ʼn Gewapende man, Frazier Glenn Miller, het drie mense Sondag op die vooraand van die Joodse Paasfees in ʼn Joodse gemeenskapsentrum en aftree-oord in die Amerikaanse deelstaat Kansas doodgeskiet.
Die 70-jarige verdagte, wat in aanhouding is, het nie enige van die slagoffers geken nie, het die hoof van die Overland Park-polisiedepartement, John Douglas, gesê.
Die man het ʼn haelgeweer gebruik en hy het glo “Heil Hitler” geskreeu toe die polisie hom weggelei het.
In 1985 het Miller die Wit Patriot Party begin, maar hy is ‘n jaar later skuldig bevind aan kriminele aktiwiteite vir die aankoop van wapens en plofstof om ‘n opstand in die “White Southland” aan te wakker.
Sy vonnis is egter aansienlik verkort nadat hy teen 14 ander sogenaamde “wit suprematiste” getuig het.
Dit het die vermoede versterk dat Miller in diens van die owerhede opgetree het om wit “nasionaliste” uit te snuffel en te inkrimineer.
Die FBI-agent Michael Kaste sê ʼn klag van haatmisdaad word ondersoek.
Die eerste voorval het by die Joodse gemeenskapsentrum gebeur terwyl jeugdiges besig was om aan ʼn toneelstuk te oefen. Die man het glo vir mense gevra of hulle Joods is voordat hy op hulle losgebrand het. Twee mense is hier doodgeskiet.
Die mense wat hy geskiet het was egter van die Metodistekerk.
Hy het daarna na die Village Shalom-aftree-oord gery waar hy ʼn vrou in haar sewentigs doodgeskiet het.
Vyf swart aanvallers het ‘n bejaarde man en sy vrou van Bon Accord, noord van Pretoria, Saterdagmiddag met ’n graaf en ’n byl op hul kleinhoewe aangeval.
Laszlow Bercsényi (87) het vroeg Sondagoggend aan sy wonde beswyk nadat vyf rowers hom en sy vrou aangeval het.
Dit is die derde byl-aanval die afgelope week in dié omgewing.
Sy vrou, Carol (68), het die aanval oorleef. Sy verkeer tans in ’n ernstige, maar stabiele toestand in die hospitaal.
Carol is herhaaldelik met ’n graaf geslaan buite die huis, en Laslow met ’n byl gekap waar hy binne die huis was.
Carol het die bure geroep, waarna die polisie ontbied is. Sy weet skynbaar nog nie dat haar man oorlede is nie.
Oproerige inwoners van Weilers Farm, suid van Johannesburg, het Maandagoggend die strate ingevaar.
Die oproermakers het die R554 afgesper. Die polisie is in die gebied ontplooi.
‘n Woordvoerder van die Johannesburgse Metropolisie, Wayne Minnaar sê die pad is gesluit tussen die Goue Hoofweg en die R81, aangesien dit nie veilig is vir motoriste nie.
Minnaar sê hulle weet nie wat die rede vir die oproer is nie.
Hy sê oproeriges het buitebande aan die brand gesteek en gooi klippe na motoriste.
Aan die Oosrand van Gauteng word ‘n aantal paaie ook deur oproeriges in Tsakane versper.
Skole in die gebiede waar daar verlede week geweldadige oproer was, het nog nie almal teruggekeer na normaal nie.
Swart skole by Bloemhof, Christiana en Itsoseng in Noordwes, is weer oopgestel, maar in Khunotswana naby Zeerust word skole nog ontwrig.
Klasse is onderbreek deur oproeriges wat kinders aangeraai het om weg te bly oor “dienslewering”.
In Khunotswana het oproeriges paaie versper, nadat `n streekskantoor en `n raadslid se huis gedurende die naweek aan die brand gesteek is.
In die ander gebiede waar die paaie steeds begaanbaar is, het taxi’s en busse kinders na skole vervoer.
Meer as 4 500 township-skole regoor die land het in die afgelope 20 jaar gesluit omdat hulle deur swart leerlinge en onderwysers in die steek gelaat is.
Swart ouers stuur hul kinders graag na voormalige Model C-skole wat voorheen vir wittes gereserveer is.
Ondersoeke deur The Citizen het gevind dat hierdie eens florerende skole in die lokasies verlate, gevandaliseer en leeg staan.
Die departement van basiese onderwys het nie ‘n saak met die eens skaflike fasiliteite nie.
Woordvoerder Elia Mhlanga gesê die departement is nie meer verantwoordelik vir die fasiliteite wat gebruik is vir openbare skole nie.
In Soweto is sommige van die gederegistreerde skole – onder hulle Hlengiwe Sekondêr en Thulari Sekondêr – leeg en vervalle.
Baie van hierdie geboue onwettig deur plakkers beset en sommige word as motorwerkswinkels en sake-ondernemings gebruik.
Die woordvoerder vir Gautengse departement van onderwys, Phumla Sekhonyane, het gesê soveel as 88 skole is gesluit in die provinsie in die afgelope vyf jaar, terwyl 45 ander saamgesmelt is.
Ten spyte van die oorvloed beskikbare ruimte, wil die Gautengse LUR vir onderwys die oorblywende Afrikaanse skole nogtans laat verswart, ‘n duidelike aanduiding van die ideologiese projek wat Barbara Creecy in die mou voer.
Gautengse departement het gesê ‘n oudit en statusverifikasie van onbenutte skoolfasiliteite in die provinsie sal van stapel gestuur word.
The Citizen het ook die naburige voormalige bruin en Indiër- townships besoek en gevind dat ongeveer 40% van die leerlinge van Soweto afkomstig is ten spyte van hoë fooie om hulle uit te hou.
By die Trinity Sekondêr in Lenasia vra die skool R1 300 per jaar om geregistreer te wees en by Eldorado Park R700.
Greenpeace, die internasionale omgewingsorganisasie, het ‘n beroep op die Suid-Afrikaanse regering gedoen om Ysland se vragskip in hul hawens te verbied en ander Afrikalande tot soortgelyke stappe te oorreed.
Suid-Afrika is gevra om druk op Afrika-lande uit te oefen sodat die vragskip met bedreigde vin-walvisvleis aan boord, nie toegelaat word om by hulle hawens aan te doen nie.
Die skip is in Durban geweier en kon nie in die hawe aandoen nie, nadat sowat 21.000 Suid-Afrikaners Greenpeace in die protesaksie gesteun het.
Die skip, Alma, is met die walvisvleis op pad na Japan. Die vleis van die bedreigde walvis is veronderstel om in Tokio afgelaai te word en die skip moet halfpad brandstof inneem.
Die protesaksie volg nadat die Internasionale hof van Justisie Japan twee weke gelede gelas het om die jag van walvisse dadelik te staak.
Die SAUK het gesê die DA kan ‘n gewysigde weergawe van sy verkiesingsadvertensie indien omdat die huidige een geweld aanhits.
Die uitsaaier het Vrydag ‘n beroep op die Demokratiese Alliansie gedoen om ‘n gewysigde weergawe van hul “Ayisafani” advertensie in te dien nadat dit onttrek is.
“Ons het … hulle ingelig [ Demokratiese Alliansie ] dat hulle geregtig is om ‘n gewysigde weergawe van die genoemde advertensie in te dien,” het Kaizer Kganyago, woordvoerder gesê.
In ‘n brief, het die SAUK se waarnemende uitvoerende hoof, Tian Olivier gesê hulle sal nie langer in staat wees om die advertensie op radio en televisie uit te saai nie, want dit hits geweld aan.
“Die Okosa-regulasie op politieke reklame stel dit duidelik dat daar nie aanhitsing tot geweld mag wees nie.
“Ons is van mening dat die verwysing in julle televisie-advertensie na die polisie wat ons mense dood, ‘n rede is vir aanhitsing teen die polisiediens,” het Olivier gesê in die brief.
Verskeie dorpe in Noordwes is tans in opstand teen die polisie, winkeleienaars, plaaslike raadslede en die oproeriges het reeds miljoene rande se skade veroorsaak soos hulle aangemoedig word om in opstand te kom teen “dienslewering”.
Die premier van Noordwes, Thandi Modise het ‘n beroep gedoen op leerlinge gedoen om terug te keer skooltoe. Die gewelddadige oproer, brandstigting, plundery en vandalisme het in Bloemhof, Christiana, Itseseng en Khunotswane voorgekom.
In die advertensie gesels die DA se Gautengse premierskandidaat en Mmusi Maimane met homself in ‘n spieël. Hy sê die lewe vandag is beter as wat dit was 20 jaar gelede was en gee krediet aan die terroristeleiers wat glo hy het die land “vorentoe” geneem het.
Dan sonder hy Zuma, verlore werksgeleenthede, Nkandla en polisiebrutaliteit uit waarteen kiesers hulself moet verset.
Olivier het bygevoeg in die brief dat die Verkiesingskommissie se gedragskode ‘n klousule insluit wat ‘n verbod op die publikasie van vals inligting bevat.
Olivier sê die bewerings oor Nkandla is nog nie in ‘n hof getoets nie.
Hy het verder gesê dat die Kode van die Advertensiestandaardeowerheid van Suid-Afrika (ASA ) laat nie toe dat ‘n ander produk ten koste van jou eie bevorder word nie.
“Ons is ook van mening dat die SAUK nie persoonlike aanvalle op enige partylid of leier sal toelaat deur enige ander party, soos gedoen in julle advertensie ten opsigte van … Zuma nie, ” het Olivier gesê.
“Ons het nie enige kommer oor generiese stellings oor sake soos korrupsie of die gebrek aan dienslewering nie, maar glo nie dat dit korrek is dat sulke kwessies aan ‘n spesifieke persoon toegewys word nie…”
‘n Sweedse diplomaat en die sekretaris-generaal van die Verenigde Nasies, Dag Hammarskjöld, is na die ontploffing van sy vliegtuig op 18 September 1961 in die destydse Noord-Rhodesië (tans Zambië) dood.
‘n Internasionale kommissie wat bestaan uit die voormalige regters Sir Richard Goldstone en Sir Stephen Sedley, is onlangs – in Februarie 2014 – deur die Verenigde Nasies saamgestel. Dié kommissie het die Verenigde State van Amerika intussen versoek om verskeie geheime dokumente rakende die kwessie vry te stel.
Hammarskjöld was op pad om Moïse Tshombe, wat die rebelle in koper-ryk Katangaprovinsie gelei het, te ontmoet.
Katanga wou destyds van die sentrale regering van die Kongo onder Patrice Lumumba afstig. Hy het vroeër die Kongo se onafhanklikheid van België verseker.
Tshombe, wat in ‘n tronk in Algiers in 1969 gesterf het, is deur Belgiese sakebelange ondersteun en hy het ‘n huursoldaatweermag op die been gebring wat die Verenigde Nasies se pogings om die Kantangaprovinsie – ook bekend as Shaba – as deel van die sentrale regering van die Kongo te behou, uitgedaag het.
Een dokument wat reeds vrygestel is, is ‘n kabel van die Amerikaanse ambassadeur in die Kongo, Ed Gullion. Die diplomaat identifiseer daarin die huursoldaat wat in alle waarskynlikheid die vliegtuig van die sekretaris-generaal van die VN afgeskiet het as Jan van Risseghem.
Suid-Afrika is ook destyds van betrokkenheid by die ramp beskuldig, omdat ‘n “wit suprematistiese netwerk” glo die sluipmoord beplan het. Hammarskjöld het egter baie vyande gemaak, veral die Europese koloniale moondhede, asook Rusland.
Suid-Afrika het Katanga se onafhanklikheid destyds gesteun.
Die Britse Hoë Kommissaris Cuthbert Alport het die vlug op die lughawe ingewag toe die vliegtuig elders naby Ndola in vlamme neergestort het. Omdat Altport by die lughawebestuur daarop aangedring het dat Hammarskjöld elders heen gevlieg het, is die soektog ure lank vertraag.
Die wrak van die vliegtuig is eers na langer as vyftien ure opgespoor, maar ooggetuies by die ramp sê daar was binne enkele ure reeds mense wat die toneel gefynkam het.
Angel-Saksiese diplomate was glo bekommerd oor die verlies aan mag van die groot moondhede in Afrika nadat Hammarskjöld ‘n militêre operasie in die Kongo teen die advies van Washington en Londen gemagtig het.
In Suid-Afrika is die SAIMN-dokumente met betrekking tot die dood van Dag Hammarskjöld op ‘n uiters vreemde manier gehanteer. Aartsbiskop Tutu het afskrifte van die dokumente in die openbare domein in 1998 vrygestel.
Hy het in ‘n persverklaring gesê dat die oorspronklike aan die destydse minister van Justisie, Dullah Omar oorhandig is. Maar hierdie oorspronklike dokumente het intussen verdwyn, sodat dit nou onmoontlik is om vas te stel of, soos daar beweer word, dit vervalsings is.
Twee van Hammarskjöld se topvolgelinge, Conor Cruise O’Brien en George Ivan Smith, is albei oortuig dat die sekretaris-generaal se vliegtuig afgeskiet is deur huursoldate wat vir Europese nyweraars in Katanga gewerk het.
Hulle glo dat die Britte gehelp het om Operasie Morthor onder leiding van Hammarskjöld te kelder. In 1992 het die twee ‘n brief aan die Guardian gestuur waarin hulle beweer dat die vliegtuig “per ongeluk” afgeskiet is.
Die Westerse samelewing floreer sedert die industriële rewolusie. Soveel so, dat die Berlynse Muur geval het in 1989 en so die hegemonie van Westerse denke tot stand gebring het. Wat daarna gebeur het is effens onverklaarbaar, in die sin dat die voorkoms van gewapende konflik verhoog het.
Een afleiding is dat hegemonie lei tot oorlog in plaas van vrede.
Op ’n kleiner skaal hier in Suid-Afrika, word die hegemonie van die ANC ook gekenmerk deur die verassende voorkoms van konflik binne en buite die ANC, maar ook in Afrika waar die ANC hulle hegemonie probeer uitbrei, “tot Jesus weer kom”.
Die konflik in die Demokratiese Republiek van die Kongo word nou bygelê met die hulp van Afrikanervervaardigde wapens soos die Rooivalkgevegshelikopter, maar word ook ge-evalueer deur Afrikanergeneraals van die eertydse Angolese bosoorlog wat – ten minste op politiese vlak – skynbaar daardie oorlog verloor het.
Die probleem met konflik is dat dit oënskynlik toeneem met die toename in hegemonie. Daarom is militêre weerstand nie ’n langtermyn oplossing nie, selfs al is dit met uitgesoekte toerusting of personeel. Die Weste se alternatief tot oorlog is om velkleurverskille af te maak as niksseggend en veral die swart velkleur as voordelig voor te stel.
Die politiese agenda hieragter is dat alhoewel diegene weet dat swart velkleuriges agtergeblewe is, verhef hulle bloot hierdie mense deur omgekeerde bemarkingsfoefies soos dat ons sal “help” ens. Aangesien veral Brittanje hieragter sit en maak asof swartvelliges so belangrik is en daarom uitgenooi word om die voor die Koninigin te buig, word hulle desnieteestaande behandel as agtergeblewenes, amper soos ’n ma haar gestremde kind sal behandel.
Die bemarking (lees: sielkundige kondisionering) van multikulturalisme duur onverpoos voort tot so ’n mate dat kinders nie meer opgevoed word met realisme nie, maar in ’n dwaal verkeer oor ons wonderlike multikulturele wêreld waar militêre konflik en Britse hegemonie die norm is.
Swartvelliges word dus grootgemaak met die konsep dat hulle permanent agter sal bly en dat witvelliges “altyd” swartvelliges moet help. Hierdie stand is nie volhoubaar nie. Die waters van bi-polêre en uni-polêre wêrelde is getoets en is vertroebel.
Wat wel sal werk is om kulturele oplossings te soek in plaas van velkleur of militêre oplossings. Neem enige maatskappy en lees die gepubliseerde waardestelsel van daardie maatskappy. Dit is altyd iets soos eerlikheid, harde werk, integriteit en innovasie. Maar wat nie uitgespel word nie, is die negatiewe waardes wat nie geduld sal word nie. Maatskappye sal dus nie op hulle geskrewe beleidsdokumente die waardes van ondeursigtigheid, arrogansie en swak-deelname identifiseer as ongewensde waardes waarteen opgetree sal word nie.
Net so word kinders nie by die huis geleer dat hulle welvaart aan beperkings blootgestel is nie. Skole leer kinders dat om nie te leer nie, nie koel is. Skole behandel lui lamsakke met ’n “ag, toemaar, ons sal jou maar deursit”, wat sulke net onvoortreflikheid verder aanmoedig.
Die universiteite kry hierdie arme kinders, neem die swakkes ook in en verswak die goeies totdat ’n generasie van net swakkes geproduseer word wat daartoe lei dat Suid-Afrika die swakste presteer in vergelyking met sy potensiaal… in die wêreld.
Indien ons almal daardie negatiewe waardes kan identifiseer wat nie wenslik is nie, sal ons in Suid-Afrika beter vaar en sal die res van die wêreld ook beter vaar. Die tyd het dus aangebreek om ons stemme dik te maak.
Ons moet in die openbaar en veral internasionaal, dit uitbasuin dat ons van sekere waardes nie hou nie.
My naam is Deon Beukes en ek is deel van die gemeenskap van Bloemhof. Op Maandag en Dinsdag moes ons as gemeenskap opruk om te verhoed dat ons dorp ingeval en geplunder word. Gelukkig het ons `n buurtwag so 8 maande terug gestig wat vol toegerus is met radio`s, nagsig en hittebeeldsig (thermal imaging).
Die polisie kon hulle self Maandag en Dinsdag nie teen die massas verdedig nie want hulle was te min.Ons moes op `n staduim vir hulle haelgeweer patrone leen. Teen Woendag was ons versterkings van die omgewing so ver as Kathu ongeveer 300 bakkies.
Let wel dat ons nie polities gedrewe is nie. Hierdie was slegs optrede om eiendom te beskerm, ongeag party-affiliasie. Hierdie swart mense het teen hierdie tyd alles in die swart woonbuurt afgebrand en alle inligting het gewys dat hulle die dorp wou inval.
Dit was wel so, want hulle het 3 tot 4 keer probeer om die dorp in te kom met alle mag, met ongeveer 3000 mense. Hulle het militêr opgetree, want dan slaan hulle ons op een plek, en dan trek hulle terug en slaan ons dan weer op `n ander plek.
Ons het hulle uit die “GOS” gesit en dophou dus kon ons ons manne herontplooi. Hulle oogmerk was om by winkels in te breek en te besteel en om ander geboue in dorp te brand. Ons het vasgestaan en het dit
afgeweer.
Woensdagnag het `n generaal van die SAPD ingekom en ons beveel om terug te staan.
Ons het haar bevel gehoorsaam met die voorwaarde dat sy versterkings moes inbring. Na wat ek verneem is amper die hele onluspolisie van Noordwes hier. Ons inligting sê dat dorpe rondom nou moet begin brand sodat die polisie kan begin verdeel want hulle wil Bloemhof vat.
Dorpe rondom het nou reeds begin: Wollies, Makwassie, Hoopstad, S/renke, Hertzogville en Christiana. Ek wil `n klag van terrorisme gaan indien maar kry geen prokureur wat die ruggraat het nie. Ek glo dit sal dalk die ding kan draai .
Help asb met raad en verwysings en selfs met `n prokureur wat sal help. Ons het hulp nodig. Julle sien nie `n tiende op die nuus nie.
Drie vermeende renosterstropers is oor die naweek in die Krugerwildtuin in hegtenis geneem, het SANParke Maandag gesê.
