Praag – Bladsy 26 – praag.co.za

Swartman verkrag 16-jarige in Johannesburg, vra om verskoning

'n 29-jarige swartman is Woensdag gearresteer in Johannesburg vir die beweerde verkragting van 'n 16-jarige meisie, het polisie gesê.

Kaptein John Maluleka het gesê die man het na bewering die meisie Dinsdag verkrag by die Manhattan-woonstelle op die hoek van Plein- en King Georgestrate omstreeks elfuur die oggend.

"Volgens die meisie het die man haar om verskoning gevra nadat hy haar verkrag het, en aan haar gesê het dat hy 'n kondoom aangehad het. Hy het haar R30,00-omkoopgeld aangebied om stil te bly. Ons het die kondoom gevind en dit gestuur vir forensiese toetse," het Maluleka gesê.

Die man wat van verkragting aangekla gaan word behoort na verwagting Vrydag in die Johannesburgse landdroshof te verskyn.

ігри для дєвачек

DA-webwerf van lyn af weens rekenaarwurm

Die Demokratiese Alliansie se webwerf is vir die laaste week al van lyn af en sal waarskynlik so bly, vanweë 'n "wurm" wat geplant is deur 'n onbekende Suid-Amerikaanse kraker.

Pogings om die werf te besoek laat 'n boodskap vertoon wat sê dat dit werf nie aanlyn is nie, "nadat dit deur 'n kraker gekompromitteer is".

Die DA-direkteur vir verhoudingsbestuur, Anthony Hazel, het Vrydag aan SAPA gesê dat 'n tydelike "mini-webwerf" binne 'n week op en in werkende toestand sal wees, en dat 'n nuwe kraakbestande webwerf teen Oktober vanjaar weer in werking sal wees.

Op vrae of die party die verantwoordelike persone kon opspoor, het hy gesê dat dit duur kos om die krakers se spoor te volg, aangesien hulle hul spore goed uitgevee het.

DA-woordvoerder, Lindiwe Mazibuko, het gesê dat iemand die rekenaarwurm etlike maande terug in die rekenaarstelsel geplant het, en "elke keer wat ons die probleem herstel, dupliseer die wurm homself weer".

"Ons het dit opgevolg tot êrens in Suid-Amerika."

'n Wurm is 'n program, of algoritme wat homself dupliseer binne 'n rekenaarnetwerk en al die bronne binne die sisteem opgebruik.

free online bonus no deposit Данильченко Харьков

Ontsnapte gevangene weer aangekeer

'n Verhoorafwagtende gevangene wat ontsnap het van die selle in Port St. Johns se landroshof is weer gearresteer in die Godini-woongebied, het Oos-Kaapse polisie Dinsdag gesê.

Kaptein Zamukulungisa Jozana het gesê die 26 jarige man is gearresteer by sy wegkruipplek gedurende 'n polisieklopjag in die woongebied teen drieuur die middag.

Hy het op 1 Desember verlede jaar saam met 5 ander uit wettige aanhouding ontsnap.

"Die 6 verhoorafwagtende gevangenes het 'n polisiebeampte oorweldig en sy dienspistool, 'n Z88 en 14 rondtes ammunisie gesteel," het Jozana gesê.

Vyf van die gevangenes is gedurende Desember weer gevang naby Umthathat Ultra City.

Voor die ontsnapping het gevangenes gewag vir verhore op klagte van moord, gewapende roof en kaping.

fruit warp Данильченео

ANC-leiers bevestig eie regsaksie om Zuma te red

Jacob Zuma

Die ANK se nasionale werkskomitee het hulle voorberei om "heeltemal betrokke" te raak by die korrupsiesaak teen ANK-president Jacob Zuma, het 'n woordvoerder Dinsdag gesê.

"Ons beoog om ten volle betrokke te raak. Die ANK het die siening dat hy betrokke sal raak by die regsopsies van die resident. Die situasie van die president raak die ANK," het woordvoerder Carl Niehaus gesê.

Op vrae van hoe die ANK betrokke sou raak in die bedrog en korrupsiesaak, het Carl Niehaus geantwoord: "Die res van dit word net spekulasie. Ons kyk steeds na ons opsies met die regsadviseurs."

Die nasionale werkskomitee het Maandag 'n vergadering gehou om verskeie sake te bespreek, insluitend die hangende saak teen hulle presidentskandidaat vir vanjaar.

"Die gesprekke was nie werklik enige iets wat nie in die loop van die laaste week gesê is nie… ons gaan by die regsproses aansluit en het ons regslui opdrag gegee en oorweeg ons opsies," het Niehaus gesê.

Verlede week het die appèlhof uitspraak gelewer in die guns van die nasionale vervolgingsgesag, en gevolglik die klagte van korrupsie, bedrog, geldwassery en afpersing teen Zuma weer ingestel.

Sy regsopsies sluit nou in 'n appèl in die konstitusionele hof en 'n aansoek dat die klagte teen hom permanent teruggetrek kan word.

iron man 2

Rwandese troepe steek Kongolese grens oor om Hoetoe-milisie te beveg

Rebellesoldate in die Kongo

Meer as 1500 Rwandese soldate het die grens oorgesteek na die oostelike Kongo toe, en hulle aangesluit by die Kongolese magte in 'n poging om die Hoetoe-rebelle wat deelgeneem het aan die 1994 volksmoord in Rwanda uit te wis, het amptenare gesê.

'n Kongolese regeringswoordvoerder, Lambert Mende, het gesê die Rwandese magte het Dinsdagoggend aangekom vir 'n gesamentlike militêre operasie wat tot 15 dae kan duur.

"Ons het gevra dat die Rwandese weermag deelneem aan die ontwapeningsoperasie teen die Hoetoe-milisie, wat reeds begin het," het Mende gesê.

In 'n rare voorkoms van samewerking, skerp die twee nasies pogings op teen die Hoetoe-milisie wat reeds geruime tyd die streek gedestabiliseer het. Ten spyte daarvan was nie een van die lande in staat daartoe om die Hoetoe-rebelle wat reeds in 1994 na die Kongo toe gevlug het, uit te wis nie.

Die Hoetoe-rebele, wat gehelp het om die volksmoord te pleeg waarin meer as 500 000 etniese Toetsies en gematigde Hoetoes vermoor is, het onaangeraak in die Kongo gebly, waar hulle swaar bewapen is en ook in beheer verkeer van die winsgewende myne in afgeleë heuwels en woude.

Die Hoetoe-milisie het burgerlike mense geterroriseer, aan Toetsierebelle 'n rede gegee om aan te hou veg en ook veroorsaak dat Rwanda die Kongo in 1996 en 1998 binnegeval het.

Die VN-sending in die Kongo het gesê hulle is nie betrokke by die operasie nie, maar het bevestig dat dit voortgaan. Die VN-vredesmagte se woordvoerder, lt.kol. Jean-Paul Dietrich, het gesê tussen 1500 en 2000 Rwandese soldate het die grens oorgesteek.

одежда для младенцев

SAL-bemanning aangekeer weens 50 kg dagga

Die vlieënier en hele bemanning van 'n SAL-vliegtuig is Dinsdag gearresteer nadat 50 kilogram dagga op 'n vlug van Johannesburg na Londen se Heathrow-lughawe gevind is, het doeanebeamptes gesê.

Die dwelms, wat sowat 150 000 pond werd is, is deur beamptes van die Britse grensagentskap (BGA) gevind, het 'n woordvoerder vir haar majesteit se inkomste en doeane diens (HMID) gesê.

Die dwelms is gevind in drie stukke bagasie. Die mense wat gearresteer is op die vliegtuig, wat om 8:00 op Londen se hooflughawe geland het, sluit in die vlugbemanning en kajuitbemanning het hy gesê.

"Toe die bemanning deur 'n doeaneklaringspunt beweeg het, het BGA-amptenare 'n hoeveelheid dagga in drie tasse gevind," het woordvoerder Bob Gaiger aan AFP gesê.

Die hele bemanning van die vliegtuig is gearresteer en word nou in aanhouding gehou en ondervra deur HMID," het hy bygevoeg, en bevestig dat die vlieënier ook een van die aangehoudenes is.

"Onderhoude sal gevoer word en sal waarskynlik oorloop na môre toe, waarna ons sal besluit of ons enige iemand sal aankla, of van die mense sal vrylaat, op borgtog indien nodig," het hy gesê.

Geen verdere besonderhede is beskikbaar nie, maar die woordvoerder het beklemtoon hoe ernstig die Britse doeanediens sulke dinge opneem.

"HMID, tesame met die BGA speel 'n belangrike rol in die stryd om onwettige dwelms te verhoed om die land in te kom, en om ons gemeenskappe te beskerm teen die geweld en korrupsie wat altyd dié afstootlike handel vergesel," het hy gesê.

Фільчаков прокурор

Obama soek streeksbondgenote om Afghanistan te stabiliseer

Clinton, die VSA se nuwe buitelandse minister

President Barack Obama lyk ingestel daarop om 'n streeksdiplomatieke strategie te volg, sowel as 'n militêre, om Afghanistan en Pakistan te verhoed om nuwe veilige hawens vir teen-Amerikaanse militante te word.

Ten spyte van sy planne om nog duisende soldate na Afghanistan te stuur om stabiliteit te probeer verseker, blyk dit dat die Obama-administrasie na die advies van kenners luister en daarvan bewus is dat 'n militêre oplossing op die lang termyn nie moontlik is nie.

Hillary Clinton, Obama se keuse vir minister van buitelandse sake, het verlede week nagelaat om 'n militêre oorwinning te noem.

Clinton, wat voor 'n senaatbevestigingsverhoor verskyn het, het in die plek daarvan gepraat van die "toepassing van 'n breë strategie in Afghanistan, wat bedreigings teen ons veiligheid verminder en die vooruitsigte op stabiliteit en vrede verhoog".

"Ons sal al die elemente in ons mag gebruik – diplomasie, ontwikkeling en verdediging – om saam met daardie mense in Afghanistan en Pakistan te werk wat Al Kaida, die Taliban en ander geweldaddige ekstremiste wil uitwis," het Clinton gesê.

Oorblyfsels van die Taliban-regering, wat in die Amerikaans geleide inval in 2001 omvergegooi is om Al Kaida-militante uit te dryf, voer nou 'n insurgensie teen die Amerikaans ondersteunde regering van die Afghaanse president Hamid Karzai.

Daar is omtrent 70 000 Amerikaanse en ander buitelandse soldate in die land wat sy aan sy veg met Afghaanse veiligheidsmagte om die Taliban te onderdruk.

Clinton het die nodigheid van breër ondersteuning erken, en het ook gesê dat sy bemoedig is deur die feit dat die nuwe Pakistanse regering verstaan dat die ekstremiste binnelande stabiliteit bedreig, en dat "dit hulle eie geveg is, en nie net ons s'n nie".

Clinton het opmerkings van generaal David Petraeus, uitgaande president Bush se bevelvoerder vir die streek, sowel as senators en ander mense beaam met haar stelling dat lande in dié gebied aan boord gebring moet word vir 'n oplossing.

'n Oplossing vereis 'n streeksbenadering… wat insluit Pakistan, Indië, die sentraal-Asiese state en selfs Sjina en Rusland, dalk selfs saam met Iran op een punt vorentoe," het Petraeus gesê.

керамические коронки

Kortlys van vyf vir UV-rektorskap

'n Kortlys van vyf kandidate vir die pos van rektor en vise-kanselier vir die Universiteit van die Vrystaat, is saamgestel, het die instelling aangekondig.

UVS se waarnemende rektor, Professor Teuns Verschoor, sê die proses om die nuwe rektor en visekanselier aan te wys is aan die gang en die keurkomitee het 'n kortlys van vyf kandidate uit 26 saamgestel.

“Die aansoeke wat op die 2de Desember 2008 gesluit het, is deur 'n onafhanklike maatskappy wat in die werwing van uitvoerende en senior akademiese poste spesialiseer, ontvang. Die amp is plaaslik as ook internasionaal geadverteer.”

Verschoor sê die onderhoude met die vyf kortlyskandidate sal vroeg in Februarie gehou word.

“Hierdie kandidate is breedweg verteenwoordigend in terme van ras en geslag,” sê hy in 'n verklaring.

Verschoor sê dat drie kandidate na die onderhoude genooi sal word om hulleself aan die universiteitsgemeenskap voor te stel tydens 'n openbare sessie sodat elkeen sy of haar visie van die rol van rektor en vise-kanselier van die UVS kan verduidelik.

“Hierdie verskynings sal in die middel van Februarie plaasvind.”

Die Kongres van Suid-Afrikaanse Vakbonde in die Vrystaat het ook onlangs by die UVS aangedring om iemand aan te stel wat transformasie na die instelling sal bring.

Provinsiale sekretaris Sam Mashinini sê die vakvereniging was steeds besorg oor bestuurstrukture wat “ongetransformeer bly” en oor die “ou garde wat rassisme laat gedy het.”

Mashinini sê die feit dat Afrikaans steeds gebruik word om teen ander studente te diskrimineer, is onaanvaarbaar.

“Ons doen 'n beroep op die strukture om iemand aan te stel wat transformasie na die instelling sal bly en verder sal gaan as om op papier te skryf maar 'n persoon sal wees wat ook sulke beleide sal implementeer,” sê hy.

Markt

Fiat-aandele styg n? ooreenkoms met Chrysler

Fiat se aandele het 'n styging van 3,5 persent getoon nadat die Italiaanse motorvervaardiger aangekondig het dat hulle 'n ooreenkoms onderteken het wat vir hulle 35 persent van die Amerikaanse motorgroep, Chrysler, gee in ruil vir tegnologie.

Nadat die maatskappy se aandele opgehef is op die aandelebeurs in Milaan hangende die aankondiging, het Fiat se aandele tot 4,64 euro's gestyg.

casino online

Ek is dronk, jy mag my nie ontslaan nie

Peru se hoogste hof het bevind dat werkers nie ontslaan mag word indien hulle dronk op hulle pos is nie. Die bevinding het baie kritiek van die regering uitgelok dat dit 'n gevaarlike president kan skep.

Die konstitusionele tribunaal het beveel dat Pablo Cayo weer in sy pos as gebou-opsigter by die munisipaliteit van Chorillos aangestel moet word. Cayo is ontslaan nadat hy dronk by die werk was.

Die ontslag was onbillik, aangesien hy in weerwil van sy dronkenskap niemand beseer het of aanstoot gegee het nie, het Fernando Calle, een van die regters gesê.

Calle het gesê dat die hof nie hulle uitspraak sal hersien nie, ten spyte van die regering se besware.

"Dit is nie 'n goeie idee om reëls in die werksplek te verslap nie," het die minister van arbeid, Jorge Villasante, gesê.

Celso Becerra, die administratiewe hoof van Chorillos, 'n voorstad van Lima, het die uitspraak sterk gekritiseer.

"Ons het al vier werknemers ontslaan omdat hulle dronk by die werk opgedaag het en twee van hulle was voortuigbestuurders," het hy gesê. "Hoe kan ons 'n dronk bestuurder toelaat om te werk as hy dalk iemand kan raakry?"

free casino games

Soektog aan die gang vir snelwegmoordenaars

'n Man is Maandagmiddag doodgeskiet nadat hy stilgehou het om sy vriend, wie se motor onklaar geraak het te help, het die Gautengse polisie gesê.

Konstabel Patricia Simelane het gesê die voorval het omstreeks 12:00 plaasgevind op die Krugersdorpsnelweg naby die afrit na Hartbeespoort en Sandton, langs die Diepsloot-informele woongebied.

"n Man was op pad van Krugersdorp na Pretoria toe sy kar gebreek het. Hy het sy vriend geskakel om hom te kom help," het Simelane gesê.

Terwyl hy vir sy vriend gewag het, het hy onder die Jeep ingekruip om te sien of hy die water- en olielek kon herstel.

"Die vriend het opgedaag toe hy nog onder die kar was," het Simelane gesê.

"Hy kon hom hoor argumenteer met mense; sy vriend het aanhoudend gesê, "los my uit, los my uit" waarna 'n skoot gehoor is en sy vriend gesê het: "Help, help, ek is geskiet."

Die man is op die toneel dood.

Die aanvallers het die gestrande motoris deursoek en R5 000 en sy selfoon geneem.

"Die man kon ne onthou of daar drie of vier aanvallers was nie. Nadat hulle hom beroof het, het hulle in Diepsloot in gehardloop. Hulle het nie eers die selfoon van die man wat hulle geskiet het, geneem nie," het Simelane gesê.

'n Polisiehelikopter is ontplooi om na die mans te soek, maar tot dusver is geen arrestasies gemaak nie.

play casino online Фильчаков

Vrede in Gasastrook hou vir die tweede nag

'n Broos skietstilstand in Gasa het vir 'n tweede nag gehou terwyl Israel nog soldate uit die gebied onttrek het. Na verwagting sal Israel heeltemal teen Dinsdagmiddag heeltemal uit die gebied onttrek wees.

Geen vuurpyle het in Israel geland in die nag nie, en Israel het ook gsen vergeldingsaanvalle geloods nie, het 'n militêre woordvoerder gesê en bygevoeg dat die laaste vuurpyl omstreeks 17:00 Sondag na Israel afgevuur is.

"Ons gaan voort met die onttrekking," het die woordvoerder gesê en ook opgemerk dat daar nog soldate in die strook agtergebly het. Israel mag die onttrekking finaliseer teen die tyd wat die inhuldiging van Barack Obama as Amerikaanse president begin.

Die seremonie is geskeduleer om teen 17:00 Midde-Oosterse tyd te begin, maar beamptes kon nie die afsnytyd bevestig nie.

Die meeste reserwesoldate wat opgeroep is vir die veldtog in Gasa, wat daarop gemik was om die vuurpylaanvalle te staak, sou na verwagting Dinsdag van diens vrygestel word.

Die Israelse weermag het ook begin met ondersoeke na die insidente van operasie "Cast Lead", insluitend dié waarin burgerlike families dood is.

Stellenbosse meisieskool verkoop skilderye om geld in te samel

Plakkaat van Bonhams met Laubser-skildery

Drie waardevolle skilderye wat aan een van Stellenbosch se topskole, Hoërmeisieskool Bloemhof, behoort, gaan in Londen op 'n veiling verkoop word, deels om onderwysers te help om die dorp se hoë eiendomspryse te bowe te kom.

Die skilderye gaan op 18 Februarie deur die Londense veilingmaatskappy Bonhams verkoop word en behoort na raming sowat R2,9 miljoen tot R4,4 miljoen te haal, volgens Bonhams se skattings.

Die opbrengs van die veiling gaan waarskynlik deur die skool aangewend word om eiendom in Stellenbosch aan te koop wat deur die skool se personeel gebruik kan word.

Met die stygende eiendomspryse in die laaste paar jaar kan min van die onderwysers dit bekostig om in Stellenbosch te woon, wat dit moeilik maak om personeel te werf en te behou.

Die skilderye behoort aan 'n trust wat ondersteun word deur voormalige leerlinge tot die voordeel van die skool. Die trustfonds se kunsversameling bevat meer as 45 werke wat geskenk is deur voormalige leerlinge oor die vorige 3 of 4 dekades.

Van die werke wat verkoop gaan word, is "'n Indiese meisie met pointsetias" deur Maggie Laubser, wat deur Bonhams geskat word om tussen 100 000 en 150 000 pond te behaal.

Die ander werke is "Golden Gate, Clarens" 'n landskapskildery deur J H Pierneef wat geraam word op 60 000 tot 90 000 pond en 'n werk van Alexis Preller, getiteld "Stillewe met krokodil", wat na verwagting behoort te verkoop vir tussen 40 000 en 60 000 pond.

игры для девочкам

Kwazulu-Natalse saadskenkings word verkoop vir geld

Saadpakke wat bedoel is om arm gesinne te help om hulle eie groente te verbou as teenvoeter vir die stygende voedselpryse word nou onwettig vir kontant verkoopo, het die KwaZulu-Natalse departement van landbou Maandag gesê.

"Twee ou dames het Saterdag aan ons kom sê dat daar indiwidue is wat geld vra van die mense wat veronderstel is om voordeel te trek uit die voedselsekerheidskema."

"Die inisiatief was bedoel vir die arm publiek… nie die paar inhalige kriminele wat hulleself wil verryk ten koste van die arm mense nie," het woordvoerder Khulekani Ntshangase in 'n verklaring gesê.

Die departement het die R40-miljoenprojek verlede jaar ingestel ná die voedselpryse konstant gestyg het. Plaaslike munisipaliteite, stamleiers en kerkorganisasies is betrek om die kwesbare mense te identifiseer. Dié gesinne moes dan van saad en gereedskap voorsien word. Pleks daarvan dat die goedere verniet versprei is, het individue wat die taak moes verrig geld vir die saadpakke gevra.

Ntshangase het gesê dat die betrokke partye wat sulke misdade pleeg nog nie geïdentifiseer is nie.

the 100 online