beeld – Bladsy 23 – praag.co.za

SA gaan ‘baie moderne’ nuwe munte kry

Suid-Afrika gaan 'n paar "opwindende en 'in die mode'" nuwe munte kry, maar presies hoe die goed gaan lyk is steeds 'n geheim, volgens regeringswoordvoerder Themba Maseko.

By 'n perskonferensie wat Woensdagmiddag by die parlement gehou is, het hy gesê die nuwe munte sal binnekort bekend gestel word.

"Die voorgestelde ontwerpveranderinge vir die verskeie munte is deur die kabinet goedgekeur. Die nuwe ontwerpe sal binnekort in die Gazette vertoon word."

In reaksie op vrae, het hy gesê een van die muntontwerpe wat hy gesien het, herdenk die 2010 Fifa sokkerwêreldbeker.

"Een van die munte se ontwerp herdenk die 2010 wêreldbeker. Ek het na die ontwerpe gekyk, hulle is baie opwindend en stylvol. Ek kan julle vertel, dit sal baie moderne munte wees."

Maseko het gesê die nuwe ontwerpe sluit goue gedenk eenrand en tweerand munte in, en herontwerpte 10, 20 en 50 sent munte.

метро

‘DA sien Pretoriase kandidate oor’ – VF Plus

Willie Spies

Die spanning in die DA oor sy Gautengse kandidatelyste openbaar onder andere ook dat die party Pretoria as magsbasis afgeskryf het.

Volgens ‘n berig in die oggendkoerant Beeld, is veral Pretorianers in die DA ongelukkig omdat hulle aan die agterspeen gesuig het met betrekking tot posisies op partylyste. Slegs drie van die top twintig posisies vir die Gautengse Wetgewer is aan Pretorianers toegeken terwyl die oorblywende 17 aan lede uit die suide van Gauteng toegeken is. Die feit dat die DA slegs 15% van sy wenbare posisies aan mense toeken waar meer as 50% van die party se voormalige steun kom, dui op ‘n ondemokratiese minagting van die party se Afrikaanse en Pretoria-steunbasis. Ook wat die party se parlementêre lyste betref, het Pretorianers sleg tweede gekom. Die party se hardwerkende LP, dr. Manie van Dyk, moes tevrede wees met die nommer 17 posisie op die party se nasionale lys vir Gauteng. Verder het ‘n ander Pretorianer, mnr. Karel Minnie, vroegtydig besluit om die parlement vir die stadsraad te verruil.

Willie Spies, VF Plus-LP vir Pretoria, het in sy reaksie gesê dit wil voorkom of die DA die omstrede joernalis, Niekie van den Berg, bloot as ‘n rookskerm om Afrikaners te paai op sy kandidate lys geplaas het terwyl hardwerkende Afrikaanse kandidate oor die algemeen benadeel is in die lysproses. Die VF Plus is nie verbaas dat die DA Pretoria en die Afrikaanse stem op die manier afgeskryf het nie omdat die VF Plus hom lank reeds in die Tshwane Metroraad as die nie-amptelike amptelike opposisie bewys het.

topcargo отзыв

Vryheidsfront Plus hou van Potchefstroomskikking

Conrad Beyers

Die Vryheidsfront Plus het gesê dat dieselfde tipe politeke oplossing wat in Potchefstroom gevind is om die naamkwessie op te los, ook tussen inwoners van Pretoria en die Tshwane metroraad gevind moet word.

Volgens berigte is ‘n ooreenkoms tussen alle belanghebbendes in Potchefstroom bereik wat behels dat die stadsraad se naam Tlokwe sal heet, maar die geografiese naam Potchefstroom steeds behoue sal bly.

Volgens dr. Conrad Beyers, VF Plus-stadsraadslid, behoort die oplossing wat in Potchefstroom gevind is vir Pretoria asook die groter Tshwane metroraadsgebied as voorbeeld te dien van hoe die naamkwessie ontlont kan word.

“Die Vryheidsfront Plus is bereid om te aanvaar dat die munisipale gebied as Tshwane bekendstaan, terwyl die hoofstad as geografiese gebied die naam Pretoria behou. Daar moet konsekwent opgetree word – Pretoria se naam behoort nie anders as Potchefstroom behandel te word nie”, het Beyers gesê.

Die Vryheidsfront Plus het ‘n beroep op belanghebbendes in Pretoria gedoen om die geveg vir die behoud van Pretoria se naam te verskerp. “Dit blyk asof die Potcheftroom / Tlokwe-geskil opgelos is nadat gesprekke met mnr. Jacob Zuma en ander ampsdraers van die ANC gevoer is terwyl hulle Potchefstroom besoek het. Pretorianers sal dieselfde tipe gesprekke moet voer om die naam van die hoofstad te red.”

Skokkende daling in lugvervoer

Die lugdiensnywerheid het Dinsdag ‘n ongekende en skokkende daling in globale lugvrag aangekondig.

Lugvrag is verantwoordelik vir 35% van die goedere wat internasionaal verhandel word en die Internasionale Lugvervoervereniging (IATA) het gesê dat vervoervolumes jaar tot jaar met 22,6% in Desember gedaal het.

Goivanni Bisignati, direkteur van IATA, het gesê “daar is geen duideliker beskrywing van die verlangsaming in wêreldhandel nie. Selfs in September 2001 (ná die 9/11-terroristeaanvalle in Amerika) toe 'n groot deel van die globale vloot nie gevlieg het nie, was die afname slegs 13,9%.”

Internasionale passasiersvervoer het in Desember met 4,6% gedaal.

IATA het gesê dié daling was minder dramaties as in vragvervoer, omdat volumes ondersteun is deur die einde-van-die-jaar-vakansiereise wat vooruit bespreek is.

Lugdienste sukkel nog om die kapasiteit aan te pas by die dalende aanvraag en vlieg gevolglik met meer leë sitplekke. Kapasiteit is in Desember met 1,5% verlaag jaar tot jaar, wat tot gevolg gehad het dat lugdienste net 73,8% van beskikbare sitplekke gevul het, wat ‘n daling is teenoor die 76,2% ‘n jaar gelede. “Tot dit in balans kom, kan selfs die vinnig dalende brandstofpryse nie die industrie daarvan red om in rooi ink te verdrink nie,” het mnr. Bisignani gesê.

British Airways het vroeër vandeesweek gewaarsku dat dit verwag om ‘n bedryfsverlies van omtrent 150 miljoen pond te maak in die huidige finansiële jaar wat in Maart eindig, kort ná Air France-KLM, die grootste lugdiens in Europa, ‘n verlies van omtrent 200 miljoen Euro aangekondig het vir sy laaste kwartaal van Oktober tot Desember.

slots game online

Soedan versoek dat vredesmagte Darfoer verlaat

Soedanese amptenare het internasionale vredesmagte gevra om 'n dorp in Darfoer te verlaat, het die VN en Soedanese amptenare gesê.

Dié uitdaging aan die brose internasionale missie kan 'n groot probleem skep vir vrede in die gebied, het waarnemers gesê.

Die Soedanese regering het vredesmagte gevra om die dorpie Muhajeria te verlaat, het Josephine Guerrero, 'n woordvoerder van die VN-sending, ook bekend as UNAMID, gesê.

Soedan wil 'n offensief loods teen rebelle van die Justisie en gelykheid beweging, 'n groep wat bekend is dat hulle ondersteuning van Tsjaad ontvang het wat die dorp in Suid-Darfoer sedert middel-Januarie beset het, het Akuei Bona Malwal, Soedan se ambassadeur by die Afrika-unie, gesê.

Malwal het gesê die Soedanese regering het versoek, nie beveel nie, dat die vredesmagte die gebied verlaat.

"Ons beveel hulle nie rond nie, ons vra hulle," het hy gesê. "Dit is om hulle in te lig dat 'iets hier gaan gebeur.'"

Sondag se versoek is die eerste van sy soort wat die Soedanese regering gemaak het, het VN-amptenare gesê.

Soedan het gereeld die teenwoordigheid van die VN in die land bevraagteken.

Soedan se weermag het 'n konvooi vredesmaglede in Darfoer aangeval en 'n bestuurder krities gewond, skaars 'n week ná die nuwe sending na die streek in Januarie 2008 ontplooi is.

Soedan het erken dat sy soldate op die konvooi geskiet het, maar die blaam deels op die vredesmagte geplaas, deur te sê dat hulle Khartoem van hulle bewegings in kennis moes stel.

Senior VN-amptenare sal met Soedanese amptenare in Khartoem vergader om die nuutste versoek te bespreek, het Guerrero gesê. Sy het gesê die versoek het nie gespesifiseer wanneer die Soedanese regering die vredesmag uit die dorpie van omtrent 30 000 mense wil hê nie.

Guerrero het gesê die vredesmag sou verkies om daar te bly.

"Ons mandaat is om burgerlikes te beskerm en ons wil voortgaan om dit te doen," het sy aan Associated Press gesê.

Suleiman Sandal, 'n rebellebevelvoerder, het aan AP gesê dat sy magte 'n aanval van die regering op die dorp verwag en hy het ook die vredesmag teen dié moontlikheid gewaarsku.

"Ons het UNAMID gewaarsku," het hy per satellietfoon gesê uit Darfoer. "Ons het aan hulle gesê en dit is nou in hulle hande. Ons gee om vir hulle veiligheid."

Reed Brody, 'n prokureur wat vir Human Rights Watch werk in Brussel en die Afrika-unieberaad in die Ethiopiese hoofstad bygewoon het, het gesê dat as UNAMID toegee aan die versoek dit die sending om vrede te bewaar kan ondermyn.

"Die kritiese toets vir enige besluit soos dié is dat dit burgerlikes aan aanvalle deur die regering kan blootstel," het hy gesê. "En indien dit so is, dan ondermyn dit UNAMID se sleutelmandaat. UNAMID is daar om die militêre magte te balanseer, nie om kan te tekies, of selfs aanvalle te fasiliteer nie. Hulle is ook nie daar om rebelle te beskerm nie. Ook nie om die regering te beskerm nie."

ветровки Фильчаков прокурор

Radar word ingespan om smokkeltonnels te vind

Smokkeltonnel tussen Gasa en Egipte

'n Egiptiese sekuriteitsbeampte by die Egipte-Gasagrens het gesê Amerikaanse weermagingenieurs het opgedaag om spesiale radar wat die grond kan binnedring op te stel om die smokkeltonnels op te spoor.

Die amptenaar het gesê die nuwe toerusting sal help om smokkelary in die gebied te keer. Die gebied is die hoofingangspunt vir wapens en plofstof wat deur die Palestynse groep Hamas teen Israel gebruik word.

In die Rafah-terminaal kon vier weermagvragmotors gesien word, gelaai met houtkratte en bore, wat vergesel was deur Amerikaanse weermagingenieurs.

Die Egiptiese amptenaar het gepraat op voorwaarde van anonimiteit omdat die onderwerp baie sensitief is.

Israel het herhaaldelik 'n beroep gedoen op Egipte om meer te doen om die smokkelary te beëindig.

Onwettige immigrante langs die kus van Sisili? gered

Die Italiaanse kuswag sê hulle het 'n boot met 226 voornemende immigrante, wat probleme ondervind het in die waters langs die eiland van Sisilië in die Middellandse See, gered.

Die onwettige swerwers het probleme ondervind om die boot in die onstuimige see te stuur en was op pad om op die rotse by die Sisiliaanse dorp Porto Palo te loop, sê die kuswagte.

Die 198 mans en 28 vroue is deur twee kuswagbote opgepik en na 'n ontvangsentrum op die eiland oorgeplaas.

Die eilande naas Suid-Italië, veral Lampedusa, ervaar 'n vloed van onwettige immigrante, hoofsaaklik uit Noord-Afrika, wat probeer om die kus te bereik in 'n poging om Europa te haal.

In 2008 het sowat 36 900 onwettige immigrante Italië bereik, 'n styging van 75 persent vergeleke met die vorige jaar, sê die Italiaanse ministerie van binnelandse sake.

Gister het Malta ook berig dat 300 onwettige immigrante aan boord 'n lendelam vistreiler op die eiland geland het, die grootste enkele aankoms in meer as 'n jaar.

Italië en Malta het onlangs saam 'n beroep op Griekeland, Siprus en ander Europese Unie-lede in die Middellandse See gedoen om te help om die probleem op te los.

игра пазлы для детей Фільчаков прокурор

Volkswagen SA l? 400 werkers af

Volkswagen SA gaan tot 400 poste verloor, het die motorvervaardiger Vrydag gesê.

"Werknemers is deur die maatskappy uitgenooi om aansoek te doen vir die vrywillige skeidingspakket," het woordvoerder Bill Stephens in 'n verklaring gesê.

VWSA beplan ook om alle produksieafdelings in die laaste week van Februarie toe te maak, sowel as die weke voor en ná Paasnaweek.

Die maatskappy het gesê hulle is gedwing om die stappe te neem om die binnelandse en globale ekonomiese krisis aan te spreek.

"Die voortslepende wêreldwye finansiële krisis het 'n dramatiese uitwerking op die vraag na voertuie, met omtrent alle globale markte wat 'n substansiële verlaging toon."

Die maatskappy het gesê 'n groot deel van Volkswagen SA se produksie is uitvoerverwant.

медсправка 086 у

Franse hulpwerkster verkrag en beroof in DR Kongo

'n Franse hulpwerkster is verkrag en beroof deur verskeie gewapende mans in die ooste van die DRK, het die Le Parisian-koerant se internasionale uitgawe Vrydag gesê.

Die mans, wat uniforms gedra het, het 'n groep hulpwerksters beroof, waarvan drie vroue was. Die twee ander vroue was ook die slagoffers van seksuele aggressie, het die koerant gesê.

Dit is onduidelik of die oortreders lede van 'n rebellegroep was of soldate van die Kongolese weermag. Die organisasie waarvoor die slagoffer gewerk het se naam is nie genoem nie.

Die hulpwerksters is dringend na Frankryk teruggeneem waar die vrouens, wat almal in hulle twintigerjare is, sielkundige behandeling gekry het en daar word verwag dat klagte gelê sal word.

Hulle het gewerk in Goma-hospitaal in die noord-Kivuprovinsie, wat die middelpunt is waaromheen gevegte reeds maande lank woed.

Verkragting word gebruik as metode van oorlogvoering in die Kongo, maar tot nou toe is baie min gevalle bekend waar Westerse vroue verkrag is.

Die Franse president, Nicolas Sarkozy, beplan om in Maart in die streek te reis om 'n nuwe vredesinisiatief te bevorder ten einde die gevegte tussen die weermag en rebellegroepe in die ooste van die land te keer. Dié deel van die land is baie ryk aan minerale.

Honderde duisende burgerlikes kry swaar in vlugtelingkampe waar daar tekorte aan voedsel en basiese higiëne bestaan.

строительство саун

Zimbabwe wettig buitelandse valuta vir almal

President Robert Mugabe se regering het Donderdag alle buitelandse geldeenhede as wettig verklaar, tesame met die amper waardelose Zimbabwiese geld, en op dié manier die oorheersing van harde geldeenhede in die land se ineengestorte ekonomie gewettig.

Die bewind het ook 'n reeks wye ekonomiese hervormings aangekondig in 'n poging om die ekonomie wat deur krisisse getref is te laat herleef. Die ekonomie gaan gebuk onder hiperinflasie waarvan ekonome net die waarde kan skat, Ook het die vervaardigingsektor in duie gestort en die infrastruktuur uitmekaar geval.

Die waarnemende minister van finansies, Patrick Chinamase, het tydens sy rede oor die nasionale begroting lewer – wat met 2 maande vertraag was terwyl die politieke teenstaanders gestry het oor die implementering van die magsdelingsooreenkoms – gesê dat dit 'n "paradigmaverskuiwing verg en die erkenning van die werklikheid dat ons nie kan eet wat ons nie het nie."

Met die Amerikaanse dollar wat nou omtrent 20 triljoen Zim-dollar werd is en pryse wat soms verskeie keer per dag verander, het Zimbabwiese ondernemings meer en meer begin om pryse te vra in Amerikaanse dollar, Suid-Afrikaanse rand, euro's en Botswana-pula.

Die regering het laat verlede jaar begin om kontantwinkels te lisensieer, maar indiwidue word steeds gearresteer vir die handel in en besit van buitelandse geld.

"Die regering laat die gebruik van buitelandse geldeenhede toe vir besigheidstransaksies, tesame met die Zim-dollar," het Chinamase onder luide toejuiging in die vergadering gesê.

Joodse Raad verbreek bande met Vatikaan

Die sentrale raad van Jode in Duitsland verbreek bande met die Rooms-Katolieke kerk omdat pous Benediktus XVI 'n biskop weer in diens gestel het wat die skaal van die volksmoord op die Jode in die Tweede Wêreldoorlog ontken het, het sy president Donderdag gesê.

Verlede week het die pous die verbanning van 4 tradisionele Katolieke biskoppe opgehef, insluitend die Brits-gebore Richard Williamson, wat stellings gemaak het wat die omvang van die Duitse slagting op Europese Jode ontken het.

Williamson het in 'n onderhoud met 'n Sweedse televisiestasie 'n week gelede gesê dat daar geen gaskamers was nie en dat niks meer as 300 000 Jode dood is in die Nazi-konsentrasiekampe nie, eerder as die 6 miljoen wat deur historici aanvaar is.

"Onder die omstandighede sal daar vir nou geen gesprek wees tussen my en die kerk nie – ek beklemtoon 'vir nou'," het Charlotte Knobloch, president van die raad van Jode, in die koerant Rheinische Post gesê. Ek wil hê die kerk moet hom uitspreek teen sulke optrede van die pous."

Die sentrale Raad van Jode het haar verklarings bevestig.

топкарго развод

Veertig mense soek na Keniaanse supermark afbrand

Veertig mense is steeds soek ná 'n vuur 'n supermark in Nairobi twee dae gelede vernietig het, het Kenia se Rooikruis Vrydag gesê.

"Ons soek nog na 40 mense," het die Rooikruiswoordvoerder Titus Mung'ou aan Reuters gesê.

Plaaslike media het gesê daar word vermoed dat baie van die 40 mense dood is.

Die Nakumatt-supermarkketting sou om 09:00 'n nuuskonferensie hou om die jongste inligting te gee.

'n Woordvoerder vir Nakumatt, Catherine Karanja, kon nie presiese syfers gee van hoeveel mense vermis word nie, maar het bevestig dat 5 van die 103 personeel wat teenwoordig was ten tyde van die brand nog nie gevind is nie.

"Ons ondersoek steeds die oorsaak," het sy gesê.

Vlamme het Woensdagmiddag die groot supermarkgebou omhul, toe die winkel vol kopers was en die strate naby vol mense.

Brandweermanne het die vuur ure lank bestry, terwyl rook oor sentraal-Nairobi gewaai het. Die gebou is heeltemal vernietig.

topcargo кидалы

‘Anti-Semitisme nie regeringsbeleid’, s? Dlamini-Zuma

Die minister van buitelandse sake, Nkosazana Dlamini-Zuma, het nie met haar adjunk Fatima Hajaig gepraat oor bewerings van anti-Semitiese opmerkings nie, maar wel Donderdag 'n verklaring uitgereik wat sê dat sulke opmerkings teen buitelandse beleid is.

Hajaig is in Japan op regeringsake en die minister is op pad na Addis Abeba vir 'n Afrika-unievergadering, dus kon die twee nog nie gesels om die beweringe uit te klaar nie, het 'n verklaring wat namens Dlamini-Zuma uitgereik is, gelui.

"Nietemin, minister Dlamini-Zuma wil die algemene publiek verseker dat daar geen verandering is in die Suid-Afrikaanse buitelandse beleid nie. Daarvolgens weerspieël stellings wat anti-Semities van aard is nie Suid-Afrikaanse buitelandse beleid nie."

Die verklaring lui verder: "Suid-Afrika se buitelandse beleid, wat deur die waardes van ons grondwet gelei word, het en sal altyd alle vorme van anti-Semitisme en rassisme verdoem in al sy manifestasies wanneer dit gevind word."

Die DA beweer dat Hajaig gedurende 'n onlangse toespraak in Lenasia klaarblyklik gesê het: "Jode beheer Amerika, maak nie saak watter regering aan bewind is nie, of dit Republikeins of Demokraties is, of dit Bush of Obama is."

Hulle beweer ook dat sy gesê het: "Hulle beheer oor Amerika, net soos die beheer oor die meeste Westerse lande, is in die hande van die Joodse geld, en as Joodse geld hulle lande beheer, kan mens niks verwag nie."

Die Joodse raad van afgevaardigdes het die beweerde opmerkings as "klassieke anti-Joodse stereotipering en samesweringsteorieverspreiding" beskou en die SA Menseregtekommissie gevra om die saak op te neem, terwyl die DA gevra het dat Hajaig uit haar pos ontslaan moet word.

тамбов краны Данильченко

Redakteursforum verwelkom Motlanthe-besluit

Kgalema Motlanthe

Die SA Nasionale redakteursforum (Sanef) het president Kgalema Motlanthe se besluit om die omstrede film- en publikasieswysigingswet terug te verwys na die parlement verwelkom.

Motlanthe het Donderdag die wet, tesame met die mededingingswysigingswet terugverwys na die nasionale vergadering vir heroorweging in terme van artikel 79(1) van die grondwet, het die presidensie gesê.

"Die president was ná versigtige oorweging onseker oor die grondwetlikheid van sekere dele van die wet," het die presidensie gesê.

In 'n verklaring later Donderdag het Sanef gesê dat sekere aspekte van die wet 'n negatiewe invloed gaan hê op die vrye beweging van inligting en ook dalk negatief gaan inwerk op die grondwetlik gewaarborgde reg op vryheid van uitdrukking.