Clive Derby-Lewis word in die tronk mishandel

Clive Derby-LewisClive Derby-Lewis kan nog steeds nie uit die hospitaal ontslaan word nie, ongeag die verbete stryd deur ses dokters om sy gesondheid te verbeter.

Volgens sy prokureur, mnr. Marius Coertze, is Derby-Lewis op Maandag 20 September in die hospitaal opgeneem as gevolg van ‘n akute toestand van gangreen in sy regteronderbeen.

Hy is Dinsdag 21 September daarvoor geopereer en dooie weefsel van 8cm x 6cm (omtrent se groot soos ‘n man se vuis) is uit sy been verwyder.  Hy is daarna met binne-aarse antibiotika behandel om die gangreen te probeer stop.  Die wond is oopgelaat om te dreineer en die wonddekkings word gereeld gewissel in ‘n poging om die wond steriel te hou.

Die been is tans nog geswel en die kursus antibiotika is voltooi.  Die swelling dui daarop dat die stryd teen die gangreen nog nie gewen is nie.  Mnr Derby-Lewis is op ‘n tweede en sterker kursus antibiotika geplaas om die gangreen te keer.

Hy is egter in ‘n erge verwaarloosde en mishandelde toestand uit die gevangenis opgeneem en dit is nog nie seker of sy been gered kan word nie.  As die gangreen nie vinnig verbeter nie, sal sy regteronderbeen afgesit moet word om verspreiding van die gangreen na die res van sy liggaam te voorkom.

Hoë bloeddruk

In die kliniese ondersoek van mnr Clive Derby-Lewis by sy eerste opname in die hospitaal, het dit geblyk dat sy bloeddruk lewensgevaarlik hoog is (172/140).  Die medici het begin om medikasie te verskaf om sy bloeddruk onder beheer te bring.  Volgens Coertze, is “sy bloeddruk tans onder beheer, maar sal heel waarskynlik weer onstabiel raak, sodra hy terugkeer tronk toe en die goeie mediese behandeling wat hy tans ontvang, ontbeer”.

Kanker

By opname het die dokters ‘n verspreide velkanker aan Clive se regtervoorkop bemerk.  Die kanker strek van die haarlyn by sy regterslaap tot by die oogbank en dek ongeveer ‘n area van 5cm X 5cm.  Volgens die sjirurg, dokter Durand, se medeling aan Clive, neem velkanker ‘n geruime tyd om so groot te word en dui dit daarop dat dit reeds oor ‘n lang periode (twee jaar of langer) presenteer het.  Die kanker is so diep dat dit spontaan bloei.  Biopsies van die velkanker het bevestig dat dit wel aggressiewe velkanker is wat dringend behandel moet word.

Verdere bloedtoetse wat op mnr Derby-Lewis gedoen is, dui daarop dat hy waarskynlik ook prostaatkanker kan hê.  ‘n Uroloog se dienste gaan betrek word om hierdie diagnose te bevestig.

Behandeling

Dr. Durand het Clive meegedeel dat sy toestand die gevolg is van growwe nalatigheid en mishandeling van Clive.  Hy is van mening dat enige mediese praktisyn sonder moeite die diagnose van verskeie siekte-toestande waaraan Clive ly, kon maak.

Marius Coertze, Clive se prokureur, sê dat “Korrektiewe Dienste duidelik bewus was van sy kroniese en akute mediese toestand, maar dit waarskynlik  verwyg en verwaarloos het, in die hoop dat Clive aan sogenaamde ‘natuurlike oorsake’ sal sterf. Korrektiewe Dienste se klandestiene en onmenslike verwaarlosing van Clive sou dan maklik onder die mat ingevee kon word.”

Mishandeling

Die departement van Korrektiewe Dienste se skokkende mishandeling van Clive, ‘n 74-jarige bejaarde man, duur steeds voort, selfs binne-in die hospitaal, volgens mnr Marius Coertze. Tydens die operasie van sy been, het Clive se twee bewaarders daarop aangedring om rondom die operasietafel te staan in die teater, terwyl die operasie uitgevoer word. Dit het die werk van die dokters belemmer en was ‘n oorlas.

Eers nadat Marius Coertze, Clive se prokuereur,  gedreig het om die bewaarders vir minagting van die hof te laat vervolg, het hulle ingestem om buite die deur van die teater te wag en deur die venster die operasie dop te hou.  Die span dokters het erg beswaar gemaak oor hierdie insident in die teater.  Dit belemmer die dokters se werk en veroorsaak ‘n risiko van infeksie en die verspreiding van kieme in die teater.  As ‘n reël word geen persone wat nie deel van die teaterspan vorm in die teater toegelaat nie.

Die tronkbewaarders het mnr Derby-Lewis aan sy hospitaalbed vasgeketting. Hy kan glad nie opstaan en rondbeweeg nie. Dit is noodsaaklik dat ‘n pasiënt post-operatief voldoende beweging kry om bloedklonte te vermy.  Bloedklonte wat nou ontstaan, kan trombose in die been of hart of embolisme in die long veroorsaak.  Ten einde hierdie trauma  en selfs dood te voorkom, word hy nou behandel met bloedverdunnende middels. Dit is die gevolg van Korrektiewe Dienste se houding om ‘n 74-jarige bejaarde man aan sy hospitaalbed vas te ketting.

Dokters is geskok dat die tronkpersoneel onbeskaamd en openlik, terwyl mnr Derby-Lewis onder mediese behandeling is, poog om sy gesondheid te benadeel deur die dokters te verhinder om hom te behandel en in stryd met die medici se opdragte op te tree.  Een bewaarder wou selfs vir dokter Durand verhinder om Clive op die oggend van 24 September te ondersoek omdat hy sê hy ken nie die dokter nie en weet nie of hy in die kamer toegelaat mag word nie.

Volgens Marius Coertze is die nuutste voorval van Korrektiewe Dienste se onmenslike houding teenoor Clive Derby-Lewis dat mev Gaye Deby-Lewis nie toegelaat word om hom te besoek nie. Sy is slegs een besoek aan mnr Deby-Lewis vergun.  Sy het hom gister besoek.  Sy word gedwing om telkens meer as ‘n uur te wag vir ‘n skriftelike toestemming om hom te besoek.  So ‘n skriftelike toestemming is slegs vir een besoek van 45 minute geldig.  Dan moet sy die volgende dag weer na die tronk toe gaan vir ‘n nuwe toestemming.  Die Pretoria-Sentraalgevangenis se administrasie is gesluit vir die lang naweek, met die gevolg dat niemand hom gedurende die naweek sou kon besoek nie.

Die tronk het ook aan hom vorms verskaf om te teken.  Hy sê dit kom daarop neer dat hy persoonlik vir die bewaarders wat hom oppas se vergoeding moet betaal.  Mnr Coertze kon hom nie  adviseer oor die regsimplikasies van die vorm nie, aangesien hy toegang tot mnr Derby-Lewis geweier word.

запчасти насосЛобановский Харьков

Behou Nelspruit se naam!

Die Vryheidsfront Plus ondersteun die landwye veldtog om die naam van Mbombela terug na Nelspruit te laat verander.

Adv. Anton Alberts, VF Plus-parlementêre woordvoerder oor Finansies, het in ‘n verklaring gesê dat die party die Besigheidskamer van Nelspruit se protesaksie om Nelspruit se naam terug te laat verander van Mbombela af na Nelspruit, steun. Volgens mediaberigte het 23 000 mense reeds aangedui dat hulle hierdie aksie ondersteun.

“Die party beskou naamsverandering in ‘n ernstige lig en sal voortgaan met sy gesprekke met die ANC-regering om ‘n werkbare oplossing te vind vir naamsveranderinge,” het adv. Alberts gesê.

“Die regering faal in alle opsigte om dienste te lewer en skram weg van die werklike nood op plaaslike vlak. Naamsveranderinge dien as politieke oplossings vir swak dienslewering, maar is tot niemand se voordeel nie. Daarbenewens het hierdie verandering van Nelspruit se naam na die van Mbombela op ‘n onreëlmatige manier geskied,” was adv. Alberts se mening.

Plaaslike besighede moet ook uitermatige groot finansiële kostes aangaan om die naamsverandering in hul besighede se bemarking- en ander materiaal aan te bring. Hierdie uitgawes is onnodig aangesien die naamsverandering slegs deur politieke oorwegings meegebring is.

рейтинг большой теннислобановский депутат

Absa moet begin eerlik raak

ABSA verwar tans rugby-ondersteuners en ABSA-kliënte met hulle verwarrende uitsprake oor rassekwotas in rugby. ‘n Bank se taak is eerder om te help met die ontwikkeling van opkomende sportmanne as om te probeer voorskryf hoe sportspanne gekies moet word.

Mnr. Louis von Zeuner van ABSA het vandag tydens ‘n onderhoud op RSG nie ontken dat hy ‘n sms aan mnr. Oregan Hoskin, president van SARU, gestuur het waarin hy vrae vra oor die min swart spelers in Curriebeker-spanne nie. Dit blyk dus dat mnr. Von Zeuner, namens ABSA, rugby-ondersteuners mislei het toe hy dit gestel het dat ABSA nie ten gunste van kwotas in rugby is nie. In plaas van meriete het die hoofborg van rugby in Suid-Afrika nou op subtiele en indirekte manier aangedring op ras as kriteria vir plasing in ‘n rugbyspan.

Die VF Plus was gister (20 September 2010) in gesprek met mnr. Von Zeuner en ABSA oor hierdie saak en beplan om dit met ‘n verdere gesprek op te volg. In hierdie verdere gesprekke sal die VF Plus duidelikheid oor ABSA se standpunt wil kry. Tydens die gesprek sal die VF Plus terselfdertyd ook graag wil weet wat die bydra van ABSA is ten opsigte van die bevordering van wit jongmense wat deur regstellende aksie geraak word asook wat die bank doen vir die bekamping van armoede – veral ook onder wit mense.

Die VF Plus is ten gunste van die ontwikkeling van spelers sodat hulle op gelyke voet en op meriete op die hoogste vlak kan meeding. Kwotas en spelers wat nie op meriete vir Curriebeker- en Springbokspanne gekies word nie is egter onaanvaarbaar. Die aandeelhouers en kliënte van ABSA behoort die bestuur te konfronteer oor hierdie standpunte. Dit is onaanvaarbaar dat ‘n maatskappy soos ABSA na sestien jaar steeds vasgevang is in polities-korrekte denkrigtings wat meriete in sport misken.

Die VF Plus glo dat ABSA eerlik moet wees met die ondersteuners van rugby oor die bank se standpunte ten opsigte van kleurkwotas in rugby. Dan kan kliënte en ondersteuners self besluit wat hulle houding teenoor die bank moet wees.

линейный светильникАлександр Фильчаков прокурор

Swart leering skop witte bewusteloos

Die Volksblad berig dat ‘n graadnegeleerling van die Orionskool in Welkom deur ‘n swart medeleerling bewusteloos geskop is terwyl hy op die grond lê. ‘n Klag van aanranding is by die polisie gelê. Die slagoffer is Norman Fourie (16)wat glo deur die 18-jarige swarte gevloek is, alvorens ‘n bakleiery uitgebreek het.

‘n Medeleerling het die video-opname (hierbo) met sy selfoon gemaak. Norman het harsingskudding opgedoen en kon agterna nie onthou dat sy pa vier jaar gelede dood is nie. Volgens sy ma, mev. Elsie Fourie, “kan hy niks van die aanranding onthou nie. Sy pa is al vier jaar dood, maar hy kan dit nie onthou nie. Hy het Maandag, nadat hy ná die aanranding sy bewussyn herwin het, gehuil en sy pa gesoek.”

Mev. Fourie het ook die skoolpersoneel kwalik geneem omdat hulle niks gedoen het om haar seun te help nie. Sy sê: “Volgens ooggetuies het die skoolhoof, mnr. Hennie Burger, gesien wat gebeur, maar het dit nie gekeer nie. Volgens die ooggetuies het die ander seun, wat in gr. 8 is maar glo reeds 18 jaar oud is, my seun aanhou vloek. Norman het hom gevra om op te hou, waarna die aanranding plaasgevind het.” Ooggetuies beweer ook dat daar ‘n mes of ander skerp voorwerp betrokke was en Norman het ‘n sny en krapmerke aan sy rug, nek en elmboë.

Op die video kan gesien word hoe die swart leerlinge die aanrander aanpor om Norman verder te skop en te slaan. Norman is uiteindelik deur maats in sy bewustelose toestand van die toneel weggesleep.

интернет магазинданильченко юрий брониславович прокурор

Geen werksetiek lei tot munisipale verval

“Die gebrek aan werksetiek en die blatante ignorering van statutêre voorskrifte deur munisipale amptenare is die grootste enkele rede vir die onaanvaarbare toestand waarin munisipaliteite in die Vrystaat hulle tans bevind,” het Abrie Oosthuizen, LPW en Vrystaatse leier van die Vryheidsfront Plus gesê.

“Die Ouditeur-generaal se algemene verslag oor die uitkoms van die ouditering van munisipaliteite en munisipale entiteite in die Vrystaat, wat nou in die Vrystaatse Wetgewer ter tafel gelê is, toon aan dat geen munisipaliteit of entiteit in die Vrystaat ‘n skoon oudit verslag kon kry nie. Dit is ‘n klad op die Vrystaat se naam,” volgens Oosthuizen.

Die toestand van 16 van die 23 munisipaliteite in die Vrystaat waaroor verslag gedoen is, was so swak dat die Ouditeur-generaal nie in staat was om ‘n ouditmening te gee nie. Dit beteken dat 70% van die munisipaliteite in die Vrystaat in hierdie totaal onaanvaarbare toestand verkeer. Oor twee munisipaliteite is uiters ongunstige ouditmenings uitgespreek en was hulle net gelukkig om nie ook ‘n weerhouding van mening op die hals te haal nie. ‘n Verdere twee munisipaliteite het ‘n gekwalifiseerde ouditmening gekry en twee ander munisipaliteite het ‘n finansiële ongekwalifiseerde verslag gekry, maar die Ouditeur-generaal moes ander sake in die verslag uitlig en kwalifiseer.

Die tendens wat van die grootste oorsake vir die swak oudit uitkoms is, substansiële verliese (R47 miljoen), ongemagtigde uitgawes (R742 miljoen), vrugtelose en verspilde kostes (R57 miljoen), onreëlmatige uitgawes (R665 miljoen) en die beskikbaarheid van stawende dokumente. Dit maak die toestand nog meer onaanvaarbaar en sorgwekkend. Alhoewel nie een munisipaliteit onder spandeer het nie, is ‘n bedrag van R453 miljoen, wat as oordragbetalings aan ses munisipaliteite betaal is vir behuising-, water- en elektrisiteitsvoorsiening en gemeenskapfasiliteite nie spandeer nie.

In 96% van die gevalle het munisipaliteite nie die bepalings van die Munisipale Finansiële Bestuurswet nagekom nie. In 91% van die gevalle is die bepalings van die Munisipale Strukture Wet en in 55% van die gevalle die voorsiening regulasies nie nagekom nie.

Van die 23 munisipaliteite wat ontleed is, het 21 (91%) van konsultante gebruik gemaak om hulle finansiële bestuur te hanteer. In slegs 3 (14%) van hierdie munisipaliteite was daar ‘n geringe verbetering in die oudit-uitkoms.

By meeste munisipaliteite word voorraad- en batebeheer uiters gebrekkig toegepas, daaglikse rekonsiliasies tussen kontant en kwitansies vind nie plaas nie, maandelikse bankrekonsiliasies word nie gedoen nie en liassering van stawende dokumente is nie ‘n prioriteit nie.

Terwyl munisipale bestuurders en senior amptenare by munisipaliteite astronomiese salarisse verdien, is die finansiële bestuur by bykans elke munisipaliteit in die Vrystaat in ‘n chaotiese toestand. Die Vryheidsfront Plus wys reeds ‘n geruime tyd daarop dat die haglike finansiële bestuur by munisipaliteite die direkte oorsaak vir swak dienslewering is.

“Die haglike toestande waarin munisipaliteite in die Vrystaat gedompel is, het ‘n punt bereik waar dit aan kriminaliteit grens, aangesien dit neerkom op diefstal van die belasting- en dienste-betalers se geld,” het Oosthuizen gesê.

осушитель воздуха ценалобановский александр игоревич класс

ANC se algemene raad agter geslote deure

Die ANC se nasionale algemene raad sal vandag in Durban ‘n geslote vergadering hou op die tweede dag van sy middeltermynbeleidsbyeenkoms.

Afgevaardigdes sal na verwagting in kommissies verdeel om ‘n groot aantal kwessies te bespreek, insluitend ekonomiese transformasie en vrede en stabiliteit.

Die NAR het Maandag begin met ‘n ferm president Jacob Zuma wat die leviete oor dissipline, steunwerwing, verhoudings binne die regerende alliansie en openbare rusies voorgelees het.

Zuma se politieke verslag, wat sowel versoenend as krities teenoor die alliansie was, is goed ontvang deur die SA Kommunistiese Party en die Congress of SA Trade Unions na maande van gespanne verhoudings.

Die ANC-jeugliga het ‘n skrobbering ontvang, met Zuma wat vra vir ‘n terugkeer na revolusionêre dissipline. Hy het ook die chaos by sommige konferensies van die Jeugliga as onaanvaarbaar beskryf.

Geen nuwe beleid

Hy het weereens ‘n beroep gedoen dat die debat oor die 2012-leierskapstryd laat vaar word totdat die regte tyd aanbreek. Hy het geëindig deur van sy voorbereide veslag af te wyk en te sê dat die NAR nie die tyd is om nuwe beleid te bespreek nie.

Nasionalisering van die myne is ‘n nuwe beleid wat die jeugliga by die NAR wil propageer en in ANC-beleid wil omskep.

Die ANC se 2000 afgevaardigdes het Maandagmiddag ‘n geslote vergadering gehou waar hulle ‘n organisatoriese verslag van die sekretaris-generaal, Gwede Mantashe en die tesourier se verslag deur Matthews Phosa aangehoor het.

Mantashe se verslag het die funksionering van die ANC sedert sy verdeeldheid by die Pietersburgse verkiesingskonferensie in 2007 onder die loep geneem.

Sy verslag sê dat mense die ANC soos ‘n werkverskaffingsburo gebruik en dat daar verhoogde kommer oor swak dissipline bestaan.

Die nasionale algemene raad duur voort.

воздушный компрессор безмасляныйФільчаков прокурор

Houtbaaiplakkers in oproer

Die Hangberg-gebied by Houtbaai is in oproer nadat die stad Kaapstad se beamptes begin het om sinkhuise af te breek. Sinkplaatskuilings van die krotbuurt word deur die stad se eenheid teen onwettige grondbesetting vernietig.

Onwettige strukture wat aan die brandpad grens word tans geteiken tot groot ontsteltenis van die eienaars. Inwoners het paaie met brandende bande afgesper en het hulself na klipgooi gewend.

Die polisie in Houtbaai se woordvoerder, Tanya Lesch, het aan Nuus24 gesê metropolisielede is op dit toneel.

подвесной светильник армстронгАлександр Фильчаков Васильевич

Soldate wil weer betoog

Soldate berei voor om aanstaande maand voor die Uniegebou in Pretoria te betoog en ‘n memorandum te oorhandig, het die Suid-Afrikaanse Veiligheidsmagtevakbond (Sasfu) gister in Pretoria gesê.

Sasfu se Gautengse voorsitter Mfazwe Plaatjie het gesê die unie beplan ook regstappe teen die minister van verdediging en oorlogsveterane Lindiwe Sisulu omdat sy honderde soldate op spesiale verlof hou.

Hy het gesê dat die soldate op spesiale verlof geplaas is en nie gewerk het sedert die SA Nasionale Weermag (SANW) hulle geïdentifiseer het as deelnemers aan ‘n optog in Augustus 2009 nie, toe die polisie rubberkoeëls gebruik het om die soldate uiteen te jaag.

“Hulle betaal mense om by die huis te sit en niks te doen nie. Dit is ‘n vermorsing van belastingbetalers se geld en dit is teen ‘n hofbevel,” het hy gesê.

Kort ná die optog, het die SANW briewe gestuur aan sowat 1 500 soldate. Hulle is afgedank, tensy hulle in staat was om te verduidelik waar hulle hul op 26 Augustus 2009 bevind het.

Op 9 September het die Noord-Gautengse Hooggeregshof in Pretoria bevind dat hulle heraangestel moet word met volle voordele.

Plaatjie sê die meeste is op spesiale verlof geplaas en hy glo ongeveer 200 werk steeds nie.

Interdik

‘n Woordvoerder van die ministerie van verdediging Ndivhuwo Ha Wa Mabaya het gesê: “Sasfu het sl dikwels voorheen gesê dat hulle ‘n optog wil hou. Ek kan nie kommentaar lewer op bespiegelings nie…”

Maar Plaatjie meen die regering is bewus van die beplande opmars op 23 Oktober.

“Hulle is nou daarvan op hoogte, en as hulle daarmee wil ophou, moet hulle dit nou doen, sodat ons onsself in die hof kan verdedig,” het hy gesê, en daaraan toegevoeg dat die regering vir ‘n paar weke van die betoging op 26 Augustus bewus was.

“Daar is geen behoefte aan ‘n dringende interdik nie. Ons gee hulle vooraf kennisgewing van die optog,” het hy gesê.

Hy meen dat afgesien van hul eis vir die herindiensneming van soldate wat nog steeds op spesiale verlof verkeer, eis die vakbond dat die minister die militêre bedingingsraad moet gebruik om die soldate se klagtes aan te hoor.

Hy het gesê die raad is ‘n legitieme liggaam wat deur die regering in Augustus 1999 gestig is toe dit in die Staatskoerant gepubliseer is.

Hy het gesê die laaste keer dat vakbonde met ‘n minister van verdediging of sy verteenwoordiger ontmoet het, was Mosiuoa Lekota in 2007.

Sasfu ook ‘n beroep op die SANW gedoen om die teistering van vakbondlede te staak en om die vergoeding van alle soldate te verbeter, insluitende behuisingstoelaes.

Spioene

Die vakbond vereis ook die vinnige transformasie van die SANW.

Plaatjie sê dit sluit in die onthulling van die name van die voormalige vryheidsvegters wat vir vir die apartheidsregering gespioeneer het en ‘n hersiening van militêre vaardigheidsontwikkelingskontrakte, op grond waarvan jongmense vir ‘n tydperk van twee jaar gewerf is.

Hy het gesê dat diegene wat aangemeld het in die gebruik van wapens opgelei is, maar het geen ander vaardighede na twee jaar nie. Hy het gesê dat die kontrakte vir ‘n langer tydperk behoort te geld.

“Jy loop gevaar om misdadigers en mense wat net weet hoe om te skiet, los te laat. Hulle het ander vaardighede nodig voordat hulle uitklaar,” sê Plaatjie.

Hy het ook ‘n versoek aan Sisulu gerig om die tussentydse verslag van die militêredienskommissie vry te stel.

Die kommissie is gestig nadat die optog in Augustus 2009 plaasgevind het, maar tot op hede is sy verslag nog nie bekendgemaak nie.

“Ons sou graag wou weet wat dit sê. Hierdie verslag kos belastingbetalers geld. Suid-Afrikaners sou graag wou weet wat dit sê,” meen Sasfu se adjunkpresident Charles Jacobs.free slot gamesалександр лобановский харьков

Selebi se regskoste nou R17m

Die minister van Veiligheid en Sekuriteit, mnr. Nathi Mthethwa, het skriftelik bevestig dat Jackie Selebi se regskoste tot 30 Junie vanjaar, die belastingbetaler R17,4 miljoen (R17 410 266-00) uit die sak gejaag het. Mthethwa het skriftelik geantwoord op ‘n vraag van Pieter Groenewald van die Vryheidsfront Plus. Op ‘n verdere vraag van Groenewald of die minister die koste van Selebi sal terugeis en verhaal in die lig dat Selebi skuldig bevind is, het Mthethwa gesê dit sal eers oorweeg word as Selebi se appèl afgehandel is.

“Dit is duidelik dat die belastingbetaler moet opdok vir iemand wat die Hooggeregshof as ‘n misdadiger skuldig bevind het. Uit die verhoor het dit geblyk Selebi se bates beloop ongeveer R3,4 miljoen. Die Batebeslagleggingseenheid kon op slegs R320 722 beslag lê. Dit toon ‘n verlies van R14,7 miljoen vir belastingbetalers. Daar moet ook geen verdere koste deur die staat betaal word vir Selebi se appèlsaak nie, want dit sal neerkom op verkwisting van belastinggeld,” sê mnr. Pieter Groenewald, hoofwoordvoerder van Polisie vir die Vryheidsfront Plus.

Die minister van Justisie en Staatkundige Ontwikkeling, mnr. Jeff Radebe, het vroeër die maand, ook op ‘n vraag van Groenewald, bevestig oorweging word gegee dat die staat ook Selebi se regskoste van sy appèl sal dra. Die Vryheidsfront Plus het toe ‘n klagte ingedien by die Openbare Beskermer om te bepaal of belastinggeld nie wanaangewend word nie. Die Openbare Beskermer is tans besig met die ondersoek.

печь для сауныФильчаков прокуратура харьков

Helfte van alle misdaad in Gauteng gepleeg

Ongeveer 50% van Suid-Afrika se misdaad word in Gauteng gepleeg, het die nuwe Gautengse polisiekommissaris luitenant-generaal Mzwandile Petros gister gesê.

“As ons dus die stryd teen misdaad in Gauteng sou wen, sou ons misdaad in ‘n aansienlike mate nasionaal verminder,” het Petros by ‘n anti-misdaadspitsberaad in Pretoria gesê.

Hy sê Gauteng produseer die ergste misdadigers in die land en hulle verskuif soms na ander provinsies om misdaad daar te pleeg.

“Ons word deur misdadigers in dié provinsie gyselaar gehou.”

In sy plan om misdaad in die provinsie te verminder, het Petros gesê die polisie se sigbaarheid sal geprioritiseer word. Sigbaarheid lei tot misdaadvoorkoming.

“Die strate mag nie ons mense laat doodgaan of laat verkrag raak nie. Die polisie moet die strate wat mense gebruik, patrolleer; sommige moet so vroeg soos 4:00 na bus- en treinstasies loop om by die werk te kom.”

Kommerwekkend

Hy het gesê dit is verontrustend dat daar geen polisie-patrollievoertuie op die gevaarlike dele van paaie, waar rooftogte, kapings en moorde plaasvind, beskikbaar is nie.

Petros beplan om die polisie se toeganklikheid te verhoog, veral in die lokasies en informele nedersettings.

“Dit is onaanvaarbaar dat daar net een polisiestasie in Tembisa is wat meer as een miljoen mense bedien. Inwoners moet twee taxi’s mense neem om misdaad by die polisiestasie aan te meld en dit kan nie reg wees nie.”

Die monitering van misdaad op ‘n weeklikse of maandelikse grondslag sal help om ‘n duideliker prentjie te gee van waar die polisie harder moet werk.

“Ons is R1,2 miljard toegeken om misdaad te bestry en ons moet lewer.”

Aanspreeklikheid is belangrik waar dit reaksie op mense se klagtes aanbetref, sê Petros, en voeg by dat die Hillbrow- en Pretoria-sentrale polisiestasies problematies is.

балансировочные стендыФильчаков