President George W. Bush het Woensdag 'n historiese kernooreenkoms tussen die VSA en Indië verwelkom. Hy het gesê die ooreenkoms sal Indië in staat stel om hulle groeiende energieaanvraag tegemoet te kom. Hy het bygevoeg dat die wetsontwerp wat deur die Senaat goedgekeur is, die strategiese venootskap tussen die twee lande sal versterk.
Audrey Blignault sterf op 92
Die bekende Afrikaanse skryfster Audrey Blignault het Woensdag in 'n Kaapstadse kliniek gesterf in die ouderdom van 92.
Zanu-PF wys Mbeki weg
18:52:07 Zanu-PF wil nie hê dat Thabo Mbeki weer moet ingryp om die dooiepunt op te los nadat die partye in Zimbabwe se magsdelingsgesprekke nie kon ooreenkom oor 'n Kabinet nie.
Obama loshande voor in swaaistate
17:57:58 Die gaping tussen Barack Obama en sy opponent McCain is besig om te groei. In die deelstate Florida, Ohio en Pennsilvanië mag die swaai
na Obama 'n Demokratiese oorwinning vir 4 November verseker. Geen Amerikaanse kandidaat kon nog ooit sedert 1960 die Withuis sonder ten minste twee van die drie deelstate se steun betree nie.
FW de Klerk se papegaairympie
17:35:59 FW de Klerk se verklaring dat Suid-Afrika hom op vele "suksesse" sedert 1994 kan roem, getuig van die wêreldvreemdheid wat dié politikus se bydrae tot die geskiedenis tot dusver gekenmerk het.
Zimbabwe se geldeenheid stort ineen
16:50:23 Zimbabwe het amptelik verlede Vrydag begin om in buitelandse geldeenhede handel te dryf in wat beskou word as 'n erkenning van die ineenstorting van die Zimbabwiese dollar.
Laboratoruim moet help met ondersoek na dood van 13 lede van gesin
'n Forensiese laboratorium in Pretoria het opdrag om vas te stel watter soort gifstof die dood van 13 lede van 'n gesin in Kwazulu-Natal veroorsaak het.
'n Polisiewoordvoerder, kaptein Vincent Pandarum, het Woensdag gesê weefselmonsters is vir ontleding na die laboratorium gestuur.
Lees verder: Laboratoruim moet help met ondersoek na dood van 13 lede van gesin
Dele van Oos-Johannesburg donker
Dele van woon- en industriële gebiede oos van Johannesburg is vandag sonder krag terwyl tegnici werk om ‘n beskadigde substasie te herstel.
121 Spaanse kinderpornograwe vas
16:48:33 Spanje se polisie het 121 mense gearresteer tydens 'n landwye klopjag as deel van die grootste operasie wat nog in die land teen kinderpornografie op die internet uitgevoer is.
Bali-bomplanters toon geen berou
15:55:56 Drie Islamitiese militantes wat na verwagting binnekort vir die Bali-bomontploffings in 2002 tereggestel gaan word, sê hulle het
geen berou nie. Amrozi, Ali Gufron en Imama Samudra en 'n paar honderd inwoners het gebede gehou op 'n veld buite die tronk op Nusakambangan in Indonesië om die Moslem-vakansiedag Eid al-Fitr te gedenk.
