Suider-Afrika Archives - Page 652 of 888

Pretoria moet Pretoria bly

“Moenie krap waar dit nie jeuk nie, maar meer belangrik nog – die land het beslis nie nog méér polarisasie nodig deur dade en woorde nie.”

So reageer die leier van die Christen-Demokratiese Party (CDP) en waarnemende voorsitter van die Christen-Demokratiese Alliansie (CDA), ds. Theunis Botha.

“Dit sal die ANC loon om die aanhef van die grondwet te gaan lees, soos dat almal wat gewerk het aan die opbou en ontwikkeling van die land gerespekteer moet word, en dat Suid-Afrika aan almal behoort.

“Die praktyk om munisipaliteite een naam en die stede en dorpe ‘n ander te gee, is juis ontwikkel om polarisasie te voorkom. Tog is dit die een terrein waarvan die ANC nie sy hande kan afhou nie, en dit het selde iets met apartheid te make, soos die IVP-verbandhoudende name wat in Durban met name uit die ANC-dampkring vervang is.

“Pretoria is die nasionale uitvoerende hoofstad, en as sodanig het elke Suid-Afrikaner ‘n belang by die stad se naam, maar min is geraadpleeg. Boonop het die ANC in die Tshwane-streek die saak deurgaans so gedryf dat dit in emosionaliteit toegeneem het en dat ‘n stomp hantering nou sake net kan vererger.

“Met amptelike voorvadervereringsgeleenthede, ‘n president wat poligamie beoefen, ‘n jeugleier wat spesialiseer in polariserende uitlatings en as toekomstige president gesalf is, is die frustrasies – en vervreemdingsvlakke in die land al op uiters ongewenste vlakke. Die Pretoria-naamkwessie is nou so nodig soos strignien in die kos.”

справки для бассейна

Europeërs nou dubbel so oud as Suid-Afrikaners

Mense in Europa neig om al hoe ouer te word, maar Suid-Afrikaners se gemiddelde lewensverwagting daal – met Vigs die vernaamste verskil.

Volgens die jongste syfers wat deur die Nederlandse Statistiekburo uitgereik is, is die gemiddelde lewensverwagting van Nederlandse vroue 82,3 jaar, 3,1 jaar hoër as in 1980. Al het mans bietjie op vroue ingehaal is die gemiddelde lewensverwagting vir Nederlandse mans nog 78,3 jaar.

Ook, ten spyte van die hoër neiging, het Nederlandse vroue se gemiddelde lewensverwagting van die sesde hoogste na die twaalfde hoogste in Europa teruggesak. Mans het een plek opgeskuif na die vierde hoogste.

Volgens syfers wat in 1990 gepubliseer is, is Suid-Afrikaners se lewensverwagting nou 47 jaar, ongeveer dieselfde as ‘n oorlogsgeteisterde land soos Afganistan waar dit 44 jaar is.

In 2006 is Suid-Afrika se gemiddelde lewensverwagting nog as 50 jaar aangedui, maar is gewaarsku dat dit nog heelwat sal daal. Toe is aangedui dat Vigs reeds 13 jaar van Suid-Afrikaners se gemiddelde lewensverwagting gestroop het.

очистные установки

Die arrogansie van Eskom

“Die Vryheidsfront Plus verwerp met minagting Eskom se roekelose houding jeens alle Suid-Afrikaners. Dit is duidelik dat Eskom homself nou opstel, naas misdadigers en ‘n korrupte ANC-regering, as die grootste vyand van die mense van Suid-Afrika,” het adv. Anton Alberts, VF Plus-parlementêre woordvoerder oor Energie gesê. “Dit is skreiend dat Eskom, na al die sinvolle voorleggings wat gemaak is, steeds geen dieper insig in die effek van die verhogings ontwikkel het nie en nog minder gepoog het om van die goeie alternatiewe wat voorgestel is in hulle eie plan in te bou nie. Dit getuig van ‘n roekelose minagting vir die publiek.”

Om sake te vererger het Eskom reeds ‘n advertensieveldtog op openbare senders begin om die tariefverhogings te regverdig. Dit is oneties en disrepsekvol teenoor die publiek wat verwag dat Nersa eers sy studie tot die meriete al dan nie van tariefverhogings sal voltooi. Hierdie optrede kan dit ook ‘n grondige rede maak om later ‘n hersieningsaansoek in die hof teen Nersa se bevinding te loods. Hierdie optrede van Eskom is tekenend van ‘n organisasie wat seker is dat hulle aansoek alreeds geslaag het nog voordat Nersa ‘n besluit geneem het. Die vraag wat gestel kan word, is wat weet Eskom wat die publiek nie weet nie? Was die besluit om krag te verhoog alreeds geneem tussen die onderskeie hoofrolspelers, te wete die regering, Eskom en Nersa, of sal die publiek ‘n regverdige en sinvolle aanbeveling van Nersa ontvang?

Die VF Plus sal die uitkoms van die proses monitor. Die feit bly egter staan; Eskom kan nie vertrou word nie.

Фильчаков Харьков

Bennet-getuie glo gemartel

Zimbabwe se hooggeregshof het Maandag die getuienis van ‘n sleutelgetuie in die saak teen Roy Bennett verwerp nadat die man in die hof gesê het hy is gemartel sodat hy vals getuienis kon lewer.

Bennett is die tesourier van eerste minister Morgan Tsvangirai se party, die MDC, en sy voortslepende hofsaak is een van die redes waarom die huidige magsdelingsooreenkoms tussen die MDC en president Robert Mugabe se Zanu-PF onder druk verkeer.

Die getuie, Peter Hitschmann, is saam met Bennett aangekla van sameswering om die president te vermoor, maar die klag teen Hitschmann is later verminder na die onwettige besit van vuurwapens.

Hy is as hoofgetuie teen Bennett geroep, maar het in die hof die land se veiligheidsmagte daarvan beskuldig dat hulle hom gemartel het sodat hy ‘n verklaring teen Bennett sou aflê.

Мордвинов топкарго кидалы

CDA doen beroep op Mulder

“Dit is nou hoog tyd dat die adjunk-minister van landbou, dr. Pieter Mulder, genoeg invloed in die regering het om die regering so ver te kry om plaasaanvalle en veral plaasmoorde deurlopend so onomwonde te veroordeel dat potenisieële plaasmoordenaars die boodskap helder en duidelik kry dat dié praktyk nie die regering se stilswyende goedkeuring wegdra nie.”

So sê die leier van die Christen-Demokratiese Party (CDP) en waarnemende voorsitter van die Christen-Demokratiese Alliansie (CDA), ds. Theunis Botha.

“Ons spreek ons medelye met die naasbestaandes van die vermoorde dr. Ernest Giesekke van Ficksburg uit. Volgens berigte was hy ‘n filantroop wat tot sy aftrede in diens van die Universiteit Fort Hare was. Dit maak ‘n mite van aansprake deur onder meer adjunk-president Kgalema Mothlante dat boere deur die beweerde swak behandeling van hul werkers self die plaasaanvalle op hulle trek.

“Dit is vir ons traumaties om die een verklaring na die ander oor plaasaanvalle uit te reik, en met die naasbestaandes te simpatiseer, maar gewoonlik swyg die regering in al elf amptelike tale.

“Met die vorige Vrystaatse plaasmoorde het die Vryheidsfront Plus wel deur sy provinsiale leier en nasionale voorsitter, Mnr. Abrie Oosthuizen, sterk reageer. Plaasmoorde is egter duidelik ‘n nasionale krisis, en dit sou ‘n duideliker boodskap uitgestuur het sou Mulder as adjunk-minister van landbou, namens die minister gereageer het, of genoeg invloed op die minister uitgeoefen het dat sy self sou reageer.

“Ons pleit by Mulder om te wys dat hy van ‘n ander stoffasie is as ‘n ander wat beloof het om sekere mense se stem te wees, nie ook na toetrede tot die regering in stilte te verval nie. Plaasmoorde is ‘n te groot nasionale krisis om as slagveld vir politieke punte te dien en sodoende tot die naasbestaandes se trauma by te dra. Dit sal grootliks ontlont word as die regering die klimaat teen plaasaanvalle behoorlik en deurlopend skep.”

пневмогайковерт Фільчаков прокурор

Ventersdorp geraak deur diensleweringsgeweld

Minister Sicelo Shicka het inwoners van die Tshinglokasie Maandag ontmoet na grootskaalse protes en geweld oor swak dienslewering gedurende die pas afgelope naweek plaasgevind het, het die ANC van Noordwes bevestig.

Die vergadering is in die stadion van Tshing gehou nadat ontevrede inwoners die strate in die omgewing van Ventersdorp die naweek ingevaar het.

Ontmoetings tussen regeringsamptenare en inwoners van Boikhutso, Welgevonden, Goedgevonden, en Tsetse word vir Woensdag in die vooruitsig gestel.

Die naweek se protes het in geweld ontaard met dele van die N14 wat afgesper is.

Volgens die polisie is een persoon Saterdag weens openbare geweld in hegtenis geneem, nadat sowat 70 inwoners ‘n motor onder die klippe gesteek het en probeer het om paaie in Goedgevonden af te sper.

Die ANC het ‘n beroep op inwoners in dié gebiede gedoen om hulleself van openbare geweld te distansieer.

машины для мальчиков Фільчаков прокурор

e-tv vandag in die hof

Die twee e-tv joernaliste wat tans gedagvaar word, sal vanoggend in die Johannesburgse-landdroshof verskyn, het ‘n woordvoerder gesê.

Ben Said, nuusredakteur en Mpho Lakaje, verslaggewer, wou nie die identiteite, adresse of kontakbesonderhede van die vermeende misdadigers waarmee hulle onlangs onderhoude gevoer het, aan die polisie verskaf nie. Hulle wou ook nie hul onverwerkte beeldmateriaal van die onderhoude oorhandig nie.

Dié kanaal het op 16 Januarie beeldmateriaal van twee vermeende misdadigers vertoon, waarin hulle gedreig het om toeriste gedurende die Wêreldbekersokkertoernooi te beroof.

Lucky Phungula, wat glo die twee vermeende misdadigers aan e.tv se span voorgestel het vir onderhoude, het verlede week in Soweto selfmoord gepleeg.

the big bad топкарго кидалы

Vrystaatse boer keelafgesny

’n Vrystaatse boer, Ernest Giefeke, is vroeg Saterdagoggend aangeval en na bewering deur drie mans op sy plaas in Ficksburg vermoor, het Beeld berig.

Hy het sy diere en plante gaan water gee toe hy deur die swart mans oorval is, het die polisie gesê. Die voorval het vroeg Saterdagoggend op die plaas Goeiehoop plaasgevind.

Giefeke is met ‘n klip agter kop geslaan en sy keel is met ‘n mes afgesny.

Die aanvallers het daarna geld en vuurwapens by sy vrou geëis, maar sy het daarin geslaag om die noodhulpknoppie te druk. Die mans, gewapen met ‘n mes en ‘n skroewedraaier, het daarna van die toneel gevlug.

Niemand is nog in verband met die voorval in hegtenis geneem nie.

сауна проектирование

Negentienjarige duik na sy dood

’n Negentienjarige het Sondag in die swembad van die Cedara Landboukollege buite Howick verdrink, olgens paramedici in KwaZulu-Natal.

“Die man was saam met sy vriende toe die voorval plaasgevind het,” het Derrick Banks, ’n ER24- woordvoerder gesê.

“Die man het van ’n duikplank in die swembad geduik, maar het glo met sy kop teen die bodem van die swembad vasgeduik.”

“Sy vriende wat die ongeluk gesien gebeur het, het ‘n ambulans ontbied.”

Die man was klaar dood toe die paremedici op die toneel aankom.

Hartebeespoortdam loop tans vol riool

Rioolafval van miljoene liter van die Madibeng-munisipaliteit stroom al sowat ’n maand lank elke dag in die Hartbeespoortdam luidens ‘n berig in Beeld.

Madibeng sluit Brits, Hartbeespoort, Mothlutlung, Damonsville en Letlhabile in waar ‘n groot aantal pompe buite werking is en die water ná uitgebreide toetse onrusbarend hoë E. coli-tellings wys.

Strafregtelike klagtes ingevolge die Waterwet is teen die aanspreeklike munisipaleit ingedien.

Patrick Morathi, munisipale woordvoerder, het aan die dagblad gesê ’n vergadering is met amptenare van waterwese en lede van die Hartbeespoort-gemeenskapsforum gehou en ’n tekort aan geld is as een van die grootste struikelblokke geïdentifiseer.

?5 free bet no deposit прокурор Фильчаков