Die Hangberg-gebied by Houtbaai is in oproer nadat die stad Kaapstad se beamptes begin het om sinkhuise af te breek. Sinkplaatskuilings van die krotbuurt word deur die stad se eenheid teen onwettige grondbesetting vernietig.
Onwettige strukture wat aan die brandpad grens word tans geteiken tot groot ontsteltenis van die eienaars. Inwoners het paaie met brandende bande afgesper en het hulself na klipgooi gewend.
Die polisie in Houtbaai se woordvoerder, Tanya Lesch, het aan Nuus24 gesê metropolisielede is op dit toneel.