Sake – Bladsy 31 – praag.co.za

Tolpaaie duurder

Tolgeld op tolpaaie gaan in Maart landwyd met sowat 8% verhoog word, het die nasionale padagentskap, Sanral, Vrydag aangekondig.

Nazir Ali, Sanral se uitvoerende hoof, sê die verhoging is deur Sibusiso Ndebele, die minister van vervoer, goedgekeur.

“Die tarief is aangepas om met die verbruikersprysindeks die afgelope twaalf maande tred te hou,” het Sanral se woordvoerder, Alice Matthews, gesê.

Die verbruikersprysindeks waarop die verhoging gegrond is, is die een tussen November 2009 en November 2009, naamlik 7,91%.

Dit is dié persentasie wat Sanral vir sy verhogings gebruik. Hy sal die prys egter tot die naaste rand afrond.

Oor die beplande tolgelde wat in Gauteng op oop paaie gehef gaan word, het Matthews gesê dit sal na verwagting in April 2011 in werking tree op die N1, N3, N12 en dele van die N17.

Tolgeld sal elektronies gehef word en motors sal nie by hekke hoef te stop nie.

Фільчаков прокурор

Reaksie op die 2010/2011 begroting

Mnr. Pravin Gordhan het daarin geslaag om te midde van baie moeilike finansiële omstandighede ‘n gebalanseerde begroting voor te hou.

Die afgelope week was ‘n belangrike week vir Suid-Afrika deurdat die President in sy repliek aangedui het dat die nasionalisering van myne nie die regering se beleid is nie en dat minister Gordhan in sy begrotingsrede aangedui het dat die reserwebank onafhanklik moet bly met spesifieke inflasieteikens. Hopelik sal dit die raserige ekonomiese debat binne die regerende alliansie stil maak en buitelandse beleggers se vertroue in Suid-Afrika herbevestig.

Die VF Plus verwelkom die verhoging in ouderdomspensioen en die feit dat persoonlike inkomstebelasting nie verhoog is nie. Deurdat die Minister R70 miljard minder as verwagte inkomste kry, was daar wye bespiegeling dat daar geen verhoging van toelaes gaan wees nie en dat persoonlike inkomstebelasting sal moet verhoog.

Die 25% verhoging van belasting op brandstof is ‘n fout wat groot druk op reeds swaar belaste motoriste en die inflasiekoers gaan plaas. Hierdie belasting gaan gebruik word om ‘n brandstofpypleiding te bou. Die vraag is of die motoriste werklik enige voordeel hieruit gaan kry. Dit is dieselfde verkeerde benadering as wat deur Eskom gebruik word waar tariewe verhoog word om ‘n kapitaalprojek te finansier.

Die VF Plus verwelkom die groenbelasting op motoruitlaatgasse as ‘n eerste ernstige stap van die regering om ‘n werklike bydrae tot besoedeling en aardverhitting te maak.

Vir sewentien jaar het Suid-Afrika nie ‘n resessie ondervind nie en was daar telkens ‘n oorskot belastinginkomste vir die staat. Vir die eerste keer word daar nou in die nuwe finansiële jaar van staatsamptenare verwag om ernstig te besnoei en meer te doen met minder geld. Die groot vraag is of die staatsdiens, wat vir dekades nie in so ‘n situasie was nie, hierin sal kan slaag. Met volgende jaar se begroting sal ons weet tot watter mate hierin en met die nuwe korrupsie-maatreëls geslaag is.

Weer bonusse?

Het groot Amerikaanse banke en versekeraars hulle die afgelope jaar weer aan die betaal van allerlei bonusse te buite gegaan?

Die Wall Street Journal berig dat hierdie sektor hul mense die afgelope jaar altesaam 145 miljard dollar betaal het, 6 % meer as in 2007 toe die betaling van salarisse, bonusse en ander meevallers ‘n rekordvlak bereik het.

Die werkers van hierdie sektor het verlede jaar bykans $150 000 verdien, $ 3 000 meer as in 2007. Hierdie sektor se inkomste het die afgelope jaar met 25 % gegroei.

Nie almal stem met die Wall Street Journal se berekenings saam nie. Die koerant het sy berekenings gedoen op die data van 38 van die VSA se groot banke en versekeraars. Die instansies wat hierop gereageer het, sê die skatting is te hoog. Boonop, gegewe die groot ontevredenheid oor hoë bankbonnusse voor die Wall Street-duikslag (en in sommige gevalle selfs daarna toe van die instansies deur staatshulp vlot gemaak is) sal verseker dat die instansies die gordel intrek wanneer dit by bonusse kom.

Chinese uitvoer spring

Kort op die nuus dat China vir Duitsland as die wêreld se grootste uitvoerder verbygesteek het, kom die nuus dat China se uitvoere die afgelope Desember 17,7 % meer was Desember ’n jaar tevore. China het in November verlede jaar goedere ter waarde van $10,7 biljoen uitgevoer teenoor Duitsland se $10,5 biljoen.

Die verhoogde uitvoere is ’n maatstaf vir die herstel van die wêreldekonomie, en stimuleer weer Chinese invoere, veral van ru-stowwe. In Desember was die verhoging 55 %, terwyl 42 % meer ystererts verlede jaarr ingevoer is, 63 % meer koper en 164 % meer alluminium.

освещение потолка на topcargo

Staat stuur op geldkrisis af

Suid-Afrika stuur op ‘n begrotingskrisis af met ‘n geskatte rekordtekort van 7,6% van die bruto nasionale produk in die 2009/2010-belastingjaar. Sommige ekonome meen egter dat dit nog veel hoër kan wees.

Volgens die minister van finansies, Pravin Gordhan, gaan belastinginvorderings vir die 2009/2010-jaar ongeveer R70 miljard minder as die begrote bedrag wees; dis nou nog afgesien van die tekort wat reeds in die begroting voorsien is.

Gegewens wat Maandag deur die nasionale tesourie uitgereik is, toon dat belastinginkomste vir die eerste agt maande van die jaar R26 miljard laer as in die vorige jaar was.

Terwyl die staat minder geld ontvang, het hy sy uitgawes drasties verhoog, vanaf R403,2 miljard in die vorige belastingjaar tot R489,5 miljard in die huidige jaar wat einde Februarie ten einde loop.

Ekonome voorspel dat die effense herstel in die ekonomie weinig gaan doen om die staatskas weer vol te maak en dat finansiële druk op die staat gaan voortduur, met die begrotingstekort wat waarskynlik opwaarts aangepas gaan word.

конструктор домик Александр Фильчаков

Hoogspanning ter see

Nee, nie nog ‘n seerowervoorval nie.

Met windparke in die Noordsee word al meer en meer besef dat ‘n behoorlike windkragopwekking ‘n beduidende aantal groot windparke ter see gaan vereis, en dat dit weer tot ‘n behoorlike hoogspanningsnetwerk ter see aanleiding moet gee.

Die eerste samesprekings vind volgende maand plaas, maar volgens berigte moet die plan self nog gemaak word.

Enkele kabels is reeds gelê, maar is tot dusver die gevolg van bilaterale samewerking, soos die kabel tussen Nederland en Noorweë, asook tussen Noorweë en Brittanje.

Nou moet nege lande wat aan die Noordsee grens koppe bymekaar sit.

Dat Noorweë reeds per kabel met lande suid daarvan verbind is, het te make met seisoenale opwekking en gebruik. Wanneer die ys smelt, het Noorweë ‘n groter aanbod aan hidro-elektriese krag as sy eie verbruik, terwyl lande in die suide weer in die winters elektrisiteit van gasturbines en ander fosielaandrywing, of selfs kernkragsentales in die teenoorgestelde rigting onderdeur die Noordsee kan laat loop.

Groot windparke ter see vergemaklik die proses om krag beskikbaar te hê om te laat vloei na waar dit benodig word, en Nederland sien vir homself ‘n beduidende rol as “hub” hiermee. Maar dan moet al die windparke in die Noordsee aan een netwerk gekoppel word.

Van hierdie “krageiland” sal nie net die opwekking en geleiding van windenergie beheer word nie, maar ook krag wat deur gety-opwekkers opgewek gaan word.

Uiteindelik, so word gehoop, sal genoeg krag beskikbaar wees om ook aan Oos-Europa te voorsien.

Dit laat die vermoede ontstaan dat die bekendmaking van inligting oor hierdie planne bedoel is om saam te val met kommer oor die houvas wat Rusland via gasvoorsiening op voormalige Sowjet-republieke en Oos-blok-satellietlande het. ‘n Krisis het juis pas weer ontstaan toe Rusland en Wit-Rusland haaks geraak het, wat weer moontlik ‘n invloed op die huidige styging van ru-oliepryse het.

Die noordsee-hoogspanningsplanne is egter nog ietwat in die verskiet. Waar twee Nederlandse windplase ter see nou saam sowat 2000 Megawatt opwek, word die teiken van 6 000 teen 2020 gestel.

Ook die naasliggende België is besig om windparke ter see op te rig. Die jongste planne is van die firma Electrawinds wat op die Bank Zonder naam, sowat 37 kilometer see in op te rig. Hierdie projek, Electrawinds se eerste ter see, sal na verwagting genoeg krag vir 200 000 huishoudings opwek. Ander projekte is ook in die proses van beplanning, met ‘n totaal van vier windparke wat eersdaags krag sal lewer.

Omgewingstudies toon boonop dat die oprigting alge aantrek, wat weer tot ‘n toename in visbevolkings lei.

As’t ware die vang van twee zoute harings met een windmole.

Onder die Britse projekte tel een, die Londen Array, onder die bekendstes. Hierdie beoogde projek aan die monding van die Teems, sal na verwagting ‘n Gigawatt kan opwek, genoeg om ‘n kwart van Londen se huishoudings te bedien.

Rubberkoeëls vir koeldrankstakers

Sake24 berig dat die polisie Dinsdag by Amalgamated Beverage Industries (ABI) se aanleg in Midrand die stakende oproermakers met rubberkoeëls uiteengejaag het.

Die geweld het tydens ‘n vergadering tussen die Food and Allied Workers Union (Fawu) en ABI met die Kommissie vir Versoening, Bemiddeling en Arbitrasie (KVBA) as bemiddelaar uitgebreek.

Fawu dreig steeds met verdere protesoptrede indien die koeldrankvervaardiger nie ’n beter verhoging aan sy werknemers toestaan nie.

Fawu-lede eis ’n verhoging van 9,5%, en die koeldrankgroep bied 8,3%. Die ABI is die koeldrankvertakking van Suid-Afrikaanse Brouerye (SAB).

Die polisieteenwoordigheid by die Midrand-aanleg duur voort. Sowat 35 stakers is reeds in hegtenis geneem.

Kennisgewings van voortgesette protesoptredes is na die bierafdeling van die SAB asook Coca-Cola-produkte in Suid-Afrika gestuur.

Die National Union of Mineworkers het sy ondersteuning aan Fawu toegesê.

ABI sê die maatskappy voorsien nie dat die staking tot ’n tekort aan koeldrank sal lei nie.

Oosterse markte styg; olie, koper bly hoog

Aandele in die Verre Ooste het vanoggend sterk gestyg ná ‘n goeie vertoning op Wallstraat gisteraand. Veral skeepvaartmaatskappye en hulpbronmaatskappye het goed gevaar, terwyl die olieprys tot naby $82 per vat gestyg het en Asiese effekteprysrisiko tot die laagste vlak sedert Mei 2008 gedaal het, te midde van tekens dat globale ekonomiese groei gaan toeneem.

Die Morgan Stanley-Asië-Stille-oseaanindeks het met 1,4 pesent opgeskiet tot 123,77 teen 14:08 in Tokio. Die Suid-Koreaanse won het met 0,9 persent tot 1 144,30 per dollar gestyg en daarmee ‘n hoogtepunt van 15 maande bereik. Ru-olie vir lewering in Februarie het teen $81,63 per vat verhandel, wat ‘n styging van 12 sent teenoor die sluitingsprys gisteraand op die New York Mercantile Exchange verteenwoordig.

Die Internasionale Monetêre Fonds (IMF) sal sy vooruitskatting vir globale ekonomiese groei vanjaar opwaarts aanpas tot 3,1 persent, aangesien regeringstappe om ‘n groter finansiële krisis af te weer kennelik geslaagd was, het die adjunkbesturendedirekteur, John Lipsky, gesê. ‘n Regeringsverslag wat teen vanmiddag in die VSA gepubliseer gaan word, gaan na verwagting toot dat fabrieksbestellings in dié vir die derde maand agtereenvolgens gestyg het.

Koperprys

Die koperprys het met 0,4 persent gedaal, ná ses agtereenvolgende dae van stygings, gegewe die loonooreenkoms wat Xstrata plc by die Altonorte-smelter in Chile bereik het. Stakende werkers by Codelco se myn in Chuquicamata gaan waarskynlik ook ‘n verbeterde loonaanbod aanvaar, het ‘n woorvoerder vir die vakbond Jaime Graz per telefoon laat weet.

Sedert 22 Desember het die koperprys egter met 9 persent die hoogte in geskiet na aanleiding van die vraag wat in China herstel. General Motors, die grootste buitelandse motorvervaardiger in China, het gister bekendgemaak dat verkope in dié land met 67 persent in 2009 gestyg het.

Ontluikende markte ontvang groot bedrae

Sowel aandele- as effektefondse wat in ontluikende markte belê het in 2009 rekordbedrae ontvang, het EPFR-globaal gister gesê. Ontluikende aandelefondse het $64,5 miljard ontvang terwyl dié wat in effekte van ontwikkelende lande belê meer as $8 miljard getrek het, wat ook ‘n nuwe rekord is, het EPFR gesê. Dié fondse het in 2008 ‘n uitvloei van $67 miljard ervaar.

Данильченко Харьков

Koolstofverhandelingsmark sukkel

Die ooreenkoms in Kopenhagen bemoeilik die taak van Amerikaanse wetgewers om volgende jaar ’n koolstofverhandelingsmark op die been te bring omdat China ingevolge die ooreenkoms nie wetlik gedwing kan word om ook sy kweekhuisgasuitset in te perk nie.

Australië wil egter ’n koolstofmark in Julie 2011 instel wat 1 000 van die grootste Australiese maatskappye sal dwing om koolstofkrediete te koop vir kweekhuisgasuitsette wat ’n sekere perk oorskry.

Die Europese mark in koolstofkrediete het weer herstel nadat dit teruggesak het ná die teleurstellende ooreenkoms wat in Kopenhagen bereik is.

Die 17de konferensie van die VN se raamwerkkonvensie oor klimaatsverandering sal oor twee jaar in Suid-Afrika byeenkom.

Die volgende beraad word volgende jaar in November in Mexiko gehou, en die een daarna – van 28 November tot 9 Desember 2011 – in Suid-Afrika.

Dit sal ’n belangrike konferensie wees aangesien die bestaande klimaatsooreenkoms ingevolge die Kyoto-protokol verstryk in 2012.

Александр Фильчаков

PnP-baas woedend oor rassime-beskuldiging

Raymond Ackerman, voorsitter van Pick n Pay, is “woedend” oor die “onstellende beskuldiging” wat deur die SA Commercial, Catering and Allied Workers’ Union, Saccawu, gemaak is oor rassisme in die maatskappy.

Ackerman het in ’n verklaring Donderdag gesê dat Pick n Pay se geskiedenis oor die afgelope 43 jaar vanselfsprekend was.

“Beide die maatskappy en ek het beledigings aan die hand van voormalige politici moes trotseer weens ons standpunt oor menseregte vir swart Suid-Afrikaners,” het hy gesê.

Saccawu se lede by Pick n Pay het verlede week deelgeneem aan ’n eendag staking, waartydens die maatskappy se uitvoerende hoof van rassisme beskuldig is.

“Hulle het geen bewyse gehad vir hulle beskuldigings nie.

“Hulle het vae beskuldigings gemaak oor kommentaar wat na bewering ’n dekade terug deur ons uitvoerende hoof gelewer is,” het Ackerman gesê.

Hy het ook gesê dat Saccawu nie verduidelik het hoekom hulle ’n dekade gewag het voor hulle die klagtes geopper het nie.

“Ons uitvoerende hoof, Nick Badmington, het met sekerheid en sonder enige onbeslistheid gesê dat hy nooit so iets kwyt geraak het nie.

“Om dit op te som, dit is net snert.”

Tweede Woods-borg laat spaander

Die internasionale konsultasiemaatskappy Accenture gaan hul borgskap ter ondersteuning van Tiger Woods beëindig.

Hulle het gesê dat die gholfspeler “nie meer die regte verteenwoordiger” is na die “omstandighede van die laaste twee weke” nie.

Accenture se aankondiging Sondag is die maatskappy se eerste verklaring sedert aantygings van Woods se buite-egtelike verhoudings die laaste paar weke aan die lig gekom het.

Die maatskappy is die tweede sleutelborg wat van Woods onttrek het.

Gillette het Saterdag gesê dat hulle vir ‘n onbepaalde tyd gaan ophou om Woods in hul advertensies te gebruik.

Woods neem ‘n onbepaalde breuk van gholf om aan sy huwelik te werk.

светильники бра

Griekeland op rand van insolvensie

Die voormalige beleidsmaker van die Bank van Engeland, Willem Buiter, sê Griekeland kan die eerste groot land uit die Europese Unie wees wat in gebreke bly om sy skuld te diens sedert die naloop van die Tweede Wêreldoorlog.

“Dit is vyf minute voor middernag vir Griekeland,” sê Buiter, wat by Citigroup as hoofekonoom gaan aansluit, in ‘n onderhoud met Bloomberg Televisie. “Ons kan ons eerste EU-15 soewereine verstek sien sedert dit met Duitsland gebeur het in 1948.”

Die EU se kommissaris vir ekonomiese aangeleenthede het gister gesê dat amptenare gereed is om Griekeland met sy tekort te help, na kommer oor sy openbare finansies ‘n verjaging in Griekse regeringsobligasies veroorsaak het. Fitch Ranglyste het sy gradering van die land se skuld gesny na BBB+ en twee ander belangrike ranglysmaatskappye dreig om die voorbeeld te volg.

“Verstek is nie onafwendbaar nie,” sê Buiter. “Maar indien daar nie radikale fiskale optrede is nie, langdurige bestedingsbesnoeiïng en belastingverhoging van ten minste 7 persent van BBP is nie, is die skrif aan die muur,” vir Griekeland.

Daar is “geheel en al” geen risiko dat Griekeland in verstek sal gaan nie, het die minister van finansies, George Papaconstantinou, in ‘n onderhoud met Bloomberg Televisie gesê. Griekse banke is “fundamenteel gesond” en Griekeland sal nie ‘n EU-hulppakket soek nie, het hy gesê.

Die Europese Kommissie “staan gereed om die Griekse regering by te staan in die uiteensetting van die omvattende konsolidasie- en hervormingsprogram, in die raamwerk van die verdragbepalings vir Euro-gebiedslidstate,” sê Joaquin Almunia, wat in beheer is van EU ekonomiese en monetêre beleid. Hy het nie gesê watter vorm hierdie hulp kan aanneem nie.

Griekeland kan ‘n redding deur die Europese Sentrale Bank “slegs teen ‘n prys” verwag, sê Buiter. “Hulle sal waarskynlik na die IMF gaan, ‘n geloofwaardige terugvalprogram hê en dan sal hulp van Brussel en bilaterale hulp van uitgesoekte soewereine hulp van uitgesoekte soewereine regerings in Europa en die VSA beskikbaar wees.”

Die maatstaf Atheense Effektebeurs Algemene Indeks het met meer as 11 persent in die afgelope drie dae geval. Die strek tussen die Griekse en Duitse 10-jaar maatstafaandele het tot 221 basispunte van 130 basispunte in Oktober gerek.

Buiter, tans ‘n professor in politieke ekonomie by die Londense Skool van Ekonomie, was een van die stigterslede van die Britse sentrale bank se koersstellende paneel toe hy in Junie 1997 aangesluit het.

печи Фильчаков прокурор

Platinummyne moet eerste genasionaliseer word

Die ANC se Jeugliga-president Julius Malema sê goud- en platinummyne moet eerste genasionaliseer word omdat hulle die winsgewendste is. Markte sal nie afgeskrik word deur daaroor te praat nie, het hy gesê.

Malema het Maandag by SASCO se kongres by die Universiteit van KwaZulu-Natal in Durban ‘n waarderende gehoor toegespreek..

“Ons moet kyk na winsgewende minerale as diesulkes wat eerste geteiken behoort te word. Platinum word geredelik in Rustenburg aangetref omdat dit maklik gemyn word vanweë die vlakheid daarvan. Dieselfde geld vir steenkool in Witbank.”

Hy het ook gesê dit is nie ‘n ingewikkelde proses om myne in privaatbesit oor te dra na die staat nie. “Dit het in Botswana gebeur waar De Beers in vennootskap met die staat getree het. “Die staat besit 60% van sy minerale en De Beers betaal selfs belasting.”

Hy het waarskuwngs dat die markte praatjies van nasionalisering negatief sal interpreteer afgelag en gesê: “Ons word vertel dat ons die markte die skrik op die lyf gaan jaag as ons aanhou om oor hierdie onderwerp te praat. As die markte iets wil hê sal hulle bly. Markte hou aan in lande waar daar burgeroorlog is, bestaan.”

Een van die hoofredes vir die Jeugliga se oproep om nasionalisering is om ongelykhede aan te spreek. “Die gaping tussen ryk en arm is baie groot. Wit mans is steeds ryk. Hierdie kwessie moet opgelos word.”

Malema het erken dat hy nie ekonomie verstaan nie en swak punte in sy matriekeksamen behaal het. Hy weet egter, sê hy, dat die staat ‘n beherende aandeel in die mynbounywerheid moet hê.

Hy het ook ekonomiese vryheid hoog aangeprys en ‘n gebrek aan opvoeding as die rede vir mense se afhanklikheid van die staat gegee.

Hy het die media uitgesonder vir kritiek en gesê hulle is te negatief oor president Zuma.

—

Hof weier Bin Laden se seun toegang tot Brittanje

‘n Poging deur een van Osama bin Laden se seuns om Brittanje te besoek, is gister deur ‘n immigrasietribunaal verwerp te midde van vrae oor sy beoogde huwelik met ‘n Britse vrou en sy houding teenoor sy pa.

Omar bin Laden, 28, het in April 2008 sy appèl teen Brittanje se weiering om hom toe te laat om daarheen met die Brits-gebore Zaina Alsabah, met wie hy beweer hy in sy tuisland van Saoedi-Arabië in 2007 getroud is, verloor.

Die adjunk-president van die asiel- en immigrasietribunaal, Mark Ockelton, sê hulle egverbinding “was nie as geldig onder Engelse wet beskou nie,” deels omdat albei destyds met ander mense getroud was.

Ockelton het bygevoeg dat hy “nie tevrede was” dat die paartjie, wat in September 2006 ontmoet het, enige bedoeling gehad het om saam te woon nie.

In hulle verwerping van Omar se aansoek, verlede jaar, het Britse owerhede in Egipte, waar die paartjie gewoon het, sy “voortgaande lojaliteit” teenoor sy pa as een rede aangevoer en gesê sy teenwoordigheid in Brittanje sal “publieke kommer” veroorsaak.

Ockelton sê ‘n persoon se ouers behoort nie teen hulle te tel wanneer daar besluit word of hulle tot Brittanje toegelaat moet word nie, maar sê Omar se siening dat sy pa nie ‘n terroris is nie “mag kommer veroorsaak.”

“Dit kom vir my voor of die teenwoordigheid in die Verenigde Koninkryk van ‘n persoon wat nou verbind is aan Osama bin Laden, en die standpunte uitspreek wat die aansoekdoener uitspreek, waarskynlik openbare ongerustheid en moontlik openbare onrus sal veroorsaak,” sê hy.

Omar is die vierde van 11 kinders van sy pa se eerste vrou en is na bewering een van 19 wat verwek is deur die man wat verantwoordelikheid aanvaar het vir die 11de September 2001 se aanvalle op die Verenigde State. Hy beweer hy het sy pa nog nie weer sedert 2000 gesien nie.

Zaina, voorheen bekend as Jane Felix-Browne, is ‘n Moslem wat al ten minste vyf keer tevore getroud was, het die tribunaal se beslissing gesê.

машины игрушка