praag voer ‘n onderhoud met Gustav Venter, skrywer van Die amigdala van Alrina Smal en die huidige apokaliptiese vervolgverhaal Bodem.
Wanneer het u die idee gehad om ‘n vervolgverhaal vir internetpublikasie te begin skryf?
Terwyl ek beplan het wat om in 2014 te doen. Dit het neergekom op ʼn eenvoudige formule: My loopbaan vereis dat ek ten minste 1,000 woorde per dag skryf, ses dae van die jaar. Dit sluit nie my algemene werk soos herskryf van manuskripte, vertalings, rubrieke en verslae in nie. ʼn Duisend woorde bedoel vir boeke. As ek dit kan handhaaf, is dit ʼn raps meer as 300,000 woorde per jaar, oftewel drie substansiële boeke. Sou die Liewe Vader my nog twintig jaar gun om te skryf, is daar nog 60 boeke in my. Dis genoeg.
By praag besin ons voorts gereeld oor hoe om meer verskeidenheid vir die leespubliek aan te bied. ʼn Duisend woorde is nommerpas vir ʼn aflewering van ʼn vervolgverhaal. Vandat ek dit besef het, was dit ʼn klein sprong daartoe om Bodem as ʼn vervolgverhaal aan te bied.
Stel u belang in die vervolgverhaaltradisie soos dit in die negentiende en vroeë twintigste eeu bedryf is?
Beslis! Ek dink gereeld aan Charles Dickens wat sy roem as vervolgverhaalskrywer gevestig het. Sy stories het op dié manier ʼn sensasie geword aan beide kante van die Atlantiese Oseaan. In Boston, byvoorbeeld, het mense mekaar by die hawe vertrap as die skip met die nuwe besending van Little Dorrit opdaag.
Ek dink die krag van ʼn vervolgverhaal is juis dat dit ʼn oop, onafgeslote kant het. Die leser bly betrokke vir maande, selfs jare. ʼn Mens kan gaan sit en ʼn boek lees van voorblad tot agterblad, dit toemaak en jouself daarvan onttrek. Die karakters daarin word verskuif na een of ander solder in jou verstand. Maar karakters in ʼn vervolgverhaal bly vir jou lewend so lank as wat die aflewerings gepubliseer word. Die mens soek afsluiting, en met ʼn vervolgverhaal word hierdie afsluiting vir maande of langer uitgestel.
Dit lyk dus vir my dat die vervolgverhaal ʼn meer geskikte draer van ʼn openbare gesprek kan wees. Lesers spekuleer oor die toekoms en gedrag van die karakters en wat hulle te doen staan.
Abraham Lincoln het vir Harriet Beecher Stowe beskryf as die “tantetjie wat die Burgeroorlog begin het”. Sy was die skrywer van die melodramatiese vervolgverhaal Uncle Tom’s Cabin. Dit het die inwoners in die Noorde so opgesweep teen die slawebedryf in die Suide, dat hulle eenvoudig op Afskaffing aangedring het en dit het tot die Burgeroorlog gelei.
Terloops, Uncle Tom’s Cabin demonstreer juis die mag wat ʼn vervolgverhaal kan hê. Toe die minsame klein Eve in een episode gesterf het, was die volk briesend vir Stowe en het hulle haar uitgekryt en selfs met die dood gedreig.
‘Distopiese literatuur’
Daar word deesdae van “distopiese literatuur” in Afrikaans gepraat, ook deur akademiese literatore. U vorige boek, Die amigdala van Alrina Smal, het ‘n sterk distopiese inslag gehad. Is Bodem ‘n voortsetting daarvan?
Dit hoort tot dieselfde genre, beslis. Samuel Goldwyn het die beroemde instruksie aan sy draaiboekskrywers gegee dat as hulle ʼn boodskap wil stuur, hulle Western Union moet gebruik. Maar in beide hierdie werke is die boodskap primêr van belang vir my. Ek het voorheen nooit gedink dat ek ʼn boek sou skryf waarin die molestering van ʼn blanke vrou deur ʼn swartman so omvangryk beskryf word nie. Dit is net asof dit voorkom asof die gemeenskap ʼn skok nodig het om die omvang van die brutaliteit in ons land opnuut te snap en iets daaromtrent te doen.
Verlede jaar is ʼn dierbare vriend van my, Daan Wybenga, in Clarens gemartel en vermoor. Clarens het ʼn sterk liberale gemeenskap. Ek het gereeld ʼn gesprek met dorpslede oor Daan se moord aangeknoop. In die meeste gevalle het mense die tong geklik en dan die gesprek weggelei na ʼn ander onderwerp. En Daan was self baie liberaal. Hy was geografies maar ook sosiaal één van hulle. Beteken die dood van ʼn skadelose, vrygewige ou man, ʼn intieme vriend van hulle, so min dat hulle nie eers ʼn hele gesprek daaraan kan afstaan nie?
Iets het losgespring in ons gemeenskap dat die hele land kan ween en eindeloos teem oor die heengaan van ʼn ou terroris, maar eenvoudig die skouers optrek oor die marteldood van ʼn doodgoeie mens soos Daan.
My funksie as skrywer is om die gemeenskap en die moontlike toekoms daarvan te beskryf. ʼn Disfunksionele gemeenskap met ʼn duistere toekoms moet dus tot distopiese letterkunde lei.
Bodem is my poging om mense as’t ware voor die bors te gryp en te sê: Hiér is wat kom! Besef jy dit? Is jy reg daarvoor? Daarom sal die beskrywings in Bodem gaandeweg meer bloedig en brutaal word. Ek het genoeg geweld in my lewe gesien om ʼn afkeer daarin te hê, maar ek sal enige iets doen om mense te laat dink en reageer oor die komende ellende.
‘Die apokalips is onafwendbaar’
Is u self pessimisties oor die toekoms van Suid-Afrika?
Dit verg die allerverskriklikste onnoselheid om enigsins optimisties te wees oor wat vir ons voorlê. Gesonde verstand, geskiedenis en die eenvoudige wiskunde van die situasie dui op ʼn onafwendbare apokalips. Niemand bid harder as ek en hoop vuriger dat dit nie sal gebeur nie, maar dit maak nie saak hoe ek die feite skommel en herrangskik nie, ek kan nie tot ʼn ander gevolgtrekking kom nie.
Dis asof iemand vir die ANC ʼn puntsgewyse diagram gegee het hoe om ʼn totale katastrofe te bewerkstellig. Vrede in selfs die mees verslonse vorm kan net deur ekonomiese welvaart gehandhaaf word en ons ekonomie is ʼn kano wat nie meer uit die stroomversnellings geroei kan word nie en waarvan die neus reeds oor die watervalafgrond steek.
Die grootste verwoesting gaan egter veroorsaak word deur hierdie onheilige, onbesonne poging tot gedwonge rasse-integrasie. Ek het onlangs heelwat opgelees oor die Amerikaanse Burgeroorlog. Hier het jy twee groepe van dieselfde volk gehad, met dieselfde kultuur, wat dieselfde boeke gelees het, dieselfde helde gehad het, saam die supermoondheid van die tyd verslaan het, wat in dieselfde kerke dieselfde liedere gesing het. En al het almal die ellende sien kom, was hulle skynbaar onmagtig om dit te voorkom. En toe dit losbars het hulle mekaar met die grootste venyn verpletter.
As twee groepe van dieselfde volk so iets aan mekaar kon doen, hoe absoluut kranksinnig is dit nie om te dink dat verskillende, dominante rasse in dieselfde gebied onbepaald in selfs die skyn van vrede kan saamleef?
Waaroor ek wel optimisties is, is dat die Afrikaner die bloedige proses sal oorleef, sy nasionalisme sal herontdek en weer sterk en vooruitstrewend sal word, ʼn baken van vooruitgang en hoop in ʼn moeras van armoede, verval en ellende.
In Bodem is daar sprake van ‘n apokalips iewers in die toekoms. Sonder om die vervolgverhaal vooruit te loop, wat sou die onderliggende oorsaak van so iets wees? Die onvermoë van verskillende rasse en kulture om saam te leef, korrupsie en ‘n staat wat misluk of kan een of ander gebeurtenis dit ontketen?
Die blanke, en in besonder die Afrikaner, word toenemend geposisioneer as die klassieke teiken van ʼn toekomstige volksmoord. Die heersende politieke en maatskaplik-kulturele emosie van ons tyd is afguns. Dit is die magtigste menslike motivering met die uitsondering van die oorlewingsdrang. Die ANC en die idiotiese hoofstroommedia – met ons eie Naspers as voorsanger – span hierdie afgunsemosie in om die aandag weg te kaats van die swartmens se gedemonstreerde onvermoë om die land te regeer en hulleself op te hef.
Tog voorsien ek dat dit juis hierdie onbeholpenheid van die regering is wat die vlam teen die lont gaan hou. Sodra die ANC nie meer hulle ondersteuners kan omkoop nie, gaan die breër bevolking met ʼn kolossale strooptog begin. En hulle selfvertroue en gepaardgaande bloedlustigheid gaan net toeneem wanneer hulle besef die regering beskik nie meer oor die organe om hierdie rampokkery hok te slaan nie.
Eerste op die agenda gaan ʼn plunderorgie wees en dan gaan hierdie vloedgolf mense hulle aandag verskuif na vergelding vir gewaande onreg. Dis dan wanneer hulle gesamentlik in die rigting van die witmens gaan kyk.
En die liberales se hoop sal beskaam. Jou vel sal jou uniform in dié oorlewingstryd wees.
Interessant is dat daar soms in die verhaal na die massamoordenaars as “zombies” verwys word. Hoe letterlik moet ‘n mens dit opneem?
Glad nie letterlik nie. Dis bloot ʼn kopknik in die rigting van die zombie-genre waarin mense desperaat vir oorlewing moet veg teen ʼn talryke, onredelike, immer-verterende, bloeddorstige element.
Weermagkultuur
Dit wil voorkom asof die groepie oorlewendes in die verhaal wat ‘n stryd teen die oormag stry taamlik put uit die ou Weermagkultuur van Suid-Afrika, veral natuurlik die manlike karakters. Is daar nog so iets soos ‘n Weermagkultuur onder Afrikanermans van ‘n sekere ouderdom?
O ja! Dit was redelik lank sluimerend maar die ou veglus is besig om te ontwaak. Daar is opnuut ʼn waardering vir die voortreflikheid van die ou SAW en die manne is nou eers trots op wat hulle weermag was en vermag het en hulle aandeel daaraan. Dit groei in ooreenstemming met die afgryse en minagting waarmee die nuwe weermag bejeën word.
As ‘n mens na ‘n jeugdige karakter soos Joubert of “Harpoen” in die verhaal kyk, dan lyk dit asof iets van die ou Weermagkultuur tog via sy pa op hom afgesmeer het. Hoe realisties is dit?
Baie realisties. Ek is deesdae baie betrokke by die bemarking van twee boeke wat ek geskryf of help skryf het oor die ou weermag. (“Ek was Daar” en “Rowers” – laasgenoemde in Engels, albei beskikbaar by praag.) Voorts hou ek en my weermagpeloton jaarliks ʼn reünie. Die gevolg is dat ek met al hoe meer jongmense te doen kry wat nuuskierig is oor ons tyd in die weermag. Ek vind dit interessant dat die oorwegende emosie van die meeste jongmans een van afguns is. Hulle wens gereeld hardop dat daar so ʼn weermag was waar hulle kon aansluit.
Die veterane begin ook al hoe meer openlik met hulle seuns oor hulle weermagavonture praat.
Kyk, ons as volk is deur meer as drie eeue in Afrika gefilter sodat die dapperstes en veglustiges oorleef het. Jy kan nie ʼn volk se gene binne twintig jaar uitskakel nie. Al daardie krygersinstinkte het behoue gebly.
Ek kom by heelwat plattelandse skole en ek verkyk my aan die fierheid en vurigheid van ons seuns. Glo my, as daar ʼn bakleiery kom, kan ons oumanne maar opsy staan. Hierdie jong vegters sal die aarde voor hulle gelyk maak.
Uiteraard is Bodem ‘n fantasievlug, ‘n bietjie soos Nadine Gordimer se July’s People waarin ‘n blanke huisgesin tydens die revolusionêre apokalips saam met hul swart mansbediende, July, ronddwaal. Het u hoegenaamd na ander tekste van dié aard gekyk of is daar dalk ‘n verwysing na ‘n boek of film waarvan die lesers bewus behoort te wees?
Nie in besonder nie. Ek is te versigtig om my eie skryfstyl te probeer buig om ʼn ander se matrys te pas. Ek glo ʼn skrywer moet opreg met sy lesers wees. Dis hulle keuse of hulle hou of nie van wat jy aanbied, maar jy skuld dit vir hulle om jou stof onverdun vir hulle aan te gee. Natuurlik sal daar raakpunte wees met ander boeke en rolprente. Ons almal beskryf tog die doen en late van dieselfde spesie.
Tans wil dit voorkom asof Afrikaanse e-boeke in die mark maar sukkel teen papierboeke. Dink u daar is ‘n toekoms vir e-fiksie in Afrikaans?
Ek is seker daar is. Die gerief van moderne tegnologie is net te oorweldigend. Tans is die kern van ons leespubliek ouer mense wat gemaklik is met papier in teenstelling met toestelle soos e-lesers, tabletrekenaars en slimfone. Ons uitdaging is om ons jongmense aan die lees te kry. By praag is ons propvol idees hoe om dit te doen. Ons kort net die nodige fondse. As ons dít kan vermag, gaan die lesersmark beduidend in die rigting van digitale leesstof verskuif.
U skryf ook rubrieke en politieke kommentaar. Beplan u enige publikasies van dié aard?
O ja! Ek is tans besig om ʼn bundel van my praag-rubrieke saam te stel wat eintlik net ʼn groot kopskud is oor die dwaasheid van die hoofstroommedia en in besonder Naspers en dié se stal brandsiek rubriekskrywers, met spesiale verwysing na die dorpsidioot van politieke kommentators, Max du Preez. Hou praag dop vir die verskyning van hierdie boek!
Natuurlik het iets soos Bodem ook ‘n taamlike sterk politieke onderbou omdat dit iets omtrent die land se huidige toestand suggereer, nes Nadine Gordimer se July’s People of seker JM Coetzee se Age of Iron. Dis seker al ‘n holruggeryde vraag, maar: Is u ‘n “betrokke skrywer”?
Op ‘n manier is ek seker. Om net te skryf ter wille van skryf is redelik sinloos in ons situasie. Ek probeer die werklikheid voorstel soos hy is.
Maar as fiksieskrywer volg ek maar ook die wette van die romanskrywer na. Ek tree eintlik bloot as onbetrokke verslaggewer op wat rapporteer wat hy in sy kop sien. Die vreugde van skryf lê vir my juis daarin om ʼn feitestel te ontwerp, karakters te skep en om hulle as’t ware op te wen en hulle manewales dop te hou en te beskryf.
Terwyl Amigdala ‘n taamlik literêre boek was, lyk dit asof u in Bodem meer leen by gewilde fiksiegenres soos die zombieverhale, Hollywood se “rampflieks” en dergelike. Dit kan amper óók as popkultuur deurgaan. Hoe voel u oor populêre genres?
Ek is nie ʼn snobistiese skrywer nie. Ek dink juis die mag van die pen is in populêre letterkunde geleë. Gewone mense fassineer my. Vir my is die ideale protagonis ʼn buitengewone doodgewone mens eerder as ʼn doodgewone buitengewone mens. Ek vind pretensieusheid afstootlik. Dit is wat my ʼn afkeur in ʼn literêre beweging soos die Sestigers gee. Hulle was ʼn klompie selfvoldane hoogmoediges wat as klein groepie in hulle literêre kampong mekaar se letterkundige buikwinde opgeruik en gehersirkuleer het – dít terwyl die werklike lewe rondom hulle, maar ongesiens deur hulle, plaasgevind het.
Om te sê dat ʼn mens van gewilde letterkunde hou, impliseer nie dat ʼn mens nie ʼn bewustheid en voorkeur vir gehalte het nie. Moet ons, byvoorbeeld, Dalene Matthee se werk smalend beskou bloot omdat sy ook baie gewild was?
‘Hoofstroomkritici sal voortgaan om my te ignoreer’
Dit lyk asof daar amper ‘n algehele stilte van hoofstroom- literêre kritici oor Gustav Venter is. Hoe dink u gaan hulle Bodem met sy oënskynlike tema van ‘n soort rasseoorlog of Rwanda iewers in die toekoms hanteer?
Ek verwag heeltemal dat hulle sal voortgaan om my te ignoreer, en dit pas my geheel en al. Hulle eie werk en menings is van so ʼn lae gehalte dat ek teleurgestel sou wees as hulle enige van my werk hoegenaamd aanbeveel. My gesprek is nie met hulle nie. My gesprek is met my eie mense en hulle kwalifiseer nie.
Tans skryf u teen ‘n geweldige tempo, amper 2000 woorde elke dag wat lesers elke oggend op praag.co.za kan ontdek. Dit lyk asof u taamlik maklik skryf of moet die idee ‘n mens eers beetpak?
Ek is ʼn baie trae skrywer. Die skryfproses hou vir my min bekoring en heelwat bedreiging in. Ek gaan prewelend en teësinnig na die tikplank toe, maar as ek eers skryf, loop die masjien gewoonlik glad. Met Bodem het ek die voordeel van lesers se verwagting en my eie nuuskierigheid om te sien hoe gebeure oopval.
Hoe lank gaan Bodem uiteindelik wees?
Ek mik na so 120,000 woorde, oftewel ʼn boek van so 380 bladsye. Teen die huidige tempo behoort ons die boek in April te kan publiseer. Maar ek voorsien dat dit net die eerste in ʼn reeks kan wees. Ek het nog baie om oor die onderwerp te sê.
U vra ook kommentaar en kritiek van lesers, wat die interaktiewe moontlikhede van internetpublikasie ontgin. Is dit iets waarmee u graag wil eksperimenteer, naamlik dat u lesers as’t ware kan deelneem aan die skeppende proses rondom ‘n boek?
Beslis! Dis een aspek van die proses, juis met Bodem, wat ek baie geniet. En die deelnemers het ʼn uitwerking. Hierdie afgelope week het hulle drasties ingegryp toe ek een van die hoofkarakters wou laat afsterf.
Ek beskou Bodem as ʼn soort laboratorium waarin ons saam die meganika, die uitwerking en die bestuur van so ʼn apokalips kan bestudeer. Praag se lesers is buitengewoon intelligent en goed ingelig en hulle en hulle menings weeg swaar by my.
U woon tans op ‘n plaas in die Vrystaat. Verkies u die rustigheid van die platteland of het ‘n mens ook die stimulasie van die stad nodig? Of is ons almal deesdae via die internet in elk geval met die hele wêreld verbind sodat die verskil tussen ‘n stedelike en plattelandse bewussyn vervaag?
Kyk, ek is ʼn boorling van Brakpan wat nou in ʼn verruklike vallei in die Oos-Vrystaat woon. Miskien is ek net subjektief, maar die berge, klowe en rivier hier is vir my net soveel aanskouliker as mynhope en taxi-parkades. Wie sou nie hier wou bly nie? En ja, met die internet en sosiale media tot my beskikking, selfs TV toe ek nog sterk genoeg was om daarna te kyk, het ek al die nodige stimulering. So ek werk en leef baie lekker hier. Maar ek is seker dat ek ʼn woordverwerker, goeie musiek, goeie koffie en my hond, BlouDraadt Venter, by my het, ek net so gemaklik in ʼn spoorwegvraghouer in Sunnyside sou kon werk.
Terloops, ons het ʼn pragtige gastehuisie op die plaas. As enige iemand hier wil kom inboek om te kom saamklets oor politiek, Afrikaner-dinge en Bodem, laat weet my net en ek sal vir julle inligting met betrekking tot tariewe ensovoorts aanstuur.
Hoe sou u die mens Gustav Venter in ‘n paar sinne opsom?
Net een is nodig: Ek is ʼn fantastiese minnaar.
AANGENAME KENNIS GUSTAV !
Dit was nou ‘n verrassing om te sien wie die persoon is wat die pen vashou tot 5 uur soggens !
Die inhoud van hierdie artikel is bietjie lank om volledig gedurende kantoor-ure te lees, dit doen ek vanaand na Bodem – Episode 15.
Groetnis
NS: Dankie Dr Roodt dat u die man bekend stel aan ons, sy getroue Bodem-lesers.
….
Enigiemand het ‘n talent. Sommiges eien dit en gebruik dit. Dié wat dan die talent lief het is tyd net ‘n bysaak want dan is dit lekker om dit te gebruik. Gustav, jy het ‘n skrywerstalent wat jy so goed gebruik. Dit is hoekom jy soveel tyd insit. Ek sal meer van jou leesstof nuttig noudat ek weet van die skrywer Gustav Venter.
Dankie aan Praag wat sulke uitmuntende leesstof plaas.
Groete van ‘n mede Oos Vrystater.
Ek het ‘n interessante opmerking gehoor op ‘n amerikaanse radiobeeld so ‘n tyd gelede en wat die persoon daar gesê het is dat om die aanslag teen ‘n kultuur te weerstaan is die enigste oplossing “Own the culture” en wat hy hiermee bedoel is dat die mense in en vir daardie kultuur moet skep. Gustav, dankie vir die werk wat jy hier doen. Jy besit ook ons kultuur en deel dit met ons almal. Ons het groot waardering daarvoor.
NS
Ek het lekker gelag vir jou “litirêre buikwinde”, “tikplank” en vele ander baie skerp sêgoed hierbo. 🙂
Jy het ‘n baie sterk punt hier beet Rooikop.
Niemand het die reg om enige persoon van sy kultuur te vervreem nie.
Vergeet van vel kleur en al die ander dinge.
Kultuur is ‘n onvervreembare besit, en jy mag selfs oorlog verklaar om dit te beskerm.
Natuurlik sal daar in ons geval baie “kultuur eise” wees.
Nadat ek die onderhoud klaar gelees het – het ek net een ding in my kop gehad en dit is dat die heel eerste foto(sonder n naam) in die onderhoud presies gelyk het soos ek vir Daan-Dirk voorgestel het. Ek het gedink dat Gustav of een van die Praag bestuur my wou toets om te sien of ek Daan-Dirk herken ……. Tot ek Trippie se slim afleiding gelees het. Toe vee ek maar my kommentaar uit 😉
T.o.v. ‘Die amigdala van Alrina Smal’ was my mening dat dit in aanmerking behoort te kom vir n letterkundige prys – toe nie – wat n skande. Wat kan n mens egter verwag
van mense wat nie eens behoorlik Afrikaans kan praat nie en op en ingestel is om ons Afrikaanse taal te vermoor – wie nou ons taalfakulteite en verenigings beheer.
Mal oor jou Gustav!
Ek verwag heeltemal dat hulle sal voortgaan om my te ignoreer, en dit pas
my geheel en al. Hulle eie werk en menings is van so ʼn lae gehalte dat
ek teleurgestel sou wees as hulle enige van my werk hoegenaamd
aanbeveel.
My gesprek is nie met hulle nie. My gesprek is met my eie
mense en hulle kwalifiseer nie. –
*******
Vir my persoonlik is die laaste sin die treffendste van die hele onderhoud.
Ek kom sekerlik daar by jou gastehuisie inklok. Dalk kan ons klompie Pragers ‘n naweek of dag afknyp en Gustav se klein parradys saam besoek.
Dit klink na ‘n plan! Ons bespreek Bodem oor bodemlose koffie.
Ek dink ek gaan gouer daar by jou uitkom as wat ek aanvangklik beplan het.
Stuur besonderhede aan my asseblief.
arnieann@lantic.net.
Hoe wonderlik dat daar nog sulke mense is soos Gustav Venter. Moet tog net nie jou Vrystaat vallei so aantreklik adverteer nie. Netnou kom stel Sipho en Gatiepie daar die een of ander eis in.
En sê groete vir Bloudraadt!
Ek het ‘n IS uitgelaat. Hoe kon ek!
Hallo Betzie. Lanklaas van jou gehoor. Hoop alles is wel?
Dit is baie jammer dat u so voel oor ons Afrikaanse taal standaard op Praag. Dit is ook juis die tendens wat u hier openbaar wat n mens noop om werklik vas te staan om ons taal – Afrikaans te beskerm en uit te bou sonder om te verval in n Kaapse dialektiese en/of NSA sekondêre Afrikaans en
sommige jeug se mo en po besmet met engelse woorde soortvan Afrikaans.
Verder verskil ek ook met u dat die Afrikaans wat op Praag en deur sy skrywers en kommentators gebesig word te hoog is vir die gewone man
op straat om te verstaan – Praag en sy rubriekskrywers word baie wyd gelees oor baie jare al en juis geloof vir die standaard Afrikaans wat gebesig word.
Die tragedie van Afrikaans is juis dat die Afrikaanse lesers gewoond geraak het aan die NSA sekondêre standaard van ander Afrikaanse
koerante en skrywers.
Kom wees trots op u taal en respekteer u taal want dit is
deel van u unieke Afrikaner identiteit.
Riempies dit gaan nie oor HOE begaafde Gustav skryf nie maar WAT hy skryf. Gustav is sooooo begaafd.
Maar opvallend het sy omgewing ‘n helse invloed op sy amigdala.
Onwillekeurig onstaan die vraag of hierdie begaafde boere afrikaner skrywer nie veeeel eerder tot sy reg sal kom in Orania nie?
Die Gustav Venter van Orania sal uitstyg na die hemel in plaas van sink na die bodem in Clarens.
Op Orania is reeds van die beste teologiese letterkunde geskryf in afrikaans wat wereldwyd erkenning geniet.
Ek moes bietjie dink oor hierdie onderhoud. My afleiding is dat dit meer intellektueel is, alhoewel ek nie veel van letterkunde weet nie. Die bespreking is waardevol omdat dit die boek-in-wording se verwysingsraamwerk identifiseer. Die punt wat die skrywer dus wil kommunikeer is belangrik juis omdat dit polities onkorrek is. Maar omdat die onderwerp eintlik belangrik is, slaag ekself eintlik ‘n sug van verligting dat ons daaroor kan praat en selfs filosofeer. Die disfunksonele samelewing kan nie ‘n sentrale leier produseer nie en daarom moet Daan-Dirk eintlik te sterwe kom sodat die bende begin baklei terwyl hulle een vir een vermoor word maw die apokalips is dan kompleet. Vergeet die koffie Gustav, kry vir my daai biertjie uit wat jy so wegsteek daar in die buite-yskas.
Sjoe, ek het lanklaas so ‘n verstommend onnosele kommentaar onder oë gehad. Nie seker wat jy bedoel met “die gewone ou op straat” nie. Is dit nou die ou wat rukkerig met skrefies-oë en ‘n vinger onder elke woord lees? Die ou wie se hoogste letterkundige verowering Ruiter in Swart, Saal 10 of Takoeza was? Ek vermoed selfs Bollie of Huisgenoot sal ‘n reuse uitdaging wees, watwou Leo Tolstoy of Ayn Rand…
Bokryer Bertus met die fasade van funksionaliteit is ook distopies.
Disinformasie met die dialektiese en dislektiese misbruik van taal is inderdaad diabolies. OU Psy-ops van Marx en die NP met termes soos verkramp en verlig
Propaganda en taalpraktisyns se beste tegniek is egter om soos PW op die verhoog een ding te se en dan presies die teenoorgestelde te doen.
Nou reken Chris dat Gustav nie slaag in sy goeie doel nie omrede die onderhoud te hoog onvertstaanbaar is. Dis maw ook distopies.
Onmiddelik gebruik Bertus die psy-ops tegniek om Chris te etiketteer as dom verkramp onnosel en dan russiese letterkundiges !! aan te haal.
Dis ook op sigself distopies ou Bertus. Julle Bokryers in London moet bietjie van strategie verander .
————————
Gustav se onderhoud was nie so goed soos sy skrywes nie.
Wat my afgesit het is die relaas oor die hoeveelheid woorde wat hy moet skryf om ‘n lewe te maak. Dit gaan oor die beeld wat hy uitstraal met sy avatar voorkoms met die bebaarde pyp in die mond soos Kaspaas – weereens agterlik minderwaardige Kaspaas. Soos Faan se Trein en Ampie en Roepman – te veel om te noem. Presies soos die tolktokolosie Janjies met ‘n fasade van funksionaliteit.
Ons het ‘n helse stryd om ons te bevry van die disfunksionele NP beeld van verkramp en agterlik.
Nou kom Bertus met sy tipiese ingelse [of duitse] verligte meerderwaardigheid en demonstreer hoedat kulturele distopie werklik lyk.
Jan ek moes myself dwing om jou teen te gaan – eintlik wou
ek dit net laat verbygaan – omdat jy ook jou deel van verlies skok en verbittering moes deurleef.
Ek ken nie een van die twee Afikaners wat jy hier so genadeloos bykom persoonlik nie ek weet maar ook net – wat ek gehoor en gelees het.
Wat jy hier doen is n simtoom van n volk wat verraai is en
verstrooi is oor die aarde.
Magteloos draai Afrikaners teen mekaar – n ander vorm van
verraad.
In n poging om menswaardigheid te herstel swem jannie swem sommige stroomaf saam met die vyand, nog n ander vorm van verraad.
Ek het nie werklik raad vir jou nie ek weet net dat dit wat
jy doen verkeerd is.
Brutale introspeksie is dalk iets waaraan elke Afrikaner hom
moet onderwerp om weer rigting te kry. Want rigting is wat ons jammerlik kort.
Riempies lees bo – Immer ongeskofte Bertus het gesoek wat hy gekry het. [Persoonlike aanvalle oortree die voorwaardes van PRAAG kommentaar – ]
My rigting:
Ek het 40 jaar gelede al rigting weg van die selfvernietgende wit megalomaniake af.
En ek is 100% tuis onder die oordentlikeChristen mense van Orania en die BCVO skole en VVK se AO.
Dis my mense en my tuiste en redding.
Ek reeds wat julle nog soek.
Jan die kwessie is dat ek en jy en mense soos ons wat reeds afgetree is kan bekostig om in Orania te gaan woon tussen ons eie mense – die punt wat ek wil maak is dat die gemiddelde Afrikaner gekonfronteer word met realiteit
van ons situasie in die NSA en dit is daar is eenvoudig net nie werk beskikbaar in Orania om vir jou gesin te sorg – vir jou oudag voorsiening te maak – jou kinders
geleerd te kry nie. Wat kan Orania vir hierdie jonger geslag aanbied t.o.v. die bogenoemde?
Ek wil graag die volgende noem omdat dit vir my na aan die hart lê en ook onbegryplik is hoekom dit nog nie gedoen is nie – Hoekom het het Solidariteit nog nie n fabriek vir werksgeleentheid opgerig in Orania nie en
skakelhuisies gebou vir ons plakkerskamp mense nie? Solidarteit kan – maar hulle wil nie – hulle wil liewers deelneem aan die reenboognasie van FW de Klerk. Dit
is waarheen ons aggressie gekanaliseer behoort te word – nie na die individu wat die beste doen wat hulle kan nie.
Ewe-eens wat het Pieter Mulder se Vf+ party al gedoen om die regering aan te tree vir wonings vir ons plakkerskamp mense wat deur die ANC gedegradeer is tot n plakkerskamp bestaan?
Nee Jan jou aggressie jeens die individu is nie
regverdigbaar nie.
Riempies Orania se waarde aan bouwerk van behuising is R500 miljoen – te veel om te hanteer.
Antwoord nou my vraag asb:
Hoekom Bertus se vernederende aanval op Chris hierbo vir jou so aanneemlik is en my reaksie daarop volgens jou onaanvaarbaar? Hmm?
Introspeksie my Sussie.
Hoeveel geld het jy al teen 8% rente by OSK bele dat daai bouwerk nog meer kan vorder Hm? Die beste ontwikkelingsskema volgens die Reserwebank en VN. Hmm
Dink net hoeveel huise en werksgeleentheid geskep kan word as jy en Bertus en Chris en al die 3000 lesers van Praag en 35000 kiesers van VVK AO hul spaargeldjies daar gaan bele in hul eie toekoms hmm?
Introspeksie Riempies Introspeksie – jy spreek ‘n oordeel oor jouself my ou Dier.
Jan ek merk jy vermy my opmerkings rondom Solidariteit en
VF+ party 😉
Eerstens is behuising op Orania net vir mense wat dit kan
bekostig.
Tweedens moet daar eers lewensvatbare werk geskep word op Orania voor daar werklike sprake van effektiewe vooruitgang kan wees.
Dit gesê – Ek gaan nie Chris se geveg vir hom veg nie – ek het kommentaar gelewer op sy neerhalende opmerkings wat hy goed gedink het om nie op te antwoord nie – as hy nie manmoedig genoeg is om sy mening te verdedig nie –
is dit sy saak, Ek gaan dit nie myne maak nie.
NS: Ek dink gegewe die situasie in die NSA – is dit nie tans veilig om enige bellegging te maak nie – en my bietjie geld is baie veilig omdat ek dit sien kom het wat nou begin dreig.
Daar is te veel werk en daar is behuising – ek kan nie namens VF en Solidariteit praat nie.
Sien ons praat van distopies taal:
Ek meen die misbruik van Afrikaans vir suiwer kommersiele/ politieke redes is niks anders as taal prostitusie nie. [ Net vir geld.- net soos NASPERS]
Kry geloofwaardigheid – sit jou geld waar jy oor praat
Goeie Afrikaans “taal prostitusie” terwyl ons taal direk die
vernietigings teiken van die ANC is – en ons taal unies verval het in volksvreemde Kaapse Afrikaans hande wat ons maar gelate aanvaar? Dit is distopie in die ergste vorm.
Ek voel baie sterk daaroor dat ek nie een sent sal bydra tot
die instandhouding van n ANC gekkespul nie – alle toiings wat tans in hierdie land aanmekaar gehou word is met blanke kundigheid en blanke geld en wanneer die ANC dit opgeaas en opverniel het – wat en waar dink jy gaan die volgende teiken wees?
Die laaste vestings wat nog onteien kan word.
Jan ek het geen illusies rondom ons situasie in die NSA tans nie – sou ons selfbeskikking kon realiseer mag ek dalk dan my besluite heroorweeg – maar soos dit tans lyk sien ek maar swarigheid – die swartes kan nie vir hulleself sorg nie – hulle kon nog nooit vir vir hulleself sorg nie –
en sal ook nooit vir hulleself kan sorg nie.
Jan ek gaan nou n bietjie uithuisig wees tot vanaand se kant – gesels weer later. 😉
Net ‘n vragie oor jou stelling “Ek voel baie sterk daaroor dat ek nie een sent sal bydra tot die instandhouding van n ANC gekkespul nie” …
Hoe kry jy dit reg?
As jy belasting betaal – dra jy by. Petrol ingooi – jy dra by. TV-lisensie, motor-lisensies, vir jou krag betaal… die lys is laaank.
Deur te stem, selfs net registreer om te stem – legitimeer ons hierdie ANC bedeling. As jy ingestem het om getel te word in die sensus, jou ID boekie of bestuurderslisensie hernu … oral waar ons saamwerk dra ons by tot die gekkespul!
Jy is reg daar is weliswaar sekere belastings wat n mens nie
kan vermy nie.
Ek is nerens geregistreer behalwe by die VVK en Praag nie. EN die laaste sensus kon hulle my nie by die huis kry nie tenspyte daarvan dat hulle etlike kere my kom soek het 😉
Ek neem aan dat jy met my saamstem dat jou stelling “nie een sent sal bydra tot die instandhouding van n ANC gekkespul nie” dus BAIE VER van die waarheid verwyder is!
Jy is reg daar is weliswaar sekere belastings wat n mens nie
kan vermy nie” dus dra ons by om die gekkespul in stand te hou.
Wat as ons net ophou? Stop. ANC-kaders doen dit al vir 20 jaar, betaal nie kragrekeninge, skoolgeld of enige van hul skuld of rekenige nie.
Jan !!! Hier gaan ek jou konfronteer. Ek kom dikwels op Orania. Ek het pas gaan kyk na die woonhuise en erwe op Orania. Buitensporig hoog en totaal en al buite bereik van meeste Afrikaner beginners.
Ek sal NIE eens amper ‘n miljoen Rand betaal vir ‘n huis wat smeek om gesloop te word nie.
Die goedkoopste erwe is in Kleingeluk daar bo op die koppie.
Sommige erwe wat effens goedkoper is, het geen dienste nie, en moet daar ongeveer nog R30,000 bygelas word om dit te bekom.
Die ander probleem is dat daar NET van wit arbeid gebruik gemaak mag word. Die meeste erwe in Orania is onversorg, en baie van hulle lyk meer na skrootwerwe as woonerwe. Om van daardie meesal bejaarde mense te verwag om dit in ‘n puik toestand te hou is gewoon waansinnig.
Orania word deur die hoofpad in twee gedeel. Swartes gooi branstof daar in, en koop sommer ook by die winkels wat daar rondom en langs die pad is. Daar word nie teen hulle opgetree of gediskrimineer nie. Niks fout daarmee nie.
Waarom nie ‘n span werkers aanry van Hopetown sekere daë van die week om net die plek skoon te maak nie. Verwyder hulle terug waar hulle vandaan kom as hulle klaar is.
Ek stem met alles saam wat Orania se doelwitte is, maar om jouself in die voet te skiet, is gewoon nie slim nie. Ek sal Orania verdedig met alles tot my beskikking, maar sal nie blindelings sommer alles aanvaar nie.
Dit net ‘n paar van die knelpunte wat ek in Orania opmerk.
Arnieann Duidelik was jy nog nooit in Orania nie want Kleingeluk is besls NIE op die koppie nie soos wat jy gehoor het nie.
Alles wat jy skryf is onwaar – tweedehandse kennis.
Passop vir laster soos Putter…..en hou verby.
Herstelling: Kleinbegin !!!
Die punt is dat die erwe is klein, en die pryse groot.
Presies wat is onwaar jan????
Vir my dreig jy met niks nie. Probeer gerus.
Ek stem heelhartig met jou saam hieroor Riempies.
Dit wil vir my voorkom of Orania dalk ‘n geldmaak storie is vir ‘n sekere groep mense. Daar is teveel dinge daar wat net nie strook met gesonde besigheids beginsels nie.
Wat verstommend is van die plek, is dat elke inwoner sy eie oortuiging het. Die feit dat daar omtrent nie minder as tien Kerke, of geloofsrigtings is nie, maak dit ‘n feit. Van die inwoners daar wat mekaar van liberalisme beskuldig is een daarvan.
Gesels gerus met sekere inwoners daar, en jy kom gou agter dat alles nie pluis is nie.
Dit wat Oubaas Boshoff in plek geplaas het, is oudergewoonte gekaap deur sekere Afrikaners. Dit is die woorde wat ‘n ou inwonende Oraniër aan my gesê het.
Mulder is een van die manne wat ‘n neute bedryf op Orania het.
Wat moet ons daaruit verstaan???
En as jy nie ook die voorwaardes van kommentaar wil verkrag nie, moet jy ook leer om mense behoorlik aan te spreek.
Die persoon na wie jy verwys is “BERT” en nie Bertus nie.
En verder breek jy nog Praag voorskrifte deur Bert ‘n Bokryer te noem. Het jy meer regte as ander Praag kommentators???
En wat beteken “ongeskofte”???
“…weereens agterlik minderwaardige Kaspaas. Soos Faan se Trein en Ampie en Roepman – te veel om te noem…”
Slaat jy die spyker bo-op sy kop!
En dan kan of wil ons nie verstaan waarom buitelanders en andere ons Afrikaners as ‘n spul agtergeblewe werfetters bejeën nie.
Ons skep sélf die karikature van die ‘onnooslike Afrikaner’ wat alles behalwe verteenwoordigend van ons volk se mense is. En ek verwys nie na die vertraagde ou Faan nie. Ek praat van al die ander karakters en die agtergrond waarteen die str..t plaasvind.
Tot my spyt eergister goeie geld vermors om Faan se Vlokken Trein te loop kyk.
Gesien dat Kyknet/Naspers een van die borge is. Hulle sal sulke snert borg, want dit beeld mos Afrikaners as ‘n spul agter-die-klippers uit.
Sjert dit maak my netso woedend as ons as n klomp
agtergeblewe idiote uitgebeeld word.
Hierdie vlieks is deur agtergeblewenes gemaak – wat beter
kan jy verwag?
Die buitelanders egter besef die Afrikaners wat hulle daar leer ken is verteen woordigend van die Afrikanervolk en ons geleerdes wat hulle universiteite gaan besoek is ook verteenwoordigend van die Afrikanersvolk – dus het hierdie
vliekmakers en hulle borge hulle eie agterstand vertoon – nie die Afrikaners nie. Per slot van rekening aan wie behoort Naspers en DSTV – beslis nie aan die Afrikanervolk nie.
Rieme ongelukkig is dit nie altyd waar dat buitelanders en selfs van die soute wat hier woon, dieper as hierdie afbrekende beeld van die Afrikaner kyk nie.
Trouens daar is ‘n hele spul Afrikaanssprekendes wat sodanig deur die snert beïnvloed word, dat selfs hulle bereid is om te glo dat ons eintlik ‘n spul Bêkvelders is. Weskaap is vrot van die betrokke spesie. Rieldansers, Kruiperkaners ens.
**
Ja Bert , hiermee stem ek 100% saam – mens is ‘n produk van jou omgewing – dis waaroor selfbeskikking alles gaan.
Mens is ook nie altyd in beheer van wat met jou gebeur nie – want daar bestaan ongelukkig so-iets soos Satan.
Maar wat jy daaromtrent doen is volkome in jou eie hande.
Mens kan en moet dus jou omgewing bestuur – dis in jou eie hande. Soos wat ek en jy gedoen het.
Opvallend is dat Gustav skryf soos wat hy Clarens beleef. – ‘n bodemlose put van ellende.En die opduimpies bewys hoeveel elkeen sy eie Clarens beleef en daarmee identifiseer.
Net soos wat jy jou broederskap beleef ou Bertus.
Orania is mi die ideale omgewing ‘broekas’ ] om afrikaner letterkunde te laat leef en uitstyg uit die bodemlose ellende –
Want daar is lewe….en ruimte vir mekaar en kameraadskap en basiese vertroue [basic trust]
“…Eers dan begin mens werklik verstaan wat oorle Mike Louw bedoel het met “anderkant van gatvol”.
Interessant.
Van watter Mike Louw praat jy en wanneer het hy dit gesê?
Goeie vraag Sjert …
Kon ons sien of die UhuruGuru jou antwoord …
Dag Bert.
Het al dikwels gewonder wanneer ons ‘n slag jou stem hier gaan hoor.
Daar is soveel ondervinding wat jy eerstehands opgedoen het toe jy nog hier gewoon het. Na alles wat jy al met my gedeel het, kan ek waarlik aanbeveel dat jy daardie ondervinding met die Pragers moet deel. Jy is buitendien gewoond daaraan om met min slaaptyd oor die weg te kom. :>)
Kom !! Skryf vir ons ook ‘n storie soos wat Gustav doen.
Beste wense
A.
Bietjie aanmatigend om sommer namens alle mense op straat te praat. Wie is ons hier op Praag??? Nie ook mense wat op “straat” wandel nie??? En sovêr ek kan sien, is almal gaande oor sy storie. Gustav bewys vir ons almal dat ons ‘n deeglikke taal het, en ook hoe om dit te gebruik. Hy leer ons om van die “Common” gewoonte weg te breek. Hier kom jy en saboteer dit.
Doen ons almal ‘n guns: Skryf vir ons ‘n storie sadat jy ook geweeg kan word.
Ek is self skuldig aan besoedeling van Afrikaans, en meeste van ons is seker.
Dit maak nie die saak reg nie. Kyk net hoe het die Kaaskoppe hulle taal verniel.
Bert Oosthuizen woon seker al amper vyf jaar in Engeland, en kyk na sy goeie Afrikaans. ‘n Voorbeeld wat nie ongesiens verby gaan nie.
Bert… baie dankie vir jou mening oor my goed. Ja, ek dink deesdae baie aan wat met jou gebeur het en ek weet hoe kwesbaar ons almal is. Ek wonder ook of ek die morele vesel het om so iets uit te staan. My enigste troos is dat ek enkellopend is en werklik ‘n eenvoudige leefstyl het. As hulle alles vat wat ek het, het ek nie veel verloor nie. Intussen gee ons hulle gas. Hulle wil hê ons moet saggies in ons hoekie sit en neurie. Ek hou nie van hoekies nie en ek weet nie hoe om te neurie nie. Ek verlang na ons eie land!
Ek verteenwoordig die realistiese Orania – Ek is ernstig gekant teen enige vorm van Amish tipe sekte kumune soos bv Bert se Baaltempel kumunes Wit mans alleen wat jy so goed beskryf het omdat jy dit so goed ken.
My Vrymesselaarsvriende buite Orania is gawe ouens en betaal hul rekeninge klokslag. Hulle kyk mooi na my en na mekaar..
Hulle gee geen aanstoot nie en is ‘n aanwins vir hulle dorpe
Ai, as jy dit nog nie agtergekom het nie … almal wat met ‘n R begin in die forum is moderators!
Regter
Riempies
Rooikop
en natuurlik Rifrug!
alles natuurlik agv dR. dan Roodt
Ja nee Rifrug ons moet die mense waarsku dat hulle tog nie n
naam moet kies wat met R begin nie – dan loop hulle ernstige gevaar om as moderator aangekeer te word. 😉