G-8 gee min

Dat veral sommige lande van die G-8 erg agter skedule is met miljarde dollar beloofde ontwikkelingshulp aan ontwikkelde lande is ‘n feit, maar daar is ook ‘n ander sy aan dié dollarmunt.

Die Europese Kommissie se voorwaardes vir ontwikkelingshulp maak dit baie duidelik aan watter vereistes lande moet voldoen om vir die ontwikkelingshulp te kwalifiseer. Onder die hoofvoorwaardes is die wyse waarop korrupsie en demokrasie bestuur word. Is die pogings om korrupsie hok te slaan nie sterk genoeg nie, en is daar te min neerslag van demokrasie, word die geld nie na die ontvangerlande se staatskas gekanaliseer nie, maar na nie-regeringsorganisasies en dus grootliks buite bereik van die grypsugtige regerings. Pres. Robert Mugabe se galbrakery teen NRO’s is welbekend.

Wanneer die VSA se minister van Buitelandse Sake, Hillary Clinton, in Nigerië die Nigeriese regering oor die uitroei van korrupsie aanspreek, dan spreek dit boekdele van erns.

Tog verwag die ontwikkelende lande steeds ‘n oop hand ten spyte van volgehoue nepokrasieë, kleptokrasieë en ander mismaaksels. Die G-8-lande is hard deur die wêreld-ekonomiese krisis getref. Hoe maklik sal hulle geld kanaliseer na ‘n land waar die munisipaliteite saam in een jaar R13 miljard wanaangewend en vermors het? Watter boodskap stuur die regering uit deur die hersirkulering van kaders wat reeds uitgevang is en selfs ontslaan is, in hoër of gelyke poste. Die lys word al langer, met die jongste Phil Mohlahlane wat as waarnemende hoof- uitvoerende beampte by die Landbank die trekpas gekry het en nou ‘n senior pos by die Limpopo Landbou-ontwikkelingskorporasie losgeslaan het.

Op munisipale vlak lyk dit al meer na “musical chairs” soos uitgevangde munisipale bestuurders elders weer munisipale bestuurders, waarnemende munisipale bestuurder soos op Ventersdorp, of administrateurs word soos wat met die afgedankte munisipale bestuurder van Mangaung gebeur het, en wat nou op aanklagte van onder meer korrupsie en rampokkery tereg staan.

Suid-Afrika, en Afrika, se hantering van pres. Robert Mugabe en ander Afrikaleiers, onder andere een vir wie die Internasionale Strafhof ‘n lasbrief uitgereik het, sal beslis ook nie die lus vir geld-uitdelery aanwakker nie.

Dit moet ook in gedagte gehou word dat verskeie Europese regerings beduidende hoofstukke in hul eie ekonomiese herstelplanne ingeskryf het.

In skrille teenstelling hiermee wil pres. Jacob Zuma ‘n openbare debat voer om moraliteit te herdefinieer sodat sekere praktyke aanvaarbaar sal wees.

Clinton het pas haar vorige monduitspoelery oor die korrupsie op die kontinent opgevolg met ‘n duidelike streep in die sand te trek dat Afrika self sy voetwerk vir bevatlikheid vir hulp in orde moet kry.

Uiteindelik, in ‘n globale ekonomie, maak dit sin om te belê waar hulpbronne is. Die kwessie van relatiewe prysvoordeel is nog ver van behoorlik ontwikkel oor die natuurlike ingesteldheid tot proteksionisme. Die bietjie uitvoer-vervaardiging van Ethiopië is enkele jare gelede deur elektrisiteitstekorte nek omgedraai. Toe die kragkrisis oorkom is – tydelik blyk dit nou – kon die eertydse vervaardigers nie hul buitelandse marke herwin nie. Doeltreffender mededingers het die geleenthede opgeslurp. Dis taai, en Kersvader kom net eenkeer per jaar.

roulette games noлобановский александр дети

Zimbabwe verkoop lustig ‘bloeddiamante’

Britse koerante berig dat Zimbabwe steeds lustig “konflikdiamante” verkoop, in weerwil van die sogenaamde “Kimberley-proses” wat sekere minimum politieke vereistes vir diamanthandel bepaal.

‘n Aksiegroep het die pas afgelope vergadering van die Kimberley-proses in Tel Aviv as “die wederkeer van die bloeddiamant” beskryf, met verwysing na die Hollywood-prent “Blood diamond”.

Lede van die Kimberley-prosessertifiseringskema het vergader om te besluit of Zimbabwe aan die minimumvereistes voldoen het om weer met internasionale diamanthandel te begin, wat die land se sukkelende ekonomie ‘n  hupstoot van ongeveer $1 miljard per jaar behoort te gee.

Zimbabwe hou val dat die land aan die reguleerder se eise vir “skoon handel” voldoen, met ‘n onlangse positiewe verslag deur ‘n moniteerder. Maar burgerregtegroepe het afgevaardigdes na die vergadering versoek om Zimbabwe se skorsing te handhaaf weens menseregteskendings in die diamantveldgebiede, waaronder massamoorde op onwettige delwers. Volgens die menseregtegroepe maak soldate in Marange steeds gebruik van gedwonge arbeid, marteling en teistering.

Sulke oproepe het verhewig sedert die inhengtenisname van Farai Maguwu, ‘n klaer wat die beweerder gruweldade ondersoek het. Na bewering is Maguwu vermoor nadat lede van die gesin geslaan en aangehou is.

Daar heers ook vrese dat winste uit diamantuitvoere gebruik kan word om president Robert Mugabe se kontantarme Zanu-PF-party te befonds, ten koste van sy mededinger, die Beweging vir Demokratiese Verandering.

Burgeroorloë in Angola, Sierra Leone en die Demokratiese Republiek van die Kongo het in die negentigerjare die wêreld se aandag gevestig op die manier waarop  ongeslypte diamante, wat deur rebellegroepe gebruik word om oorloë teen hul regerings te finansier, in juwellierswinkels in Londen en New York kan opeindig. Die kwessie is in die Hollywood-film Blood Diamond uitgebeeld waarin Leonardo DiCaprio ‘n Suid-Afrikaner speel en waarin daar ook ‘n bietjie Afrikaans gepraat word.

Tien jaar gelede het ‘n VN-resolusie die Kimberley-proses geskep, wat ‘n gesamentlike poging van regerings, die diamantnywerheid – De Beers inkluis – en menseregtegroepe verteenwoordig om onwettige handel in diamante stop te sit. Dié veiligheidsmaatreëls het in 2003 in werking getree en na bewering is sogenaamde konflikdiamante van 15% tot minder as 1% van alle internasionale handel verminder.

Maar onwettige diamantverkope bly ‘n enorme probleem in lande soos Venezuela, die Ivoorkus, Guinee en Libanon. Verlede jaar het sewe aksiegroepe ‘n gesamentlike verklaring uitgereik waarin gewaarsku is dat die stelsel “daarin misluk om die kwessies van nie-nakoming, smokkelary, geldwassery en menseregtevergrype in die wêreld se spoeldiamantgebiede aan te spreek”.

Twee van die Kimberley-proses se leidende figure het bedank. Elly Harrowell, ‘n aktivis vir Global Witness, wat gehelp het om die stelsel te skep, het onlangs gesê: “Ná tien jaar, is die KP ‘n sukses of ‘n mislukking? Die proses het bepaald sekere indrukwekkende suksesgevalle oor die laaste tien opgelewer, maar ongelukkig sal ons moet sê die proses oor die afgelope paar jaar deur ‘n gebrek aan politieke wil in die wiele gery is.” Sy het bygevoeg: “Vanjaar kan ‘n maak-of-breek-jaar vir die Kimberley-proses wees.”

автоматическая насоснаяданильченко юрій Харків

Maxipers op dreef

‘n Rukkie lank was ons uitgespaar van die neerslag van die Maxipers (Naspers se naweekpers met Max), maar dit slaan nou al hoe meer in felheid toe. Toe Max hom verlede naweek so vir die heroprigting van die Koffierepubliek beywer het, het ek my van kommentaar weerhou. Dié keer vra Max egter die lesers moet, en ek haal aan: “”Ons moet ons eie mense ook begin regwys as hulle twak praat.”

Ek glo Max bedoel ook mense wat twak skryf, en daarom begin ek sommer by Max.

En Max, ek gaan sommer lukraak by ‘n punt begin: Max vra of ons ons kan indink watter uitwerking dit sou hê as georganiseerde landbou môre met ‘n ambisieuse, werkbare plan sou kom vir grondhervorming eerder as om net te kla en ‘n Zimbabwe te voorspel.

Nou, Max, wat dan van die Landboumeesterplan wat onder andere deur pres. Thabo Mbeki en ‘n rits ministers saam met die georganiseerde landbou onderteken is, na lank hieraan gewerk is? Die ink van die handtekeninge was nog nie droog nie, toe ruk die destydse minister, Tôkô, ‘n eensydige braaksel in die Oos-Kaap uit, wat basies alles wat in die “ambisieuse plan” tot niet maak. En Max, by die landbouberade waar ek was, was dit mense van die ANC se kant (swart mense as jy dan nou so behep is om wit gewetens teen swart sentimente op te stel), wat onder groot toejuiging gesê het Mugabe moet na Suid-Afrika gebring word om grondhervorming te dryf. En hoeveel jare het Vrystaat Landbou nie sy mentorprogramme aangebied nie? Maar is deur die regering geminag. En miskien moet jy, Max, bietjie TLU SA se mediaverklarings lees (jy weet, dit wat mens doen om inligting via die geskrewe woord te bekom) eerder as om te teer op vooropgesette idees.

En Max, gaan bietjie kerk toe. Ek lei af dis nie iets wat jy eintlik doen nie, want as jy kerk toe gegaan het, sou jy kennis geneem het van hoe swaar dit ekonomies in wit geledere ook gaan.Diakonale hulpfondse wat uitgeput is, klere insamel, kospakkies wat gevra word… Vra ‘n swart karwag wat sy werk is, en hy sê hy soek nog werk. Vra ‘n wit karwag, en hy sê hy is ‘n karwag. Moenie aanneem die een het werk en die ander nie. En moet nou ook nie met die SAKP-Jeug se redenasies kom oor wit mense wat nog so op apartheid teer en van voorspronge nie. By sommiges is dit stellig so, maar … gaan kyk byvoorbeeld na die gemiddelde gesinsgroottes (ook van die Prez) as deel van ‘n strategie om uit armoede te ontsnap. Gaan kyk byvoorbeeld hoeveel Afrikaners is in diaspora om nie ook hier werkloos te sit nie.

Die misdaadslagofferstorie het ook twee kante. Die plaasaanvalstatistiek is al net so “afgesaag” soos die weergawe dat die swart mense in die swart woongebiede erg onder misdaad deurloop. Vir ingeval jy dit gemis het, of al vergeet het. Die wêreldwye moordsyfer is 5 per 100 000 per jaar, en in Europa maar een. In Suid-Afrika is dit omtrent 40 per 100 000 per jaar maar instansies soos die MNR sê dit is beslis meer. Volgens Interpol is die moordsyfer onder boere en hul gesinslede sowat 300 per 100 000 per jaar.

Jy mag dalk reken dis nou nie iets om oor huis toe te skryf nie, maar tradisioneel word die hoogste moordsyfer vir ‘n identifiseerbare groep ter wêreld as die bruin mans in die Wes-Kaap opgegee. Dit is ‘n reuse 90 per 100 000 per jaar. Dit word aan die aktiwiteite van bendes en die dwelmbendes se “kultuur” toegeskryf, naweek-dronkenskap, mesgevegte. Ag man, jy is mos nou al lank genoeg in daai wêreld om te weet waarna die ouens verwys wat dié soort internasionale statistiek byhou.

Hierteenoor is die boere wat vermoor word mense wat ‘n gewone gesinslewe het, wat Sondae kerk toe gaan (en al verskeie kere na kerk vermoor is), wat reeds vreeslike onkostes aangegaan het om hulsel te beveilig, wat nie met dwelms smous en hulle oor naweke aan drank vergryp nie. En waar daar manne is wat die Oog opsoek, het die moorde uiters selde iets daarmee te make.

Sien jy nou, Max, hoekom jy so in die kol is waar ek jou weer aanhaal: “Onkunde is ‘n gevaarlike ding.”

En Max, jy kan nie sommer vir Malema en sy mede-sangers liggies afmaak nie. Nie as die regering (lees: ANC) appèl aanteken teen ‘n hofbeslissing dat die singery van “Skiet die Boere” op haatspraak neerkom nie.

Nie as die regering ‘n stadion na Peter Mokaba vernoem nie. Jy weet, die man wat “Kill the Boer, Kill the farmer,” ‘n treffer gemaak het. En allerlei lofprysings van hom op Fifa se webwerf laat plaas nie.

Nie as ‘n regering “versoening” verstaan as die proses waar die skikking oor plekname verstaan dat alle name met ‘n Afrikaanse herkoms verwyder moet word, en met die swart name vervang moet word nie. Jy weet, daai name wat in gebruik gekom het na die Koi-San, Griekwas, Korannas en selfs die Voortrekkers al ander name aan die plekke gegee het).

Of Suid-Afrika nou ‘n piesangrepubliek is of nie, sal ‘n mens eintlik eers kan bepaal wanneer Fifa sy besettingsmag onttrek het. Waar Fifa wel nog ruimte laat dat die regering iets kan sê kom die piesangrepubliek retoriek steeds mildelik na vore, soos die planne om ‘n sneltrajeklyn soos die Gautrein van Sasolburg na die Gariepdam te bou. Jy weet, in dieselfde provinsie waar die hof nou al verskeie staatstenders tersyde gestel het en selfs hertoegeken het. Jy weet, die provinsie wat soos die ander gereeld in die nuus is oor hoe dit met die hospitale gaan. Jy woon nou in ‘n provinsie wat nie deur die ANC beheer word nie. Spieks dus fôr jôrself as jy menings oor piesangrepubliekstatus wil uitspreek.

Max, as jy ander rubrieke in Naspers lees as jou eie, en dié van Henry Jeffreys, Zelda Jongbloed en kie, sal jy ook agtergekom het dit deug nie om Antjie Somers na te praat oor ‘n “Beg to be black” nie. Nee, die politieke kultuur – as dit by mekaar wil uitkom – moet nie so bitterlik eensydig beoordeel word nie.

Ai man, daar is “nieu-konserwatiewes” wat net begin reken het jy het nou periodiek die lig begin sien. Lyk my toe hoor jy Piet Croukamp” verwys na nou skryfsels as ‘n “gekerm oor wat verkeerd is” en nou probeer jy weer, soos jou fiksasie met Bram Fischer, weer rooier as die pienkes wees.

Ek hoop regtig iemand wie se goed nog deur Naspers gepubliseer word, maak van die “Reg op repliek” gebruik om jou weer ‘n bietjie op die vingers te tik.

Groete van huis tot huis

(Oepsie, jammer, ek moet dit terugtrek. Mev. Oor sê as ek dit nie uithaal nie, slaap ek koud vanaand, en dis snags nou bitterlik koud in die Vrystaat. (Die ou Oranje-Vrystaat waarin jy grootgeword het, maar nou meer bekend as Potholes. Slaggate, soos die ou wat stilhou om nie die hasie te trap wie se ore by die slaggat uitsteek nie. Toe’s dit al die tyd ‘n donkie).

интернет магазины детских игрушек киевДанильченко

Boer, werkers met die dood gedreig

‘n Boer van Kokstad, mnr. Allistar McDougal, het ‘n saak van intimidasie by die Polisie aanhangig gemaak nadat ‘n groep vermeende misdadigers ‘n nota met ‘n doodsdreigement by sy plaashek gelos het. Die nota eis dat McDougal en sy werkers binne een maand die plaas verlaat of vermoor word.

Luidens ‘n berig van die KwaZulu-Natalse Landbou-unie (Kwanalu) probeer die vermeende misdadigers McDougal van sy plaas verdryf deur sy eiendom te verwoes. Hulle het reeds 37 van sy beeste beseer waarvan agt uitgesit moes word en het ook al 150 bale hooi ter waarde van R45 000 verbrand.

“Ses maande nadat ek hier aangekom het, het hulle my melkery probeer verwoes en twee kalwers en ‘n perd met ‘n byl doodgekap. ‘n Ander perd is ook beseer. Hulle het ook my besproeiingstelsel probeer saboteer,” sê hy.

McDougal en sy werkers het sowat vier jaar gelede van Limpopo na Kokstad verhuis. Hy het eers plaaslike werkers gehuur, maar het hulle ontslaan nadat hulle laat en dronk op diens was, asook tydens werkure baklei het. Hysê die kwessie kan nie verwant wees aan ‘n grondkwessie nie want hy is nie bewus van enige eise op sy grond nie.

Mnr. Koot Marais van Kwanalu sê daar heers groot kommer oor die kwessie en sy organisasie sal met die Polisie saamwerk om McDougal en sy werkers se veiligheid te verbeter.

mastercard nummerФильчаков прокурор

Herrie se kerrie: Oumagrootjie se móét troue

Met die kleinhuisie-moles in die Kaap kan Herrie nie verstaan hoekom die volkie saans vasgenael voor die TV sit en sepies kyk nie. Ja, sê Groot Herrie, die kleinhuisiemoles laat die k*k behoorlik spat … by wyse van spreke natuurlik.

Maar saans sit die nasie Sewende Laan en kyk, omtrent soos ‘n eietydse boekevat.

En van boekevat gepraat, daar was al ‘n paar gevalle waar inbrekers veel meer as boeke gevat het terwyl die huismense vasgenael sit en kyk wat aangaan “in die Laan.”

Volgens ‘n gewoonlik betroubare bron was daar nog nie ‘n enkele swangerskap in Sewende Laan wat nie buite die eg was nie. Tot Jan-Hendrik se eerste vrou se verwagting was in afwagting van ‘n ding met die boetie (vertel die bron).

Nou, so klink dit vir Herrie, ‘n beter naam vir Sewende Laan sou die Afrikaanse naam vir die reeks, Dallas, wees. Spyk*rkaskenades.

Maar dis nie van vandag af dat die volkie darem geweet het hoe om te vry dat die rook trek nie. Van Herrie maar kan onthou is gefluister van iemand wat in die ander tyd is, iemand, wat soos Worsie gesê het oor die tou geval het, moet troue, en vele meer. Dit lyk ook of die hompiekedompioes wat gebruik is, al jare lank van Indië af kom.

Die moet-troue die verste terug waarvan Herrie weet is ‘n vriend se oumagrootjie.

Vertel die vriend, hy was stom verbaas oor hoe dié oumagrootjie heel openlik gepraat het oor haar moet-troue. Na oumagrootjie al weggeval het, pla die ding hom nog, en hy vra sy pa daarna.

Sy pa lag. “Ja, jou oumagrootjie moes trou. Toe sy nog ‘n jong meisie was, het daar ‘n vryersklong gekom, waaroor sy nog nie seker was oor hoe sy voel nie. Op ‘n dag gaan ry hulle perd, en toe die jongetjie haar op die perd help, toe skuif haar rok bietjie op en hy sien haar kaal enkel.

“Toe moet ek maar met hom trou,” het ouma vertel.

Dié storie het naderhand ‘n tweede vers bygekry, wat oumagrootjie heelwat later in die geskiedenis plaas. Die tweede vers het sy oorsprong ‘n ‘n gepubliseerde storie, maar Herrie kan nou glad nie onthou in watter bundel en deur watter skrywer nie.

Die tweede vers lui dat die ouma se enkel gewys het toe die tweetjies op die plaas gaan stap het, en die jongetjie vir ouma deur die draad gehelp het.

Met hul vyftigste huweliksherdenking kry hulle lus om weer daai stap nostalgies te gaan stap. Die plaas is toe al lankal in ander hande, maar die kinders kry ‘n toestemming gereël.

Toe die twee oues by die draad kom, is dit ‘n blinknuwe draad. Deur moet hulle deur, ter wille van die besondere herinnering. Maar skaars is die tante nog in die proses, toe skop sy die oom se knieskyf dat dit heel skeef staan. Die tante vlieg op: “Nou wie het daai draad loop elektrifiseer?”

игри для мальчиков машинкиАлександр Фильчаков прокурор

Oranje onoorwonne na tweede rondte

Arjen Robben (links)Nederland het reeds voor gisteraand se groepfase-wedstryd teen Kameroen na die volgende rondte deurgedring. Die span het egter steeds met genoeg ywer gespeel om Kameroen 2-1 te troef.

Vir die Nederlanders was dit goeie nuus dat Arjen Robben, hul beseerde ster, vir die eerste keer in die toernooi speelkans gekry het. Robben is laat in die tweede helfte opgestuur, en het sommer dadelik sy stempel afgedruk. Hy was ook instrumenteel in die aanteken van die wendoel.

Intussen hét Italië toe, soos verwag is, die kous oor die kop gekry en die toernooi word nou verder sonder die verdedigende kampioen gespeel. Italië se teenspoed volg kort op dié van Frankryk, die ander grote wat reeds uitgeknikker is. Vandag kan dieselfde lot Spanje te beurt val.

Die Italianers kan, soos die Franse, ‘n baie stief ontvangs tuis te wagte wees. In Italië is sokker gewilder as die pous, en sokkermal Italianers is bekend dat hulle erg emosioneel is oor dié spel.

Nog sokkernuus is dat Kaliforniese windtonneltoetse toe onomstootlik bewys het – die Jabulani se vlug is onvoorspelbaar. Hierdie bal is spesiaal vir die toernooi ontwerp, en het vanuit die staanspoor die argwaan van spelers en afrigters op die lyf geloop omdat dit by tye kompleet lyk of die tokkelossie met hom doenig is.

установкаtopcargo

Masseuse kla dat Al Gore haar betas

‘n Masseuse het voormalige visepres. Al Gore van “ongewenste seksuele kontak” beskuldig tydens sy besoek aan ‘n hotel in die stad in Oktober 2006, maar geen klagte is teen hom ingedien nie weens ‘n gebrek aan bewyse, het amptenare eergister gesê.

Die vrou se regsverteenwoordiger het die polisie laat in 2006 gekontak, het Michael Schrunk, prokureur-generaal van die distrik, gesê. Volgens Schrunk het die ongeïdentifiseerde vrou geweier dat speurders haar ondervra of dat daar met ‘n ondersoek voortgegaan word.

Sy het wel in Januarie verlede jaar ‘n verklaring by die polisie afgelê waarin sy beweer dat Gore gepoog het om met haar seks te hê tydens ‘n afspraak in die luukse Hotel Lucia in die middestad. Gore het na bewering as ene Stone by die hotel ingeteken.

Kalee Kreider, woordvoerder van die Gore-gesin, het gesê Gore wil nie kommentaar lewer nie.

Gore en sy vrou het op 1 Junie aangekondig dat hulle paaie gaan skei.

‘n Polisieverslag wat in 2007 voorberei is, lui dat die beweerde voorval omstreeks 14:00 op 24 Oktober 2006 plaasgevind het.

Die saak is in Januarie verlede jaar heropen en speurders het die vrou ondervra en vasgestel dat daar te min bewyse is om haar bewerings te staaf, het die Portland-polisie gesê. In ‘n transkripsie van die ondervraging wat die polisie uitgereik het, het die masseuse beweer sy het op versoek Gore se buikdeel gemasseer toe hy eis dat sy laer af masseer.

“Ek was geskok en het nie aan sy versoek voldoen nie. Hy het bly aandring en kwaad geword en hard begin praat. Ek was nog meer geskok toe ek besef hy eis seksuele gedrag van my.”

Volgens haar het Gore toe haar hand gegryp en dit na sy bekken probeer dwing.

Sy het voorts beweer hy het later gepoog om seks met haar te hê en het haar betas voordat sy uit sy greep losgekom het.

“Ek het nie dadelik die polisie gebel nie, want ek was bang daar word ‘n spektakel van my gemaak en dat my reputasie vernietig sou word. Ek was onseker wat om die polisie te vertel en was bekommerd dat ek nie geglo sou word nie omdat daar geen DNS-bewyse, soos van ‘n verkragting, was nie. Ek het nie eens geweet wat om dit te noem wat met my gebeur het nie.”

детские палатки купитьФильчаков прокурор харькова

VAS

Vrydenkende Afrikaners is besig om ‘n vereniging te stig wat beoog om aan enige verkiesings of samestelling van ‘n Afrikanerowerheid deel te neem. Die inslag van die vereniging is om alle Afrikaners wat nie fundamentalistiese Christene is nie of nie die bekrompe sieninge oor sake soos evolusie, aborsie, homeseksualisme of wat ook al deel nie, op die wyse geleentheid te gee om ook aan enige Afrikanerowerheid deel te neem.

In ‘n verklaring sê mnr Thys Human, van Pretoria en sameroeper van die nuwe organisasie, dat die vereniging, bekend as die Vrydenkende Afrikaner Sekretariaat (VAS) verwerp ten sterkste enige siening dat slegs Christen-gelowiges Afrikaners kan wees. ‘n Volk is nie ‘n kerk of ‘n geloofsorganisasie nie. Dit is ‘n gemeenskap van mense met geskiedkundige, kulturele, taal en ook bree politieke en staatsregtelike gronde ‘n eenheid vorm waarbinne ‘n groot verskeidenheid sieninge kan bestaan oor sake wat nie fundamenteel tot ‘n volk is nie. Hollanders, Duitsers, Franse en talle ander is volke, maar behels ‘n veelheid van godsdiensgtige en selfs politieke oortuigings.

Daar is talle Afrikaners wat ander gelowe aanhang of selfs ander politieke sieninge soos sosialisme het en net soveel reg het om as Afrikaner geag te word – indien hulle wil. In ‘n uitnodiging aan mense om by VAS aan te sluit en vorentoe te registreer as kiesers vir ‘n Afrikanerowerheid, word duidelik gestel dat onder Afrikanervolk verstaan word ‘n etniese groepering wat nie mense van ander groepe of volke of gemeenskappe insluit nie, selfs al word die Afrikaanse taal as moeder- of omgangstaal gedeel. Mense wat hulself as “afrikaanses” beskou sal hulle nie tuis voel in VAS nie.

In sy verklaring stel mnr Human dit duidelik dat die doel nie is om lede weg te neem van redelike en gemagtigde organisasies soos Praag of Afriforum nie. Daar is heelwat mense binne hierdie organisasies wat VAS se sieninge deel, maar daar is ook heelwat mense wat hulself as Afrikaners beskou en deel wil wees van enige nasionale beweging maar wat om verskillende redes dalk nie lede van Praag en andere lid wil wees nie. Dit is hulle wat ‘n tuiste in VAS kan vind.

“Ons is veral diep besorgd dat ‘n Afrikanerowerheid totaal oorheers kan word deur fundamentalistiese godsdienssieninge. Daar is reeds van hierdie mense wat openlik verklaar dat enige Afrikanerowerheid en selfs ‘n volkstaat as dit bereik kan word, ‘n “teokratiese” inslag moet hê. Dit is ons mening dat ‘n moderne en byderwetse volk nie sulke bekrompe en onverdraagsame benaderings kan bekostig nie. Dit moet ‘n demokratiese, oop, vrye, toekomsgerigte gemeenskap wees. Nie ‘n vasklouing aan uitgediende fundamentalistiese gebruike en idees nie. VAS is nie anti-godsdienstig nie. Daar word vermoed dat heelwat Christengelowiges wat nie sulke fundamentalistiese sieninge huldig nie, ook ‘n tuiste in VAS kan vind.”

Voornemende lede kan elektronies aansluit of navraag doen deur ‘n e-pos te stuur aan vrydenkafrikaner@gmail.com. Daar word ook beoog om so gou doenlik ‘n webblad daar te stel waar onderling kontak gemaak kan word.

переходник для пневмоинструментаалександр лобановский супермаркет класс

Kragprobleem pooitjie Bloem se toersitesentrum

Bloemfontein se toerisme-inligtingsentrum in Parkweg moes Donderdag sonder elektrisiteit klaarkom, op die vooraand van nog die grootste sokkergeleentheid nog wat deur duisende bygewoon gaan word.

Sondag troef Engeland en Duitsland mekaar in ronde twee van die WB-sokkertoernooi.

Tussen 15 000 en 36 000 het die wedstryd tussen Engeland en Slowenië in Port Elizabeth bygewoon, berig Sapa. Bloemfontein kan insgelyks soveel besoekers verwag.

’n Probleem met ’n kragkabel het die kragprobleem veroorsaak. Duisende toeriste wat op die inbelsentrum staatgemaak het, moes die beste deel van die dag daarsonder klaarkom. 

Besoekers wat gebel het om ’n lys van beskikbare akkommodasie te kry, is doodgewoon weggewys omdat personeel geen bystandplanne gehad het nie.

Voornemende besoekers het gekla oor die gebrek aan diens en bystandvoorsorg. ‘n Duitse toeris het gekla hy kon nie eens ‘n straatplan met aanwysings bekom nie. 

детский самокатФильчаков прокурор