Nuus – Bladsy 34 – praag.co.za

Tekstiel kry nog ‘n knou

Die bykans 1 400 afleggings by die tekstielvervaardiger Frame kon nie deur die departement van handel en nywerheid gekeer word nie. Die departement het in ’n persverklaring sy spyt uitgespreek daaroor.

Dr. Rob Davies, minister van handel en nywerheid, sowel as Ebrahim Patel, minister van ekonomiese ontwikkeling, het albei probeer om die maatskappy te red luidens 'n verklaring.

Patel was voorheen aan die stuur van die Suid-Afrikaanse klere- en tekstielwerkersunie (Sactwu).

Hulle was albei “gemotiveer deur ’n begeerte om die behoud van strategiese produksievermoë en indiensname te fasiliteer in ’n globale en plaaslike omgewing wat gedeeltes van ons vervaardigingsektor onder groot druk plaas”.

Pogings deur die NOK om 'n buitelandse belegger te kry was onsuksesvol.

Stuart Queen, uitvoerende hoof van Seardel wat Frame besit, sê die laaste groep werkers sal die maatskappy teen die einde van Augustus verlaat.

Frame se werkmag sal nou met 'n verdere 1 400 werkers krimp tot 1 500. Die maatskappy het in ’n stadium aan 35 000 mense werk verskaf.

пескоструйные Лобановский

Taakspan moet etniese suiwering ondersoek

Cosatu se Solly Phetoe wil ’n taakspan saamstel om beweerde “vergrype” op plase in die Noordwes Provinsie te ondersoek.

Die president van TLU SA, Ben Marais, sê in reaksie hierop dat Phetoe tot dusver met geen konkrete beskuldigings na vore kon kom nie, en dat hierdie taakspan aangestel is op grond van gerugte wat eintlik as hoorsê beoordeel sou kon word.

“Daarteenoor word boere gedurigdeur vermoor, en daar word weinig, indien enigiets, vanaf die regering of Cosatu, daaroor verneem. In die jongste geval het ’n boewebende van vier die weerlose 83-jarige Margaret Mynhardt van Hartswater aangeval en gruwelik aangerand, tot so ’n mate dat hulle intimidasie haar van haar plaas verwilder het en sy nie daarheen wil terugkeer nie.

Verlede week is Piet van den Berg by Cullinan koelbloedig vermoor, en as sy vrou nie betyds ontsnap het nie, sou sy omgekom het in die huis wat die moordenaars aan die brand gesteek het. Vroeër die week het aspirant-moordenaars se patrone vasgeslaan in ’n kinderstoeltjie in ’n motor.

As dit die manier is waarop daar jag gemaak word op ons mense, waarom word daar nie ’n taakspan aangestel om hierdie sake te ondersoek nie?” vra Marais.

“TLU SA het dit voorheen gesê en hy sê dit weer: hier is ’n proses van etniese suiwering aan die gang en dit word hoog tyd dat die regering hierdie saak moet ondersoek, en ’n taakspan daaroor aanwys, in plaas daarvan om hulle elke keer byna dood te skrik as Phetoe met sy wilde stellings vorendag kom.

воздуха компрессора топкарго

ANC-vergadering lei tot geweld

'n Openbare gemeenskapsaal is deur woedende betogers beskadig in Rustenburg, in Noordwes, omdat hulle ontevrede is oor die ontbinding van die ANC se provinsiale uitvoerende komitee.

Kaptein Elsabe Augoustides het gesê die polisie moes van rubberkoeëls gebruik maak om die skare uiteen te jaag. "Betogers het stoele na sommige ministers gegooi wat die vergadreing bygewoon het."

Hulle het ook vensters en 'n glasdeur van die Ben Marais-saal gebreek waar die ANC se algemene vergadering vir die provinsie moes plaasvind. Ongeveer 1 000 mense het die vergadering bygewoon. Twee mense is vir ondervraging deur die polisie weggeneem.

Dit is nog nie duidelik of die twee aangekla is nie, maar 'n saak van openbare geweld is geopen het Augoustides gesê. Luidens onbevestigde berigte is 'n joernalis van die SAUK beseer gedurende die geweld.

Augoustides het gesê dis "nog nie duidelik of die joernalis koeëlwonde opgedoen het en of hy deur die betogers beseer is nie".

Provinsiale leiers van die party is uit die saal begelei terwyl die betogers buite gedreunsing het. Die skare was glo ontevrede omdat die nasionale uitvoerende komitee van die ANC besluit het om die provinsie se komitee te ontbind.

Die ANC het die insident veroordeel en gesê hulle sal nie gyselaar gehou word deur mense wat hulleself as ANC-lede voordoen nie. Woordvoerder Brian Sokutu het in 'n verklaring gesê dat die polisie die skuldiges sal opspoor en dat hulle aan die pen sal ry.

Hy het bygevoeg dat die ANC "die skietery betreur wat daartoe gelei het dat 'n fotograaf van die SAUK beseer is".

Dit is nog nie duidelik of daar ander beseerdes is nie, het Augoustides gesê.

Gill Marcus gaan Mboweni vervang

Gill Marcus (regs) vervang vir Tito Mboweni (links)

President Jacob Zuma het oor die naweek 'n verrassende aankondiging op ’n mediakonferensie by die Uniegebou in Pretoria gemaak toe hy 'n opvolger vir die Reserwebank se president aangekondig het.

Tito Mboweni sal op 9 November deur Gill Marcus, huidige voorsitter van Absa en lid van die SAKP, vervang word.

Marcus, 59, was voorheen adjunkpresident van die Reserwebank en is 'n gewese adjunkminister van finansies. Mboweni se termyn verstryk op 8 Augustus en sal tot 8 November aanbly totdat Marcus oorneem.

Alhoewel Mboweni, 50, vroeër in sy pos heraangestel is, het hy aangedui dat hy later vanjaar ander belange gaan nastreef. Mboweni het nog geen aanduiding gegee van wat hy gaan doen nadat hy uitgetree het nie, behalwe dat hy gaan visvang.

Mboweni, wat in Augustus 1999 as president van die Reserwebank aangestel is, het sy taak uitnemend verrig, het Zuma gesê.

Zwelinzima Vavi, hoofsekretaris van Cosatu, het aan Sapa gesê Cosatu verwelkom Marcus se aanstelling.

“Ons het nie ’n goeie verhouding met Mboweni gehad nie en sal dus nie ’n traan pink nie,” het Vavi gesê.

Die DA het in 'n verklaring gesê dat Zuma moontlik onder druk van die vakbonde geswig en daarom vir Mboweni vervang het.

Dit is nog nie seker of Marcus sal voortgaan met die Reserwebank se inflasieteikenbeleid nie.

Beeld se Afrikageografie

Beeld se geografie het die koerant sleg in die steek gelaat en nie wat die verre ooste van die ou Sowjet-unie betref nie, maar op hulle eie kontinent.

Sedert die verhoor van die berugte Charles Taylor, hou Beeld vol om na die "Libiese oudleier" te verwys.

Libië en Liberië is natuurlik nie dieselfde plek nie en kolonel Ghadaffi sal onthuts wees om te weet dat die swart Taylor ooit aan die spits van sy Arabiessprekende land gestaan het soos die grootste Afrikaanse weekblad beweer.

Vir 'n koerant wat so sterk met die kontinent identifiseer, is dit 'n vreemde blaps.

how to play cludo прокурор Фильчаков

Nog spelfoute in Obama-verklarings

Spelfoute pla blykbaar aanhoudend in die Obama-administrasie nadat nog twee gogga's binne 24 uur in persverklarings van die Withuis opgeduik het.

Praag het reeds berig oor die naam van die president wat verkeerd gespel was op die START-dokument wat Obama na Moskou geneem het om atoomwapenvermindering te onderhandel.

Verlede week het die Amerikaanse Dienste Administrasie 'n amptelike dokument uitgereik waarin hulle aangekondig het dat 'n kontrak van $18 miljoen toegestaan is om hulle webtuiste waar tred gehou word met die aanwending van stimulusdollars, te herontwerp.

"Recvoery.gov Version 2.0 $18 Million Contract Awarded," Dit moet natuurlik lees "Recovery".

Die Withuis het 'n verdere gesamentlike verklaring met 'n woordvoerder van die VK uitgereik oor samesprekinge tussen die Britse premier Gordon Brown en president Obama.

Die verklaring lui: "The Prime Minister wlecomed the President's plans for a nuclear security conference in 2010."

online new

Minister gaan onbekwaamheid en korrupsie takel

Sicelo Shiceka, minister van koöperatiewe regering en tradisionele sake, het by die bekendstelling van Operation clean audit 2014 in Boksburg gesê die ouditeur-generaal se verslae vir munisipaliteite is kommerwekkend. Volgens die minister is korrupsie in plaaslike regering die “vyand nommer een”.

“Ek waarsku daardie amptenare wat geen aanspreeklikheid aanvaar nie, dié wat dokumente verloor, veral wanneer die ouditeure daar is. Jy beter nou ophou. Daar is geen rede om byvoorbeeld ’n tenderdokument huis toe te neem nie. En as daar dalk rotte is wat dokumente vernietig, moet dit aangemeld word,” het Shiceka sarkasties bygevoeg.

“Projek Ayihlome” sal as deel van die skoon-oudit-veldtog uitsluitlik op korrupsie fokus.

Die OG het 'n verslag uitgebring wat aantoon dat 56 van die land se 283 munisipaliteite in 2006 tot 2007 ongekwalifiseerde ouditmenings ontvang het. Hy het gesê daar is ’n krisis op plaaslike regeringsvlak wat dringend opgelos sal moet word

Die departement wil met die nuwe veldtog verseker dat al 283 munisipaliteite en alle provinsiale departemente in die nege provinsies teen 2014 die groen lig van die OG sal ontvang.

Hy het gesê hulle beoog om teen 2010 alle betrokke amptenare prestasiekontrakte vir ouditbestuur te laat onderteken.

“Dit is skokkend dat amptenare wat op interne ouditkomitees dien nie eens geldstate kan verstaan nie.”

кухня ігри

Geen getuienis dat Iran kernwapens nastreef, s? IAEA

Yukiya Amano

Die nuwe hoof van die Internasionale Atoomenergieagentskap Yukiya Amano, het gesê hy wil graag sy amp depolitiseer en bygevoeg dat hy 'n onafhanklike mening sal nastreef. Die Japannese Amano was Westerse moondhede, en in besonder Israel, se gunsteling kandidaat vir die pos.

Amano het, nadat hy die Irandossier noukeurig nagegaan het, ook verklaar dat hy geen getuienis kon kry dat Iran betrokke is by die vervaardiging van atoomwapens nie. Die IAEA het reeds herhaaldelik aangedui dat Iran nie afwyk van hulle burgerlike kernprogram nie, alhoewel die uitgaande hoof Mohamed ElBaradei onlangs gesê het hy het 'n "voorgevoel" dat Iran heimlik sulke tegnologie begeer.

Dit wil voorkom asof Amano tot dusver nie op voorgevoel nie, maar eerder op harde getuienis sal staatmaak om die beweringe dat Iran 'n koverte kernprogram dryf, te ondersoek.

Hy het egter gesê dat Iran onder 'n "verpligting" verkeer om hulle burgerlike kernprogram op te skort, alhoewel daar geen getuienis bestaan oor ongerymdhede nie, aangesien die Veiligheidsraad dit vereis. Die vereistes van die VN se Veiligheidsraad moet apart van die IAEA se protokolle – wat geen beperkinge op die reg om energieopwekking plaas nie – beskou word.

Al dra ‘n aap ‘n goue ring…

Obama heet nou Okeke

'n Dieretuin in die Duitse stad Dresden, moes die naam van een van hulle ape verander van 'Obama' na 'Okeke' nadat 'n swart groep gewaarsku het dat die oorspronklike naam 'n rassistiese belediging impliseer. Die nuutgebore aap is in Maart na die Amerikaanse president Barack Obama vernoem.

"n Woordvoerder van die Dresdendieretuin sê die naam is nou amptelik verander en is so bevestig op 'n Engelstalige webtuiste bekend as The Local. Obama het Dresden verlede maand, in Junie, besoek.

Tahir Della van die Inisaitief vir Swart Duitsers (ISD) het gesê "Swart mense word deurlopend gekonfronteer met assosiasie met die diereryk en die primitiewe."

Die dieretuin sê hulle kies die name vir nuutgebore diere om in dieselfde jaar almal met dieselfde letter te begin. In 2009 is dit die letter O en die opsigter het gedink 'Obama' sal 'n positiewe eerbewys aan die Amerikaanse president wees.

Aanvanklik het die dieretuin nie ag geslaan op kritiek teen die naam nie, maar toe uiteindelik bes gegee.

фишер прайс купить

Elf nuwe gevalle van varkgriep in SA

Elf nuwe gevalle van varkgriep is aangemeld, wat die Suid-Afrikaanse telling op 114 te staan bring, het die SAUK vandag berig.

Sewe van die elf nuwe gevalle het 'n geskiedenis van reise na ander lande wat deur varkgriep getref is, het die gesondheidsdepartement gesê.

Die Wêreldgesondheidsorganisasie het ges6e dat varkgriep, wat amptelik as die H1N1-virus bekendstaan, die snelgroeiendste pandemie ooit is en dat dit voortaan sinloos sou wees om elke geval te tel, het die SAUK insgelyks berig.

play 21 for

Winkelketting in Nederland weier Marokkane

Albert Heijn to go-filiale op treinstasies in Nederland weier om verder medewerkers van Marokkaanse afkoms in diens te neem. ''Dringend! Geen Marokkanen!' is die besliste boodskap van die winkels in Amsterdam Westtunnel, Amsterdam Lelylaan en Den Haag Centraal Station.

Die oproep om Marokkaanse werknemers uit te sluit staan in 'n oorsig van die personeelafdeling waarin hulparbeid uiteengesit word.

Die lys is Donderdag 4 Junie per per e-pos na 31 Albert Heijn to go-winkels gestuur.

'n Anonieme medewerker van AH to go het gesê bepaalde filiaalbestuurders vind dat daar 'meer as genoeg Marokkaanse jong mans werk'. "Dit kan as 'n bedreiging vir klante voorkom."

Die hoofkantoor van Albert Heijn is egter 'ontsettend verskrik' omdat hulle geen "onderskeid tussen mense van verskillende etniese afkoms tolereer nie", het 'n woordvoerder gesê.

Die direkteur van die Nederlandse Bureau voor Discriminatiezaken beplan glo verdere stappe aangesien dit lyk na diskriminasie.
депутат лобановский

Zuma vra dat globale finansi?le argitektuur verander word

Die globale finasiële argitektuur moet verander word sodat ontwikkelende lande ook verteenwoordig word, het president Jacob Zuma Woensdag tydens sy toespraak in Sjarm El Sjeg, Egipte, gesê.

Vyftien lande se staatshoofde is tans daar byeen vir die spitsberaad vir die Beweging vir Onverbonde Lande, BOL. Hy het gesê die "algehele onvermoë van finansiële intsellings om 'n wêreldwye resessie te verhoed, is genoeg bewys vir die behoefte aan verandering en hernuwing".

Zuma het benadruk dat verteenwoordiging deur ontwikkelende lande tred sal moet hou met die ekonomiese werklikhede van die planeet.

Hy het gesê dit is noodsaaklik om druk toe te pas vir transformasie asook sodat die Noorde by hulle beloftes van hulp hou omdat die finansiële krisis talle lande se ekonomieë benadeel.

Zuma het ook verwys na die kwessie van hervorming van die VN. Hy het gesê Suid-Afrika se twee jaar by die Veiligheidsraad het die land "eerstehandse ervaring" gegee van die VN se onvermoë om die "swak en kwesbares" te beskerm.

Hy het die instelling se "ondemokratiese grondslag" in beide hul werksmetodes en verteenwoordiging betreur

Die president het gesê dit is belangrik om te besef dat "BOL die historiese onreg wat jeens Afrika gepleeg is in die samestelling van die Veiligheidsraad erken".

Zuma het ook die stryd van die Palestyne teen onderdrukking en marginalisering uitgelig en gesê solank dit voortduur sal daar nie blywende vrede kan wees nie. Hy het die skepping van 'n Palestynse staat, die reg tot selfregering, as die enigste werkbare oplossing beskryf.

Zuma het 'n beroep op Israel gedoen om op te hou om nedersettings in die Wesoewer te bou, hulle magte te onttrek, en die grense van voor 1976 te erken en gevra dat die onderhandelinge in die Midde-Ooste op daardie basis hervat word.

Vrede en veiligheid in Afrika is onbereikbaar indien die onwettige handel in kleiner wapens nie opgelos word nie, het Zuma voorts gesê.

Suid-Afrika het in 1994 'n lid van BOL geword en sedertdien deelgeneem aan ontmoetings om samerwerking tussen lande in die suidelike halfrond te bevorder asook die belange van ontwikkelende lande op die globale verhoog.

италия свет

Betogers versper pad tussen Sun City en Brits

Een persoon is beseer en drie is in hegtenis geneem nadat die polisie Maandagoggend met rubberkoeëls op 'n skare betogers losgebrand het naby Rustenburg, het die SAUK berig.

Honderde inwoners van Lekgalong, Lethabong en Ikageng het die pad tussen Sun City en Brits met brandende bande afgesper.

Die SAUK se nuusspan het berig dat die polisie genoodsaak was om op die woedende skare te vuur.

Inwoners is klaarblyklik ongelukkig oor 'n gebrek aan dienslewering en beweerde korrupsie van die plaaslike munisipale raad.

Superintendent Lesego Metsi van die SAPD het aan Sapa gesê hy probeer nog bevestiging vir die insident kry.

no deposit win real money Фільчаков прокурор

Wynprodusente se toekoms lyk oes

Suid-Afrika se wynprodusente se toekoms lyk maar oes. Hulle is onder druk omdat die gemiddelde produksiekoste in die wynbedryf oor die afgelope vyf jaar met 24% gestyg het.

Volgens ’n verslag deur VinPro, die wynprodusente se diensorganisasie, is wynproduksie op die lang termyn nie ekonomies volhoubaar is nie want oor dieselfde tydperk het wynprodusente se inkomste en netto inkomste met onderskeidelik 6% en 52% gedaal.

Nog ’n styging van 20% in insetkoste word vir die 2009-oesjaar verwag as gevolg van hoër kunsmis-, insekdoder-, brandstof- en elektrisiteitspryse.

Lae druiwe- en wynpryse, asook hoë produksiekoste, het ’n inkomste-probleem vir baie wynprodusente geskep met skuld en rentekoerse wat opgegaan het.

для девочки