Vermeende renosterstroper doodgeskiet

krugerrhino‘n Vermeende renosterstroper is doodgeskiet en nog een gewond tydens ‘n skietery met veldwagters van die Nasionale Krugerwildtuin.

‘n Derde vermeende wildstroper is ook in hegtenis geneem. Die gewonde verdagte is onder polisiebewaking in die hospitaal.

Die polisie sê die voorval het naby die Vlakteplaaskamp in die noorde van die wildtuin voorgekom.

‘n Woordvoerder, Samuel Matsimbi, sê die verdagtes is met jaggewere en ammunisie betrap. Die verdagte verskyn vandag in die landdroshof op Makhado. – RSG

Dwelmbendegevegte in die Wes-Kaap raak warm

Riah Phiyega
Riah Phiyega

Die dwelmbendegevegte in die Wes-Kaap raak warm. Genl. Riah Phiyega sal egter in haar pos as polisiehoof aanbly terwyl die onafhanklike polisie-ondersoekdirektoraat (Opod) klagte van regsverydeling teen haar ondersoek.

Die ondersoek spruit uit beweerde vriendskapsbande van lt.genl. Arno Lamoer, Wes-Kaapse polisiehoof, met ’n dwelmbaas, waarin Phiyega glo geïmpliseer word

Phiyega word daarvan beskuldig dat sy die Wes-Kaapse polisiekommissaris oor ondersoeke teen hom gewaarsku het.

Phiyega se teenstanders hoop daar is gronde vir skorsing onder die Wet op Arbeidsverhoudinge. As sy skuldig bevind word hoop hulle sy sal summier afgedank word en formeel aangekla word van dwarsboming van die gereg.

Waarnemende direkteur van Opod, Koekie Mbeki het gesê die besluit om die saak te ondersoek was in lyn met die wet.

“Ons verwag om die ondersoek te voltooi binne drie maande. Phiyega verwelkom die ondersoek,” het haar woordvoerder Lt.genl Solomon Makgale gesê.

“Die nasionale kommissaris hou nog steeds vol dat sy geen misdaad gepleeg nie,” het hy gesê.

Volgens berigte het Phiyega Lamoer by drie geleenthede gewaarsku dat sy bewus was dat hy ondersoek word.

Die Sunday Independent het berig dat hulle telefoongesprekke wettig afgeluister is deur misdaadintelligensie-agente wat Lamoer se oproepe afluister.

Hy het na bewering bande met ‘n Kaapse dwelmhandelaar en bekende sakeman.

Makgale het gesê Lamoer het in Julie 2012 self die ondersoek aangevra en was dus nog altyd bewus van die ondersoek. Hy het gesê die ondersoek was egter in geen stadium openbare kennis nie.

Hy sê Lamoer was verbaas toe hy uitgevind het dat ‘n politieke party ook bewus is van so ‘n saak.

Phiyega het vroeër gesê dit is “interessant” dat die aantygings teen haar opgeduik het kort ná haar besluit om die voormalige waarnemende misdaadintelligensiebaas Maj.genl. Chris Ngcobo op spesiale verlof te plaas.

Ngcobo is op spesiale verlof geplaas ná ‘n keuringsproses teenstrydighede in sy kwalifikasies gevind het.

Phiyega en generaals in misdaadintelligensie het mekaar daarna van wanvoorstelling en verdagmakery beskuldig oor ’n ondersoek deur die Valke en misdaadintelligensie na die beweerde vriendskapsbande van Lamoer, Wes-Kaapse polisiehoof, met ’n dwelmbaas, asook beweerde korrupsie.

Intussen het die Pietermaritzburgse landdroshof Dinsdag gehoor dat Maj.genl. Bethuel Mondli Zuma in die toilet weggekruip het om te verhoed dat ‘n alkoholtoets op die aand toe hy in hegtenis geneem is, geneem word.

‘n Padverkeertoesighouer Zain Mahomed het getuig in Zuma se verhoor .

Vorige getuienis het getoon dat Zuma se bloedalkoholvlak 3,5 keer die wettige perk was, maar dat die toets nie geldig was nie in die hof.

Zuma sou Gauteng se nuwe provinsiale kommissaris van polisie geword het, maar is ure nadat hy aangestel is deur die nasionale kommissaris van polisie Riah Phiyega afgedank toe dit blyk dat die saak teen hom hangende is.

Duduza: Raadslede vlug voor skare

duduzaInwoners van Duduza buite Nigel aan die Oos-Rand het Dinsdag op ‘n wyksraadslid en voorsitter van hulle gemeenskapstaakspan begin dreig met die dood. Die twee moes na ‘n plek van veiligheid vlug.

Die tierende skare het oproerig begin raak en gedreig om die raadslid se motor aan die brand te steek.

Die inwoners het ‘n openbare vergadering gehou waar hulle dit duidelik gemaak het dat die taakspan nie aandag gee aan hulle griewe nie.

Van die belangrikste knelpunte dateer terug na Augustus vanjaar toe ‘n Somaliese winkeleienaar na bewering ‘n 23-jarige man doodgeskiet het. Dit het tot ‘n vlaag xenofobiese geweld gelei wat twee dae geduur het voordat die polisie die orde kon herstel.

Plundery en vandalisme van winkels wat aan buitelanders behoort is aangemeld. 

Ambulanse by braaiplek, beseerde sterf

ambulansDie Oos-Kaapse gesondheidsdepartement is bekommerd oor die  “misbruik van die ambulansvloot” nadat twee ambulanse die naweek by ’n gewilde braaiplek opgemerk is.

“Ons is bekommerd oor die gedrag van sommige van ons beamptes,” sê ’n woordvoerder, Sizwe Kupelo.

Die voertuie is gesien by Ebuhlanti se strandgebied, ’n gewilde partytjie- en braaiplek.

’n Foto op die koerant Dispatch se webwerf wys die ambulans onder ’n boom, ’n vuur langsaan, die deure van die ambulans oop en ’n man wat by die voertuig staan.

Volgens die fotograaf was daar twee mans wat voor die ambulans gestaan en rook het en toe hy verbyry, het hulle geglimlag en vir hom gewaai. Kort daarna het nog ’n ambulans aangekom.

In ’n verrassende wending het die bestuurders nadat die foto geplaas is ’n verklaring uitgereik waarin hulle sê hulle het “toestemming gehad om daar te wees”.

Die voorval het gebeur oor dieselfde naweek wat ’n krieketspeler in Alice dood is omdat ’n ambulans glo nie opgedaag het om hom hospitaal toe te neem nie.

Die departement was ook onlangs in die nuus weens petrolkaartbedrog. – Sapa

Zuma vertel die Rooi Barette wie geveg het

jujulegoPres. Jacob Zuma het die afgelope naweek in die Oos-Kaap ’n dwarsklap na die Ekonomiese Vryheidsvegters (EFF) gemik.

“Sommige sê hulle veg vir ekonomiese vryheid. Wie onderdruk hulle ekonomies? Van wie soek hulle ekonomiese vryheid?” het Zuma volgens DispatchOnline gesê.

“Net die ANC het aan Suid-Afrika vryheid gebring. Toe dit tyd was om te veg, was dit ons wat vir vryheid gesterf het. Ons is in hegtenis geneem en het na Robbeneiland gegaan en ons is die enigste party wat mense in Suid-Afrika se situasie kan verander.”

Zuma het sowat 500 mense by die Laerskool Nonzwakazi in Mdantsane toegespreek voordat hy ’n gedenklesing  in Oos-Londen gelewer het.

Hy het aan inwoners gesê om nie hul stem op opposisiepartye te verkwis nie en het gesê dit sal so nutteloos wees soos om “jou stem in die see te gooi”.

“Daar sal baie wees wat sal sê niks het sedert 1994 verander nie. Hulle sal die ANC kritiseer en tog het hulle nog nie een ding vir julle gedoen nie en sal nooit, want hulle is nie in die regering nie.”

Die EFF is gestig deur Julius Malema, voormalige president van die ANC-jeugliga, nadat hy uit die regerende party geskors is.

Waarheen is die Intelligensiediens se miljarde?

 Cecil Burgess
Cecil Burgess

Collins Chabane, minister in die presidensie, het erken dat die verslae van die parlement se staande komitee oor intelligensie reeds die afgelope drie jaar nie deur die presidensie ontvang is nie.

Suid-Afrika se intelligensie gemeenskap het sedert 2010 sowat R18 miljard bestee, maar niemand weet waarop nie.

Die wet op intelligensie-oorsig bepaal egter dat die staande komitee jaarliks ’n jaarverslag by die presidensie, die parlement en die minister van staatsveiligheid moet voorlê.

Die Kleurlingvoorsitter van die staande komitee, ANC-LP Cecil Burgess, is die persoon wat daarvoor verantwoordelik is dat die jaarverslag ingedien word.

Die departement van staatsveiligheid, wat opleiding aan binnelandse en buitelandse spioene verskaf, kwyt hulself blykbaar te goed van hul taak, aangesien hul aktiwiteite hoogs geheim bly.

In teenstelling met alle ander staatsdepartemente is daar geen besonderhede in die regering se jaarlikse begroting oor wat met die miljarde rande – wat reeds byna R20 miljard sedert 2010 beloop – gedoen word nie.

Die enigste oorsig oor intelligensie geskied deur die veelpartykomitee in die parlement, die gesamentlike staande komitee oor die aangeleentheid, maar hulle vergader in die geheim en die LP’s wat op die komitee dien mag nie verslag doen nie.

Dit is selfs nie duidelik wie moet sorg dat alles pluis is in staatsveiligheid nie. Niemand weet waarvoor die R20 miljard aangewend is nie en wat die uitwerking of gevolge van daardie bedrag was nie.

Die Suid-Afrikaanse staatsveiligheidsdienste is die afgelope drie jaar geruk deur ’n reeks skandale.

Ten spyte van getuienis dat die sogenaamde Boermagsaak deur die intelligensiedienste beplan en uitgevoer is, is daar ‘n oorverdowende stilte van die media en die regbank daaroor. ‘n Soortgelyke saak waar die staat teen homself optree, is uit die Duitse howe gesmyt.

Alhoewel miljarde klaarblyklik aan die intelligensiegemeenskap beskikbaar gestel word, is feitlik geen niks bekend oor die dryfvere van plaasmoorde nie, in weerwil van die opspraakwekkende aantal wit boere wat vermoor word.

Nie die Marikana-menseslagting òf die De Doorns-opstande teen wit wynboere is blykbaar voorsien nie.

In Bekkersdal gee die ANC tans die media die skuld vir die voortslepende opstande en onrus wat soos elders deur opsetlike swak munisipale afbakenings veroorsaak word.

Vrae oor hoekom dr. Siyabonga Cwele, minister van staatsveiligheid, volle veiligheidsdienste ter waarde van miljoene rande aan sy dwelmmuilvrou beskikbaar gestel het is nooit beantwoord nie.

Sheryl Cwele is uiteindelik skuldig bevind aan dwelmverwante klagte, maar sy is daagliks deur spioene opgepas en na die hof vervoer.

Die hoof van binnelandse intelligensie bedank nadat hy glo opdrag gegee het dat daar op die Gupta-familie gespioeneer word.

Zuma vra ‘patriotiese nuus’

ingadamDie Presidensie sê hy wil nie balans en regverdigheid ondermyn in sy versoek om meer patriotiese nuusberiggewing nie.

President Jacob Zuma het in antwoord op ‘n Parlementêre vraag gesê sy versoek vir meer patriotiese nuusdekking behoort nie vertolk te word as ‘n poging om met redaksionele onafhanklikheid in te meng nie.

Zuma sê die ontbloting van korrupsie op ‘n regverdige en gebalanseerde wyse tel ook as patriotisme.

Zuma het in antwoord op ‘n vraag van COPE – oor of die regering beplan om die SAUK as die voorste uitsaaier met sogenaamde patriotiese verslaggewing te vestig – gesê die versoek was aan die media in die algemeen en nie spesifiek aan die openbare uitsaaier gerig nie.

President Zuma en sy eweknie in die Demokratiese Republiek van die Kongo, Joseph Kabila, sal vandag ‘n verdrag om die Groot Inga-dam-projek te hernieu, onderteken.

Dié projek het die potensiaal om krag aan die helfte van Afrika te voorsien.

Die Minister van Internasionale betrekkinge, Maite Nkoana-Mashabana sê beleggers is gereed om dit te befonds, omdat dit ‘n belowende projek is wat goeie opbrengste beloof.

Wanneer dit voltooi is sal dit die tweede grootste hidro-elektrisiteitsprojek in die wêreld wees. – RSG

‘DA het pas koeël deur sy eie kop gejaag’

zille4Verlede week het die Nasionale Vergadering die wysigingswetsontwerp op die Wet op Billike Indiensneming met die steun van die regerende ANC én die Demokratiese Alliansie ingestem, skryf ‘n voormalige parlementêre navorser van die DP.

Ten einde die betekenis hiervan asook die potensiële implikasies vir die opposisie te verstaan, ​​sê James Myburgh, is dit nodig om eers terug te gaan in die geskiedenis ná 1994.

Die ANC se ware rasse-agenda wat reeds duidelik begin raak het binne enkele jare na die oorgawe, het ‘n gepaardgaande besef onder wit, en veral Afrikanerkiesers gebring dat die Nasionale Party nie werklike beskerming vir hulle beding het tydens die onderhandelinge nie.

Een briefskrywer aan Beeld het in 1997 opgemerk “dat De Klerk het nie ‘n mandaat gehad het om, soos ‘n Judasbok, sy niksvermoedende mense na die politieke slagpale te lei nie.”

Daardie jaar het De Klerk uitgetree en is vervang deur Marthinus van Schalkwyk. Aan die einde van die volgende jaar het die DP gelykop met die NNP by die stembus geëindig en in die 1999-verkiesing die amptelike opposisie geword.

Dié oorwinning was grootliks te danke aan die DP se teenkanting teen die Wet op Billike Indiensneming wat in konsepvorm bekendgestel is in Desember 1997 en aanvaar is in 1998 . Die Wet was een van ‘n aantal maatreëls deur die ANC om geleidelik maar doelbewus die persentasie blankes – op alle terreine van die samelewing en op alle vlakke – te ondergrawe.

In sy toespraak aan die parlement op 20 Augustus 1998, het Tony Leon die wetsontwerp beskryf as ‘n “skadelike stuk sosiale ingenieurswese. Vroom in voorneme, maar vernietigend in effek”.

Die wetgewing, het hy voortgegaan, “ignoreer ekonomiese realiteit” en “doen niks vir die armes, die gemarginaliseerdes, die landelike mense in wie se naam die ANC regeer nie”.

“Gebruik van hierdie wetsontwerp in sy huidige vorm as ‘n instrument van gewettigde regstellende aksie is gevaarlik. Dit is soos ‘n persoon wat ‘n vuurhoutjie aansteek om ‘n vuurwerk te inspekteer.”

Leon is beloon deur blanke kiesers in die 1999-verkiesings wat die NNP en Vryheidsfront verlaat het. Dit sou dus geen oordrywing wees om te sê dat die DA sy bestaan ​​te danke het aan die felle teenkanting teen hierdie Wet nie.

Die wet ontneem ‘n minderheid van enige betekenisvolle reg op gelyke behandeling. Dit is een van die belangrikste bydraende faktore tot die korrupsie en verval van instellings op nasionale, provinsiale en plaaslike regeringsvlak.

Gewone wit werknemers word uitgedryf ten spyte van die verlammende tekort aan vaardighede in hierdie instellings. Die oorspronklike 1998 Wet vervat sekere toegewings aan oorwegings wat nie uitsluitlik ras as maatstaf gebruik nie.

Onder die wysigingswetsontwerp is sulke oorwegings weggelaat. Myburgh sê dit is asof die DA met sy ondersteuning hiervan pas ‘n koeël deur sy eie kop gejaag het.

Indien die werkgewer versuim om te voldoen aan so ‘n versoek van die Departement van Arbeid volgens die wysigingswetsontwerp kan boetes wissel van R1 500 000 of 2% van die werkgewer se omset vir ‘n eerste oortreding.

‘n Boete van tot R2 700 000 of 10% van die werkgewer se omset vir ‘n vierde skending van dieselfde bepaling binne drie jaar sal dus toelaat dat die regering kan inmeng in die sake van elke onderneming met meer as vyftig werknemers en hulle potensieel onderwerp aan belaglike strawwe sanksies indien hulle nie by die rasbepalings hou nie.

Dit is moeilik om te begryp hoekom die DA-koukus in die parlement sy voormalige opposisie teen hierdie rassistiese en totalitêre wetgewing laat vaar het en hierdie wysigings skielik steun.

Helen Zille het in die verlede die Wet as “Verwoerdiaans” beskryf, die grofste belediging wat sy kon uitdink. Hoekom sou haar party nou skielik stem vir strenger toepassing? Deur dit te doen, verraai sy haar ondersteuners, die party se sukses, sy beginsels en inderdaad die toekoms van Suid-Afrika self .

Die wysigingswetsontwerp sal baie duidelik die deur ooplaat vir ‘n dramatiese toename in beide diskriminasie teen individue van minderheidsgroepe sowel as staatsinmenging in die privaatsektor. Gegewe dat Suid-Afrika reeds ly aan ‘n ernstige tekort aan vaardighede sal dit geweldige ekonomiese skade veroorsaak.

Voor die 2014-verkiesing sal die DA se wit, bruin en Indiër-ondersteuners hulself moet afvra waarom hulle moet voortgaan om ‘n party te steun wat gestem het in die parlement vir hul rassemarginalisering.

Dit is onwaarskynlik dat die DA baie ekstra swart kiesers sal kry. Een van die grootste bekommernisse van sulke kiesers, volgens Helen Zille, is dat die DA “apartheid sal terugbring”.

Die DA kan nie meer vertrou word om wit kiesers se belange te beskerm nie, want hulle het dit pas oorboord gegooi vir hul eie gerief. 

Polisie blameer media vir Bekkersdal-geweld

fireDie Gautengse polisie blameer nou die media vir die voortslepende geweld in Bekkersdal aan die verre Wes-Rand.

Gauteng se Premier Nomvula Mokonyane se besoek aan die lokasie het gekom nadat ‘n gespanne week van gewelddadige betogings oor dienslewering waarin ‘n jong man dood is.

Die polisiewoordvoerder, Lungelo Dlamini sê in die meeste gevalle vind die geweld plaas wanneer die kameras rol.

Dlamini sê die voorval vanoggend waar jong kinders buitebande aan die brand gesteek het, het opgeklaar toe die media die toneel verlaat het en alles in nou kalm.

Meer polisielede is intussen in die gebied ontplooi nadat Gauteng se Premier Nomvula Mokonyane Bekkersdal inderhaas moes verlaat in ‘n polisie-Nyala Sondag nadat woedende inwoners haar met klippe bestook het by die kerk wat sy besoek het.

Sy en ‘n paar ander lede van die provinsie se uitvoerende komitee het Sondagoggend by die kerk in die gebied opgedaag.

Hierdie geloofsgroepe sou terugvoering aan die inwoners gee oor die ingrypings wat hulle wil sien in Bekkersdal .

Sommige dele van die gemeenskap het op ‘n plundertog gegaan klippe na die kerk gegooi en paaie versper die paaie.

Mokonyane se woordvoerder, het Thebe Mohatle . Hy het gesê die polisie het die premier het aangeraai om die gebied in ‘n Nyala te verlaat.

Regeringseiendom is gevandaliseer en leerlinge het by skole weggebly.

‘Marteling in gevangenis Zuid-Afrika’

mangaungtronkMedewerkers van een gevangenis in de Zuid-Afrikaanse stad Mangaung worden beschuldigd van marteling. Bewakers van het beveiligingsbedrijf G4S zouden gedetineerden elektrische schokken hebben gegeven en in elkaar hebben geslagen. Verder zouden er onder dwang injecties zijn gegeven; waarom dat werd gedaan is niet duidelijk.

De BBC zegt filmbeelden in handen te hebben waarin het geklik van elektrische schokken en geschreeuw van gevangenen te horen is. Onderzoekers aan de Wits Universiteit in Johannesburg zeggen over getuigenissen te beschikken van meer dan dertig gevangenen over elektrische schokken en andere martelingen.

Een lid van de onderzoeksgroep van de universiteit zegt dat gevangenen verklaarden dat ze soms flauwvielen als de schokken te zwaar werden. Ook vertelden ze dat gevangenen geregeld gebroken ledematen opliepen.

Een ontslagen oud-bewaker van de gevangenis zegt tegen de BBC dat er water over de gevangenen werd gegoten om het effect van de elektrische schokken te versterken.

De Zuid-Afrikaanse overheid nam het bestuur van de gevangenis vorige maand over van G4S. Dat besluit werd genomen vanwege toenemende onrust en geweld in de gevangenis. De autoriteiten stellen inmiddels een onderzoek in.

Het beveiligingsbedrijf zegt niet op de hoogte te zijn van martelingen. G4S belooft volledig mee te werken aan het onderzoek. – NOS.nl