Internasionale nuus – Bladsy 327

Cheney is weer oupa

Ouma en oupa Cheney

Mary, die lesbiese dogter van die Amerikaanse vise-president Dick Cheney, het Woensdag ‘n seun ryker geword. Hy sal Samuel David Cheney heet.

Die baba het 3,8kg by geboorte geweeg en is die sesde kleinkind van die vise-president. Sy kantoor het ‘n foto van die vrolike ouma, Lynne Cheney, wat die baba vashou en haar glimlaggende man vrygestel. Altwee lyk hoog in hul noppies met die nuweling.

Dat ‘n groot deel van die Bush-regering se steeds krimpende steun uit die sogenaamde konserwatiewe Bybelgordel kom wat tradisionele waardes verdedig, het blykbaar nog nie enige werklike lastigheid vir Cheney of sy dogter veroorsaak nie.

Die manier waarop die baba verwek is, is nie bekend nie en die betrokke partye swyg in alle tale. Mary Cheney is 38 jaar oud en leef saam met haar vriendin Heather Poe, 45, ‘n eertydse natuurbewaarder. Hulle het mekaar ontmoet terwyl albei yshokkie gespeel het en in 2005 saam opgedaag by ‘n Withuis-dinee ter ere van prins Charles en Camilla.

Dit terwyl Bush aanhou om in die openbaar te verklaar dat die huwelik ‘n binding tussen man en vrou is, homoseksuele egverbintenisse verwerp en weier om wetgewing aan te pas in die verband.

Cheney self wys enige kritiek op sy dogter af deur te sê dat "vryheid vryheid vir almal is". Hy het tot dusver goed daarin geslaag om die kwessie aan geen polemiek te onderwerp nie. Mary word beskou as een van sy grootste raadgewers en was ten nouste betrokke by sy herverkiesingsveldtog in 2004.

Terwyl die Amerikaanse weermag sukkel om genoeg nuwe innames te registreer om hul militêre betrokkenheid in Irak, Afghanistan en elders vol te hou, het nie een van Cheney se kinders aangemeld vir diens nie. Cheney word nietemin as een van die prominente valke in die huidige administrasie uitgesonder.

Hy het ook reeds skerp kritiek verduur agv van sy eertydse voorsitterskap van Halliburton en in weerwil van sy verklaring dat hy geen bande met die maatskappy meer het nie, het joernaliste vasgestel dat hy steeds aandele hou. Die waarde daarvan het intussen met 3 281 persent toegeneem.

Die maatskappy het ook onlangs aankondig dat die hoofkantoor na die Midde-Ooste verskuif gaan word. Halliburton het uiters lukratiewe kontrakte met die oorlogsverklaring teen Irak losgeslaan.

Vanweë die feit dat Republikeinse wetgewing nie huwelike tussen dieselfde geslag erken nie, is dit nog nie duidelik of die nuwe aankomeling binne of buite die eg gebore is nie.

free bonus no deposit required

Merkel kritiseer Mugabe

Johnson Sirleaf en Merkel

Die Duitse Kanselier, Angela Merkel, huidige president van die EU sowel as tans van die G-8, het Dinsdag in Berlyn die "onaanvaarbare" politiek van die Zimbabwiese president Robert Mugabe skerp gekritiseer tydens die agtste Forum vir die Vennootskap met Afrika (APF).

"Ons volg die situasie in Zimbabwe met groot kommer. Niks kan die intimidasie van politieke opponente regverdig nie, die stokke in die wiele van ‘n onafhanklike media, die dreigemente teenoor landelike inwoners en die vernietiging van krotbuurte nie," het sy verklaar.

"Die politiek van president Mugabe is onaanvaarbaar. Vir hierdie rede, doen ek ‘n beroep op alle politieke ampsdraers van aangrensende lande om hul invloed ten behoewe van die mense, ook van Zimbabwe, te laat geld," het die Kanselier aan die Forum gesê. Liberië se president Ellen Johnson Sirleaf was ook onder die deelnemers aan die Forum.

Sy is in 2005 verkies as Liberië en Afrika se eerste vroue-president. Johnson Sirleaf spog met ‘n Duitse voorouer, ‘n oupa. ‘n Vergadering wat sy in 2006 gereël het met verteenwoordigers van die Ivoorkus, Ghana en Sierra Leone in die Liberiese ampswoning het inderhaas verdaag nadat ‘n brand uitgebreek het. Brandstigting is vermoed en sy moes van raadgewers verander.

Die Duitse Kanselier het egter Zimbabwe uitgesonder vir kritiek. Mevrou Merkel het belowe dat Afrika ‘n belangrike tema op die komende G-8 beraad vanaf 6 tot 8 Junie 2007 in Heiligendamm, in die noord-ooste van Duitsland, sal wees.

Die grootste opposisieparty in Zimbabwe, die MDC, het Vrydag ‘n veldtog geloods om druk op president Mugabe te plaas om parlementêre verteenwoordigers en aktiviste wat in Maart vir terrorisme gearresteer is, vry te laat.

Die aanhoudings het gevolg op die inhegtenisname en aanranding van Morgan Tsvangirai, MDC-leier, en ‘n dosyn van sy ondersteuners tydens ‘n biduur wat deur die opposisie, kerke en menseregteorganisasies georganiseer is.

детектор лжи томск

Bono en Bob pleit in Berlyn

Bono en Bob Geldof

Die G-8 skuld Afrika die geld wat hulle belowe het in 2005. Só sê die twee Ierse sterre Bono en Bob Geldof. Hulle het spesiaal na Berlyn in Duitsland gereis om hulle boodskap oor te dra.

Die Duitse Kanselier, Angela Merkel, is die voorsitter van die byeenkoms en sal ook as gasvrou optree vir die volgende spitsberaad van G-8 lande in Junie vanjaar. Na verwagting sal Afrika 700 miljoen Euro ontvang indien die beloftes wat Gerhard Schroeder, Merkel se voorganger, gedurende die 2005 Gleneagles-beraad in Skotland gemaak het, realiseer.

Bob Geldof het daarna verwys tydens sy perskonferensie. “Ons vra slegs dat politieke leiers hul beloftes hou, nie ‘n Euro meer nie,” het die stigter van Live Aid gesê. Die sanger het moeg gelyk tydens die geleentheid.

Bono, hoofsanger van die bekende groep U2, wat ook deelneem aan die inisiatief om hulp vir Afrika in te samel, het benadruk dat Duitsland ‘n spesiale rol het om te speel in dié opsig. “As julle nie julle beloftes nakom nie, gaan die ander (G-8 lande) van die wa afspring,” het hy gewaarsku van agter sy rooi sonbril.

“Mevrou Merkel,” het die groot Duitse rock-ster Herbert Groenemeyer uitgeroep, “ons het u in die oog!” Groenemeyer sal op 7 Junie neffens die G-8 spitsberaad in Rostock in die noord-ooste ‘n konsert teen armoede hou.

Die drie sangers het tydens hul perskonferensie die 2007 DATA-verslag (Debt, Aids, Trade, Africa) bekend gestel waarvan Bono die beskermheer is. Die verslag kyk veral na hoe die sewe rykste lande asook Rusland hul ondernemings van Julie 2005 by Gleneagles gestand doen.

Die ryk, geïndustrialiseerde lande het gedurende dié geleentheid onderneem om die 35 armste lande se skuldlas af te skryf en om hulpbystand aan die sukkelendes te vermeerder na 25 miljard dollar tot 2010.

Volgens DATA het egter net Groot Brittanje en Japan hul beloftes gehou. Die res van die betrokke lande het tussen 2004 en 2006 2,3 miljard dollar aan hulp gegee, maar “dis minder as die helfte van wat hulle behoort te gee,” het Jamie Drummond van DATA bevestig.

Die ryk lande se swak vertoning het Bono laat verklaar dat hy die “woede kan verstaan” van duisende betogers wat opruk na Heiligendamm om te protesteer teen die G-8 spitsberaad komende Junie. Hy het gesê dat indien die G-8 nie hul beloftes nakom nie dit die opstand verder mag aanwakker. Hy was nietemin “gekant” teen geweld wat mag uitbreek.

“Ek verstaan hulle woede, want ek het dit self gevoel toe ek by ‘n hospitaal (in Afrika) mense in ‘n ry sien doodgaan het.” was die ster se vermaning.

play Фильчаков

Frankryk se nuwe besems

Fran?ois Fillon

François Fillon is gisteroggend aangewys as president Nicolas Sarkozy se nuwe eerste minister. Hy is 53 jaar oud en ’n voormalige parlementslid vir die Sarthe-streek in Frankryk. Fillon het oorgeneem by Dominique de Villepin, wat die pos 23 maande lank beklee het.

Die keuse het nie as ’n verrassing gekom nie. Fillon is al geruime tyd werksaam as politieke raadgewer vir Sarkozy en het ’n sleutelrol tydens die pas afgelope verkiesingsveldtog gespeel. Sy naam het dadelik die rondte begin doen toe Nicolas Sarkozy, kandidaat vir die regse UMP, op 6 Mei met 53% van die stemme as die nuwe Franse president aangewys is. Sarkozy se voorganger, Jacques Chirac, het die pos twaalf jaar lank beklee.

Fillon se familie is welgesteld. Hy het internasionale politiek studeer en op ’n jong ouderdom aktief by Franse partypolitiek betrokke geraak. Hy staan bekend as ’n uitstekende onderhandelaar. Hy het as minister gedien onder Balladur, Juppe en Raffarin en word as ’n ervare politikus beskou. Daar word verwag dat hy ’n sleutelrol gaan speel in die sosiale en ekonomiese hervormings wat Sarkozy beplan om deur te voer.

Fillon sal Vrydag die name van sy vyftien nuwe kabinetslede bekendmaak. Sarkozy het tydens die verkiesing onderneem om ewe veel mans en vroue aan te stel en om ook sentrististiese en linkse politici te betrek.

Bernard Kouchner

Na alle verwagting gaan Bernard Kouchner die nuwe minister van buitelandse sake word – ’n verstommende keuse. Kouchner, ’n voormalige dokter, sosialistiese minister en stigter van Médecins sans Frontières, is bekend vir sy voorliefde vir die kalklig. Hy is getroud met een van Frankryk se bekendste joernaliste, Christine Ockrent. Hy het homself baie ongewild gemaak deur in 2003 openlik standpunt in te neem ten gunste van die oorlog in Irak. Hy het verder nog altyd ’n pro-Israel-houding ingeneem wat hom die vyandskap van Moslemstate op die hals gehaal het. Hy word vandag nog gespot oor ’n insident wat in Desember 2002 op ’n strand in Mogadisjoe, Somalië, tydens die Verenigde Nasies se mislukte humanitêre sending plaasgevind het. Kouchner het naamlik ’n sak rys by ’n noodlenigingswerker gegryp en oor sy skouer geswaai toe hy ’n TV-span sien aankom.

Daar is baie ongelukkigheid in die UMP oor Sarkozy se vreemde keuse en twyfel bestaan of Kouchner oor die nodige takt beskik om sy nuwe portefeulje suksesvol te hanteer.online casono

Oliemaatskappy kan dalk Irak skeur

Det Norske Oljeselskap, oftewel DNO, een van Noorweë se kleiner oliemaatskappye, sal een van die eerste buitelandse spelers wees om Irakkese olie te begin ontgin. Hulle het vandag afgeskop met ‘n klein hoeveelheid olie vanuit Koerdistan se Tawke-olieveld in die noorde van Irak aan die wêreldmark, 35 jaar nadat olieproduksie in die land onder staatsbeheer gebring is. Dié veld is in 2005 ontdek.

Die streek wat omtrent so groot soos Denemarke is, het ‘n reserwepotensiaal van tussen 12 en 45 miljoen vate, het die Koerdiese olieministerie gesê. Dit is gelykstaande aan ‘n derde van Irak se erkende reserwes en die wêreld se vierde grootste bron, volgens die IEA (Internasionale Energie Agentskap).

Die Koerde wat gedurende die laaste paar jaar van Saddam Hoessein se bewind onder beskerming van Amerikaanse vegvliegtuie nie hul soewereiniteit prysgegee het nie, het miljoene uit Saddam gemaak deur olie aan Turkye te smokkel in weerwil van internasionale sankies wat die VN teen Irak afgeroep het.

Toe sanksies opgehef is, moes hulle inderhaas ‘n nuwe manier vind om op te maak vir die verlore inkomste. Een so ‘n manier is om kontrakte te sluit met onafhanklike oliemaatskappye sonder die goedkeuring van Bagdad. Turkye het reeds so ‘n elektrisiteitsooreenkoms met Koerde aangegaan in ‘n ander olieryke gebied.

DNO se vordering word met belangstelling deur groter maatskappye dopgehou wat tot dusver nie kans gesien het vir die afwesigheid van enige juridiese raamwerk in Irak nie. Na wat verwag word sal DNO se deelname spanning skep tussen Koerdiese plaaslike owerhede en die sentrale regering in Bagdad.

Die noorde van Irak is taamlik rustig en vreedsaam in vergelyking met die res van die land en die toekenning van oliekontrakte aan buitelandse maatskappye kan veroorsaak dat die geweld wat reeds elders woed, uitgebrei kan word na die noorde. Indien die Koerdiese owerhede ‘n onafhanklike bron van inkomste gebruik om hul mag te konsolideer kan dit verder beteken dat die eenheid van die Irakkese staat in gedrang kan kom.

DNO sal aangewese wees op padvervoer om die olie te verskeep aangesien Bagdad nog nie toestemming verleen het om die uitvoerpyplyn te gebruik nie. Die uitvoerende beampte, Helge Eide, is nietemin optimisties oor die vooruitsigte omdat sy maatskappy “nooit verwag het” om binne twee jaar op dreef te wees nie.

DNO is of was ook in Mosambiek bedrywig waar hulle in 2004 aangekondig het dat hulle gaseksplorasie in die Sofala-provinsie gaan onderneem. Alhoewel die waarskynlikheid op net 20% geraam is, het woordvoerders aangedui dat hulle hoop om olie ook daar te vind.

‘n Ander Noorweegse speler, Statoil, het ‘n samewerkingsooreenkoms met die Suid-Afrikaanse Sasol gesluit om natuurlike gas na brandstof om te skakel mbv die uiters winsgewende Fischer-Tropsch tegnologie. Noorweë hoop om een van die grootste leweraars van energie aan Europa te word. Tans word Rusland se Gazprom bevoordeel deurdat die oormatige regulering in die EU Noorweegse mededingendheid kortwiek.

кардиганы

AOB vergader in Shanghai

Nadat die Afrika Ontwikkelingsbank 13 Afrikalande se skuld van ongeveer 50 miljard Rand onlangs afgeskryf het om as voorbeeld te dien vir skenkerlande, het die Bank vir die tweede keer in sy geskiedenis buite die kontinent vergader.

Die Algemene Vergadering sal hierdie week heel simbolies in Sjanghai, China se ekonomiese hoofstad, plaasvind. China is toenemend bedrywig in Afrika en dit sal die eerste keer wees dat die byeenkoms in Asië plaasvind.

‘n Fototentoonstelling van Chinese leiers is prominent by die vergaderplek uitgestal en dien as agtergrond vir die talle hooggeplaastes se persontmoetings. Van Mao tot Hu Jintao se belangrikste oomblikke pryk in swart-en-wit teen die moderne mure.

Die Chinese minister van Buitelandse Sake het benadruk dat dit vir sy land ‘n belangrike gebeurtenis is. Die handelsverkeer tussen Afrika en Asië het gestyg tussen 2001 en 2005 na sowat 700 miljard Rand volgens beskikbare syfers.

Tweeduisend mense word Woensdag en Donderdag by die Algemene Vergadering verwag, waaronder lede van die Spesiale Fonds vir Nigerië. Die byeenkoms volg op die spitsberaad in Beijing in November waar 48 Afrikalande teenwoordig was. China is duidelik daartoe verbind om nie net ekonomies nie, maar ook polities op die vasteland betrokke te raak.

Chinese investering in veral die oliebedryf het aansienlik gestyg en ook handel tussen die twee kontinente het vyfvoudig toegeneem.

Die Afrika Ontwikkelingsbank sien die skuldverligting as ‘n navolgenswaardige stap vir skenkerlande, soos die G-8, omdat dit die 13 lande volgens hulle in staat sal stel om ekonomiese groei aan te moedig. Die lande waarvan die skuld in April afgeskryf is, is naamlik Benin, Burkina Faso, Etihopië, Ghana, Madagaskar, Mali, Mosambiek, Niger, Rwanda, Senegal, Tanzanië, Uganda en Zambië.

China beskou tans die Afrika-vasteland as ‘n bron van stemme om besluite by die VN te bekragtig, benewens die olie, minerale, hout en landbouprodukte wat die kontinent ook voorsien. Die Asiese reus word daarom dikwels van neo-kolonialisme deur die Weste beskuldig. Dieselfde kritiek is egter afwesig by die meeste Afrikalande.

Een so ‘n geval waar China onder Westerse druk staan, is Soedan, omdat China 60% van die olieproduksie opslurp en die huidige regering daarom teen die VN se verkose strafmaatreëls soos sanksies, beskerm.

China het nietemin toegegee dat Darfoer groot aandag internasionaal geniet. Hulle het ook aangekondig dat ‘n spesiale pos geskep sal word vir ‘n afgevaardigde om voltyds aandag te skenk aan die gebied om sodoende “’n nuwe soort strategiese bondgenootskap te vestig”.

“Die meeste Afrikane beskou die rol wat China speel as positief,” sê Peter Draper van die Institute for International Affairs in Johannesburg, “want hulle het al genoeg lesse gehad van die Weste oor hoe hulle behoort te ontwikkel.”

Die tema van die byeenkoms van die AOB in Sjanghai is trouens “Afrika-Asië, Bondgenote van Ontwikkeling” waar die Afrika-afvaardiging van 53 “inspirasie gaan put uit die voorbeeld van Asië om armoede te verlig”.

Александр Фильчаков

Sarkozy se vakansietjie

Nadat Sarkozy Maandag aangekondig het dat hy ‘n paar dae vakansie gaan neem om uit te rus vir die groot taak wat voorlê, het hordes fotograwe na Korsika gereis. Die nuutverkose president het verklaar dat hy op Napoleon se geboorteplek gaan uitspan om voor te berei vir die omvattende hervormings wat hy vir Frankryk in gedagte het.

Uitgepak, opgestel en ingegrawe moes die persmense egter na hul aankoms op die eiland verneem dat hulle om die bos gelei is want Sarkozy, sy vrou Cécelia en hul seun Louis is Maandag per Falcon 900 EX-privaatstraler na Malta. Ontnugterde joernaliste het nou vasgestel dat die straler aan Vincent Bolloré, Franse industriële magnaat, behoort wat die vliegtuig aan die president beskikbaar gestel het. Die reeksnommer by die vluginskrywing is met die eienaar verbind.

In Malta het ‘n 60m luukse jag gereed gestaan om die vakansie in te lui. Dié jag behoort ook aan Bolloré. Dit het dus nie te lank geneem vir ‘n span nuushonde om die vasmeerplek en kaptein op te spoor nie. Die Sarkozys hou op die oomblik vakansie op die jag in die Middelandse See met ‘n helikopter wat danksy die onverpoosde mediagesnuffel oor die vaartuig hang.

Wat die prominente gesin die graagste wou vermy, het hulle nou getref: ‘n vloed vakansiefoto’s gisteroggend op die voorblaaie van Franse poniekoerante. Sarko, soos die Franse na hom verwys, is op die foto’s te siene op die dek van die Paloma in ‘n donkerblou t-hemp en oranje swembroek geklee. ‘n Weeklange verblyf op die skip, moes Franse daarna uitvind, kos ongeveer 200 000 Euro.

Lesers het behoorlik na hul asems gesnak vir dié rojale spandabelheid. Vergete is die vrae oor die samestelling van die kabinet en wie die beste Eerste Minister sal wees. Hulle wonder tans waarom die oordadige vrygewigheid nodig sou wees. Ségolène Royal se segsman, Vincent Peillon, beskryf Sarko se vakansie as ‘n "belediging vir Franse wat vroeg opstaan".

François Fillion, moontlike kandidaat vir Eerste Minister, het gou gister na die kleurvolle voorbladverslae tot Sarko se redding gekom: "Hy het ‘n vreeslike stresvolle veldtog agter die rug. Ek dink dat hy ‘n bietjie rus, privaatheid en vrede verdien het." Die Paryse media-eggo moes selfs tot by die Middelandse See getrek het want Woensdagoggend het Sarko sy drafroetine onderbreek om aan ‘n groot Franse radiostasie, Europe 1, sy vakansie te regverdig. Hy het onder meer gesê dat hy homself nie hoef te "versteek of te lieg of te verontskuldig" nie.

"Ek ken my gasheer Vincent Bolloré al 20 jaar lank en my vakansie kos die belastingbetaler nie ‘n sent nie," het hy bygevoeg. "Ek het ‘n klein pouse nodig wat ek saam met my gesin wou deurbring. More vroeg is ek weer terug op kantoor."

‘n Paar Sosialiste het intussen aangedui dat Sarkozy ‘n ware "staatsman" is en dat hulle hom sal ondersteun. Daar is egter meer kandidate as poste vir die sentrum. Jacques Attali, eertydse raadgewer van Mitterand, het aan Le Monde gesê dat Sarkozy erken het dat hy regse politici uit sy eie kamp haat.

для бани топкарго развод

Warren Buffett wil in Suid-Afrika bel

Warren Buffett

Warren Buffett, die wêreld se mees suksesvolle belegger, stel daarin belang om in Suid-Afrika te belê. Tydens ’n mediakonferensie wat Sondag in Omaha in die VSA plaasgevind het, het Buffett gesê dat hy met sowat 30 Suid-Afrikaners by die Berkshire Hathaway algemene jaarvergadering gesels het en vir hulle gesê het dat hulle hom kan bel as hulle van ’n beleggingsgeleentheid weet.

“Ons sal baie graag in Suid-Afrika wil belê,” het Buffett bygevoeg. ”Ons het ’n hele klompie vishoeke uitgegooi. Dit kan ’n groot vis inbring, verkieslik ’n walvis.“

Gegewe die grootte van die Berkshire-groep (meer as 140 miljard dollar werd) sal ’n Suid-Afrikaanse belegging ten minste 2 miljard dollar moet beloop om sin te maak.

Buffett was verlede jaar in die nuus toe hy sowat 30 miljard dollar aan die Gates-stigting geskenk het om vir liefdadigheidsprojekte aangewend te word.

игрушка

AU stuur soldate na Somali

Kufuor, AU-voorsitter

Die Afrika-unie (AU) het gister aangekondig dat 8000 addisionele soldate na Somalië gestuur gaan word om vrede in dié konflikgeteisterde land te help handhaaf.

Honderde mense is reeds dood sedert die begin van die jaar. Ethiopiese soldate wat die Somaliese regering steun en Islamitiese rebelle is al vir maande lank slaags in Mogadisjoe.

Volgens John Kufuor, president van Ghana en voorsitter van die AU, word probleme verder in Darfoer ondervind ten opsigte van die ontplooiing van Verenigde Nasies-soldate. “Die AU het probeer druk uitoefen op die Soedanese regering en die opposisie in ’n poging om die probleem op te los. Dit lyk of vordering gemaak is. Ons hoop die VN-soldate sal binnekort kan inbeweeg.“

Die burgeroorlog in Darfoer het in 2003 begin en het reeds sowat 200 000 lewens geëis en twee miljoen mense laat vlug. Die AU het in 2004 ’n vredesmag van 7000 soontoe gestuur. Die soldate kla van tyd tot tyd oor ’n gebrek aan toerusting en mannekrag, maar Soedan het tot dusver geweier dat soldate van die Verenigde Nasies by die AU-soldate aansluit.

Intussen is daar ontevredenheid omdat AU-soldate in Somalië en Darfoer nie betaal word nie. Die Europese Unie (EU) het byvoorbeeld twintig miljoen dollar vir die operasie in Somalië geskenk, maar die geld het nog nie die troepe bereik nie. Dit is nie duidelik wat met die buitelandse skenkings gebeur het nie.

отвертки и вставки Данильченко

Afrika bekommerd oor Sarkozy

Heelparty Afrikane het Maandag hul bekommernis oor die nuwe Franse president, Nicolas Sarkozy, uitgespreek. Veral Sarkozy se houding teenoor onwettige immigrasie was ‘n teer punt. In Johannesburg by die Alliance Française was die atmosfeer taamlik neerdrukkend.

Oesman Diarra uit Mali was "baie bang" toe hy hoor wie die verkiesing gewen het. Diarra is die voorsitter van die AEM oftewel die Assosiasie vir die Uitgesettes van Mali in Bamako. "Dis ‘n ou wat baie streng is oor immigrasie ten nadele van Maliërs en Wes-Afrikane." Die voorsitter het in Mei 2006 ‘n veldtog teen Sarkozy se besoek aan Mali gevoer.

‘n Nie-regeringsorganisasie in Dakar, Senegal, wat met menseregte gemoeid is se sekretaris Alouine Tine sê prontuit dat "die verkiesing van Sarkozy nie groot entoesiasme in Afrika gaande gemaak het nie."

"Hy (Sarkozy) het probeer om die Le Peniste te sjarmeer met verregse temas. Hy het Afrikane se gevoelens openlik geminag, binnelands en buitelands," het hy benadruk. "Afrikane verwag ‘n ommekeer in polisiebeheer, onwettige immigrasie en visum-aansoeke."

Die Senegalese koerant Le Soleil, pro-regeringsmondstuk, skryf dat Sarkozy "deur die Afrika-massas gesien word as die laagtepunt van ‘n Frankryk wat agter sy barrikades skuil en sonder ophou die verwerping van die swart kontinent ignoreer."

In Kinshasa skryf die onafhanklike koerant Le Potentiel dat Sarkozy "in Afrika net immigrasie wat Frankryk benadeel raaksien" en "alles wat Afrika vir Frankryk en Franssprekendes beteken, ignoreer."

Die opposisie-aktivis uit die Ivoorkus, Alassane Ouattara, was egter meer optimisties oor die vooruitsigte van "modernisering" wat die nuwe presidentskap kan inhou. Ook Jean-Pierre Bemba wat tans in Portugal skuil nadat hy onlangs uit die DRK moes vlug hoop dat Frankryk se nuwe politiek na "demokrasie en goeie regering" sal lei.

In Johannesburg het Franse kiesers by die Alliance Française vertel dat daar ongeveer 2000 geregistreede kiesers in die stad is en 800 in Kaapstad wat kon gaan stem het. Daar was glo enkele stemme vir die verlinkse kandidate. Dié soort stemme word deesdae in Frankryk as "taktiese" stemme beskryf.

Die meerderheid stemme in Johannesburg het egter aan Le Pen gegaan. Volgens een Fransman kan dit toegeskryf word aan die feit dat die Franse wat hier woon eerder van die "ancien regime"-soort is.

Sarkozy het Sondagaand, net na sy oorwinning, homself ten gunste van ‘n Mediterreense Unie uitgespreek wat saam besluite ten opsige van "beheerde immigrasie en ambisieuse ontwikkeling" kan neem. Dit sal ‘n skakel tussen Europa en Afrika wees.

справка topcargo отзыв

Mali stem langtand

Amadou Tour?

Maliese kiesers het op 29 April stembus toe gegaan om ’n nuwe president aan te wys. Vyftien jaar van ’n veelpartybedeling het hulle egter nie entoesiasties gestem nie, aangesien slegs 36% die moeite gedoen het om te gaan stem. In vorige verkiesings was die gemiddelde stempersentasie maar 21%. Sowat 1 000 waarnemers het die verkiesing in hierdie arm land (posisie 175 uit 177 op die Verenigde Nasies se lys van ontwikkelde lande) bygewoon.

Volgens prof Mamadou Samake van die Universiteit van Bamako is Maliërs nie juis geïnteresseerd in politieke aangeleenthede nie. Sowat 80% van die bevolking van dertien miljoen mense sukkel om ekonomies te oorleef. Die gemiddelde vrou bring 6,7 kinders in die lewe. Politiek is dus in hierdie konteks nie ’n prioriteit nie. Baie mense is ook onbewus van die feit dat hulle stemgeregtigd is. “Baie van hulle weet nie eens dat hulle geregistreerd is nie,” het hy gesê.

Die persepsie dat die huidige president, Amadou Toumani Touré egter beslis aan bewind sou bly, het ook meegebring dat mense nie lus was om te gaan stem nie.

Die stemlys is egter nie baie betroubaar nie: oorledenes se name word nie verwyder nie en duplikasie vind dikwels plaas. Stembusse is verder in baie gevalle kilometers ver van afgeleë nedersettings.

Samake glo dat dit beter sal werk as mense in die toekoms vrywilliglik gaan registreer as kiesers, eerder as om outomaties op ’n lys te verskyn. Sulke mense sal beslis moeite doen om te gaan stem. “Maliërs besef nie dat die stembus ’n wapen is om dinge te verander nie,” het hy voorts gesê.

President Touré het 70.89% van die stemme in die pas afgelope verkiesing op hom verenig, alhoewel die oppposie bewerings van bedrog gemaak het. Hy gaan dus voort met sy tweede mandaat as president van Mali.

Данильченко

Lyding van Swartes en Indiane

Elizabeth II

Koningin Elizabeth II het Donderdag in Richmond, Virginia, gesê dat sy die lyding wat swartes en Indiane deurgemaak het met die totstandkoming van die Britse nedersetting in Jamestown 400 jaar gelede erken. Sy is op ‘n weeklange besoek aan die VSA en sy het die Parlement van Virginia toegespreek. Vyftig jaar gelede, tydens die 350-jarige vieringe, was die klem gelê op die aard van die 104 wit Europese setlaars. Só onthou Elizabeth die verrigtinge van 1957 waar sy ook teenwoordig was.

Die inheemse bevolking van die VSA is deur koloniste uitgeroei en minder as 2 miljoen leef vandag in reservate waar hulle tot onlangs meesal in armoede en alkholisme verval het. Dobbellisensies wat aan stamme toegeken word, is vandag feitlik die enigste inkomste waarop hulle kan staatmaak. Desnieteenstaande het die wanbestuur van inheemse trustfondse deur die Federale regering die Bush-administrasie onlangs daartoe genoop om $7 biljoen in ‘n skikking aan te bied.

"Ons het in hierdie gebeurtenis (…) die oprigting van ‘n groot nasie gadegeslaan, geskoei op die ewige waardes van demokrasie en gelykheid, ‘n regstaat en die uitbou van vryheid," het sy aan die gehoor gesê.

"Na 50 jaar word ons nou die geleentheid gebied om die nalatenskap van Jamestown van nader sonder skroom te beskou. Die vooruitgang van die mens geskied dikwels teen ‘n prys," het sy bygevoeg met verwysing na die grootskaalse uitwissing van inheemse volke en slawerny gedurende die totstandkoming van die Nuwe Wêreld.

"Die eerste jare in Jamestown, toe drie groot beskawings mekaar ontmoet het vir die eerste maal – Europeërs, inboorlinge en Afrikane – was gekenmerk deur ‘n reeks gebeurtenisse wat tot vandag toe nog ‘n diepgaande sosiale impak nie alleen op die VSA nie, maar ook Brittanje en Europa het."

Die groepie wat aan wal gestap het in Jamestown op 14 Mei 1607 het ‘n moerasagtige landskap oortrek met muskiete teëgekom. Hulle was opsoek na goud, maar hongersnood, droogte en vyandige inboorlinge was hul vonds. Vir sekere stamme was "die jaar 1607 die begin van die verlies" van hul grond. Die eerste slawe uit Afrika het daarna in Amerika aangekom in 1619.

In 1607 was daar ongeveer 15 000 Indiane in die gebied en ‘n honderd jaar later was daar maar 1500 oor. Siektes en botsings met koloniste het hulle dermate uitgedun.

Die Koningin het in haar rede ook verwys na die 32 ongevalle by Virginia Tech op 16 April, die gevolg van ‘n Suid-Koreaanse student, Cho Song-Hui se uitbarsting. "Virginia is nog steeds in ‘n toestand van skok" het die vors gesê nadat sy ‘n aantal oorlewendes van die voorval ontmoet het. Daarna sal sy ‘n perdewedren bywoon in Kentucky.

Dit is haar vierde besoek aan die VSA. Sy sal deur Bush onthaal word in die Withuis, NASA se Goddard Space Flight Center besoek en by ‘n gedenkteken vir die Tweede Wêreldoorlog aandoen.

бани и сауны Фільчаков прокурор

Jamestown se Duitsers

Jamestown word allerweë beskou as die eerste langdurige vesting wat die Britte in 1607 op die Amerikaanse kontinent kon bou en word jaarliks op 13 Mei gevier. Maar dit was nie net Engelse wat onder die eerste koloniste was wat aan wal gegaan het nie. Onder die voorlopers was ook ander Europeërs.

Trouens, daar word tans bespiegel dat daar selfs vroeër as 1607 wit setlaars in Amerika aan wal gegaan het, maar dat hulle uitgewis is deur Indiane. Een so ‘n tese is die van Giles Milton wat in sy boek Big Chief Elizabeth skryf dat daar twee onsuksesvolle probeerslae was in 1585 en 1587 en dat latere reisjoernale melding maak van blonde Indiane met blou oë.

Britte is deur romantiese verhale van "edele barbare" deur die Virginia Company gelok om die seereis na Amerika aan te pak. Wat hulle egter by hul aankoms aangetref het, was nie wat hulle belowe is nie. Milton beweer dat die sukses van Jamestown te danke kon wees aan Indiane van gemengde afkoms – die vorige verdwene koloniste – wat die nuwe aankomelinge herken het as hul "vaders".

Nuwe navorsing dui daarop dat daar ten minste een Duitser onder die heel eerste suksesvolle groep in 1607 was, naamlik botanis en dokter Johannes Fleischer. Fleischer het ‘n brief in Latyn aan die aandeelhouers van die Virginia Company geskryf wat behoue gebly het en wat in die argeologiese versameling van Jamestown bewaar word.

Die brief dateer uit 1607 en die naam van die plek waarvandaan dit gepos is, word aangedui as "Jacobpolis" oftewel Jamestown in Latyn. Fleischer was, volgens alle aanduidings, die enigste van die 104 koloniste wat nie uit Engeland gekom het nie. Hy was uit Breslau, Duitsland en het in Basel, Switserland studeer. Die onontdekte plante- en dierewêreld asook die belofte van nuwe geneesmiddels was die rede vir sy reis.

Hy is hartseer genoeg nie lank daarna nie in 1608 oorlede. Sy grafsteeninskripsie is steeds vandag ‘n herinnering aan sy soeke om die natuur van die Nuwe Wêreld te verstaan. Kort na sy afsterwe, op 29 September 1608, kom nog drie Duitsers in Amerika aan.

Die Virginia Company het opdrag aan die drie glasmakers gegee om vir Londen se geboue vensters te vervaardig. Die toestand in die Fort was in Desember 1608 ongelukkig van so ‘n katastrofiese aard dat goewerneur John Smith besluit het om die Duitsers na stamhoof Powhatan te stuur om hom met die bou van sy huis te help in ruil vir onderdak.

Die Duitsers, verlig om van die nypende voedselskaarste in die Fort te ontsnap, besluit daarna om die Indiane voortaan teen invalle van die koloniste te help. Die glasaanleg ‘n entjie van die Fort af word dus nie net as werkswinkel gebruik nie, maar word ook vir wapensmokkelary aangewend.

Vandag is dit as lewende museum ingerig as ‘n vertoonvenster vir die glaswerk wat in 1619 daar geskep is en kan besoekers die ou tegnieke en gebruike gadeslaan. Smith was destyds op hoogte van die glasblasers se ander bedrywighede maar het nie ingemeng nie. Dit het die Indiaanse stamhoof agterdogtig gemaak en hy het die drie Duitsers begin wantrou. Al drie is deur die Indiane om die lewe gebring.

slots no

Groot Franse TV-debat

Nicolas Sarkozy en S?gol?ne Royal

Gisteraand het die langverwagte Franse TV-debat tussen die regse kandidaat, Nicolas Sarkozy, en die sosialistiese kandidaat, Ségolène Royal, plaasgevind. Sowat 20 miljoen Franse het die debat dopgehou. Komende Sondag vind die tweede rondte van die presidentsverkiesing plaas en vele Franse kiesers het nog nie finaal besluit vir wie hulle gaan stem nie.

Die debat het met tye opgevlam en Royal het haar humeur ’n paar keer verloor. Die gesprek is deur ekonomiese kwessies oorheers. Sarkozy het sy belofte herhaal om die getal staatsamptenare te verminder. Royal het hom aangeval en gesê dat so ’n stap gesondheid, onderwys en polisie-aangeleenthede negatief sal beïnvloed.

Sarkozy het hom voorts teen die 35-uurlange werksweek, wat deur die vorige sosialistiese regering ingestel is, uitgespreek. Dit het volgens hom niks gedoen om werkloosheid in die land te verminder nie. “Sy is steeds van mening dat jy werk moet uitdeel soos snye koek. Daar is nie een land in die wêreld wat hierdie logika aanvaar nie. Dit is ’n enorme fout,” het hy van sy teëstaander gesê.

Royal het teruggekap met ’n belofte om 500 000 poste vir jeugdiges te skep.

Waar Sarkozy sy teenkanting teen Turkye se toelating tot die Europese Unie uitgespreek het, het Royal gepleit dat ”die deur nie in Turkye se gesig toegeklap moet word nie.”

Sowat sewe miljoen kiesers het tydens die eerste verkiesingsrondte twee weke gelede vir die sentristiese kandidaat, François Bayrou, gestem. Gisteraand het beide Royal en Sarkozy na die stemme van hierdie kiesers gevry.

Royal het met tye aggressief voorgekom en verskeie kere haar teëstander in die rede geval, maar Sarkozy, wat bekend is vir sy arrogansie, het deurgaans kalm gebly.

Aan die einde van die amper drie-uurlange debat het Sarkozy belowe om die Franse kiesers “nie te verraai nie“ en om “nie vir hulle te lieg nie.“ Royal het afgesluit deur te onderneem om “in die diens van Frankryk te staan“ en verder ’n beroep op kiesers gedoen om die moed aan die dag te lê om vir ’n vrou te stem.

Volgens die jongste meningspeiling wat op 1 Mei deur die IPSOS-instituut vrygestel is, behoort Sarkozy Sondag 53.5% van die stemme te trek teenoor die 46.5% van Royal. Op dieselfde dag het Jean-Marie Le Pen van die Front National sy 3.8 miljoen kiesers aangeraai om nie vir Sarkozy te stem nie. Bayrou het hom nog nie uitgespreek vir enige van die twee oorblywende kandidate nie.