Nuus – Bladsy 18 – praag.co.za

Ry bietjie minder luuks, vra Cosatu

Black Man’s Wheels of vlagskip vir kommunistiese leiers?

Die Kongres van SA vakbonde (Cosatu) het gister 'n versoek aan ANC-ministers gerig wat motors van 'n miljoen rand of meer gekoop het om hulle vir meer beskeie voertuie in te ruil.

Cosatu het die minister van finansies, Pravin Gordhan, geloof omdat hy tevrede was met 'n "beskeie Lexus-motor van R557 673 en 'n Audi A8 van R590 500".

"Dis 'n welkome besluit om te reageer op die openbare woede oor die onnodige besteding van tot R1,4 miljoen per voertuig vir ander regeringsministers."

Cosatu meen dat, terwyl dit waar is dat diegene wat topklas-BMW's gekoop het wel binne regeringsreëls opgetree het, het hulle ook 'n groot mate van ongevoeligheid teenoor die lot van Suid-Afrikaanse armes getoon.

"Die probleem is dat die reëls as sodanig, wat in die apartheidhandboek vervat is, verander moet word en Cosatu verwelkom berigte dat die regering nou daardie reëls gaan hersien," het die vakbond gesê.

"Indien ministers toegelaat word om uitspattige motors op die belastingbetaler se koste aan te koop, word die indruk geskep dat hulle nie omgee oor die indruk van spandabelheid wat teenoor die armes geskep word nie.

"Om soveel geld aan voertuie te bestee, verteenwoordig 'n klap in die gesig van die werkloses en mense wat in krotbuurte woon. Dit gee politiek 'n slegte naam."

Die vakbondfederasie het gesê dat diegene wat weelderige motors gekoop het hulle behoort terug te gee en te vervang "met die soort beskeie motors wat deur kameraad Pravin Gordhan en ander gekoop is".

Cosatu het voorts gesê dat hy hoop die regering se bestedingshersiening gaan uitloop op 'n nuwe stel reëls wat op die "revolusionêre etos en moraliteit" van die African National Congress as 'n bevrydingsbeweging gegrond is.

Kabinetslede wat hulself te buite gegaan het met luukse-BMW's sluit in: die minister van kommunikasie Siphiwe Nyanda, die minister van polisie Nathi Mthethwa en die minister van hoër opvoeding en sekretarigsgeneraal van die SA Kommunisteparty Blade Nzimande.

Nzimande se aankoop van 'n BMW 750i ter waarde van R1,1 miljoen het tot die volgende aanmerking deur die DA se James Wilmot aanleiding gegee: "Dit wil voorkom asof net die beste goed genoeg is vir die leiers van die werkersklas."

Die regering het onlangs 'n bestedingshersiening uitgevaardig wat gevolg het op die openbare onsteltenis oor die koste van ministeriële voertuie.

Volgens regeringsreëls, is minisgters geregtig op 'n staatsaangekoopte voertuig ter waarde van 70 persent van hule jaarlikse salaris. Dis rofweg gelyk aan R929 000.

play online slot

Karate Kallie eersdaags op die silwerdoek

Karate Kallie, ‘n nuwe Afrikaanse rolprent, word landswyd vrygestel op 18 September 2009. Die verhaal: Die koddige 17-jarige Kallie raak smoorverlief raak op die venynige skoolboelie se sussie.

Temas soos liefde, onderdrukking, trots en respek is weereens die stapeldieet. Charl Groenewald, die uitvoerende vervaardiger meen dít is hoekom so ‘n verskeidenheid mense sal aanklank vind by die rolprent.

”Karate Kallie – Die Hele Movie” vertoon Wynand van Vollenstee as Kallie en Mike Smuts as sy ouer broer, Mike. Leani Lerm speel Annetjie, die dame wat sy hart steel en Petrus Harmse vertolk die rol van die gehate skoolboelie, Fritz. Verder spog die fliek ook met ou gunstelinge soos Marga van Rooy, Ben Kruger, Henrietta Gryffenberg, Marhette van Huyssteen en Richard van der Westhuizen.

Karatekenner, Soon Pretorius maak sy verskyning as homself.

Skrywer/regisseur Wimpie van der Merwe het in 2006 cum laude gegradueer met ‘n B-Tech graad in Draaiboekskryf en Regie by TUT. Karate Kallie is sy eerste vollengte rolprent.

Die rolprent is gebasseer op ‘n kort film wat al ietwat van ‘n kultus status bereik het sedert dit vanaf 2007 gereeld op M-Net vertoon. Die kort film het al verskeie toekennings verwerf by rolprentfeeste en het al selfs so ver en wyd versprei as die DRC, Tanzania en Afghanistan.

Obama kan VSA na derdew?reldstatus lei s? Nobelpryswenner

Barack Obama maak dieselfde foute as sy voorgangers wat aanleiding gegee het tot die Groot Depressie sê Nobelpryswenner James Buchanan.

Sy beleid kan selfs die VSA in dieselfde bootjie plaas as Argentinië wat van 'n eerstewêreldland na 'n derdewêreldland gegly het in die vorige eeu.

Daar is "kommerwekkende ooreenkomste" tussen die huidige Amerikaanse administrasie se optrede en dié in 1930 sê 'n nuwe pamflet wat deur die Institute of Economic Affairs uitgegee is.

In besonder, sê die outeurs, ekonome Charles Rowley van die George Mason Universiteit en Nathanael Smith van die Locke Institute, gaan die administrasie se besluit om miljarde dollar se kontant in die stelsel te pomp die ekonomie op die lang duur ondermyn.

Die studie is 'n afwyking van die gedagte dat Keynesiaanse fiskale beleid wat die VSA help herstel het ná die Depressie, die antwoord is. Hulle sê "intervensionisme en drakoniese belastingstygings kan 'n klimaat van pessimisme vererger wat privaat kapitaalskepping en konsumpsie kan verhoed".

Rowley sê dat die VSA se ekonomie kan ineenstort en derdewêreldstatus bereik soos wat met Argentinië gebeur het, is nie uitgesluit nie.

Die studie beveel aan dat die VSA na 'n meer laissez-faire ekonomiese stelsel beweeg een as intervensionisties optree en word daarin ondersteun deur Nobelspryswenner James Buchanan.

"Ons het uit die vergelykende ervaring van die 1930's geleer, miskien genoeg om die erns van die huidige inkrimping te verminder. Maar ons het nog geen vooruitgang gemaak om politieke leiers te keer wat uit persoonlike voorkeure handel nie en nie eers die basiese begrip het van hoe kapitalisme werk nie."

Premier stel Skierlik-besoek af

Premier van Noordwes, Maureen Modiselle, het haar besoek aan arm gemeenskappe in Mazista en Skierlik Maandag afgestel. Volgens haar woordvoerder "sal nie almal deelneem nie".

Tanana Monama sê hulle kon nie al die "rolspelers" mobiliseer nie en nie almal sou die geleentheid bywoon nie. Hy sê die meeste mense was nie bewus van die besoek nie.

Modiselle sou die gebied Maandag besoek het om kospakkies uit te deel as deel van die Skierlik Hernuwingsprogram.

Monama sê 'n gepaste datum sal aanstons aangekondig word.

Hy sê die besoek sou nie 'n "yslike" geleentheid gewees het nie, want die provinsiale regering wil nie groot kostes aangaan nie.

"Die premier sou 'n paar gesinne besoek," sê hy.

Dit is nie die eerste keer dat 'n geleentheid ter elfder ure gekanselleer word deur die provinsie nie.

Verlede maand het die departement van landbou die toekennings vir die mees uitstaande vroulike boer afgestel, nadat klagtes ontvang is dat van die deelnemers nie plaaseienaars is nie.

Nadat die kwessie opgelos is, het die wenners deelgeneem aan die nasionale kompetisie in Bloemfontein.

Mazista en Skierlik naby Swartruggens is van die armste dele in die provinsie waar voorvalle van rassespanning die nuus gehaal het.

Die Skierlik Hernuwingsprogram het drie komponente naamlik armoedeverligting, infrastruktuurontwikkeling en maatskaplike kohesie en nasiebou.

Swart polisie aan Oosrand skiet kleurlingseun dood

Swart metropolisiemanne aan die Oosrand, behorende aan die Ekurhuleni-stadsraad, het 'n 15-jarige kleurlingkind doodgeskiet nadat hulle hom 'n "fokken Boesman" genoem het.

Volgens die Johannesburgse dagblad, The Star, is Alexander Thys noodlottig gewond deur voëlhael waarmee die polisie op 'n groep partytjiemakers geskiet het.

Drie ander seuns is gewond toe die polisie Sondagaand 'n partytjie in Delmorepark, oos van Johannesburg, opgebreek het.

Alexander Thys is dood nadat hy in die kop, bors en lies getref is. Sy maat, Christopher Bosch, wat ook getref is, is soos volg aangehaal: "Hulle het geskree 'fokken Boesman' en toe losgebrand."

Die metropolisie van Ekurhuleni het ontken dat hulle voëlhael gebruik het, maar gesê dat hulle rubberkoeëls afgevuur het om die skare uitmekaar te jaag wat op hulle geskree het en hulle "met 'n verskiedenheid voorwerpe gegooi het".

'n Woordvoerder vir die metropolisie, Wilfred Kgasago het gesê hulle is besig om die voorval te ondersoek. Volgens hom het die polisiebeamptes berigte van onwettige straatversperrings ontvang, asook oproerige gedrag. Hull het gepoog om die inwoners te oorreed om op te hou, maar kon die daarin slaag nie.

'n Plaaslike inwoner, Wayne van Zyl, is na bewering hardhandig behandel, gewurg en sy kamera is gebreek toe hy probeer foto's neem het. Hy en verskeie ander jeugdiges is vier ure lank by die Reigerparkpolisiestasie aangehou, maar toe vrygelaat sonder om aangekla te word.

Лобановский

Koplose liggaam langs pad gevind

Die liggaam van 'n man sonder 'n kop is langs die pad naby Blinkpan, Mpumalanga gevind, het die polisie van Mpumalanga Maandag bekend gemaak.

"Die ligaam is langs die Blinkpanpad gevind. Die kop en hande was nêrens te sien nie," sê Superintendent Abie Khoabane.

Die polisie vermoed dat die moord van die man verband hou met moetie.

Die geskende en halfnaakte liggaam is Vrydag omstreeks 2:30vm opgemerk.

"Daar is tekens dat die man elders vermoor is en die lyk later langs die pad uitgegooi is."

погружные насосы

600 Suid-Afrikaners leef as vlugtelinge

Die Saturday Star het onthul dat Brandon Huntley nie die enigste Suid-Afrikaner is wat deur Kanada asiel aangebied is nie. Daar is nog 32 ander gevalle van Suid-Afrikaners wat as vlugtelinge in Kanada leef.

Terwyl die Suid-Afrikaanse owerhede skarrel om die internasionale verleentheid van Humtley se asiel te probeer verberg, het dit voorts aan die lig gekom dat daar altesaam 600 Suid-Afrikaners is wat as vlugtelinge regoor die wêreld leef.

In Duitsland is daar 170, in die VSA 111, 46 in Ierland, 33 in Kanada, 18 in Frankryk en 15 in Australië. Maar Vrydag het die verteenwordiger van die Verenigde Nasionale Hoëkommissaris vir Vlugtelinge, Sanda Kimbimbi, gesê daar is geen gronde vir enige Suid-Afrikaner om vir vlugtelingstatus aansoek te doen nie.

"Misdaad kan nie as rede vir 'n aansoek dien nie, aangesien dit nie een van die redes is om aansoek te doen vir vlugtelingstatus nie. Die staat kan nie misdaad pleeg nie. Om te sê die staat kan jou nie beskerm nie, is verregaande. Enige persoon kan 'n slagoffer van misdaad wees. As dit die geval is, kan enige iemand in Suid-Afrika dit [asiel] opeis.

Die diplomatieke kloof wat tussen Ottowa en Pretoria ontstaan het, word deur pogings van die Kanadese regering om die besluit om aan Huntley asiel toe te staan, om te keer.

Dr Abraham Nkomo, Suid-Afrika se hoëkommissaris in Kanada, sê die Kanadese het belowe dat die howe tussen 30 en 90 dae sal neem om die besluit van die Asielraad te hersien.

Kanada het intussen aangedui dat hulle hoë agting vir Suid-Afrika se rekord het, vir die rasseharmonie en demokrasie.

Huntley se vervreemde Kanadese vrou, Melanie Crete-Huntley sê sy dink hy sal in lewensgevaar verkeer indien hy terugkeer na Suid-Afrika. Sy sê hy het haar die steekwonde van sy aanvalle gewys.

Huntley het aan die begin van die week laaggelê en sy Facebookbladsy gesluit. Hy het later sy profiel op die netwerk heeltemaal onntrek.

Zim maak vooruitgang s? Zuma

Zimbabwe het aansienlike vooruitgang gemaak om sy politieke krisis van vegtende leiers op te los, want hulle het geleer om hulle verskille te begrawe, het pres. Jacob Zuma Maandag gesê.

Hy het in Kinshasa by die SAOG-spitsberaad gepraat. Hy het gesê suidelike Afrika sal toesien dat Zimbabwe gehelp word in die oprigting van 'n eenheidsregering.

"Aansienlike vooruitgang is gemaak met die instelling van inklusiewe regering," het president Zuma, wat sy voorsitterskap van die Suider-Afrikaanse Ontwikkelingsgemeenskap na 12 maande neerlê, gesê in verwysing na Zimabawe..

"Ons is almal bemoedig deur hoe die drie partye hulle verskille bygelê het."

Zimbabwe is verlede jaar in Maart in 'n krisis gedompel toe veteraanleier Robert Mugabe deur sy opponent Morgan Tsvangirai in dier presidentsverkiesing geklop is.

Tsvangirai het later onttrek uit die opvolgverkiesing nadat talle van sy ondersteuners doodgemaak is, maar hy het in Februarie hierdie jaar ingestem om as eerste minister te dien tesame met 'n ander opposisiefaksie.

"Hierdie mylpale het aan die mense van Zimbabwe, die streek en die wêreld, getoon dat die politieke leierskap van Zimbabwe gereed is om die land se politieke en sosiomaatskaplike probleme kollektief aan te pak," het Zuma gesê.

President Joseph Kabila van die DRK, wat Zuma sal opvolg as voorsitter van die Ontwikkelingsgemeenskap, het aan mede-leiers gesê dat hy die "volgehoue pogings sal aanmoedig" om verskille tussen Mugabe se ZANU-PF party enTsvangirai se MDC op te los.

Buitelandse soldate in SA hou veiligheidsrisiko in

Elf Suider-Afrikaanse lande is tans saamgetrek by Lohatla, die leër se gevegsopleidingsentrum, in die Noord-Kaap vir 'n gesamentlike sogenaamde vredesoefening.

Die weermag is op 'n gereedheidsgrondslag geplaas omdat die groot buitelandse militêre teenwoordigheid 'n veiligheidsrisiko inhou.

Die optog in Pretoria van die weermagvakbondlede verlede week word daarom in 'n besonder ernstige lig beskou, aangesien die soldate weens die gereedheidsgrondslag ingeperk was tot hulle eenhede.

Die militêre oefening is die finale voorbereiding vir die SAOG se bystandmag. Dié streeksmag is een van vyf op die kontinent en maak deel uit van die AU se militêre vermoë om krisisse te besleg.

Soldate van Suid-Afrika, Botswana, Angola, die DRK. Lesotho, Malawi, Mosambiek, Namibië, Swaziland, Tanzanië, Zambië en Zimbabwe neem aan die oefening deel.

Polisielede van die onderskeie lande is ook deel van die gevegsoefening.

Die Volksblad berig dat die weermag die publiek gewaarsku het om nie "op hol te gaan" oor die teenwoordigheid van buitelandse soldate en militêre voertuie nie. Die vreemde militêre teenwoordigheid sal van verskeie grensposte beweeg na Upington en vandaar na Lohatla vervoer word.

Die Suid-Afrikaanse weermag is die die gasheer vir Operasie Golfinho. Dit beteken "dolfyn" in Portugees. Dit het aan die begin van September afgeskop en hou tot 26 September aan.

такое хамам лобановский класс

Iran s? VSA se inligting ‘gefabriseer’

Iran het in 'n brief van agt bladsye aan die die hoof van die Internasionale Atoomenergieagentskap, Mohamed ElBaradei, gesê die VSA maak gebruik van "vervalste dokumente" om te beweer dat Iran tans 'n atoomwapen bou.

Die brief wat aan die Associated Press gelek is, kla ook vir Frankryk en Brittanje aan vir hulle "kwade wil en politieke motivering" in hulle onderhandelinge met Iran.

Ambassadeur Ali Asghar Soltanieh het die brief aan ElBaradei gerig wat volgende week saam met 35 lidlande van die IAEA oor Iran se lot gaan beslis.

Iran hou vol dat hulle kernaktiwitiete vir elektrisiteitsdoeleindes is en vreedsaam. Die VSA en hulle sleutelbondgenote sê egter die Moslemrepubliek is besig om kovert 'n atoomwapen te bou.

Die brief is veral teen Washington gerig wat aan die VN se kernwaghondorganisasie ongespesifiseerde inligting verskaf het asook inligting wat op 'n skootrekenaar was wat uit Iran gesmokkel is.

Die VSA sê die skootrekenaar se inhoud het werk oor besonderhede van kernwapens bevat, missielbane en ideale hoogtes om kernkoppe te laat ontplof.

Daar was ook materiaal oor geheime kernlaboratoria in Iran op die rekenaar.

Soltanieh sê in sy brief die VSA het geen oorspronklike dokumente kon oorhandig aan die betrokke organisasies nie en die inligting is gefabriseer.

Die Amerikaanse departement van buitelandse sake wou nie kommentaar lewer nie.

'n Woordvoerder vir die Britse regering het die aantygings ontken.

Die IAEA druk die VSA en ander regerings om meer inligting oor Iran bekend te maak. Die VN het in hulle jongste verslag gesê "beperkinge wat sommige lidlande op die beskikbaarheid van inligting oor Iran plaas, maak dit moeilik vir die agentskap om indringende samesprekinge met Iran te voer".

Soltanieh het aan AP gesê hy hoop sy brief sal die VSA dwing om die bron van hulle inligting bekend te maak.

Die Veiligheidsraad het reeds drie keer vir sanksies teen Iran gestem sedert 2006 omdat hulle weier om uraanverryking te staak.

Iran verskyn ook op 'n internasionale swartlys wat help om die invoer van kernmateriaal soos uraanoksied wat in die verrykingsproses gebruik word, te beperk.

как построить сауну

BNP sal party oopgooi vir ‘minderhede’

Die pro-wit, regse British National Party se leier, Nick Griffin, het gesê die party gaan gedwing word om anderskleuriges toe te laat deur die Britse owerhede en indien hulle weier sal hulle tot niet gaan.

Hy het die ontslape NP-leier, PW Botha, se beroemde woorde gebruik om die BNP se keuses te beskryf: "Pas aan of vergaan is die enigste besluit wat oorbly om te maak…[Adapt or die is the only decision left to make]"

'n Toekomstige besluit deur die owerhede wat partye se befondsing kan terughou as hulle nie ander rasse toelaat nie, kan die BNP se einde beteken, het Griffin gesê.

Wat ookal die uitkoms van die saak ter bevordering van gelykheid wat deur die CEHR, Commission for Equality & Human Rights, aanhangig gemaak is, gaan die nuwe Gelykheidswet wat aanstons van krag sal wees, in elk geval politieke partye wat op grond van etnisiteit diskrimineer, verbied, het Griffin gesê.

Die saak teen die BNP deur die CEHR in Brittanje, is dus net daarop gemik om die party se geldkas te plunder. Die saak het die BNP al duisende ponde gekos.

Hy het gesê die BNP het nou geen ander keuse as om ander rasse ook toe te laat nie.

Swartes stap uit Kriegler se FUL

Senior advokate Dumisa Ntsebeza en Kgomotso Moroka asook die sakeman Cyril Ramaphosa het hul bande met die organisasie Freedom Under Law, FUL, waarvan oudregter Johann Kriegler voorsitter is, oor die naweek verbreek.

Ntsebeza en Moroka het albei op FUL se direksie gedien en Ramaphosa was deel van die internasionale raad van advies van die organisasie.

Volgens Ntsebeza het Kriegler ’n “duidelik neerbuigende houding teenoor swart mense” en voer hy 'n "openbare veldtog teen die GDK". Ntsebeza die ook op die GDK.

Hy het gesê hy is in beginsel nie gekant teen die aansoek om hersiening nie, maar Kriegler se neerbuigende houding teenoor swartes het 'n herhalende tema geword in die oudregter se openbare uitsprake en dit het onmoontlik geraak om daarmee saam te leef.

Ntsebeza het verwys na ’n toespraak op 18 Augustus by die Universiteit van die Witwatersrand waar Kriegler gesê het die onafhanklikheid van die regbank moenie op die “altaar van transformasie” opgeoffer word nie.

Moroka en Ramaphosa het in ’n gesamentlike mediaverklaring gesê hulle is "diep bekommerd" dat hulle nie "ingelig of gekonsulteer is oor FUL se besluit om dié regsgeding te begin nie".

Die skielike bedankings kom kort nadat Kriegler aangekondig het dat FUL die Geregterlike Dienstekommissie se besluit gaan teenstaan om die saak teen die Wes-Kaapse regterpresident John Hlophe te laat vaar.

Kriegler sê dat die GDK se versuim om sy “konstitusionele plig uit te voer” die “grootste bedreiging vir die regsorde” in Suid-Afrika is.

Фільчаков прокурор

Afrika-immigrante sak op SA toe voor w?reldbeker

Nie weer d?t nie… Geweld in Reigerpark verlede jaar

Godfrey Smith het sy geboorteland, Malawi, verlede jaar verlaat op soek na 'n werk in Johannesburg, met die sekerheid dat die 2010-sokkerwêreldbeker vir hom 'n skitterende geleentheid bied.

Tans smous hy handsakke in 'n opelugmark, maar hy hoop steeds dat hy 'n voltydse werk gaan kry, nader aan die wêreld se gewildste sportgebeurtenis.

"As meer mense vir die wêreldbeker kom, sal daar miskien meer geld wees. Ek sal geld maak deur handel te dryf en miskien kan ek nog 'n ander werk ook kry," meen hy, waarmee hy die verwagtinge van vele werklose Suid-Afrikaanse en buitelandse swartes verwoord.

Suid-Afrikaanse amptenare sê dat hulle hul regmkaak vir 'n toestroming van trekarbeiders soos Smith wat hoop om uit die wêreldbeker munt te slaan en bekommer dat nie almal van hulle weer ná die spele gaan vertrek nie.

"Ons verwag dat meer swartes uit Afrika na Suid-Afrika gaan reis gedurende die FIFA-wêreldbeker in 2010, veral in die lig daarvan dat dié gebeurtenis Afrika se wêreldbeker is," het Cleo Mosana, woordvoerder vir binnelandse sake gesê.

"Die immigrasie-owerheid is baie bewus van die potensiaal vir mense wat die sportgebeurtenis as 'n manier sien om die land binne te kom en aan te bly," het sy bygevoeg.

Kommer oor 'n toestroming van immigrante is veral sterk ná verlede jaar se anti-immigrantegeweld wat 60 mense dood gelaat het en tienduisende gedwing het om uit hul huise te vlug.

Die aanvalle is deels gemotiveer deur die frustrasies van werklose Suid-Afrikaanse swartes wat sukkel om te midde van 'n amptelike werkloosheidskoers van 23,6 geholpe te raak. Indien ontnugterde werksoekers ingesluit word, is die reële werkloosheidskoers egter veel hoër.

Die wêreldbeker kom nader op dieselfde tydstip as wat die land sy eerste resessie sedert 1994 deurmaak, met meer as 700 000 werkgeleenthede wat verleder jaar verlore geraak het.

Deskundiges vrees dat openbare verwagtinge van 'n styging in werkgeleenthede, sowel in die land as in die omliggende Afrikastate, onrealisties gestyg het.

"Daar is geen teken dat die wêreldbeker enige soort langtermynwerkgeleenthede gaan skep nie," sê Jean-Pierre Misago, 'n navorser in gedwonge migrasiestudies aan die universiteit van die Witwatersrand.

"Ons beter realisties raak… pleks van om te sê dat die wêreldbeker die ekonomie gaan versterk en miljoene rande gaan inbring." Die bou van nuwe stadions en ander vorme van staatsbesteding het gehelp om werksverliesetydens die land se eerste resessie in 17 jaar te verminder.

Die plaaslike organisasiekomitee beraam dat die wêreldbeker 415 000 werksgeleenthede in Suid-Afrika sal skep, wat die boubedryf, wetstoepassing en die dienstesektor insluit.

Die werk wat Afrika-immigrante wil verrig, is meer informeel. Hulle beplan om hul goedere aan die 450 000 sokkergeesdriftiges te smous wat na verwagting op die land gaan toesak.

Vele swartes uit buurlande kan Suid-Afrika op 'n 90-daevisum binnekom, 'n beleid wat die regering hoop hulle sal oortuig om die land wettiglik binne te kom – en dan weer te verlaat, sê Misago.

Maar hy het gewaarsku dat die regering sy besluit moet verduidelik in die lig van die anti-immigrantesentiment wat verlede jaar tot geweld gelei het.

"Die regering moet veel meer doen om aan die mense te verduidelik waarom dié besluit geneem is, die voordele vir die land, vir die gemeenskap, vir al die mense wat deur dié besluit geraak word," het hy gesê.

By die opelugmark in Johannesburg heers optimisme oor die sake-oplewing wat gedurende die spele gaan plaasvind.

"Daar gaan veel meer sake wees want mense sien na 2010 uit," sê die Suid-Afrikaanse smous Martha Latawana, 23.

"Buitelanders gaan kom omdat daar meer geleenthede in Suid-Afrika gaan wees en meer werk vir 2010," sê sy, maar voeg by dat sy nie dink dat die etniese aanvalle op vreemdelinge weer gaan uitbreek nie.

"Mense het uit hul foute geleer. Ek dink nie hulle sal weer so iets doen nie."

live cassino лобановский политик

Zille s? US moet Afrikaans bly

Die Universiteit van Stellenbosch voorsien in die behoefte van die mense van die Wes-Kaap waar die meeste inwoners Afrikaanssprekend is,” sê Helen Zille, DA-leier en Wes-Kaapse premier.

Sy het Dinsdag by ’n nuuskonferensie saam met dr. Wilmot James, die DA se skaduminister van hoër onderwys, die party se beleidsdokument oor hoër onderwys en opleiding bekend gestel.

Sy het gesê dat die US die groot getal Afrikaanssprekende studente wat uit voorheen benadeelde gemeenskappe kom moet opneem en aan hulle akademiese opleiding moet gee.

Dit sal onaanvaarbeer wees as 'n Afrikaanssprekende student by die Universiteit van die Witwatersrand, waar die onderrigtaal Engels is, aandring om in Afrikaans onderrig te word, sê Zille.

“Behoort Engelse studente by elke universiteit in die land daarop aan te dring om onderrig in Engels te kry? Nee.”

“Die mees uitnemende universiteite in die wêreld is dié waar daar geen inmenging is nie,” het James gesê. Die DA het die belang van akademiese vryheid en onafhanklikheid van inmenging onderstreep en dit sluit reg tot die keuse van die medium van onderrig in.

pearl wedding accessories Лобановский