Sake – Bladsy 3 – praag.co.za

Mboweni neem afskeid met rentoekoersverlaging

Die Reserwebank het Donderdag, ten spyte van hoë inflasie, rentekoerse met ’n halwe persentasiepunt afgebring, maar verdere rentekoersverlagings vir 2009 lyk onwaarskynlik. Die aankondiging het kenners deur die bank verras wat dit eens was dat koerse onveranderd sou bly.

Net drie uit 26 ekonome wat deur Reuters genader is, het voorspel dat koerse kan afkom.

Rentekoerse is tans op dieselfde vlak as in April 2005, op 7%.

Die bank verwag dat inflasie eers in die tweede kwartaal van volgende jaar tot tussen 3% en 6% kan daal vanweë looneise en druk deur die vakbonde. Verskeie het juis onlangs loonverhogings van hoër as 10% vir hul lede beding.

Dubbelsyferloonverhogings sal die eenheidskoste van arbeid verder verhoog terwyl die vervaardigingsektor en kleinhandelverkope voortsukkel onder moeilike handelstoestande en 'n krimpende ekonomie.

Die jongste aankondiging was Tito Mboweni, president van die Reserwebank, se laaste voordat hy die leisels aan Gill Marcus oorhandig. Sedert Desember is rentekoerse reeds met vyf persentasiepunte verminder.

Mboweni het gesê Suid-Afrika se ekonomiese opswaai gaan waarskynlik ook stadiger as elders plaasvind, alhoewel daar tekens van oplewing in die wêreldekonomie is.

best game to play at a casino прокурор Фильчаков

Motorbedryf byt in die stof

Volgens die Nasionale vereniging van voertuigvervaardigers in Suid-Afrika (Naamsa), se verslag vir die tweede kwartaal van 2009 wat Dinsdag vrygestel is, is die motorbedryf in ’n krisis.

Nog nooit tevore het plaaslike kwartaallikse verkope van nuwe voertuie op ’n jaargrondslag so swak gevaar nie en “dit onderstreep die krisis waardeur die waardeketting in die gesig gestaar word”, sê die vereniging.

Vervaardiging en indiensneming is op die laagste vlakke danksy swak verkope en 'n daling in uitvoere.

Die bedryf was vol hoop dat die tweede kwartaal 'n opswaai sou toon, maar verkope, vervaardiging en uit- en invoer is met tot 10% afwaarts aangepas.

Plaaslike produksie sal na verwagting vanjaar met sowat 32% val tot 385 000 eenhede en verkope met sowat 27% tot 388 000 eenhede. Uitvoere sal na verwagting met 100 000 eenhede val.

Werkverliese in die eerste helfte van die jaar staan op byna 4 500 mense, in vergelyking met ’n daling van 2 566 verlede jaar. Vir komponentvervaardigersposte het van 81 000 tot 64 000 gedaal.

Die sterk rand knou veral komponentuitvoere.

In die kleinhandelvoertuigbedryf het sowat 250 nuwe handelaarskappe en sowat 400 onafhanklike gebruiktemotor-handelaarskappe hulle deure gesluit. Die enigste ligpunt is die verkope van gebruikte voertuie.

86 справка лобановский политик

Regering bied redding aan motor- en tekstielbedrywe

Die regering van president Jacob Zuma gaan R6 miljard beskikbaar stel om maatskappye te help wat ondergang in die gesig staar. 'n Bykomende R2,4 miljard gaan vir die heropleiding van afgedankte werkers gegee word.

Die Nywerheidsontwikkelingskorporasie (NOK), sal die R6 miljard oor die volgende twee jaar direk beskikbaar gaan stel aan maatskappye wat wankel vanweë die resessie. Die ander bedrag gaan kom van die Nasionale Vaardigheidsfonds en die Werkloosheidsversekeringsfonds (WVF).

Die fondse sal gevul word met geld uit die sektorale opleidingsowerhede (setas) volgens Ebrahim Patel, minister van ekonomiese ontwikkeling.

Hy het Woensdag tydens 'n mediakonferensie gesê: “Die idee is om werkers weer in diens te laat neem wanneer die krisis verby is.”

Die skema sal in September begin en tot 2011 voortduur.

Rob Davies, minister van handel en nywerheid, sal binnekort 'n aanduiding gee van die maatstawwe wat in die onderskeie sektore sal geld vir die beloofde hulp. Maatskappye wat swak sakepraktyke handhaaf sal nie in aanmerking kom vir hulp nie.

Die motorbedryf, klere-en-tekstiel en aansporings vir die vervaardiging van kapitaalgoedere wat vir infrastruktuur, is van die sektore wat vir hulp uitgesonder word.

Brandstoftekort dreig by grootste lughawe

Die lughawensmaatskappy, ACSA, het lugdienste Maandag by die O.R. Tambo-lughawe gevra om 30% minder brandstof in te gooi om ’n brandstoftekort af te weer.

Weens “onderbrekings in die verskaffingsnetwerk”, sê ACSA, is die voorraad vliegtuigbrandstof in die binneland laag. Die rantsoenering is tans vrywillig maar indien die situasie nie spoedig verbeter nie, sal dit verpligtend word.

Volgens 'n woordvoerder van die lughawensmaatskappy sal voorsorgmaatreëls egter verseker dat die voorraad genoeg is om met vlugte vol te hou. Hy het gesê passasiers hoef nog nie hul reisplanne te verander nie.

Lugdienste sê die brandstoftekort het geen uitwerking op vlugte nie omdat hulle meer brandstof by lughawens aan die kus ingooi.

Tweede grootste Chinese bank sluit ooreenkoms met FirstRand

China Construction Bank (CCB) het Donderdag ’n strategiese samewerkingsooreenkoms met FirstRand gesluit. CCB werk reeds nou saam met Rand Aksepbank, ’n filiaal van die FirstRandgroep, om transaksies te struktureer.

CCB is China se tweede grootste bank in terme van markwaarde. CCB sê samewerking met FirstRand sal waarde toevoeg tot sy huidige Afrikasake.

Die ooreenkoms bied volgens die bestuur talle voordele aan FirstRand om sake meer doelgerig in Afrika uit te brei, omdat CCB se balansstaat se bates van meer as $1 100 miljard FirstRand se $84 miljard verdwerg.

Die klem sal val op oornames en samesmeltingtransaksies in 39 Afrika-lande waar FirstRand tans sake doen.

Die CCB het geen belang in FirstRand opgeneem nie, anders as Standard Bank en die Chinese ICBC-bank. Die ICBC, China se grootste bank, het ’n 20%-aandeelhouer in die Standard Bank-groep.

FirstRand se stap plaas druk op Nedbank en Absa om hulle Afrikastrategie te heroorweeg. Absa se planne om Barclays se Afrikabelange te koop, het gesneuwel, terwyl Nedbank hoofsaaklik op die plaaslkke mark fokus.

лобановский харьков

Werkloosheid sny diep vir huishulpe

Mike Schüssler, ekonoom van Economists.co.za., sê Suid-Afrika gaan waarskynlik vanjaar sowat 700 000 werkgeleenthede verloor. Dit is heelwat meer as wat aanvanklik verwag is.

Die jongste kwartaallikse arbeidsmagpeiling wat Statistieke Suid-Afrika (SSA) Dinsdag bekend gemaak het, toon dat die resessie heelwat dieper sny as wat vroeër gemeen is.

Suid-Afrika het in die tweede kwartaal sowat 90 000 werkgeleenthede per maand verloor en tot dusver in 2009 sowat 475 000 werkgeleenthede.

Alhoewel die werkloosheidskoers in die tweede kwartaal met net 0,1% tot 23,6% gestyg het, moet diegene wat moed verloor het en nie meer werk soek nie, ook in aanmerking geneem word.

Dié groep het in die tweede kwartaal met 24,9% van 1,215 miljoen tot 1,517 miljoen gestyg. Dit beteken dat hulle die afgelope jaar met 40,6% toegeneem het. Hulle word tans wat van die werkloses uitgesluit.

Werkverliese in feitlik alle sektore is aangeteken. Die meeste werkverliese is deur huishulpe ondervind waar 105 000 mense in die tweede kwartaal hul werk verloor het.

Die werkloosheidskoers is die hoogste onder jong mense tussen die ouderdom van 15 tot 24 jaar. Met die aanvang van 2009 was 44,9% jeugdiges werkloos, en nou is reeds 48,1% sonder werk.

lagoon game

‘Rentekoerse gaan nie verder verlaag word nie’

Die Buro vir Ekonomiese navorsing het Dinsdag gesê verdere rentekoersverlagings gaan nie in die afsienbare toekoms aangekondig word nie.

Die Buro se ekonoom Hugo Pienaar het in ’n verklaring oor vooruitsigte vir die derde kwartaal van 2009 gesê dubbelsyfer loonskikkings in ’n hele aantal sektore asook aanduidings dat die ergste resessie dalk verby is, gaan die koerse vir die volgende 12 maande dieselfde hou.

Nadat die repokoers met 450 basis punte tussen Desember 2008 en Mei 2009 verlaag is, het die Reserwebank die koers onveranderd teen 7,5 persent in Junie gehou.

”Die besluit in Junie kan gesien word as ’n pouse in die siklus om te sien watter impak die rentekoersverlagings gaan hê. ’n Alternatiewe interpretasie is dat ons die einde van die geldelike verligtingsfase bereik het en die koers gaan vir eers onveranderd bly teen 7,5 persent.”

Die buro is steeds bekommerd oor die vooruitsig van verbruikersbesteding vanweë werksverliese.

bride to be necklace

Brandstofolie net so waardevol soos ruolie

Vir die eerste keer in ses jaar is brandstofolie – wat oorbly as petrol en diesel uit ruolie geraffineer is – net so waardevol soos ruolie.

Dit beteken skeepsrederye, wat brandstofolie gebruik, moet nou baie meer vir hulle brandstof betaal – en dít in ’n ekonomiese afplatting weens die internasionale finansiële krisis. Die prys van brandstofolie het vanjaar in Singapoer tot $66,47 per vat verdubbel.

Die rede vir die styging is dat die produksie van brandstofolie by raffinaderye in die ontwikkelde wêreld teen April 18% laer was as ’n jaar gelede, volgens die Internasionale Energie-agentskap.

Nuwe raffinaderye word toenemend ontwerp om minder brandstofolie te vervaardig en meer hoëwaarde-produkte soos petrol en diesel.

Die prysstyging knou skeepsrederye soos Frontlike en A.P. Möller-Maersk terwyl ExxonMobil en Reliance, eienaars van die grootste raffinaderye in die VSA en Asië, glimlag omdat hulle nou beter pryse kry vir ’n produk wat voorheen as ’n afvalproduk beskou is.

Frontline is die wêreld se grootste bestuurder van olietenkskepe en het skeepskapteins gevra om stadiger te vaar om brandstof te bespaar, het Jens Martin Jensen, uitvoerende hoof van Frontline, gesê. Die gemiddelde olietenkskip verbruik sowat $40 000 se brandstof per dag. Brandstofpryse vir skepe wat styg, plaas dit druk op die winssyfers en dit maak sin om stadiger te vaar, sê Jensen.

Raffinaderye produseer in die algemeen minder brandstof weens die internasionale resessie. Opullande (Organisasie van Petroleum-uitvoerlande) beperk boonop die verkope van laegehalte-ruolie wat goedkoper is.

Die voorraad brandstofolie in Singapoer, die grootste handelsentrum in Asië waar die meeste skepe brandstof ingooi, het verlede week tot 14,1 miljoen vate gedaal. Dit is 19% minder as die gemiddelde vlak die afgelope twee jaar. Voorraad in die hawens van Europa is 24% laer as ’n jaar gelede.

Die skeepsredery Maersk sê die dalende vraag na vragdienste beperk sy vermoë om brandstofkoste aan kliënte deur te gee

курна для хамама цена

Duurder plastieksakke ontsier omgewing nog steeds

Die heffing op plastieksakke wat in 2004 ingestel is, het reeds vir sowat R350 miljoen se staatsinkomste gesorg.

Die artikel 21-maatskappy is gestig om herwinning te bevorder, maar het egter net R94 miljoen ontvang daarvoor. Die bedrag van R94 miljoen sluit R30 miljoen in wat in die lopende boekjaar aan die maatskappy Buyisa-e-Bag toegeken sou word.

Die plastieksakheffing, wat ingesluit is in die prys wat verbruikers by winkels vir die sakke betaal, is vanjaar van 3c per sak tot 4c per sak verhoog. Die tesourie sal in die lopende boekjaar R90 miljoen uit die heffing verdien.

Die onderneming het volgens omgewingskenners nog weinig gedoen om die herwinning van plastieksakke te ondersteun.

Maar Buyelwa Sonjica, minister van waterwese en omgewingsake, het gesê meer as R7 miljoen is bestee aan die bou van agt sentrums vir die herwinning van plastieksakke. Skoonmaak- en jeugbemagtigingsveldtogte is ook geloods.

miomare yachting лобановский харьков

Tekstiel kry nog ‘n knou

Die bykans 1 400 afleggings by die tekstielvervaardiger Frame kon nie deur die departement van handel en nywerheid gekeer word nie. Die departement het in ’n persverklaring sy spyt uitgespreek daaroor.

Dr. Rob Davies, minister van handel en nywerheid, sowel as Ebrahim Patel, minister van ekonomiese ontwikkeling, het albei probeer om die maatskappy te red luidens 'n verklaring.

Patel was voorheen aan die stuur van die Suid-Afrikaanse klere- en tekstielwerkersunie (Sactwu).

Hulle was albei “gemotiveer deur ’n begeerte om die behoud van strategiese produksievermoë en indiensname te fasiliteer in ’n globale en plaaslike omgewing wat gedeeltes van ons vervaardigingsektor onder groot druk plaas”.

Pogings deur die NOK om 'n buitelandse belegger te kry was onsuksesvol.

Stuart Queen, uitvoerende hoof van Seardel wat Frame besit, sê die laaste groep werkers sal die maatskappy teen die einde van Augustus verlaat.

Frame se werkmag sal nou met 'n verdere 1 400 werkers krimp tot 1 500. Die maatskappy het in ’n stadium aan 35 000 mense werk verskaf.

пескоструйные Лобановский

Gill Marcus gaan Mboweni vervang

Gill Marcus (regs) vervang vir Tito Mboweni (links)

President Jacob Zuma het oor die naweek 'n verrassende aankondiging op ’n mediakonferensie by die Uniegebou in Pretoria gemaak toe hy 'n opvolger vir die Reserwebank se president aangekondig het.

Tito Mboweni sal op 9 November deur Gill Marcus, huidige voorsitter van Absa en lid van die SAKP, vervang word.

Marcus, 59, was voorheen adjunkpresident van die Reserwebank en is 'n gewese adjunkminister van finansies. Mboweni se termyn verstryk op 8 Augustus en sal tot 8 November aanbly totdat Marcus oorneem.

Alhoewel Mboweni, 50, vroeër in sy pos heraangestel is, het hy aangedui dat hy later vanjaar ander belange gaan nastreef. Mboweni het nog geen aanduiding gegee van wat hy gaan doen nadat hy uitgetree het nie, behalwe dat hy gaan visvang.

Mboweni, wat in Augustus 1999 as president van die Reserwebank aangestel is, het sy taak uitnemend verrig, het Zuma gesê.

Zwelinzima Vavi, hoofsekretaris van Cosatu, het aan Sapa gesê Cosatu verwelkom Marcus se aanstelling.

“Ons het nie ’n goeie verhouding met Mboweni gehad nie en sal dus nie ’n traan pink nie,” het Vavi gesê.

Die DA het in 'n verklaring gesê dat Zuma moontlik onder druk van die vakbonde geswig en daarom vir Mboweni vervang het.

Dit is nog nie seker of Marcus sal voortgaan met die Reserwebank se inflasieteikenbeleid nie.

Minister gaan onbekwaamheid en korrupsie takel

Sicelo Shiceka, minister van koöperatiewe regering en tradisionele sake, het by die bekendstelling van Operation clean audit 2014 in Boksburg gesê die ouditeur-generaal se verslae vir munisipaliteite is kommerwekkend. Volgens die minister is korrupsie in plaaslike regering die “vyand nommer een”.

“Ek waarsku daardie amptenare wat geen aanspreeklikheid aanvaar nie, dié wat dokumente verloor, veral wanneer die ouditeure daar is. Jy beter nou ophou. Daar is geen rede om byvoorbeeld ’n tenderdokument huis toe te neem nie. En as daar dalk rotte is wat dokumente vernietig, moet dit aangemeld word,” het Shiceka sarkasties bygevoeg.

“Projek Ayihlome” sal as deel van die skoon-oudit-veldtog uitsluitlik op korrupsie fokus.

Die OG het 'n verslag uitgebring wat aantoon dat 56 van die land se 283 munisipaliteite in 2006 tot 2007 ongekwalifiseerde ouditmenings ontvang het. Hy het gesê daar is ’n krisis op plaaslike regeringsvlak wat dringend opgelos sal moet word

Die departement wil met die nuwe veldtog verseker dat al 283 munisipaliteite en alle provinsiale departemente in die nege provinsies teen 2014 die groen lig van die OG sal ontvang.

Hy het gesê hulle beoog om teen 2010 alle betrokke amptenare prestasiekontrakte vir ouditbestuur te laat onderteken.

“Dit is skokkend dat amptenare wat op interne ouditkomitees dien nie eens geldstate kan verstaan nie.”

кухня ігри

Wynprodusente se toekoms lyk oes

Suid-Afrika se wynprodusente se toekoms lyk maar oes. Hulle is onder druk omdat die gemiddelde produksiekoste in die wynbedryf oor die afgelope vyf jaar met 24% gestyg het.

Volgens ’n verslag deur VinPro, die wynprodusente se diensorganisasie, is wynproduksie op die lang termyn nie ekonomies volhoubaar is nie want oor dieselfde tydperk het wynprodusente se inkomste en netto inkomste met onderskeidelik 6% en 52% gedaal.

Nog ’n styging van 20% in insetkoste word vir die 2009-oesjaar verwag as gevolg van hoër kunsmis-, insekdoder-, brandstof- en elektrisiteitspryse.

Lae druiwe- en wynpryse, asook hoë produksiekoste, het ’n inkomste-probleem vir baie wynprodusente geskep met skuld en rentekoerse wat opgegaan het.

для девочки

Franse kan dalk Sondae werk

Franse wetgewers stem vandeesweek oor ’n omstrede wetsontwerp wat daartoe kan lei dat meer winkels Sondae sal mag handel dryf en dat meer mense werk.

Voorstanders van dié wetsontwerp, een van president Nicolas Sarkozy se sleutelbeloftes, sê om sake-ure uit te brei wat Sondae insluit, sal die Franse ekonomie, wat teen die resessie veg, ’n broodnodige hupstoot gee.

Frankryk se linkse opposisie meen egter dit is ’n belediging vir arbeidsbeskerming en tradisioneles voer aan dit is ’n aanval op die heilige rusdag.

Volgens die nuwe wetgewing sal winkels in Frankryk se drie grootste metropole – Parys, Marseille en Lille – toegelaat word om op Sondae oop te wees.

Werknemers sal die keuse hê om te weier om op ’n Sondag te werk en werkgewers sal dié wat instem om te werk dubbel moet betaal.

Winkels in nog 500 stede en dorpe, wat beskou word as toeriste-bestemmings, mag ook handel dryf, maar sonder die verpligting dat werknemers dubbel vir die ekstra ure vergoed moet word.

’n Minderheid Franse winkels word tans toegelaat om oop te wees op Sondae mits hulle aan sekere voorwaardes voldoen.

Een van dié bepalings laat winkels wat in toeristesones soos Parys se Champs Elysees geleë is, toe om oop te wees mits hul ware of dienste pas by ’n vaag gedefinieerde kategorie van vermaak en kulturele goedere.

In ander gebiede, soos die Franse hoofstad se gewilde Maraisbuurt, doen winkels wat juwele en klere verkoop flink sake omdat die reguleerders verkies om nie die oortreding raak te sien nie.

Die wetsontwerp het ten doel om orde te skep wat betref die verwarrende skuiwergate wat sedert ’n 1906-wet bepaal dat Sondae verpligte rusdae is.

Dié wet is goedgekeur ná ’n noodlottige mynongeluk waarna werkers die rusdag opgeëis het.

Data van die Europese Unie toon dat Frankryk se beperkinge op sake-aktiwiteite op Sondae soortgelyk is aan dié in verskeie ander wes-Europese lande.

Sowat 15% van Franse wat aan ’n opname deelgeneem het, het aangedui dat hulle gewoonlik Sondae werk, teenoor die EU se gemiddelde in die omgewing van 14%.

Ná die nasionale vergadering gestem het, sal die wetsontwerp na die senaat verwys word wat van 21 Julie tot 23 Julie daaroor sal debatteer.