Internasionale nuus Archives - Page 384 of 464

Die eerste swart pous?

Die Vatikaans

17:02:44 Die verkiesing van Barack Obama as die eerste swart Amerikaanse president kan die weg baan vir die verkiesing van ‘n eerste swart pous, aldus ‘n vooraanstaande swart Amerikaanse Katolieke leier.

Wilton Daniel Gregory, die 60-jarige aartsbiskop van Atlanta, het gesê dat Pous Benedict XVI in die verlede al voorgestel het dat die verkiesing van ‘n swart pous ‘n goeie teken aan die wêreld sou stuur oor die universele kerk.

Aartsbiskop Gregory, wat in 2001 die eerste swart Amerikaner geword het wat die biskoppe konferensie gelei het, en vir drie jaar die pos gehou het, het gesê dat “die verkiesing van Obama ‘n groot stap vooruit was vir die mensdom, en ‘n teken dat die probleem van rassediskriminasie in Amerika nou oorkom word.”

Soos Obama, is aartsbiskop Gregory ook van Chicago afkomstig, en was hy die vorige biskop in Illinois.

Hy het gesê dat onlangse pouse, soos John XXIII en Paul VI mense van alle nasies en rasse na Rome toe gebring het om senior posisies in die Kurie, die Vatikaanse hiërargie, op te neem. Dit het ‘n Nasionale aansig geskep van ‘n kerk wat ryk is aan diversiteit, het hy aan die Italiaanse koerant, La Stampa, gesê.

casino онлайн Фільчаков прокурор

Sjinese kraak Withuisnetwerk

Sjinese rekenaarkrakers het die Withuis se rekenaarnetwerk al verskeie kere binnegedring, en e-pos tussen regeringsamptenare in die hande gekry, het ‘n senior amptenaar aan die Financial Times gesê.

Die kuberaanvalle het vir kort tye deur die Withuis se veiligheid gebreek, wat hulle in staat gestel het om inligting te steel voordat kundiges die rekenaar sisteem weer kon beveilig.

Amerikaanse regerings-kuberkenners vermoed dat die aanvalle deur die Sjinese regering geborg word, maar kan dit nie definitief bewys nie.

Die nasionale kuberondersoektaakspan, ‘n eenheid wat in 2007 gestig is, het die aanvalle opgemerk. Die beampte het beklemtoon dat slegs die geklassifiseerde rekenaars aangeval is, en nie die meer veilige stelsels nie.

“Vir ‘n kort tydjie het die krakers deur die muur gebreek, waarna die muur weer herstel is. Dit is nie asof hulle onbepaalde toegang tot die stelsel het nie” het die beampte gesê. “Dit is ‘n konstante kat en muis speletjie, die soort van ding.”

Amerika het hulle pogings verskerp om kubersekuriteit te verseker in die afgelope jaar, veral nadat Sjinese krakers verlede jaar die Pentagon aangeval het, in ‘n aanval waarin die minister van verdediging, Robert Gates, se bediener wat die e-pos hanteer binnegedring is.

Amerikaanse regeringskuberondersoeke het vasgestel dat ‘n aanval op Obama en McCain se verkiesingsrekenaarnetwerke ook vanuit Sjina geloods is. Besonderhede van die aanval is die eerste keer op Newsweek bekendgemaak. Die geheimediens het aan Obama en McCain meegedeel dat hulle netwerke deur buitelandse kuberkrakers binnegedring is.

Terwyl Amerika kommer oor die aanvalle uitgespreek het, glo baie buitelandse regerings dat Amerika ook aan elektroniese spioenasie skuldig is. Bob Woodward, ’n veteraanverslaggewer van die Washington Post, het hierdie jaar onthul dat Amerika op die Irakse regering gespioeneer het.

лобановский класс

DRK s? VN doen niks om slagting te keer nie

VN-vredesmagte het nie die slagting in die ooste van die Kongo gekeer nie, het 'n segsman vir president Joseph Kabila Vrydag aan verslaggewers gesê.

"Mense word wreed vermoor en MONUC, die VN se vredesmag, doen niks," het Kudusa Kasongo gesê. Hy het in Nairoba met die media gepraat waar daar tans 'n internasionale spitsberaad gehou word waar gepoog gaan word om 'n oplossing vir die toestand in die ooste van die DRK te vind.

Kongolese magte wat deur general Laurent Nkunda gelei word, het 'n weekoue skietstilstand Donderdag gebreek. Human Rights Watch sê ongeveer 20 burgerlikes is in die jingste gevegte dood.

yfcnjkmyst buhs

Berlusconi se opmerking oor Obama ‘rassisties’

Italië se uitgesproke premier, Silvio Berlusconi, het ‘n goeie begin gemaak deur die nuwe Amerikaanse President te komplimenteer met sy mooi "sonbruin" gelaat.

Mediamagnaat, Berlusconi, (72) het die opmerking gemaak terwyl hy Moskou besoek het, en gesê het Obama was jonk, aantreklik en mooi gesonbrand.

Gisteraand toe Berlusconi van alle kante veroordeel is vir die oënskynlik rassistiese opmerking, het hy gevra “wat is die probleem aangesien dit ‘n kompliment was. Indien mense nie ‘n sin vir humor het nie, is dit hulle probleem.”

“Net imbesiele sal die opmerking as neerhalend beskou” het hy gesê.

Die webwerf van ‘n topverkoper Italiaanse dagblad, La Repubblica, het gesê dat Berlusconi 'n groot fout gemaak het.

“Wat Berlusconi nie besef nie, is dat sy woorde skadelik is vir die beeld van ons land in die oë van die wêreld. Om te sê dat die nuwe Amerikaanse president jonk, aantreklik en sonbruin is, sal deur die hele wêreld as offensief beskou word. Dit is gelaai met gevaarlike dubbelsinnighede,” het die redakteur gesê.

In 2002 het Berlusconi met sy eerste ontmoeting met die Deense Eerste minister, Anders Fogh Rasmussen, gesê dat Rasmussen nie net ‘n goeie kollega is nie, maar ook die mees aantreklike eerste minister in Europa.

“Hy is so aantreklik, dat ek selfs daaraan dink om hom aan my vrou voor te stel” het Berlusconi gesê.

пуско зарядное топкарго отзывы

Russiese koerante ignoreer Obama se oorwinning

Russiese koerante het Donderdag baie min aandag gegee aan Obama se oorwinning, en eerder gefokus op president Dmitri Medvedev se staatsrede.

Die Amerikaanse verkiesing was sekondêre status gegee deur verskeie groot dagblaaie, met ‘n grootliks feitelike weergawe van die uitslae van die verkiesing en donker voorspellings oor die toekoms van Russies-Amerikaanse verhoudings.

Groter aandag was gegee aan die Kremlinleier se toespraak, waarin vir groter wetgewingshervormings gevra is wat die presidensiële mandaat sal uitbrei.

In die regeringskoerant, Rossiiskaya Gazeta, het Mikhail Margelof, voorsitter van internasionale aangeleenthede, ‘n baie pessimistiese beskouing gegee.

“Ek dink Obama sal met die verloop van tyd verstaan, of dit sal aan hom uitgewys word, dat konfrontasie met Rusland nie vir Amerika enige voordele sal inhou nie,” het hy gesê.

“Op die oomblik bestaan sy span uit mense wie se houding jeens Rusland nie baie vriendelik is nie,” het hy bygevoeg.

справку пнд

Indiese onderklas vier Obama-oorwinning

Honderde mense in Indië se oostelike staat, Jharkhand, het Donderdag Obama se oorwinning gevier met sang, drommespel en deur lekkers uit te deel.

Die stamme se mense, wat van die minsbevoorregte mense in die Indiese gemeenskap is, het bymekaargekom vir die vieringe naby ‘n standbeeld van Mahatma Ghandi in die Morabigronde in Jharkhand se hoofstad, Ranchi, het die IAMS-nuusagentskap berig.

Stamleier, Bahurra Ekka, het gesê dat Obama, ‘n Afro-Amerikaner, se oorwinning ‘n groot stap was in die stryd teen rassediskriminasie.

“Dit is ‘n rooiletterdag in die geskiedenis van die wêreld” het ‘n plakkaat gelees by die byeenkoms.

Die stamme se mense, ook bekend as adivasis, of oorspronklike inwoners, maak sowat 8 % van Indië se 1,2 miljard mense uit. Jharkhand is een van die Indiese state wat ‘n groot bevolking van dié mense het, omtrent 26,3 % volgens die 2001 sensus.

Lede van Indië se stamgemeenskap is hoofsaaklik arm, met min grondbesit, ten spyte van 'n regstellendeaksiebeleid wat al vir dekades in plek is. Hulle leiers kla steeds oor rassediskriminasie.

“Swartmense het altyd teenstand in die wêreld gekry” het Bahura Ekka, ‘n stamleier gesê. “Ons glo dat met rassediskriminasie tot ‘n einde sal kom met Obama se oorwinning in die presidentsverkiesing.”

“Ons het gekies om die oorwinning te vier voor die standbeeld van Ghandi, wat die eerste persoon was om die stryd teen rassediskriminasie in Suid-Afrika te begin” het Ekka gesê.

лечить зубы

Obama, die verlosser

’n Droom, ’n held, ’n verlosser: Keniaanse koerante het diep gedelf om woorde te vind vir sen. Barack Obama se verkiesingsoorwinning om die inspirasie wat die volgende Amerikaanse president in sy pa se geboorteland verteenwoordig, oor te dra.

“Die droom is verwesenlik” was die opskrif van die People Daily, terwyl die Daily Metro gelui het “Ons seun, ons hoop”. Albei koerante het gratis Obama-plakkate geadverteer.

Kenia se topdagblad, Daily Nation, het ’n foto van Obama met sy vrou en twee dogters op die voorblad gehad. In die hoofartikel sê dié koerant Afrika het groot verwagtinge van die eerste swart Amerikaanse president. “Daar is heelwat verkeerd met Amerika, die wêreld en die verhoudinge tussen die twee.” Фільчаков прокурор

Kankergeen gedekodeer

Vir die eerste keer het navorsers al die gene van ‘n persoon met kanker gedekodeer en ‘n stel mutasies gevind wat die siekte veroorsaak of die verspreiding daarvan aangehelp het.

Selle van ‘n vrou wat aan leukemie oorlede is, is gedekodeer, en die wetenskaplikes het die DNS van haar normale, gesonde selle vergelyk met die wat deur kanker aangetas was. Daarna het hulle 10 mutasies opgespoor, wat klaarblyklik abnormale groei aanhelp, en die selle verhoed om teen normale tempo te groei wat die selle in staat stel om chemoterapie teen te staan.

Mutasies is genetiese foute, en die wat wel gevind is in die navorsing is nie ingebore nie, maar het later in die lewe ontstaan, soos wat meeste mutasies is wat kanker veroorsaak. Slegs 5 tot 10% van kankers word geag as van oorerflike oorsprong te wees.

Die nuwe navorsing, wat gekyk het na die hele genoom, al die DNS, en gemik het om al die mutasies in ‘n spesifieke kanker vas te stel, het heelwat verskil van vorige studies wat gekyk het na minder gene vir spesifieke mutasies. Die projek, wat maande geneem het, en 'n miljoen dollar gekos het, was moontlik gemaak deur onlangse nuwe tegnologie wat dit makliker en goedkoper gemaak het om 100 miljoen DNS deeltjies te toets as wat dit gekos het om voorheen 100 stukkies DNS te toets.

Die studie was gedoen by die Washington Universiteit in St. Louis en is in die joernaal Nature gepubliseer. Dit is die eerste verslag van genoomkanker en navorsers sê daar is nog baie op pad.

free demo casino topcargo развод

Sjina wys spiere met milit?re hardeware

Sjina se vertoon van militêrehardeware by die land se primêrelugskou was ‘n waarskuwing aan sy industriële teenstaanders van sy globale ambisies as vervaardiger van verdedigingstoerusting, het analiste gesê.

Terwyl twee vierdegeslag J-10 vegvliegtuie vir die eerste keer aan die publiek vertoon is met verbyvlugte, het die handelsuitstallings gegons oor praatjies van nuwe missielsisteme en ander goed wat ten toon gestel was.

Sommige analiste glo dat Sjina se vermoë om oorsese tegnologie te kopieer, soos wat in talle industrieë in die laaste 20 jaar gesien word, binnekort hulle verdedigingsindustrie kan aandryf.

“Tien jaar gelede het hulle nie ‘n moderne vliegtuigindustrie gehad nie, nou het hulle begin om kopieë van ons vliegtuig te vervaardig” het ‘n Russiese verdedigingsbeampte gesê, wat anoniem wou bly.

“Hulle doen presies dieselfde wat hulle met tekstiel en speelgoed doen – leer hoe om dit te maak, maak dit goedkoper en ondergrawe dan die mark.”

Hy het gesê dat Sjina ongeveer 10 jaar weg is van die punt om hulle eie vegvliegtuigenjins te ontwikkel- hulle gebruik tans enjins wat deur die Russiese verdedigingsreus Sukhoi gemaak word, maar as hulle eers hulle eie kan ontwikkel, sal hulle ophou om oorsese tegnologie aan te koop.

“Hulle sal ophou om enige iets van oorsee af aan te koop en goedkoop Sjinese vegvliegtuie aan derdewêreldlande verkoop” het hy gesê.

Terwyl die Europese Unie en Amerika steeds sanksies het op die uitvoer van militêre toerusting teen heelwat lande, Sjina ingesluit, het Sjinese vervaardigers nie sulke beperkinge nie.

Verslae het aangedui dat Sjina militêre opleidingsvliegtuie aan Mianmar en Zimbabwe verkoop het, twee lande wat die ergste sanksies teen hulle het as gevolg van hulle swak rekords wat betref menseregteskendings.

Ten spyte van die vooruitgang is Sjina steeds desperaat om nuwe tegnologie in die hande te kry.

Sjinese amptenare het die groot Russiese verdedigingsuitstalling by Zhuhai besoek en gedetaileerde vrae gevra oor die nuwe Sukhoi-35 vegvliegtuig, wat vanjaar die eerste keer gevlieg het.

“Hulle het baie belangstelling getoon in alle aspekte van die vliegtuig, maar geen ooreenkoms om te koop is bereik nie” het Aleksey Poveshchenko, adviseur vir Sukhoi se direkteur generaal gesê.

“Ons is steeds besig met onderhandelinge en mag dalk in die komende maande iets sien gebeur.”

Trevor Moss, Asië en die Stille Oseaan redakteur van Jane’s, die verdedigingstuigtydskrif, het gesê dat hoewel Sjina steeds nie op die vlak is van top vervaardigers van verdedigingstoerusting soos Engeland en Amerika is nie, die skou hulle ontwikkeling goed vertoon het.

“Dit wys dat daar baie gesonde kompetisie is in die internasionale verdedigingsgemeenskap” het hy gesê, en die uitstallings van hardeware vergelyk met Sjina se eerste ruimteloop, wat in September gebeur het.

“Ten minste die helfte van die rede vir hulle ruimteprogram is nasionale trots – en ek glo dieselfde geld ook op die militêre kant van sake” het Moss gesê.

Sjina se ontwikkeling kan ook belangrike geopolitieke implikasies hê, wat deels die rede is dat Amerika versigtig is vir Sjina se vinnig groeiende militêre begroting, het hy bygevoeg.

“Mens het gesien dat Amerika probeer om met lande soos Indië en Japan saam te span om ‘n skans te vorm teen Sjina”, het Moss gesê.

Amerika se houding het Pakistan in Sjina se arms ingestoot, wat duidelik is met die gesamentlike uitstalling van Sjina en Pakistan by Zhuhai, en die voortdurende samewerking tussen die twee lande op die JF-17 vegvliegtuig.

“Dit was ‘n langtermynverhouding en gaan in die toekoms nog belangrik wees” het ‘n Pakistani lugmaggeneraal gesê wat nie sy naam genoem wou hê nie.

“Die verhouding het gegroei, die projek (FJ-17) wys dit baie duidelik” het hy gesê.

Sjina se begeerte om soewereiniteit oor Taiwan te verkry, nadat die twee in 1949 na ‘n burgeroorlog verdeel het, bly ‘n groot dryfveer van militêre beleid, en verduidelik die nuwe trots in sy gevegshardeware.

Taiwan is steeds die mees belangrike ding in Sjina se militêre denke, het Moss gesê.

Beijing het meer as 1000 missiele wat op die eiland gemik is, en het beloof om dit weer terug te neem, met geweld indien nodig, veral as die eiland dit sou waag om onafhanklikheid te verklaar.

люстры

Medwedef kap die VSA

President Dmitri Medwedef het in 'n kras toespraak gesê dat Rusland kortafstandmissiele op Rusland se westelike grens gaan plaas indien Washington voortgaan om hulle missielafweerstelsel in Oos-Europa op te stel.

In sy toespraak het die Russiese president gesê dat Rusland geen "inherente konflik" met Amerika het nie en de VSA uitgenooi tot 'n vars nuwe begin met Moskou. Hy het Obama nie by name genoem nie en hom ook nie tydens sy rede gelukgewens nie. Die Kremlin het nietemin 'n telegram van gelukwense gestuur.

Medwedef het ook gesê dat 'n sterk staat en 'n magtige burokrasie nie dieselfde ding is nie. Die een is wenslik vir demokrasie en die ander, laasgenoemde, is uiters gevaarlik. Plaaslike owerhede gaan ook meer magte bekom, het hy gesê en stappe wat daartoe sal lei, aangekondig.

Die skuld vir die finansiële krisis in Rusland is asook die oorlog in Georgië is vierkantig op die skouers van die VSA geplaas. Die beplande Amerikaanse missielafweerstelsel in Oos-Europa gaan dalk Obama se eerste buitelandsebeleidstoets wees.