie, maar geen regdenkende ouer sal sulke drek in sy huis wil inbring nie.

The Star het meer as ‘n eeu gelede die Johannesburgse uitlanders tot oorlog teen die vredeliewende Boere opgesweep. Toe ds. William Nicol in 1917 die aansoek vir die eerste Afrikaanse hoërskool in Johannesburg, Helpmekaar, by die onderwysdepartement ingedien het, het The Star dit bekla en smalend in ‘n hoofartikel gekryf: “An Afrikaans high school in Johannesburg? There is something rotten in the state of Denmark.” The Star se huidige haatveldtog is nie net teen Eugene Terre’Blanche en sy treurende gesin gemik nie, maar teen elke Afrikaner.

In enige ander land sou so ‘n koerant se kantore lankal afgebrand of deur ‘n bom verwoes gewees het. Die ordentlike, fatsoenlike, beskaafde en wetsgehoorsame Afrikaner is egter die ideale vyand omdat ons alles lydsaam verduur en eenvoudig deur die gemeenheid en vuigheid van ons eeue oue vyande stomgeslaan word.

Daar is egter perke aan die verdraagsaamheid en wetsgehoorsaamheid van selfs die Afrikaner. Dit sal ons vyande nog uitvind.

Staatsmanskap en politieke opportunisme

Wanneer die vet in die vuur is, word die onderskeid tussen staatsmanskap en opportunistiese politiekery duidelik.

Met die moord op die AWB-leier het die vet skouspelagtig in die Suid-Afrikaanse vuur geval. Dit het soos ‘n onverwagse hersieningstoets voor ‘n belangrike eksamen vir Suid-Afrika gekom, en die uitslag van hierdie toets gaan wys wie is staatsmanne en wie is opportuniste.

Bykans alles wat kon saamspeel om hiervan ‘n omvattende toets te maak, het saamgespeel.

Plaasmoorde, wat teen ‘n hoë koers voorkom, het ‘n eskalasie getoon sedert die ANC se heethoofdige jeugleier, Julius Malema begin sing het die Boere moet geskiet word. Die ANC het bont gepraat oor die nasionalisering van landbougrond. Peilings toon nie net ‘n hoë vlak van polarisasie nie, maar kom te midde van hoë werkloosheid, en terwyl meer en meer mense begin kennis neem dat Suid-Afrika die boonste sport van lande bereik het waar inkomstegapings gemeet word.

Die naderende wêreldbeker-sokkertoernooi verseker boonop dat die oë van die wêreld op die land gerig is. In Suid-Afrika kan breedweg onderskei word tussen diegene wat bloot begerig is dat die toernooi ‘n reuse sukses moet wees, en diegene wat bekommerd is dat sake soos slegte paaie, misdaad en politieke blapse die geleentheid in ‘n verleentheid kan omskep – wat ‘n langtermyn sleureffek op almal sal hê.

Die land het die moord op Terre’Blanche so nodig gehad soos dwelmverwante bendebedrywighede. Dit is egter ‘n gegewe, en die land word skielik met ‘n hersieningstoets in die vorm van ‘n karaktertoets gekonfronteer.

Voorlopige aanduidings oor hoe die land se politici vaar is gemengd.

Op 6 April, meer as 350 jaar na Jan van Riebeeck aan die Kaap geland het, was dit nodig dat die polisie ‘n rol doringdraad tussen wit en swart mense voor die hof uitrol toe Terre’Blanche se moordverdagtes verskyn het. Hierdie doringdraad kon kwalik ‘n groter verdeling van persepsies en sentimente simboliseer.

Op dieselfde dag het die polisie ‘n betoger tydens onluste oor munisipale dienslewering doodgeskiet, net om te herinner dat die land se probleme op meer vlakke lê as net wit / swart.

Die feit dat dit Terre’Blanche is wat vermoor is, het boonop die buitelandse media in hul argiewe laat blaai, en as Afrikaners gedink het die kwessie sal net vir die regering ‘n verleentheid wees, is die bal ver misgeslaan. Ook die Afrikaner is uit die inkpotte van die argiewe weer ‘n slag met die teerkwas bygedam.

Niemand was wenners nie – die ganse land was verloorders.

Daar was vlugge tekens van staatsmanskap. Staatsmanskap met voete van klei, het dit geblyk toe die Malema-fenomeen nie beslis en deeglik vasgevat is nie.

Jare gelede het die destydse president van die RGN, dr. Tjaart van der Walt, die stelling gemaak dat geen grondwet, nie eens die beste in die wêreld, sal werk as die land se mense mekaar nie ken en vertrou nie.

Hierdie sentiment is juis ook nou ge-eggo toe die regter wat ‘n tussentydse interdik teen die sing van “Skiet die Boere” gesê het die polarisasie kan nie met ‘n hofbevel besweer word nie, net in die harte van mense.

Dit is waar staatsmanskap van politieke opportunisme onderskei word. Die staatsman tree strategies in belang van die land op, van al die land se mense, al is dit nie oral gewild nie. Die staatsman lei met visie, en nie op grond van politieke impulse wat by die uur verander nie.

Die staatsman is ‘n bouer, nie ‘n sloper nie. Daarom duld hy ook nie slopers in eie geledere nie.

Die staatsman betrek adviseurs wat met kundigheid adviseer, nie met dit wat die staatsman graag wil hoor nie.

Die staatsman se brandstof is respek, nie populariteit nie. Populariteit is bloot ‘n bonus. Malema verteenwoordig die anti-pool hiervan, en dit is ‘n tragedie dat hy ‘n breë persepsie van ‘n groot deel van die land se jeug verwoord.

‘n Staatsman stel die voorbeeld met integriteit en ‘n sin vir geregtigheid, al moet hy ongewilde keuses maak. Ideologiese verknogtheid staan nie bo realiteite nie.

Wanneer die plofbare situasie in die land deur staatsmanskap oor die spektrum, maar veral in die regerende party gestabiliseer het, sal die klimaat vir gewone politieke aktiwiteite – dit wil sê aktiwiteite akkommodeerbaar binne die ruim grondwet en vry van bloedvergieting, funksioneer soos ‘n demokrasie veronderstel is om te funksioneer.

As die hersieningstoets aan die lig bring dat die grondwet volgens moderne vereistes soos dié van die Europese grondwet aangepas moet word, dan moet dit ernstig opgeneem word en nie net ideologies van die tafel gevee word nie.

Die eksamen vir die land durf nie dieselfde debakel as die land se matriekeksamens oplewer nie.

casino free

Die kuns om die ANC te interpreteer

Suid-Afrika het gister met verstomming waargeneem hoe eers berig is dat die ANC sy singende jeugleier die swye oplê om verder die liedjie, “Skiet die Boere”, te sing, om kort hierna te verneem dit word ontken, en later te hoor dit het wel gebeur.

Steeds is daar verwarring, met die ANC se jeugliga wat ontken dat so ‘n opdrag ontvang is, en boonop rammetjie uitnek vooraf kennis gee so ‘n opdrag, sou dit ontvang word, sal geïgnoreer word.

Terwyl die land se ontleders, selfs vanuit ‘n volkekundige hoek, sin uit die gebeure probeer maak, moet die land hom op die internasionale politieke terrein handhaaf. Ekonomies is die land immers nie ‘n eiland nie.

Kan die Wêreldbank werklik waag om miljarde rande aan ‘n land te leen, al is dit vir die opwekking van broodnodige krag, terwyl die regering klaarblyklik die polarisasie in so ‘n land help aanblaas?

En wanneer die regering wel op ‘n manier reageer, te reageer op ‘n manier wat vir die beskaafde wêreldnorme vreemd is, om dit sagkens te stel?

Die Wêreldbank het reeds aangedui dat geen transaksie waarby die instansie Chancellor House geaffilieer is, ‘n sent van die geld gaan kry nie. Chancellor House is die ANC se sake-arm, en hierdie transaksie sou die ANC ‘n meevaller van ‘n miljard rand besorg het en uiteraard die hele basis waarop die grondwetlike bestel gebou is waarskynlik blywend verder skeeftrek. Ten spyte van die Wêreldbank se versekerings is dit moeilik om in te dink hoe die projekte gefinansier kan word sonder dat Chancellor House deur ‘n komplekse stelsel van kontrakte en subkontrakte nie tog maar die vingers in die koekieblik gesteek kry nie.

Sterk stemme uit Suid-Afrika gaan dus op dat die leningsaansoek afgekeur moet word, en dat ‘n heel nuwe, en skoon kontrak herbeding word. Soos te wagte, gaan die teenstemme op asof dit die laaste kans is om ‘n lening te kry, en dat Suid-Afrika in ‘n liederlike penarie sal wees as die lening afgekeur word.

In die proses kyk die ANC die punt mis dat die kontroversie nooit sou gegeld het as internasionaal aanvaarde norme vanaf die staanspoor gevolg is nie.

Trouens, die ANC tree al hoe meer op asof Suid-Afrika ‘n norme-eiland is. Pres. Jacob Zuma het selfs ‘n debat aangevra met die doel om etiese norme so te definieer dat praktyke wat internasionaal as afskuwelik beskou word, in Suid-Afrika moontlik aanvaarbaar sal wees.

Die huidige Eskom – Wêreldbank-koppestamp kan vir die voorgenome wettiging van allerlei korrupte, nepotistiese, ondemokratiese praktyke en belangebotsingpolitiek ‘n groot toets word.

Robert Mugabe het die paadjie van eie norme probeer loop, en hoewel dit deur ‘n deel van Suid-Afrika en dele van Afrika geloof word, het dit die eens welvarende buurland in ‘n ekonomiese moeras gedompel. Ten spyte van Suid-Afrika se voortydige pogings om Zimbabwe weer in die internasionale arena te verwelkom, bly Zimbabwe internasionaal ‘n muishondland.

Die vinnigste manier om Suid-Afrika in daardie geledere te laat opgaan, en die land te laat ondergaan, is om Julius Malema se Zimbabwe-ekskursies te loof, om kort-kort strelende geluide oor Zimbabwe se grondroof te maak, en vol te hou om geldende internasionale norme as Westerse imperialisme swart te smeer.

Om die ANC, en dus Suid-Afrika, se manier van agteruit regeer te verstaan en te interpreteer, verg nie net ‘n deeglike volkekundige kennis nie. Dit wil al lyk of politieke ontleders ook ‘n studie van die Mafia onder die knie moet hê.

topcargo отзывы

Kom ons stop die Wêreldbeker!

Volgens ‘n berig in Beeld van 6 April het daar meer as 1 miljoen se onverkoopte kaartjies vir die Sokkerwêreldbeker teruggekom na Suid-Afrika. Hoeveel kaartjies nou al werklik verkoop is, slegs 10 weke voor die begin van die toernooi, sal ons seker nooit weet nie. Dit begin al hoe meer lyk asof die buitewereld besluit het om eerder hierdie avontuur vanaf die rusbank mee te maak. Mens kan aanneem dat die binnelandse (on)veiligheidsituasie baie hiertoe bygedra het.

Met die internasionale dekking wat die brutale moord op Eugene Terre’Blanche tans kry en die beelde van oproerige swartes buite die hof, kan mens nie verwag dat buitelanders juis oorgretig gaan wees om vir ons te kom kuier nie, en ‘n mens kan hulle dit ook nie verkwalik nie.

Die vraag wat ons egter aan FIFA moet vra is hoe hulle die toernooi enigsins kan laat voortgaan in ‘n land waar liedere soos “Kill the Boer” openlik gesing word. As die Duitsers 4 jaar gelede so vrolik “Kill the Jews” gesing het, sou die hele Duitsland as gevolg daarvan sekerlik met doringdraad afgekamp gewees het.

FIFA is openlik teen rassisme gekant en het allerlei aksies wat hiermee verband hou. Hulle voel so erg oor die saak, dat hul statute soos volg hiervan melding maak:

Artikel 3 (“Non-discrimination and stance against racism”) ” Discrimination of any kind against a country, private person or groups of people on account of ethnic origin, gender, language, religion, politics or any other reason is strictly prohibited and punishable by suspension or expulsion.”

Daar is dus ‘n goeie saak vir ‘n boikot-aksie van die toernooi. Daar moet so gou moontlik ‘n versoek aan die beheerliggame soos FIFA asook aan die sokkervereningings van die 32 deelnemende lande gerig word in die lig van die vlaag moorde wat deur die magsdronk ANC veroorsaak word.

En ten spyte daarvan dat die toernooi wel sal voortgaan met met geflouste rekenaarbeelde van vol stadions, bied hierdie toernooi en die buitelandse mediabelangstelling ‘n goeie platform vir ‘n protesaksie deur alle Afrikaners. Die effek hiervan kan drasties verhoog word indien dit gekoördineer word tussen alle groeperings en partye.

‘n Paar duisend T-hemde wat so ‘n boodskap verkondig kan hierdie boikot aanhelp, maar die troefkaart is dalk honderde bakkies wat ‘n paar uur voor elke wedstryd koppelaarprobleme ontwikkel en pap wiele kry op strategiese plekke op die snelweë en sodoende reuse-verkeersopeenhopings veroorsaak.

Dis dalk ons laaste kans in ‘n lang tyd in die kollig van die wêreldmedia, en ons moet dit op een of ander manier tot ons voordeel benut.

игры дляы девочек topcargo

Weermag en media medepligtig

Die “haas vergete nalatenskap” is ‘n nalatenskap van die Suid-Afrikaanse Weermag met die media as medepligtiges.

Vroeg die oggend van 8 Maart 1994 het daar by die saamtrekpunt in Bophuthatswana ‘n woordewisseling ontstaan tussen die leierskap van die partye wat die Bophuthatswana-inval gereël het en Nicolaas Cornelius Fourie, Boervolk ID Nr 541-1-0-0001322, as gevolg van lewensnoodsaaklike ondernemings wat nie gestand gedoen is nie. Ten slotte is besluit om die operasie op te hef en vreedsaam aan Bophuthatswana te onttrek.

Wolmarans het twee passasiers by hom in sy Mercedes, ‘n siviele voertuig, gehad. Links agter hom het Uys by die deur gesit. Fourie, ‘n nasaat van Jopie Fourie en die enigste militaris van die drie, het links voor gesit. Net voor ‘n padkruising het ‘n masjiengeweer vanuit ‘n voertuig van die SA Weermag, sonder enige waarskuwing, op die bewegende siviele passasiersvoertuig losgebrand en Fourie getref. Al die koeëlgate was aan die passasierskant van die voorruit.

Fourie is noodlottig getref, Uys het een skoot deur sy linkerheup gekry en Wolmarans was ongedeerd. Daar bestaan geen twyfel dat Fourie geteiken is nie. Die skutter het nie sy gelyke in die wêreld nie. As soldaat was dit nie sy besluit nie maar die uitvoer van ‘n militêre opdrag.

Toe die voertuig stilhou het Fourie uit die voertuig geval en gesterf, Uys het probeer uitklim maar teen die agterwiel van die motor inmekaargesak as gevolg van sy heupwond en Wolmarans het voor om die motor beweeg om na sy passasiers om te sien.

Onmiddellik na die skietery het offisiere van die SA Weermag opgedaag en die situasie kortstondig bespreek en uit skoot verdwyn. Die gebeure is op film vasgelê deur kameramanne en fotograwe wat “toevallig” by die kruising teenwoordig was. Wolmarans het by die mediamense gepleit vir water vir Uys wat in erge pyn verkeer het. Niemand was hulle ter wille nie. Die weermagoffisiere het nie hulle mediese korps opdrag gegee om die gewonde Uys by te staan nie. Die mediamense het nie een ‘n vinger verroer om ‘n naaste te help nie. Dit is die gedrag van onopgevoede en onbeskaafde mense.

As een van die belasterde soldate van “Nazi” Duitsland tydens die Tweede Wêreldoorlog ‘n vyandelike soldaat sien lê het soos Uys op die foto op bladsy 11 van Beeld van 5 April 2010, met beide hande in die lug om sy ontwapendheid te demonstreer terwyl hy weerloos op die grond lê, sou hy die mediese personeel ontbied het of by gebrek aan gespesialiseerde hulp noodhulp toegepas het om die gewonde te help voordat hy hom gevange neem.

Ongeveer twintig minute later het ‘n Tswanaskutter in kamoefleerdrag opgedaag. Hy het eerstens op Fourie se lyk gevuur en daarna vir Uys en Wolmarans in koelenbloede doodgeskiet. Hiervan is die foto op bladsy 11 van Beeld, wat geneem is ná die masjiengeweervuur voor die Tswanaskutter sy verskyning gemaak het, ‘n getuie.

Uys lewe terwyl Fourie langs hom reeds doodgebloei het. Daar was geen poging van die omstanders om tussen beide te tree nie. Om so ‘n man in koelen bloede dood te skiet, veral as jy twintig minute na die verwonding opdaag met die doel om dit te doen, is ‘n oorlogsmisdaad onder die Geneefse Konvensie en strafbaar met die dood. Om op ‘n ongewapende siviele passasiersvoertuig sonder waarskuwing vanuit ‘n militêre gepantserde voertuig te vuur en ‘n passasier te teiken en dood te skiet, is ‘n oorlogsmisdaad onder die Geneefse Konvensie en strafbaar met die dood.

Dit wil sê as daar nog ‘n oorlogstoestand geheers het. Aangesien die operasie opgehef en die voertuig met sy insittendes met ‘n vreedsame onttrekking besig was, is die Geneefse Konvensie nie ter sprake nie en kyk die skutters en hulle bevelvoerders na ‘n aanklag van moord.
Navraag gedoen by ‘n senior staatspatoloog het die volgende aan die lig gebring:

1. Waar ‘n lyk verskeie noodlottige koeëlwonde het, is dit onmoontlik om ‘n spesifieke wond uit te sonder as die oorsaak van die dood.

2. Deurdat die hoë trompsnelheid van moderne wapens veroorsaak dat die liggaam nie die koeëls op sulke kort afstande gevuur, terughou nie is dit vir ‘n patoloog onmoontlik om te bepaal watter kaliber koeël ‘n wond veroorsaak het waar verskillende kalibers ter sprake is.

Dit blyk dan dan Fourie doodgeskiet is deur ‘n masjiengeweerskutter van die SA Weermag en Uys en Wolmarans, die enigste twee simpatieke ooggetuies op die toneel, in opdrag van sy seniors deur ‘n Tswanaskutter van die Bophuthatswanapolisie of –weermag. Indien wel, was die doel van die tweede moord om die SA Weermag se betrokkenheid toe te smeer. Die primêre plegers sou dan wees die aanvoerders wat die opdragte uitgereik het.

Die mediamense wat ooggetuies van die gebeure was en nog steeds die toesmeer van die feite bemagtig deur met hulle beriggewing te kenne te gee dat die Tswanaskutter al drie AWB’s vermoor het, sou dan medepligtig wees aan die misdade.

Die AWB het sy pligte hier versuim. Hy het sy vermoorde lede en hulle families in die steek gelaat deur nie die gebeurlikhede op te volg en ‘n in diepte ondersoek af te dwing sodat die reg sy volle gang kan gaan nie.

Maar die sekel het reeds begin maai.

topcargo

Malema nou getoets

Die president en die ANC het die singende ANC-jeugleier verbied om verder die liedjie, Skiet die Boere, te sing.

Indien die redes wat onder meer deur Malema en die ANC se regspanne aangevoer is oor hoekom hy nié die mond gesnoer moet word nie geldig is, gaan die swye wat hom nou opgelê is dié jong kroonprins se statuur ernstig aantas.

Hiervolgens gaan Malema se waardigheid ook in die oë van die wêreld ‘n knou kry omdat dit op ‘n skulderkenning sal neerkom. So asof die wêreld buite Suid-Afrika en ZANU-PF se Zimbabwe hom as enigiets anders as ‘n hofnar beskou.

Terselfdertyd sal dit aan die lig bring of Malema voortvarend genoeg is om ‘n bevel van sy organisasie en hofbevele te gminag, iets waaroor hy baie onlangs nog erg uitdagend was.

Die verwagting is egter dat Malema, wat hierdie saak betref, na pres. Zuma en die ANC sal luister, en soos ‘n prop sal opduik om deur ander uitsprake en optredes sy reputasie gestand sal doen.

Dit strek die ANC en die regering nie tot eer dat die saak eers tot hierdie vlakke moes ontwikkel nie. Slegs die mees naïewe mens sal ontken dat polarisasie in hierdie heterogene land gevaarlik in die rooi is. Dit word al lank in meningspeilings gewys. Trouens, Malema se optrede word toegeskryf daaraan dat hy die uitlaatklep is van ‘n gesindheid wat breed onder die swart jeug in Suid-Afrika teenwoordig is. Gister, op Van Riebeeckdag, moes die polisie doringdraad uitrol tussen wit en swart by die vermeende moordenaars van mnr. Eugene Terre’Blanche se eerste hofverskyning. Na meer as 350 jaar se kontakvlak is dit duidelik dat die huidige grondwet nie die kitsoplossing bied wat naïewe politici gemeen het dit sou nie.

Die regter wat Malema met ‘n interdik die swye opgelê het tot die saak in die gelykheidshof dien, het ook reg as hy sê die probleem kan nie deur hofbevele opgelos word nie. Dit moet in die harte van mense plaasvind, en dit verg nou leierskap wat aan regeringskant lamsakkig ontbreek het.

Dit is boonop nie die enigste probleem waarmee die land opgesaal is nie. Gister is ‘n betoger teen swak dienslewering in Mpumalanga tydens munisipale onrus deur die polisie doodgeskiet.

As die opoffering van Malema se sogenaamde waardigheid dan die prys is wat betaal moet word om Suid-Afrika ‘n min of meer funksionerende staat te maak en te hou, dan behoort Malema wat gereeld sy lojaliteit aan sy organisasie verklaar, voor in die tou te staan om sy bereidheid hiertoe te toon. Dit is egter meer waarskynlik dat dit nog veel beter sal wees om Malema heeltemal uit die politieke toneel te haal en herinneringe aan sy politieke tussenspel tot bloot ‘n nare herinnering te laat vervaag.

Die hoop kan alleen uitgespreek word dat die regering se eksperiment om so baie ruimte te gee van verskillende mense om die verwarde publiek met soveel teenstrydige stories te vergas, nou deur ‘n vorm van staatsmanskap aangespreek sal word. Of die agterstande wat reeds ontwikkel het oornag reggestel kan word, is egter onwaarskynlik. Daarvoor het Zuma self te veel geloofwaardigheid en waardigheid ingeboet.

Oor die kwaliteit van sy adviseurs wat hom tot by hierdie punt gebring het kan gewoon een ding gesê word: As een blinde ‘n ander blinde lei, val beide in die sloot. Zuma is, voorlopig minstens, ‘n gegewe. Sy adviseurs hoef nie noodwendig te wees nie.

справки 086-у

Hou-den-bek belastingbetalers

Vandag is daar doringdraad tussen ondersteuningsgroepe in Ventersdorp gespan om die Terre’Blanche simpatiseerders en die ondersteuners van die aangeklaagdes uitmekaar te hou. Swart inwoners in Ventersdorp juig oor Terre’Blanche se dood – die misdadigers is helde. AWB lede en simpatiseerders huil soos familie.

Is dit nie simbolies van wat in die hele SA aan die gebeur is nie? Ek luister vanoggend na ‘n radio-bespreking tussen Gwede Mantashe, Pieter Mulder en Helen Zille. Wat my opgeval het is dat Mantashe en die ander twee mekaar glad nie kon vind in die gesprek nie. Hulle is wêrelde uitmekaar. Hoe meer daar gepraat word, hoe groter die kloof en die misverstand.

Daar is stygende polarisasie, teenoor dalende patriotisme. Is daar iemand wat nog enige hoop het vir eensgesindheid tussen bevolkingsgroepe in die land? Wat het verkeerd geloop?

Wel, die wittebrood is verby. Terwyl die wêreld die Mandela-wonderwerk in SA geïdealiseer het, en lofliedere daaroor gesing het, is die foutjies van die regering oorgesien. Verskonings was daar genoeg: Die nalatenskap van apartheid, te min voorheen benadeeldes in bestuursposisies (BEE werk te stadig en word omseil), te min vroue in bestuursposisies, te min geld om grondhervorming af te handel, te min dat, te veel van die ander ding.

Die betekenis van die boere-skiet lied is tot vervelens toe bespreek – die ANC weier om te erken dat dit negatiewe persepsies by enigiemand kan skep, wat nog te sê mense aanhits tot geweld. Persepsies is nou eenmaal subjektief, en dit kan die slimste mense in die ANC nie verstaan of aanvaar nie.

Die kultuurverskille tussen Afrikaner en ANC lê aan die wortel van die probleem. Dit kan nie langer wegredeneer word nie. Blanke jingo’s het so hard hulle kan probeer om die Afrikaner te oortuig dat die reënboognasie haalbaar is, dat ‘n pot goud op almal wag. Die leuen het hulle ingehaal. Max du Preez en sy soort weet nie meer watter kant toe nie.

Vir my as Afrikaner raak dinge nou baie ernstig. Ek het die boodskap duidelik gekry van Malema, Mantashe, Mthembu en Zuma: Afrikaners is nie welkom in Suid-Afrika nie. Nee, moenie skrik en pak vir Perth nie! Julle is welkom as belastingbetalende melkkoeie! Sonder regte. Sonder grond. Sonder eie taal. Sonder behoorlike dienste. Hou-den-bek belastingbetalers.

Kan ons vlug na ander lande? Dalk ja, as jy jonk genoeg en gekwalifiseerd genoeg is. Europa is buite die kwessie vir die meeste van ons. My oupagrootjie het van Nederland af gekom om in die Tweede Vryheidsoorlog te veg, maar ek kan nie terug Nederland toe nie. Europa het homself lam geskrik vir immigrante uit Afrika.

Al wat oorbly is Suid-Afrika, of ten minste my volk se deel daarvan. Saamlewe met barbare sal nie werk nie. Ek voel effens jammer vir die sogenaamde gematigde swartmense in die land. Ongelukkig kry hulle dit nie reg om die ANC se rem aan te draai nie. Cope het gekom en misluk. Oehoeroe is ons voorland. Die ANC maak dit duidelik dat die verwysing na boere in die skiet-lied, nie net plaasboere is nie, maar Boere, dws Afrikaners!

Watter offers sal ons moet bring vir ‘n Afrikanerstaat? Ons kan baie lesse by Israel leer. Ek twyfel egter of Israel nog sou bestaan as die ryk Amerikaanse Jode dit nie finansieel en andersins bly ondersteun het nie. Afrikaners het nie ‘n ryk oom in die buiteland nie. Ons sal dit op eie stoom moet regkry (natuurlik met die nodige verootmoediging voor ons Skepper en die afhanklike vertroue op sy seën).

Ons sal twee sake dringend in plek moet kry: ‘n Verteenwoordigende Afrikanerraad wat op internasionale basis ons regte moet afdwing, en groter ekonomiese onafhanklikheid. Daar het die afgelope paar dae briljante idees op Praag na vore gekom: eerstens, koop by jou eie mense, verkoop aan almal, neem jou volksgenote in diens, neem afskeid van ‘n luukse lewensstyl en ruil dit in vir ‘n nederiger maar veiliger bestaan, vergeet die afgode soos sport en lotto, en fokus op geestelike en fisiese paraatheid van jou gesin, jou familie, jou bure, jou volksgenote. Die kundiges van die volk wat nog in sleutelposisies werk, kan planne bedink om die regime se stelsel deur lydelike verset te ontwrig, of selfs meer indien nodig. Solidariteit (die Poolse een), is ook ‘n goeie voorbeeld vir ons.

Ons Volkstaat sal nie net sterk genoeg moet wees om te oorleef nie, maar ook om homself te verdedig teen aanvalle en plundery. Ons jong manne sal weer opgelei moet word vir grensdiens, troffel in die een hand, en swaard in die ander. Lees weer Nehemia – die mure sal herstel moet word deur biddend te bou.

Daar is stemme wat opgaan dat ons genoeg gepraat het, en nou moet begin doen. Wel, as ons al die dinge hierbo genoem goed deurdink, beplan en doen, is ek seker ons sal iets bereik. Laat ons saamstaan en begin werk – nie as politieke partye of identifiseerbare strukture nie, maar elkeen op eie werf, tot voordeel van ons volk, ons nageslag, en tot eer van God.

no deposit win real money Фильчаков прокурор

Alle Afrikaners moet ET-begrafnis bywoon

Ek haal my hoed af vir die bereidwilligheid van groepe en organisasies om hulle verskille opsy te sit en as Boere in eenheid in getalle solidariteit te betoon by Oom Eugene se begrafnis Vrydag 12h00 op Ventersdorp.

Op die oomblik in ons geskiedenis is Oom Eugene die Boereleier volgens die buitewêreld en hulle media.

Die AWB word deur ons media en ministers as ‘n klein splinterorganisasie afgemaak.

Ons wil Vrydag 100 000 mense of 500 000 mense graag op Ventersdorp sien.

Ek self gaan my bes probeer om daardie dag af te kry sodat ek dalk saam met vriende redelik vroeg daarheen kan deurry.

Bid groot asseblief dat baie mense opdaag net om te wys dat die AWB glad nie ‘n klein groep is nie.

Maar eerder dat ons Een Groot Volk vol enersdenkende blankes, Afrikaners en Boere is!

Ek doen ‘n versoek aan mense om ander hieroor in te lig of daar vervoer aangebied kan word of saamry geleenthede bestaan vir mense wat na die begrafnis toe wil gaan. Kan iemand ‘n bus per dorp aanbied om mense soontoe en terug te vervoer van sentrale punte af asseblief.

Mense, as ons hierdie geleentheid nie gebruik nie gaan die waffers dink dat hulle vrywaring kry om hulle oorlog wat tans onder die beesmis gevoer word, te intensifeer.

Hierdie is ons blanke volk se laaste kans om respek af te dwing deur in massa op te daag sodat ons ook die Gelofte van Bloedrivier dalk af kan lê, daar en dan ná die begrafnis.

Ek weet nie hoe julle voel nie maar dit voel asof die hemel huil. Dit reën min of meer aanhoudend…

My dank aan die volgende organisasies wat ek wat my per foon gekontak het om hulle by hierdie aksie aan te sluit en al hul lede te verwittig:

Boerevolk Trust (Paul Bennet – Leier)

Suidlanders (Joseph – Onderleier)

Brandwag ( Jan – Leier )

Ander groepe wat op hulle forums dieselfde aksie begin loods

Die Boerejeugverenigingsraad (Ek weet nie wie hulle leier is nie)

U is welkom om u organisasie se naam hier by te kom voeg en dalk u hulp aan ons lede te bied i.v.m. vervoer.

Respekteer die familie se versoek asseblief – geen vlae tydens die begrafnis nie.

Baie dankie.

Barend Kruger

Boerevryheid-jeugleier

Sekretaris – Boerevryheidstigting

от физкультуры Фільчаков прокурор

Wat was die polisie se rol?

Sedert ek oor die skok en woede gekom het van nog ‘n plaasmoord het ek besluit om kalm te bly, en te kyk na die feite.

Die feite soos ek dit sien is:

1. Die moordenaars was in arres voor enige berig gelees was in enige koerant op Sondagoggend, nadat hulle hulself oorgegee het.

2. Die motief is vasgestel – ‘n loongeskil – weereens voordat enige Rapportleser opgestaan en gaan koffie maak het. (Wens die Polisie was altyd so effektief)

3. Julius Malema is nie in die land nie.

4. Sopas, ter versterking van my vermoedens, hoor ek op e-tv dat een of ander nuwe wet voorsiening maak dat die jongste van die twee barbare (15 jaar oud) in terme van die nuwe wet nie verhoor kan word as volwassene nie. Hy kan ook nie tronk toe gaan nie. Hy is nog net ‘n ou seuntjie …wat toevallig weet hoe om wreedaardig te moor.

Nou het ek my antwoord op die vraag: “Hoekom bel ‘n plaasmoordenaar die polisie en gee homself oor?” Maklike antwoord: Beplande sluipmoord.

Welkom in die era van die ANC-gesteunde kindersoldaat. God help ons.

Ek wil ook net byvoeg dat ek bitter dankbaar is dat die polisie weer range dra, want nou weet ek wie is my vyand. En ‘n woordjie aan my mede-afrikaners wat nog in die diens is: Onthou, julle sal moet kant begin kies, vriende.

‘n Blou uniform is nou ‘n teiken. Kom huis toe.