Etiket: Wits

Universiteite hervat, maar betogers dreig met geweld

Nog universiteite het besluit om weer te open nadat klasse by die Universiteit van die Witwatersrand hervat het, maar oproermakers dreig steeds met ontwrigting.

Die akademiese program by Wits sal Dinsdag voortgaan nadat studente in ‘n eletroniese meningsopname ná onlangse gewelddadige betogings ten gunste van die voortsetting van klasse gestem het.

Slegs personeel sal nog vandag terugkeer na hul kantore, terwyl studente eers môre klasse sal begin bywoon.

Die akademiese program by sowel die Universiteit van KwaZulu-Natal en die Durbanse Universiteit van Tegnologie is geskeduleer om Maandag opnuut in aanvang te neem.

Betogers waarsku egter intussen dat hulle sal sorg dat hul instelllings nié sal heropen nie.

Agt studente van die Universiteit van KwaZulu-Natal sal na verwagting vandag in die hof verskyn nadat hulle die naweek op die Pietermaritzburg-kampus aangekeer is weens brandstigting by ‘n laboratorium Vrydagnag.

Verlede week is die William O’Brien-koshuis (foto) op die kampus byna afgebrand.

Nóg vier studente is Saterdagmiddag in hegtenis geneem nadat hulle skynbaar klippe na veiligheidswagte gegooi het.

Aan die Universiteit van Kaapstad het die studenteraad ‘n verklaring uitgereik en studente gewaarsku om nie klasse by te woon nie.

By die Durbanse Universiteit van Tegnologie het ‘n eposgerug die ronde gedoen dat klasse tot volgende jaar opgeskort is.

Die instelling het die gerug ontken, alhoewel dit nog onseker is of klasse wel vandag, soos wat beplan is, sal hervat weens bewerings dat betogers die instelling afdreig.

Die regering sal vanoggend ‘n noodvergadering hou om die krisis te bespreek nadat verskeie universiteite oor die hele land deurgeloop het onder ‘n vlaag geweld, plundery, brandstigting en vandalisme.

Die presidensiële woordvoerder, Bongani Ngqulunga, sê president Jacob Zuma wil ‘n oplossing vir die krisis vind.

Wits besluit om te heropen na peiling

Die Witwatersrand Universiteit se bestuur het besluit dat lesings Dinsdag sal hervat. Alle personeel sal Maandag terugkeer na die werk.

Bykomende private sekuriteit gaan op die kampus ontplooi word terwyl die polisie binne “die omtrek van die kampus” sal bly en slegs op kampus sal ingryp indien nodig. Sekuriteit sal geleidelik van die kampus onttrek word op voorwaarde dat daar geen geweld, intimidasie en beskadiging van eiendom plaasvind nie.

“Ons doen ‘n beroep personeel en studente om saam met ons te werk as ons vandeesweek heropen. Saam kan ons nog die 2016 akademiese jaar red, terwyl die stryd om gratis onderwys vir die armes en die sogenaamde ‘ontbrekende middel’ voortgaan.”

Die Universiteit het Donderdag ‘n elektroniese meningspeiling gehou om vas te stel of lesings moet hervat. Die peiling het getoon dat 77 persent van die respondente ingestem het, met net 23 persent wat daarteen gestem het.

Die universiteit het gesê daar was 21730 reaksies, met 16739 stemme wat vra dat lesings moet hervat.

Die studente en personeel is gevra: “Moet Wits op Maandag 3 Oktober onderhewig aan toepaslike sekuriteitsprotokolle in plek, heropen?”

Intussen het ‘n paar swart Witsstudente Sondag op die kampus byeengekom om ‘n pad vorentoe te bespreek. Hulle bly vasbeslote dat hulle nie sal terugkeer na klasse tot daar aan hul eise voldoen word nie.

Die betogers se “navorsingtaakspan” het met ‘n gratis onderwysmodel vorendag gekom. Die model stel voor dat die staat die helfte, naamlik R60 miljard per jaar tot onderwys bydra. Die res sal verkry word uit die private sektor en ‘n belasting op die land se “rykes”.

Universiteitskampusse word sedert verlede jaar deur oproer lamgelê omdat belhamels toegelaat word om geweld te pleeg en kampusse te ontwrig.

Lesings is afgestel by die meeste universiteite terwyl die onrus voortduur. Vrese dat die akademiese jaar nie voltooi sal kan word nie, is besig om toe te neem.

UJ tree hardhandig teen amokmakers op na dood van skoonmaker by Wits

Die Universiteit van Johannesburg het waarskynlik nog ongevalle probeer verhoed, nadat ‘n skoonmaker enkele dae gelede vermoor is deur oproerige studente by die Universiteit van die Witwatersrand.

Selfs joernaliste is gisteraand deur privaat veiligheidswagte buite UJ se Doornfontein-kampus verwilder. Die joernaliste was besig om studentebetogings glo te volg.

Hulle het in die spervuur beland tussen studente en veiligheidswagte wat mekaar met klippe bestook het. Ten spyte daarvan dat die studente begin klipgooi het, hou hulle vol dat hulle “kalm” vergader het.

Hulle is ook met pepersproei bespuit.

Nog betogende studente van die Kingsway-kampus het met privaat veiligheidswagte slaags geraak.

Die oorsaak van die dood van die skoonmaker by Wits word egter in alle tale verswyg, maar die amokmakers is kennelik aanspreeklik daarvoor.

Intussen het Wits die dood van die skoonmaker by die Universiteit bevestig. Dit was glo ‘n werknemer van ‘n dienstemaatskappy.

“Verlede Dinsdag het studente ‘n brandblusser in die Jubilee-saal oopgedraai, wat ‘n skoonmaker in die gebou getref het,” lui die ‘n verklaring van die universiteit.

Die werker is na die kampuskliniek en hospitaal geneem, maar is later oorlede.

Wits smeek OVK, polisie om hulp om akademiese jaar te red

Die Universiteit van die Witwatersrand het die hulp van die Verkiesingskommissie ingeroep om die uitslag van ‘n meningspeiling oor die hervatting van lesings te verifieer.

Die Universiteit doen blykbaar die peiling onder dosente en studente sodat hulle ‘n getallemeerderheid kan monster om die betogers te keer.

Die woordvoerder van die Universiteit, Sherona Patel sê honderde e-posse is ontvang waarin gevra word dat die akademiese program hervat word.

Sy sê die universiteit is van menig dat die stemme van die “meerderheid” gehoor moet word.

Die universiteit het ook die hulp van die polisie ingeroep soos in ‘n anonieme brief aan alumni uiteengesit.

By die Universiteit van die Witwatersrand het die leier van die veldtog oor universiteitsgeld, Mcebo Dlamini gesê meer as 50 vakbonde gaan hulle more by ‘n optog aansluit om gratis hoër onderwys te eis.

Intussen is verskeie kampusse landwyd gesluit weens voortslepende protesoptrede. Swart betogers het gedreig dat al die tersiêre instellings in Gauteng vandeesweek gesluit sal word.

By die Universiteit van Pretoria is die Oktoberreses vervroeg en die Universiteit bly gesluit tot die negende van aanstaande maand.

Twee motors van personeellede is Maandag op die kampus aan die brand gesteek.

Lesings by verskeie kampusse van die Tshwane Universiteit van Tegnologie is opgeskort en by die Universiteit van Johannesburg is lesings opgeskort en die biblioteek is gesluit.

Lesings by die Universiteit van KwaZulu-Natal se kampus in Pietermaritzburg is ook steeds opgeskort. ‘n Koshuis se ingang is vroeër aan die brand gesteek.

Betogers het aangedui dat hulle hul oproer gaan voortsit ten spyte van elf studente wat verlede week weens die onrus op die kampus in hegtenis geneem is.

Die Universiteit van Kaapstad moes sy somergradeplegtigheid tot Junie aanstaande jaar uitstel weens die voortslepende onluste oor universiteitsgeld. Klasse is ook vir nog ‘n week opgeskort en sal na verwagting aanstaande week hervat word.

‘n Woordvoerder vir die universiteit, Elijah Moholola sê hulle sal ook die oproeriges raadpleeg.

Dit behels die jaareind-eksamen wat moontlik geraak kan word indien akademiese bedrywighede nie komende Maandag, soos beplan, hervat word nie.

Oproeriges versprei boodskappe op sosiale media wat studente waarsku dat hulle hul akademiese loopbane vir ‘n jaar sal moet uitstel.

Swart studente se eise hou nie op nie

Die swart studente van die Universiteit van die Witwatersand het intussen besluit om voort te gaan met hul protesoptrede tot daar aan al hul eise voldoen is. Die lys van hul eise het klaarblyklik ook geen einde nie.

Dit sluit nou behalwe gratis onderwys ook gratis kos en verblyf in sodat hulle kan aanhou om lesings te ontwrig en nie-betogendes af te dreig.

Volgens die ontevredenes sal hulle alles wat beskikbaar is gebruik om vir gratis hoër onderwys te veg, ten spyte daarvan dat petrolbomme op die kampus gevind is.

Die studente is kwaad omdat die Wits-bestuur nog nie op hul eis vir gratis onderwys gereageer het nie.

Hulle het ook die universiteit daarvan beskuldig dat die bestuur drie petrolbomme op die Braamfonteinse kampus sou versteek het as afskrikmiddel vir die studente.

Die studente sê as die universiteit die koshuise sluit sal dit voedselnood veroorsaak. Die studente eis gratis verblyf en kos.

Wits se studenteraadsvoorsitter, Kefentse Mkhari sê hulle gaan op die kampus bly, al moet hulle mag gebruik. Volgens hom kan die bestuur hulle goed vat en loop, want die universiteit behoort aan die studente.

Eiendom is weer beskadig in konfrontasies tussen betogende studente en veiligheidswagte. Vandale het reeds miljoene rande se skade veroorsaak op kampusse regoor die land.

Intussen is lesings by die Universiteit van Kaapstad vir ‘n verdere week opgeskort na voortgesette dreigemente deur oproerige swart studente.

Lesings sou vandag hervat word nadat dit verlede week weens studentebetogings opgeskort is, maar studente het gedreig dat die ontwrigting van akademiese bedrywighede sal voortgaan.

Personeel sal met werksaamhede voortgaan, maar biblioteke sal gesluit wees uit vrees vir nog brandstigting.

Die visekanselier, Max Price het druk op die regering geplaas om die universiteitsgeldkwessie in die nasionale begroting te vervat en geen woord van kritiek teen die betogers gehad nie.

Price sê ‘n plan om die krisis te besleg behoort voor die einde van die jaar aangekondig te word.

Veiligheid by die Universiteit van Fort Hare se hoofkampus in Alice in die Oos-Kaap is ook opgeskerp.

Sleutelgeboue en waardevolle toerusting sal veral bewaak word.

Dit volg nadat die onderhoudsgebou verlede week aan die brand gesteek is.

Die universiteit se bestuur sê hulle is bereid om met verteenwoordigers van die studente oor die FeesMustFall-veldtog in gesprek te tree. Die woordvoerder van die universiteit, Lizo Phithi sê hul hoofdoel is nou om eiendom te beskerm.

Die woordvoerder van die Kommissie, Musa Ndwandwe het studente aangemoedig om voorstelle in te dien sodat hulle sienings verteenwoordig kan wees in die Kommissie se ondersoek.

Die minister van Basiese Onderwys, Angie Motshekga het ‘n beroep op studente gedoen om die Kommissie oor Universiteitsgeld die geleentheid te gee om sy werk te doen.

Die Kommissie is aangestel om ondersoek te doen na die befondsing van hoër onderwys.

Die minister van Hoër Onderwys, Blade Nzimande se aangekondiging dat universiteite self sal besluit oor verhogings in universiteitsgeld was egter nie die oorsaak van wydverspreide onrus op kampusse nie.

In Junie is Witsstudente vertel dat hulle eineksamens ontwrig sal word, ongeag van wat Blade gaan aankondig.

Drie petrolbomme by Wits skep beeldprobleem vir oproeriges

Die drie petrolbomme wat by Wits gevind is, het die oproerige swart studente se openbare betrekkinge oefening ietwat geskaad.

Die Suid-Afrikaanse Nasionale Civic Organisation (Sanco) het Sondag gesê “barbaarse dade van geweld en sinnelose vernietiging van onderwysinfrastruktuur moet ontmasker word en agter tralies gesit word”.

Sanco ‘n beroep op universiteitstudente gedoen om belhamels wat vasbeslote is om hoër onderwys te destabiliseer te isoleer en te marginaliseer.

Dit volg na die ontdekking van drie petrolbomme by die Universiteit van die Witwatersrand se Braamfontein-kampus.

“Diegene agter barbaarse dade van geweld en die sinnelose vernietiging van beleggings in onderwysinfrastruktuur moet ontmasker word en agter tralies gesit word,” het Sanco se nasionale woordvoerder Jabu Mahlangu gesê.

Mahlangu het gesê dit is al hoe meer onmoontlik om te glo “daar is nie ‘n derde party wat studentekwessies gekaap het nie en oplossings wil verhoed om ‘n einde te maak aan die huidige hoëronderwys-dooiepunt nie”.

Hy het ‘n beroep op gemeenskapsleiers, ervare onderhandelaars, en professionele mense gedoen om te help met die bemiddeling van die krisis.

“Ons moet almal wakker word vir die werklikheid dat die toekoms van ons jeug op die spel is en saam die magte van die duisternis verslaan.”

“Afgetrede regters, menseregteprokureurs, onbaatsugtige progressiewe individue met ondervinding in konflikoplossing, sowel as godsdienstige leiers kan nie die vernietiging van hoër onderwys op ‘n afstand gadeslaan sonder om sinvolle oplossings aan te bied nie,” het Mahlangu gesê.

“Dit is baie gerieflik dat petrolbomme gevind is net na die universiteit gedreig het om alle akademiese aktiwiteite op te skort en koshuise te sluit,” het die inkomende Wits VSR-president Kefentse Mkhari egter gesê, kennelik deeglik bewus van die beeldprobleem waarmee hy nou sit.

“Ek bedoel ons is nooit vertel wie daardie petrolbomme geplaas het nie en die presiese ligging is nie bekend nie, so dit is baie gerieflik.”

Wits dank sekuriteitsmaatskappy af na klipgooiery

Wits het die sekuriteitsmaatskappy wat met swart studente gebots het, vervang, het ‘n woordvoerder Woensdag gesê.

“Ons het die sekuriteitsmaatskappy vervang, maar voel nie ‘n behoefte om personeel te verhoog nie, want daar is minder studente op die kampus,” het Shirona Patel gesê.

Die gedrag van die sekuriteitswagte wat Dinsdag met betogende studente gebots het, is in ‘n verslag vervat en sal oorhandig word aan die bestuur voor die einde van die dag.

Die twee groepe het mekaar met klippe en stukke beton gegooi buite die Grootsaal op die Oos-kampus. Studente was kwaad omdat hulle nie toegelaat is om na Senaathuis te gaan waar hulle ‘n vergadering wou hou nie.

Hulle het daarna die veiligheidswagte se optrede as verskoning gebruik om die Grootsaal te vandaliseer.

Gerugte dat wit studente (foto) ook weer geteiken is, is ook ontvang.

Woensdagmiddag het die polisie pogings van die swart oproeriges gefnuik om Braamfontein binne te vaar. Dit volg nadat die studente probeer het om in die strate ‘n optog te hou om studente van nabygeleë kampusse te mobiliseer.

‘n Groep oproeriges wou buite die kampus gaan betoog maar is aangesê om terug te draai omdat hulle nie toestemming gehad het om ‘n optog te hou nie.

Skermutselings het uitgebreek nadat die polisie probeer het om die studente na die Wits Braamfonteinkampus terug te dryf.

Twee studente is in hegtenis geneem en vier beseer tydens onderonsies tussen betogende studente en die polisie in die Johannesburgse middestad.

Die polisie het skokgranate gebruik, en sommige studente het die polisie met klippe bestook. Volgens die polisie sal diegene wat in hegtenis geneem is, aangekla word van openbare geweld.

Klipgooiers val simbole van ‘witheid’ by Wits aan

Tydens gister se onluste deur swart studente aan die Universiteit van die Witwatersrand is simbole van “witheid” soos die Grootsaal met sy nieuklassieke pilare aangeval. Vir die eerste keer in die geskiedenis is die ruite van die ingang tot die Grootsaal waar geslagte Engelse studente hul graaddiplomas onder begeleiding van “Gaudeamus igitur” ontvang het, stukkend gegooi.

Die ingang van die Grootsaal by Wits nadat dit deur klipgooiende studente beskadig is.
Die ingang van die Grootsaal by Wits nadat dit deur klipgooiende studente beskadig is.

Onlustonele soos laas in die tagtigerjare gesien is toe die Skandinawiese lande, die Anglikaanse Kerk en Oos-Duitsland tienmiljoene dollar bestee het om oproer in Suid-Afrika aan te blaas, het hul gister op die kampus van dié links-liberale universiteit afgespeel. Aanvanklik het privaatveiligheidspersoneel die Grootsaal teen klipgooiers probeer beskerm en selfs van die klippe teruggegooi, waarna polisie-ondersteuning bygekom het. Van die akademiese personeel wat gewoonlik hul studente in polities korrekte ideologie soos “witheidstudies”, feminisme, marxisme, rassisme en gay studies onderrig, was nêrens te sien nie.

Een van die groot opstokers op die kampus is ‘n Indiërstudente wat ook sekretaris-generaal van die verteenwoordigende studenteraad is, Fasiha Hassan. Sy het die polisie en privaatveiligheidsbeamptes op die kampus as “misdadigers” beskryf.

Fasiha Hassan
Fasiha Hassan

“Ná wat ons van die polisie en privaatveiligheid gesien het, is dit duidelik dat hulle nie hier is om ons te beskerm nie… trouens, hulle is almal misdadigers op ons kampus,” het Fasiha Hassan aan die oproerige studente gesê.

Die polisie moes van skokgranate gebruik maak om die klipgooiende swart studente in bedwang te bring. Op ‘n stadium was ‘n groot skare op die plein reg voor die historiese “sentrale blok” met die Grootsaal gegroepeer en het die gebou met groot klippe en bakstene bestook.

Een-en-dertig studente is gister vir oproerige gedrag en saakbeskadiging in hegtenis geneem, maar is gistermiddag weer onvoorwaardelik vrygelaat.

Swart studente, wat reeds NSFAS-lenings van die staat ontvang wat hulle agterna nie terugbetaal nie, betoog vir “gratis opvoeding vir almal”. ‘n Opgeruide swart studente het op die liberale dekaan vir studentesake, Rob Sharman, tydens ‘n SAUK-TV-onderhoud begin skree en hom daarvan beskuldig dat hy twee koshuise laat afbreek om parkeerplek vir studente van die sakeskool “wat kan betaal” te bou. Die hele onderhoud is hier op die SAUK se YouTube te siene, maar hier volg die laaste 44 sekondes waartydens Sharman verneder word nadat hy minute lank sprakeloos teenoor haar tirade gelaat is.

Ironies genoeg kritiseer Rob Sharman in die voorafgaande gedeelte van die onderhoud die polisie dat hulle ‘n skokgranaat na die swart studente gewerp het, wat agterna “paniek” veroorsaak het.

Voor die klipgooiery het ‘n groot skare van ongeveer 500 swart studente van die Parktown-kampus (voormalige JCE of Johannesburg College of Education) na die hoofkampus op Braamfontein in Empireweg gestap sodat verkeer heeltemal tot stilstand gebring is.

Volgens ‘n persverklaring van die universiteit gaan Wits na afloop van gister se klipgooiery en onluste vir die res van die week gesluit wees. Tuks, wat ook gister onder geringe brandstigting en betogings deurgeloop het, gaan egter vandag normaalweg voort en studente is gevra om klasse by te woon. Toetse aan die Universiteit van Pretoria wat gister weens oproerige swart studente afgestel is, sal aanstaande week geskryf word.

Die Universiteit van Kaapstad is insgelyks vir die res van die week gesluit verklaar.

Nog onluste dreig by kampusse

Die minister van Hoër Onderwys en Opleiding, Blade Nzimande het weer beklemtoon dat die regering nog nie besluit het oor klasgeld vir studente in 2017 nie.

Dit volg terwyl studente weer dreig met klasboikotte en betogings omdat die regering glo reeds ‘n besluit oor klasgelde geneem het.

Volgens berigte kan protesoptogte al vandag begin, het RSG berig.

PRAAG is reeds meer as ‘n maand lank bewus van die dreigemente van onluste by die Universiteit van die Witwatersrand. Studente is voor die Julievakansie al vertel dat hulle klasse in Augustus ontwrig gaan word.

Nzimande het in `n verklaring sy kommer uitgespreek oor dié dreigemente.

Hy sê nadat hy die verslag van die Raad op Hoër Onderwys ontvang het, het hy besluit om verdere standpunte van alle rolspelers te kry.

Die Raad op Hoër Onderwys stel voor dat klasgelde met ses persent verhoog word nadat die Tesourie gewaarsku het dat daar groot druk op staatshulpbronne sal wees indien studentegeld weer nié verhoog word nie.

Volgens Nzimande sal hy ook eers met sy kabinetskollegas samesprekings voer voordat `n besluit geneem sal word.

Intussen moes die wit dekaan van die Universiteit van KwaZulu-Natal se Nelson Mandela-mediese fakulteit, Professor Richard Hift uittree om blykbaar “ander verpligtinge” op te volg.

Die universiteit se studenteraad het onlangs gevra dat hy vervang moet word. Die studente eis ‘n swart dekaan sodat “transformasie” in die instelling kan “voortgaan”.

‘n Woordvoerder van die universiteit, Lisiba Seshoka sê Hift sal deel bly van die universiteit en het nie bedank nie.

Volgens Seshoka sal hy ook van die doelwitte van die fakulteit aandryf.

Wits in rou na sewe verongeluk

Sewe swart studente van die Universiteit van die Witwatersrand is Sondagaand dood en ses ander is beseer toe die minibustaxi waarin hulle gery het gebots met ‘n sleepwa op die N1 suid naby Mokopane in Limpopo, het mediese nooddienste gesê.

Vlae by die Universiteit van die Witwatersrand hang halfstok ter nagedagtenis aan die sewe.

Die vise-kanselier van Wits, Adam Habib sê vlae sal vir die res van week halfstok hang. Die universiteit staan ook die families van die studente by.

Hulle was deel van groep wat aan ‘n ZCC-kerkbyeenkoms in Limpopo deelgeneem het.

Die minibus waarin hulle was het op die N1 naby die Nyl tolplaza teen n trekkersleepwa gebots en aan die brand geslaan.

Die bestuurder is ook dood terwyl die ses beseerdes na nabygeleë hospitale geneem is vir verdere behandeling.

Sommige van die studente is onherkenbaar verkool nadat die minibus aan die brand geslaan het.

In nog ‘n voorval is negentien swartes is beseer toe ‘n taxi op die Brickfieldweg-afrit op die N-3 na Durban teen ‘n motor gebots, omgeslaan en gerol het.

Een van die beseerdes is in ‘n ernstige toestand in die hospitaal opgeneem. Die woordvoerder van die nooddienste, Garrith Jamieson sê dit is nie duidelik wat die oorsaak van die ongeluk was nie, maar dat die polisie die saak ondersoek.

Die minister van Vervoer, Dipuo Peters en die Padverkeerbestuurskorporasie het vroeër ‘n beroep op motoriste gedoen om padreëls te gehoorsaam nadat meer as dertig mense die langnaweek in vyf ongelukke dood is.

Wits steeds ‘te wit’: R45m bewillig vir swart akademici

Nadat onlusmakers onlangs aan die Universiteit van die Witwatersrand amok gemaak het en selfs lesingsale afgebrand het, poog die bestuur tans om gemoedere te kalmeer deur meer swart akademici aan te stel. ‘n Woordvoerder van die universiteit, Shirona Patel, het aangekondig dat Wits “11 swart akademici in verskeie fakulteite teen ‘n koste van R3,2 miljoen aangestel het, in ‘n poging om rassetransformasie te versnel”.

In totaal beplan die universiteit om R45m te bestee om blanke akademici deur swartes te vervang. Die Senate House-gebou op die kampus is ook na die veroordeelde terroris en moordenaar Solomon Mahlanghu vernoem.

“‘n Komitee is aangestel om toesig te hou oor dié verbintenis (om meer swart personeel aan te stel). Die komitee is daarvoor verantwoordelik om aanstellings te maak en om beurse uit te deel om swart en kleurlingpersoneel op te lei om professors te word,” het Patel gesê.

Daar word ook verwag dat die inhoud van kursusse “getransformeer” gaan word om meer afrosentries te wees, volgens mejuffrou Patel.

Verder sal daar interne bemiddelaars opgelei word om diskriminasie teen swartes te beveg. Daar sal ook ‘n “alternatiewe model” ontwikkel word om hoër onderwys te befonds.

Lesingsaal by Wits aan die brand gesteek

Wits Universiteit is van voorneme om diegene wat verantwoordelik is vir die gewelddadige betogings op sy Braamfontein-kampus in Johannesburg, te skors.

Dit kom nadat ‘n groep swart studente van die EFF en PAC klasse Maandag ontwrig het, die fooiekantoor bestorm het en ‘n lesingsaal op die hoofkampus in ligte laaie gelaat het.

Die universiteit moes inderhaas Maandagmiddag vroeg sluit en lesings kanselleer nadat geweld uitgebreek het en stoele en tafels in Senate House omgegooi is.

‘n Babelse verwaaring het geheers toe skoonmakers, lesbiërs, gays en lede van die #FeesMustFall beweging, slaags geraak het oor wie die belangrikste groep is.

Swart feministe het gesê manlike lede van die beweging gebruik hulle as “figurante” en laat “bekende misdadigers” toe om betogings op hul kampus te lei sonder hul kennis.

“Ons is kwaad omdat vroue nie in die #FeesMustFall beweging is nie. Dis asof vroue in hierdie beweging nie tel nie,” het ‘n vroulike student, wat anoniem wou bly, aan IOL gesê.

Die universiteitswoordvoerder, Shirona Patel sê hulle bestudeer die beeldmateriaal om die skuldiges te identifiseer wat Maandag die lesingsaal aan die brand gesteek het.

Studente wat aan die EFF verbonde is, het ook potplante omgegooi toe hulle die kantoor bestorm het.

Hulle eis gratis onderrig by die instelling. Die polisie is na die kampus ontbied om die situasie te monitor.

Patel sê die betoging is waarskynlik polities gemotiveerd met “wyer doelwitte” wat in die vooruitsig gestel word.

Die administrasie het die huidige geweld veroordeel op die hoofkampus, en gesê politieke opportunisme heers by die instelling.

Wits se Studenteraad het die protes gesteun. Die woordvoerder, Fasiha Hassan het haar volle ondersteuning aan die “dekolonisasie beweging” toegesê namens die Studenteraad, maar gesê dit moet sonder geweld geskied.

Die universiteit sê hulle het beter sekuriteit ontplooi en die polisie ingelig oor die jongste gebeure.

Patel sê sommige van die betogers is nie geregistreer as Wits-studente nie.

Bus by Wits aan die brand gesteek

Die universiteit van die Witwatersrand het die polisie gevra om ‘n voorval van brandstiging op ‘n bus te ondersoek wat aan die instelling behoort.

Die bus is buite studenteverblyf-eenhede in Parktown aan die brand gesteek. Die skade is nog nie vasgestel nie, sê ‘n woordvoerder van Wits, Shirona Patel.

Patel sê indien vasgestel word dat studente by die voorval betrokke is, sal hulle onmiddellik geskors word.

Dit volg na soortgelyke onrus by die Universiteit van Kaapstad waar studente ook ‘n bus en veiligheidsvoertuig aan die brand gesteek en verskeie waardevolle skilderye verbrand het. Ses UK-studente is intussen geskors.

Die polisie kon nie meer besonderhede oor die voorval by Wits gee nie.

Anti-wit gees by US, UK en Wits vier hoogty

Open Stellenbosch het teruggekrabbel nadat hul histeriese veroordeling van twee wit vrouestudente wat hulself pers geverf het, te veel kritiek uitgelok het.

Die getalarm organisasie probeer rassepolarisasie aanmoedig deur anti-wit uitsprake en word in hul bedenklike ywer ten volle deur die US-owerhede ondersteun. Die jongste voorval het hul kwaadwillige houding jeens blankes verder beklemtoon.

Tugstappe is reeds teen die meisies begin deur die universiteit.

Open Stellenbosch het die hoop uitgespreek dat die universiteit “in die gees van geregtigheid” sy ondersoek spoedig sal afhandel, maar dit blyk dat die organisasie juis toenemend in die gees van aanhitsing en wanvoorstellings handel.

Hulle het nou ‘n halfhartige verskoning aangebied nadat hulle die twee uit hul koshuis laat skors het.

Die kwaadwillige bewerings dat die meisies hul gesigte “swart” geverf het by ‘n koshuispartytjie is as ‘n uiterste vorm van “rassisme” voorgehou wat op sigself laakbaar is.

Die beweging het ‘n vroeëre verklaring teruggetrek waarin die meisies van rassisme beskuldig is, en toegegee dat die aanvanklike beelde misleidend was.

Foto’s van die studente het op sosiale media opgeduik wat duidelik toon dat hulle gesigte pers geverf is en nie swart nie.

By nog ‘n bastion van anti-wit politieke korrektheid is ‘n student van die Universiteit van Kaapstad met ‘n vuurwapen aangehou naby die mediese kampus in die jongste voorval van geweld wat by die Universiteit voorgekom het.

Die student, Sebastian Scheidereiter sê hy is gelukkig om nog te leef nadat twee mans hom van sy rugsak met sy tablet beroof het. Terselfdertyd is ‘n vrouestudent se voertuig deur vier mans gekaap.

‘n Universiteitswoordvoerder, Kylie Hatton, sê die Universiteit is baie bekommerd oor die voorvalle.

Die polisie stel steeds ondersoek in na ‘n vermeende reeksverkragter nadat minstens drie vroue die afgelope tyd naby die Rhodes-gedenkteken naby die universiteit aangeval is.

By die Universiteit van die Witwatersrand het die woorde “Fok witmense” dié week by die ingang van die Oliver Schreiner School of Law-gebou op sy hoofkampus gepryk.

In ‘n verklaring op die Witswebwerf Maandagmiddag het die universiteit dit probeer voorhou as ‘n “klein groepie studente” wat doelbewus graffiti op die mure van die Wits-kampusse en op T-hemde aanbring.

Volgens Wits, het die groep gemobiliseer namens ‘n individu wat hierdie week voor die Suid-Afrikaanse Menseregtekommissie verskyn vir die dra van ‘n T-hemp met die woorde “Fok witmense” op die agterkant.

Wits het gesê hulle weet nie wie die klag by die SAMRK gelê het nie en ontken dat hulle daarby betrokke is.