Internasionale nuus – Bladsy 93

Guinee ge?nteresseerd in kernkrag

Nadat uraan vroeër vandeesmaand in Guinee ontdek is, wil die land nou in gesprek tree met die Internasionale Atoomenergie-agentskap in Wene. Hulle is op soek na ’n kernkragoplossing vir Guinee se kragprobleme.

Uraan is aan die begin van Augustus deur die Australiese mynmaatskappy, Murchison United, sowat 600 km oos van die hoofstad Conakry ontdek. Volgens ’n regeringsegsman stel Guinee nie net belang in kernkrag nie, maar sal die land ook uraan wil aanwend vir landbou-, medisyne- en nywerheidsdoeleindes.

Uraanpryse het oor die afgelope twee jaar viervoudig toegeneem. Al meer lande wend hulle naamlik na kernkrag te midde van toenemende besorgdheid oor die gevare wat besoedeling vir die omgewing inhou.

Lansana Conte, ’n kettingroker wat Guinee al sedert 1984 regeer, toe hy tydens ’n militêre staatsgreep aan bewind gekom het, het ook ontginningspermitte vir uraan aan twee ander maatskappye, Nova Energy en Contico, toegestaan. Die mineraalryke land het vroeër vanjaar gewelddadige betogings teen die huidige regering beleef. Sowat ’n derde van die wêreld se bouksiet (wat in aluminium gebruik word) word hier aangetref.

’n Hele paar Afrikalande het die afgelope tyd belangstelling getoon in kernkrag as ’n oplossing vir hul kragprobleme. In Junie vanjaar het president Museweni van Oeganda (waar uraan ook onlangs ontdek is) by die G8-byeenkoms klem gelê op die belangrikheid van kernkrag. Suid-Afrika is egter tans die enigste Afrikaland suid van die Sahara waar kernkrag geproduseer word. Op die oomblik maak kernkrag 6% uit van die land se totale kragopwekking en daar word beplan om dit na 15% te verhoog.

In Noord-Afrika het Algerië onlangs ’n kernsamewerkingsooreenkoms met die VSA onderteken. Libië het verlede maand ’n soortgelyke ooreenkoms met Frankryk aangegaan. Abdoulaye Wade van Senegal het op sy beurt aangekondig dat hy voor die einde van sy ampstermyn ’n kernreaktor wil laat bou.

Afrika was sowat 30 jaar gelede die wêreld se belangrikste uitvoerder van uraan. Tans is die vasteland maar vir 20% van totale produksie verantwoordelik. Australië is nou die belangrikste uraanproduseerder ter wêreld.

динамо центр

Frontex hou Afrikane uit die EU

Onwettige immigrantejag

Honderd-agt-en-tagtig onwettige immigrante is Dinsdag in die kuswater van Gambië aangekeer deur Afrikane wat vir die EU se Frontex-organisasie diens doen aan die weskus van Afrika. Dit bring die syfer op 300 onwettige immigrante binne drie dae in dieselfde gebied.

‘n Senegalese polisiewoordvoerder wat namens Frontex optree, het bevestig dat die onwettige immigrante op ‘n houtskuitjie na Europese grondgebied onderweg was toe hulle deur ‘n Spaans-Senegalese patrollie aangekeer is.

"Tussen hulle is 118 Senegalese, 61 uit Guinee-Bissau en 9 Guineërs. Hulle het vanaf Casamance (die suide van Senegal) vertrek minder as twee dae gelede," het die woordvoerder gesê. Die onwettige immigrante is na Dakar geneem waar hulle aan ‘n internasionale organisasie oorhandig is. Die vier Senegalese mensesmokkelaars sal, na wat verneem word, nie aangekla word nie en is reeds vrygelaat.

Senegal is een van die grootste uitvoerders van onwettige immigrante wat vanaf dié land probeer om Spanje se Kanariese Eilande te haal om sodoende toegang tot die vleispotte van Europa te verkry. ‘n Soortgelyke operasie het op 18 Augustus byna ‘n honderd onwettige immigrante opgelewer, volgens die Senegalese polisie.

Frontex, wat sedert 2006 in samewerking met Wes-Afrika probeer om die Spaanse kus vir onwettige immigrante ontoeganklik te maak deur patrollies, meen dat hulle sukses behaal en Dakar en Madrid het aangekondig dat hulle hul gemeenskaplike poging sal verleng tot Julie 2008. Die hoofkwartier van die Frontex-organisasie is in Warskou en dit is in die lewe geroep om te probeer om die onwettige immigrasiestroom af te sny sodat swart Afrikane Europa nie per see of lug kan bereik nie.

Tans is twee patrolliebote, ‘n vliegtuig en Spaanse helikopter, asook ‘n Italiaanse vliegtuig ter beskikking gestel om Senegal se kus te bewaak en te keer dat onwettige immigrante Europa bereik. Verlede jaar is meer as 31 000 klandestiene reisigers geregistreer. Danksy verskerpte maatreëls is die aantal onwettige immigrante vir die eerste kwartaal egter laer as verlede jaar.

юбки для девочек

Twee derdes van Nederland ten gunste van eenwording

AMSTERDAM – Twee derde van de Nederlanders ziet een samenvoeging van Nederland en Vlaanderen wel zitten. Ruim 85 procent is voor intensievere samenwerking met de Belgen. Dat blijkt dinsdag uit een onderzoek dat TNS Nipo in opdracht van RTL heeft uitgevoerd.

In België woedt een politieke discussie over het hervormen van Vlaanderen en Wallonië.

Meer dan 60 procent van de ondervraagden denkt dat beide landen beter worden van een fusie. Een op de vijf Nederlanders denkt dat Nederland en Vlaanderen na samenvoeging geleid moeten worden door de Oranjes.

Afschaffing van beide koningshuizen is volgens 16 procent de beste optie. 17 Procent denkt dat beide landen hun eigen koninklijke familie moeten behouden.
Zelfstandig

Ongeveer vijf van de zes respondenten (83 procent) denkt dat België zelfstandig blijft voortbestaan. Ongeveer 14 procent denkt dat dit niet het geval is. Een kwart van de Nederlanders denkt dat Vlaanderen en Wallonië gescheiden moeten worden.

тамбов ик лобановский депутат

Re?nmakerery in Senegal

Senegal eksperimenteer sedert 2005 met reën op aanvraag. Dié program word ondersteun deur Marokko om die onvoorspelbaarheid van buie te probeer oorkom, maar navorsers en boere bly skepties oor die werklike impak.

Nadat Senegal ‘n 2002 ‘n slegte seisoen beleef het, "het president Abdoulaye Wade aan Marokko gevra om te help met reën op aanvraag," verduidelik Chérif Diop, hoof van weerkundige navorsing. Die program heet "Bawaan" wat "nuttige reën" in Wolof, die grootste taal in Senegal, beteken.

Dit is daarop gemik om voedselsekuriteit in Senegal te bevorder omdat weersomstandighede in die land nie altyd geskik is vir landbou nie. Senegal se ekonomie bestaan hoofsaaklik uit landbou en voedsel moet ingevoer word om aan die aanvraag te voldoen.

Reën word gemaak deur wolke mbv vliegtuie in die lug of generators op die grond te "bombardeer". ‘n Radar in die noorde by Linguère "wat feitlik die hele land dek met ‘n reikafstand van 480km" volgens Diop, bepaal die chemiese en fisiese eienskappe van wolke, hul ewolusie en die hoeveelheid water.

Die reënmakerprogram, wat deur 8 van die 11 lande in die streek van stapel gestuur is, het 23 operasies tussen Julie en Augustus onderneem teenoor die 35 in dieselfde tyd verlede jaar. Die sones in die noordelike dele wat baat by geïnduseerde reën se reënvalsyfers is bogemiddeld terwyl droogte die suide teister.

"Ons dink bogemiddelde reënval in die noorde en die sentrum is verwant aan operasies in dié gebied," verseker Diop sy gehoor. Volgens kenners is dit nietemin nie so voorspelbaar nie, want dit is nooit heeltemal seker of dit wel na afloop van ‘n operasie sal reën nie.

Vir die sekretaris-generaal van die Nasionale Raad vir Landelike Oorlegpleging (CNCR), Baba Ngom, is reënmakery nie "realisties" nie en wil hy niks daarmee te make hê nie. Watervore is volgens hom die antwoord en moet ‘n mens "die Senegalrivier aanwend want miljoene kubieke meter water vloei jaarliks in die see weg."

Senegal het reeds in die sestigerjare met reënmakery geëksperimenteer sonder sukses. Ten spyte daarvan glo weerkundige direkteur Matra Ndiaye, dat die werklike impak van die nuwe eksperiment wat in 2005 begin is, eers in 2010 gemeet sal kan word.

Hy het egter toegegee dat die VSA, Israel, Frankryk en Spanje al enorme bedrae op reënmakery bestee het sonder dat dit veel opgelewer het en "sonder dat die nut daarvan bewys is."

"Die grootste uitdaging is om die impak wat verkry kan word deur wolke te teiken te begryp. Sou die wolke sonder ingryping dieselfde resultate gelewer het?" wonder Ndiaye hardop.

free football bet no deposit required

Duitse kermisgangers verdryf Indi?rs

Welkom in M?geln…

‘n Kermis in die dorpie Mügeln, naby Leipzig in die ooste van Duitsland, het Saterdag vir agt Indiërs in ‘n nagmerrie verander. Nieu-Delhi het die Duitse regering intussen amptelik oor die insident genader en by monde van die Indiese ambassadrise Meera Shankar gevra om "maatreëls in te stel […] om soortgelyke voorvalle in die toekoms te verhoed." Berlyn het geen besonderhede rakende die versoek bekendgemaak nie.

Die burgemeester van Mügeln, Gotthard Deuse, het die Indiërs uitgenooi om deel te neem aan die kermis. Hulle is almal vlugtelinge of handelaars en bedryf glo ‘n klerestalletjie by die weeklikse mark. Vyftig Duitsers het na bewering op ‘n agttal Indiërs toegesak nadat ‘n onderonsie ná middernag by een van die kermisfeestente buite beheer geraak het.

Die Indiërs is met bottels en vuiste uit die dorpie met sy sowat 4 700 inwoners verdryf. Dit het 70 polisieamptenare gekos om die 50 Duitsers tot bedaring te bring. Een Duitser en een Indiër is in die hospitaal opgeneem en talle beseer. ‘n Skare kermisgangers het die geveg met belangstelling gevolg en volgens die koerant, die Leipziger Volkszeitung, allerlei anti-vreemdeling krete van hulle laat hoor.

Die Indiërs het eers in ‘n Pizzeria gaan skuiling soek. Die Pizzeria behoort aan ‘n Indiër wat ‘n goeie vriend van die burgemeester is. Die groepie woedende plaaslike inwoners het egter die deur afgeskop en die vlugtendes agterna gesit. Hulle het ook die eienaar se motor beskadig. Twee Duitsers, een van 21 en die ander van 23, is ondervra maar is weer vrygelaat.

Sakse is die deelstaat waar die meeste soortgelyke insidente gerapporteer word ten spyte van die klein aantal buitelanders wat daar woon. Uwe Karsten Heye, voorsitter van die organisasie Gesicht zeigen! [Gesig wys!], wat opslae gemaak het omdat hy voor die Sokkerwêrldbeker na ‘no-go’ areas vir buitelanders met ‘n donker huidkleur verwys het, sê hy is weer eens reg bewys.

Die verregse party, die NPD, het in 2004 tydens die streekverkiesings in Sakse 9% behaal, die hoogste in Duitsland. Die burgemeester het egter benadruk dat daar geen regse groeperinge in sy dorpie is nie en dat naburige dorpe dalk betrokke kan wees. Een van die slagoffers, Singh Gorvinda, het ook bevestig dat hy nog nooit voorheen ‘n probleem in die dorpie teëgekom het nie.

yeella.com Фильчаков прокурор

‘Vlaams Parlement moet onafhankelijkheid afkondigen’

Vlaams Belangfractieleider Filip Dewinter wil dat het Vlaams Parlement, zonder nog te wachten op federale onderhandelingen, zelf zijn autonoom statuut afkondigt en in een referendum aan de Vlaamse bevolking voorlegt. «Het Catalaans Parlement heeft dat gedaan en de Spaanse federale overheid heeft er zich achteraf bij neergelegd. Ik vraag vandaag aan voorzitter Marleen Vanderpoorten om het parlement met dat doel vervroegd bijeen te roepen», zegt Dewinter.

«Elk volk, ook het Vlaamse, heeft het recht om zijn toekomst in handen te nemen», aldus Dewinter. «Ik stel voor dat het Vlaams Parlement de eigen resoluties van acht jaar geleden zou toepassen en de bevoegdheid over die materies zou overnemen. Als de Franstaligen toch niet willen praten over onafhankelijkheid, is het tijd om onze tanden te laten zien. Eén keer zou volstaan om hen op andere gedachten te brengen, geloof me vrij. Ze hadden al schrik van een fictieve tv-uitzending. Laten we het RTBF-scenario dus maar eens uitproberen.»

Dewinter vindt het geen probleem dat daarmee de grondwet zou geschonden worden. «In 1830 heeft België zich ook niet gestoord aan de Nederlandse grondwet. Nog maar pas heeft de federale regering de grondwet niet uitgevoerd inzake Brussel/Halle-Vilvoorde. Als de Vlamingen zich in een referendum uitspreken, zal geen politicus dat nog tegenspreken. De Franstaligen zouden daarna heel wat minder noten op hun zang hebben. Zie het maar als een stok achter de deur. Vlaanderen moet een beetje meer Tijl spelen en wat minder Lamme Goedzak.»

бани Данильченко

Die internet kan die einde van koerante meebring

Die Universiteit van Harvard se Shorensteinsentrum het pas ’n verslag gepubliseer waaruit dit blyk dat mense toenemend van die internet gebruik maak om op hoogte te bly van nuusgebeure en hulle dus minder op die koerante en televisie verlaat. Dit kan uiteindelik die koerantwese ’n ernstige knou toedien.

Volgens professor Thomas Patterson het koerantsirkulasie in die VSA in 2006 met drie persent gedaal. Televisie het ’n miljoen kykers verloor. Tussen April 2006 en April 2007 het besoeke aan webwerwe wat nuus plaas, skerp toegeneem. ’n Webwerf soos digg.com, waar besoekers die inhoud kan bepaal, het byvoorbeeld in 2006 met twee miljoen gebruikers begin en het nou vyftien miljoen lojale aanhangers.

Ander aanlynnuuswebwerwe het ook groei getoon. Gemeenskapswebwerwe se gebruikers het met 14% gestyg en woernaalwebwerwe het 6% groei getoon. Google, Yahoo, AOL en MSN se webwerwe het gesamentlik meer as 100 miljoen maandelikse besoekers. Die groot TV-netwerke se webwerwe kry maar gesamentlik sowat 6,4 miljoen besoekers per maand. Koerante soos die New York Times en Washington Post kry saam sowat 8,5 miljoen gebruikers per maand. Koerante in kleiner stede sukkel egter toenemend om die mas op te kom en selfs hulle webwerwe, wat reeds lesers van die harde kopie weergawes afgerokkel het, sukkel.

Volgens die Harvard-verslag sal kleiner koerante na alles waarskynlikheid dus in die stof byt.

Malawi in ‘n krisis

Bingu wa Mutharika

President Bingu wa Mutharika van Malawi het gister gedreig om die parlement te ontbind indien die huidige begrotingskrisis nie binne die volgende twee dae opgelos word nie. Die debat oor die 2008/08-begroting, wat al aan die einde van Junie afgehandel moes word, is verlede maand opgeskort aangesien die opposisie daarop aangedring het om eers debat te voer oor die wyse waarop die regerende party van hulle lede afgerokkel het.

“Ek gee hulle twee dae – vandag (Dinsdag) en môre – en as hulle nie ernstig begin om die begroting te bespreek nie, gaan ek die parlement ontbind,” het die president in ’n toespraak gesê wat deur die staatsbeheerde radiostasie uitgesaai is.

Hy meen die parlement het “irrelevant” geword wat die ontwikkeling in Malawi betref. Parlementsleiers sou laat gistermiddag vergader om oor die dreigement te besluit. Goodall Gondwe, minister van finansies, het in ’n onderhoud met Reuters gesê dat Malawi gevaar loop om geld van buitelandse skenkers te verloor indien die huidige situasie voortduur. “Ons is in ’n finansiële krisis en verdere vertragings om die begroting goed te keur sal ’n katastrofe wees,” meen Gondwe.

Op 13 Augustus het die regering ’n voorstel deur die opposisie verwerp dat ’n tydelike begroting vir ’n periode van drie maande aanvaar word terwyl die dispuut oor partyoorlopers besleg word. Volgens die begrotingsontwerp vir 2007/08 sal meer geld aan landelike areas spandeer word, staatsamptenare sal verhogings kry en meer sal op die gesondheidsektor en voedselproduksie spandeer word.

Malawi maak in ’n groot mate staat op hulp van skenkers. Volgens Gondwe verwag Malawi om $500 miljoen van die buiteland te ontvang ten einde by hul nasionale begroting van $1,2 miljard uit te kom. Frustrasie het die afgelope tyd in Malawi toegeneem oor die parlement se vertragingstaktiek en duisende mense het reeds aan betogings deelgeneem.

Лобановский Харьков

Engels kniehalter operasie

Duits moes die knie buig

Sewe-en-veertig pasiënte wat knie-operasies in ‘n Berlynse hospitaal moes andergaan, is ondertussen as slagoffers van ‘n mediese vergissing uitgewys. Dié fout is te danke aan ‘n verkeerde vertaling uit Engels.

Die Berlynse dagblad, die Tagesspiegel, het Sondag berig dat al die pasiënte ‘n knievervanging moes ondergaan. Die pasiënte het ‘n prostese ontvang waarop foutiewe aanwysings op die handleiding aangebring is. Dit is bekend as ‘n duur en lang operasie.

Reinhard Nieper, woordvoerder van die Sankt-Hedwig hospitaal, het aan die koerant gesê dat dit onverskoonbaar is. Die pasiënte het die operasie ondergaan sodat hulle weer die gebruik van ‘n knie kon hê. Die prostese moes hulle in staat stel om hul beweeglikheid te verhoog.

Maar die medici het die vervanging gedoen sonder om die nodige sement te gebruik omdat die aanwysings in Duits uitdruklik sê "Prostese behoef geen sement". In Engels lui dit egter "Non-Modular Cemented" wat beteken dat die prostese nie aangepas is nie en daarom gesementeer behoort te word.

Tydens die opleiding wat die mediese personeel ontvang het om die vervanging te doen, het niemand opgemerk dat die vertaling verkeerd gedoen is nie. ‘n Verkoopsman vir die prostese het trouens bygestaan toe die eerste operasie gedoen is en hoegenaamd niks verkeerd gevind nie.

Die pasiënte wat tussen Mei 2006 en Maart 2007 geopereer is, is van die fout in kennis gestel en ‘n derde van hulle het reeds laat weet dat hulle probleme met die vervanging ondervind. Die helfte van die ongelukkige mense is weer geopereer om te remedieer aan die fout en die hospitaal het onderneem om vir die kostes in te staan.

‘n Professor in ortopediese chirurgie, Heino Kienapfel, het sy afkeer aan "sekere produkte wat op die Europese mark aanland waarop net Engelse aanwysings verskyn", betoon en gesê dat die aanwysings in verskeie tale behoort te wees of ten minste van illustrasies voorsien moet wees. "Dit is ‘n probleem," volgens hom.

free bonus slots no deposit mobile

Sierra Leone stem

Inwoners van Sierra Leone het Saterdag stembus toe gegaan om ’n nuwe president en parlementslede aan te wys. Dit volg op die Verenigde Nasies (VN) se onttrekking aan die konflikgeteisterde land twee jaar gelede. Sewe kandidate het hulleself beskikbaar gestel vir die pos van staatshoof. Die verkiesing het redelik kalm verloop. Stemme word op die oomblik getel en die uitslag word later hierdie week verwag.

Alhoewel die tienjaarlange oorlog in 2002 beëindig is, is daar steeds aspekte aanwesig wat tot hernieude konflik kan lei: werkloosheid, armoede en korrupsie. Tans lyk dit of adj.pres. Solomon Berewa van die SLPP en mnr. Ernest Bai Koroma van die All People’s Congress (APC) die meeste stemme behaal het. ’n Tweede verkiesingsrondte tussen dié twee kandidate sal waarskynlik binne die volgende paar weke moet plaasvind. Sowat 2,6 miljoen van die land se 5 miljoen inwoners is stemgeregtig.

Sierra Leone word tans deur die VN as die tweede armste land ter wêreld gereken. Alhoewel die land se infrastruktuur stadig herstel word en die internasionale gemeenskap verlede jaar 1,6 miljard dollar se skuld afgeskryf het, sukkel die land steeds ekonomies. Transparency International beskou Sierra Leone as een van die korrupste lande in die wêreld. Verlede jaar is diamante ter waarde van 125 miljoen dollar uitgevoer, maar daar word gereken dat tot drie keer hierdie bedrag jaarliks verdien word danksy die onwettige handel in die edelsteen.

Die leier van die Rewolusionêre Verenigde Front-rebelle, Charles Taylor, wie se soldate onnoembare wreedhede tydens die tienjaarlange konflik in Sierra Leone gepleeg het, word tans in Den Haag op aanklagte van oorlogsmisdade verhoor.

светильники для topcargo отзыв

Beseerde kind laat immigrasiekwessie in Frankryk opvlam

Pro-immigrasiebetogers in Parys

Die stryd rondom immigrasie in Europa, spesifiek in Frankryk, het verhewig toe die kind van ’n onwettige Russiese immigrant ernstig beseer is toe hy en sy pa van die polisie wou wegvlug. Die 12-jarige seun het per ongeluk van die vierde verdieping van ’n gebou in Amiens, Frankryk, afgeval en verkeer tans in ’n koma in die hospitaal.

Linkse groepe wat wil hê dat Frankryk sy deure vir alle immigrante, veral vanuit Afrika, moet oopgooi, het die insident aangegryp as ’n propagandageleentheid teen die voorstanders van immgrasiebeheer. Die “Opvoedingsnetwerk sonder grense”, oftewel RESF, ’n federasie van 125 Franse verenigings wat ten gunste van derdewêreldimmigrasie is, het in Parys voor die stadsaal betoog met die slagspreuk, “Hou op met klopjagte, hou op met uitsettings”.

Volgens die staatsprokureur van Amiens, Patrick Beau, is die kind se toestand ernstig nadat hy gepoog het om agter sy pa teen die balkonne van die gebou aan die buitekant af te klim. Die polisie het die gesin besoek omdat hulle nie ’n afspraak by die polisiestasie nagekom het nie. Die Algemene inspektoraat van die nasionale polisie (IPGN in Frans) het ’n ondersoek gelas omdat die “omstandighede van die ongeluk onduidelik bly”, aldus die staatsprokureur.

Hierdie ongeluk het gebeur terwyl “Opvoedingsnetwerk sonder grense” ’n toename in inhegtenisnames van onwettige immigrante waarneem. Blykbaar geskied sulke inhegtenisnames veral tydens Augustusmaand. Volgens die federasie, wat ’n daaglikse telling aanhou van onwettiges wat gearresteer word, is daar in Parys ten minste ses ouers van skoolgaande kinders verlede Dinsdag gearresteer.

In ’n communiqué spreek die RESF insgelyks sy kommer uit oor die polisie wat ouers teiken. “Tot dusver is uitsettingsbevele van ouers van skoolgaande kinders deur die administratiewe tribunaal tersyde gestel omdat hul persoonlike lewe in Frankryk in ag geneem is. Vele ouers is sodoende deur die polisie vrygelaat.”

Maar die tydens ’n vergadering met sy Italiaanse eweknie, het die minister van immgrasie, Brice Hortefeux, enige toename vandeesmaand in klopjagte teen onwettiges as spekulasie afgemaak en verseker dat “Augustusmaand geensins uitsonderlik is nie”.

Terwyl slegs 5% van alle uitsettings via geskeduleerde vlugte van die nasionale lugredery, Air France, plaasvind, het die sosialistiese vakverbond, Werkersmag (FO), intussen ’n mosie aanvaar wat die beëindiging van alle uitsettings deur middel van die lugredery se vlugte eis.

Volgens die sekretaris-generaal van FO, Didier Dague “bring die uitsettings asook insidente op vlugte die beeld van die redery en sy personeel in die gedrang”. Ten einde die maksimum publisiteit en simpatie vir hul saak op te wek, weier onwettige immigrante dikwels om aan boord te gaan, skree en skop sodat hulle soms in terme van internasionale lugvaartregulasies weer van die vlug afgesit moet word.

Tydens die onlangse verkiesings in Frankryk was immigrasie die hoofkwessie. Kennelik gaan die debat rondom onwettige immigrasie en uitsettings nie lê nie en slyp die pro-immigrasiefaksie sy tande elke keer as ’n ongeluk gebeur soos in die geval van die Russiese kind wat van ’n balkon afgeval het. Die wreedheid van die polisie wat “ouers van skoolgaande kinders uit die land sit” gaan herhaaldelik beklemtoon word in die hoop dat die Franse regering kapituleer en die honderde miljoene mense in vorige Franse kolonies in Wes- en Noord-Afrika waar Frans steeds die amptelike taal is, toelaat om vrylik na Frankryk te beweeg op dieselfde manier as wat Zimbabwiërs tans Suid-Afrika binnestroom.

липецк сварочное

Naamsveranderinge ?n kopseer vir Fifa

’n Vergadering van Fifa, onder leiding van die nuwe sekretaris-generaal Jerome Valcke en die direkteurs van Suid-Afrika se 2010-komitee, het gister plaasgevind. Tydens die perskonferensie ná afloop van die vergadering is aangekondig dat Telkom ingestem het om R250 miljoen by te dra. Telkom sal die infrastruktuur oprig wat wêreldwye televisiedekking van die toernooi moontlik maak.

Volgens Valcke vind hy die Suid-Afrikaanse voorbereiding “bevredigend.” Hy het egter toegegee dat konstruksiewerk by die stadions in Port Elizabeth en Kaapstad stadiger vorder as wat beplan is.

Die plaaslike organiseerders en Fifa het ’n ooreenkoms bereik dat naamsveranderinge van gasheerstede slegs binne Suid-Afrika gebruik sal word terwyl ’n kombinasie van ou en nuwe name in die buiteland gebruik gaan word. Die stede is: Bloemfontein (Mangaung), Port Elizabeth (Nelson Mandelabaai-munisipaliteit) en Pretoria (Tshwane).

Volgens Joe Paahla, van die departement van sport en ontspanning, gaan die 2010 Wêreldbekerbyeenkoms gebruik word om die “kuns en kultuur” van Suid-Afrika – en ook die res van die vasteland – aan buitelanders bekend te stel.

Verder het John Barton, voorsitter van die Groeikoalisie, gister tydens ’n byeenkoms in Durban verklaar dat indien misdaad nie teen 2010 gehalveer word nie, Suid-Afrika met ’n “openbare beeldkatastrofe” te doen sal kry. Misdaad is volgens hom die een faktor wat 2010 kan laat sneuwel.

итальянские люстры

Kuifie gaan hof toe

Kuifie gee klas

Nadat Britse boekwinkels ’n paar weke gelede Kuifie in die Kongo diskreet na die rakke vir volwasse leesstof verskuif het, het ’n Kongolese student nou besluit om die uitgewers van die boek hof toe te sleep.

Bienvenu Mbutu Mondondo het op 23 Julie ’n saak aanhangig gemaak teen die maatskappy Moulinsart, wat die Kuifie-boeke uitgee en bemark. Mondondo is ’n student in politieke wetenskap in Brussel. Hy maak beswaar teen die “rassistiese“ aard van Kuifie in die Kongo, wat in 1931 gepubliseer is toe die Kongo nog ’n Belgiese kolonie was. Hy dring daarop aan dat Moulinsart vervolg word op grond van die 1981-wet teen rassisme wat in België geld. “Dit is onaanvaarbaar dat Kuifie op dorpsinwoners skreeu wat gedwing is om ’n spoorlyn te bou, of dat Milou, sy hond, hulle as luiaards bestempel,“ meen Mondondo.

Kuifie in die Kongo

In Julie vanjaar het die Britse Kommissie vir Rassegelykheid die sketse en dialoog van Kuifie in die Kongo bestempel as “draers van aaklige rassistiese vooroordele“ waar die “wrede barbare soos ape lyk en soos idiote praat.“ Gebaseer op hierdie uitspraak het die boekwinkelgroep Borders aan al sy winkels in Engeland en die VSA opdrag gegee om die gewraakte publikasie na die volwasse afdeling te verskuif. Verkope het dadelik die hoogte ingeskiet.

in arabian nights Фільчаков прокурор

Ivoorkus-president berispe Frankryk

Laurent Gbagbo

Laurent Gbagbo, president van die Ivoorkus, is oortuig daarvan dat hy Frankryk pas goed op sy plek gesit het. “Chirac en Villepin het die afgelope paar jaar net een ding voor oë gehad, om van Gbagbo ontslae te raak,“ lag hy selfvoldaan. “Hulle het dit nie eers probeer wegsteek nie. Maar vandag is hulle geskiedenis en ek is steeds hier.”

Gbagbo is in 2000 tot president verkies. In September 2000 het hy tydens ’n bloedige staatsgreeppoging aan die dood ontkom toe hy deur lede van die Franse weermag gered is. Sedertdien het hy jare lank die druk van die internasionale gemeenskap, om mag te deel met die rebelle in die noorde van die land, geïgnoreer.

Die slinkse president het egter onlangs ’n paar suksesse behaal wat sy selfvertroue versterk het. Met die bemiddelingshulp van Blaise Compaoré, president van Burkina Faso, het hy vir Guillaume Soro, leier van die Forces Nouvelles-rebellemag, as eerste minister aangestel. In ruil moes die rebellemag ontwapen word, wat dan ook redelik vreedsaam verloop het. Hy het verder daarin geslaag om die land, wat in twee gedeel was tussen Gbagbo-ondersteuners en die rebelle in die noorde, simbolies te verenig. Hy het naamlik verlede week ’n versoeningseremonie in Bouaké, die rebelle se hoofstad, gereël wat hy self toegespreek het. Verder beplan hy om die uitgestelde presidensiële verkiesing voor Maart aanstaande jaar te laat plaasvind. Hy is vol vertroue dat hy herkies gaan word.

Gbagbo is egter die trotste op die feit dat hy weerstand gebied het teen die Ivoorkus se voormalige koloniale meester, Frankryk. Al het Frankryk se eertydse invloed in die land getaan, is Frankryk se optrede nog steeds ’n gewilde onderwerp van bespreking by plaaslike politici. “Die ergste is dat Chirac destyds met my gepraat het soos hy met ’n gewone Franse staatsamptenaar sou praat! Die eerste keer toe ek by die Elysée ontvang is, het hy my as Laurent aangespreek. Ek dink hy het die verkeerde persoon of tydperk beetgehad,” vertel Gbagbo verontwaardig.

Die spanning tussen Gbagbo en Chirac het egter ’n gekompliseerde agtergrond. Ná die dood van Houphouët-Boigny in 1993 het die Ivoorkus in ’n ekonomiese krisis verval en het konflik ontstaan tussen die Gbagbo-regering en die rebelle uit die noorde van die land. Gbagbo het die rebelle daarvan beskuldig dat hulle nie Ivoorkus-burgers was nie (die sogenaamde ivoirité-kwessie) en Frankryk het dié geskil bestempel as die oorsaak van die land se probleme. Die Ivoorkus-regering het naamlik voor die verkiesing van 2000 ’n wet ingestel wat vereis het dat beide ouers van presidensiële kandidate in die Ivoorkus gebore moes wees. Dit het daartoe gelei dat Alassane Ouattara, wat die noordelike deel van die land verteenwoordig het, gediskwalifiseer is. Die noorde bestaan meesal uit Moslems, meeste van hulle arm immigrante-werkers van Mali en Burkina Faso, wat op die koffie- en kakaoplantasies werk.

Gbagbo, wat sy lewe in 2002 aan die Franse weermag te danke gehad het, kon nie eintlik teen Frankryk se “inmenging“ teenstribbel nie. Hy het dit as vernederend ervaar om gedwing te word om vredesamesprekings met die rebelle te voer wat tot die ooreenkomste van Marcoussis, Akkra en Pretoria – asook vele VN-resolusies – gelei het. Vir Gbagbo was dit alles tekens van onaanvaarbare neokolonialisme aan Frankryk se kant.

Hy het selfs so ver gegaan om die Franse weermag, wat die buffersone tussen die noorde en die res van die Ivoorkus beman, daarvan te beskuldig dat hulle sy land verdeel het. In 2004 het vliegtuie van die Ivoorkus Franse troepe gebombardeer. Nege Franse soldate is in die aanval dood. Chirac het verontwaardig gereageer deur die Ivoorkus-vliegtuie te laat vernietig. Dit het tot gewelddadige anti-Franse aanvalle in Abidjan gelei. Franse troepe was verplig om op die betogers te skiet. “President Thabo Mbeki was op daardie stadium op besoek in die Ivoorkus. Hy was geskok. Dit het hom aan apartheid herinner,“ vertel Gbagbo.

Volgens Gbagbo is die oplossing eenvoudig. “Frankryk moet ophou om Afrika soos kinders te behandel. Dis nou verby, die tydperk van Houphouët, Bongo of Eyadema! Frankryk kan nie meer van Afrika-staatshoofde ontslae raak van wie hy nie hou nie. State moet mekaar respekteer en Frankryk mag nie meer sy neus in die Ivoorkus se sake steek nie.“

Intussen het Gbagbo met ’n ambisieuse bouprojek in Yamoussoukro begin. Houphouët-Boigny het vroeër hier ongelooflike luukse geboue laat oprig, gevul met duur Franse meubels en omring deur riviere gevul met krokodille. Gbagbo wil vir homself ’n nuwe presidensiële woning laat oprig, asook ’n spoggerige parlementsgebou.

светильники на дом Фильчаков