Internasionale nuus Archives - Page 310 of 465

Ultra-nasionalistiese en anti-rassisme jeug bots in Moskou

‘n Sluimerende konfrontasie tussen verregse jeug en anti-rassisme aktiviste het in Moskou se strate losgebars na die noodlottige skietaanval op ‘n anti-rassisme aktivis bekend as Beenbreker.

Die geweld spruit voor uit die diep wrewel tussen twee aggressiewe groepe met skerp uiteenlopende visies van Rusland se toekoms – ultranasionaliste wat tienduisende in getalle beloop en militante anti-rassisme groepe wat hulleself Antifa, die afkorting van anti-fascis, noem.

Die voormalige punk-rocker, Ivan Khutorskoi, 26, het sekuriteit vir byeenkomste van anti-fasciste verskaf. Hy was ook daarvoor bekend dat hy kaalvuisboksgevegte onder hulle gereël het en deelgeneem het aan gewelddadige aanvalle op ultranasionaliste.

Khutorskoi is Maandagaand in sy woonstelblok op die buitewyke van die stad doodgeskiet. ‘n Dag later het dosyne gemaskerde mans die hoofkwartier van die pro-Kremlin jeuggroep, Jong Rusland, met klippe, rommel en staalstawe bestook, het die leier van Jong Rusland gesê.

Kritici van die Kremlin sê Rusland se leierskap het Jong Rusland en soortgelyke jeugorganisasies geskep om hulle politieke teenstaanders in toom te hou en om ondersteuning wat by tye slaankrag insluit, op die strate te verskaf.

Anti-rassisme groepe beweer hulle het nou bande met die ultranasionaliste wat hulle fasciste of Nazi’s noem.

Antifa-groepe het onlangs met rasse skrede in Rusland gegroei, sê Galina Kozhevnikowa, die direkteur van Sova, ‘n onafhanklike haatmisdaadmoniteringsgroep. Sy sê hulle ideologie trek linksgesinde jeug en mense wat bekommerd oor voortdurende haatmisdade en xenofobie in Rusland is, aan.

“Die leër van die ultranasionaliste is beslis groter,” sê sy.

Soos in meeste oorwegend blanke lande, is ongebreidelde immigrasie die oorsaak van spanning tussen lede van die oorspronklike bevolking.

детский качели Лобановский

Seerowers val dieselfde skip tweede keer aan

‘n Vraghouerskip wat vroeër vanjaar in die middelpunt van ‘n gyselaarsdrama was, het ter noue nood daaraan ontsnap om gister vir ‘n tweede keer deur seerowers gekaap te word, het die Europese Unie se anti-seerowermissie aan die kus van Somalië gesê.

Die EU se NAVFOR het in ‘n verklaring gesê die Deense Maersk Alabama wat onder ‘n Amerikaanse vlag vaar, het onder ‘n aanval deurgeloop omtrent 650 kilometer van die kus van Somalië af.

In April het Amerikaanse vlootsluipskutters drie seerowers doodgeskiet toe hulle die Maersk Alabama se Amerikaanse kaptein, Richard Phillips gered het uit ‘n reddingsboot waar hy na ‘n poging om sy skip te kaap, aangehou is.

“Seerowers het met outomatiese vuurwapens op MV Maersk Alabama geskiet wat gereageer het met vuur van ‘n aanboordvaartuigbeskermingseenheid,” het NAVFOR in ‘n verklaring gesê. “Die bemanning het daarin geslaag om die aanval af te weer en geen ongevalle is gerapporteer nie.”

NAVFOR het ‘n vliegtuig na die gebied gestuur en die naaste patrollerende oorlogskip is daarheen om die seerowers te jag.

Voormalige bemanningslede sê hulle het die maatskappy gevra om die skip te hernoem, oor te verf en op ‘n ander roete te stuur, nadat dit verlede jaar die eerste skip geword het om deur seerowers langs die kus van Afrika aangeval te word. Een van die lede, John Cronan, is in ‘n hofgeding met Maersk in Texas en beweer dat die maatskappy nalatig was om die bemanning in welbekende seerowergebiede sonder behoorlike beskerming in te stuur.

Seerowery neem weer in Somaliese waters toe na ‘n daling wat deur die moesonseisoen veroorsaak is.

Данильченко Харьков

Hillary is verlief

Amerika se minister van buitelandse sake, Hillary Clinton, het erken dat sy dolverlief op Brittanje se minister van buitelandse sake, David Miliband, 44, is.

Clinton het glo aan ‘n joernalis van Vogue gesê; “Goeie genade hy is aantreklik!” Die vrou van die voormalige president Bill Clinton, het Miliband glo voorts beskryf as “lewendig, onmisbaar en intelligent”.

Sy het glo ook vertel dat Miliband ‘n “goeie kêrel is en steeds baie jonk”.

Volgens Brittanje se Sun Daily, het Miliband die 62-jarige Clinton beskryf as “wonderlik” en ‘n regte “terggees”.

topcargo отзыв

Obama buig

Nuwe foto’s van die Amerikaanse president, Barack Obama, wat voor die Japannese keiser buig, het kritici, wat sê dat die VSA se leier trots regop moet staan wanneer hy Amerika oorsee verteenwoordig, ontstoke gelaat.

Obama was Maandag in Sjina, nadat hy die Japannese been van sy reis na Asië twee dae voor dit afgesluit het. Maar Washington se meningsmouse weeg dit nog op of die Amerikaanse president sy land in die skande gesteek het toe hy twee dae tevore tydens ‘n teeseremonie diep van die heupe af gebuig het toe hy Japan se keiser, Akihito, ontmoet het.

Politieke kletsprogramme het die oomblik uit die tweede dag van Obama se weeklange Asiese toer, wat die blogsfeer aan die brand het, gespeel en weer gespeel.

“Ek weet nie hoekom President Obama gedink het dit is vanpas nie. Miskien het hy gedink dit sal goed afgaan in Japan. Maar dit is nie gepas vir ‘n Amerikaanse president om voor ‘n vreemde een te buig nie,” het die konserwatiewe kommentator William Kristol op die Sondagprogram van Fox News gesê en bygevoeg dat die gebaar veelseggend is van ‘n Verenigde State wat swak en oorhoflik onder Obama is.

Nog ‘n konserwatiewe stem, Bill Bennett, het op CNN gesê: “Dis lelik. Ek wil dit nie sien nie. Ons buig nie die knie voor keisers nie. Ons staan nie terug vir konings of keisers nie. Die president van die Verengide state – dit gekoppel met so baie verskonings van die Verenigde State – is net nog ‘n ding.”

Sommige konserwatiewe kritici het die beeld van Obama in jukstaposisie geplaas oor dié van die voormalige vise-president, Dick Cheney, waarin hy die keiser in 2007 met ‘n ferm handdruk maar geen buiging nie gegroet het.

“Ek wed as jy na die foto’s van wêreldleiers wat die keiser in Japan groet oor die afgelope 20 jaar bekyk, sien jy hulle nie buig nie,” sê Kristol.

Sommige reken die gebaar was veral aanstootlik komende na Obama se buiging teenoor Saoedi-Arabië se Koning Abdullah tydens ‘n G20-vergadering in April.

Die VSA se president se reis kom na net meer as ‘n jaar nadat hy tot die Withuis verkies is en is ontwerp om die VSA se mag in streek wat toenemend deur die opkomende reus, Sjina, gedomineer word, te stut.

Maar terug by die huis, het Obama se buiging in Japan skynbaar meer gemoedere aangegryp as wat daar op die reis self gekonsentreer is.

прожекторы

Sjinese blok Obama se oproep vir vrye internet

President Barack Obama van die VSA het Sjina op ‘n staatsbesoek gepor oor sensuur van die internet en oor vrye spraak, maar die boodskap is nie wyd in Sjina gehoor nie omdat sy woorde aanlyn geblokkeer en dit net op een streekstelevisiekanaal vertoon is.

Sjina het meer as 250 miljoen internetgebruikers en span van die wêreld se taaiste maatreëls in oor wat gesien mag word. Die land word dikwels vir die sogenaamde “Groot brandmuur van Sjina” gekritiseer – tegnologie wat ontwerp is om ongevraagde verkeer te verhoed om ‘n netwerk te betree of te verlaat.

Gedurende Maandag se stadsaalvergadering in Sjanghai het Obama in diepte gereageer oor ‘n vraag rakende die brandmuur – opmerkings wat later as minder belangrik in die Sjinese media beskou is en en van sekere Sjinese webwerwe gewis is.

“Ek is ‘n groot ondersteuner van nie-sensuur,” het Obama gesê. “Ek sien in dat verskillende lande verskillende tradisies het. Ek kan vir julle sê dat in die Verenigde State, die feit dat ons vrye internet het – of onbegrensde internettoegang – ‘n bron van krag is en ek dink aangemoedig behoort te word.”

Obama kon gehoop het om ‘n persoonlike voorbeeld vir Sjina se leiers voor te hou toe hy gesê het hy glo dat vrye bespreking, insluitende kritiek wat hom vererg, van hom “‘n beter leier maak omdat dit my dwing om menings te hoor wat ek nie wou hoor nie”.

board games online free no download лобановский харьков

Australië vra verskoning vir weeskinders

Die Australiese premier, Kevin Rudd het verskoning gevra vir die pyn en mishandeling wat duisende weeskinders en kinders, wat vanaf Brittanje na Australië gestuur is in baie gevalle sonder die medewete van hul ouers, moes deurmaak.

Rudd het aan ‘n groep van ongeveer 900 voormalige weeskinders, wat die “Forgotten Australians” genoem is, gesê dit was ‘n pynvolle en lelike tyd in dié land se geskiedenis wat tot emosionele skade en afwesigheid van liefde en sorg gelei het.

Baie arm kinders in Brittanje is tussen 1930 en 1970 na lande van die Britse Statebond, meestal Australië en Kanada, gestuur met die belofte van ‘n beter lewe.

Tog is baie van dié kinders mishandel, as plaasarbeiders gebruik of na inrigtings teen hul wil gestuur.

Na verwagting sal die Britse premier, Gordon Brown, ook aan sowat 7 000 voormalige weeskinders verskoning vra, wat per skip na Australië, onder die destydse kindermigrasie-skema, vervoer was.

Suid-Afrikaner hoof van Greenpeace

Kumi Naidoo is Maandag aangewys as die omgewingsaktivistegroep Greenpeace se hoofuitvoerende direkteur .

Naidoo is ‘n Suid-Afrikaner en oud anti-apartheidsaktivis wat nou dié organisasie se wêreldwye veldtog teen armoede, en vir die beskerming van menseregte, gaan lei.

Hy vervang vir Gerd Leipold, ‘n Duitser wat voorheen ook hoof van Greenpeace se kernontwapeningsveldtog was.

Naidoo sê klimaatsverandering sal sy nuwe werk ‘n logiese toevoeging tot sy CV maak omdat daar geen punt daarin is om ander ontwikkelingskwessies aan te pak as die hele planeet in gedrang is nie.

Leipold sê Naidoo verteenwoordig ‘n keerpunt vir die organisasie omdat hy die eerste Afrikaan is wat as hoof van Greenpeace aangestel word en ook die eerste wat van buite die organisasie af kom.

самые красивые куклы Лобановский

‘Ons verkeer op die rand van onnoselheid’

Die Franse begrotingsminister Eric Woerth het Sondag sy afgryse uitgespreek oor ‘n publisiteitsfoefie in die Franse hoofstad wat tot ernstige geweld deur swart jeugdiges gelei het.

Die bemarkingswebtuiste Mailorama.fr moes inderhaas hulle plan om koeverte vol kontant aan Parysenaars uit te deel, kanselleer te midde van geweld wat uitgebreek het nadat duisende mense opgedaag het en deur die veiligheidsversperrings begin dring het.

Die maatskappy sou Sondag vanaf ‘n bus se dakverdieping die koeverte kontant na die skare afgooi.

Die besluit om nie voort te gaan met die foefie nie, het die geweldpleging vererger. Die gebeurtenis is vooraf oral onophoudelik geadverteer, en duisende het opgedaag, maar toe die boodskap kom dat dit afgestel is, het woedende groepe swart jeugdiges winkelvensters begin breek en motors probeer omgooi. Fotograwe en kameramanne is ook aangerand.

Die onluspolisie moes ingeroep word om die oproer onder beheer te bring en 10 mense is in hegtenis geneem.

Woerth het aan ‘n jeugradiostasie gesê “Hierdie soort optrede van maatskappye vervul my met afgryse. Hulle het dit al in die VSA gedoen, maar daar is geen rede om dit in Frankryk te doen nie.”

Rentabiliweb, die maatskappy agter Mailorama.fr, het in ‘n verklaring gesê hulle het amptelike toestemming gehad anders sou hulle nie voortgegaan het met wat hulle as ‘n “vriendelike, genotvolle en aangename kontant-teruginisiatief” beskryf nie.

“Rentaliweb keur dié soort optrede ten sterkste af.”

Hulle het aangedui dat hulle 100 000 euros aan liefdadigheid gaan skenk.

Woerth het ontken dat die geweld enige ander betekenis vir die Franse samelewing se rassesamestelling inhou.

“As jy vir mense sê ‘kom op so-en-so ‘n tyd want ons gaan geld uitdeel’, sal hulle kom, of hulle nou Duits, Belgies of van Costa Rica is,” het hy gesê.

Hy het ook ontken dat Frankryk “op die rand van ‘n maatskaplike uitbarsting” verkeer.

“Nee glad nie. Ons verkeer op die rand van onnoselheid,” het hy gesê.

games online Фільчаков прокурор

Polisieman geskors na pro-wit e-pos

‘n Polisieman van die Tennesseedeelstaat se territotiale polisiediens wat per ongeluk ‘n pro-wit e-pos uitgestuur het, is in die warmwater. Hy is vir twee weke sonder vergoeding geskors nadat hy die gewraakte e-pos aan 787 werknemers gestuur het.

Hy sal ook diversiteitsberading ontvang as straf.

Die e-pos van Brent Gobbell lui onder meer: “Julle beroof ons, kaap ons en skiet op ons. Maar as ‘n wit polisieman ‘n swart bendelid skiet… noem julle hom ‘n rassis.” Die e-pos bevat ook glo rassistiese verwysings.

Die deelstaat se departement van veiligheid sê Gobbell het die e-pos aan homself gestuur sodat hy ‘n kopie kon uitdruk. Hy het nie besef hy het dit ook aan honderde werknemers gestuur nie.

‘n Ondersoek het onthul dat Gobbell later sy antwoorde op die oorspronklike e-pos uitgevee het en probeer het om die oorspronklike ook uit te vee.

Gobbell het intussen verskoning aangeteken vir die e-pos.

лобановский обыск

‘Thatcher is dood’

“Thatcher is dood”

Só het ‘n SMS gelui wat vir ‘n oomblik diplomatieke verwarring onder die lede van die Kanadese parlement en hul raadgewers tydens ‘n formele geleentheid veroorsaak het, het die Kanadese media Vrydag berig.

Dié nuus het soos ‘n veldbrand gedurende ‘n seremonie vir militêre families versprei.

Sowat 2 000 geskokte gaste het gesê hulle beter op die dood van die ystervrou van Brittanje reageer.

Die Kanadese premier se kantoor het die Buckingham-paleis en die presidensiële hoofkwartiere, 10 Downing Street, gebel om Thatcher se dood te bevestig,

Dié oproep het talle Britse amptenare op hol gehad, het die CanWest-nuusagentskap berig.

Dit het egter later aan die lig gekom dat John Baird, die Kanadese minister van vervoer, ‘n boodskap aan iemand by die geleentheid gestuur het om die persoon in kennis te stel dat sy kat (16), vernoem na Margaret Thatcher (84), gesterf het.

Die ontvanger het die boodskap versprei.

‘n Woordvoerder vir die premier, Stephen Harper, was nie beskikbaar vir kommentaar nie.