Nuus – Bladsy 269 – praag.co.za

Ivoorkus-president berispe Frankryk

Laurent Gbagbo

Laurent Gbagbo, president van die Ivoorkus, is oortuig daarvan dat hy Frankryk pas goed op sy plek gesit het. “Chirac en Villepin het die afgelope paar jaar net een ding voor oë gehad, om van Gbagbo ontslae te raak,“ lag hy selfvoldaan. “Hulle het dit nie eers probeer wegsteek nie. Maar vandag is hulle geskiedenis en ek is steeds hier.”

Gbagbo is in 2000 tot president verkies. In September 2000 het hy tydens ’n bloedige staatsgreeppoging aan die dood ontkom toe hy deur lede van die Franse weermag gered is. Sedertdien het hy jare lank die druk van die internasionale gemeenskap, om mag te deel met die rebelle in die noorde van die land, geïgnoreer.

Die slinkse president het egter onlangs ’n paar suksesse behaal wat sy selfvertroue versterk het. Met die bemiddelingshulp van Blaise Compaoré, president van Burkina Faso, het hy vir Guillaume Soro, leier van die Forces Nouvelles-rebellemag, as eerste minister aangestel. In ruil moes die rebellemag ontwapen word, wat dan ook redelik vreedsaam verloop het. Hy het verder daarin geslaag om die land, wat in twee gedeel was tussen Gbagbo-ondersteuners en die rebelle in die noorde, simbolies te verenig. Hy het naamlik verlede week ’n versoeningseremonie in Bouaké, die rebelle se hoofstad, gereël wat hy self toegespreek het. Verder beplan hy om die uitgestelde presidensiële verkiesing voor Maart aanstaande jaar te laat plaasvind. Hy is vol vertroue dat hy herkies gaan word.

Gbagbo is egter die trotste op die feit dat hy weerstand gebied het teen die Ivoorkus se voormalige koloniale meester, Frankryk. Al het Frankryk se eertydse invloed in die land getaan, is Frankryk se optrede nog steeds ’n gewilde onderwerp van bespreking by plaaslike politici. “Die ergste is dat Chirac destyds met my gepraat het soos hy met ’n gewone Franse staatsamptenaar sou praat! Die eerste keer toe ek by die Elysée ontvang is, het hy my as Laurent aangespreek. Ek dink hy het die verkeerde persoon of tydperk beetgehad,” vertel Gbagbo verontwaardig.

Die spanning tussen Gbagbo en Chirac het egter ’n gekompliseerde agtergrond. Ná die dood van Houphouët-Boigny in 1993 het die Ivoorkus in ’n ekonomiese krisis verval en het konflik ontstaan tussen die Gbagbo-regering en die rebelle uit die noorde van die land. Gbagbo het die rebelle daarvan beskuldig dat hulle nie Ivoorkus-burgers was nie (die sogenaamde ivoirité-kwessie) en Frankryk het dié geskil bestempel as die oorsaak van die land se probleme. Die Ivoorkus-regering het naamlik voor die verkiesing van 2000 ’n wet ingestel wat vereis het dat beide ouers van presidensiële kandidate in die Ivoorkus gebore moes wees. Dit het daartoe gelei dat Alassane Ouattara, wat die noordelike deel van die land verteenwoordig het, gediskwalifiseer is. Die noorde bestaan meesal uit Moslems, meeste van hulle arm immigrante-werkers van Mali en Burkina Faso, wat op die koffie- en kakaoplantasies werk.

Gbagbo, wat sy lewe in 2002 aan die Franse weermag te danke gehad het, kon nie eintlik teen Frankryk se “inmenging“ teenstribbel nie. Hy het dit as vernederend ervaar om gedwing te word om vredesamesprekings met die rebelle te voer wat tot die ooreenkomste van Marcoussis, Akkra en Pretoria – asook vele VN-resolusies – gelei het. Vir Gbagbo was dit alles tekens van onaanvaarbare neokolonialisme aan Frankryk se kant.

Hy het selfs so ver gegaan om die Franse weermag, wat die buffersone tussen die noorde en die res van die Ivoorkus beman, daarvan te beskuldig dat hulle sy land verdeel het. In 2004 het vliegtuie van die Ivoorkus Franse troepe gebombardeer. Nege Franse soldate is in die aanval dood. Chirac het verontwaardig gereageer deur die Ivoorkus-vliegtuie te laat vernietig. Dit het tot gewelddadige anti-Franse aanvalle in Abidjan gelei. Franse troepe was verplig om op die betogers te skiet. “President Thabo Mbeki was op daardie stadium op besoek in die Ivoorkus. Hy was geskok. Dit het hom aan apartheid herinner,“ vertel Gbagbo.

Volgens Gbagbo is die oplossing eenvoudig. “Frankryk moet ophou om Afrika soos kinders te behandel. Dis nou verby, die tydperk van Houphouët, Bongo of Eyadema! Frankryk kan nie meer van Afrika-staatshoofde ontslae raak van wie hy nie hou nie. State moet mekaar respekteer en Frankryk mag nie meer sy neus in die Ivoorkus se sake steek nie.“

Intussen het Gbagbo met ’n ambisieuse bouprojek in Yamoussoukro begin. Houphouët-Boigny het vroeër hier ongelooflike luukse geboue laat oprig, gevul met duur Franse meubels en omring deur riviere gevul met krokodille. Gbagbo wil vir homself ’n nuwe presidensiële woning laat oprig, asook ’n spoggerige parlementsgebou.

светильники на дом Фильчаков

Zuma se waarskuwing

Jacob Zuma

Die voormalige adjunkpresident, Jacob Zuma, het Sondag gewaarsku dat ’n heksejag teen persone uit die vorige politieke bedeling “probleme” kan skep. Hy het net buite Durban opgetree tydens die onthulling van ’n monument ter ere van UDF en ANC-aktiviste wat tydens politieke geweld dood is.

Die uitdaging vir die Nasionale Vervolgingsgesag én die land is om by die waarheid uit te kom, maar terselfdertyd nie versoening te benadeel nie, het Zuma gesê. Sy waarskuwing kom net nadat AZAPO ’n beroep op die regering gedoen het om “apartheidsluipmoordenaars“wat deur die WVK “vrygespreek“ is, te vervolg.

AZAPO wil ook hê dat FW de Klerk vervolg moet word. Volgens hulle kon hy “as die hoofskakel in die apartheidsbevelketting“ nie voorgee dat hy nie bewus was van apartheidsmisdade nie. “Wanneer iemand volksmoord pleeg, moet ons hom nie op mindere klagtes verhoor nie,” lui die AZAPO-verklaring.

FW de Klerk het verskeie koerante met regsaksie gedreig ná berigte dat hy moontlik betrokke sou wees by apartheidsmisdade.

Volgens Mbeki se kantoor hou die onlangse besluit om Adriaan Vlok en Johan van der Merwe te vervolg geen gevaar in vir die versoeningsproses in die land nie. Die riglyne wat die Nasionale Vervolgingsgesag tans volg is deur die kabinet goedgekeur en reeds deur die parlement aanvaar, het ’n presidensiële woordvoerder gesê.

или насосная

Hoe ry die trein, Suid-Afrika se soustrein…

Nozizwe Madlala-Routledge, adjunkminister van gesondheid, het dit goedgedink om haar seun en ’n konsultant in haar departement, Sukhthi Naidoo, saam te neem na Spanje. Die drie het besigheidsklas gevlieg, in ’n luukse hotel tuisgegaan en vrygewige dagtoelaes geniet.

Ministers en adjunkministers moet toestemming van die president se kantoor verkry voor hulle oorsee mag reis. In hierdie geval het die adjunkminister sonder toestemming gereis. Dit is deur middel van ’n anonieme brief aan Mbeki dat die president van hierdie reis kennis geneem het.

Volgens Madlala-Routledge is sy deur die Internasionale Vigs-Inisiatief genooi om hulle seminaar op 12 Junie vanjaar te gaan toespreek. Sy het die waarnemende minister van gesondheid, Lulu Xingwana, ingelig dat sy haar seun, Simon, asook die konsultant, sou saamneem. Totale koste vir die reis het sowat R161 000 beloop. Xingwana het haar egter geantwoord deur te sê dat sy die president hieroor moes raadpleeg. Op 11 Junie, die dag voor sy moes vlieg, het Madlala-Routledge ’n brief van Mbeki ontvang waarin hy die reis afgekeur het. Ten spyte hiervan het die adjunkminister wel voortgegaan met haar reis na Spanje.

In die anonieme brief word verder beweer dat Sukhthi Naidoo gereeld besigheidsklas vlieg en in luukse hotelle tuisgaan, alles op die belastingbetaler se onkoste. Gedetailleerde bewyse van sy spandabelrigheid is in die vorm van fakture by die brief aangeheg.

Blade Nzimande ?n dief ?

Blade Nzimande

Beide die City Press en Sunday Times het vandag berigte gedra oor Blade Nzimande, sekretaris-generaal van die Suid-Afrikaanse Kommunisteparty (SAKP), wat van diefstal verdink word.

Charles Kasinja Modise, ’n sakeman, beweer dat hy in 2002 R500 000 aan die SAKP geskenk het wat nooit die party se koffers bereik het nie. Hy het vroeër vandeesweek ’n saak by die Bedfordview-polisiekantoor aanhangig gemaak.

Modise beweer in sy verklaring aan die polisie dat die geld nooit uitgekom het by die partytesourier, Philip Dexter, nie. Hy het dit aan Willie Madisha van Cosatu gegee, wat dit op sy beurt aan die SAKP-sekretaris-generaal oorhandig het. Madisha het Modise vir ’n donasie genader ten einde die party uit ’n finansiële verknorsing te red.

Nzimande het ’n ruk gelede vir Dexter uit die party geskors. Dexter het ’n jaar lank vrugteloos gesoek na wat van die donasie geword het. Hy het reeds met die polisie oor hierdie bewerings van diefstal gepraat.

Gwede Mantashe, voorsitter van die SAKP, meen egter daar steek niks in die klag nie en dat dit alles ’n poging is om Nzimande se reputasie te skaad.

оборудование для прокурор Фильчаков

Polisiekommisaris glo Zim is geen krisis

Gelade…

Terwyl die besighede flink sake doen in Louis Trichardt agv lewensmiddeltekorte in Zimbabwe, en oorlaaide voertuie ‘n algemene gesig in die dorp is, het die toestroming van mense beslis ongewenste gevolge vir Suid-Afrika.

Abram Luruli, werknemer by die munisipaliteit, sê die Musina se sakeondernemers glimlag ook breed, maar die mensegolf het ‘n negatiewe impak op die plaaslike ekonomie. Zimbabwiërs is bereid om vir heelwat minder as Suid-Afrikaners te werk en is besig om plaaslike arbeid te vervang.

Daar is ook geen digitale spoor van mense wat deur die grensdrade kruip nie en dit maak dit uiters moeilik om enige boosdoener vas te trek. Zimbabwiërs wat dus by misdaad betrokke is, is amper onnaspeurbaar. En daar is aanduidings dat die vlugtelinge toenemend by misdaad betrokke raak vanweë hul hopelose situasie.

‘n Ander kwessie is dat verhoudinge tussen plaaslike inwoners en nuwe die aankomelinge ten beste gelade voorkom. ‘n Sypaadjiesmous kla byvoorbeeld dat ‘n jong Zimbabwiër (27) wat beeldjies en potjies in die skadu van ‘n kremetart verkoop om te oorleef, sy "plek" gesteel het.

"Dit gebeur dikwels hier," sê een van die oues wat tussenbeide tree om die dispuut te probeer ontlont. "Die Suid-Afrikaners is vies oor die koms van die Zimbawiërs wat hulle stelselmatig uitdryf op alle terreine en hul enigste bron van inkomste steel."

Edward Pusula, prokureur-generaal, is beslis dat oortredinge deur Zimbabwiërs aan die toeneem is. Hulle is, volgens Pusula, reisigers na groter sentra soos Johannesburg en Durban en is slegs tydelik in Musina.

"65% van oortredings wat deur die hof Musina aangehoor word, word deur Zimbawiërs gepleeg, wat van diefstal, verkragting, inbraak en sluikhandel aangekla word." Maar volgens die polisiekommisaris se segspersoon, Moplafela Mojapelo, is die heersende toestand egter onder beheer.

"Ons het ‘n paar onwettige immigrante hierdie jaar aangekeer," sê hy. "As hulle gevang word, word hulle teruggestuur. Dis ‘n probleem, maar die situasie kan nog nie as ‘n krisis beskryf word nie."

куклы пупсы топкарго развод

Orgie van seksuele geweld in DRK

Die VN se spesiale ondersoeker, Yakin Erturk, het aan die begin van die week gesê dat die menseregtevergrype in die DRK "ver meer" as die gewone soort skendings behels en seksuele slawerny, gedwonge bloedskande en kannibalisme insluit. Dié vergrype is die heel ergste wat sy in vier jaar teëgekom het in haar ondersoeke na geweld teen vroue.

Erturk was op ‘n missie van 11 dae en het so pas teruggekeer om haar bevindinge bekend te maak. "Die vergrype wat gewapende groepe pleeg is van ‘n graad van wreedheid wat verkragting oorskry," het sy gesê. Vroue word deur bendes verkrag, voor hul gesinne en gemeenskappe en dikwels word manlike gesinslede met wapengeweld gedwing om mekaar te verkrag.

"Vroue word dikwels in hul genitalieë geskiet of gesteek nadat hulle verkrag is. Vroue wat maande se seksslawerny oorleef vertel dat hulle gedwing word deur hul folteraars om ontlasting te eet of die vleis van vermoorde gesinslede," het sy bygevoeg.

Die toestand in die land is volgens haar "kommerwekkend en moet dadelik aangespreek word." Daar is blykbaar al 4 500 gevalle van verkragting vanjaar aangemeld, maar sy meen die syfer kan baie hoër wees. Die meeste slagoffers woon in afgeleë gebiede en rapporteer nie verkragting nie of oorleef dit selfs nie. Die Panzi-hospitaal in Bukavu ontvang jaarliks 3 500 gevalle van vroue wat aan fistula en ander ernstige genitaliese beserings ly.

Seksuele oortredinge is "buite beheer" en word deur rebelle, regeringsmagte en die nasionale polisie gepleeg. "Groot dele van die bevolking beskou dit as normaal," het Erturk verklaar. Burgerlikes is uitgelewer aan gewapende jong mans. Indien hulle met die "verkeerde" mense praat of hulle huisves, word hulle aangerand, verkrag en ook vermoor.

Erturk was ook "geskok" om te verneem dat die polisie en weermag sonder enige inhibisie teen onrusmakers optree en hulself bó die wet ag. Hulle plunder, martel en voer groepsverkragtings uit sonder om te aarsel. Sy het verwys na ‘n geval waar 70 polisielede so ‘n wraakaanval uitgevoer het.

Skool afgebrand

‘n Leerling en onderwyser by die Badirile Secondary School is deur mede-leerlinge aangerand en die skool is aan die brand gesteek. Die aanranding het tydens skooltyd op die perseel geskied.

Die leerder, wat ‘n pleidooi wou lewer dat sy skoolmaats weer hul klasse hervat, is is deur mede-leerders geslaan en geskop. Hy het ontsnap, by ‘n polisiestasie gaan skuiling soek en die saak gerapporteer.

Die skoolboikot in Khutsong duur nou al etlike maande en leerders weier om na die klaskamer terug te keer.

Toe die polisie egter by die skool opdaag was die administrasiegebou sowel as die klaskamers reeds in ligte laaie.

‘n Onderwyser wat eweneens die kinders aangemoedig het om terug te keer, is ook aangerand. Nooddienste is ontbied om die brand by die skool te blus.

Nooddienspersoneel is daarna met klippe bestook toe hulle gepoog het om die vlamme te beheer.

Passasiers bestorm stasie

Ontstoke passasiers het Maandag ‘n treinstasie in die noorde van Pretoria bestorm en skade aan die gebou aangerig. Hulle het tot geweld oorgegaan omdat die aankondiger blykbaar nie ‘n rede kon verskaf vir die feit dat treine nie betyds opdaag nie.

Nadat passasiers by die Mabopane-stasie se kaartjieskantoor ingebreek het, kaartjiemasjiene, rekenaars, ‘n mikrogolfoond, yskas en ander goedere gesteel het, het hulle gepoog om die gebou aan die brand te steek.

Toe die brandstigting onsuksesvol blyk te wees, het hulle daarna hulself tot die treine gewend en begin om waens onder klippe te steek.

Treingebruikers kla dat die treine se laatkommery of onverkrygbaarheid hulle laat maak vir werk. Sedert Donderdag is daar probleme met treinvervoer. ‘n Woordvoerder van Tshwane Metrorail het die gedrag van passasiers nietemin veroordeel.

Polisie-inspekteur Ramaloko het volgens die Citizen bevestig dat daar ‘n saak teen die onlusmakers aanhangig gemaak is, maar niemand is tot dusver in hegtenis geneem nie.

Die fout wat aanleiding tot die vertragings gegee het is glo intussen herstel.

‘SAPD versterk destabiliseringsaksie’ – Limpopoboere

Gideon Meiring

“Die SAPD (Suid-Afrikaanse polisiediens) versterk die destabiliseringsaksie op die Limpopogrens.” Aldus mnr. Gideon Meiring van TLU-veiligheid wat gister op Sky News verskyn het waar hy en sy plaaswag onwettige immigrante gearresteer en aan die polisie vir deportasie oorhandig het.

Hy sê verder: “My bekommernis is: ons is nie verniet naby aan Zimbabwe nie, die polisie toon dat hulle kant kies vir die onwettige immigrante, te oordeel aan die uitspraak van die provinsiale polisiekommisaris, Calvin Sengani.”

Sengani het gister tydens ’n onderhoud wat gisteraand op die SAUK-TV uitgesaai sou word, maar weens politieke sensuur teruggetrek is, beweer “dat daar geen wet ter wêreld is wat enigiemand verhoed om ’n grens oor te steek of deur ’n grensdraad te kruip nie”. In sy reaksie aan die SAUK, het Meiring dit as “absurd” bestempel en gewys op die nuwe immigrasiewet, wet 13 van 2002, wat bepaal dat enigeen wat die land binnekom anders as deur ’n wettige grenspos met ’n paspoort ’n misdaad begaan.

“Hulle pla nou die goeie mense wat wet en orde probeer handhaaf,” het Meiring voortgegaan. “Dis ’n tipiese Zimbabwe-reaksie wat toon dat ons land insgelyks gedestabiliseer gaan word.”

“Is die SA grense nou oop vir almal?” wou Meiring weet. Ook mnr. Dries Joubert, voorsitter van die distrikslandbou-unie van TLU-SA in die Noord-Transvaal het “met kommer” kennis geneem van die polisiehoof se standpunt dat Zimbabweburgers nou maar vrylik oor die grens mag kom.

In ’n verklaring wat intussen n.a.v. die burgerlike arrestasies van Zimbabwiese insypelaars deur die SAPD in Limpopo uitgereik is, word sulke arrestasies as “onwettig” bestempel en die boere as “vigilantes” afgemaak. Dieselfde woord is op Sky News gebruik om die boere se aksies te tipeer, hoewel die TV-snit nie in die geheel as negatief teenoor die boere getipeer kan word nie.

In reaksie hierop het mnr. Gideon Meiring vanmôre telefonies verklaar: “Ek hoop dis by gebrek aan ’n beter woord. ’n Vigilante neem die reg in eie hande, hy vang, verhoor, veroordeel en straf mense op die plek soos in sommige gemeenskappe in Suid-Afrika gereeld gebeur. Ons, daarenteen, is wetsgehoorsame burgers. Ons vang hulle (die onwettige Zimbabwiërs) en oorhandig hulle aan die polisie.”

In ’n verdere onderhoud wat gister op Sky News uitgesaai is, is die broer van Thabo Mbeki, Moeletsi Mbeki, vir sy mening rondom die Limpopokrisis uitgevra. Volgens hom is “die situasie tiperend van ’n regering wat totaal en al beheer verloor het en wat die boere nou doen, is korrek. Hulle het geen ander uitweg as om hul eiendom te probeer beskerm nie.”

Teenoor diegene wat meen dat daar binnekort verandering in Zimbabwe gaan kom, het Moeletsi Mbeki gesê dat “dit duidelik is dat hulle nie die Afrikakonteks goed verstaan nie. Mugabe is in beheer van die veiligheidsmagte. Solank as wat hy hulle beheer, sal hy aan bewind bly.”

Dat daar nou konfrontasie aan die oplaai is tussen Afrikanerboere in die Limpopoprovinsie en die Suid-Afrikaanse Polisiediens, wat blykbaar onwettige immigrasie vanuit Zimbabwe toenemend goedkeur, is gewis. Op ’n mediakonferensie gister het die polisiekommissaris van Limpopo, Calvin Sengani, verklaar dat boere geensins onwettige immigrante mag arresteer nie – totdat hulle misdade soos verkragting, plaasaanvalle of roof gepleeg het.

Boere soos Gideon Meiring en sy span wat dit wel doen, is met inhegtenisneming gedreig. Sengani het ook vorige uitsprake van sy eie polisielede weerspreek deur te beweer daar geen toename in onwettige immigrante vanuit Zimbabwe is nie. Dít, terwyl die polisie onlangs verklaar het dat tot 15 000 onwettiges binne ’n periode van twee weke in die Limpopoprovinsie gearresteer is.

Sengani het voorts gesê: “Hier is geen krisis in Limpopo of aan die land se noordelike grens met Zimbabwe, soos wat die afgelope tyd in die media berig is nie.

“Wanneer daar ’n toename in plaasaanvalle en rooftogte is, dan is daar ’n krisis, maar nie nou nie.”

Weereens in direkte teenspraak met sy vorige verklaring dat enigeen die grens mag oorsteek, het Sengani tydens die perskonferensie gesê dat dit die polisie se werk is om onwettige immigrante aan te keer en nie die boere s’n nie.

“Ons sal optree teen diegene wat onwettiges in hegtenis neem sonder dat hulle ’n misdaad gepleeg het, want diegene wat dit doen, maak hulself aan ’n misdaad skuldig. Indien ’n onwettige immigrant kla omdat sy hande en voete vasgebind is wanneer hy deur boere aangekeer word, kan hulle ’n klag van aanranding by die polisie indien.” Aldus Sengani.

Maar volgens Gideon Meiring en sy plaaswag gaan hulle “nie ophou om patrollies te ry, die onwettiges aan te keer en ons eiendom te beskerm nie. Die minister (Charles Nqakula) het mos gesê ons moet self iets doen om misdaad te bekamp, so nou doen ons dit.”

Daar heers ongekende buitelandse mediabelangstelling in die Limpopokrisis en al die groot nuusagentskappe, asook die BBC, is in die omgewing ontplooi om te berig oor hoe die Zimbabweramp besig is om na Suid-Afrika oor te spoel.

Intussen het die SAUK-TV, wat die onderhoud met Gidoen Meiring en kommissaris Sengani “weens tegniese redes” nie kon uitsaai nie, berig dat die Metodistekerk in die middestad van Johannesburg onderdak aan onwettige immigrante uit Zimbabwe verskaf. Dit verteenwoordig ’n oortreding van artikel 42 van wet 13 van 2002 wat “enige hulp, ondersteuning of huisvesting van onwettige immigrante” verbied.

Volgens Paul Verryn, die Metodistebiskop van Johannesburg, verskaf sy kerk tans slaapplek aan duisende onwettige Zimbabwiërs, sowel in Johannesburg as in Marabastad in Pretoria, met openlike minagting van Suid-Afrika se immigrasiewette.

play online slot

Betogers versper N2-snelweg in Kaapstad

Betogers het die N2-snelweg naby die Borchardsteengroefafrit met motorbande en vullis afgesper, het die Kaapstadse polisie so pas laat weet.

“Omtrent 300 mense van Nyanga het die pad met motorbande en vullis Dinsdagnag versper,” het Jones gesê.

Rubberkoeëls is gebruik om die skare uiteen te jaag.

“Die situasie was gespanne en rubberkoeëls is gebruik om die skare uiteen te jaag,” het Jones gesê.

Hy kon nie sê waaroor die skare betoog het nie.

инструмент для Фільчаков прокурор

Melkmere en botterberge verdwyn

Duur Duitse melk

Melkmere en botterberge mag dalk binnekort iets van die verlede wees in Europa. Melkprodukte kan met soveel as 50% styg. Markwaarnemer, Erhard Richarts het in die Dortmundse koerant, die Ruhr Nachrichten, gewaarsku dat daar ‘n prysskok gaan kom "soos wat Duitsland nog nooit belewe het nie."

Die Melkindustrie het aangedui dat ‘n blokkie botter wat tans 79 sent kos sal styg tot 1,19 euro. ‘n Liter melk se prys gaan van 5 sent tot 10 sent verhoog word. Die Uitvoerunie vir melkprodukte sê dat botter op ‘n twintigjarige prysrekord staan.

Die tweede grootste melkverwerkingsonderneming in Duitsland, Humana Milchunion, het ‘n drastiese prysverhoging vir melk en melkprodukte aangekondig. Volgens ‘n Rynland-Wesfaalse Instituut vir Marknavorsing moet verbruikers gewoond raak aan die verhoging in lewensmiddelpryse. Dit is nie probleme onder kuddes wat verantwoordelik is vir duurder melk nie, het die Instituut gesê.

"Aanvraag uit opkomende lande soos China en Indië asook die opbloei in biokragstowwe dryf die pryse van grondstowwe," het Torsten Schmidt, marknavorser, aan die koerant verduidelik. "Dit vind die Duitse verbruiker ook nou uit."

Ander kenners meen nietemin dat gesonde wedywering die verbruiker oor die lang duur sal beskerm teen pryse wat te hoog raak.

play arabian nights

Ons oorvol tronke

Die getal verhoorafwagtende gevangenes wissel skerp, afhangende van die tyd van die jaar. Tydens die besigste tyd van die jaar word tot 8 000 bykomende gevangenes in die reeds oorvol Suid-Afrikaanse tronke ingeprop.

Volgens Gideon Morris, direkteur van die Geregtelike Gevangenisinspeksieraad, is die besigste tyd van die jaar Februarie, Maart en April, weens die groot aantal arrestasies wat in Desember en Januarie uitgevoer word. Tydens wintermaande sak die aantal gevangenes terug na “normaal.“ Morris het verduidelik dat dit uiters moeilik is om die ekstra 8 000 gevangenes te hanteer. Dit kom neer op vier ekstra tronke, soortgelyk aan Pollsmoor-tronk, wat gevul moet word. Verder bring dit vertragings mee in die verhore van verhoorafwagtendes, wat in sommige gevalle tot vier jaar moet wag voor hulle sake aandag geniet.

Volgens die Organisasie vir Menseregte van Suid-Afrikaanse Gevangenes is daar tans 50 000 verhoorafwagtendes uit ’n totaal van 162 587 gevangenes wat in 240 tronke in die land aangehou word. Volgens Golden Miles Bhudu van die organisasie, lyk dit of beamptes in die polisie en justisie min gepla is oor die probleem en dat hulle glo hulle sal hul salarisse bly ontvang, ongeag of hulle hul werk doen of nie.

Ene Anthony Fish van Milnerton, wat tans op parool uit is, het onlangs oor die haglike omstandighede in die Pollsmoor-tronk waar hy aangehou is, gekla. Gesonde gevangenes deel selle met ander wat vigs of tuberkulose onder lede het. Hy is self aangehou in ’n sel van 8m x 12m saam met 56 ander mans. Daar was 34 beddens, een toilet en een stort. Dit het van weeluise en kakkerlakke gekrioel. Sommige gevangenes word net ’n uur per dag vrygelaat en die binnehof waar die gevangenes veronderstel is om te oefen, is vuil. Bendelede steek selmaats onder beddegoed weg, in die hoop dat die selle leeg sal lyk en bewaarders meer gevangenes daar sal plaas wat hulle dan kan besteel. Hulle klere en besittings word dan gestroop en vir dwelmmiddels (tik of dagga) verkoop. Gevangenes het seks met mekaar voor die ander selinwoners. Ou selfoonkaarte word as lepels gebruik om pap mee te eet. Saans kan pornografiese films vir R5,00 gehuur word.

Volgens ’n woordvoerder van die departement van korrektiewe dienste is die regering bewus van die probleme in plaaslike tronke en werk hulle aan oplossings. Hy het dit beklemtoon dat soortgelyke probleme ook elders in die wêreld voorkom.

обувь для яхтинга topcargo отзыв

Eugene de Kock draai teen De Klerk

Eugene de Kock

Die veroordeelde Vlakplaasmoordenaar, Eugene de Kock, het vanuit die gevangenis ’n aanval op oud-president De Klerk geloods en hom daarvan beskuldig dat hy in 1993 optrede teen ’n vermeende terreurbende in Umtata gemagtig het waarin twee kinders van twaalf jaar oud, Mzwandile Mfeya en Sandiso Yose, gesterf het.

Hierdie inligting is afkomstig uit getuienis wat die vorige hoof van die SAW, Generaal Georg Meiring, voor die Waarheids- en versoeningskommissie gelewer het.

In ’n voorbladberig in vandag se Sunday Times word De Klerk ook daarvan beskuldig dat hy vergaderings van die destydse Staatsveiligheidsraad bygewoon het waarin die volgende kwessies ter sprake was:

die stigting van ’n sogenaamde “Derde Mag”;
hoe om ’n lys van “polities sensitiewe persone” korter te maak;
hulp aan die Inkathavryheidsparty om ’n “paramilitêre mag” daar te stel.

De Klerk het hom vandeesweek probeer verdedig teen ANC-beskuldigings tydens ’n perskonferensie waar hy gekla het dat “die stories my reputasie verskriklike skade aangedoen (het, omdat) dit poog om dit moeilik te maak vir my om aan te hou om ’n konstruktiewe rol nasionaal en internasionaal te speel.”

“En dit het die potensiaal om my materiële belange ernstig en negatief te beïnvloed,” het hy verder gesê. De Klerk was die afgelope aantal jare gereeld ’n genooide spreker in die buiteland waar hy as gewese staatshoof teen betaling toesprake gelewer het. Waarskynlik is dit waarna hy verwys met sy “materiële belange”.

FW… in die spervuur

Verdere bewerings wat nou teen De Klerk gemaak word, is dat hy op 20 Desember 1985 ’n buitengewone vergadering van die Staatsveiligheidsraad in Tuynhuys bygewoon het lede van die kabinet, onder andere Magnus Malan, Louis le Grange en Chris Heunis teenwoordig was en waar besluit is om hulp aan die IVP te verleen om ’n “veiligheidsmag” op die been te bring.

Vyf maande later is besluit dat vervoer vir die IVP-mag deur die amptelike veiligheidsmagte verskaf moet word. “Dit moet bereid wees om onpopulêr te wees en selfs gevrees te word sonder om die beeld van die SAW en die SAP af te takel,” het ’n dokument tydens die WVK blykbaar gelui.

Op 14 Julie 1986 en 8 September 1986 het De Klerk twee ander vergaderings van die Staatsveiligheidsraad bygewoon waar optrede teen ’n lys van “polities sensitiewe persone” bespreek is. Die vergadering het besluit dat die “lys van polities sensitiewe persone verkort moet word en dat metodes buiten aanhouding oorweeg moet word”.

Deur die ANC se voorneme om De Klerk, oud-minister Adriaan Vlok en Johan van der Merwe te vervolg, wil dit voorkom asof ’n nuwe propagandaoorlog tussen dié beweging en die destydse NP-onderhandelaars losgebars het. Intussen berig Rapport dat ’n slagoffer van ANC-terreur, Mnr. Dirk van Eck (58) en sy seun, Erick (22), die nasionale vervolgingsgesag per brief gevra het “om die saak teen oud-minister Vlok en Van der Merwe te laat vaar. Indien dit nie laat vaar word nie, wil hulle vra dat soortgelyke vervolging ingestel word teen ANC-leiers wat die opdrag gegee het vir Operasie Kletswayo, die landmyn-ontplof- fing wat lede die Van Eck- en De Nysschen- gesin op ’n private wildplaas in Limpopo aan flarde geruk het.”

Die Van Eck-gesin staan sal in hul regsaksie deur Afriforum, ‘n afdeling van die vakbond Solidariteit, bygestaan word. Dis bekend dat die hoof van Solidariteit, mnr. Flip Buys, asook die Afrikanerbond, nou met die FW de Klerk-stigting skakel en ook voorheen saam aan gesprekke met die ANC deelgeneem het.

Die vraag is egter of die Nasionale Vervolgingsgesag onder mnr. Bulelani Ncguka, wat reeds sy posisie in die Zumageval misbruik het, bereid sou wees om ANC-ampsdraers te vervolg op grond van klagtes wat deur blanke Afrikanerslagoffers gelê word.

Die twee persone wat die landmyne geplant het waarin Van Eck se gesin beseer is en sy vrou uiteindelik dood is, Mzondeli Euclid Nondula en Nthetheleli Zephania Mncube, het kwytskelding van die WVK ontvang. Hoewel die ANC ‘n dag na die ontploffing oo 15 Desember 1985 aanspreeklikheid daarvoor aanvaar het, het geen ANC-leier nog ooit vir amnestie aansoek gedoen nie.

Volgens Van Eck het hy “nie ’n probleem met Mncube en Nondula nie. Hulle was marionette. Ek het ná die WVK gevoel dit is aan albei kante afgehandel. Totdat die nasionale vervolgingsgesag vroeër vanjaar die ou wonde begin oopkrap het.”

Maar hy voel dat die verantwoordelike leiers van die ANC ook aan die pen behoort te ry as individue soos Vlok en Van der Merwe tans aangekla word.

Hy sê: “Ek het besluit genoeg is genoeg. Dit gaan nie oor my belange nie. Dit gaan oor die regering wat weer van voor af die nasie begin polariseer deur eensydig op te tree.”

Van Eck sou graag wou hê dat die boek van die verlede toegemaak moet word en dat geen verdere vervolgings van beide kante ingestel behoort te word nie.

Met sowel die howe as die nasionale vervolgingsgesag wat intussen met ANC-lojaliste getransformeer is, is dit egter moeilik om te sien hoe Afriforum namens ANC-slagoffers hofsake met dieselfde selfvertroue as die ANC gaan voer. Die ANC se beheer oor die howe het veral tydens die Ermelo-saak teen Afrikaans na vore gekom waar die hoofregter in die Transvaalse Hooggeregshof, Bernard Ngoepe, summier ‘n vorige bevinding van ‘n blanke regter omver gewerp en sonder opgaaf van redes vir Hoërskool Ermelo gedwing het om intussen Engelse klasse in te stel.

Die dreigement van teenvervolgings vanuit die De Klerk-kamp mag dus redelik tandeloos blyk.

Лобановский

Uraanontginning raak warm in Niger

Uraanmyn, Niger

Niger het Woensdag besluit om die direkteur van die Franse groep Areva, die grootste privaatinstelling wat werk verskaf in die land, die deur te wys. Die direkteur, Dominique Pin, word daarvan beskuldig dat hy die Toeareg-rebellie in die noorde van Niger gefinansier het. Areva is die wêreld se grootste siviele kernkragonderneming. Pin het die bewering intussen ten skerkste ontken.

Die maatskappy het Donderdag onthuts gereageer op die uitsetting. Hulle meen dat daar absoluut geen regverdiging vir die staat se optrede kan wees nie. Die kwessie word gekenmerk deur ‘n "klimaat van wedersydse misverstande", volgens ‘n segspersoon van Areva. Hulle is al 40 jaar lank besig met die ontginning van uraan in Niger.

Hy het voorts gesê: "Die groep wil ‘n belangrike rol bly speel in die ekonomiese en maatskaplike ontwikkeling van die land. Daarom moet veiligheid en stabiliteit in Niger so gou moontlik heers."

Die minister van sekurtiteit, Albadé Abouba, het glo die uitsettingsbevel gegee, nadat daar bevind is dat Pin bande met Toeareg-rebelle se beweging, in Frans bekend as die MNJ, het. Daar is egter nog geen amptelike verklaring oor die aangeleentheid uitgereik nie.

Tans is daar Chinese en Kanadese maatskappye teenwoordig in dieselfde bedryf, alhoewel die Franse nog kort gelede as gunsteling aangedui is. Areva het ook onlangs bekend gemaak dat hulle ‘n miljard euro sal investeer in die Imouraren-myn. Desnieteenstaande lyk dit asof goeie verhoudinge nie meer as vanselfsprekend sal geld nie.

‘n Week gelede is ‘n "televisiedebat" uitgesaai waarin twee afgevaardigdes die lugtyd gebruik het om Areva, RFI en France24 aan te val. RFI (Radio France Internationale) se lugtyd op FM is ook afgesny. Libië, ‘n buurland, het daarna deurgeloop. Die uitsending het daartoe gelei dat duisende mense die volgende dag teen Areva en Libië gaan betoog het in Niamey.

Die rebelle het ondertussen Chinese maatskappye daarvan beskuldig dat hulle die weermag van Niger finansier en van toerusting voorsien. Hulle het selfs ‘n Chinese werknemer by een van die Chinese ondernemings ontvoer en ‘n week later weer vrygelaat, in protes daarteen.