Skrywer: Dan Roodt

Varkgriep eis eerste SA slagoffer

Varkgriep, oftewel H1N1 2009, het die eerste Suid-Afrikaanse slagoffer geëis: ’n 22-jarige student van Stellenbosch wat deur drie dokters behandel is. Die oorsaak van sy dood is eers as longontsteking aangedui.

Die vierdejaarstudent, Ruan Müller, is drie keer behandel voordat hy in ’n hospitaal opgeneem is. Die virus is nadoods by hom gediagnoseer. Müller is verlede Dinsdag oorlede en is Vrydag begrawe.

Müller is aanvanklik deur die US se kampusgesondheidsdienste vir seisoenale griepsimptome behandel.

Vier dae later is hy na sy ouerhuis waarna nog ’n dokter hom ondersoek het. Hy is op 26 Julie verwys na ’n spesialis en is daarna in die hospitaal opgeneem. Hy is op 28 Julie oorlede, twee dae ná sy 22ste verjaardag.

Varkgriep is reeds by meer as 500 landwyd gediagnoseer. Dié getal kan aansienlik meer wees omdat nie almal getoets word nie.

Die hoof van die Wes-Kaapse departement van gesondheid, dr. Keith Househam, het die publiek verseker dat die oorgrote meerderheid van mense wat varkgriepsimptome openbaar, matige gevalle is.

для баниtopcargo отзывы сотрудников

Skokkende Switserse brief

Met skok en Afgryse lees ek die brief vanaf Manfred Linke, die Switserse amptenaar, se verduideliking hoekom Krugerstraat se naam moes verander. Hy kan waarneem dat Kruger teen Britse Imperialisme baklei het maar glo dan dat alle blanke setlaars imperialiste is. As dit wel die geval is moet alle swartes, Arabiere en Moslems in Switserland dan nie as imperialiste gesien word nie?

Hulle kan Krugerstraat se naam verander as hulle de laaste swarte en Moslem uit Switserland gegooi het as 'n onwelkome imperialis. Dit is moontlik dat hy ook glo dat slegs blankes imperialiste en rassiste kan wees. In daardie geval gaan 'n debat en 'n betoog ons nie veel gaan help nie.

So kom ons los hulle met hul morele meerderwaardigheid, die demografiese veranderings in hul eie land kan hulle eerder die waarheid oor volk en rasverskille leer. Kom ons gebruik die geleentheid om te eksperimenteer met beter produkte as Nestlé. Of wat van 'n volksgerigte koffie- en sjokoladefabriek op Orania?

Ons kan selfs 'n fonds stig om Nigeriërs, Somaliërs en Turke te help om hulle in Switserland te gaan vestig. Twee miljoen van elk van laasgenoemde sodat hulle kan bewys dat hulle nie rassiste is nie.

Die belangrikste punt is dat ons versigtig moet wees om nie te veel betrokke te raak by Europa nie. Ja, ons het probleme en ja, ons het vriende nodig maar 'n beskawingsoorgang is in Europa onderweg vanaf blank en Christen na Arabies en Moslem.

Dit gaan uiteidelik op konflik en bloedvergieting uitloop tot so 'n mate dat dit heel moontlik dit wat in die Tweede Wêreldoorlog gebeur het gaan troef. Die mees suksesvolle oorlog waaraan 'n volk kan deelneem is die een waaraan al sy vyande en vriende deelneem en hyself nie.

Proaktief sou ek voorstel ons skryf Krugerstraat in Arabies en pos dit vir Manfred Linke!

you playАлександр Фильчаков прокурор

Olie raak vinniger op as voorheen voorspel

Die wêreld staar 'n katastrofale energietekort in die gesig wat ekonomiese herstel kan kortwiek want die meeste groot olievelde is verby hulle produksiepiek. Só waarsku 'n gesaghebbende energie-ekonoom.

Hoë oliepryse as gevolg van die nypende tekorte kan ekonomiese herstel van koers af dwing sê dr Fatih Birol, hoofekonoom van die Internasionale Energieagentskap (IEA) in Parys. Die Agentskap bepaal die toekomstige behoeftes van ontwikkelde lande.

Dr Birol sê dit lyk asof die publiek en talle regerings nie die erns besef nie. Die moderne samelewing se bestaan hang van olie af en olie is besig om vinniger minder te raak as wat voorheen voorspel is. Globale produksie gaan oor tien jaar 'n hoogtepunt bereik en daarna afplat, tien jaar vroeër as wat regerings beraam het.

Die eerste gedetaillerde studie van meer as 800 olievelde wêreldwyd, wat meer as 'n driekwart van die wêreldreserwes hou, het bevind dat die grootste velde reeds verby hulle beste uitsette is en dat die afnamekoers twee keer vinniger is as wat twee jaar gelede bereken is.

Daarbenewens is daar die probleem van kroniese onderinvestering deur olieproduserende lande wat binne die volgende vyf jaar in 'n drastiese olieknyp gaan manifesteer.

Birol het gewaarsku dat die markkrag van veral die Midde-Ooste dramaties gaan toeneem as die oliekrisis in 2010 'n greep op die Weste kry. Hulle oliemarkaandeel van 40% gaan nog verder groei.

Hy het gesê olie gaan verdwyn en dat mense moet voorberei vir daardie dag en die gevolge baie as ernstig sal moet beskou.

Die IEA sê die jaarlikse afplattingskoers in produksie wat in 2007 as 3,7 aangedui is, is verkeerd en dit behoort 6,7% te wees. Die huidige verbruik is dus onvolhoubaar en die era van goedkoop olie is vir goed verby.

Die wêreld gaan ses olielande soos Saoedie-Arabië nodig hê teen die huidige koers van verbruik teen 2030.

Geopolitiek gaan beslis daardeur geraak word. Birol sê alhoewel sekere lande besef olie gaan opraak, het hulle geen benul van die werklike implikasies wat wag nie.

Ontginning van die reusagtige vuil teerolievelde in Alberta, Kanada, kan geweldige omgewingskade bring en die kweekhuiseffek vererger, sê hy.

дровяные печи каминыДанильченко Юрий Брониславович компромат

Nuwe Vigsvirusvariant ontdek

Image

‘n Lekker happie bosvleis

'n Nuwe vertakking van die Vigsvirus is in Kameroen ontdek. In Maandag se uitgawe van die tydskrif Nature Medicine skryf navorsers dat dié een verskil van die drie ander soorte wat tot dusver bekend is en baie in gemeen het met 'n aapvirus wat in wilde gorillas voorkom.

Die ontdekking noodsaak die nougesette studie van variante van die virus sê Jean-Christophe Plantier van die Universiteit van Rouen, Frankryk.

Die drie reeds bekende MIV-vertakkings is almal aan 'n aapvirus verbind wat in sjimpansees voorkom.

Die mees logiese verduideliking is om gorilla-tot-mens transmissie te bewys sê Plantier se span. Dit kon egter in sjimpansees begin het en daarna na gorillas versprei het voordat mense in aanraking daarmee gekom het, of dit kon deur sjimpansees gelyktydig na gorillas en mense oorgedra gewees het.

Die 62-jarige vroulike pasiënt is in 2004 positief vir MIV getoets, kort nadat sy van Parys na Kameroen getrek het. Sy woon naby Yahounde, die hoofstad van Kameroen, en sê sy het geen kontak met die groot ape gehad nie of sogenaamde bosvleis, vleis van wilde diere soos ape, geëet nie

розетка коляскитопкарго

Waarom ‘n Engelse datum op praag.co.za?

Dis lekker om julle artikels te lees. Laat my dink aan die ou Star se leuse, naamlik ons vertel dit soos dit is! Hoekom egter bo-aan die blad is daardie datum in Engels? Groetnis uit Engeland.

Beste Cloete,

Ons waardeer jou ondersteuning as leser daar vanuit Engeland. Wat die Engelse datum betref, stoei ons maar deurentyd met die blikbreine om hulle Afrikaans te laat praat. Ons maak van sogenaamde oopbronprogrammatuur gebruik wat ons dikwels self in Afrikaans moet vertaal en om tegniese redes was die datum 'n tamelet om te verafrikaans. Ons sal egter jou kritiek deurgee aan ons webmeester, Albertus Kleingeld, wat weer die datumprobleem sal aanpak.

Dan Roodt, uitgewer

клей шпаклевкаФильчаков Харьков

Twee nuwe Mozartstukke uitgevoer

Image
 
’n Oostenrykse pianis het die afgelope naweek twee nuut ontdekte stukke deur Wolgang Amadeus Mozart vir die eerste keer in die openbaar uitgevoer in ’n huis waar die meesterkomponis eens gewoon het.

Die stukke is oorspronklik deur hul argivaris, die Internasionale Mozarteum-stigting, as anonieme werke beskou.

Verdere ondersoek het aan die lig gebring dat Mozart die stukke gekomponeer het toe hy sewe of agt jaar oud was.

Albei stukke is in Mozart se pa, Leopold, se handskrif, maar die ondersoek het bevind dat hy geskryf het wat sy wonderkind op die klavier gespeel het, het die stigting se Mozart-navorser, Ulrich Leisinger, op ’n mediakonferensie gesê.

Hy het gesê die jong Mozart het sy pa gevra om die stukke neer te skryf omdat hy self nog nie musiek kon noteer nie. Hy het later sy eie veranderinge aangebring.

кардиганыФильчаков прокурор харькова

Switserse amptenaar reageer oor Krugerstraat

Nadat verskeie briewe aan die Switserse regering en plaaslike regering gerig is oor die blatante anti-Afrikaanse houding wat uit die onlangse naamsverandering van Krugerstraat in St. Gallen na vore gekom het, het Praag die onderstaande brief ontvang:

 

Dear Mrs. Roodt

I received your mail of 10th June 2009 from the Federal Department of Foreign Affairs 17th July 2009. I came back from my summer holidays only yesterday so that an answer to your mail from my part wasn't yet possible.

The name "Krügerstrasse" has led to several discussions and political actions in the past in the City of St.Gallen. The street was named "Krügerstrasse" apparently in the year 1904, the year when Paul Kruger died in Switzerland, in Clarens, in the French Speaking part of the country. It was the council of the village of Straubenzell which decided. The village of Straubenzell became, in the year 1918, part of the City of St.Gallen. It seems that the authorities of the village of Straubenzell in those times had the intention to honour Paul Kruger as hero of independence against mighty Great Britain. Today the name Kruger is strongly connected with the colonisation of South Africa and with the suppression of the coloured people.

There was suppression of black people by Afrikaaners who thought black people not being on the same level as white people. One can't only see and honour the struggle against British colonialism; there was also a Dutch colonialism. One can't see the history of the own country only in the role as victims, but not in the role as committers.

With kind regards,

Manfred Linke

Dr. Manfred Linke
Stadtschreiber
Rathaus
9001 St.Gallen
Telefon 071 224 53 22
Fax 071 224 57 01

free bet casinoФильчаков прокуратура харьков

Rugby ontaard in rassegeveg

’n Klubrugby-wedstryd in Johannesburg het glo die naweek lelik geraak nadat rassistiese aanmerkings gemaak is en die kaptein van een span bewusteloos geslaan is.

Reynald Isaacs, klubbestuurder van die Eldoranians, wat teen die Wanderers gespeel het, het ontken sy spelers het messe gehad.

Isaacs het die Wanderers-spelers van rassisme beskuldig. Die Eldoranians-kaptein, JP Luyt, is met gesigbeserings en harsingskudding in die Mulbarton-hospitaal opgeneem nadat hy glo deur 'n teenstander aangerand is.

“Hulle een stut het JP onder meer ’n ‘hotnot’ genoem en só hard geslaan dat hy drie minute lank bewusteloos was,” het Isaacs aan Beeld gesê.

Die twee spanne het om 16:00 op Wanderers se veld uitgedraf. Die skeidsregter het die wedstryd egter stopgesit omdat dit kort-kort handuit geruk het.

Isaacs het gesê die wedstryd is stopgesit nadat Luyt bewusteloos geslaan is.

Die Wanderers-spelers het na hul kleedkamer gegaan toe die wedstryd stopgesit is, maar die ander span het buite die deure gestaan met messe en gedreig om spelers dood te maak.

Wanderers het die polisie ontbied en hulle kaptein onder veiligheidsbewaking van die veld begelei.

Isaacs het gesê ’n saak van aanranding is teen die betrokke Wanderers-stut aanhangig gemaak. Wanderers oorweeg ook soortgelyke klagtes teen die Eldoranians.

магазин игрушекФільчаков прокурор

SA verkoop wapens aan VSA se vyande

Die DA is op die vooraand van Hillary Clinton se besoek bekommerd dat Suid-Afrika se wapenhandel met sekere lande moreel verdag en moontlik onwettig is: Die lande sluit Iran, Sirië en Libië in.

Ingevolge VN- en EU-handelsbeperkinge is wapenhandel met dié lande verbode. Die EU handhaaf ’n wapenverbod teen Iran, Zimbabwe en Noord-Korea, en die VN teen Iran en Noord-Korea.

Die nasionale komitee oor beheer oor konvensionele wapens (NCACC), die oorsigliggaam wat wapentransaksies die groenlig moet gee, het sonder behoorlike oorweging en ’n gebrek aan ’n kworum voortgegaan om transaksies te beklink, volgens David Maynier, ’n DA-LP.

Maynier is die party se woordvoerder oor verdediging en militêre veterane.

“Ons is op die punt om vlugoorpakke aan vlieëniers van pres. Mahmoed Ahmadinedjad van Iran te verskaf, ons het reeds granaatlanseerders en sweefbomme, wat gebruik kan word om kernwapens te lanseer, aan kol. Moeammar Ghaddafi van Libië verkoop asook gewere aan pres. Hugo Chavez van Venezuela.

Die NCACC het blykbaar nooit kwartaallikse verslae aan die wetgewer verskaf nie. Die komitee se werksaamhede onder Sidney Mufamadi se voorsitterskap is voorts deur laksheid gekenmerk.

Jeff Radebe, minister van justisie, is tans voorsitter van die nuut saamgestelde NCACC. 
купить детский арбалетпрокурор Фильчаков