Internasionale nuus Archives - Page 306 of 464

Iran beplan verrykingsaanlegte in trotsering van VN

Iran het gister planne om tien industriëlegrootte uraanverrykingsaanlegte te bou, goedgekeur, ‘n dramatiese uitbreiding van die program wat die VN se eise dat die land verryking moet staak trotseer, en ‘n skuif wat waarskynlik spanning in die Weste gaan verhoog.

Die besluit kom enkele dae nadat die VN se kernwaghondagentskap Iran betig het oor hulle program en aangedring het dat die konstruksie van ‘n nuutonthulde verrykingsaanleg gestaak word. Die weste het gesein dat hulle uit geduld uit raak met Iran se voortgaande verryking en hulle onbereidwilligheid om ‘n VN-ooreenkoms te aanvaar. Die VSA en hulle bondgenote het aangedui dat nuwe VN-sanksies ingestel sal word indien Iran nie reageer nie.

Die Withuis sê die skuif “sal nog ‘n ernstige oortreding van Iran se duidelike verpligtinge onder talle VN Veiligheidsraadresolusies wees en nog ‘n voorbeeld van Iran wat verkies om hulleself te isoleer.”

“Tyd loop uit vir Iran om die internasionale gemeenskap se groeiende kommer oor hulle kernprogram aan te spreek,” sê die Withuis se perssekretaris, Robert Gibbs.

“Dit is ‘n toonbeeld van die grondliggende probleem wat ons in die gesig staar met Iran,” sê hy. “Ons het oor en oor verklaar dat ons Iran se reg tot ‘n siviele kernprogram erken, maar hulle moet eers internasionale vertroue in hulle bedoelings herstel. In plaas daarvan om met ons in gesprek te tree, verkies Iran om uit te lok en te mislei.”

Die VN se Internasionale Atoom Energie Agentskap het Vrydag ‘n skerp teregwysing aan Iran oor verryking uitgevaardig, en dit het Teheran woedend gemaak.

“Sou die Weste aanhou om druk op ons te plaas, kan die wetgewer Iran se vlak van samewerking met die IAEA heroorweeg,” het die parlement se speaker, Ali Larijani gister in ‘n toespraak oor die staatsradio gesê.

mobile casinos no Данильченко

Switserse verbod op Moslem-torings maak Moefti moeilik

Egipte se Moefti, Ali Gomaa, het uitgevaar teen ‘n referendumuitslag in Switserland wat nuwe minarette verbied, en het dit ‘n “belediging” teen Moslems regoor genoem terwyl hy ‘n oproep op Moslems gedoen het om nie deur die skuif uitgelok te word nie.

‘n Soliede meerderheid Switserse kiesers het in ‘n referendum gestem om die oprigting van nuwe minarette, die torings wat teenaan moskees gebou word vanwaar die oproep tot gebed gemaak word, te verbied

“Hierdie voorstel word nie net as ‘n aanval op die vryheid van opvattings beskou nie, maar is ook ‘n poging om die gevoelens van die Moslem-gemeenskap in en buite Switserland te beledig,” het Gomaa, die Egiptiese regering se amptelike vertolker van Islamitiese wet aan die staatsnuusagentskap MENA gesê.

Hy het Switserland se 400,000-sterk Moslemgemeenskap aangemoedig om dialoog en wettige metodes te gebruik om die verbod, wat hy as uitlokkende gedrag beskryf het, te beveg.

Die regse Switserse Volksparty, Switserland se grootste party, het die referendum afgedwing nadat hulle die verpligte honderdduisend stemme binne 18 maande ingesamel het.

Switsers stem teen moskeeminarette

Die Switserse media spreek vandag hul kommer uit oor die naweek se referendum waarin die bou van moskeeminarette verbied is.

Die Franstalige koerant Le temps meen die uitslag “is deur vrees, fantasieë en onkunde” veroorsaak en waarsku dat daar “skouspelagtige skade” aan Switserland se internasionale aansien gaan wees.

“Weerwraak, boikotte, terugslae… die botsing met Islam kan baie duur wees,” skryf die Geneefse dagblad verder.

“Sekere mense, wat deur die krisis getraumatiseer is, het ‘n stem van protes en agterdog uitgebring, eerder as haat of wantroue. Dié stem het nou in ‘n bom verander.”

Die dagblad van Lausanne sê dat uitvoere, toerisme, die luuksebedryf en die finansiële nywerheid almal ‘n teenreaksie behoort “te vrees”.

Die Journal du Jura meen gister se referendum was ‘n “eie doel uit vrees” terwyl die koerant La liberté in Fribourg in ‘n hoofartikel skryf dat “vrese wat verbind is aan die Islamisering van die land en die vermenging van bevolkings wat te vinnig plaasvind” die uitslag beïnvloed het.

Die Tagesanzeiger, ‘n dagblad in Zürich, sê dat die land intens verdeeld geraak het tussen ‘n “moderne en internasionalistiese” kant en ‘n ander wat “tradisionalisties en nasionalisties” is. Volgens die koerant gaan die referendum “die internasionale isolasie van Switserland selfs onder Westerse lande” verhoog.

Die referendum om die torings wat aan moskees verbind is en waarvandaan Moslems tot gebed opgeroep word, te verbied, is gister met ‘n stempersentasie van 57,5 persent goedgekeur. Stemme is in 22 van die land se 26 kantons uitgebring.

Vooraf is voorspel dat die “nee”-stem teen ‘n verbod op minarette sou seëvier aangesien die media en die Switserse establishment dié standpunt gesteun het. ‘n Alliansie van die regse Switserse Volksparty en linkses, asook feministe, wat die “ja”-stem gesteun het, het egter vir gister se verrassing gesorg.

Terreuraanval laat vermoedelik Russiese trein verongeluk

Minstens 39 mense is dood en sowat 100 is beseer toe ‘n Russiese passasierstrein Vrydagnag ontspoor het.

Volgens regeringsamptenare het die Nevski Express in die Novgorod-area tydens ‘n reis tussen Moskou en St. Petersburg ontspoor.

“Vyf en twintig mense is dood, 19 word vermis en ‘n verdere vier tot sewe mense is moontlik nog tussen die wrakstukke vasgekeer,” het Tatyana Golikova, minister van gesondheid, aan die Interfax-nuusagentskap gesê.

Vyf en negentig mense is ná die voorval gehospitaliseer.

‘n Sekuriteitsbeampte, wie se naam nie bekend is nie, het aan Interfax gesê ‘n gat van sowat 1m wyd is op die toneel sigbaar.

Die gat is moontlik deur ‘n ploftoestel onder een van die waens veroorsaak, het ‘n ander beampte gesê.

Volgens die bron het ooggetuies ‘n harde slag voor die ongeluk gehoor.

‘n Bomontploffing in Augustus 2007 het ‘n passasierstrein op dieselfde lyn laat ontspoor.

Tsjetsjniese rebelle en ultra-nasionalistiese groepe was destyds van die aanval verdink.

Rusland se teenterrorisme-eenheid het ‘n ondersoekspan na die ongelukstoneel gestuur.

Lamp Фільчаков прокурор

Sierra Leone se olifante uitgewis

Wilddiewe in Sierra Leone het ‘n olifanttrop in die land se enigste natuurpark “uitgewis”, het dié park se bestuurders gesê, nadat die polisie ‘n groep van 10 wilddiewe vasgetrek het.

“Dit is moontlik dat al die oloifante in die park uitgewis is,” het Ibrahim Bangura, senior superintendent van die ministerie van landbou se eenheid vir die bewaring van wilde diere gesê.

Die ses olifante is geskiet en “primitief geslag”, hulle is met swaarde gekap en hul tande feitlik uit hul velle geruk,” het Bangura gesê.

Polisie het gesê 10 wildstropers is in hegtenis geneem ná die ontdekking van die olifant-karkasse én die van vier buffels in die Outamba Kilimni nasionale park, naby die grens met Guinee.

Die mans, van Sierra Leone en Guinee, word tans in die noordelike dorp van Koinadugu aangehou.

“Ons glo dié slagting het tussen September en Oktober plaasgevind en dit is ‘n groot skok vir ons almal,” het Bangura gesê.

Amptenare van die ministerie van toerisme het gesê ‘n militêre-eenheid is naby die natuurpark opgerig na gereelde strooptogte deur wilddiewe van Guinee en Mali.

лобановский харьков

Zim-vliegtuig verongeluk in China

‘n Zimbabwiese vragvliegtuig wat op ‘n Chinese lughawe verongeluk het, het drie bemanningslede se lewens geëis.

Volgens die Xinhua-nuusagentskap het Sjanghai se munisipale inligtingskantoor die drie ongevalle bevestig. Die kantoor het ook gesê een ander bemanningslid is ernstig beseer. ‘n Verdere drie het ligte beserings opgedoen.

Die vliegtuig se stert het die grond getref terwyl dit besig was om op te styg vanaf Sjanghai se internasionale lughawe.

Die vliegtuig het van die aanloopbaan afgegly en in vlamme opgegaan.

‘n Pakhuis op die lughaweterrein het ook tydens die voorval aan die brand geslaan.

Die ongeluk Saterdagoggend het plaasgevind terwyl die vliegtuig op pad was na Bishkek, die hoofstad van Kirgistan.

Die vliegtuig het aan die Zimbabwiese maatskappy Avient Aviation behoort, maar die onderskeie nasionaliteite van die bemanning is nie bekend nie.

Die Zimbabwiese ambassade in Beijing was nie Saterdag beskikbaar vir kommentaar nie.

для бани topcargo

Atoomenergiehoof erken dat Iran-ondersoek op dooiepunt is

Die uittredende hoof van die Internasionale Atoomenergie-agentskap het gister gesê dat sy ondersoek na Iran se kernprogram op ‘n doodloopstraat uitgeloop het en dat vertroue in Teheran se geloofbaarheid krimp na die Iraniërs se uiteindelike erkenning dat hulle ‘n kernfasiliteit in die geheim bou.

Mohamed El Baradei se prontuit kritiek van die Islamitiese Republiek – vier dae voor hy die amp ontruim – was opvallend daarin dat dit grootliks saamvloei met die mening in Washington, wat vir jare krities was jeens die IAEA-hoof vir wat hulle gesien het as sy sagtheid teenoor Iran.

Iran moes ook afkeur uit ‘n ander oord tydens die openingsessie van die IAEA se 35-volke raad verduur, met die voorstel van ‘n resolusie wat Teheran aanspreek oor ‘n breë reeks kwessies wat verband hou met internasionale kommer dat dié land beplan om kernwapens te vervaardig.

Vir strategiese en ekonomiese redes het Moskou en Beijing hulleself in die verlede by Teheran geskaar. Hulle het verskeie Westerse pogings om sanksies op Teheran oor dié se houding oor kernsake te implementeer, verhoed, of die strengheid daarvan afgewater.

Hulle het nie die vorige IAEA-resolusie wat krities jeens Iran was in 2006 bekragtig nie. Hulle ondersteuning vir die dokument tydens die byeenkoms in Wene reflekteer dus die breë internasionale ontgogeling met Teheran.

Dit wil voorkom asof dit ‘n sein vir moontlike ondersteuning van enige nuwe Westerse druk vir ‘n vierde stel Veiligheidsraadsanksies is, indien Teheran sou voortgaan om internasionale toenadering, wat veronderstel is om ooreenkomste te bereik om kommer oor die land se kernprogramme te verminder, te vermy.

Massaselfmoordgroep op Facebook ondersoek

Die polisie in Hong Kong soek na ‘n internetgebruiker wat glo tieners aangemoedig het om massa-selfmoord te pleeg.

Die stap volg nadat ‘n 15-jarige lid van dié groep probeer het om homself dood te maak.

Nagenoeg 190 mense het reeds by die groep, ‘Ek moet selfmoord beoefen’, aangesluit, wat tieners aanmoedig om hul eie lewens op 21 Desember te neem.

Die groep se onbekende skepper het egter boodskappe op die sosiale netwerk Facebook geplaas en gesê dat die groep net ‘n grap was.

Lede van die groep was veronderstel om te gesels oor maniere om dood te gaan, het hy geskryf.

“Ek moedig hulle nie aan om selfmoord te pleeg nie.”

Die groep is intussen van Facebook verwyder, nadat die plaaslike media daaroor berig het.

Polisie het hul ondersoek begin nadat klasmaats ‘n tienerseun gekeer het om homself van die skool se dak af te gooi. Die seun het ook aan die groep behoort.

free money топкарго

Google trap klei oor Michelle Obama se aapfoto

Google loop tans advertensies om die vertoon van rassistiese en anti-semitiese stof in soekresultate te verduidelik, insluitende ‘n gedokterde foto wat die Amerikaanse eerste dame, Michelle Obama, as ‘n aap uitbeeld.

Die foto is deur ‘n Chinese webwerf gebruik. Google het nie kommentaar gelewer oor die talle foto’s op die internet wat George W Bush as ‘n sjimpansee uitbeeld nie.

“Soms kan Google-soekresultate op die internet ontstellende inhoud bevat, selfs van onskuldige navrae,” het die soekreus in Mountain View in Kalifornië, gesê en die apologetiese advertensie onderteken met die onderskrif “Die Google-span.”

“Ons verseker julle dat die menings wat deur sulke werwe uitgespreek word nie in enige opsig deur Google onderskryf word nie.”

Die Google-advertensie het om ‘n bladsy met beeldnavraagresultate vir Michelle Obama verskyn, tesame met die aanstootlike uitbeelding van die vrou van Barack Obama.

“Soekenjins is ‘n weerspieëling van die inhoud en inligting wat op die internet beskikbaar is,” sê Google.

“Die opvattings en voorkeure van diegene wat by Google werk, asook die menings van die algemene publiek, bepaal nie die trefkrag van ons soekresultate nie.”

Google sê hulle sal die bladsye van die soekresultate verwyder indien hulle die maatskappy se riglyne oortree maar hulle “beskou die integriteit van ons soekresultate as ‘n uiters belangrike prioriteit.

“Derhalwe sal ons nie ‘n bladsy van ons soekresultate verwyder bloot omdat die inhoud ongewild is of omdat ons klagtes rakende dit ontvang nie.”

Die verklaring sê voorts: “Ons vra om verskoning indien u ‘n ontstellende ervaring gehad het terwyl u Google gebruik het. Ons hoop u verstaan ons posisie rakende aanstootlike resultate.”

‘n Soortgelyke Google-verklaring verskyn op die bladsy wat soekresultate vir die woord “Jood” bevat.

“Indien u onlangs Google gebruik het om die woord “Jood” op te soek, het u dalk uitslae gevind wat baie ontstellende is.

“‘n Webwerf se ranglysposisie in Google se soekuitslae berus hoofsaaklik op rekenaaralgoritmes wat duisende faktore in aanmerking neem om ‘n bladsy se relevansie ten opsigte van ‘n gegewe navraag te bepaal.

“Somtyds veroorsaak subtiliteite in die taal dat anomalieë verskyn wat nie voorspel kan word nie.

“‘n Soektog vir ‘Jood’ werp een so ‘n onverwagte uitslag op. Een rede daarvoor is dat die woord ‘Jood’ gereeld in ‘n anti-semitiese konteks gebruik word.”

Obama spandabelste president

Die VSA se president, Barack Obama, het die begrotingsrekord vir eerstejaarpresidente verpletter deur amper dubbeld soveel as sy voorganger te spandeer as dié toe hy die amp oorgeneem het, en hy het by verre die eerstejaarrekening van enige Amerikaanse president in geskiedenis oorskry.

In fiskale 2009 het die federale regering $3,25-triljoen gespandeer – in vergelyking met $2,8-triljoen in 2000, wat as maatstaf dien. Die fiskale jaar dek die laaste drie-en-‘n-half maande van George W. Bush se termyn en die eerste agt-en-‘n-half maande van Obama s’n.

Die prysetiket kom met ‘n $1,4-triljoen tekort, amper ‘n triljoen dollars meer as verlede jaar s’n. Die algehele begroting was amper ‘n halftriljoen dollars groter as Bush s’n vir 2008, sy laaste jaar in die amp.

Dis ‘n groot toename. Maar in vergelyking met ander presidente se eerste jaar in die amp is Obama loshande voor.

Bush het $1,8-triljoen in 2001 uitgegee, volgens die regering se begrotingsyfers wat aangepas is vir inflasie gebaseer op dollars in 2000. In vergelyking, het Bill Clinton $1,6-triljoen in 1993 spandeer.

free real casino