Internasionale nuus – Bladsy 322

Ekstreemregses steek Duitse SPD verby

NPD-optog in Dresden

In die Duitse deelstaat Sakse het die sogenaamde ekstreemregse party, die NPD, die sosialistiese SPD van eertydse Kanselier Gerhard Schroeder verbygesteek in ‘n meningspeiling. Dié peiling het 1130 burgers tussen 20 Augustus en 4 September 2007 gevra vir wie hulle sou stem indien ‘n deelstaatverkiesing komende Sondag sou plaasvind.

Die NPD sal dan 9% van stemme trek terwyl die SPD net 8% kon behaal. Die NPD (Nationaldemokratische Partei Deutschlands) is ‘n nasionalistiese party en word dikwels in die media as "Nazi’s" beskryf. In twee van die nuwe deelstate, Sakse en Mekelenborg-Voorpommere, het die NPD reeds ‘n indruk by die stembus gelaat. In nasionale verkiesings sou die NPD egter net 5% van die stemme verkry.

Behalwe dat die NPD teen immigrasie gekant is, wil die party ook nie sien dat Turkye tot die EU toegelaat word nie. Hulle kla verder dat Duitsland se bydraes aan die EU te hoog is en afgeskaal behoort te word. Hoë werkloosheid en ‘n ongunstige demografiese profiel in die ooste word algemeen vir die opkoms van die party verkwalik.

Die sterkste party is die CSU met 39%. Linkse partye sou 27% van die kiesers oortuig en die Groen-party 5%. ‘n Televisiekanaal het die peiling aangevra. Deelstate in die ooste van Duitsland was onlangs weer in die nuus nadat immigrante deur Duitsers aangerand is. Dit het gister aan die lig gekom dat ‘n Indiër in Mügeln ‘n Duitser met ‘n gebreekte bottel verwond het tydens die rasse-onluste daar.

Markt

Gevegte hervat in DRK

‘n Woordvoerder van die VN-missie in die DRK het haar groot kommer uitgespreek oor gevegte wat in die Ngungu-sone van die die land uitgebreek het tussen die weermag en renegaattroepe. Nadat dit stil was oor die naweek het skermutselinge 30km van Goma weer Maandag hervat.

‘n Honderd mense het reeds verlede week in verskillende gevegte omgekom. Generaal Laurent Nkunda, magtige plaaslike leier en oud-sielkunde student, is verantwoordelik vir die rebelle. Alhoewel daar geen nuus van die toestand beskikbaar is nie, reken die VN dat 650 000 mense reeds uit hul huise padgegee het uit Noord-Kiwu uit vrees dat hulle ook slagoffers kan word van die konflik.

Die DRK-weermag, wat bang was vir Nkunda se invloed in die streek, het hom aangestel om reste van Rwandese Hoetoe-rebelle wat bedrywig was in die Kiwu-provinsie, vas te trek. Die generaal het in 2004 egter sy amp verlaat en skuiling gevind in die Masisi-woude.

Massas soldate het daarna oorgeloop na Nkunda. Hy was verantwoordelik vir die besetting van Bukawu. Alhoewel ‘n internasionale lasbrief vir sy inhegtenisname uitgereik is vanwëe klaarblyklike oorlogsmisdade, het die VN-mag geweier om hom in hegtenis te neem.

Die situasie in Noord-Kiwu en Suid-Kiwu bly gespanne en ‘n kopseer vir Kinshasa asook die VN-vredesmag in die land. Die onlangse demokratiese verkiesings kon nog geen blywende oplossing bied vir die streek nie.

Weermagbevelvoerders het verlede week bekend gemaak dat nuwe brigades Nkunda se gemengde eenhede sal vervang om Hoetoe-rebelle te jag. Nkundu en die Demokratiese Magte vir die Bevryding van Rwanda het egter gewaarsku dat enige eskalasie na groter konflik sal lei.

Britte verlaat Basra

Union Jack in Basra gestryk

LONDEN – Britse soldate het Sondag begin om hul laaste basis in die suidelike Irakese stad Basra te verlaat, waarmee die weg voorberei is vir verdere troepeverminderings. Kommer oor die veiligheid van die land se tweede grootste stad en die omliggende streek het egter ook toegeneem.

V.S. en Irakese owerhede het hul kommer uitgespreek dat ’n breër Britse terugtrekking die streek se ryk oliebronne, asook die voorradelinie van Koewait na Bagdad en verder, in gevaar kon stel. Sommige ontleders vrees ook dat die Britse onttrekking ’n gewelddadige stryd tussen mededingende Sjiïtiese groepe in die sekte se suidelike hinterland kan vererger.

Ongeveer 550 soldate is besig om die Basrapaleis in die middestad, een van afgesette president Saddam Hoessein se voormalige vestings, te verlaat, om aan te sluit by 5 000 ander personeellede by ’n lugmagbasis 11 kilometer vanaf die buitewyke van die stad. Verdedigingsamptenare sê die onttrekking verloop glad maar kan etlike dae neem om te voltooi.

Die Irakese leër het honderde versterkings na die stad gestuur om Sjiïtiese milisies en misdaadbendes te verhoed om hul invloed uit te brei as die Britte eers weg is.

Die voormalige Britse eerste minister, Tony Blair, het die aantal Britse troepe in Irak van 7 000 tot 5 500 verminder in Februarie en het die keuse oopgelaat om nog 500 te onttrek sodra Basrapaleis aan die Irakiërs terugbesorg sou word.

Die huidige eerste minister, Gordon Brown, is veronderstel om toekomstige strategie vir die Britse operasies in Irak aanstaande maand in ’n toespraak aan die parlement uit te stippel.

Die Britse verdedigingsministerie het gesê dat magte wat vanaf Basra-lugmagbasis opereer “veiligheidsverantwoordelikheid vir Basra sal behou totdat ons dit aan die provinsiale Irakese beheer oorhandig, wat waarskynlik in die herfs sal plaasvind”.

Basrapaleis het Britse soldate en diplomatieke personeel gehuisves ná die V.S.-geleide inval in 2003 en verkeer oor die afgelope maande onder daaglikse mortier- en vuurpylaanvalle.

“Dis ’n besonder verstandige militêre besluit,” het ’n verteenwoordiger van die Konserwatiewe opposisie, Patrick Mercer, gesê. “Dit sal ons toelaat om meer troepe van Irak in die herfs te onttrek, op dieselfde tydstip as wat Brittanje haar hoeveelheid troepe in Afghanistan vermeerder.”

In Basra het majoor Mike Shearer, Brittanje se militêre skakelbeampte, aan verslaggewers gesê: “Ek kan bevestig dat ’n operasie tans plaasvind, maar gaan geen verdere besonderhede verskaf nie.”

Amerikaanse amptenare het kwellinge uitgespreek oor die gedagte van Britse troepe wat die stad verlaat en dit aan die invloed van Sjiïtiese godsdienspartye en gewapende groepe sou oorlaat, waarvan sommige bande met Iran handhaaf, ná die verkiesing in Januarie 2005 wat eerste minister Noeri al-Maliki aan die mag gestel het.

Die polisiemag is swaar geïnfiltreer deur die gewapende groepe. Politieke mededingers, drankhandelaars, DVD-winkeleienaars en enigeen wat verskillende groepe se interpretasies van Islam oortree, is onderhewig aan sluipmoorde deur moordbendes.

Die afgetrede V.S.-generaal Jack Keane, wat stafhoof was toe die Irakoorlog begin het, het verlede week in ’n onderhoud gesê dat Brittanje nooit genoeg troepe ontplooi het om die streek te stabiliseer nie en ’n slegte veiligheidsituasie laat vererger het.

“Dit was nog altyd ons voorneme om troepe in Basra te verminder soos wat die Irakese weermag en polisie se gereed raak om veiligheidspligte oor te neem,” het ’n segsman vir Brown se Downingstraatkantoor gesê, op voorwaarde dat hy anoniem bly.

Die International Crisis Group, ’n dinkskrum wat in Brussel gesetel is, het in hul Junieverslag gesê dat onbeheerde gewapende groepe besig was om Basra te destabiliseer en dat die plaaslike bevolking glo dat Britse magte verdryf is.

“Onophoudelike aanvalle op Britse magte het hulle trouens van die strate af en na toenemend afgeleë vestings verdryf,” lui die verslag. “Die inwoners van Basra en lede van gewapende groepe sien dit nie as ’n geordende onttrekking nie, maar as ’n oneerbare neerlaag.”

Met bykomende Irakese soldate in die strate, sê inwoners dat toestande oor die afgelope weke stiller geraak het.

Maar verlede week het die hoof van die Basra-stadsraad se veiligheidskomitee, Hakim al-Mijahi, “’n mate van wanorde” ná die Britse onttrekking van die stad voorspel omdat hy vrees dat Irakese magte nie in staat is om wet en orde te handhaaf nie.

games casino Фильчаков прокурор

Merkel is die magtigste vrou

Poolse tydskrifvoorblad

Die Duitse kanselier, Angela Merkel, is vir die tweede agtereenvolgende jaar aangewys as die magtigste vrou ter wêreld deur die Forbes-indeks. China se vise-premier, Wu Yi, het vir ‘n verrassing gesorg deur die Amerikaanse Condoleeza Rice van haar tweede plek te ontneem.

Die Amerikaanse tydskrif Forbes publiseer hierdie jaar die vierde spesiale jaarlikse uitgawe waarin die honderd mees invloedryke vroue op die planeet volgens rangorde aangegee word. Die uitgawe het Donderdag verskyn.

Onder die eerste tien is daar vyf Amerikaanse vroue en drie uit Asië. Sonia Ghandi van Indië en Ho Ching van Singapoer is die ander Asiërs wat die lys gehaal het. Me Rice kon hierdie jaar slegs die vierde plek haal.

Vroue wat regeringsposte beklee is in die minderheid teenoor sakevroue. Net 29% van die vroue op die lys dien in ‘n regering, terwyl 66% danksy bestuursvernuf hulle invloed laat geld. Onder hulle is die HUB van Chanel, die direktrise van die Wêreldgesondheidsorganisasie en die president van Harvard.

Vroue uit die Midde-Ooste het ook plekke verwerf. Die eerste dame van Kathar is in die 79ste plek en Sjeika Mozah Al-Missned van die VAE in die 99ste plek. Hillary Clinton en Nancy Pelosi is natuurlik ook teenwoordig op die 25ste en 26ste plekke, met Oprah Winfrey ‘n kortkop voor op nommer 21.

лестницы в

Duitsers sak op nog immigrante toe

Magdeburgse domkerk

‘n Irakese immigrant wat Saterdagaand by ‘n bushalte in Magdeburg in die ooste van Duitsland gestaan en wag het, is deur ‘n onbekende aangerand. Dié voorval kom slegs ‘n week nadat ‘n soortgelyke insident in Mügeln plaasgevind het en politici die toename in "vreemdelinghaat" sterk veroordeel het. In ‘n ander voorval in Guntersblum naby Mainz is ‘n Egiptenaar en Soedanees aangeval.

Die ses-en-dertigjarige Irakeër is volgens ‘n polisiewoordvoerder eers deur ‘n plaaslike inwoner uitgeskel omdat hy kwansuis nie tuis hoort in Duitsland nie, waarna die inwoner weer omgedraai het. Kort daarna het die inwoner egter teruggekeer met sy hond wat hy op die man losgelaat het, asook ‘n bofbalkolf. Die inwoner het die immigrant met kolf bygedam en kopwonde toegedien. ‘n Ooggetuie het die toneel gadegeslaan en die polisie ontbied.

By die wynfees in Guntersblum oor die naweek het etlike Duitsers op die twee immigrante toegesak en albei is beseer. In Mügeln het daar Saterdagaand net 200 mense aan ‘n vredesmars deelgeneem om kerse voor die Pizzeria waar die Indiërs skuiling gaan soek het, te plaas. Die Indiërs is deur 50 Duitsers aangerand en agtervolg tot in die eetplek.

Die linkse SPD-voorsitter wil graag die regse NPD-party laat verbied om vreemdelinghaat te bekamp, maar Kanselier Merkel en CSU-voorsitter Stoiber is nie entoesiasties oor die voorstel nie. Die Hessiese minister vir interne aangeleenthede, Volker Bouffier (CDU), het gesê dat die NPD met argumente bestry behoort te word. Probleme sal nie, meen lede van die regering, met ‘n verbod opgelos word nie.

‘n Emnid-meningspeiling het onlangs bevind dat soveel as 14% van stemgeregtigde vroue vir ‘n party regs van die huidige regering sal stem. Dit is ‘n verrassing volgens navorsers omdat vroue geneig is om nie so sterk na regs oor te hel nie. Van mans het net 9% gedink dat hulle sou regser kon stem.

Sweedse Kuifie bly

Kuifie bestuur

Die owerhede in Swede het ‘n klag van ‘n Sweedse burger wat in die Kongo gebore is om "Kuifie in die Kongo" te verbied, van die hand gewys. Jean-Dadou Monya, wat sedert 1992 in Swede woon, het verlede Donderdag die Sweedse uitgewer, Bonnier Carlsen, voor die hof gedaag om te eis dat die verkope van die strokiesverhaal gestaak word en dat dit uit biblioteke verwyder word.

Monya (42) het aan die media gesê dat hy per pos laat weet is dat die uitgewer nie vervolg sal word nie. Die besluit is glo op ‘n tegniese punt geneem en die hof het geen dieper gronde daarvoor gegee nie. "Ek het dit verwag, vir my was die belangrikste om die rassistiese trekke van die strokie uit te wys wat geen plek het in die 21ste eeu nie," was die klaer se reaksie.

"Dit is ‘n storie vir kinders en dis nie goed as hulle rassistiese dinge lees nie, soos as Kuifie op Afrikane skree en hulle lui noem," het hy voortgegaan. Hy het die klag in die naam van die Afro-Sweedse Vereniging gelê. Monya sê hy deur die klag in België teen "Kuifie in die Kongo" gesterk.

Invloed van Iranse weermag brei uit

Genl. Afshar

Generaal Alireza Afshar gaan die raadgewer van die Iranse president Ahmadinejad, Mosjtaba Samareh Hasjemi vervang. Die Staatstelevisie het Sondag die aankondiging gemaak. Die nominasie dui daarop dat die invloed van die ideologiese toesighouers, naamlik die Rewolusionêre Wag, toegeneem het. Die Wag was onlangs in die nuus nadat die VSA bekend gemaak het dat hulle dit oorweeg om die Wag op hul lys van terreurorganisasies in te sluit.

Afshar word as die éminence grise onder Iran se besluitnemers gereken. Dit word as ‘n sleutelpos in die regering beskou omdat hy daarvoor verantwoordelik sal wees om die komense verkiesing te reël. Die parlementêre verkiesings vind in 2008 plaas.

Die generaal sal ook gedeeltelik verantwoordelik wees vir die 30 provinsies se goewerneurs en hy staan aan die hoof van die liggaam wat lisensies aan nie-regeringsorganisasies asook poltieke partye uitreik. Hy is een van die president se vertrouelinge.

Die Rewolusionêre Wag, oftewel die die Pasdaran – die Farsi-woord vir "wag" – is die grootste vertakking van die Islamitiese republiek se weermag. Afshar het die beste deel van sy loopbaan aan die Pasdaran gewy en hy het tot onlangs as adjunk van die bevelvoerder van die weermag gedien. Hy was gemoeid met kultuursake in daardie hoedanigheid.

President Ahmadinejad, wat sedert 2005 die regering lei, was ook voorheen ‘n lid van die Pasdaran. Afshar het ook tussen 2003 en 2005 as Ahmadinejad se raadgewer opgetree toe hy as burgemeester van Teheran gedien het. Die twee here was saam op universiteit. Afshar het tydens die Iran-Irak konflik (1980 – 1988) as woordvoerder vir die Iranse weermag opgetree.

Hy is daarna as hoof van die Immam Hossein-universiteit aangestel. Dié universiteit is hoofsaaklik gemoeid met die opleiding van Pasdaran-leiers.

‘n Fransman met ‘n nare plan…

Om bedelaars te verhoed om die middedorp te ontsier, het die burgemeester van Argenteuil, Frankryk, ‘n ordonansie uitgereik op 6 Augustus wat sal geld tot 2012. Die UMP-bergemeester, George Mothron, het ook nie daar opgehou nie. Werknemers van die munisipaliteit, wat graag anoniem wil bly, het nou met die hele sak patats vorendag gekom.

Die burgemeester het naamlik in Julie ‘n chemiese produk aangekoop wat bedelaars en dakloses uit die dorp sal hou. Die werknemers van die munisipaliteit is aangesê om die produk oral in die middedorp aan te wend waar ongewensdes aanwesig is. Die produk staan bekend as Malodore, wat min of meer as slegruik beteken.

Nadat die munisipale werkers egter die aanwysings op die kartonverpakking gelees het, het hulle besluit om die opdrag nie uit te voer nie. Daar staan "dat die produk toksies is en ‘n irritant en dat ‘n mens dit nie moet inasem nie," sê die anonieme werknemer. Werknemers "sal graag van rotte ontslae raak, maar nie dakloses nie", het die persoon bygevoeg.

Uiteindelik is die produk direk aan die skoonmakers oorhandig wat dit op "probleemareas" aangewend het. Volgens die vervaardiger, Firchim, is dit nie "gevaarlik" nie. Die konsentraat moet eers verdun word en dan aangespuit word. Dit veroorsaak naarheid en die behandelde areas is vir ten minste ‘n paar weke ontoeganklik.

Sedert 2005 stel die burgemeester van Argenteuil maatreëls vas sodat bedelaars nie die middedorp binnekom nie. Die owerhede het in 2005 egter so ‘n maatreël geskrap wat verwys het na die "abnormale olfaktiewe steuring" wat daklose mense veroorsaak.

Guine?rs rand Franse grenspolisie aan

Franse polisie aangerand

Guinee het die Franse regering amptelik om verskoning gevra nadat ses Franse polisielede deur Guineërs aangerand is toe hulle van die vliegtuig in Konakry afgeklim het. Die Franse polisie het onwettige immigrante na hul tuiste van oorsprong vergesel tydens ‘n operasie genaamd "Verwydering" toe die insident op 16 Augustus plaasgevind het.

Terwyl Guinee Donderdag hul spyt oor die gebeure beken het, het die Franse aangedring op ‘n verduideliking asook ‘n versekering dat so iets nie herhaal sal word nie. Polisievakbonde het ook gevra dat hul lede beter beskerming moet geniet in delikate operasies, volgens die minister van binnelandse sake, Michèle Alliot-Marie. Sy het bygevoeg dat sulke optrede van Guinese burgers "heeltemal onaanvaarbaar" is.

Die ses polisielede wat deel vorm van grensbewaking is met hul aankoms in Konakry deur passasiers en voornemende reisigers aangerand. Alhoewel hulle nie ernstig beseer is nie, is die lede almal getraumatiseer deur die aanvalle. Die twee Guineërs wat deur die Franse teruggeneem is na hul land van herkoms het losgekom en was deelagtig aan die rebellie.

Volgens die ses Franse het die Guinese polisie in Konakry hulle ingewag en ook deelgeneem in die aanval. Die twee onwettige immigrante was klaarblyklik uit die staanspoor "aggressief" en het begin gil en skree om passasiers "vir hul saak op te sweep". Verskeie passasiers het die grenspolisie van "onmenslikheid" beskuldig nog voor die vliegtuig opgestyg het en die "verwelkomingspartytjie" wat vir die ses polisielede gereed gestaan het is dmv selfone vooraf vanuit Parys gereël.

Die Guinese regering ontken dat hul polisie aan die aanrandings deelgeneem het. Die twee onwettige immigrante was deel van die groepie hongerstakers wat al ‘n paar weke lank in Lille protesteer. ‘n Woordvoerder van ‘n Franse organisasie wat vir onwettige burgers omgee, Comité des sans-papiers du Nord, sê die Franse regering se optrede is ‘n skandaal. Hy meen onwettige immigrante word soos "ondermense" behandel.

casino free slot topcargo развод

Belgi? bly sonder ‘n regering n? koalisievorming misluk

Yves Leterme… misluk

BRUSSEL – Die poging van Yves Leterme om ‘n nuwe Belgiese regering saam te stel, het misluk. Ná 40 dae van onderhandelinge tussen die verskillende politieke partye, het hy vir die eerste keer in 40 jaar die Belgiese koning in kennis gestel dat hy geen regering kon saamstel nie. Die koning moes eers uit Frankryk gehaal word waar hy vermoedelik met vakansie was.

België het ‘n swetterjoel partye wat boonop tussen Nederlandstalige Vlaminge en Franstalige Wale verdeel is. Leterme het gepoog om steun rondom die Christen-Demokratiese party te monster en sodoende ‘n meerderheid te kry om ‘n kabinet saam te stel.

Die eerste poging om ‘n regering te vorm, het reeds op 10 Junie – 75 dae gelede – misluk. Vanaf daardie datum het die Franstalige partye teeneise teenoor die Vlaamse partye begin instel, in reaksie op Vlaamse eise van vóór 10 Junie. Hierdie teeneise was vir die Vlaamse partye heeltemal onaanvaarbaar. Vlaminge verteenwoordig 60% van die Belgiese bevolking, maar betaal tagtig persent van die land se belastings. Hulle glo dat hulle deur hul Franstalige medeburgers uitgebuit word wat op die welvaartstaat teer en sodoende van Vlaamse geld leef.

Woesdagaand het die Vlaamse partye van die Franstaliges geëis dat hulle moet verklaar of hulle ernstig is om ‘n nuwe staatsvorming deur te voer. Hulle het egter geen bevredigende antwoord ontvang nie. Tot diep in die nag is gepoog om ‘n kompromis te bereik. Teen middagete gister was dit egter duidelik dat daar ‘n dooiepunt in die onderhandelinge tussen Vlaamse en Franstalige partye bereik is en het Yves Leterme besluit om die koning, die simboliese staatshoof van België, in kennis te stel.

Die Franstalige partye blameer die Vlaamse partye vir die mislukking omdat hulle te veel mag en outonomie wil opeis, asook die regeringsvormer wat volgens hulle nie ‘n goeie werkswyse aan die dag gelê het nie.

Die Vlaamse partye CD&V/N-VA en Open VLD vorm ‘n hegte gemeenskapsfront en verwyt die Franstalige partye, veral die CDH, vir die mislukking. Volgens hulle bly die Franstalige partye die debat ontwyk en "hoor nie" wat die Vlaamse partye bedoel met hul vraag na ‘n "ernstige" staatshervorming wat op groter Vlaamse outonomie moet uitloop nie.

Die leier van die nasionalistiese Vlaams Belang, Filip Dewinter, het reeds te kenne gegee dat die Vlaamse Parlement tot ‘n referendum oor Vlaamse onafhanklikheid behoort oor te gaan. Daar bestaan altesaam sewe parlemente in België, sowel geografiese streeksparlemente as parlemente wat die drie taalgemeenskappe (Nederlands, Frans en Duits) bedien.

Die MR, ‘n Franstalige party, kon die Vlaamse partye nog ‘n ooreenkoms bereik wat die kulturele en sosio-ekonomiese geskille sou bylê, maar nie met die CDH waarvan die leidster, Joëlle Milquet, volstrek nee gesê het. Die CDH het nie goed gedoen in die verkiesing in Mei nie en het gehoop op ‘n koalisieregering met die Sosialistiese Party. Op die huidige sentrum-regse koalisie was die party glad nie voorbereid nie. Boonop sou deelname aan so ‘n koalisie die CDH verbind tot federale hervormings en groter magte vir die taalgemeenskappe waaroor hy aan sy kiesers belowe het dat dit "nooit" sou deurgaan nie.

Die Belgiese koning het gisteraand sy raadpleginge begin en het al die MR-voorsitter Reynders ontvang. Die verwagting is nou dat die koning gou ‘n skakelbeampte of bemiddelaar sal aanstel wat waarskynlik Franstalig sal wees.

Die skakelbeampte of bemiddelaar kan poog om nuwe koalisiekombinasies te vind, of kan terugval op diegene wat die eerste koninklike bemiddelaar, Jean-Luc Dehaene, "die enigste realisties moontlike koalisie" noem. In die laaste geval moet hy of sy poog om ‘n keuse van koalisievennote te vind wat die Vlaamse partye tot koalisievorming kan verlei. Daar is geen ander manier nie. ‘n Regering sonder die sentrum-regse Vlaamse party, die CD&V/N-VA is onmoontlik. En Open VLD sal met geen ander koalisievenoot saamwerk nie.

Dit is ironies dat twee taalgemeenskappe wat ‘n hoofstad, Brussel, met die Europese Unie van 25 lande deel, nie in staat is om mekaar te vind as dit by die samestelling van die Belgiese regering kom nie.

signup bonus

Guinee ge?nteresseerd in kernkrag

Nadat uraan vroeër vandeesmaand in Guinee ontdek is, wil die land nou in gesprek tree met die Internasionale Atoomenergie-agentskap in Wene. Hulle is op soek na ’n kernkragoplossing vir Guinee se kragprobleme.

Uraan is aan die begin van Augustus deur die Australiese mynmaatskappy, Murchison United, sowat 600 km oos van die hoofstad Conakry ontdek. Volgens ’n regeringsegsman stel Guinee nie net belang in kernkrag nie, maar sal die land ook uraan wil aanwend vir landbou-, medisyne- en nywerheidsdoeleindes.

Uraanpryse het oor die afgelope twee jaar viervoudig toegeneem. Al meer lande wend hulle naamlik na kernkrag te midde van toenemende besorgdheid oor die gevare wat besoedeling vir die omgewing inhou.

Lansana Conte, ’n kettingroker wat Guinee al sedert 1984 regeer, toe hy tydens ’n militêre staatsgreep aan bewind gekom het, het ook ontginningspermitte vir uraan aan twee ander maatskappye, Nova Energy en Contico, toegestaan. Die mineraalryke land het vroeër vanjaar gewelddadige betogings teen die huidige regering beleef. Sowat ’n derde van die wêreld se bouksiet (wat in aluminium gebruik word) word hier aangetref.

’n Hele paar Afrikalande het die afgelope tyd belangstelling getoon in kernkrag as ’n oplossing vir hul kragprobleme. In Junie vanjaar het president Museweni van Oeganda (waar uraan ook onlangs ontdek is) by die G8-byeenkoms klem gelê op die belangrikheid van kernkrag. Suid-Afrika is egter tans die enigste Afrikaland suid van die Sahara waar kernkrag geproduseer word. Op die oomblik maak kernkrag 6% uit van die land se totale kragopwekking en daar word beplan om dit na 15% te verhoog.

In Noord-Afrika het Algerië onlangs ’n kernsamewerkingsooreenkoms met die VSA onderteken. Libië het verlede maand ’n soortgelyke ooreenkoms met Frankryk aangegaan. Abdoulaye Wade van Senegal het op sy beurt aangekondig dat hy voor die einde van sy ampstermyn ’n kernreaktor wil laat bou.

Afrika was sowat 30 jaar gelede die wêreld se belangrikste uitvoerder van uraan. Tans is die vasteland maar vir 20% van totale produksie verantwoordelik. Australië is nou die belangrikste uraanproduseerder ter wêreld.

динамо центр

Frontex hou Afrikane uit die EU

Onwettige immigrantejag

Honderd-agt-en-tagtig onwettige immigrante is Dinsdag in die kuswater van Gambië aangekeer deur Afrikane wat vir die EU se Frontex-organisasie diens doen aan die weskus van Afrika. Dit bring die syfer op 300 onwettige immigrante binne drie dae in dieselfde gebied.

‘n Senegalese polisiewoordvoerder wat namens Frontex optree, het bevestig dat die onwettige immigrante op ‘n houtskuitjie na Europese grondgebied onderweg was toe hulle deur ‘n Spaans-Senegalese patrollie aangekeer is.

"Tussen hulle is 118 Senegalese, 61 uit Guinee-Bissau en 9 Guineërs. Hulle het vanaf Casamance (die suide van Senegal) vertrek minder as twee dae gelede," het die woordvoerder gesê. Die onwettige immigrante is na Dakar geneem waar hulle aan ‘n internasionale organisasie oorhandig is. Die vier Senegalese mensesmokkelaars sal, na wat verneem word, nie aangekla word nie en is reeds vrygelaat.

Senegal is een van die grootste uitvoerders van onwettige immigrante wat vanaf dié land probeer om Spanje se Kanariese Eilande te haal om sodoende toegang tot die vleispotte van Europa te verkry. ‘n Soortgelyke operasie het op 18 Augustus byna ‘n honderd onwettige immigrante opgelewer, volgens die Senegalese polisie.

Frontex, wat sedert 2006 in samewerking met Wes-Afrika probeer om die Spaanse kus vir onwettige immigrante ontoeganklik te maak deur patrollies, meen dat hulle sukses behaal en Dakar en Madrid het aangekondig dat hulle hul gemeenskaplike poging sal verleng tot Julie 2008. Die hoofkwartier van die Frontex-organisasie is in Warskou en dit is in die lewe geroep om te probeer om die onwettige immigrasiestroom af te sny sodat swart Afrikane Europa nie per see of lug kan bereik nie.

Tans is twee patrolliebote, ‘n vliegtuig en Spaanse helikopter, asook ‘n Italiaanse vliegtuig ter beskikking gestel om Senegal se kus te bewaak en te keer dat onwettige immigrante Europa bereik. Verlede jaar is meer as 31 000 klandestiene reisigers geregistreer. Danksy verskerpte maatreëls is die aantal onwettige immigrante vir die eerste kwartaal egter laer as verlede jaar.

юбки для девочек

Twee derdes van Nederland ten gunste van eenwording

AMSTERDAM – Twee derde van de Nederlanders ziet een samenvoeging van Nederland en Vlaanderen wel zitten. Ruim 85 procent is voor intensievere samenwerking met de Belgen. Dat blijkt dinsdag uit een onderzoek dat TNS Nipo in opdracht van RTL heeft uitgevoerd.

In België woedt een politieke discussie over het hervormen van Vlaanderen en Wallonië.

Meer dan 60 procent van de ondervraagden denkt dat beide landen beter worden van een fusie. Een op de vijf Nederlanders denkt dat Nederland en Vlaanderen na samenvoeging geleid moeten worden door de Oranjes.

Afschaffing van beide koningshuizen is volgens 16 procent de beste optie. 17 Procent denkt dat beide landen hun eigen koninklijke familie moeten behouden.
Zelfstandig

Ongeveer vijf van de zes respondenten (83 procent) denkt dat België zelfstandig blijft voortbestaan. Ongeveer 14 procent denkt dat dit niet het geval is. Een kwart van de Nederlanders denkt dat Vlaanderen en Wallonië gescheiden moeten worden.

тамбов ик лобановский депутат

Re?nmakerery in Senegal

Senegal eksperimenteer sedert 2005 met reën op aanvraag. Dié program word ondersteun deur Marokko om die onvoorspelbaarheid van buie te probeer oorkom, maar navorsers en boere bly skepties oor die werklike impak.

Nadat Senegal ‘n 2002 ‘n slegte seisoen beleef het, "het president Abdoulaye Wade aan Marokko gevra om te help met reën op aanvraag," verduidelik Chérif Diop, hoof van weerkundige navorsing. Die program heet "Bawaan" wat "nuttige reën" in Wolof, die grootste taal in Senegal, beteken.

Dit is daarop gemik om voedselsekuriteit in Senegal te bevorder omdat weersomstandighede in die land nie altyd geskik is vir landbou nie. Senegal se ekonomie bestaan hoofsaaklik uit landbou en voedsel moet ingevoer word om aan die aanvraag te voldoen.

Reën word gemaak deur wolke mbv vliegtuie in die lug of generators op die grond te "bombardeer". ‘n Radar in die noorde by Linguère "wat feitlik die hele land dek met ‘n reikafstand van 480km" volgens Diop, bepaal die chemiese en fisiese eienskappe van wolke, hul ewolusie en die hoeveelheid water.

Die reënmakerprogram, wat deur 8 van die 11 lande in die streek van stapel gestuur is, het 23 operasies tussen Julie en Augustus onderneem teenoor die 35 in dieselfde tyd verlede jaar. Die sones in die noordelike dele wat baat by geïnduseerde reën se reënvalsyfers is bogemiddeld terwyl droogte die suide teister.

"Ons dink bogemiddelde reënval in die noorde en die sentrum is verwant aan operasies in dié gebied," verseker Diop sy gehoor. Volgens kenners is dit nietemin nie so voorspelbaar nie, want dit is nooit heeltemal seker of dit wel na afloop van ‘n operasie sal reën nie.

Vir die sekretaris-generaal van die Nasionale Raad vir Landelike Oorlegpleging (CNCR), Baba Ngom, is reënmakery nie "realisties" nie en wil hy niks daarmee te make hê nie. Watervore is volgens hom die antwoord en moet ‘n mens "die Senegalrivier aanwend want miljoene kubieke meter water vloei jaarliks in die see weg."

Senegal het reeds in die sestigerjare met reënmakery geëksperimenteer sonder sukses. Ten spyte daarvan glo weerkundige direkteur Matra Ndiaye, dat die werklike impak van die nuwe eksperiment wat in 2005 begin is, eers in 2010 gemeet sal kan word.

Hy het egter toegegee dat die VSA, Israel, Frankryk en Spanje al enorme bedrae op reënmakery bestee het sonder dat dit veel opgelewer het en "sonder dat die nut daarvan bewys is."

"Die grootste uitdaging is om die impak wat verkry kan word deur wolke te teiken te begryp. Sou die wolke sonder ingryping dieselfde resultate gelewer het?" wonder Ndiaye hardop.

free football bet no deposit required