In reaksie op ‘n geskrewe vraag van Angela Randall, ‘n DA-lid van die Tshwane Metro, het die raad onthul dat hy tussen Augustus 2007 en Januarie vanjaar R8,5 miljoen aan voertuighuur bestee het.
Volgens Randall, skep dit die indruk dat die raad geen geldtekort het nie terwyl almal van beter weet.
Goodwin word beskou as die oorspronklike stigter van Fidentia en het enkele dae voor Brown se arres vertrek. As hy grondvat in Suid-Afrika sal Goodwin klagtes van diefstal, bedrog en korrupsie wat miljoene behels, in die gesig staar.
Goodwin word ook van geldwassery verdink.
Volgens Crawford-Brown sien hy die aansoek om ‘n permanente hofbevel as ‘n geleentheid om die debat rondom die wapentransaksie te heropen.
In sy aansoek beweer Manuel dat Crawford-Browne se verklarings lasterlik, verkeerd en onwettig is en gemaak word met die bedoeling om skade te berokken.
Die aankondiging van die uitslag van die verkiesings is nou al met meer as ‘n week vertraag.
Waarnemers is van mening dat die vertraging deur Mugabe veroorsaak is om sy veiligheidsmagte en oorlogveterane kans te gee om die uitklopverkiesing met intimidasie en geweld in sy guns te beklink.
President Robert Mugabe hits sy volgelinge aan om vir hom te stem sodat hy hulle teen ‘n blanke inval kan beskerm.Volgens die Zimbabwiese president mag swart Zimbabwiërs nie nou retireer in die stryd om grond nie. Volgens die staatstelevisie is plase in Masvingo is juis oor die naweek beset omrede blanke boere gesien is dat hulle na hul plase terugkeer.
Die leier van die oorlogsveterane in daardie provinsie het blankes met sterk optrede gedreig indien hulle op die gevaarlike pad sou volhard om na hul plase terug te keer.
Volgens die staatstelevisie het die grondbesettings plaasgevind in reaksie op berigte wat sê dat die ou blanke boere terugkom om hul grond terug te neem. Daarom het oudstryders en lede van ZANU PF se jeugbeweging besluit om vroegtydig die laaste blanke plase te beset. Die boer in Masvingo is vier ure gegee om sy plaas te ontruim.
Vrydag het oud-stryders van die Zimbabwiese oorlog gewaarsku dat hulle die soewereiniteit van hul land sou verdedig. Zimbabwe word volgens hulle bedreig deur ‘n nuwe inval van blankes indien die opposisie na die verkiesings van 29 Maart aan bewind sou kom.
Terwyl maatskappye hul veiligheidsbesteding as uitgawes kan aftrek, is privaatindividue tans nie daarop geregtig nie.
In ‘n dokument met die titel, Vryheid van Vrees, vra die DA dat R5000 of 5% van belasbare inkomste afgetrek word vir besteding aan diefwering, alarmstelsels, veiligheidskamers en reaksiedienste.
Volgens die uitvoerende redakteur van die New York Times, Bill Keller, weet hulle nie waar hy aangehou word en of hy reeds aangekla is nie. Volgens Keller wend hulle alle moontlike pogings aan om sy welstand vas te stel, seker te maak dat hy veilig is en om sy spoedige vrylating te bewerkstellig.
Zimbabwe pas streng beheer oor die buitelandse media toe, maar ‘n aantal buitelandse joernaliste waag dit tans om onder dekking verslag te doen.
Die vergadering is vir vyfuur geskeduleer maar toe die Eskom-man nie opdaag nie, het hulle woedend geraak. Nada hy teen sesuur aangekom het, is die krag nog tydens die vergadering aangeskakel.
Intussen word ‘n klag van kwaadwillige saakbeskadiging aan die voertuig ondersoek.
Die Veiligheidsraaddebat sal ‘n geleentheid bied om sake soos die ingewikkelde aard van huidige konflikte in Afrika te bespreek, asook post-rekonstruksie ontwikkeling en hoe om die verhouding tussen die VN en AU maksimaal aan te wend.
Die doelwit van beter samewerking met die VN word as Suid-Afrika se hooftema vir die volgende twee jaar in die voorsitterstoel van die Veiligheidsraad beskou.
Volgens Eskom se Hoofuitvoerendebeampte, Jacob Maroga, behoort elektrisiteitsverbruikers die risiko van kostestygings in die bedryf te dra.
Stygings in die pryse van brandstof en steenkool wat Eskom se insetkostes verhoog, behoort onmiddellik na die verbruiker deurgevoer te word, soortgelyk aan die brandstofsektor.
Eskom het aan die Nasionale Eletrisiteitsreguleerder voorgestel dat daar meer gereelde prysvasstellings moet plaasvind en dat hy ontevrede is met die huidige driejaarmodel.
Moroga sê dat daar sekere kategorieë van kostes is wat Eskom nie eens binne een jaar kan voorspel nie, wat nog te sê oor drie jaar.
Hoewel die Verenigde Nasies se Voedselprogram skat dat 407 000 mense in Swaziland teen dié tyd voedselhulp sou nodig hê, benodig 665 000 Swazi’s uit ‘n totale bevolking van 953 000 nou sulke hulp.
Goeie reënval sedert die aanvang van die plantseisoen in November het die hoop laat opvlam dat daar minder afhanklikes van voedselhulp sal wees, maar Swazi’s ly toenemend honger.
Ongelukkig, sê Charles Dlamini, het die mense die les geleer dat hulle nie oor oeste hoef te bekommer nie. Hulle sal kos gratis ontvang. Daar sal vir hulle gesorg word. Hierdie luiheid het tot afhanklikheid gelei en dit is waarom baie lande nie vanjaar geploeg is nie.
Omdat Paasnaweek dié jaar in Maart geval het, het dit bygedra tot minder verkoopsdae, het die assosiasie verklaar.
Vir Maart 2008 staan nuwe motorverkope op 27 724 eenhede wat ‘n aansienlike daling van 8 314, of 23,1%, motors beteken, in vergelyking met 36 038 nuwe motors wat gedurende Maart verlede jaar verkoop is.
Aanvraag in die nuwe motormark het heelwat verswak in die afgelope paar maande, volgens Naamsa, as gevolg van die kumulatiewe effek van rentekoersverhogings en druk op besteebare inkomste vanweë stygende energie-, voedsel- en brandstofpryse.
Die twee grootste aandeelhouers in die JSE is SSB & Trust met 5,13 miljoen aandele, oftewel 6%, asook Northern Trust Company – Fidelity Funds wat insgelyks 5,13 miljoen aandele of 6% besit.
Die bestuur van die JSE is nie bekommerd oor die verwikkeling nie en meen buitelanse beleggers sien genoteerde aandelebeurse as laerisikobeleggings wat ook heelwat kontant voortbring.
