’n Vergadering van Fifa, onder leiding van die nuwe sekretaris-generaal Jerome Valcke en die direkteurs van Suid-Afrika se 2010-komitee, het gister plaasgevind. Tydens die perskonferensie ná afloop van die vergadering is aangekondig dat Telkom ingestem het om R250 miljoen by te dra. Telkom sal die infrastruktuur oprig wat wêreldwye televisiedekking van die toernooi moontlik maak.
Volgens Valcke vind hy die Suid-Afrikaanse voorbereiding “bevredigend.” Hy het egter toegegee dat konstruksiewerk by die stadions in Port Elizabeth en Kaapstad stadiger vorder as wat beplan is.

Die aankondiging deur die ANC dat hy voortgaan om alle naamborde met die naam “Pretoria” daarop te verwyder, verteenwoordig niks minder as konfrontasie met die Afrikaner nie.