Die film Mandela: Long Walk to Freedom het in Brittanje en Ierland geopen en sal na verwagting oor die R26 miljoen in sy eerste drie dae van die vrystelling inoes.
Die film is gewild by die Britte en Iere en sal die naweek een van die top 10 presteerders by die Britse loket wees, het het die film se produsente gesê in ‘n verklaring.
“Die sterk loketprestasie kom op die rug van positiewe resensies van die Verenigde Koninkryk se kritici.”
Die film is gebaseer op die voormalige president Nelson Mandela se outobiografie Britse loket Long Walk to Freedom . Dit het Vrydag in Brittanje en Ierland geopen.
“Dit is inderdaad ‘n formidabele opening. Die Britse publiek is ‘n diverse een en die sterk loketprestasie toon die wye trefkrag van die film,” sê filmmaker Anant Singh .
Verlede maand, is die film vir drie Golden Globe-toekennings genomineer
Die filmsterre is die Britse akteurs Idris Elba en Naomie Harris, Suid-Afrikaanse akteurs Tony Kgoroge , Riaad Moosa , Lindiwe Matshikiza , Terry Pheto , Jamie Bartlett , en Deon Lotz .
Elba is vir beste akteur vir sy rol as Nelson Mandela genomineer, Alex Heffes vir beste oorspronklike musiek en U2 is vir die beste oorspronklike temaliedjie.
Die Golden Globe-seremonie sal Sondag in Los Angeles plaasvind.
Hy het getuig oor of die polisie uit noodweer opgetree het toe hulle in 2012 op die stakende mynwerkers geskiet het.
Vier-en-dertig myners is in die skietery dood.
Die regsverteenwoordiger van die gesinne van die myners, Dumisa Ntsebeza het hom gepeper met vrae oor of die polisie aangeval was.
Die gesinne van die Amcu-stakers beweer die polisie het nie uit noodweer opgetree nie, alhoewel daar volgens Calitz intelligensie oor opsetlike provokasie en uittarting was.
‘n Woordvoerder van die Kommissie, Phuti Setati sê Calitz sal verder getuig, waarna Kolonel Solomon Vermaak van die SAPD geroep sal word.
Twintig getuies moet nog ondervra word, het RSG berig.
Verlede jaar, het die regsverteenwoordigers van die 200 stakers wat in hegtenis geneem is, onttrek van die verrigtinge. Hulle wou deur die Staat betaal word.
Na maande se twis het die Regshulpraad van Suid-Afrika ‘n mandaat om hulle te betaal gekry.
Die Minister van Basiese Onderwys, Angie Motshekga, sal die uitslae van die 2013 matriekeksamen Maandagaand om sesuur bekend maak.
Die voorspelling is dat die algehele slaagsyfer sal verbeter van 2012 se 73,9%.
Meer as 500 000 voltydse matrikulante het vir die finale eksamen in 2013 geregistreer en die resultate sal Dinsdagoggend in die media bekend gemaak word.
‘n Woordvoerder van die Departement, Elijah Mhlanga, sê die uitslae van die 576.000 voltydse en 130.000 deeltydse matrikulante sal môre in koerante, aanlynmedia, deur sms en deur die Departement se webwerf versprei word.
Matrieks kan ook ‘n draai by hulle skole of eksamensentrums maak om die uitslae te kry.
Leerlinge wat twee of meer vakke druip, kan hulle vir die aanvullingseksamen laat registreer wat aanstaande maand sal plaasvind.
Ten spyte van verwagtinge dat die algehele slaagsyfer sal verbeter, het Lesiba Tefo en Jonathan Jansen gesê die slaagsyfer moet word verhoog na 50%.
Die rektor van die Vrystaatse Universiteit, Jansen, sê regeringskole moet die slaagsyfer verhoog om die land se onderwysstelsel te verbeter. Hy het bygevoeg dat selfs ‘n verbeterde algehele slaagsyfer misleidend is.
Hy het gesê alhoewel 50% steeds laag is, behoort alle vakke dit as ‘n minimum te stel.
Jansen het ook sy kommer uitgespreek oor dat die sowat 500.000 wat vir Graad een ingeskryf het nooit Matriek voltooi het nie.
Die top 30 matrikulante word vandag in Johannesburgse hotelle onthaal terwyl die land wag op die matriekuitslae.
Suid-Afrika se slimste 30 matrikulante weet egter nog nie wat hulle bereik het nie.
Hulle weet nog nie hoeveel onderskeidings hulle behaal het nie of selfs wie is die toppresteerder gaan wees nie. Sommige toppresteerders sê hulle weet nie waar hulle presies in die top 30 inpas nie.
Een het gesê dat hulle dink hulle het A’s in Wiskunde behaal. “Ek dink dit is Wiskunde en Natuur- en Skeikunde. Ek is seker daaroor.”
Honderde mense het by die Siloam Ministries-kerk in Dalpark aan die Oos-Rand bymekaargekom om ‘n biddiens vir die vermoorde Jasmine Pretorius by te woon.
Sy het gesterf aan die hand van ‘n wit verkragter.
Duisende onskuldige wit slagoffers van swart verkragters word daagliks botweg deur die media geïgnoreer en doodgeswyg.
Die vier-jarige dogtertjie se liggaam is verlede naweek onder ‘n bed in haar pa se huis in Brakpan gevind.
Die diens word deur die Suid-Afrikaanse polisie aangebied om oënskynlik die plaag van verkragtings in die land te help oplos.
Dit is nie duidelik hoe die SAPD hoop om dit te bereik nie, aangesien verreweg die meeste verkragters van wittes swart is.
Dit wil voorkom of die polisie juis hierdie tragiese geval vir ‘n hernude anti-wit veldtog wil uitbuit. Duisende wit vroue en kinders sterf jaarliks wreed aan die hand van swart moordernaars, maar die SAPD weier om dit as prioriteitsmisdaad te verklaar.
Lede van die ANC-vroueliga is ook teenwoordig.
Na verwagting sal daar binnekort ook meer as duisend motorfietsryers aankom om aan Jasmine respek te betoon.
Herman van Niekerk, die bedryfsbestuurder van Maritime Risk Solutions – ‘n private sekuriteitsfirma vir maritieme veiligheid – sê die dwelms wat by Hartenbos uitgespoel het, behoort waarskynlik aan een van die groot misdaadsindikate in die land.
“Hierdie ouens kom deur Knysna en die nabygeleë gebiede, want hulle is basies soos oop poorte … Niemand behartig die polisiëring van die kuslyn nie…”
Die harde dwelms was in blou dromme verpak en vakansiegangers het die dromme in die see opgemerk. Soortgelyke dromme is by Rheebokstrand, naby Mosselbaai gevind asook Pinnacle Point.
Nadat die polisie die vondse by ‘n forensiese laboratorium laat ontleed het, is vasgestel dat dit gesuiwerde kokaïen is met ‘n waarde van altesaam R100 miljoen.
In 2010, was Knysna die plek van een van Suid-Afrika se grootste dwelmklopjagte nadat die polisie ‘n Toledo-vissersboot wat vasgemeer was by ‘n waterfrontwoning, ondersoek het.
Hulle het R9 miljard se kokaïen op die vissersboot gekry.
‘n Kriminoloog van die Universiteit van Stellenbosch het gesê Knysna, Mosselbaai, George en Wilderness is maklike teikens vir smokkelaars omdat dié betrokke kusgebiede selde gepolisieer word.
Die polisie het die publiek gemaan om op die uitkyk te bly vir verdagte pakkies op strande of wat dryf op die see.
Maar, Patricia Gerber direkteur van Locked Up het wetstoepassingsowerhede daarvan beskuldig dat hulle nie genoeg doen om dwelmhandelaars vas te vat nie.
Sy sê die handel is nou buite beheer in die land en sy het ‘n beroep op polisie-amptenare gedoen om hard op te tree teen met diegene wat handel in dwelms.
Gerber sê in 2010, het die Verenigde Nasies (VN) in hul jaarlikse verslag verklaar dat Suid-Afrika die grootste invoerder en uitvoerder van kokaïen geword het.
Sy sê die SAPD en lughawenspersoneel beskerm van die dwelmhandelaars.
Die man wat die Rwandese intelligensiehoof vermoor het, is glo bekend by die Rwandese gemeenskap in Suid-Afrika.
Kolonel Patrick Karegeya , 53 , is Woensdag dood aangetref op ‘n bed in die Michelangelo Towers-hotel in Sandton. Hy het Sondag by die hotel sy bespreking opgeneem.
Sy moordenaar, volgens ‘n lid van die Rwandese gemeenskap in Johannesburg, is ‘n Rwandese sakeman wat bekend is onder die naam “Apollo” wat Sondag op die Gautrein se Sandton-stasie aangekom het.
Die Rwandese gemeenskap glo dat Apollo vir die Rwandese intelligensie werk en Karegeya se vertroue gewen het om hom te kan doodmaak.
Apollo het Karegeya by twee vorige besoeke aan Johannesburg ontmoet en het ‘n vergadering met Karegeya by die Michelangelo-hotel vir Dinsdagmiddag belê, ‘n dag voor sy liggaam ontdek is by die luukse hotel.
Die voormalige Rwandese weermaghoof, generaal Kayumba Nyamwasa het geen twyfel dat sy vriend Karegeya op Oujaarsaand vermoor is deur agente van die Rwandese regering nie.
Hy het self twee oënskynlike sluipmoordpogings in Johannesburg in 2010 oorleef.
Karegeya se liggaam is ontdek nadat sy neef die polisie gewaarsku het.
Op Nuwejaarsdag is sy neef na Karegeya se huis in Roodepoort en het opgemerk dat hy nie daar is nie .
Hy is toe na die Michelangelo, waar hy ontdek het dat die hotelkamer waar Karegeya vir ‘n vergadering was, is gesluit.
Die bestuurder wou nie die deur oopmaak nie, want daar was ‘n “Moenie steur nie” -teken op die deur. Die polisie is ontbied en het die deur oopgemaak .
Nyamwasa het gesê drie of vier mans was glo saam betrokke by die misdaad.
Karegeya se vrou Lea woon in die VSA, met hul kinders, want sy het nie veilig gevoel het in Suid-Afrika nie. Sy het drie jaar gelede verhuis.
Die Rwandese opposisie glo dat die Rwandese regering met alle mag wou ontslae raak van Karegeya om te verhoed dat hy getuig oor die dood van die voormalige Rwandese president Juvenal Habyarimana in April 1994.
Habyarimana se dood het gelei tot die volksmoord in Rwanda, waar die bantoe Hoetoes die etniese Toetsie-minderheid uitgedelg het.
Karegeya het aan Radio France International ( RFI ) in Julie gesê dat hy en Nyamwasa bewyse het dat die Rwandese president Paul Kagame agter die skietery van Habyarimana se vliegtuig was terwyl dit besig was om te land by die Kigali-lughawe.
Karegeya en Nyamwasa het aan RFI gesê hulle is bereid om hul getuienis aan die Franse regter Marc Trevidic te oorhandig, wat die ondersoek na die vliegtuigongeluk lei omdat die vlieënier en mede-vlieënier Franse was.
Nyamwasa het gesê Trevidic het hulle nog nie gevra vir die bewyse nie.
Die polisie in die Suid-Kaap het vakansiegangers gevra om uit te kyk vir vreemde items wat in die see dryf.
Dié oproep volg nadat sakke wat vermoedelik met kokaïen ter waarde van R50 miljoen gevul is, op die strand tussen Mosselbaai en Klein Brakrivier uitgespoel het.
Die polisie sê die sakke is na ‘n laboratorium gestuur om vas te stel of die inhoud wel kokaien is.
Dit is glo die vierde ontdekking sedert Kersfees.
Intussen het twaalf mense wat in KwaZulu-Natal in hegtenis geneem is weens die beweerde besit van dwelms ter waarde van R5 miljoen, in die Verulam landdroshof verskyn.
Die Nasionale Vervolgingsgesag sê die saak is uitgestel tot 8 Januarie wanneer die beskuldigdes om borg sal aansoek doen.
Die polisie het beslag gelê op 100 Mandrax tablette, ‘n groot hoeveelheid kokaïen- en heroïenmengsel asook heroïenpoeier.
Die hoeveelheid kokaïen waarop die polisie reeds beslag gelê het in Suid-Afrika in die afgelope jaar is soveel soos 26 volwasse olifante in gewig.
Die onwettige drank wat hulle gekonfiskeer het sal amper ‘n Olimpiese swembad vul, wat 2,5 miljoen liter water kan hou.
Die minister van polisie het vroeër aangekondig dat in 2012/13 sowat 145 560kg se kokaïen gekonfiskeer is saam met 196 ton dagga en 347 860kg tik .
Daar is 89 klandestiene laboratoriums opgespoor en afgebreek oor die afgelope drie jaar.
In die Wes-Kaap is 2 501kg se “whoonga” ook opgespoor. Dit is ‘n dwelmkonkoksie wat glo gemaak word van anti-retrovirale VIGS-medisyne.
Die dodetal vir 2013 se feesseisoen gaan die hoogste in die Suid-Afrikaanse geskiedenis wees. Die aantal sterftes kan so hoog wees soos 1736, sê ‘n bestuursvaardigheidspesialis Rob Handfield-Jones.
Handfield-Jones was Vrydagoggend op AM Live waar hy gesê het in 2008/2009 was die voorlopige dodetal tydens die feesseisoen 937.
Hy sê dié syfer kan met 15% styg tot 20% teen die tyd dat die 30 dae wagtydperk vir verkeersterftes afgehandel is.
Dit beteken dat 2013 se Kersfees die eerste feesseisoen kan word waarin meer as 2000 verkeersterftes plaasgevind het.
Jones sê die toename in die dodetal kan toegeskryf word aan die lisensiëringstelsel wat in duie gestort het.
Hy sê korrupsie en omkopery is een van die groot uitdagings in die lisensie-afdeling.
Jones het ook die skuld gepak op die Road Traffic Management Corporation (RTMC) vir sy gebrek aan leierskap en hy het ook ‘n beroep op alle motoriste gedoen om die reëls van die pad te gehoorsaam.
Druk verkeer word van vandag af op die land se paaie verwag met vakansiegangers wat terugkeer huis toe.
Volgens die Gautengse verkeersdepartement is verkeersbeamptes op die provinsie se paaie slaggereed vir die groot terugtog.
Die N1, N2, N3 en die N4 sal na verwagting druk besig wees.
Owerhede by die land se grensposte verwag die groot toeloop van vandag af.
Veral die Lebombo-grenspos naby Komatipoort op die grens na Mosambiek, sal na verwagting besonder besig wees en sal 24 uur beman word.
Sowat 600.000 Mosambiekse mynwerkers en vakansiegangers het die grens net in Desember oorgesteek.
Vrae heers oor die dood van ‘n voormalige Rwandese senior militêre intelligensiebeampte, wat verwurg in sy kamer in ‘n spoghotel aangetref is, het die SABC berig.
Kolonel Patrick Karegeya is op Nuwejaarsdag dood aangetref. ‘n Lid van die opposisieparty in die sentrale Afrika-land sê Karegeya is vermoor, maar die Rwandese hoë kommissaris in Suid-Afrika ontken dit.
Karegeya het saam met ‘n voormalige weermagshoof, Faustin Nyamwasa, uit Rwanda gevlug nadat hulle daarvan beskuldig is dat hulle ‘n staatsgreep teen President Kagame se regering in die mou gevoer het.
‘n Woordvoerder van die polisie, Luitenant-kolonel Katlego Mogale sê ‘n saak van moord is by die Sandton polisie aanhangig gemaak.
Hy sê die saak sal aan die direktoraat vir prioriteitsmisdaad vir verdere ondersoek oorhandig word.
Mogale sê hulle vermoed vuilspel .
Die polisie het ‘n tou en ‘n handdoek met bloed op gevind by die lyk en ‘n voorlopige ondersoek het aangedui dat hy verwurg kon gewees het, het Mogale gesê.
Dit is nie die eerste keer dat ‘n top voormalige Rwandese amptenaar op Suid- Afrikaanse bodem geteiken word nie.
In 2010 het die voormalige hoof van die weermag ‘n noue ontkoming gehad nadat hy in die maag geskiet is in die oprit van sy luukse huis in Johannesburg .
Nog ‘n buitelandse ampsdraer is Nuwejaar in Suid-Afrika oorlede.
Tanzanië se minister van finansies William Mgimwa is aan natuurlike oorsake dood in ‘n Pretoriase hospitaal. Hy het behandeling vir ‘n naamlose siekte ontvang.
Mgimwa was aan die spits van Tanzanië se suksesvolle pogings om belegging te befonds en armoede te pak.
Tanzanië se skadu-minister van finansies, Zitto Kabwe , het in ‘n verklaring gesê, sy dood is ‘n groot verlies.
Natuurliefhebbers is ontstoke oor die Nasionale Krugerwildtuin se besluit om ‘n olifantbul vankant te maak nadat ‘n paartjie aangeval is in hulle voertuig.
Die aanval het by ‘n watergat by Pretoriuskop gebeur terwyl die twee die olifant afgeneem het. Die paartjie is ongedeerd maar die man is vir skok behandel.
Die 30-Jarige Britse toeris is Maandag saam met haar 32-jarige Suid-Afrikaanse vriend deur die bul bestorm en 400m ver gestoot in die bosse in.
Kenners meen olifante toon dikwels agressiewe gedrag in die paarseisoen.
Suid Afrika se Nasionale Parke of SANParke sê die olifant is uitgesit omdat hy voorheen soortgelyke aggressiewe gedrag getoon het en dus as ‘n bedreiging vir ander toeriste beskou is.
Hulle sê die olifant het onverwags omgedraai, op hulle voertuig afgestorm en verskeie kere met sy tande gesteek terwyl hy blou VW in die bosse in gerol het.
Die betrokke olifant was kort tevore glo in ‘n geveg met ‘n ander bul betrokke. Jong olifante probeer in die trop indring om met die wyfies te paar en word deur die ouer olifante uitgehou.
Natuurbewaarders sê dit lei tot groot frustrasie wat die jong bul maklik elders kan uithaal. Toeriste behoort te alle tye ‘n gesonde afstand te handhaaf van die diere.
