Dankie ek lees u webblaaie gereeld.
Hier kom groot moeilikheid vir blankes en die Afrikaner. Ek weet ons is erg ontman, nogtans is dit vreemd dat ons alles oënskynlik gelate aanvaaf?
Kategorie: Briewe
Rig briewe aan: briewe@praag.co.za.
Sjinese wapens teen blanke Afrikaners
Net vyande of gekke kan die rassehaat teen blanke Afrikaners om ons uit ons land te verdryf of uit te wis, steeds ontken.
Behalwe sulke uitdruklike verklarings, word letterlik enigiets aanhoudend heeltemal buite verband uiters negatief deur die media, vyande, ens. gebruik met 'n stigmatiserende effek.
Waarom nie Sjinese (of enige denkbare) magte nie?
En op talle laakbare wyses, byvoorbeeld ook deur wetlik verpligte militêre diens saam of teen sulke magte – so eenvoudig.
Die omvang, aard, felheid, dringendheid, konstantheid, ens. van die aanslag spreek natuurlik boekdele van ons gedugtheid en roemryke prestasies.
Gelukkig dat die wiel draai.
Zim, ANC wil blankes uitjaag
Wat nou gebeur oorkant ons grense in Zimbabwe,ons ANC regering en alles rondom die situasie lyk vir my na 'n wel vooruit beplande strategie om die val van die blanke teenwoordigheid hier te beëindig.
Die blaam moet darem nie op ons demokratiese gekose regering geplaas word nie.Hulle moet darem 'n positiewe beeld uitdra na die wereld wat nog veronderstel is om vry te wees.Die manier hoe die saak hanteer word is dit baie duidelik dat daar op 'n bloudruk gewerk word.Dit is nie per toeval hoe dinge gebeur nie.Zimbabwe sal hulle help om daardie doel te bereik en die soort van situasie wat daar geskep is is om die swarters te dwing om ons land te beset onder die dekmantel van dat daar iets verkeerd gegaan het in Zimbabwe met die stemmery.Wie agter hierdie dinge sit gebruik die masses om hulle taak uit te voer.Of hoe is my logika?Dit Sjinese broers sal miskien vir ons meer lig kan werp wat die rede van hul belangstelling in Afrika is en dit aan ons kan openbaar.Miskien is ek verregaande met my ontledings.
As iemand Mnr. Gorbachev kan kontak en vir hom vra wat hulle beoog dan sal ons weet wat aangaan want Mr.Mbeki konsulteer gereeld met hom.
Orania is ons enigste hoop
"Enige poging tot suksesvolle Afrikanerpolitiek wat nie ons demografiese verspreiding aanspreek nie, sal onsuksesvol wees. Hoe lank voordat die onafwendbare sigbaar raak? As al daardie vermoorde Afrikaners vandag 'n keuse kon maak wetende wat kom, wat sou hulle kies? Wanneer jou vrou in die aangesig van haar kinders verkrag word, is die BMW, die nuwe sitkamerstel en al die geld in die wêreld dit werd?"
Ek het die afgelope Vrydagaand by my oom en sy gesin gaan aandete eet. So wie gee 'n hel om? Wel die kos gaan jou nie interesseer nie maar my opmerkings dalk wel want hy verteenwoordig die gemiddelde welgestelde Afrikanersakeman.
Hy het 'n pragtige huis, luukse bakkie en sy eie besigheid wat van niks af opgebou is, een waarop enige sakeman kan trots wees, maar is dit volhoubaar? Die antwoord is nee! Die huidige bestel is nie volhoubaar nie om 'n verskeidenheid van redes waarvan ek slegs een hier wil toelig, nl. lewensruimte.
Daar bestaan buite Orania geen Afrikanerlewensruimte nie, alhoewel sekere woonbuurtes en dalk 'n paar klein dorpies nog as Afrikaans beskryf kan word, is die vinnig veranderende demografie besig om hulle snel in te haal. Die demografiese werklikhede waarmee my oom dus sy opgang vanaf nederige begin in 'n Sunnysidewoonstel boontoe gemaak het sonder universiteitsopleiding of enige geldelike steun is dus nie vir sy kind beskore nie. Indien ek enige Afrikanersakeman moet vertel dat hy sy kinders en kleinkinders selfsugtiglik te na kom sal die argument sterk na vore tree dat hy hulle alles bied wat hy nooit gehad het nie, die beste universiteit en geld. Geld: die Afrikaner se grootste obsessie; nie eers sy liefde vir sy taal ewenaar dit nie. Enige volk wat 20% van sy mense so vinnig verloor aan ander lande moet sy bestaanskrisis raaksien. Die bestaanskrissis waarmee Afrikaners sit, is dat onerkende klassisme 'n baie groter rol in sy vernietiging speel as wat hy besef. Rassisme het darem voordele ingehou. Eerstens het dit sy etniese voortbestaan geregverdig en verseker a.g.v. sy eie demografiese verspreiding en tweedens die regverdiging van sy magsbehoud ter verkryging van goedkoop arbeid.
Lewensruimte – en daarmee impliseer ek direk om 'n etniese meerderheid in 'n gebied te wees – kan nie polities afgedwing word nie; bestaande Afrikaanse woonbuurtes word bedien deur ten minste drie keer soveel swart arbeiders as die Afrikaners wat daar woon en daarmee sluit ek besigheid en industrie uit. Selfs indien die uitsondering van 'n besigheid met slegs Afrikaanse werknemers bestaan, word die sekondêre dienste deur ander volke verrig. Afgesien van die Oraniabeweging het geen ander regse leiers of organisasie enige geloofwaardigheid wat die beroep op lewensruimte doen nie aangesien hulle nie self bereid is om sonder daardie goedkoop arbeid te lewe nie.
En soos Mnr. Vaughn dit so mooi opgesom het, is enige aanspraak op n afsonderlike… wel basies enigiets, 'n magsvergryp i.t.v. ons getalle.
Die uiteinde van die saak is dat wanneer my oom se kinders hulle universiteitsopleiding voltooi het, hulle nog vir 'n paar jaar in hul gekose beroepsrigting ondervinding sal opdoen en heel moontlik trou. Maar as die kleinkinders hul opwagting maak, kom daar in sy kinders 'n langertermynuitkyk en die besluit word dan gemaak. Kanada/Nieu-Seeland/Australië/Engeland/Amerika en sy kleinkinders sal hom kultureel nie verstaan nie en hul kinders sal ons Engelse noem.
Die huidige emigrasietendens gaan onverpoos voortgaan totdat daardie selfgesentreerde verbruikerskultuur, die fokus van “ek” weer na 'n fokus van “ons” toe verskuif. Die emigrasie sal voortduur solank daar geen alternatief bestaan nie en uiteindelik daar onder 'n miljoen oorbly wat te arm of ongeletterd is om enige poging aan te wend daartoe. Enige politieke poging om 'n bestaande Afrikaanse buurt of dorp in 'n etniese gebied te omskep sal deur Afrikaners self verwerp word nog voordat enige ander volk protes kan aanteken. Die Afrikanerdrang na vryheid is nie oorskat nie maar sy absolute afhanklikheid van ander volke se arbeid is totaal onderskat (en dis die ware rede vir sy rassisme – afhanklikheid).
Die huidige suksesvolle Afrikanersakemanne het geen belang in Orania nie. Die rede is voor die hand liggend: dit sou n finansiële inkorting en 'n verlaging van hul lewenstandaard wees, of so dink hulle in elk geval.
Maar kom ons veronderstel vir een denkbeeldige oomblik dat die sprong van “ek” na “ons” wel plaasvind en n 100 000 Afrikanersakemanne ondersteun Orania en maak n bydrae van 'n R1000 per maand (wat vir baie kleingeld is). Dit kom neer op n astronomiese R100 miljoen per maand wat aangewend word vir infrastruktuur en ekonomiese ontwikkeling (ekonomiese aansporings moet geskep word; dit bestaan nêrens vanself nie). Binne vier jaar het die Afrikaner iets wat hy nog nooit gehad het nie, 'n groot welvarende gebied waarbinne hy 'n volstrekte meerderheid vorm. Afrikanersakemanne word deur Oranialugdiens na hul sakebelange in die res van die land en selfs oorsee gevlieg, party verkies om eerder hul gesinne daar te laat woon en vlieg tweeweekliks na hul werk in Johannesburg. Die Oraniametropolisie is klein maar hoogs opgelei en goed toegerus. My oom se kinders het nou n keuse!
Visie en voorbeeld moet politieke mandaat voorafgaan. Enige poging tot suksesvolle Afrikanerpolitiek wat nie ons demografiese verspreiding aanspreek nie, sal onsuksesvol wees. Hoe lank voordat die onafwendbare sigbaar raak? As al daardie vermoorde Afrikaners vandag 'n keuse kon maak wetende wat kom, wat sou hulle kies? Wanneer jou vrou in die aangesig van haar kinders verkrag word, is die BMW, die nuwe sitkamerstel en al die geld in die wêreld dit werd?
Wat dink u van die Sjinese wapens op pad na Zimbabwe?
Gee vir ons u mening oor die Sjinese wapens wat na Zimbabwe op pad is. Word blankes en Afrikaners daardeur bedreig? Het ons niks om oor bekommerd te wees nie? Stuur u mening aan briewe@praag.org en ons plaas dit so gou doenlik. Stem ook in ons peiling hieroor (regs op die bladsy).
Zimbabwe-wapens ook teen ons gerig
Ek het vandag die nuus oor die buitelandse troepe wat rondom Zimbabwe begin opbou met groot belangstelling dopgehou. Na gesprekke tussen my en ’n kennis waar vrae oor en weer gevra en geantwoord is, kan ek seker sê dat die volgende slotsom bereik is.
Die magte wat rondom Zimbabwe opbou, is vir seker tweeledig. Die Sjinese aan die een kant is daar om Robert Mugabe se korrupte regime te help behou (teen ’n prys wat die Zimbabwiese president nog nie van bewus is nie, totale slawerny in ’n Sjinees oorheersde land) en die Australiërs en Britte is daar om dit teen te staan, hoewel ek wonder presies hoe hulle dit sal wil doen.
Die Britse eerste minster Gordon Brown se gewildheid is so bietjie aan die kwyn en die Britte is reeds moeg vir oorlog, as mens in aanmerking neem dat hulle reeds genoeg gehad het in Afghanistan en Irak. Verder is hy sommer net gewoonweg nie meer so gewild nie, en voorstelle dat die Engelse ’n voormalige kolonie, vir wie hulle selfbeskikking gegee het weer moet kom beskerm, is nie lekker om te sluk nie.
As mens die rol van die Australiërs moet bekyk wonder ek wat hulle sal kan maak teen die geel gevaar wat die kontinent binnestroom. Ja, ek kan aanvaar dat die Australiërs gedugte teenstanders kan wees, maar die omstandighede hierso is nie die kaal vlakteveld wat in hulle blyplek voorkom nie. Dit is bos, Afrikabos, met hordes vreeslose geel mense en swartmense wat die plek ken.
Nou ja, toe kom Suid-Afrika en gooi nog plofstof op die hele konflik. En ja, ek noem dit konflik, want hoewel dit tans nog redelik kalm is (die klompie moorde en dies meer ten spyt) gaan dinge begin warm word, nie net in Zimbabwe nie, maar ook in Suid-Afrika.
Suid Afrika het die hele ding verder bemoeilik deur sy toegewing dat ’n baie groot besending wapens en ammunisie in die Durbanse hawe ontvang word, wel wetende dat dit vir Zimbabwe bestem is. En President Mbeki en sy “sidekicks” het presies geweet hoe dit aangewend gaan word. Hulle het drie weke laat verbygaan terwyl die uitslag van die verkiesing (waarop hulle ook nou skielik aandring) agterweë gebly het. Hulle het ook stilgebly oor die onderliggende skelmstreke waarmee Robert Mugabe probeer om sy bewind te behou, want volgens Mbeki is daar “geen krisis nie”. Die wapens gaan in alle waarskynlikheid aangewend word deur ZANU-PF om enige en elke MDC-man, -vrou en -kind voor die voet af te maai en te vermink, weereens natuurlik met Mbeki se stille goedkeuring wat onhoorbaar hard praat en aanmoedig in die agtergrond. In dié geval sal ons seker op die TV-nuus verneem hoe geskok Mbeki en die kabinet is oor die vergrype aan menseregte wat gebeur, en dat Mugabe nou dadelik sal moet ophou daarmee.
Toe word dit bekend gemaak dat die wapens volgens wet afgelewer moet word en dat daar geen verbod is op die verskaffing van wapens aan Zimbabwe nie. Sy menseregterekord ten spyt, verkeer die land op geen swartlys van die Afrika-unie of iemand anders nie.
Ek het toe so hardop sit en wonder waar dit gaan eindig en die antwoord is dat dit waarskynlik nie sal nie. Dis SA regeringsmagte is op bystand geplaas, vir watter onbeholpe rede ook al.
En spekulasie oor waarvoor hulle aangewend gaan word, kan ’n paar antwoorde oplewer. Die een is dat hulle (optimisties) die grens gaan beskerm teen die invloei van miljoene swartes van Zimbabwe af, of twee, aangewend gaan word om die blankes wat nog in die land woonagtig is in hulle hordes uit te moor sodat die swartes van Zimbabwe af net kan inloop en met gemak kan oorneem. Of drie, net die noordelike provinsie se bevolking kan uitmoor om sodoende die lewe makliker te maak vir die Zimbabwiese inwoners wat hulle hier kom vestig.
Dan kan hulle op hulle tyd die land versuip in die septiese tenk van onopgevoede en ongedissiplineerde waardes wat hulle saam met hulle bring.
Toe ek aan die kennis noem dat die boere in die noordelike provinsie moet begin regmaak om hulleself en hulle eiendom te beskerm, het hy nogal saamgestem, want ek vermoed dat ’n swart tsoenami van moordende massas mense binnekort die grens sal begin oorsteek op soek na veiligheid en voedsel. En dis natuurlik wat oom Mbeki vir ons bied: veiligheid, kos, klere, die reg om hier te moor, roof en verkrag sonder om vervolg te word en nog meer.
Die een stelling wat ek toe maak, is dat daardie besending nooit Zimbabwe behoort te bereik nie. Dit sal in ’n mate keer dat die vloedgolf die land heeltemal verdrink deurdat ZANU PF se magte net ’n klein bietjie minder wapens sal hê om hulle moorddadige aktiwiteite mee aan te vang.
As die blankes, boere en Afrikaners daardie besending wapens die grens laat bereik, sal hulle dus hulle eie doodsvonnis teken, die vonnis wat sê dat hulle verdrink sal word deur die massa swart water wat op pad is. Die huidige syfers wat oor die grens kom, is ongeveer 100 000 per maand, binne ’n week of meer sal dit waarskynlik styg na ’n miljoen of meer per maand en die gevolge sal katastrofies wees.
Een opmerking wat ek gemaak het, is dat die boere in die noorde binnekort oop jagtyd sal hê om hulle gesinne en huise te moet beskerm. Die reëls sal waarskynlik wees: skiet eers en vra dan vrae, want as jy eers vra sal jy nie meer lewe om te kan skiet nie. Hoe die besending wapens gekeer kan word voordat dit die Zimbabwiese grens bereik, is ’n ope vraag.
Wel, ek het nou klaar my gal gebraak oor die onbeholpenheid en absolute onnoselheid waarmee die Suid-Afrikaanse regering vorendag kom. Dis met spanning wat mens die dinge in die volgende weke gaan dophou en dan maar met die gevolge sal moet saamleef, goed of sleg. Ons is in die land en dis al wat ons het, dus sal ons moet wakker skrik en begin beplan, nie net wonder wanneer iemand met die oplossing vorendag gaan kom nie.
Apartheid was nie kwaadwillig
Nie Strijdom, Verwoerd, Vorster of Botha het geglo dat die stelsel van rasseskeiding en minderheidsregering op die duur sou kon voortbestaan nie. Trouens, geen denkende mens het dit geglo nie.
Om egter by 'n regverdige en werkbare stelsel uit te kom, het meer as die wysheid van Salomo geverg. Erkenning van etnisiteit het die apartheidssisteem se uitgangspunt gevorm, en alles is daarom beplan – want die alternatief sou wees oorheersing van een etniese groep oor 'n ander, met die droewige gevolge wat ons vandag beleef.
Ongelukkig was die tuislandbeleid / konstellasie van state / federasie / desentralisering nie aanvaarbaar vir die wêreld nie, en is ons gedwing in die huidige gemors in. Natuurlik was apartheid onregverdig. Vandag se bestel waarin minderheidsgroepe uitgelewer is aan die meerderheid, ook. Maar tydens die apartheidsera was daar werklike soeke na 'n beter bestel – die tyd en die wêreldgees het ons egter ingehaal voor ons by 'n oplossing was.
Om egter aan die "apartheidsleiers" blindelings kwaadwilligheid, rassisme en gemeenheid toe te dig, is ver van die werklikheid. Hulle was meesal mense wat ook maar met menslike tekortkominge eerlik na 'n uitweg uit 'n oorgeërfde dilemma probeer soek het. Nie een van hulle was boos in die sin van 'n Stalin of Hitler nie. (Ferdi Greyling noem apartheid "rasgedrewe fascisme", maar fascisme is volgens die HAT 'n "anti-parlementêre staatstelsel waar die wetgewende en uitvoerende mag by 'n diktator berus". Die term "Fascisme" het mettertyd die kommuniste se veeldoel-skelwoord vir alle nie-kommunistiese gedagtes geword, en die gebruik daarvan in hierdie konteks is niksseggend.)
Die gedurige gekerm van Kollapen en sy trawante gaan nie soseer oor werklike of gewaande onregte nie; dit gaan oor 'n kondisioneringsproses om alle weerstand, trots en selfstandigheid by wittes te ondermyn totdat ons wittes op 'n willose ekskuus-dat-ek-leef manier ons knegskap aanvaar. Ek aanvaar hoegenaamd nie dat Kollapen "…'n man van beginsels…" is nie – hy is maar net nog 'n opportunistiese klein gifsaaier wat iewers na 1994 uit die houtwerk uitgekruip het, en wie se eensydige geteem teen die "wittes" geen geloofwaardigheid het nie.
Persoonlik weier ek om vir enigiets voor 1994 om verskoning te vra.
Ons is moeg vir propaganda
Dit wil vir my voorkom asof Volksblad die ware gevoel van die Boerevolk hierdie week ontdek het met die stemmery oor die Volksblad se geloofwaardigheid. Nie minder nie as 66% het gestem dat die Vryheidsfront Plus se aantygings teen die Volksblad regverdig en raak is.
Hierdie is die ware gevoel van die volk wat julle tot stand gebring het en nog daagliks kos op julle tafels sit.
Ons is moeg daarvan om daagliks vertrap te word met ANC-propaganda en die doodse swye oor die volksmoord wat ons volk uitroei. Daar word van die Afrikaanse pers verwag om ook sterk standpunt in te neem teenoor die swart terroristiese bedrywighede wat openlik in ons land plaasvind onder die dekmantel van gewone misdaad.
Ons verwag van Volksblad en Beeld om op te hou om die waarheid toe te smeer en openlik die ras van hierdie boewe in hulle berigte te meld. Ons verwag ook dat hierdie berigte aan die groot klok gehang moet word en dit ten sterkste afgekeur moet word.
Verder moet Volksblad en Beeld ook hierdie moorde, verkragtings en martelings gebruik as teenvoeter vir die swart propaganda wat in ons volk se keel afgedwing word.
Daar is vir meer as twee weke geteem oor die video by UV, maar volksmoord en martelings van weerbare ou mense verskyn op bl. 4 van die daaglikse uitgawe. Hoekom word hierdie berigte nie ook holrug gery nie? Hoekom word in hierdie berigte nie ook die ras van die misdadigers genoem nie? Hoekom word hierdie berigte nie ook aangewend as teenpropaganda teen hierdie swart regering nie?
Staan op Volksblad. Staan op Beeld. Julle het nie nodig om agter die liberale mening aan te hardloop nie. Die Boerevolk het julle nog al die jare gedra. Moet nie jou herkoms verag nie. Dit mag dalk jou toekoms bepaal.
Ek hoop dat hierdie stemming wat Volksblad geplaas het die ware gevoel van die volk sal oordra en dat dit Volksblad en Beeld se oë sal oopmaak. Met toe oë storm julle op die afgrond af.
Beskaaf vs. barbaars
As 'n mens oor die afgelope 25 jaar terugkyk en jy vergelyk al die kontraste met mekaar, sal jy besef waarom ons voorouers nie in 1834 bereid was om in Kaapstad agter te bly nie; nie bereid was om die knie voor Engeland te buig nie; nie bereid was om met die Xhosas, Zoeloes en al die ander swart volke van Suider-Afrika te vermeng nie; nie die Boererepublieke wou afstaan nie; en waarom ons in 1948 ten gunste van apartheid gestem het; en was ons (die huidige geslagte) ook nie bereid om "JA" vir mnr De Klerk se Nuwe Suid-Afrika te stem nie.
Onderstaande foto het op 24 April 2006 op die voorblad van De Volkskrant in Amsterdam verskyn.
In Nederland word daar gemiddeld 160 mense per jaar vermoor. In 90% van alle gevalle van geweldsmisdaad, is buitelanders daarvoor verantwoordelik. Van daardie buitelanders is 80% Marokkane. ('n Mens kan dus die afleiding maak dat, sonder die klomp onwettige immigrante, daar byna geen ernstige misdaad in daardie land sou wees nie).
Dit is die verskil tussen beskaafdheid en barbaarsheid.
Ek kan julle (die lesers) verseker, so-iets is nie in die Nuwe Suid-Afrika moontlik nie.
Op die foto kan gesien word hoedat duisende Nederlanders 'n "Stille Mars" neem, nadat 'n moord gepleeg is. Toe Theo van Gogh vermoor is, het die Nederlanders nie soos die Arabiere, of soos die swartes in Suid-Afrika, klippe gegooi, motorbande aan die brand gesteek, motors omgekeer, onskuldige winkeleienaars se winkels geplunder, en algehele chaos en vernietiging veroorsaak nie. NEE!!! Hulle het op 'n staptoer deur die dorpe en deur die stede gegaan. In die voorste ry is gewoonlik geestelikes, daarna familielede van slagoffers, en dan volg die gemeenskap.
Op hierdie foto kan gesien word dat die skare deur slegs een polisieman "gelei" word. Die Nederlanders is beskaafde mense wat nie nodig het om deur duisende gewapende polisiemanne opgepas te word nie.
Die voorval van 10 dae gelede op Stellenbosch is 'n goeie voorbeeld daarvan, toe tientalle swaar gewapende polisiemanne 3 nagklubs op Stellenbosch bestorm het en ongewapende feesgangers by die Afrikaanse Kunstefees, met brute geweld hanteer het. Dit, is die verskil tussen beskaafdheid en barbarisme.
Die plaasaanvalle wat onverpoosd voortduur en toeneem, kry geen mediadekking oorsee nie, maar die gebeure in Bloemfontein, Swartruggens, ens., is op koerante se voorblaaie wêreldwyd.
Selfs skuldinvorderaars weet van Orania
Die vraag of Orania 'n plek van isolasie is, is dié vraag wat ek die heel meeste hoor wanneer ek met vreemdelinge oor my betrokkenheid by Orania gesels; ook gedurende my besoek aan Europa van die laaste paar maande.
Ek moet erken dat dit 'n beeld is wat heel maklik in die geestesoog opgeroep kan word. Die Karoo met haar uitgestrekte vlaktes, gesteur alleen deur die kronkelende watermassa van die Oranje en die sterresimfonie wat snags uit die helderblou van elke dag ontplof, kán 'n mens klein, nietig en alleen voor God se skepping laat voel.
Hierdie grote landskap máák 'n impak op menswees; dit het die denke en werke van ons voorste kunstenaars gevorm en gesmee. C.J. Langenhoven, N.P. van Wyk Louw, W.E.G. Louw, Ingrid Jonker, Coenie de Villiers, Gert Vlok Nel, om maar net enkeles te noem, dra elkeen die stof van hierdie grond aan hulle voete.
Tog kan ek slegs uit eie ervarig skryf oor Orania en die persepsies van isolasie. Om dit vir u te temper, gaan ek my betrokkenheid by Orania ietwat toelig.
As afgevaardigde van my Hoërskool in die Vrystaat, het ek die ATKV se jeugberaad te Barkley-Wes in my graad 11 jaar bygewoon, waar ook prof. Carel Boshoff, grondlegger van Orania, die geleentheid gehad het om met ons klomp jonges van regoor die land te gesels oor die toekoms én oor drome.
Ek is terug skool toe, het gematrikuleer, by Tukkies gaan studeer en die werksmark in Johannesburg betree. My nuuskierigheid was egter geprikkel en ek het periodiek met die Oraniërs kontak gemaak. In die proses is hegte vriendskapsbande gesmee en ek het besluit om al meer by Orania betrokke te raak.
My ervaring van Orania is dié van 'n dorp. 'n Dorp wat bietjie meer as 'n uur se ry van sy naaste groot lughawe en die res van die wêreld af is. 'n Dorp wat bo en behalwe vir die gewone toegang tot Telkom, Vodacom, MTN en Cell C, ook toegang het tot breëband internet d.m.v. 'n Wi-Fi netwerk. 'n Plek waar Kalahari enige DVD kan aflewer wat nie by die plaaslike video-winkels beskikbaar is nie. 'n Plek waar ek Gillette-skeerlemme tjies kan koop en waar die Landbouweekblad, Volksblad, Huisgenoot, Sarie, People, Men's Health, Avo en Cosmopolitan op tyd beskikbaar is. Dstv is teen die normale intekentariewe beskikbaar en Engels is 'n verpligte vak in Orania se skole.
Op Orania het ek in die laaste jaar Afrikaner joernaliste gesien. Ek het swart joernaliste van die SAUK en Business Day gesien. Ek het Nederlandse vryskutjoernaliste gesien. Ek het selfs Arabiese joernaliste van Al Jazeera gesien. Gedurende dieselfde tydvak het Bok van Blerk, Chris Chameleon, Elizma Theron, Adam Tas, Beeskraal, André Swiegers, Prescilla Talbot en Klopjag lewendige vertonings vir die dorpsmense gelewer.
In Desembervakansies bars Orania uit sy nate. Die mooi rivier, groot skoon swembaddens, bosveldklimaat en veilige omgewing lok gesinne van regoor die land en elkeen bring hul stories, glimlagte en trane saam.
Heelwat besighede is op Orania gevestig. Die meer suksesvolles sluit dienstegedrewe ondernemings in, wat deur moderne kommunikasie- en logistieke tegnologieë hul kliënte van regoor die wêreld diensbaar is. Dit sluit onder meer firmas in die argitektuur- , batebestuur-, SAP programmerings- en rekenmeestersbedrywe in.
Selfs diegene wat gehoop het dat Orania wél 'n plek van isolasie is, het hul rieme styfgeloop. Skuldinvorderaars en prokureurs in die res van die land weet blykbaar tog ook wáár Orania is.
'n Ander oorsaak van die persepsie van isolasie, is waarskynlik Orania se verklaarde doelstelling: "Om 'n tuiste vir die Afrikaner en sy kultuur te wees". Dit kan onwillekeurig die beelde van "laertrek" deur mens se gedagtes laat flits.
Ek beleef Orania egter anders. Die dorp het nie 3 meter hoë mure nie. Ook nie hekwagte nie. Besoekers (van welke agtergrond) kom en gaan ongestoord.
Die vraag kan dan seker gevra word of dit alles nie bots met Orania se doelwit nie? Hoe kan Orania Afrikaners én hul kultuur beskerm sonder om laer te trek?
Soos hier in Europa en oral oor in die wêreld heen, is dit 'n geval van demografie. Die oorgrote van Nederland se universiteite en skole is enkelmedium Nederlands, al bevind die landjie homself reg tussen die taalreuse van Engeland, Frankryk en Duitsland. Al is twee van Nederland se buurtale, "wêreldtale" en al is daar nie enige fisiese grense tussen Nederland, Frankryk en Duitsland nie.
Nederland kry dit reg bloot omdat die meerderheid mense wat in Nederland woon, Nederlands-taliges is. Indien daar 'n meerderheid Engelstaliges in Nederland gewoon het, sou die taal van die howe, skole, universiteite en parlement Engels gewees het.
Dieselfde geld ook vir Suid-Afrika. Omdat daar 'n meerderheid Afrikaners in Orania woon, beskik Orania oor twee Afrikaansmedium hoërskole. En hoewel Oraniërs nie minder van die res van die wêreld beleef as byvoorbeeld die mense van Ermelo nie, beskik Ermelo nie meer oor 'n enkelmedium Afrikaanse hoërskool nie, omdat die Afrikaners wat in Ermelo woon, slegs 'n minderheid is.
Laastens kán die keuse om Orania te steun, as 'n keuse van eksklusiwiteit en weerstand teen Suid-Afrika in die geheel gïnterpreteer word, wat momentem aan die persepsies van isolasie gee. Tog betaal die inwoners steeds hul belastings aan SARS terwyl die gemeenskap daadwerklik poog om ander ontwikkelende gemeenskappe in die land by te staan, deur hulle uit te nooi om Orania te besoek en die ontwikkelingsprojek te daar te bestudeer. In hierdie verband besoek Oraniërs self ook graag ander gemeenskappe, binne en buite Suid-Afrika. Anders as by eksklusiewe vergaderings soos dié van byvoorbeeld die Black Journalist Forum, lê Orania oop vir enige nuuskierige om besoek in af te lê.
Soos in Nederland, Engeland, Frankryk en Kosovo, is dit aanvaarbaar om deel van 'n meerderheidsgroep in 'n spesifieke gebied te wees. 'n Liefde vir die eie, beteken nie 'n afkeur van ander nie. Dit lei ook nie tot isolasie nie. Inteendeel, dit is die enkele rede waarom die mensdom oor haar ongelooflike kulturele diversiteit beskik wat ons almal ryker laat, terwyl ons deelneem aan die internasionale simfonia.
U kan my waarskynlik daarvan beskuldig dat ek nie heeltemal objektief oor Orania is nie, maar watter persoon kan hom/haarself tot so 'n mate verraai om geheel en al objektief te skryf?
Oscar Wilde het geskryf: "We're all lying in the gutter, but some of us are looking up at the stars."
Orania is 'n dorp met die hart van 'n stad.
UOVS-bestuur met slap riem gevang
Die vier outjies van Reitz behoort ‘n Oscar te kry vir die grootste videograp van die eeu sovêr. Hulle het ‘n klomp intelligente Afrikaners in die UOVS-bestuur en die SA media onmasker as die grootste pampoene wat vir suckers gevang is.
Ongeregtige, sensasiebehepte, emosionele konkelaars wat met hulle broeke op hul enkels gevang is.
Maar teen ‘n geweldige prys wat nog bereken sal word in die toekoms. Nie die koste van die video nie maar die koste van die onbekwame Afrikanerwanbestuur van die hele sirkus wat hulle hoegnaamd nie kan steur aan die waarheid nie.
Soos voorheen geskryf is, ons Afrikanerleiers se gebrek aan integriteit is skrikwekkend.
En ek lag my dood vir die sotheid van die media!
Welgedaan outjies en gee sommer daai geliefde Skwiezas van julle ‘n ekstra druk want dit was ‘n kwantumsprong na ‘n nuwe bedeling van kameraadskap tussen alle rasse. Ek moes ook al rou bokknaters eet omdat ek swak geskiet het in die jagveld net soos al die ander sonder aansien des persoons.
Dis waar spanboukultuur begin.
Ondersoek eers Reitz-insident
Dit kan insigewend wees as Anton Barnard se artikel Vrugte van gedwonge integrasie aangevul word met `n beknopte kronologiese oorsig van die gebeure by die Universiteit Vrystaat. Dan mag die onbevange leser besluit dat benewens die bedanking van die rektor 'n onafhanklike ondersoek deur `n bevoegde buitestander noodsaaklik is alvorens enige dissiplinêre of regstappe ingestel word.
Gedurende sy eerste termyn wat ten einde sou loop in 2007 was daar aanduidings dat die rektor, voorheen 'n dosent in handelsvakke aan die UV, die universiteit sien as 'n instelling met die roeping om studente logies-wetenskaplik in `n akademiese omgewing op te lei.
Vroeg in 2007 het gerugte die ronde begin doen dat die universiteitsraad hulle daarvoor beywer om, in stede van die bevordering van die swart viserektor, die rektor vir 'n tweede termyn aan te stel. Dit het toe so verloop.
Kort nadat die heraanstelling bekend geword het, is die beleid van koshuisintegrasie afgekondig. Dit het reaksie van die studente, die studenteraad, ouers en die VF+ uitgelok. Daar is toe ook beweer dat die rektor advies van gesaghebbende deskundiges ontvang het om koshuisintegrasie op 'n ander wyse en met verdrag te implementeer. Dit het egter gou duidelik geword dat die rektor inderdaad sodanige advies van die hand gewys het.
Reeds voor hierdie stadium het Volksblad 'n tirade van me. Pandor teen die wit studente van die UV gepubliseer. Uit die geledere van die universiteit word o.a. in 'n brief aan die pers gevra of verreken is wat na 1994 op Engelse kampusse soos Pietermaritzburg, Durban-Westville en Wits gebeur het, en is gepleit vir "eenheid-in-verskeidenheid" eerder as "eenheid-ten-koste-van-die-verskeidenheid".
Die konvokasie, onder voorsitterskap van 'n oud-hoofregter, vra die universiteit vir geleentheid vir bedaarde oorweging van die integrasiemodel. Dit word van die hand gewys. Die Universiteitsbestuur se gesindheid word tentoongestel ná dit bekend geword het dat VF+ van voornemens is om met die saak hof toe te gaan.
Na aanleiding van 'n VF+ kampusoptog van studente verleen Volksblad ruimte aan `n "filosofiedosent", inderwaarheid 'n junior lektor, om 'n artikel "Afrikanerstudente se protesoptrede 'maar flou'" te plaas. "'n Paar voorbokke blaas op fluitjies," skryf hy, "en een lummel span selfs die 'vuvuzela' in … 'n Paar (swart) polisiemanne (hou) 'n oog oor verrigtinge." Deurlopend spreek sy "swart vriendin en makker" mee. Die jong satirikus van die UV vervolg, "…een of ander massa-poets met Leon Schuster iewers agter 'n kamera. Blykbaar het Sarie Marais en Bobbejaan klim die berg vroeër uit volle, wit borse opgeklink. F*kit! … Is dit al? Waar is die aksie? Waar is die fight!?" vra sy makker en vriendin.
Maar die UV kan beter doen. Die hoof van die Department Filosofie volg dit op met 'n openbare lesing op die kampus, alles in Sowt Efriken Inglish, om die noodsaak van "eenheid-ten-koste-van-die-verskeidenheid" by die UV te verduidelik. In 'n brief aan ouers van studente i.v.m. die 2008 akademiese jaar skryf die rektor dat hy nou kan "voortgaan met nasiebou." Genoeg van die bedenklike doen en late van die universiteitsbestuur waarvan heelwat op die een of ander manier sedert Julie 2007 in die plaaslike koerant verskyn het.
Oor die vindingryke en vreedsame protes van die huiskomitees van dames- en manskoshuise en die oproer op die kampus, word op 21.02.08 in Volksblad gerapporteer. Hoe polisiemanne die studente van die grasperke " … in hul koshuise in … dwing met hul wapens" is die fokus van die berig. Volksblad rapporteer daarna dat die aksie van die huiskomitees en die oproer afsonderlike voorvalle was. Onder die kop "Onaanvaarbaar – rektor" berig Volksblad dat die rektor Sondag (24.02.08) "sy hart oopgemaak het" deur te "kap … na studente (…) veral wit studenteleiers." Op 26.02.08 volg, in vetter letters, die opskrif "UV: Tugstappe kan volg".
Hierin word die feit van die afsonderlike oproer deur "die universiteit" verduidelik deurdat "die staking die koshuise met `n leierskapsvakuum gelaat het wat die geleentheid vir vandalisme op die kampus geskep het". Klink dit geloofwaardig? Onder groot vet letters "Video-bom" berig Volksblad dat `n video wat in September 2007 gemaak is op die kampus versprei is. Die rektor se verklaring lui: "A video, made by residents of the Reitz mens' residence on the Main Campus of the University of the Free State (UFS) in Bloemfontein, surfaced this morning (Tuesday, 26 February 2008) and was brought to my attention." Mmmm!
Die vraag is of `n vernielsugtige oproer spontaan begin die oomblik as huiskomitees uit die koshuise beweeg? En natuurlik wie dit aangeblaas het?
Skooleed Marxisties leeg
Dis van die oorlede Marxsistiese ideologie gesê en is net so van toepassing op ons huidige regering, dat dit soos ‘n magtige leër is wat nêrens besonder op pad is nie maar net gedurig besig is met sy eie krankes en ellendiges en die oorsake projekteer op ander. Geen toekomsvisie en geen ambisie. Tipiese marxistiese tirannie van die gepeupel (proletariaat).
Nou word die kinders met hierdie eed disfunksioneel opgevoed, terwyl die staat se primêre taak in die skole nie opvoedkundig van aard is nie maar eerder opleiding in basiese vaardighede.
Opvoedkunde behels mos ook Christelike waardes van 80 % vd bevolking en ander supersentimente?
Daarom sal hierdie eed van ontoereikendheid en leegheid ‘n presedent skep vir die Afrikanerkinders om eerder De la Rey as skoollied te gebruik.
Dit spreek minstens van ambisie en vooruitgang gegrond op die beste leierskapswaardes van die verlede.
Transformasieteikens is twak
Op 11 Februarie het Die Burger hier in die Kaap 'n hoofartikel onder die opskrif Krieket gepubliseer. Ek kon nie glo wat ek daar lees nie, nl. dat Suid-Afrikaners, en almal oor die wêreld heen wat sport volg, weet en aanvaar dat transformasieteikens deel geword het van die wyse waarop Suid-Afrika se nasionale sportspanne vir die afsienbare toekoms saamgestel moet word.
Nee, geagte meneer die redakteur, wat my kursiefgedeeltes betref, slaan u die krieketbal geheel en al en toetentaal mis. Almal oor die wêreld heen aanvaar nie transformasieteikens as ’n moet nie. U moet u woorde asseblief soos volg vervang: almal moet lees stiksienige politici en ’n klompie wensdinkende koerantredakteurs; aanvaar moet in die negatief gestel word want dis ’n doodgewone leuen; transformasieteikens is tog duidelik transformasiekwotas; en laastens moet u asseblieftog moet verander na moet volgens die ANC. As u dit doen, is u nader aan die waarheid en verder weg van die politieke leuen wat u aan ons wil verkondig. Glo u werklik dat ons almal alles wil transformeer? Hoekom sal ons dit wil doen as 95% van alles wat tot dusver getransformeer is, eers swart, toe Engels en toe disfunksioneel geraak het? Hoekom sal ons met ’n heilige gesig ’n kwota ’n teiken noem? Ek stel voor u kom saam met my skietbaan toe en dan wys ek u hoe lyk ’n teiken.