Internasionale nuus – Bladsy 36

Mbeki gaan nie parlement?re nominasie aanvaar nie

Voormalige president Thabo Mbeki het 'n plek op die ANC se Gauteng-lys van moontlike kandidate geweier, maar ook gerugte ontken dat hy nie meer aktief sal wees in politiek nie.

Woensdag het Mbeki in 'n verklaring gesê dat hy geëerd was met die nominasie, maar dat hy dit ongelukkig nie kan aanvaar nie.

Hy het bygevoeg: "In die onlangse verlede was daar spekulasie aangaande my onmiddellike aftrede of bedanking uit die aktiewe politiek."

"In dié verband kan ek net my hoop uitspreek dat die openbare debat nie langer aangevuur sal word deur gerugte en spekulasies waarvan niemand weet waar dit vandaan kom nie."

"Ek staan nie roekeloos teenoor die politiek en politieke uitdagings wat die land, die kontinent en die wêreld in die gesig staar nie. Ek sal ook nooit in die toekoms so voel nie. Ek bly die politieke wese wat ek die laaste 53 jaar van my lewe was," het Mbeki gesê.

Ná sy vertrek uit die Uniegebou verlede jaar het die voormalige president gesê dat hy sal aanhou om die gemeenskap in 'n ander hoedanigheid te dien.

Dit sluit in die rol van bemiddelaar om die politieke skaakmat in Zimbabwe te beëindig en die daarstelling van 'n Leierskapsinstituut saam met ander Afrikalande.

шланги для

Aanklaers wil Bemba met moorde, verkragtings verbind

Jean-Pierre Bemba

Aanklaers het Woensdag in die internasionale strafhof gepoog om 'n voormalige visepresident van die Kongo, Jean-Pierre Bemba te verbind met moorde en verkragtings waarvan sy milisie in die Sentraal-Afrikaanse Republiek beskuldig word.

"Jean-Pierre Bemba en die voormalige president van die Sentraal-Afrikaanse Republiek, Ange Felixe Patasse, het op 'n gemeenskaplike plan besluit met die bedoeling dat misdade gepleeg word," het aanklaer Cynthia Tai op die derde dag van 'n verhoor geargumenteer. Die doel van die verhoor was om te bepaal of Bemba verhoor moet word vir oorlogsmisdade en misdade teen die mensdom.

"Hy is verantwoordelik vir die misdade waarvan hy aangekla word…as medepligtige." Die aanklaers het gepoog om 'n direkte skakel te plaas tussen Bemba en die misdade, wat klaarblyklik uitgevoer is deur sy rebellebeweging, die Movement for the Liberation of Congo (MLC), in die land tussen 2002 en 2003.

Aanklaers beweer Bemba het sy MLC soontoe gestuur op versoek van Patasse, om te help om die staatsgreep wat deur generaal Francois Bozize gelei is te onderdruk.

Bemba se verdediging het beweer dat die saak deel van 'n politieke sameswering teen hom was, dat sy milisie werklike soldate was wat ontplooi was om 'n polities verkose regering te beskerm en dat hulle onder Patasse se bevel was.

Tai het Woensdag aan die regters gesê dat Bemba nooit sy milisie onder die bevel van Patasse geplaas het nie,en dat hy regdeur die hele operasie betrokke was.

online gambling games Фильчаков

Afrika se kusstede bedreig deur stygende seevlakke

Vloed in Lagos, Nigeri?

Afrika se kusstede, Kaapstad, Lagos en Alexandrië, word bedreig deur stygende seevlakke wat miljoene kan ontwortel en massiewe ekonomiese verliese kan veroorsaak, het wetenskaplikes Woensdag gesê.

Geoff Bundrit van Global Ocean Observing System in Afrika het by 'n internasionale klimaatsveranderingkonferensie in Kaapstad gepraat, waar hy gesê het dat selfs 'n geringe styging in seevlakke chaos in sommige lande kan veroorsaak.

"Die risiko vir 'n ramp is hoog wanneer die kans vir gevaar hoog is, wanneer die vatbaarheid vir skade van daardie gevaar hoog is en die kapasiteit om die gevolge van die voorkoms van so ramp te hanteer laag is," het hy gesê.

Bundrit het aan AFP gesê dat baie Afrikalande geen soephelheid het teen al hoe meer skadelike storms wat voorkom as gevolg van die veranderende klimaat nie, en dat hulle gereeld getref word deur 'n storm voordat hulle van die skade van die vorige een herstel het.

Hy het gesê dit maak die kontinent baie kwesbaar.

Lagos in Nigerië is Afrika se digsbevolkte stad met 'n bevolking van meer as 15 miljoen mense wat tussen die see en 'n meer woon.

Met mense wat in elke beskikbare spasie ingeprop word, soms tot reg op die kuslyn, oorspoel storms alreeds laagliggende strate. Stygende seevlakke kan hele stukke land insluk, het Bundrit gesê.

"Waar sal die mense heen gaan?" het Bundrit gesê. Hy het bygevoeg dat die staat en regering "meer bekommerd was oor die ontwikkeling van Lagos" as om risiko te bestuur.

Volgens Bundrit "sal aanpassing deur beskerming 'n baie moeilike en duur proses wees" regoor die kus van Afrika en onmiddellike assesserings moet gedoen word en beleid in werking gestel word.

"Indien mens wel gaan rekening hou met die stygende seevlakke, sal buffersones langs die kus geplaas moet word waar mens ontwikkeling wil beperk," het hy gesê.

hair accessories

Israel keer Iranse hulpskip op pad na Gasa voor

Die Iranse staatstelevisie het gesê Israel se vloot het 'n Iranse skip wat volgelaai was met voedsel, klere en medisyne wat vir Gasa bestem was voorgekeer en gedwing om na 'n Egiptiese hawe te gaan.

Ahmad Navabi, die hoof van die humanitêre groep wat die skip borg, het Woensdag op televisie gesê dat die Israelse vloot Woensdag die vragskip net 30 kilometer van die kus van Gasa af onderskep het en beveel het om weg te draai.

Die skip, Shahed, het die Iranse hawe Bandar Abbas twee weke terug verlaat.

Navabi het gesê sy groep sal dalk moet probeer om die humanitêre hulp vir Gaza deur die Rafah-kruising by die Egiptiese grens te stuur.

topcargo развод

Kongorebellefaksie gaan nie vredesooreenkoms eerbiedig

'n Splintergroep van die rebelle in die ooste van die Kongo het Dinsdag gesê hulle gaan nie hou by die vredesooreenkoms wat uitgewerk is deur rebelle wat lojaal is aan generaal Laurent Nkunda nie.

Nkunda se mense word beskuldig dat hulle die burgerlike bevolking terroriseer in die land se wettelose oostelike gebiede. Hulle mees onlangse offensief het hulle verlede jaar amper in Goma, die streekshoofstad van die gebied ingebring, wat 'n internasionale ophef veroorsaak het asook die aankoms van 'n VN onderhandelaar.

Die VN onderhandelaar het vredesamesprekings gehou met die verteenwoordigers van Nkunda se NKVM in Nairobi, Kenia.

"Alle besluite sal deur die afgesette leier Nkunda of die wat lojaal is aan hom gemaak word sal as van nul en gener waarde beskou word, en ook enige besluit wat uit Nairobi kom," het Desire Kamanzi, die woordvoerder vir die wegbreek rebellefaksie gesê.

Die status van die groep, wat verlede week gestig is is steeds nie duidelik nie.

Niemand kan met sekerheid sê hoeveel mense lojaal is aan Bosco Ntangana, die leier van die wegbreek faksie se hoof nie.

Dinsdag het Kamanazi ook gesê dat sy Toetsie rebelle groep gereed is om die weermagte van die Kongo en Rwanda te ondersteun in hulle beplande sending teen die Hoetoe rebelle wat die 1994 slagting in Rwanda uitgevoer het en toe na die ooste van die Kongo gevlug het.

Beamptes in Kishasa, die Kongo se hoofstad het geweier om te bevestig of te ontken of so operasie steeds op die lappe was. Die kommentaar het wel die verskyning van 'n hele nuwe web van alliansies laat opvlam wat weereens Rwanda, die DRK se oostelike bure in 'n streeksoorlog kan intrek.

99spravok.ru topcargo развод

Rice wys VSA se w?reldwye suksesse teen VIGS uit

Condoleezza Rice

Die VSA se minister van buitelandse sake, Condoleezza Rice, het gister gesê dat miljoene mense wêreldwyd hoop geput het uit die uittredende president, George W. Bush, se administrasie se program om VIGS te bestry.

“'n Siekte wat eens as 'n doodsvonnis beskou is… is nou 'n siekte waarmee Amerika mense help om saam te leef en dit te bestuur, sodat hulle deel van hulle kinders se lewe vorentoe kan wees,” het Rice aan verslaggewers gesê.

Sy het haar opmerkings gemaak tydens die vrystelling van die vyfde jaarverslag aan die Kongres van die President se Noodplan vir die Verligting van VIGS – PEPFAR – 'n oorsig van die program se eerste vyf jaar voordat Bush sy amp op die 20ste Januarie verlaat.

“Ek dink nie dat enige iets so sterk in die harte en die gedagtes van mense rondom die wêreld sal staan nie, maar ook in ons eie bewussyn, as die werk en prestasies van PEPFAR nie,” het Rice gesê.

Amerikaanse beamptes sê dat net 50 000 mense in die hele Afrika suid van die Sahara lewegewende anti-retrovirale behandeling gekry het toe die program in 2003 gebore is.

Maar, het sy bygevoeg, teen Oktober verlede jaar het PEPFAR “lewegewende anti-retrovirale behandeling ondersteun vir meer as 2,1 miljoen mans, vroue en kinders wat regoor die wêreld met MIV/VIGS leef.

PEPFAR het ook die voorkoming van moeder-tot-kind MIV-oordragdienste vir vrouens gedurende amper 16-miljoen swangerskappe ondersteun, wat 'n geskatte 237 000 babas toegelaat het om sonder MIV gebore te word,” het sy gesê.

“Ons ondersteun tans die sorg vir meer as 10,1-miljoen mense wat wêreldwyd geraak word, insluitende viermiljoen kwesbare kinders wat die hoop vir 'n blinker toekoms verteenwoordig.”

Die hoof-VSA-diplomaat het die program “die grootste onderneming deur enige nasie om 'n enkele siekte te beveg in menslike geskiedenis” genoem.

Die syfers stem ooreen met dié wat in Desember deur Bush aangekondig is.

ригонда купить

Tsjegge se tentoonstelling laat diplomate in hul oggendkoffie stik

Die Tsjegge se kunstentoonstelling in Brussel ter viering van hulle EU-presidentskap wat hierdie maand in aanvang neem, het die tonge behoorlik los. Waar lande tradisioneel so min as moontlik kontroversie probeer ontlok, het Tsjeggië die vorige lidlande die loef afgesteek. Frankryk se tentoonstelliong met hul oorname van die EU-voorsittertstoel ses maande gelede was 'n lugballon in blou, wit en rooi.

Tsjeggië het egter 27 kunstenaars genader vir visuele kommentaar oor die EU. Kykers kan hulleself dus verlustig in Bulgarye wat uitgebeeld word as 'n reuse Turkse toilet, Spanje wat danksy hulle bounywerheid verdwyn het onder sement, Brittanje wat afgeval het van Europa se kaart en les bes, Nederland verswelg onder water met net 'n paar minarettorings wat nog hier en daar uitsteek. Swede is 'n verpakte Ikea-kartondoos en Luxemburg 'n stukkie goue erts met 'n "Te koop"-etiket aangeheg. Duitsland is slegs 'n versameling snelweë.

Die tenttonstelling wat diplomate in hul oggendkoffie laat stik het, is te siene in die Justus Lipsius-gebou in Brussel.

бак для

Hamas oorweeg skietstaking

Die sewentiende dag van die oorlog teen Hamas, Maandag, het aangebreek met Israel wat bekend gemaak het dat hulle glo dat die militêrer vleuel van die Palestyne krake begin wys. Klaarblylik oorweeg Hamasleiers tans 'n skietstaking.

In Jerusalem het Israel se premier, Ehud Olmert, gesê dat die land "naby aan die doelwitte is wat hulle wil bereik", maar hy het ook bygevoeg dat nog geduld gebruik sal moet word. Hamas is glo senuweeagtig oor die feit dat die Israelse bevolking die weermag ondersteun.

Olmert het die steun as 'n ongekende nasionale poging beskryf.

Israel beoog om reserviste in Gasa in te stuur wat die moontlikheid wat verhoogde konflik inhou. Egipte het intussen aangedui dat hulle onderhandelinge oor 'n skietstaking tussen die strydende partye beplan.

Palestynse owerhede het gesê dat ongeveer 900 Palestyne gedood is. Israel het 13 mense verloor.

обувь для яхтинга

Nkunda se afsetting sal vredespogings versterk, s? mededinger

'n Bevelvoerder wat beweer het dat hy Laurent Nkunda as leier van die rebelle in die ooste van die DRK omvergewerp het, het Donderdag gesê die skuif sal die vredesproses in die omgewing aanhelp.

"Die voorsitter is omvergewerp, maar die NKVM bly soos dit is," het Bosco Ntaganda aan 'n perskonferensie gesê wat georganiseer is by sy hoofkwartier in die rebellebeheerde Masisi-hoogland.

"Nkunda het 'n rem geword in die vredesproses binne die NKVM. Ons het vir 'n lang tyd vir hom gesê dat hy moet uittree," het Ntaganda gesê, in sy eerste openbare kommentaar oor die krisis wat die Nasionale kongres vir die verdediging van die mense verdeel het. Nkunda het die organisasie in 2006 begin.

"Die verandering aan die topstruktuur sal help om vrede in die ooste van die DRK te bring," het Ntaganda aan verslaggewers gesê, en bygevoeg dat hy "die steun van die lede van die NKVM en bevelvoerders van die groot eenhede" geniet.

Nkunda het volgehou dat hy steeds die rebellebeweging se leier is.

светильники купить

VN-bemiddelaar in Kinshasa, tesame met Rwandese le?rhoof

Die VN-bemiddelaar in die konflik in die oostelike DRK, Olusegun Obasanjo, het Donderdag in Kinshasa aangekom vir onderhandelinge met Kongolese beamptes voordat hy na die Rwandese hoofstad, Kigali, vertrek, 'n VN woordvoerder gesê.

"Obasanjo is sedert vanoggend in Kinshasa vir samesprekings. Hy is net vir 'n paar ure hier en sal vandag vertrek na Kigali," het Madnodje Mounoubai, woordvoerder vir die VN-sending in die Kongo (MONUC) gesê.

Die stafhoof van die Rwandese weermag, generaal James Kabarebe, het ook vroeg Donderdag in Kinshasa aangekom, het 'n anonieme Kongolese regeringsbron aan AFP gesê.

Die besoek volg op 'n vergadering verlede maand in Rwanda tussen die twee lande se ministers van verdediging.

Kabarebe en sy Kongolese kollega het ook deelgeneem aan daardie vergadering, wat 'n amptenaar gesê het gemik was daarop om verhoudings tussen die Grootmere-bure te normaliseer.

Die twee regerings het 'n gesamentlike militêre ooreenkoms op 5 Desember geteken, waarvolgens die Rwandese Hoetoe-rebellebeweging, Democratic Forces for the Liberation of Rwanda (FDLR), wat vir meer as 'n dekade in die oostelike DRK gebaseer was, ontwapen sal word.

Kinshasa het lank reeds Rwanda daarvan beskuldig dat hulle 'n teen-regeringsaksie in die oostelike Kongo, wat deur generaal Laurent Nkunda, 'n voormalige Toetsiegeneraal gelei word, ondersteun. Die klag word deur Kigali ontken.

Rwanda het jare lank geëis dat die weermag van die DRK die FDLR ontwapen. Die FDLR bevat oorblywende milisie wat deelgeneem het aan die 1994-Rwandese slagting, waarin sowat 800 000 Toetsies en gematigde Hoetoes vermoor is.

Kinshasa is tans betrokke in direkte onderhandelings met 'n afvaardiging van Nkunda se organisasie in Nairobi, wat deur Obasanjo, die voormalige Nigeriese president, bemiddel word. Obasanjo is aangewys deur die VN-sekretarisgeneraal se spesiale gesant vir die krisis.

липецк оборудование

Oegandese rebelle beweeg deur DRK

LRA-plakkaat

Die DRK het Woensdag sekerheid uitgespreek dat die rebelleorganisasie, die Lord's Resistance Army (LRA), deur die noordooste van die land beweeg in die rigting van die Sentraal-Afrikaanse Republiek.

"Vandag is ons seker dat die rebelle in die rigting van die Sentraal-Afrikaanse Republiek beweeg, al het hulle nog nie die grens bereik nie," het die minister van kommunikasie en media, Lambert Mende Omalanga aan AFP gesê.

"Ons hoop dat die Sentraal-Afrikaanse Republiek, wat stappe geneem het om hulle te keer, hulle kan vang," het Mende bygevoeg.

Kongolese, Oegandese en Suid-Soedanese militêre magte het in die middel van Desember 'n gesamentlike operasie begin teen die rebelle in die noord-ooste van die DRK, 'n geïsoleerde gebied naby die Oegandese en Soedanese grense.

Die LRA, wat geblameer word vir baie menseregteskendings oor die jare, is meer onlangs verantwoordelik gehou vir die slagting van honderde burgerlikes in die Kongo, ten minste 400 volgens die Katolieke hulporganisasie Caritas, oor Kerstyd.

Derduisende mense is in Oeganda dood en amper 2 miljoen ontwortel in die twee dekades van gevegte tussen die LRA en die Oegandese regeringsmagte.

Dinsdag het die rebelle volgehou dat die drie-nasieveldtog teen hulle sal misluk, terwyl hulle gevra het vir 'n voortsetting van die onderhandelings onder toesig van die VN.

Mende, wat as woordvoerder vir die regering in Kinshasa optree, het gesê die rebelle gaan steeds van dorpie na dorpie in die noordooste van die Kongo om na voedsel te soek.

"Die weermag het baie probleme om hulle te agtervolg, omdat daar geen paaie is nie, geen toegang nie," het hy gesê. "Ons kan hulle slegs uit die lug agtervolg."

Dinsdag het die VN se kantoor vir die koördinasie van humanitêre aangeleenthede in 'n verslag gesê dat ten minste 13 mense dood is in LRA-strooptogte op 2, 3 en 4 Januarie in die dorpies Nagero, Masombo en Napopo respektiewelik.

Toestande vir die amper 13 500 ontwortelde mense wat skuiling gesoek het in Doruma bly moeilik, het die beampte gesê en bygevoeg dat nog mense deur die nuutste geweld uit hulle huise verdryf is.

для бани Данильченко

Israel bombardeer Gasa terwyl VSA voorstel vir skietstaking steun

Israelse tenk

Israeli-vegvliegtuie het teikens in die Gasastrook gebombardeer terwyl tenks nader gekruip het aan stellings van Palestynse guerrillas, terwyl Amerikaanse ondersteuning vir 'n skietstilstand verwagtinge vir 'n einde aan die offensief laat toeneem.

Inwoners in Gasa het die oornagbombardement aan die ooste van die stad as die ergste in die 13 dae lange offensief beskryf. In die suide het 'n kolom tenks nader aan die stad Khan Younis beweeg, het getuies gesê.

Alhoewel Israel aangehou het moet die offensief, het hulle aangedui dat hulle die "beginsel" van 'n Europees-Egiptiese voorstel vir 'n skietstilstand aanvaar. Amerika het Israel aangemoedig om die voorstel te bestudeer.

"Ons glo dat 'n skietstilstand nodig is," het die Amerikaanse minister van buitelandse sake, Gondoleezza Rice, gesê.

Israel se aanval het weer voortgegaan ná 'n kort stilte Woensdag om Gasa se 1,5 miljoen inwoners te help om voorrade te bekom wat hulle dringend nodig het. Dit was die eerste breuk in die aanval van amper twee weke waarin mediese personeel sê 658 Palestyne dood is.

mobile casino no Лобановский Харьков

Mededinger veroorsaak probleme vir DRK-rebelleleier

Laurent Nkunda

Kongolese rebelle sou Woensdag ontmoet te midde van 'n openlike uitdaging aan die leierskap van Laurent Nkunda in 'n verdeling wat waarskynlik dinge sal kompliseer in die soeke na 'n oplossing vir die konflik in die oostelike DRK.

'n Skuif om Nkunda Maandag uit te werk is deur die stafhoof Bosco Ntaganda begin, maar die relatiewe posisies het naastenby onveranderd gebly voor Woensdag se noodvergadering van die rebelle se opperbevel.

Ntaganda het 'n verklaring geteken dat Nkunda ontslaan is as leier van die NKVM weens swak leierskap en swak regering.

VN-vredesbewaarders is in kennis gestel van moontlike botsings tussen die rebellefaksies, maar tot dusver is geen gevegte aangemeld nie, ná pogings om die spanning binne die rebellekamp te verlig.

"Daar is min kans dat die sitasie kan versleg," het Stewart Scott, Nkunda se biograaf gesê. "Die situasie wil voorkom asof dit gestabiliseer het. Almal wil hê dat dinge nou moet kalmeer."

Ntaganda is van hoogverraad beskuldig vir sy uitdagings aan Nkunda, maar sover bly hy die stafhoof, het die NKVM-woordvoerder Woensdag gesê voor die rebelle se opperbevel vergader het.

Israel sal daaglikse bomaanvalle op Gasa staak

Israelse vegvliegtuie

Israel sal die bomaanvalle op die Hamas-beheerde Gasastrook vir drie ure elke dag staak, het 'n woordvoerder gesê. Die aksie sou Woensdag begin.

"Daar is besluit om die bomaanvalle tussen 1 uur en 4 uur elke dag te staak," het die militêre woordvoerder gesê.

Die aankondiging het gekom ure nadat die Israelse eerste minister Ehud Olmert gesê het dat Israel 'n humanitêre korridor sal oopmaak in die Gasastrook, waar hulle 'n dodelike veldtog teen die Islamitiese Hamasbeweging gevoer het vir die afgelope 12 dae.

"Om 'n humanitêre krisis te voorkom in die Gasastrook het eerste minister Ehud Olmert besluit om 'n voorstel van die sekerheidsowerhede te aanvaar om 'n humanitêre korridor oop te maak in die Gazastrook om die bevolking te help," het 'n verklaring van sy kantoor gelui.

"Dit behels dat sekere geografiese gebiede vir beperkte tye elke dag oopgestel sal word waartydens die bevolking kan hulp kry en voorrade in die hande kry."

Die verklaring het gekom nadat stygende burgerlike sterftes in Israel se oorlog in Gasa die internasionale druk op Israel verhoog het om die grootste militêre operasie sedert die Libanon-oorlog in 2006 te staak.

kong online топкарго