Nuus – Bladsy 256 – praag.co.za

Geweld in Kenia toe Kibaki wen

Gisteraand het die Keniaanse verkiesingskommissie aangekondig dat president Mwai Kibaki vir ŉ tweede termyn verkies is te midde van bewerings dat die regering stembedrog gepleeg het. Dodelike onluste het die naghemel verlig soos wat woedende jong swartes huise afgebrand het en geskree het: “Kibaki moet weg!”

Nie lank na die aankondiging van die uitslag nie, het die regering lewendige TV-uitsendings gestaak en het gewelddadige onluste in die plakkerskampe waar duisende opposisieondersteuners woon, uitgebreek. Ten minste 15 mense is dood in gevegte dwarsoor die land, het die polisie en waarnemers gesê, maar waarskynlik was die dodetal hoër.

Die land gaan in ŉ oorlogsone verander,” het Elisha Kayugira gesê terwyl hy deur die Kibera-plakkersgebied hardloop op soek na sy suster, met swart rookkolomme wat bokant die kajas en doolhowe van grondpaadjies die lug in styg.

Lees ook: Geweld in Kenia weens stadige stemtellery

хамам что это

Geweld in Kenia weens stadige stemtellery

Keniaanse opposisieondersteuner

Nairobi – Kenia se opposisiekandidaat het ŉ beroep op president Mwai Kibaki gedoen om te erken dat hy Sondag verloor het in die naaste presidentsverkiesing in die land se geskiedenis. Hy het hom ook van verkiesingsbedrog beskuldig nadat die chaotiese stemtellery wydverspreide geweld en bedrogvrese ontketen het.

“Die regering het alle legitimiteit verloor en kan nie langer regeer nie,” het Raila Odinga Sondag 30 Desember gesê, drie dae na die verkiesing.

Ondinga beskik tans oor ŉ naelskraapmeerderheid van 38 000 stemme, maar die verkiesingskommissie het die verwagte aankondiging van die uitslag Saterdagaand opgeskort met die belofte dat dit bewerings van bedrog gaan ondersoek. Indien Kibaki verloor, sal hy die eerste dienende president wees om by die stembus uitgeknikker te word.

Kibaki se Party van Nasionale Eenheid het ŉ beroep op geduld gedoen totdat Keniaanse Verkiesingskommissie die amptelike uitslag aankondig.

“Geen ander liggaam het regsbevoegdheid om die uitslag aan te kondig nie,” het die PNE in ŉ verklaring gesê. “Ons moet almal geduldig vir die Keniaanse Verkiesingskommissie se verklaring wag.”

Intussen het duisende mense vir die tweede dag die strate van die Keniaanse hoofstad ingevaar om uiting aan hul woede te gee oor die oponthoud in die aankondiging van die land se volgende president. Ten minste drie mense is Saterdag gedood, het die polisie gesê.

“Dis ons gewere,” het die 24-jarige Cliff Owina gesê terwyl hy ŉ hand vol klippe omhoog hou in die Mathareslum waar jong mans besig was om padblokkades op te stel en vure aan die brand te steek. “Maar die stembrief is ons atoombom.”

Ander weer het geskree: “Kibaki moet weg!” terwyl hulle pangas in die lug rondswaai en daar rondom busse en winkels afgebrand word.

Vanuit Washington het ŉ segsman van die Amerikaanse Buitelandsesakedepartement die geweld ten sterkste afgekeur.

“Ongeag die eventuele wenners in dié verkiesing, doen ons ŉ beroep op alle Keniane regoor die politieke spektrum om saam te werk ter bevordering van demokrasie en nasionale ontwikkeling,” het hy gesê.

Saterdag het albei partye aangekondig dat hulle die verkiesing gewen het maar die verkiesingskommissie het gesê dat die tellery nog nie voltooi was nie. Ten spyte van albei partye se pleidooie dat die uitslag spoedig bekendgemaak word, het die voorsitter, Samuel Kivuitu gesê dat hy die aankondiging van die uitslag tot die volgende oggend gaan opskort om die bedrogbewerings te ondersoek.

Alexander Graf Lambsdorff, die hoof-Europeseverkiesingsmonitor, het ook Sondag sy kommer uitgespreek oor die telproses en gesê daar “hang ŉ groot vraagteken oor die kontrole van die uitslae”.

Ons waarnemers is by verskeie kontrolesentra weggewys sonder dat hulle die uitslae ontvang het,” het hy gesê.

Die polisiekommissaris, Hussein Ali, het vir kalmte gevra en beklemtoon: “Daar kan geen demokrasie wees waar mense dink dat hulle hul tot openbare geweldpleging kan wend nie.”

“Om verkiesing te hou, beteken nie dat die wet opgeskort is nie,” het hy gesê.

Honderde mense het gesterf in verkiesingsverwante konflik oor die maande in aanloop tot die stemmery en verskeie diplomate het hul kommer uitgespreek dat ŉ naelskraapse oorwinning aan enige kant tot onluste kan lei. Maar die meeste waarnemers het gesê dat die stemmery self oënskynlik ordelik verloop het, met geen beduidende onderbrekings waaroor berig is nie, hoewel hulle onwillig was om enige finale verslae uit te reik totdat die kommissie ŉ wenner sou aanwys.

Kiviutu, die voorsitter van die verkiesingskommissie, het erken dat daar probleme was, waaronder ŉ kiesafdeling waar die stempersentasie 115% was en ŉ ander waar ŉ kandidaat met die stembriewe weggehardloop het.

Donderdag se stem het Kibaki teen Ondinga opgestel, ŉ flambojante miljoenêr wat hom as segsman vir die armes voorhou. Dit was die land se mees mededingende verkiesing sedert onafhanklikheid van Brittanje.

Kibaki is van Kenia se grootste etniese groep, die Kikoejoe, terwyl Odinga van die tweede grootste groep, die Luos, afkomstig is; hulle is armer en voel hulself polities uitgesluit.

Odinga, ŉ vurige 62-jarige en voormalige politieke gevangene, het belowe om verandering te bring en hulp aan die armes te verskaf. Sy belangrikste steunbasis is Kibera waar ten minste 700 000 mense in uiterste armoede leef en wat ook die toneel was van die meeste onluste Saterdag.

Ondersteuners van die 76-jarige Kibaki meen dat hy Kenia se sukkelende ekonomie in ŉ Oos-Afrikaanse groeipunt omskep het, met ŉ gemiddelde groeikoers van 5 persent en ŉ florerende toerismebedryf. Hy het in 2002 ŉ wegholoorwinning oor die berug korrupte Daniel arap Moi behaal, wat grondwetlik verhoed daarvan verhoed is om sy termyn te verleng.

Maar Kibaki se teenkorrupsieveldtog word grotendeels as ŉ mislukking gesien en die land sukkel steeds met armoede en stamverdeeldheid. Nadat die opposisie die meeste parlementêre setels ingepalm het, mag hy dit moeilik vind om te regeer indien hy sou wen.

Vir enige van die twee kandidate om te wen, moet hy die meeste stemme kry, asook 25 persent van die stemme in vyf uit agt Keniaanse provinsies, ŉ maatreël wat bedoel is om te verseker dat ŉ president ŉ mate van steun in die hele land en sy vele stamme geniet.

сварочные

Mbeki ‘onderworpe aan Luthulihuis’-Masetlha

Die vorige hoof van die Nasionale Intelligensiediens, Billy Masetlha, wat so pas verkies is tot die ANC se nasionale uitvoerende komitee (NUK) sê dat president Thabo Mbeki en sy kabinet van hul regeringsposisies “herroep” mag word tensy hulle teenoor Luthulihuis “verantwoording kan doen”, het die sakekoerant Business Day gister berig.

Volgens die berig het Masetlha gesê dit sou gebeur omdat ANC-lede na regeringsposte ontplooi word en nie direk tot openbare posisies verkies word nie.

Masethla het Donderdag aan ŉ byeenkoms van die veteranevereniging van die ANC se onbinde militêre vleuel, Umkhonto weSizwe, gesê dat die volgende paar maande “baie moeilik” gaan wees indien die regering bloot voorgee om ANC-besluite wat by die belangrike 52ste partykongres geneem is, wat tot gevolg gehad het dat Mbeki uitgestem is en Jacob Zuma tot die party se nuwe president verkies is.

Masetlha, wat deur Mbeki afgedank is, het ook gewaarsku dat daar “dissipklinêre stappe” teen die verdedigingsminister, Mosiuoa Lekota, en sy adjunk, Mluleki George, ingestel kon word weens hul gedrag in die aanloop tot en gedurende die konferensie in Limpopo verlede week.

Volgens die Business Day-berig, het die twee stoere Mbeki-ondersteuners in die openbaar teen Zuma standpunt ingeneem. Lekota het Zuma-ondersteuners gestriem deur te sê dat hulle nie “behoorlik dink” nie en skurke was deur ANC T-hemde met Zuma se gesig daarop te dra. George het ŉ massavergadering neffens die ANC-konferensie gehou en het na Zuma-ondersteuners as “neulendes” verwys wat gestuit moet word alvorens hulle die “revolusie” kaap.

Masetlha het gesê hoewel die ANC homself moet “heel” daar tog sekere “moeilike vrae” gevra moet word. “Ons is verkies in diens van die mense. Verantwoordbaarheid begin nou,” het hy gesê.

“Met alle respek aan die kabinet, hulle sal verantwoordbaar moet wees en as hulle die konferensiebesluite minag, moet hulle herroep word.”

подсветка картин и топкарго отзыв

VSA gekritiseer oor Bhutto-sluipmoord

Benazir Bhutto

Die sluipmoord op Benazir Bhutto het reeds wêreldwye reaksie ontlok en die staatshoofde van verskeie lande het hul afkeer daarvan uitgespreek. Maar toenemend word die VSA gekritiseer vir die gebeurtenis.

Die terugkeer van me. Bhutto na ŉ omgekrapte Pakistan is gesien as Washington se manier om druk op die Pakistanse president, Pervez Musharraf, uit te oefen. Binne die globale politieke spel was hy besig om na China se kant oor te hel met die bou van ŉ nuwe hawe in Gwadar waardeur dié land toegang tot die Arabiese see en die strategiese Golf van Oman waardeur die wêreld se olie vloei, sou verkry. China is ook besig om ŉ snelweg deur Pakistan na die hawe te bou.

Volgens ŉ voormalige segsman vir Bhutto en tans professor aan die Bostonse universiteit, Hussein Hakkani, kan Washington indirek geblameer word vir Bhutto se gebrek aan veligheid. Hy sê: “Mense soos ek het al spesifieke versoeke aan Amerikaanse amptenare gerig om in te gryp en het gevra vir duidelike veiligheidsmaatreëls om vir haar getref te word, maar hulle het verkies om op die Musharraf-regering te vertrou.” VS-ampternare het gesê hulle was onwillig om in ŉ ander land se huishoudelike sake in te meng en wou ook nie Washington se stempel van goedkeuring aan Bhutto gee nie.

Hakkani meen egter dat Musharraf, bowenal, vir Bhutto se dood geblameer kan word. “Dis heel duidelik dat Musharraf geen verkiesing wil hê nie – u kan my hieroor aanhaal – dit was hy wat enigeen wat hom of sy mag bedreig het uit die weg geruim wou hê.” In Oktober het Hakkani aan die Amerikaanse kongres gesê dat VS-hulp aan Pakistan vir te lank aan dei Pakistanse militêre regering verskaf is. “Sedert 1954 is byna $21 miljard aan hulp aan Pakistan gegee,” het hy aan die parlementêre komitee vir gewapende dienste gesê. “Hiervan is $17.7 miljard tydens militêre regering verskaf en slegs $3,4 miljard is aan Pakistan en die burgerlike regering oorhandig.”

Benazir Bhutto se terugkeer vanuit Doebai na Pakistan is gesien as ŉ regstreekse Amerikaanse ingryping in Pakistan. Maar terwyl Washington in die openbaar die deugde van demokrasie besing het en gehoop het dat Bhutto se terugkeer kon lei na magsdeling met Musharraf, was die VSA ook duidelik senuweeagtig oor die gedagte dat Musharraf geheel en al van die politieke toneel moet verdwyn. So iets sou tot presies die soort onstabiliteit in die land lei wat nou na Bhutto se sluipmoord gevrees word. Nie net is Pakistan die wêreld se grootste Moslemland nie, met elemente van Al Kaida en die Taliban wat wettelose bergagtige dele in die noordweste beheer, maar dit is ook die enigste Islamitiese staat met kernwapens. En hoewel Washington in die openbaar volhou dat Pakistan se kernwapens veilig is, is daar privaat kommer oor dié wapens, kommer wat ná Bhutto se sluipmoord gaan toeneem.

Sommige mense meen ook dat Bhutto ŉ doodswens gehad, aangesien sy bewus was van al die radikale Islamitiese elmente in die land wat teen haar terugkeer gekant was. Op 18 Oktober, die dag waarop sy na haar geboorteland teruggekeer het, het ŉ selfmoordbom in Karachi ontplof en meer as 140 mense gedood. Volgens Arsalan Iftikhar, ŉ bydraende redakteur van die tydskrif Islamica: “As jy die misdadige en korrupte in dieselfde kamp het, skep dit vreemde bedmaats. Op ŉ manier was Benazir op ŉ martelaarsending. Sy was gewillig om haar lewe vir die demokrasie op te offer.”

ŉ Voormalige vierstergeneraal in die Amerikaanse weermag, Anthony Zinni, het die gedagte dat Amerika vir Bhutto se veiligheid verantwoordelik was en haar sluipmoord kon verhoed het, verwerp. “Wil ons hê dat Blackwater (die Amerikaanse veiligheidsfirma in Irak) haar moet beskerm?” het hy gevra. “Ons het Pakistan verloor – in die mate waartoe ons dit verloor het en ek sou die land nog nie heeltemal afskryf nie – tydens die eerste Afghaanse oorlog, toe Washington nie die Afghan-Pakistangrens beskerm het nie. Ons het hulle daar in die steek gelaat. Hoewel ek geen ondersteuner van die Bush-regering is nie, kan mens nie dié regering blameer vir ŉ situasie wat hulle van die voriges geërf het nie.”

топкарго

Swerwers tussen arm lande

Volgens die Wêreldbank is die globale migrasie van armes besig om toe te neem. Nie net trek arm mense na ryk lande nie, maar hulle beweeg ook na ander arm lande waar toestande nie heeltemal so haglik soos in hul eie land is nie.

Daar bestaan 74 miljoen swerwers van “suid na suid”, aldus die Wêreldbank wat dié term gebruik om enigeen wat van ŉ ontwikkelend land na ŉ ander ontwikkelende trek te beskryf, ongeag geografie. Die bank beraam dat hulle tussen $18 miljard en $55 miljard per jaar huistoe stuur. Terselfdertyd skat die bank dat 82 miljoen trekvoëls van “suid na noord” getrek het, of van arm lande na ryk lande.

Ha?tiane stroom oor die grens om basiese lewensmiddele in die Dominikaanse Rep. te koop

Na raming het daar reeds tussen 4 en 6 miljoen Zimbabwiërs na Suid-Afrika getrek nadat hul land se ekonomie in duie gestort het weens “grondhervorming”. Elders in Afrika trek inwoners van Burkina Faso, een van die armste lande ter wêreld, na die Ivoorkus waar hulle op die kakaoplantasies werk.

Trekarbeiders van Nicaragua bou geboue in Costa Rica. Burgers van Paraguay werk op Argentynse plase. Nepalese word in Indiese myne aangewend. Sommiges spaar hul geld vir duurder reise na die ontwikkelde wêreld, maar ander kan slegs bekostig om van een arm land na ŉ volgende te trek. Met die ryk lande wat hul grense al strenger beheer, kan rondtrekkery binne die ontwikkelende wêreld net toeneem.

“Suid-suid-migrasie is nie net geweldig nie, dit bereik ook ŉ ander klas mens,” sê Patricia Weiss Fagen, ŉ navorser by Georgetown-universiteit in die VSA. “Diegene is baie, baie arm mense wat geld aan selfs armer mense stuur en hulle bereik dikwels baie landelike gebiede wat nie deur die meeste hulpgeld bereik word nie.”

Migrasie vanaf Haïti na die Dominikaanse republiek, die naburige staat op die Hispaniola-eiland, was histories omvangryk, langdurig en die oorsaak van konflik. Die Spaanssprekende Dominikane verwys steeds met woede na ŉ Haïtiaanse besetting wat in 1844 geëindig het. Die Kreoolssprekende Haïtiane verwys na 1937 toe ŉ Dominikaanse massamoord langs die grens die lewens van tienduisende Haïtiane geëis het.

Seisoenwerkers vanuit Haïti het bykans ŉ eeu gelede al aangekom om op die suikerplantasies te werk. Maar vele van hulle werk nou heel jaar deur op plase en stedelike boupersele wat hul sigbaarheid, asook die kanse op konflik, verhoog het. Skattings wissel, maar Dominikaanse amptenare stel die aantal Haïtiese swerwers op een miljoen, oftewel 11 persent van die bevolking.

Salige Kersfees aan al ons lesers!

PRAAG wens al sy lesers ‘n geseënde en aangename Kersfees toe. Dankie dat u getrou ons webwerf gedurende 2007 besoek het.

As u met vakansie is, ry veilig terug.

Kersliedjie

Drie outas het in die haai Karoo
die ster gesien en die engel geglo,
hul kieries en drie bondels gevat
en aangestryk met ‘n jakkalspad

al agter die ding wat skuiwend skyn
op ‘n plakkie, ‘n klip, ‘n syferfontein,
oor die sink en die sak van Distrik Ses
waar ‘n kersie brand in ‘n stukkende fles,

en daar tussen esels en makriel
die krip gesien en neergekniel.
Die skaapvet, eiers en biltong
nederig gelê voor God se klong

en die Here gedank in gesang en gebed
vir ‘n kindjie wat ook dié volk sou red…
Oor die hele affêre het uit ‘n hoek
‘n broeis bantam agterdogtig gekloek.

D J Opperman

Uit Blom en Baaierd; Tafelberg-Uitgewers,1956.

Ghana hits oil jackpot

Ghana’s president said Saturday that offshore oil reserves discovered in the West African country’s waters total 3 billion barrels.

"Ghana has struck oil in commercial quantities," President John Kufuor said, speaking at a ruling party congress in the capital, Accra. "This is only the beginning. The future is very bright indeed."

British-based oil explorer Tullow Oil PLC announced over the summer that it had had success with a well off the coast of Ghana. It gave no details at the time, saying only that it had discovered "a significant light oil accumulation" and was appraising it.

Tullow operates the Deepwater Tano license that covers the new stake, holding a 50 percent stake. Its partners are Kosmos Energy and a subsidiary of Anadarko Petroleum Corp., Sabre Oil & Gas and the Ghana National Petroleum Corp. Tullow also holds a 23 percent stake in the West Cape Three Points license, off Ghana.

Kufuor gave no other details.

Energy Minister Kofi Adda also declined to comment on the announcement, but told The Associated Press the find was part of the ongoing explorations involving Tullow in western Ghana.

VSA se Kaspiese strategie misluk

Die VSA se steun aan planne om ‘n natuurlike gaspyplyn te bou wat Rusland d.m.v. ‘n alternatiewe roete sal omseil, het die wind van voor gekry. Wladimir Poetin het Donderdag ooreengekom om ‘n nuwe pyplyn aan te lê vanaf Turkmenistan en Kazakhstan in Sentraal-Asië. Die ondertekening van die ooreenkoms is op Russiese televisie uitgesaai.

"Die totstandkoming van hierdie nuwe energie-aar sal langtermyn, grootskaalse gas aan ons vennote lewer en is ‘n ernstige bydrae van ons lande aan die energiesekuriteit van Europa," het Poetin gesê nadat al drie lande wat voorheen deel van die ou Sowjet-unie gevorm het, die ooreenkoms onderteken het. Die voorlopige gesprekke oor die Kaspiese pyplyn wat gasvoorsiening met 40% sal verhoog was in Mei reeds afgehandel.

Maar die finale ooreenkoms is toe uitgestel omdat Turkmenistan en Kazakhstan eers ‘n Amerikaanse plan om ‘n verbinding onder die Kaspiese See te bou, wou oorweeg. Die Amerikaanse roete sou Gazprom se monopolie van gasuitvoere na Europa beëindig het. Hulle het egter daarteen besluit. Die nuwe pyplyn sal jaarliks 20 miljard kubieke meter gas voorsien en sal voor 2011 in werking gestel word het die Russiese minister van energiesake, Viktor Khristenko, gesê.

"Dit is baie positief vir Rusland en Gazprom want in die afsienbare toekoms sal hulle gasuitvoere vanuit Senrtaal-Asië beheer," het Steven Dashevsky van UniCredit Aton in Moskou beaam. "Dit is ‘n duidelike terugslag vir die Weste want daar is steeds geen alternatiewe roetes vir Sentraal-Asië se gas nie." ‘n Woordvoerder van die Amerikaanse State Department het gesê dat die pyplyn Turkmenistan sal help om ‘n kontraktuele las te verlig en dat die VSA dit nie as ‘n terugslag beskou nie. Hy wou egter anoniem bly.

Daar is altyd nog ‘n moontlikheid dat markkragte bykomende roetes kan vereis en ‘n trans-Kaspiese verbinding kan dan weer oorweeg word soos nuwe olievelde en nuwe markte die lig sien, het die anonieme woordvoerder voortgegaan. Gazprom voorsien Europa van 25% van sy gasbehoefte, maar wil dit opstoot deur twee nuwe gaspyplyne na die EU.

Alhoewel Rusland oor die wêreld se grootste gasreserwes beskik, maak dié land nietemin staat op invoere uit Sentraal-Asië om vir die dalende produksie van Siberië se gasvelde te vergoed. Die EU en die VSA het sedert Februarie talle afvaardigings na Turkmenistan gestuur ná die verkiesing van president Gurbanguly Berdymukhammedov wat sy land vir buitelandse beleggers oopgestel het. Turkmenistan was die afgelope 15 jaar, tot die afgelope stemmery, geslote vir buitelandse beleggings. Die land is die tweede grootste gasprodusent van die ou Sowjetblok en lê tussen Iran en Kazakhstan.

Die Weste wou met ‘n suidelike korridor ‘n ondersese pyplyn via Turkye na Europa aanlê om Rusland uit te sny. "Europa weet nou beslis hulle gaan die energie wat hulle nodig het van geen ander plek as Rusland kry nie" het Chris Weafer, hoofstrateeg van UralSib Financial Corp. in Moskou, gesê. "Die nuwe Kaspiese pyplyn sal ‘n beter vlak van pragmatisme in verhoudinge tussen die EU en Rusland tot gevolg hê as Poetin volgende jaar sy amp verlaat."

casino online no

Franse TV toon Afrikaners met gewere

‘Monsieur S?curit?’

Direk na ŉ berig oor Jacob Zuma se verkiesing as ANC-president, het die Franse staatstelevisiekanaal, France 2, Donderdagaand ŉ insetsel aan miljoene kykers getoon waarin Afrikaners selfverdedigingsopleiding teen geweldsmisdaad ondergaan.

Anders as twintig jaar gelede, is die berig geensins deur anti-Afrikaanse of anti-blanke sentiment gekleur nie. In die geheel bied dit ŉ positiewe blik op pogings van Afrikanerboere en –stedelinge om hulself teen geweldsmisdaad te beveilig. Die insetsel fokus op ŉ elfjarige dogtertjie, Angelique, wat opleiding met pistole en gewere ondergaan uit vrees dat sy aangeval sal word.

Ter inleiding word vermeld dat een miljoen blankes reeds die land sedert 1994 verlaat het, hoofsaaklik as gevolg van misdaad. Tydens ŉ onderhoud met mnr. Gideon Meiring van TLU-veiligheid word hy voorgestel as “Monsieur Sécurité” en toegelaat om Afrikaans te praat wat dan in Frans getolk word. Meiring stel dit onomwonde dat die een aspek van die ou Suid-Afrika wat mens deesdae mis, die handhawing van wet en orde is.

David Pujadas

ŉ Dame vertel ook dat mens deesdae nie meer die polisie in Suid-Afrika kan vertrou nie en dat sy “baie bang” is as sy deur hulle voorgekeer word. Aan die einde van die insetsel skiet die elfjarige dogtertjie met ŉ AK-47.

France 2 is die nasionale kanaal van die Franse staatstelevisiediens. Volgens die jongste beskikbare syfers wat in Frankryk gepubliseer is, kyk ongeveer 5,3 miljoen mense elke aand na die TV-nuusbulletin wat om 20.00 deur die nuusleser David Pujadas aangebied word.

игр для девочок

Kragstasie afgebrand?

Matla, naby Witbank

Bronne in ŉ staatsdepartement beweer dat die Matla-kragstasie naby Witbank drie weke gelede afgebrand het. Eskom het gister egter geen van hul telefone beantwoord nie, nóg by die kragstasie, nóg by die maatskappy se hoofkantoor in Sandton.

Volgens dieselfde bronne is Eskom besig om die brand “toe te smeer” uit vrees vir verdere kritiek van die publiek. Oor die afgelope aantal weke het beurtkrag talle ondernemings en winkelsentrums lamgelê en miljoene rande se omset het verlore gegaan.

Matla is een van Suid-Afrika se grootste steenkoolkragstasies wat normaalweg 3600 megawatt produseer. Die brand by dié kragstasie mag verklaar waarom daar die afgelope weke soveel kragonderbrekings landwyd voorgekom het.

сауна для дома Александр Фильчаков

Winnie gewildste tydens ANC-kongresverkiesing

Winnie Mandela

Afgesien van die eerste ses poste wat reeds enkele dae gelede gevul is, het Winnie Mandela gisteraand bo-aan die gewildheidsleer geëindig tydens die verkiesing van die ANC se nasionale uitvoerende komitee. Sleutelfigure uit die Mbeki-kamp soos verdedigingsminister Terror Lekota, adjunk-minister van buitelandse sake Azziz Pahad, Veiligheidsminister Charles Nqakula en adjunk-verdedigingsminister George Mluleki het egter nie die lys van 80 kandidate wat die NUK sal uitmaak, gehaal nie.

Dit word gesien as die begin van die suiweringsproses waardeur lede van die Mbeki-faksie stelselmatig uit die party se magsposisies uitgewerk sal word.

Ook die intelligensieminister, Ronnie Kasrils en die adjunk-president, Phumzile Mlambo-Nguka, wat op ŉ stadium as Mbeki se opvolger voorgehou is, het glad nie die paal gehaal nie. Mlambo-Ngcuka het vir Zuma as adjunk-president opgevolg nadat haar man Bulelani, die voormalige direkteur van openbare vervolgings, ŉ sleutelrol gespeel het om Zuma te laat vervolg.

Die sakeman Saki Macozoma, wat wyd beskou word as die finansierder van Mbeki se aanslag op Zuma, is insgelyks nie tot die NUK verkies nie. So ook Essop Pahad, hoof van die presidensie, Smuts Ngonyama en eerwaarde Frank Chikane.

Ander persone wat wel hoog op die lys geëindig het, is: Vervoerminister Jeff Radebe (nr. 2 na Winnie), maatskaplike ontwikkelingsminister Zola Skweyiya (nr. 3) en Pallo Jordan (nr. 4). Die adjunk-sekretaris-generaal van die SAKP, Jeremy Cronin, is in die vyfde plek verkies, gevolg deur die SAKP se sekretaris-generaal, Blade Nzimande, in die sesde posisie.

Tokyo Sexwale, wat onttrek het aan die verkiesing vir die boonste ses posisies terwille van die speaker Baleka Mbete, het die tiende plek gehaal. Die minister van finansies, Trevor Manuel, was 57ste op die lys en die omstrede gesondheidsminister, Manto Tshabalala-Msimang, 55ste.

Nozizwe Madlala-Routledge, wat as Manto se adjunk afgedank is, het heelwat voor haar eertydse baas in die 33ste plek geëindig. Een van Zuma se hoofondersteuners, die ANC Jeugliga se president, Fikile Mbalula, is ook hoog op die lys in die 15de posisie.

Volgens ŉ wysiging in die ANC-grondwet, moet Zuma se Nasionale Uitvoerende Komitee ten minste 50 persent vroue hê. Na verwagting sal dié reël ook op die parlement van toepassing wees.

фильтры для Лобановский

Veertien vegvliegtuie…

Gedaan en rewolsion?r

Terwyl die Libiese leier tans in Spanje ontvang word en daar sprake van verdere lukratiewe ooreenkomste tussen Spanje en Libië is, het dit in Frankryk aan die lig gekom dat die "rewolusionêre gids" ‘n gereelde dwelmgebruiker is. Die satiriese koerant, die Canard Enchaîné het onthul dat Kadhafi kokaïene snuif en die "gids" het klaarblyklik nie afgesien van sy nare gewoonte tydens sy vyfdaagse staatsbesoek aan Frankryk nie.

Die limo, die ligte en die tent

Die koerant haal ‘n bron aan wat vir die Franse binnelandse geheimediens werk wat voorts beweer dat Kadhafi se stommiteite gedurende die besoek aan sy verslawing toegeskryf kan word. Die Libiese diktator het, behalwe sy tentmanewales, ook vir Sarkozy in die verleentheid gestel nadat hy ontken het dat die twee oor menseregteskendings in Libië gesels het.

"Waarom brand jeugdiges motors?" en "Word hulle dan sleg behandel?" was die ander vrae deur die besoekende Libiese staatshoof wat vir heelwat ongemak gesorg het. Kennelik was die gashere nie bedag op sulke direkte belangstelling nie. Sarkozy het egter nooit laat blyk dat die gas se spraaksaamheid en vreemde maniere hom verontrief nie en die geskiedkundige besoek verduur.

Verlede maand nog was daar spanning toe Franse vakansiegangers in Libië opgehou is omdat hul paspoorte nie in Arabies vertaal is nie. ‘n Nuwe wet in Libië vereis dat alle paspoorte ook van ‘n vertaling voorsien moet wees. Dié kwessie is ook deur die Franse verswyg.

Die personeel en bykomende veiligheidsmaatreëls wat ingespan moes word vir die besoek was enorm want Kadhafi het allerlei versoeke gehad betreffende sy vervoer en natuurlik die tuin van die regeringsgebou, die Hotel Marigny, wat tot Libiese grondgebied verklaar is en waar sy tent staangemaak is vir die duur van die besoek.

Frankryk het se sukkelende wapenbedryf het nietemin ‘n hupstoot gekry met die nuwe vriendskapsbande wat gesmeë is. Onder andere is 35 helikopters, 21 Airbusse en 14 Rafale-vegvliegtuie by die snuiwende Kolonel se inkopielysie gevoeg. Daarbenewens gaan Frankryk ‘n lughawe vir Libië bou en kernaanlegte is ook in die vooruitsig gestel. Opposisiepartye meen die bedrae wat Sarkozy se regering noem is nie naastenby wat werklik ooreengekom is nie.

Uit die bloute…

Dat die EU probleme ondervind met onwettige immigrante is gewis. Duisende Afrikane verdrink jaarliks om die kus van Europa in tuisgemaakte of lendelam skuitjies en vlotte te haal om voordeel te kan trek uit die sosiale toegifte wat die Unie bied.

Maar niemand het verwag dat dit uit die lug sou val nie. Die oorskot van ‘n mens met ‘n "donker vel" is Donderdagoggend deur twee werknemers van ‘n filmmontagemaatskappy ontdek in Soisy-sous-Montmorency (Val-d’Oise), Frankryk. Die liggaam is waarskynlik dié van ‘n onwettige immigrant wat uit ‘n vliegtuig geval het.

Die luggebied bó Soisy-sous-Montmorency word deur vliegtuie na Roissy Charles de Gaulle gebruik. Die Brandweerdiens het dadelik by hul aankoms op die toneel vasgestel dat die liggaamstemperatuur van die dooie 29 grade is wat daarop dui dat die man nog lewendig moes gewees het toe hy uit die vliegtuig geval het. Die twee werknemers ly aan erge skok omdat hulle blootgestel is aan die gesig van die man se oorblyfsels wat oor ‘n area van 50m² versprei was.

‘n Ondersoek sal gelas word om die presiese oorsake van die dood vas te stel. Die identiteit van die persoon is nog nie bekend nie. Dit is ook nie bekend uit watter vliegtuig die slagoffer geval het nie, maar dit het waarskynlik gebeur omdat die man onder in die vliegtuig versteek was omdat dit die enigste plek is waar daar plek vir klandestiene passasiers is. Toe die wiele vir landing ontplooi is, het hy waarskynlik uitgeval.

slot games with bonus

Kadhafi-sirkus tref Parys

Die leier en sy ‘amasones’

Die Libiese leier, kolonel Kadafhi, is tans op ŉ staatsbesoek aan Frankryk, kompleet met sy Bidoeïenetent en ŉ span vroulike lyfwagte in kamoefleerdrag. Die Franse media hanteer dit as ŉ groot publisiteitsfoefie en die kameras volg hom oral waar hy onderhoude voer, mense toespreek of besiens- waardighede in Parys aandoen.

Teenoor die Elysée-paleis waar die Franse staatshoof woon, wapper ŉ groot groen Libiese vlag in die koue waar Kadhafi in ŉ amptelike Franse woning, die hôtel de Marigny, tuisgaan. Hieroor het vele Franse protes aangeteken.

Maar blykbaar het die Franse regering besluit om die Libiese leier, wat tot onlangs as ŉ internasionale terrorismestoker beskou is, met die volle eer vir ŉ besoekene staatshoof te ontvang. Die rooi tapyt is vir hom uitgerol en die Franse Republikeinse wag het hom voor die parlementsgebou, die Assemblée Nationale, gesalueer. Persoonlik beskou Kadhafi verkiesings as ŉ “klug” en steur hy hom nie aan kritiek dat daar nooit in Libië verkiesings gehou word nie.

Ook tydens sy ontvangs by die Elysée-paleis is hy met dieselfde oordadige eerbetoon ontvang, nadat hy in in ŉ lang, slap, wit kar opgedaag het. Moontlik het Kadhafi teruggedink aan die vorige keer toe hy so in Frankryk ontvang is, deur president Georges Pompidou in 1973. Die jong revolusionêr was toe net 31 jaar oud en het nie eens moeite gedoen om vir die geleentheid aan te trek nie, met net ŉ eenvoudige rooi polotrui, iets wat destyds ŉ sensasie ontketen het.

Vyf-en-dertig jaar later is sy silhoeët geyk, sy gebare stadiger, sy gesig uitdrukkingloos. Die ritueel van die vuis in die lug om die aanwesiges te groet is steeds daar maar het ietwat meganies geraak.

Tussen twee amptelike afsprake, tref mens Moeammar Kadhafi in ŉ okerkleurige “abaja” (toga) met ŉ “kebboes” (fes) op sy kop aan, of in sobere pak klere aan in sy tent wat in die tuin van die hôtel Marigny opgeslaan is. Hier in die tent en nie in die gebou agter hom nie, word sy besoekers ontvang.

“Hy slaap nie daar nie, maar kuier daar saam met sy gaste as ŉ teken van erkentlikheid aan sy Bidoeiëneoorsprong,” verduidelik ŉ lid van sy afvaardiging. Kadhafi besit verskeie sulke tente wat elkeen omtrent 200 m²groot is en met Libiese motiewe en tapyte versier is. Op elkeen van sy reise of staatsbesoeke neem hy een van hulle saam.

Bidoeïenedanseresse het Maandag ŉ vertoning in die tent gelewer. Kadhafi is ŉ groot voorstander van sy land se kunsvorme en skryf self kortverhale en gedigte oor die liefde of met ŉ nasionalistiese inslag.

Gerugte wil hê dat hy ŉ karige dieet volg, bestaande uit kameelmelk en dadels. Tydens die staatsbanket Maandagaand in die Elysée, is koeskoes en groente, sy gunstelingdis, tesame met lamsvleis en sjokeladekoek, bedien.

Parys het so te sê tot stilstand gekom met skerpskutters op die dakke, alles deel van die buitengewone veiligheidsmaatreëls wat getref is om sy indrukwekkende stoet van honderd voertuie te ontvang.

Kadhafi vertrou net sy persoonlike lyfwagte en sy handvol “amasones” om hom te beskerm. Die “amasones”, vroulike lyfwagte in kamoefleerdrag, bestaan uit studente of vroueoffisiere van die militêre akademie in Tripoli en volg hom oral waar hy gaan.

Vier van hulle het hom Dinsdag vergesel toe hy die ontvangslokale van die Ritz binnegekom het, ŉ duur Paryse hotel waar hy openbare persoonlikhede sou ontvang.

Oral tref mens verwysings na Afrika aan. Kadhafi dra ŉ soort borsspeld wat uit ŉ kaart van die kontinent bestaan, presies op harthoogte. Die afvaardiging het aangekom aan boord van drie vliegtuie van die Ifrikija-redery (“Ifrikija” beteken Afrika) met ŉ ebleem wat uit drie syfers bestaan 9 9 99, die datum waarop die Afrika-unie gestig is.

Tydens ŉ byeenkoms het Kadhafi teen sy gashere uitgevaar omdat hulle nie dieselfde regte aan immigrante uit Afrika toestaan as aan Europeërs nie. Die gehoor, waaronder ŉ groot klomp swartes uit Wes-Afrika, het hom staande toegejuig.

Kadhafi geniet al die aandag en hou daarvan om die media te verras. Oënskynlik weens sy obsessie oor sy persoonlike veiligheid, is sy hele program in geheimsinnigheid gehul. Gaan hy die chateau van Versailles besoek? Sal hy aan ŉ jagtog in die Franse woude deelneem en, indien wel, wanneer?

Daar heers ook ŉ gerug dat Kadhafi besoek wil bring aan die gedenkteken van Colombey-les-deux-Eglises in die ooste van Frankryk om hulde te bring aan die Fransman wat hy die meeste bewonder, niemand minder as die konserwatiewe generaal De Gaulle nie.

free sign