Afrikaanse nuus Archives - Page 86 of 166

UV-navorser wil misdaad met Sielkunde bekamp

‘n Vooraanstaande forensiese sielkundige aan die Universiteit van die Vrystaat gaan poog om deur navorsing die hoë misdaadsyfers in Suid-Afrika te laat tuimel.

Professor Dap Louw, hoof van die Sentrum vir Sielkunde en die Reg in die Departement Sielkunde, het gesê daar is nog weinig navorsing gedoen om vas te stel wat die psigologiese redes vir die tussen 60% en 80% heroortredings onder gevangenes is.

Hy gaan ‘n navorsingsprogram van stapel stuur wat fokus op psigopate – ‘n uiters selektiewe groep veroordeelde misdadigers wat beskou word as die gevaarlikste misdadigers, omdat hulle ‘n laer vlak van empatie, verantwoordelikheid of gewete het en oor ‘n geneigdheid beskik om sosiale norme te oortree.

Navorsing onder sowat 500 van die gevangenes by die Mangaung Korrektiewe Sentrum het reeds begin.

Louw het gesê die navorsingsinligting kan ook aan paroolrade verskaf word, wat dan meer ingeligte besluite oor parool sal kan maak. – OFM

Tlokwe-uitspraak Maandag gelewer

Uitspraak sal Maandag gelewer word in ‘n aansoek om ‘n raadsvergadering nietig te verklaar waarin die burgemeester van Tlokwe – Maphetle Maphetle – uit sy amp verwyder is.

Die uitspraak in die Noord-Gautengse hooggeregshof in Pretoria is Dinsdag uitgestel. Die DA-raadslid – Annette Combrink – is aan die begin van die maand vir die tweede keer sedert November as die burgemeester in die munisipaliteit aangewys, wat Potchefstroom insluit.

Die tugkomitee van die ANC in Noordwes het die volgende dag 14 raadslede geskors en wil die vergadering waarop Combrinck gekies is, ongeldig verklaar.

Die Noord-Gautengse Hooggeregshof in Pretoria het die die saak oor wie die regmatige burgemeester van die Tlokwe munisipaliteit in Potchefstroom is, onbepaald uitgestel.

Die ANC het aangevoer dat die raadsvergadering waar Maphetle Maphetle as burgemeester uit sy amp verwyder is en vervang is deur die DA se Annette Combrinck, onwettig was.

Die party het intussen 14 raadslede geskors wat gehelp het om Combrinck as burgemeester te verkies.

Die ANC se provinsiale woordvoerder, Kenny Morolong sê hulle sal steeds hulle hoop in die regstelsel te plaas. Die regter het die DA en die ANC vroeër gewaarsku om nie staatsfondse te mors op hulle politieke stryd nie.

Die onafhanklike verkiesingskommissie in Noordwes het die datums vir tussenverkiesings in die Tlokwe munisipaliteit bekend gemaak.

Daar is 14 vakante poste in die munisipaliteit nadat die 14 ANC raadslede geskors is. Dr Tumelontle Thiba van die OVK sê die tussenverkiesings sal op 7 Augustus en 18 September gehou word.

’n Openbare verhoor deur Noordwes se staande komitee oor openbare rekeninge is Donderdag ontwrig ná die voorsitter, Patrick Chauke, verwys het na Maphetle Maphetle as die burgemeester van Tlokwe.

Die verhoor, wat handel oor ’n forensiese ondersoek verslag waarin Maphetle en lede van sy burgemeesterskomitee betrek word, kon nie verby die aanvanklike vraag van wie die munisipale bestuurder in Tlokwe is, vorder nie.

Die verwysing na Maphetle as die uitvoerende burgemeester het gelei tot uitbarstings deur lede van die publiek, sowel as verskeie geskorsde voormalige ANC-raadslede. RSG/OFM

Vrou moet erge padwoede trotseer

’n Vrou was onlangs die slagoffer van erge padwoede toe ’n onbekende man haar aangerand en onwelvoeglike woorde op haar motor geskryf het.

Die 48-jarige Zetha Jungbluth van Rietfontein is deur ’n man in ’n parkeerterrein van ’n winkelsentrum in Gezina aangeval nadat sy glo eenkeer vir hom toeter gedruk het om vorentoe te ry.

“Ek het in die parkeerterrein van die winkelsentrum ingery, maar het ’n opeenhoping veroorsaak toe die agterkant van my motor half in die aankomende baan gestaan het.

Daar was ’n motor wat wou uitry en ek het om hom probeer ry. Ek het agter ’n wit Volkswagen Polo gaan staan, maar my motor was nog steeds half in die pad gewees,” het Jungbluth gesê.

Sy het gesê motoriste het van voor af gekom, maar kon haar nie verbysteek nie omdat sy in die pad gestaan het. Dit het voorgekom asof die man in die wit Polo vir iemand gewag het en nie vir parkering gesoek het nie.

“Ek kon nie agtertoe ry nie omdat daar twee motors agter my gestaan het. Die vrou in die aankomende baan het haar venster afgerol en vir die man beduie dat hy net ’n bietjie vorentoe moet ry sodat ek my motor ten volle in die baan kan kry. Die man het iets vir haar gesê, haar oë het groot gerek en sy het haar venster toegemaak.”

Jungbluth het toe ook vir hom toeter gedruk waarna die man in ’n parkeerspasie ingetrek het. Sy het parkering naby die man gekry en uit haar motor geklim om die winkel binne te gaan.

Toe sy verby sy motor loop het hy die deur teen haar lyf oopgegooi wat veroorsaak het dat sy gestruikel en geval het. Die onbekende man het uit sy motor gespring, haar aan die arm opgepluk en onwelvoeglike woorde gebruik toe hy op haar geskree het.

“Ek het my arm losgeruk, vir hom gesê hy is ’n vark en gemaak dat ek wegkom. Ek was histeries. Terwyl ek weggeloop het, het hy net aanhou skree. Ek was seker die man gaan my met ’n vuis slaan, maar ek het nie geloop voordat ek ’n foto van hom met my selfoon geneem het nie.”

Toe sy na haar motor terugkeer, het sy gemerk die onbekende man het onwelvoeglike woorde met ’n permanente merker op haar voertuig geskryf. Die motorwag het bevestig dat dieselfde man is wat op haar geskree het. “Ek het daarna my motor laat skoon was.”

Dr Pixie du Toit van die Sinoville-krissisentrum het gesê dat die meeste Suid-Afrikaners aan onderliggende woede ly en dat enigiets woede kan aanhits.

Sy het gesê padwoede is ’n algemene probleem onder motoriste en dit is besig om toe te neem. Sy maan motoriste om nie by konfrontasies betrokke te raak nie en eerder net van dit af moet wegstap.

“Indien nodig vat die persoon se registrasienommer en gaan meld die persoon by die polisie aan. Moet onder geen omstandighede uit jou voertuig klim om die persoon te konfronteer nie omdat jy nie weet of die persoon ’n wapen in sy voertuig het nie.”

Sy het gesê indien ’n motoris aan padwoede ly kan dit onder beheer gebring word. Sy het gesê berading kan ’n persoon hanteringsmeganismes leer wat waardevol op die pad kan wees.

“Enigiets kan padwoede opwek, so wees voorbereid. Luister na rustige musiek en ry ’n paar minute vroeër om betyds te wees. Dit sal help om padwoede te help ontlont,” het Du Toit gesê. – looklocal.co.za

Nuwe formaat van praag.co.za

Soos elkeen van ons lesers al agterkom het, het die formaat van hierdie webblad oor die afgelope paar dae verander. Anders as vele ander webblaaie wat van tyd tot tyd vernuwe word en daarmee saam inhoud afstaan, is al 14 000 ons artikels van die “ou praag” hierheen oorgedra.

Saam met die inhoud, het ons ook die Disqus-kommentaarstelsel behou, hoewel sommige URL’e van ouer Disqus-gesprekke wat ons lesers op die “ou praag” gevoer het tans nie werk nie. Wees egter verseker dat ons daaraan werk om ook al die ou gesprekke weer toeganklik te maak deur die URL’e by die nuwe blaaie te pas. Dit mag egter ‘n paar dae of selfs langer neem om te voltooi.

Ons het ook ‘n ekstra Gespreksforum hier bo geskep waar lesers via Disqus hul eie onderwerpe kan bespreek, nuuswenke kan gee en oor die algemeen kan kommentaar lewer sonder dat sodanige kommentaar aan ‘n spesifieke nuus- of meningsartikel op dié webwerf gekoppel is.

Ons sal gaandeweg meer funksionaliteit by die webwerf voeg, soos peilings en moontlik selfs ons eie sosiale medium waar gebuikers met mekaar kan kommunikeer, profiele kan opstel, foto’s kan oplaai, ens.

Sê gerus hier onder op Disqus wat u van die nuwe formaat van die blad dink.

– Die redaksie

Zuma oorhandig huise aan arm wittes

President Jacob Zuma het inwoners van Danville, Pretoria-Wes, hul nuwe huise gewys as deel van die uitbreiding van nuwe, lae-koste behuising.

Die presidensie het gesê nuwe huise sal aan lae-inkomste swart en wit families oorhandig word om Mandela-dag te vier.

Kinders van die Siyabonga Early Learning-sentrum het onder leiding van hul onderwysers oudpres. Nelson Mandela met sang ‘n gelukkige verjaardag toegewens.

Zuma het vir die kinders hande geklap en vir hulle gewaai.

Daarna het hy sommige van die nuwe huiseienaars deur hul nuwe wonings geneem.

ANC-ondersteuners het hom na elke huis vergesel terwyl hulle “Awalethu Mshini Wam” gesing.

Gauteng se premier, Nomvula Mokonyane, het hom ook vergesel.

‘n Groot vragmotor met foto’s van die president daarop, het buite die nuwe huise stilgehou.

‘n Plakkaat op die voertuig lui: “Suid-Afrika behoort aan almal wat daarin leef; swart of wit.”

Ander het gelees: “Meer as 110 families in Danville het nou ‘n plek om hul tuiste te noem,” en “kom ons verenig vir Madiba.”

‘Volksmoord-grappe is snaaks, verkragting-grappe nie’

Twee werknemers van die manstydskrif FHM is geskors nadat hul grappe oor korrektiewe verkragting gemaak het.

“FHM is geskok oor die uiters beledigende opmerkings deur twee werknemers op hul privaat Facebook-profiele,” het Brendan Cooper, redakteur van FHM, gesê.

“Die inskrywings weerspieël op geen manier FHM se waardes nie. Die opinies is kwetsend, uiters beledigend en heeltemal onaanvaarbaar.”

Cooper het gesê tugstappe sal gedoen word teen die tydskrif se artikelredakteur, Max Barashenkov, en redaksionele assistent, Montle Moorosi.

Die grappe volg twee weke nadat Duduzile Zozo, ‘n lesbiër van Thokoza, vermoor is. Haar familie glo sy was ‘n slagoffer van korrektiewe verkragting.

Intussen het Sarah Britten in die M&G geskryf dat die grappe oor die huidige wit volksmoord in Suid-Afrika nie problematies is nie, want dis duidelik net grappe. Britten skryf as volg:

“So today, I am going to explain why I thought it was appropriate to tweet about #whitegenocide a few weeks ago — but why I thought the jokes about corrective rape by two FHM writers weren’t funny, and got them into trouble for good reason.

First, a bit of background. The #whitegenocide hashtag came about after Siyanda Mohutsiwa started tweeting about what she planned to do when blacks rose up against the whites after the death of Nelson Mandela.

Here’s a good example: Attention black SA: this is a time to get a driver’s license. Don’t worry. After #whitegenocide you can have any car you want. [Siyanda-Panda from: SiyandaWrites]

It was provocative and subversive. I felt somewhat disconcerted. What did I do? I joined in.

Here’s why:

1. The hashtag was clearly tongue in cheek, and it was being used by a self-described agent provocateur who has a track record of challenging preconceived ideas, both in her Thought Leader blog and on Twitter.

2. The mockery was not of actual murder (which is not funny), but the long-standing conspiracy theory that blacks would rise up against whites the moment Madiba dies. This is a ridiculous and stupid belief no matter how sincerely you hold it, and mocking it is a way of marking a distinction between what we accept as a commonly held belief, and what we do not.

3. I felt that the conspiracy theory was in itself offensively racist, so should be mocked in order to make my views on it clear. Addressing fears that many might feel afraid to express was a way to bring them into the open into a way that was healthier than discussing them around the braai.

4. If whites did not join in, then it would become and us vs them situation. Whites attend the Blacks Only comedy shows and laugh at David Kau’s jokes, so why shouldn’t they participate in a hashtag that mocks them?

5. Genocide, used in its correct historical context (as in the Holocaust, Armenia and Rwanda) is not funny at all. But claims of genocide where they are not justified debase the term and the gravity of what it means. The former secretary-general of Medecins Sans Frontieres, Alain Destexhe, has said that the word genocide has fallen victim to “a sort of verbal inflation, in much the same way as happened with the word fascist”.

Most of those who participated used the opportunity to demonstrate how completely unfounded fears of a “white genocide” are.”

Dit is duidelik dat die koerant aan Britten die geleentheid bied om die volksmoord te regverdig, nadat sy self aan die aanhitsing deelgeneem het.

Kurt moontlik dié week ontslaan

Die sanger Kurt Darren kan moontlik vandeesweek uit die hospitaal ontslaan word, het sy broer Darryn van Heerden Maandag aan Looklocal gesê.

“Kurt is steeds in baie pyn in die hospitaal maar dit gaan goed met hom,” het Darryn gesê.

Volgens Darryn is die gerugte dat Kurt Vrydagaand ŉ terugslag beleef het, onwaar.

“Kurt het Vrydagaand en Saterdagoggend net baie pyn gehad. Nié ‘n terugslag nie. Hy maak inteendeel baie goeie vordering.”

Darryn het gesê Kurt kan moontlik teen die einde van die week uit die hospitaal ontslaan word.

“Die kans is goed dat hy teen die einde van die week ontslaan kan word maar ons is nie presies seker wanneer dit gaan gebeur nie.”

Dunay is steeds aan Kurt se sy waar hy in die Netcare Milpark-hospitaal in Johannesburg aansterk.

“Kurt se gesondheid het beslis verbeter vandat Dunay hier aangekom het.”

Dunay en Kurt het Sondag die negende herdenking van hul kennismaking in die hospitaal gevier.

“Dunay het gister ‘n groot ballon met die nommer 9 voorop in Kurt se kamer kom hang. Sy en Kurt was gister baie opgewek gewees.”

Dunay het Sondag getwiet:

“Vandag is ek 9jaar saam die liefde van my lewe @KurtOfficial , dankie Heer dat U my so geseën het met ń wonderlike vriend en lewensmaat!!!”

Kurt en twee vriende, Marnus Bisschoff en Nadia van Rensburg, was verlede week Sondagoggend in Pretoria-Noord in ŉ motorongeluk.

Darren is met ‘n helikopter na die Milpark-hospitaal in Johannesburg gebring. Hy het kopbeserings opgedoen en elf ribbes gebreek.

Marnus en Nadia is Vrydag glo reeds uit die hospitaal ontslaan.

VF+ verwelkom Zuma-besluit oor arm wit behuising

Die VF Plus in Pretoria het die Presidensie se aankondiging dat behuising aan arm wittes van Pretoria-Wes voorsien gaan word, gister verwelkom.

Die stap van die president volg nadat die VF Plus in 2008 onder leiding van die party se Pretoria-leier en raadslid in die Tshwane-metroraad, Philip Van Staden, met die president tydens sy besoek aan die Wesmoot, ‘n gesprek hieroor gevoer het.

In 2011 het die VF Plus ook die saak in die Tshwane-metro verder gevoer deur in gesprek te tree met die burgemeester, raadslid Ramokgopa. ‘n Databasis van arm wittes in die gebied is aan die burgemeester oorhandig en bouwerk aan huise het reeds begin in die gebiede van Danville en Suiderberg.

Die president gaan op 18 Julie 2013 die eerste huise aan arm wittes van Betlehem oorhandig.

Van Staden het gesê dat die VF Plus verheug is oor die president se stap, maar dat daar nog baie huise aan arm wittes regoor Pretoria verskaf moet word.

“Die VF Plus sal nie ophou om die saak te dryf nie en hierdie is maar net die begin van alles.”

‘Volksvergadering’ in Villeria mobiliseer Afrikaner-aktiviste

‘n Nuwe kultuur van tegnologiese aktivisme, tesame met ‘n herlewing van patriotisme is onder Afrikaners vaardig, te oordeel aan die groot opkoms gister by ‘n sogenaamde “volksvergadering” wat in Pretoria gehou is. Ná die vergadering het mense tou gestaan om hul name te laat opskryf om deel van die huidige Afrikanerbeweging te word.

Sprekers wat aanvanklik die nagenoeg 300 mense in die saal van die Laerskool Pierneef in Villeria toegespreek het, was: Willie en Francois Cloete van die Federale Volksparty, Sunette Bridges van die Boerevroueliga, Hannes Engelbrecht van Boerekrisisaksie, die skryfster Fransi Phillips en dr. Dan Roodt van PRAAG.

Ook in die saal teenwoordig was me. Miemie Fick, wat twee weke gelede die “Boikot Naspers”-veldtog op Facebook geloods het en waarvan die ledetal intussen tot net onder die 20 000 toegeneem het.

Volgens die Cloetes, vader en seun, moet aanstaande jaar se verkiesing in Suid-Afrika deur Afrikaners as ‘n referendum gebruik word om die steun vir selfbeskikking te toets. Mnr. Hannes Engelbrecht meen ook dat politieke posisies vir Afrikaneraktiviste nuttig kan wees omdat hulle dan deur die staat vergoed sou word om te doen wat hulle tans doen.

Die gesamentlike ledetal op sosiale media soos Facebook en Twitter wat in die saal verteenwoordig was, was meer as 100 000. Agterna het aktiviste wat mekaar reeds onder skuilname op sosiale media ken maar nog nooit werklik kennis gemaak het nie, blad geskud en strategieë bespreek.

Me. Sunette Bridges het aan die begin van die vergadering op die verhoog met Die Stem weggeval en die hele saal genooi om uit volle bors saam te sing. Vele mense het ná die vergadering die sing van Die Stem as ‘n emosionele ervaring beskryf, gegewe die gevoel van “ons is ‘n minderheid van ‘n minderheid” wat ook sterk deur die predikant in sy openingsboodskap, die verhaal van Gideon uit Rigters, beklemtoon is.

Verskeie oproepe tot Afrikaanse organisasies en leiers om beter saam te werk, is geloods. Verskeie sprekers vanaf die vloer het gevra waarom daar soveel groeperinge en partye is wat Afrikanerselfbeskikking voorstaan, terwyl almal behoort saam te werk om dié ideaal te verwesenlik.

Volgens me. Sunette Bridges, “stig ons telkens ‘n komitee. Agterna hou ons nie van wat die komitee doen nie en stig dan nog een. Pleks dat sake uitgepraat word en daar daadwerklik tot aksie oorgegaan word.”

In sy toespraak het dr. Dan Roodt verwys na die Kosovo-opinie van die Internasionale Geregshof in Den Haag van 22 Julie 2010 wat dit vir elke volk of etniese groep moontlik maak om eensydig onafhanklikheid ter verkleer. “Selfbeskikking is ‘n inherente mensereg waarvoor ‘n mens geen toestemming van ‘n staat of die internasionale gemeenskap nodig het nie,” het hy gesê. “Afrikaners se groot probleem is dat hulle nie kan besluit watter deel van die land hulle wil opeis nie.”

Volgens Roodt gaan kulturele selfbeskikking soos dit in Westerse state soos België of Kanada beoefen word, nie in Suid-Afrika werk nie, omdat die staat en sy masjinerie nie die grondwet eerbiedig nie. Wetteloosheid en korrupsie maak kulturele selfbeskikking onmoontlik, daarom moet daar na sterker vorme van selfbeskikking met selfregering gekyk word.

Daar moet taalgrense in Suid-Afrika getrek word soos dit in België gedoen word. Oral in gebiede waar Afrikaners in die meerderheid verkeer, behoort Afrikaans die openbare taal te wees sodat dit vir almal helder sal wees dat hulle daardie gebied vir hulself toeëien.

Die skryfster Fransi Phillips het ‘n ontroerende voordrag rondom die tema van “bloed” gelewer. Dit gaan om die bloed van slagoffers wat veral sedert 1994 vergiet word en om na die boodskap daarvan te luister. In haar kinderdae het sy ook terwyl sy nadeink en mymer “na die suising van haar eie bloed geluister”. Die nuwe Suid-Afrika en diskriminasie teen blankes – mense van haar bloed – veroorsaak dat sy as Afrikaanse skryfster deesdae in die koue Rusland Engels moet gee waar jy jou oë gereeld moet knip sodat hulle nie vries nie.

Verskeie lede van die gehoor het verklaar dat hulle daarby betrokke wil raak om gesinne en gemeenskappe teen geweldsmisdaad te beskerm. Dr. Roodt het daarop gewys dat daar reeds ‘n groot aantal geslaagde buurtwagaksies in Pretoria en elders is en dat sulke verenigings nouer behoort saam te werk. Die beskikbaarheid van goedkoop tweerigtingradio’s deesdae vergemaklik kommunikasie oor veiligheidsake in gemeenskappe.

Me. Sunette Bridges het Afriforum skerp gekritiseer omdat hulle nie self verteenwoordigers na die vergadering gestuur het nie, maar slegs twee jong meisies in T-hempies afgevaardig het om lede te kom werf. “Lyk my Afriforum stel net in inkomste belang,” het sy gesê. Nietemin het sy die meisies welkom geheet en beklemtoon dat “hulle net hul werk doen” en dus nie vir Afriforum se bestuursbesluite geblameer behoort te word nie.

‘n Informele voortsettingskomitee is saamgestel en daar word beoog om met sowel die Vryheidsfront Plus as die bestaande Afrikaner- Strategiese Komitee in gesprek te tree om die soort aktivistiese, patriotiese kultuur wat tans op sosiale media en die internet woed, ook in daardie geledere in te dra. Die vergadering voel dat daar nie vinnig genoeg gehandel word om Afrikanerselfbeskikking te verwesenlik nie.

“Ses-en-vyftig persent van ons jongmense verlaat die land,” meen me. Sunette Bridges. “Hulle kinders word almal in die buiteland gebore. Ongeag al die moorde op ons, is ons besig om as volk uit te sterf. Ons het regtig nie meer tyd nie.”

Dr Willem Cruywagen oorlede

Die gewese administrateur van Transvaal, dr. Willem Cruywagen is gisteraand by sy huis in Pretoria oorlede. Hy was 92 jaar oud.

Die oudadministrateur was die afgelope paar weke siek en het ondermeer las van ‘n maagseer gehad.

Hy was lid van verskeie kultuur- en erfenisorganisasies en ook beskermheer van Die Voortrekkers. Een van Cruywagen se merkwaardigste prestasies was dat hy op 83-jarige leeftyd ‘n doktorsgraad in geskiedenis aan die Universiteit van Noordwes behaal het.

Hy het ook in die vorige bedeling in die kabinet gedien en was minister van onderwys voor hy administrateur van Transvaal geword het.

Dr. Cruywagen word oorleef deur sy vrou, Snow, twee seuns en vier kleinkinders en een agterkleinkind.

‘n Gedenkdiens vir dr Cruywagen sal waarskynlik aanstaande week in Pretoria gehou word. Besonderhede sal later bekendgemaak word.