Kategorie: Internasionale nuus

Nuus oor die wêreld buite Suider-Afrika

Isis aanvaar verantwoordelikheid vir Las Vegas maar FBI ontken verbintenis

Volgens ‘n ISIS-webblad het die Las Vegas-skieter, wat 58 mense gedood en honderde meer beseer het, as hul verteenwoordiger opgetree, maar die FBI sê die aanvaller had geen verbintenisse met internasionale terreurgroepe nie.

‘n FBI-reddingspan het egter Antifa-literatuur in sy hotelkamer gevind, volgens ‘n bron wat bande met die span het. Die span het ook foto’s gevind wat in die Midde-Ooste geneem is van ‘n vrou wat met die verdagte, die 64-jarige Stephen Paddock, verbind word.

“Die Las Vegas-aanval is deur ‘n soldaat van die Islamitiese Staat uitgevoer en is uitgevoer in reaksie op oproepe om state binne die koalisie te teiken,” het Amaq, die webblad met ISIS-bande volgens Reuter gesê.  “Die Las Vegas-aanvaller het hom enkele maande tevore tot Islam bekeer,” het Amaq verklaar.

Die terroristegroep sê die skieter het “die operasie uitgevoer in reaksie op oproepe om die koalisielande te teiken” maar hulle het nie die aanvaller by naam genoem nie.

VS-veiligheidsagentskappe het nie die ISIS-bewering gekontroleer nie, het Reuter berig, en amptenare aangehaal. Twee senior VS-amptenare wie se name nie genoem is nie, het aan Reuter gesê dat daar geen getuienis bestaan wat ‘n verbintenis tussen die skieter en enige internasionale militante groep suggereer nie.

Die Las Vegas-aanvaller het nie selfmoord gepleeg soos die hoofstroommedia tans berig nie, maar is deur ‘n FBI-gyselaarreddingspan gedood. Die FBI-span het die verdagte gedood nadat hy op hulle begin vuur het, volgens die bron.

Sheriff Joseph Lombardo het gesê die owerheid glo hy het op eie houtjie gehandel en die broer van die aanvaller, Eric Paddock van Orlando, het gesê dat Stephen hom nie met enige politieke of godsdienstige groep verbind het nie. “Geen politieke verbintenis nie,” het hy aan CBS News gesê. Maar hy kon geen verklaring bied oor waarom sy broer besluit het om op dié wyse op te tree nie.

Eric Paddock het ook gesê dat sy broer geen geskiedenis van geestessiekte het nie.

‘n Polisiebeampte het aan die New York Times bevestig dat 19 gewere, waaronder twee met teleskope wat op driepootstaanders gemonteer was, asoook honderde rondtes ammunisie in Paddock se hotelkamer gevind is.

Taakmagbeamptes is volgens berigte gewaarsku aangaande Paddock se posisie toe rook vanuit sy wapen die rookverklikkers in sy kamer laat afgaan het. Hy het ook blykbaar ‘n kamera opgestel om die polisie se naderkoms te monitor.

Daar is berig dat Paddock voor die aanval betrokke was by tienduisende dollar se dobbeltransaksies by dieselfde Mandalay Bay-casino waar hy die status van ‘n BBP gehad het.

Die Britse Daily Mail het berig dat ISIS verantwoordelikheid vir die massaskietery aanvaar het, en Associated Press het opgemerk dat ISIS nie gewoonlik verantwoordelikheid aanvaar tensy hulle op ‘n manier met die aanval verbind is nie. ISIS het ‘n amptelike communiqué oor die aanval uitgereik, waarin Paddock “Abu Abd Abdulbar al-Ameriki” genoem word.

Aan die ander kant het ISIS geen verantwoordelikheid aanvaar vir die naweek se aanval in Kanada, waartydens ‘n vragmotor mense in Edmonton, Alberta, doodgery het nie.

Abdulahi Hasan Sharif, 30, was reeds bekend aan die polisie vir sy ekstreme ideologiese opvattings en ‘n ISIS-vlag is in sy voertuig gevind. Die Kanadese eerste minister, Justin Trudeau, het dit ‘n “terroriste-aanval” genoem en gesê dat hy “diep besorg en woedend” was oor “dié sinnelose daad van geweld”. Trudeau het ook ‘n beroep gedoen op ‘n einde aan “blanke heerssug” ná die aanval deur die Somalies-gebore vlugteling.

Die Somaliese verdagte wat ‘n beampte met ‘n mes gesteek en voetgangers opsetlik raakgery het tydens ‘n hoëspoedagtervolging in ‘n gehuurde vragmotor, het om asiel aansoek gedoen was aan die veiligheidsmagte bekend ná ‘n klag in 2015.

“Daar was onvoldoende getuienis om met ‘n klag van terrorisme voor te gaan,” het Marlin Degrand van die Koninklike Kanadese Berede Polisie gedurende ‘n perskonferensie gesê en bygevoeg: “Daar is nie bevind dat die verdagte ‘n bedreiging vir Kanada ingehou het nie.”

Regse betoging in Swede maak internasionaal opslae

‘n Optog deur die Nordiska motstandsrörelsen (NMR), oftewel die Nordiese Weerstandsbeweging, het Saterdag in Gotenburg, die land se tweede grootste stad na Stockholm, wye mediadekking van regoor die wêreld ontvang, waaronder die BBC, Associated Press en die Israelse koerant Haaretz wat dikwels berigte met die New York Times deel.

Die NMR het al voorheen betogings voor die Suid-Afrikaanse ambassade in Stockholm gehou om beswaar te maak teen die “blanke volksmoord” in Suid-Afrika.

Volgens die NMR se eie webblad, was Saterdag se opmars “die grootste nasionale byeenkoms in Gotenburg in die moderne tyd”.

Ongeveer 600 NMR-betogers het vir die geleentheid wat as “Opstand teen die verraaiers” bekendgestaan het, opgedaag terwyl die organiseerders eintlik ‘n duisend verwag het. Hulle was almal in swart geklee, voorsien van groen pyle wat boontoe wys. ‘n Twintigtal buitelandse NMR-ondersteuners, hoofsaaklik Dene en Duitsers, is volgens berigte by die grense voorgekeer en verhoed om aan die betoging deel te neem.

Na ‘n polisieverklaring, is ten minste vyftig mense in hegtenis geneem, waaronder NMR-betogers en teenbetogers wat van oral in Europa gekom het om die optog teen te staan. Onder die inhegtenisnames was Simon Lindberg, die NMR-leier.

Hoewel die Sweedse polisie perde en polisiewaens gebruik het om ‘n verdelingslyn tussen die twee groepe te handhaaf, het die twee groepe hier en daar handgemeen geraak. Die teenbetogers het klappers gegooi, asook die polisie beledig. Nadat NMR-lede in hegtenis geneem is, het die beweging oor en oor “volksverraaiers” teenoor die polisie geskree.

As gevolg van besware deur Swede se Joodse gemeenskap, is die roete deur Gotenburg wat deur die NMR-optoggangers gebruik sou word, aanvanklik verander en daarna drasties verkort sodat hulle nie voor die Gotenburgse sinagoge sou verbyloop nie. Volgens Haaretz, “het die gewysigde roete… beteken dat die Nazi-betoging gevaarlik naby aan een van Gotenburg se sinagoges sou beweeg op die heiligste dag van die Joodse kalender, Jom Kippoer”.

Omdat teenbetogers hul roete versper het, is die NMR-betogers uiteindelik ingehok en kon skaars beweeg. Een van hul lede, Paulina Forslund, wat gewoonlik ook aktief op Twitter oor Suid-Afrika en Afrikaners kommentaar lewer, het in ‘n twiet beswaar gemaak:

Die polisie het blykbaar ‘n ekstra 350 “tronkbeddens” in hul garage gereed gehad indien hulle massa-arrestasies sou moes uitvoer.

Die gemaskerde “swartblok”-teenbetogers het die inwoners van Gotenburg vies gemaak, omdat hulle klippe en bottels begin gooi het. Tydens ‘n regstreekse uitsending deur die Sweedse radio en televisie, kon ‘n welgeklede Sweedse dame gesien word wat gemaskerde teenbetogers aansê om weg te gaan. Die aktivis en alternatiewemedia-uitsaaier wat hom “Peter of Sweden” noem, het op Twitter berig dat Gotenburg-inwoners uiteindelik met die antifa-teenbetogers gebots het.

Krete van “Allahu Akbar” (Alla is groot) is ook deur teenbetogers geskree, volgens Peter of Sweden.

Vrydag het die land se linkse eerste minister, Stefan Löfven, van die Sosiaal-Demokratiese Party (dieselfde party wat destyds ANC-terreur teen Suid-Afrika befonds het) tydens ‘n EU-spitsberaad in die Estiese hoofstad Tallinn gesê: “As ‘n demokrasie moet ons meer doen om nazisme en ekstremisme te bestry.” Hy het later die Sweedse polisie lof toegeswaai vir die manier waarop hulle die NMR-betoging hanteer het.

Ngugi wa Thiong’o

Terwyl die betoging plaasvind, was die jaarlikse Gotenburgse boekeskou, die tweede grootste boekeskou in Europa naas dié van Frankfurt, steeds aan die gang nie ver van waar die NMR gemarsjeer het nie. Sekere linkse skrywers en uitgewers, waaronder die Keniaan, Ngugi wa Thiong’o, het die boekeskou geboikot om beswaar te maak teen die teenwoordigheid van publikasies met ‘n “regse strekking”, volgens hulle.

Franse studente help Afrika-migrante om in staatsgebou te plak

‘n Gebou in die middestad van Bordeaux, Frankryk, is deur onwettige Afrika-immigrante met die hulp van blanke Franse studente beset.

Dit verteenwoordig amper iets uit die distopiese roman deur Jean Raspail, Omsingel die laer van die heiliges waarin sekere Franse immigrante uit die derde wêreld verwelkom om hul land te kom oorneem.

Die studente hoop dat hulle “model” van georganiseerde plakkery in amptelike geboue as “voorbeeld vir Frankryk” kan dien, om sodoende onwettige immigrante uit Afrika te herberg wat tans op straat slaap.

‘n Leë gebou van 240 vierkante meter in die middestad van Bordeaux wat aan die streeksraad (conseil régional) behoort, is deur nege Afrika-migrante beset. Eiendomspryse is, soos elders in die groot Franse stede, hemelhoog in Bordeaux met woonstelle wat teen €3000 (ongeveer R48000) per vierkante meter verhandel, wat beteken dat die kleinerige gebou ongeveer €720 000 (of R11,5 miljoen) werd moet wees. Onwettige water- en elektrisiteitsaansluitings is Soweto-styl in die gebou uitgevoer, waarskynlik vanaf naburige geboue.

Die vyf blanke Franse studente wil die gebou in ‘n “ontvangsentrum vir migrante” omskep.

“‘n Plakkersgebou is ‘n plek waar ‘n mens nie huur betaal nie, dis al. Dis die enigste verskil. Ons het die gebou taamlik opgeknap,” het een van die studentes aan die kanaal C-news gesê, ‘n Franse digitale nuuskanaal wat voorheen as iTélé bekendgestaan het.

Volgens die twee joernaliste van C-news, Antoine Estève en Jérôme Rampnoux, wil die studente “hoop gee aan die Afrika-migrante, en bowenal ander jongmense oorreed om hulle na te boots”.

Die migrante is blykbaar minderjarig, en wil “skool toe gaan”. Volgens liefdadigheidsorganisasies in die stad, “kom daar een duisend minderjarige migrante jaarliks in Bordeaux aan, met plakkersgeboue wat vermenigvuldig”.

Een van die Franse studente het gesê: “Die minderjariges wat hier geherberg word, wil Franse identiteitskaarte bekom, maar ook binne die samelewing integreer.”

Die streeksraad, die staatsinstelling wat die gebou besit, is in kennis gestel maar het besluit om nie ‘n uitsettingsbevel teen die migrante te bekom nie. “Uitsetting is geen oplossing nie. Elke geval sal bestudeer word, tesame met openbare instellings wat noodakkommodasie verskaf,” het ‘n woordvoerder aan C-news gesê.

Nederlandse toeriste ‘gyselaars’ in SA misdaadhel

Die groep van 36 Nederlandse toeriste wat kort ná hul aankoms by die Johannesburgse lughawe in hul toerbus gekaap en beroof is, het gister na hul land teruggekeer, waarskynlik ontnugter deur die wettelose toestande in Suid-Afrika. Met die internasionale publisiteit wat die voorval geniet het, het die minister van polisie, Fikile Mbalula, vure probeer doodslaan maar eintlik net die haglikheid daarvan bevestig deur die rooftog as ‘n “amperse gyselaarsituasie” te beskryf.

Mbalula het gesê: “Dit was ‘n dramatiese ervaring en ondanks die feit dat hulle langer wou bly, was dít wat hulle Sondag teëgekom het, amper soos ‘n gyselaarsituasie deur misdadigers wat die gesag van die staat ondermyn.”

Die ANC-minister het sy kommer uitgespreek oor die uitwerking van die wydverspreide negatiewe publisiteit op Suid-Afrika se toerismebedryf, maar was dankbaar dat niemand gesterf het nie. “Ons grootste bekommernis is, as mense op daardie bus sou gesterf het, dan sou dit erger as nou gewees het. In God se gebede, het niemand gesterf nie.”

Die groep van 36 niksvermoedende toeriste uit Nederland het by die lughawe, wat na die ANC-terroris O.R. Tambo vernoem is, aangekom en uitgesien na 22 dae se vakansie in Suid-Afrika. Dog kort nadat hulle die bus bestyg het wat hulle na hul hotel in Fourways, Johannesburg, sou neem, is hulle deur ‘n voertuig met polisiekentekens voorgekeer en is die bestuurder gedwing om na ‘n stiller pad te ry. Ten minste een van die rowers het ook ‘n polisie-unifom gedra, terwyl vyf ander gewone klere aangehad het.

Hierna is die toeriste hardhandig van hul besittings ontneem, met sommige wat agterna vir beserings in die hospitaal behandel moes word. Kameras, selfone en ander elektroniese toerusting, maar ook hul bagasie, is gebuit en in die “polisievoertuig” weggery.

Nederland se linkse ambassadrise in Suid-Afrika, Marisa Gerards, wat Nederlandse maatskappye in Suid-Afrika gereeld aansê om nie met blankes sake te doen of hulle in diens te neem nie, het voorgegee dat dit “buitengewoon” was vir mense om op pad terug van die lughawe af in Johannesburg beroof te word.

“Ons het nog nooit so iets ervaar nie, het sy gesê. “Ek is regtig geskok hierdeur, maar ek is vol vertroue dat ons die mense sal vind wat dit gedoen het.”

Terwyl Mbalula so dankbaar is dat niemand op die bus gesterf het nie, is daar wel deur die Nederlandse dagblad De Telegraaf berig dat die rowers gepoog het om op hul gyselaars te skiet. “Dit was hel,” het die passassier gesê. “Mense was paniekerig en het selfs vuurwapens op hulle gerig gehad. In twee gevalle is die sneller getrek maar die wapen het nie afgegaan nie.”

Terwyl daar daagliks gruwelverhale in die SA media oor plaasmoorde, huisrooftogte en motorkapings verskyn, is die land besig met ‘n bod om die Wêreldrugbybekertoernooi van 2023 aan te bied. Soos iemand in reaksie getwiet het: “Dit gaan net mijoene dollar in die sakke van misdadigers laat beland.”

Wêreld- Joodse Kongres sê Duitse AfD ‘moet verbied word’

Rebelse Duitse kiesers wat siek en sat vir Merkel en haar oopgrensbeleid is, het gisteraand fees gevier oor die Alternatief vir Duitsland (AfD) se 12,6% stemme in gister se Bondsdag-verkiesing. Dog Joodse groepe in Europa en die VSA het hul “uiterste kommer” oor die anti-immigrasieparty se welslae uitgespreek en het ander partye versoek om die AfD te boikot as dit by samewerking of koalisies in die Bondsdag kom.

Vroeë vooruitskattings het die AfD op ‘n stempersentasie van 13,5 persent gestel, maar tans is die amptelike gepubliseerde syfer 12,6%. Nietemin is die verwagting dat die AfD oor 93 setels in die Bondsdag met sy 630 setels gaan beskik. Die party is ook reeds die derde grootste in die land, soos op die grafiek hier onder met die jongste amptelike syfers teen ongeveer 8-uur Maandagoggend in Suid-Afrika gesien kan word.

Die party se ongewone kombinasie van die lesbiese bankier dr. Alice Weidel (38) en die voormalige CDU-strydros mnr. Alexander Gauland (76), het kennelik vrugte afgewerp. Die AfD, wat met vyandigheid deur die Duitse hoofstroommedia bejeën word, het sosiale media tot die maksimum benut, maar ook in die laaste weke voor die verkiesing met twee voertuie wat met slagspreuke oordek was, in Berlyn se strate rondgery.

Volgens Alice Weidel gaan hulle hul nuutgevonde posisie in die Bondsdag gebruik om ‘n “kommissie van ondersoek na Angela Merkel” te loods. Vele AfD-lede voel dat Merkel verraad teenoor Duitsland gepleeg het deur twee miljoen, hoofsaaklik Moslem-immigrante in die land toe te laat, iets wat ook haar grondwetlike magte oorskry het.

“Ons is her om te bly,” het Weidel gisteraand gesê.

‘n Ander lid van die AfD-leierskap, Armin-Paul Hampel, het gemeen dat “Gauland reg is” dat hulle Merkel sou vervolg, aangesien die regering ‘n “ware opposisie” nodig het, veral oor die migrasiekwessie.

“Die establishment het gedink die vlugtelingekwessie was dood. Maar dis nie dood nie,” het hy gesê.

Op sy beurt het Ronald Lauder, president van die Wêreld- Joodse Kongres in New York, kanselier Angela Merkel “‘n ware vriend van Israel en die Joodse volk” genoem en die AfD se vooruitgang betreur in ‘n tyd dat anti-Semitisme wêreldwyd aan’t toeneem is.

“Dit is afgryslik dat die AfD-party, ‘n skandelik reaksionêre beweging wat aan die ergste in Duitsland se verlede herinner en verbied behoort te word, tans oor die vermoë binne die Duitse parlement beskik om sy vuige platform te bevorder,” het Lauder gesê.

Die Europese Joodse Kongres het die sentrumpartye gemaan om hul by hul voorneme te hou om enige koalisies met die AfD te vermy.

“Sommige van die standpunte wat dit tydens die verkiesingsveldtog ingeneem het, het kommerwekkende vlakke van onverdraagsaamheid vertoon wat baie dekades lank nie in Duitsland gesien is nie en wat, natuurlik, uiters kommerwekkend vir Duitse en Europese Jode is.”

Leiers van ander patriotriese partye in Europa was gou om die AfD geluk te wens. Sowel Marine Le Pen van die Franse Front National as Geert Wilders van die Nederlandse Partij voor die Vrijheid het hul gelukwensinge aan die AfD getwiet. Ook Tom van Grieken, voorsitter van die Vlaams Belang, het hom positief oor die AfD se vertoning uitgelaat.

Dit was egter veral in die voormalige Oos-Duitse Länder of deelstate waar die AfD besonder goed gevaar het en reeds tot die tweede grootste party naas Merkel se CDU gevorder het, met meer as 20% steun. In Sakse is die AfD selfs nou die grootste party in die deelstaat, met ‘n raps meer steun as die CDU, op 27 persent.

Só lyk die kaart van AfD-steun ná gister se verkiesing, met die donkerder blou dele wat groter steunvlakke vir die party voorstel.

 

Dan Roodt-onderhoud met Stefan Molyneux op YouTube

Dr. Dan Roodt van PRAAG se YouTube-onderhoud is gisteraand opgelaai en kan hier onder gevolg word. Die onderhoud is ongeveer ‘n uur lank en gaan oor die ondermyning van Suid-Afrika deur die ANC en SAKP in die verlede, maar ook oor die toekoms van die Weste. Sowel Roodt as Molyneux is bekommerd oor dieselfde faktore soos die oorheersing van linkse denke en ongebreidelde bevolkingsgroei wat Suid-Afrika lamgelê het en wat tans die Weste as sodanig bedreig.

Molyneux raak ook die omstrede kwessie aangaande IK-verskille tussen rasse aan, wat mag verklaar waarom die Afrikavasteland so traag is om te ontwikkel.

Die Iers-gebore Stefan Molyneux, maar wat tans in Kanada woon, is een van die leidende mediafigure van die wêreldwye altregse beweging en sy video-onderhoude word met intense belangstelling gevolg. In die enkele ure sedert die Roodt-Molyneux-gesprek opgelaai is, het dit reeds 30 000 sigte op YouTube ontvang. Na verwagting sal honderde duisende kykers van regoor die wêreld daarna kyk. Ook het Steve Hofmeyr die skakel vanuit Auckland, Nieu-Seeland getwiet na sy 252 000 volgelinge op Twitter.

Kyk die onderhoud hier.

Merkel se kollega wil AfD-stemmers van hul stemreg ontneem

Die Duitse politikus Peter Altmaier het kiesers gemaan om Sondag geensins vir die Alternatief-vir-Duitsland-party te stem nie en eerder buite stemming te bly. Altmaier is die Stafhoof van die Duitse kanselary, asook die bondsminister minister vir spesiale aangeleenthede, ‘n posisie wat hy reeds sedert 2013 beklee. Hy word as een van Angela Merkel se vertrouelinge beskou.

Altmaier het gesê: “Die AfD verdeel die land. Hulle buit die kommer en die vrese van mense uit. En dit is waarom ek glo dat ‘n stem vir die AfD nie geregverdig kan word nie — ten minste nie vir my nie.”

Selfs toe hy regstreeks gevra is of dit nie beter is vir kiesers om AfD te stem as om glad nie te stem nie, het Altmaier “Nee!” geantwoord. Altmaier was wesentlik besig om aan kiesers raad te gee om die stemproses te ondermyn ten einde een party uit te sluit.

“Ek is ten gunste daarvan dat almal aan die verkiesing deelneem. Maar dat hulle die partye kies wat staatsondersteun is. En vir my is dit, natuurlik, my eie CDU/CSU, maar ook die FDP, SPD en die Groenes. Ek sien geen sin daarin om vir die AfD te stem nie.”

Die AfD gaan waarskynlik 50 Bundestag-setels wen ná die ontevredenheid wat deur Merkel se onverantwoordelike vlugtelingbeleid veroorsaak is, maar sy het by voorbaag enige moontlikheid van koalisiesamewerking met die AfD of die Linkse party uitgesluit.

Altmaier het aan Bild onthul dat hy onder “staatsondersteunde” partye slegs partye verstaan wat die status quo ondersteun. Legitieme vrae oor die wysheid van Merkel se immigrasiebeleid behoort óf met uitsterste vyandigheid van die establishment begroet te word, óf soos Altmaier voorgestel het, ontkiesering, wat Duitse burgers van hul basiese stemreg sou beroof.

Steun vir die kanselier het intussen teruggesak met meer as ‘n derde van Duitsers wat steeds onseker is oor hoe hulle in die komende verkiesing — wat môre plaasvind — gaan stem, soos ‘n meningsopname gister (Vrydag) aangetoon het. Die weeklikse opname, wat deur die opnamemaatskappy Forschungsgruppe Wahlen vir die ZDF-televisie gedoen is, het getoon dat Merkel se konserwatiewe groepering 2 punte afgestaan het, tot 36 persent.

Die opname van 1383 kiesers, wat tussen 12 en 14 September gehou is, het getoon dat 39 persent van diegene wat ondervra is steeds onseker was oor hoe hulle wou stem.

Altmaier se siniese kommentaar is met skok deur Duitse kiesers begroet. Een kommentator het aan die Duitse dagblad Bild gesê: “Sy uiters onverskillige vyandigheid jeens demokrasie maak van hom ‘n gesogte vennoot vir kanselier Schulz se toekomstige kabinet!”

Iemand anders het gesê dat Altmaier “oor ‘n vreemde begrip van demokrasie beskik indien ‘n party wat tot die verkiesing toegelaat is nie verkies mag word nie omdat die party of sekere amspdraers meer beskrywende taal gebruik, maar daar buite belowe alle faksies dieselfde aan die burgers, soos byvoorbeeld, om die buitenste grense te beskerm, aankomelinge te kontroleer, misdadigers vanuit die buiteland te deporteer”.

In die aangesig van die AfD se sterk opkoms, het Altmaier Maandag tydens ‘n onderhoud met die nuustydskrif Der Spiegel die media daarvan beskuldig dat hulle “te veel aandag” aan die aan die AfD bestee en gesê dat die party om dié rede in die eerste plek ter sake geraak het. Hy het die situasie met die verkiesing van Donald Trump vergelyk. “Hulle is net ‘n paar opswepers,” het Altmaier verklaar, “wat gedy op almal wat oor hulle berig.”

Met die verkiesing wat waarskynlik ses partye na die parlement gaan stuur, teenoor die huidige vier, gaan koalisievorming soveel moeiliker wees. Die kanselier gaan teen haar vernaamste opponent, Martin Schulz van Duitsland se Sosiaal-Demokratiese Party (SPD) in die verkiesing meeding, maar ook teen kleiner partye.

Merkel het tydens ‘n onderhoud met RTL die volgende kwytgeraak: “Ek sê aan almal dat hierdie verkiesing nog nie gewen is nie. Die CDU het nie ‘n enkele stem om af te staan nie, en ek gaan ook die CSU daarby insluit.”

Die voormalige leier van die Britse UKIP, Nigel Farage het vroeër gesê dat Duitsland oor geen werklike opposisieparty beskik nie aangesien Schulz wesentlik aan die kant van Merkel se CDU verkeer sover dit immigrasie aanbetref.

Die buitelandse minister Sigmar Gabriel, ‘n senior SPD-lid, het aan die uitsaaier SWR gesê dat ‘n “verkeerslig”-koalisie met die FDP en Groenes, tesame met sy party, die beste sou wees. Dog die steun vir so ‘n koalisie verkeer tans slegs op 41 persent, het Reuter berig.

Merkel het die opsie van ‘n koalisie met die Linkse party uitgesluit. Sy het gesê: “ONgelukkig kan jy enigeen van die Sosiaal-Demokrate vra. Geen van hulle sluit ‘n rooi-rooi-groen regering uit nie.”

Gero Neugebauer, ‘n politieke wetenskaplike van Berlyn se Vrye Universiteit, het aan Reuter gesê dat die FDP in die AfD se waters vis. “Die leier van die FDP, [Christian] Lindner, het ‘n voorheen pro-Europese party in ‘n soort AfD-lite verander,” het hy gesê.

Lindner, wat ‘n potensiële finansminister mag wees indien die FDP by die koalisie sou aansluit, het die EU gekritiseer. “Ek is bevrees kanselier Merkel en die Franse president Macron stem saam dat nuwe sakke vol geld vanuit die eurosone moet kom om ‘n reuse- finansiële oordragstelsel te skep,” het hy gesê.

Onwettige derdewêreldmigrante noop Franse universiteit om te sluit

Die Universiteit van Reims in Frankryk, URCA, het aangekondig dat dit nie langer die veiligheid van studente kon waarborg nie en tydelik gesluit moes word nadat die kampus onwettig deur derdewêreldinkommers beset is.

Die rektor van die Universiteit, Guillaume Gellé, het aan die personeel en studente gesê dat daar Dinsdag geen lesings sou wees nie aangesien hy nie hul veiligheid kon verseker nie.

In ‘n gesprek met plaaslike media, het Gellé, gesê: “Betreffende die onwettige besetting van die universiteit, kan ek nie langer almal se veiligheid verseker nie, en ek dring op veiligheid vir almal aan. Dit is waarom ‘n tydelike sluiting van die universiteit Sondagaand afgekondig is.”

Dit is die eerste keer dat ‘n Franse universiteit sy deure moes sluit weens die migrantekrisis in die land.

Die rektor het gemeen dit is nie vir sy instelling om oplossings vir die plakkerskamp in die stad te vind nie, maar vir die staat. Hy het die regering versoek om in te tree aangesien vele studente poog om hul studies onder moeilike omstandighede te voltooi.

Daar word beraam dat daar ongeveer 41 migrante in die plakkerskamp woon, met ‘n verdere 18 tente wat langs die regsfakulteit aan die ander kant van die kampus opgeslaan is.

Enkele dae gelede het inwoners van die St John Perse-parkomgewing in die plaaslike pers die toestande veroordeel en dit ‘n “mini-Calais” genoem wat slegs enkele meters van hul huise af bestaan.

Volgens France Bleu het die migrante in die nabye St John Perse-park gekampeer, maar sou daar deur die polisie uitgesit word, daarom het hulle besluit om hul intrek op die kampus self te neem, waardeur die owerheid gedwing word om opnuut ‘n uitsettingsprosedure teen hulle te begin.

Die Franse studentevereniging, UNEF, het die “lewensomstandighede van dié gesinne” veroordeel en gevra “vir solidariteit van die plaaslike owerheid en die stadsraad van Reims, asook die Prefektuur, om die gesinne te huisves”.

Daar is slegs drie maande oor van president Emmanuel Macron se verkiesingsbelofte dat daar teen die einde van die jaar geen meer migrante op straat sal slaap nie.

Volgens ‘n twiet deur Valérie Coulet (hier bo) “haal die migrante op die kampus van Reims vir Macron aan”.

In ‘n persverkaring Maandag het die rektor van die URCA gesê dat hy hom “ná raad deur die bekwame owerhede”, tot die administratiewe hof wend. Die verhoor sou vandag, Woensdag 20 September te Châlons-en-Champange gehou word.

Intussen sal die Rooi Kruis-kampus geslote bly en word ongeveer 8 000 studente van opvoeding weerhou.

Wat YouTube toelaat en nie toelaat nie

Watter tipe video’s word van YouTube afgehaal en om watter rede? Enigeen wat oor dié vraag wonder: jy mag maar ‘n video vertoon van ‘n blanke seuntjie wat aan ‘n galgtou opgehang word.

‘n Ysingwekkende video wat die seuntjie uitbeeld, word steeds sonder ‘n ouderdomsperk en mét advertensies vertoon, in weerwil van die Google-beheerde maatskappy se stappe om ‘n breë spektrum van politieke kommentaar oor die afgelope ses maande as “aanstootlik” te demonetiseer. Dié besondere video het reeds 4,5 miljoen sigte ontvang.

Die rasgelade “liedjie” deur die swart kletsrymer XXXTentacion teen die polisie in die VSA, vertoon ‘n blanke kind wat opgehang word terwyl ‘n swart kind die toneel dophou. Die video vir die liedjie Look at me begin met ‘n skets waarin XXXTentacion ‘n onlus in ‘n skoolklaskamer aanhits voordat ‘n skare ‘n blanke onderwyser begin slaan.

Die onderwyser word met kunsfallusse geslaan terwyl die kletsrymer aangaan oor hoe hy “can’t keep my dick in my pants”.

Die kletsrymer word dan gesien waar hy aan ‘n boom hang terwyl hy na die sterftes of aanrandings op Emmett Till, Philando Castile en Rodney King verwys, asook na die onlangse geweld op Charlottesville.

Die “liedjie” verteenwoordig in wese ‘n lang monoloog teen “rasse-onreg”, maar as die toneel na twee kinders, een blank en een swart, verskuif en XXXTentacion die galgtou om die blanke seuntjie se kop plaas ten einde hom op te hang, is die speletjie oor “geregtigheid” oor. Die klein blanke seuntjie word gewys waar hy stuiptrekkend aan die galgtou sterf terwyl die swart kind boontoe na hom kyk.

Terwyl dit lyk asof XXXTentacion swart plunderaars in Ferguson en Baltimore teregwys omdat hulle winkels stroop met woorde soos “Look at all the stores you wreckin’ – Nigga I reckon – Think about the people who own it for about a second – I know you got your problems but brother they got theirs,” gaan hy voort om moord op polisiebeamptes in reaksie aan te hits, met die volgende kletsryme:

Murder ops
Killing shit
I’d enjoy the thrill of it
Bath in blood of officers
Different corpses, offing them
Auction them
Don’t you bark at them
Murder them

“XXXTentacion se duidelik onopreg-blykende wending na ‘n sosiopolitieke bewussyn gaan waarskynlik min doen om sy koor kritici stil te maak, wat steeds vereis dat hy verantwoordelikheid neem vir sy beweerde gewelddadige optrede en om verantwoordbaarheid vir die inhoud van sy musiek te toon,” meen Uproxx.

Bewerings van huishoudelike geweld het rondom die kletsrymer na vore gekom, nadat hy onlangs van kopstampe, verwurging en vuishoue op sy swanger metgesellin beskuldig is.

Die kletsrymer het op die bewerings van huishoudelike geweld gereageer deur ‘n video vry te stel waarin hy verklaar: ““Everybody that called me a domestic abuser, I’m finna domestically abuse ya’ll little sisters’ pussy from the back”.

Elizabeth Johnston

Intussen het Twitter die skryfster Elizabeth Johnston, wat vir “The Activist Mommy” skryf, verbied weens haar woorde-oorlog met die redakteur van Teen Vogue, Phillip Picardi, wat ‘n artikel gepubliseer het waarin hy die lof van anale seks vir 13-jariges besing.

Nie net het Twitter haar versper nie, maar YouTube laat ook nie toe dat haar videokommentare gemonetiseer word nie. Johnston se sienings oor homoseksualiteit is op die Bybel gegrond. Nadat Picardi in ‘n onlangse uitgawe ‘n gids by anale seks vir tienerjarige meisies gesteun het, was ouers oral om begryplike redes ontsteld en het hul besware getwiet. Picardi se reaksie was om hulle ‘n middelvinger te wys terwyl hy ‘n ander man soen.

Picardi het beswaar gemaak teen Johnston se gebruik van die woord “sodomie”, maar het desnieteenstaande artikels gepubliseer waarin hy jong meisies aanmoedig om dit te beoefen.

Liberale Kaliforniese wetgewers wil MIV-verspreiding dekriminaliseer

Die Demokratiese senator vanaf San Francisco, Scott Wiener, werk hard daaraan om die oordrag van die MIV-virus van een mens na ‘n ander ‘n geringe oortreding te maak. Diegene wat willens en wetens MIV versprei, mag in die toekoms min of meer oor dieselfde kam geskeer word as iemand wat ‘n verkeersoortreding of “misdemeanor” in die VSA begaan.

Die LA Times het vandeesweek berig dat wetgewers van die Kaliforniese deelstaat Maandag hul finale goedkeuring aan ‘n wetsontwerp verleen het wat die bewuste oordrag van MIV van ‘n strafregtelike ootreding na ‘n geringe oortreding verminder. Die wetsontwerp sal nie langer die bewuste blootstelling van ‘n seksmaat aan MIV sonder om die infeksie te openbaar as ‘n ernstig strafbare misdaad  behandel nie.

Die wetsontwerp, SB 239, sal binnekort deur die goewerneur gepromulgeer word deur dit te onderteken. Dit is deur Wiener ter tafel gelê, wat sê dat die huidige wet teen diegene diskrimineer wat die menslike immuniteitsgebrekvirus, of MIV, onder lede het. MIV lei gewoonlik tot Vigs.

Wiener sê dat sommige mense dalk mag verkies om nie getoets te word as dit hulle strafbaar sou maak as hulle iemand anders aan MIV blootstel, wat daarop neerkom dat dit ‘n mensereg is om iemand anders met MIV te besmet.

Besmette mense wat bloed of semen skenk sonder om bekend te maak dat hulle positief vir MIV of Vigs getoets het, sal nie langer streng gevolge hoef te dra nie, aangesien hulle “diskriminasie” verwerp. Die huidige toestand is “homofobies” en “diskriminerend” teen LGBT-mense, volgens die wetgewende vergadering van Kalifornië.

“Tans word MIV uitgesonder vir besonder streng behandeling as ‘n misdaad,” het Wiener gedurende die debat gesê.

Republikeine is buite hulself van woede oor die wetsontwerp. Sen. Joel Anderson van San Diego, wat teen die wetsontwerp gestem het, sê dit stel die algemene publiek aan risiko bloot. Hy het die wetsontwerp “totaal mal” genoem.

“Ek is van mening dat as jy doelbewus iemand anders met ‘n siekte aansteek wat hul leefstyl vir die res van hul lewe verander, en hulle op ‘n medikasieprogram plaas net om enige sweem van normaliteit te handhaaf, behoort dit as ‘n misdaad beskou te word,” het Anderson gesê. “Dis absoluut kranksinnig dat ons dit ligtelik behoort op te neem.”

Anderson het gesê dat strenger strawwe uitgebrei te word na diegene wat ander aan aansteeklike siektes blootstel. Volgens die Sentra vir siektebeheer en -voorkoming in die VSA (Centers for Disease Control and Prevention (CDC)), is 1 uit 5 gay mans MIV-positief.

Sen. Jeff Stone, ‘n Republikeinse apteker van Murrieta, het aan die LA Times gesê dat dit ‘n misdaad behoort te bly om enigeen met MIV aan te steek, aangesien dit daardie persoon “waarskynlik daartoe verdoem om $1 miljoen se medikasie vir die res van sy lewe te neem”.

Maar Wiener het geargumenteer dat gays nie “gestigmatiseer” behoort te word deur wette wat die bewuste verspreiding van ‘n dodelike siekte bekamp nie. “Hierdie wette voorkom nie MIV-infeksies nie,” het Wiener gedurende die debat gesê. “Al wat hulle doen, is om mense wat met MIV leef te stigmatiseer en toegang tot toetse en mediese sorg te verminder.”

Die wetsontwerp word deur groepe soos die American Civil Liberties Union of California, die Black Aids Institute en Equality California ondersteun, wat almal groter vryheid vir die LGBTQ-gemeenskap voorstaan.

Die Kaliforniese Demokrate het die saak van LGBTQ+ hul eie gemaak as deel van hul “weerstand” teen president Donald Trump. In Februarie het die Trump-regerintg die Obama-administrasie se voorskrifte aangaande transgeslagbadkamers in openbare skole omgekeer, en die deelstate en plaaslike gemeenskappe toegelaat om weereens hul eie beleid oor dié sake te maak.

In reaksie het Wiener ‘n ander wetsontwerp voorgelê wat dit ‘n misdryf maak om iemand ‘n openbare gesondheidsfasiliteit te ontsê en dit strafbaar maak met ‘n jaar tronkstraf of ‘n boete van $1000.

In 2015 het Kalifornië reeds oor die grootste minderheidsbevolking in die Verenigde State beskik. Blankes het afgeneem van ongeveer 78 persent van die deelstaat se bevolking in 1970 tot 38 persent in 2015.

Kalifornië huisves ook die stad van San Francisco, wat as die “gay-hoofstad van die VSA” bekendstaan, met ‘n hoër persentasie volwassenes in dié stad wat as lesbies, gay, biseksueel of transgeslag identifiseer as in enige ander stad in die land.

Volgens ‘n opname deur Gallup van die 50 grootste metropolitaanse gebiede in die VSA, identifiseer 6,2 persent van San-Franciskane as LGBT, wat 2,6 persent hoër as die nasionale gemiddeld is.