Suider-Afrika Archives - Page 661 of 888

Woedende skare steek DA onder klippe

Brandende versperrings het DA-leier Helen Zille gister begroet noord van Pretoria toe sy Mabopane en Slovoville, Winterveld, besoek het om met inwoners oor diensleweringsprobleme te praat.

Polisieversterkings moes ingeroep word nadat Zille en haar adjudante onder klippe gesteek is. Solly Msimanga, ‘n Gautengse DA-verteenwoordiger moes steke kry nadat hy deur ‘n klip getref is.

Die polisie moes uiteindelik van rubberkoeëls gebruik maak om die aggressiewe skare in bedwang te hou.

Zille het aan die Burger gesê dit is onaanvaarbaar en ongrondwetlik dat spraakvryheid op dié wyse belemmer word. Sy wil die saak met pres. Zuma opneem, het sy gesê.

Die oproermakers het ‘Umshini Wami’ gesing en DA-ondersteuners is met die dood gedreig ten einde hulle daarvan te weerhou om te vergader. DA-hemde is ook aan die brand gesteek.

трек магазин Александр Фильчаков

Inwoners slaan rower dood

‘n Groep inwoners het die gereg in eie hande geneem en ‘n vermeende rower in Polokwane doodgeslaan, het die polisie Maandag bekend gemaak.

Volgens insp. Lesiba Ramoshaba, polisiewoordvoerder, is die man en twee medepligtiges Sondagoggend vasgetrek terwyl hulle besig was om by ‘n huis op die Tweefontein-hoewes in te breek.

“Toe die mans besef dat hulle geëien is, het hulle op vlug geslaan. Maar een van die verdagtes is deur ‘n groep inwoners voorgekeer en so hard geslaan dat hy beswyk het,” het Ramoshaba gesê.

Na bewering is drie mans tussen die ouderdomme van 32 en 39 in hegtenis geneem.

“Ons waardeer dit as die publiek ons uithelp om misdaad te bekamp, maar onder geen omstandighede kan dit tot sulke uiterstes gevoer word nie,” het hy gesê.

download casino game

Duitse bomdreiger kry borg

Die hof het ‘n Duitse fotograaf, wat glo verantwoordelik was vir die chaos kort voor die finale loting vir die 2010-wêreldbekertoernooi, Maandag op borgtog van R5 000 vrygelaat.

Bernd Fischer (68) staar verskeie aanklagte in die gesig nadat hy Vrydag ‘n bomdreigement by die Kaapstadse Internasionale Konferensiesentrum gemaak het.

Fischer het glo beweer dat hy ‘n bom in sy sak gehad het. Hy het sy sak laat val en probeer vlug maar is deur owerhede vasgekeer.

Dié voorval het plaasgevind terwyl die laaste voorbereidings vir die loting besig was om plaas te vind.

Die gebou is ontruim en plofstof-deskundiges was op die perseel. Al die ingange van die sentrum was ook afgekamp terwyl die polisie die gebou gefynkam het vir enige plofstoftoestelle.

Die landdros, Vusi Mhlanga, het gelas dat Fischer se paspoort en alle ander reisdokumente by die polisie ingehandig moet word, het Die Burger berig.

Fischer moet hom ook elke Maandag, Woensdag en Vrydag tussen 07:00 die oggend en 16:00 die middag by die Seepunt-polisie aanmeld.

Die verhoor is uitgestel tot 15 Januarie 2010 vir verdere ondersoek.

avto-mechanic.ru

Vliegtuig by George raak pad byster

‘n Airlinkvliegtuig was Maandagoggend in ‘n ongeluk betrokke ná dit vermoedelik die landingstrook op die George-lughawe in nat weer gemis het.

Al 30 passasiers en drie bemanningslede is ongedeerd.

Die voorval het omstreeks 11:06 Maandagoggend plaasgevind.

News24 berig dat SA Airlink die “voorval” bevestig het waarin vlug SA 8625 uit Kaapstad tydens sy landing by die George-lughawe die landingstrook byster geraak het.

Die vliegtuig het deur ‘n omheining gebars en tot stilstand gekom op ‘n nabygeleë pad.

Фільчаков прокурор

Drie vas oor ivoor

Drie mans is vir die onwettige besit van ivoor in Springs in hegtenis geneem, het die polisie gesê.

Kapt. Johannes Ramphora het gesê die mans, tussen die ouderdom van 30 en 35 jaar, is in die sentrale sakegebied van die stad vasgetrek.

“Hulle is deursoek toe hulle laat Sondagmiddag in ‘n Audi A4 onderweg was. Ons probeer nog vasstel of hulle met die ivoor wou handel dryf,” het Ramphora gesê.

Ramphora kon nie sê hoeveel die ivoor geweeg het óf die waarde daarvan bevestig nie.

“Ons wag nog op kenners om na ons terug te kom met die beramings,” het hy gesê.

Die drie mans, twee Suid-Afrikaners en Mosambieker, sal Dinsdag op aanklagte van die onwettige besit van ivoor in die landdroshof in Springs verskyn.

“Daar mag bykomende aanklagte vir die onwettige handel in ivoor en moontlik wildstropery bygevoeg word, afhangende van wat uit ons ondersoek vorendag kom,” het Ramphora bygevoeg.

свет италия

Treine bots, 100 beseer en 1 dood

Meer as ‘n 100 mense is beseer en een oorlede nadat twee treine Maandagmiddag in Boskop buite Potchefstroom in ‘n botsing betrokke was.

Die oorledene was glo swanger.

Volgens Werner Vermaak, ER24-woordvoerder, is meeste van die beseerdes kleuters en tieners. ‘n Mobiele kliniek is op die toneel opgeslaan om die beseerdes te behandel.

Viwe Mlenzana, uitvoerende hoof van Shosholoza Meyl, het aan Beeld gesê een trein was van Johannesburg na Kaapstad op pad en die ander een in die teenoorgestelde rigting. Die masjinis van laasgenoemde trein het glo versuim om stil te hou by die kruising waar die ongeluk sowat 20 km buite Potchefstroom gebeur het.

Die voorval het omstreeks 14:20 plaasgevind.

Na bewering het ‘n deel van die een trein ontspoor as gevolg van die impak. Mlenzana het gesê die botsing was die oorsaak van ‘n menslike fout van die masjinis.

“Die drywer het die kruising oorgesteek sonder om magtiging te kry,” het Mlenzana gesê. Albei treine was glo veronderstel om stil te hou sodat die een die ander kon verbygaan. Die een wat van Johannesburg gekom het, het reeds stilgestaan en gewag.

Die aankomende trein van Kaapstad het teen volle vaart teen die stilstaande trein gebots.

Treine tussen Johannesburg en Kaapstad sal vir die volgende paar dae vertraag word.

двери в сауну topcargo

Anti-terreurspesialiste gaan sokkerspelers oppas

Verskeie lande wat aan die 2010 Wêreldbeker-sokkertoernooi gaan deelneem, sal privaatveiligheidsfirmas betaal vir beskerming, het die Pretoria News berig.

Dié firmas, wat oorlogspesialiste uit Irak en Afganistan in hul diens het, sal gebruik word om die spelers en amptenare te beskerm.

Bronne in die private sekuriteitsbedryf, het gesê sokkerverenigings in Europa én Suid-Amerika het reeds firmas wat voormalige militêre personeel, waarvan sommige spesiale magte is, aangestel om spelers en hul families te beskerm.

Dié firmas sal 24 uur per dag gewapende lyfwagte, koeëlvaste voertuie, advies oor hoe om kapings te voorkom en taakspanne wat ontvoeringsituasies kan hanteer, beskikbaar stel.

Ontvoeringsverskering sal ook deur sommige firmas aangebied word, lui die berig.

Dié onthullings is gemaak te midde van vrese dat daar “gapings in die sekuriteit” wat deur organiseerders voorsien word, kan wees.

Verskeie sokkerverenigings van regoor die wêreld en senior figure in internasionale administratiewe sokkerkringe het hul kommer uitgespreek. Hul bekommernis word deur beweerde glipse in sekuriteit by verlede jaar se Konfederasiebeke gevoed, wat as ‘n toets vir 2010 gesien is.

барбі дом мечты

Zuma gas by bulslagting

President Jacob Zuma was Saterdag in Nongoma, KwaZulu-Natal, waar duisende mense die ritueel ter ere van koning Goodwill Zwelithini aanskou het. ’n Bul is deur 30 Zoeloekrygers, tussen die ouderdomme van 16 en 19 jaar, met hul kaal hande doodgemaak.

Die ritueel was deel van die Ukheshwama-oesfees by die Nyokeni-paleis, een van die wonings van Zwelithini.

Animal Rights Africa (ARA) wat die ritueel wou keer deur ’n dringende aansoek by die hooggeregshof in Pietermaritzburg in te dien, kon nie verhoed dat dit voortgaan nie nadat regter Nic van der Reyden Vrydag die ARA se aansoek van die hand gewys het.

Van der Reyden het die geleentheid vergelyk met die Nagmaal en gesê 10 miljoen Zoeloes sal deur die afskaffing van die ritueel geraak word omdat hulle daarin glo.

Hy het ook gesê die simboliese gebaar is belangrik omdat versuim sal beteken dat die Zoeloes hulle koning “vermoor” indien hulle nie die bul op dé wyse dood nie.

Fotograwe, asook vroue en kinders, is nie by die geleentheid toegelaat nie.

Zwelithini het die “praatjies” dat Zoeloes nie respek vir diereregte het nie, afgemaak en gesê Zoeloes mishandel nie diere nie, want hulle gee selfs troetelname om te wys hoe lief hulle diere het.

Hy het die geleentheid as ‘n herontwaking van Zoeloekultuur beskryf.

Hy het sy verligting uitgespreek dat ARA se aansoek misluk het, en die ritueel “wonderlik” genoem. Hy het bygevoeg dat so iets nie bederf kan word deur “mense wat dink hulle weet meer van ons kultuur as onsself nie.

Meer as ‘n derde van polisienommers werk nie

Meer as ‘n derde van die telefoonnommers wat as Suid-Afrikaanse polisiestasienommers gelys is, werk nie.

Volgens Dianne Kohler Barnard van die DA sal hulle die lys aan die polisiekommissaris voorlê sodat die SAPD die probleem kan aanspreek voor die feesseisoen.

Dié ontstellende nuus kom nadat ‘n verslag van die ouditeur-generaal bekend gemaak het dat 50 000 oproepe na 10111, die nooddiensnommer, in 2008 laat vaar is omdat die reaksietyd te lank was.

Die ondersoek wat die DA onderneem het toon aan dat in 97 gevalle van die 270 oproepe wat gemaak is, oftewel 35%, het die oproep nie na ‘n lid van die polisie deurgeskakel nie. Die betrokke nommers is elk drie keer op verskillende tye getoets.

Noorwes en die Noordkaap was die ergste provinsies wat betroubare nommers aanbetref. In dié betrokke provinsies het 57% van die oproepe nie na die polisie deurgeskakel nie.

Dit het geblyk dat sommige telefone nie beantwoord is nie en net aangehou lui het, terwyl sekere telefone gedurende spesifieke tye van die dag gediskonnekteer was.

In Limpopo het slegs 4 uit 10 stasies elke oproep beantwoord en in misdaadmekka Gauteng het net die helfte van alle polisiestasies elke oproep beantwoord.

In ‘n paar gevalle het die SAPD-nommer in ‘n gebied verander, maar is nie deur die stasie aan die publiek gekommunikeer nie.

Лобановский

SA diplomaat in DRK geskiet

‘n Suid-Afrikaanse diplomaat in die DRK is ernstig gewond, het die departement van internasionale verhoudinge bekendgemaak.

“Ek kan bevestig dat ‘n Suid-Afrikaanse vrou in die Demokratiese Republiek van Kongo geskiet was. Sy het die presidensiële area in ‘n motor verlaat, toe sy die voorval plaasgevind het,” het Saul Molobi, ‘n woordvoerder gesê.

“Sy is tans in ‘n kritieke toestand in die hospitaal.”

Volgens hom is planne reeds van stapel gestuur om die vrou terug na Suid-Afrika te vlieg, sodat sy verdere mediese behandeling kan kry.

“Nietemin wag die departement steeds op ‘n polisie verslag, en is ons nog nie seker of enige persone in verband met die voorval in hegtenis geneem is nie,” het Molobi gesê.

“Ons sukkel ook om haar familie in die hande te kry, en kan dus nie haar identiteit bekend maak nie.”