Geen regverdige verhoor vir Zuma nie, s? Phosa

Die ANK-president, Jacob Zuma, sal nie ‘n regverdige verhoor kry nie, omdat daar geen regter in Suid-Afrika bestaan wat nie ‘n mening omtrent sy saak het nie, het die ANK-tesouriergeneraal Mathews Phosa Donderdag gesê.

“Kan mens ‘n regverdige verhoor hê? Nee, want daar is niemand wat nie ‘n mening het nie,” het Phosa gedurende ‘n openbare debat oor regte en politiek, wat by die universiteit van Johannesburg gehou is, gesê.

Phosa het gesê Zuma sal net die reg gebruik om sy probleme met die Nasionale Vervolgingsgesag op te los.

“Zuma het gesê hy sal by die hof bly, hy wil nie van die hof af wegbeweeg nie…hy sal sy volle regsarsenaal benut,” het Phosa gesê.

Professor David Unterhalter, ‘n Suid-Afrikaanse praktisyn en professor in regte stem nie met Phosa saam nie, en reken dat Zuma se verhoor regverdig sal wees.

Hy baseer sy argument daarop dat regters hulle bevindings baseer op getuienis wat voor hulle gebring word.

“Natuurlik lees regters koerante, maar wanneer hulle in die hof ingaan maak hulle staat op getuienis,” het hy gesê.

Die idee dat Zuma nie ‘n regverdige verhoor sal hê nie omdat daar baie gepraat word oor sy saak is net nie waar nie, het hy geredeneer.

Gedurende die debat het Phosa gesê die Suid-Afrikaanse regstelsel is nie genoegsaam getransformeer nie.

“Daar is kwessies van ideologie … sekere ideologieë sal net nie weggaan nie … mense wat met apartheid grootgeword het, kan nie net daardie ideologieë verander nie,” het hy gesê.

Unterhalter het nie saamgestem hiermee nie, en gesê daar is baie regters in Suid-Afrika wat in pas is met die huidige wetgewingsraamwerk. 

зубные коронкилобановский александр отзывы

ANC-jeugliga was nog altyd militant, meen Zuma

Om uitgesproke te wees was nog altyd deel van die ANC-jeugliga se tradisie, het die regerende party se president Jacob Zuma Donderdag gesê.

Hy het met gaste gepraat by die ANC se voor-parlementsopening dinee in Kaapstad. Zuma het gesê die geskiedenis van die regerende party toon dat die ANC-jeugliga altyd die meer uitgesproke vleuel van die organisasie was.

“Dit was altyd meer militant as die moederliggaam – dit het aan die ANC daardie energie gegee om die nasionale revolusie vorentoe te dra”, het hy gesê.

Voormalige president Nelson Mandela, wat ook op ‘n stadium die leier van die Jeugliga was, was deel van ‘n groep leiers wat die organisasie na groter hoogtes gestuur het.

“Vandag is die massas trots om met die ANC geassosieer te word – dit is wonderlik om aan die ANC te behoort”, het Zuma gesê.

Oor president Kgalema Motlanthe wat Vrydag sy staatsrede moet lewer, het Zuma gesê die ANC-adjunkpresident was ‘n verenigende faktor wat krediet moet kry dat hy die land verenig het na president Thabo Mbeki herroep is.

“Hy het die land gelei en bymekaar gehou gedurende ‘n baie moeilike tydperk”, het hy gesê.

1 гсуФільчаков прокурор

Die KVP waarsku kiesers oor Zuma

Senior ANK-lede en KwaZulu-Natal-kiesers behoort nie enige leier te ondersteun wat kriminele klagte in die gesig staar nie, het die KVP-woordvoerder Siyanda Mhlongo Donderdag gesê.

"Daar is baie, baie vrae wat Zuma eers moet beantwoord voordat hy die gesig van die ANK in die verkiesing kan word," het Mhlongo in 'n ope brief gesê.

Hy het verwys na die ANK –president Jacob Zuma, wie se kriminele saak Woensdag uitgestel is tot 25 Augustus, wanneer hy waarskynlik die president van Suid-Afrika sal wees.

"Die KVP … is ook bekommerd dat indien Suid-Afrikaners die fout maak om Zuma as president in te stem, die Zuma-kamp in die ANK die volgende sal doen – forseer 'n wet deur om aan 'n sittende president kwytskelding te verleen van vervolging en werk sekere individue in die Nasionale vervolgingsgesag uit en vervang hulle met ANK-kaders wat sal redeneer dat daar geen saak teen Zuma is nie."

Mhlongo het ANK-leiers  "wat korrupsie haat" aangemoedig om nie vir Zuma se veldtog te werk nie.

Die party het gesê hulle is ook "bekommerd" deur die ANK se reaksie op die Zuma-saak, aangesien die party aangedui het dat hulle gaan vra dat die saak teen hom teruggetrek word.

"Ons … is bekommerd dat pleks daarvan dat die ANK teen korrupsie stry, hulle 'n aansoek wil bring dat die saak teen Zuma laat vaar word."

Mhlongo het die regerende party as "immoreel" en "nie nugter nie" beskryf.

Hy het gesê die land se vorige twee presidente, Nelson Madela en Thabo Mbeki, het nie presidente geword "met sulke ernstige klagte wat oor hulle gehang het nie".

Baie ANK-lede, insluitend LUR'e het tans kriminele klagte teen hulle. Diegene wat veroordeel en gevonnis word, soos voormalige ANK-hoofsweep Tony Yengeni en Zuma se voormalige finansiële adviseur Schabir Schaik word "soos rasieleiers en sterre behandel", het hy gesê.

"Toe ons in die ANK was het Zuma en sy maters geweier om ons toe te laat om 'n konferensiedokument oor 'Revolusionêre moraliteit' by Polokwane te bespreek. "Hoekom?" het hy gevra.

Ná Zuma aangekla is, "sou 'n sober ANK hom (Zuma) verpligte verlof gegee het of gevra het om verlof te neem… Die ANK soek 'n persoon met sulke ernstige klagte teen hom as hulle voorbladpersoon.

повысительная насосная станцияФільчаков прокурор

Direkteurgeneraal van kommunikasie bedank

Die direkteurgeneraal van kommunikasie, Lyndall Shope-Mafole, wat van haar kontrak vrygestel is met onmiddellike ingang het Donderdagaand gesê haar skeiding van die departement was "heeltemal vriendelik". Omdat sy nou voltyds vir die KVP se veldtog wil werk, het sy gevra dat haar kontraktydperk verkort word.

Shope-Mafole het by die KVP aangesluit net voor verlede jaar se nasionale konvensie in Sandton. By die party se stigting in Bloemfontein in Desember het sy die hoof geword van internasionale sake en 'n lid van die top-12 uitvoerendekomiteelede.

Sy het gesê dat sy omtrent 'n week lank met haar minister Ivy Matsepe-Casaburri gepraat het omtrent haar wens om vrygestel te word van die kontrak, wat oorspronklik in 2010 sou verval.

"Ek het Donderdag my versoek op papier gesit en dit gefinaliseer," het sy gesê. "Ek is verlig en dankbaar. Die minister was baie ondersteunend – sy kon 'nee' gesê het."

"Gegewe my verhoogde politieke betrokkenheid, het ek meer tyd nodig om die mense te dien," het sy gesê.

Sy het gesê dat sy haar volle gewig agter die KVP se verkiesingspogings gaan werp.

Shope-Mafole het gesê sy het "geen idee" wie in haar plek by die departement gaan intree nie.

"Hulle sal nou moet adverteer," het sy gesê. "Maar daar is 'n baie sterk en bekwame span, en dit het dit ook moontlik gemaak dat ek kan bedank."

Matsepe-Casaburri het Shope-Mafole bedank vir haar bydraes tot die openbare diens, "haar uitstaande rol in die internasionale telekommunikasiesektor en haar leierskap in Afrika" en het haar sterkte in haar nuwe aktiwiteite toegewens.

Ministeriewoordvoerder Joe Makhafola het gesê Shope-Mafole se kontrak is verkort in ooreenstemming met die regulasies. Sy was vir 'n dekade aan die stuur van die departement.

free casino gamestopcargo развод

Ons kan die perseel gesluit hou

Image'n Konstruksieperseel in Merapong, Limpopo, is gesluit toe subkontrakteurs wat vir 'n filliaal van Eskom gewerk het begin staak het oor salarisse, het Eskom Donderdag gesê.

Woordvoerder Fani Zulu het gesê die werkers was besig om akkommodasie te bou vir Roshconwerkers wat gewerk het aan Eskom se Medupikragstasie toe hulle oor salarisverhogings begin betoog het.

Die perseel is Dinsdag gesluit ná werkers die pad geblokkeer het en polisie en bestuur met klippe begin gooi het.

"Dit is moontlik dat ons die perseel gesluit kan hou tot volgende week," het Zulu gesê.

Roshcon, wat deel vorm van die Eskom Enterprises-divisie en sy subkontrakteurs het 'n reeks vergaderings gehou met die werkers voor die onlangse staking, het hy gesê.

"Dit is jammer dat die werkers weer moes begin staak nadat beide partye 'n oplossing bereik het."

Superintendent Ronel Otto het gesê die werkers het twee busse met klippe gegooi. Polisie was op die toneel om die situasie te monitor. Geen beserings is aangemeld nie.

Woensdag is 10 werkers beseer toe polisie met rubberkoeëls op hulle geskiet het buite die Roshcon-konstruksiemaatskappy.

Die stakende werkers eis 'n 11%-verhoging.

комплектующие к погружному насосуФильчаков прокурор харькова

Raul Castro in Angola

Image

Raul Castro

Die Kubaanse president Raul Castro het laat Woensdag in Angola aangekom vir 'n ampsbesoek van drie dae aan die kommunistiese land se jarelange vennoot in Afrika, het die Angop-nuusagentskap gesê.

Die Kubaanse leier is verwelkom in Luanda deur die Angolese eerste minister, Antonio Paulo Kassoma, minister van openbare werke, Higino Carneiro, en verskeie lede van die diplomatieke korps, het die agentskap gesê.

'n Verklaring deur die ministerie van buitelandse sake net voor sy aankoms het gesê Castro is genooi deur die Angolese president Jose Eduardo dos Santos en die besoek is daarop gemik om vriendskap en samewerking tussen die twee lande te versterk.

Raul Castro (77), wat Kuba gelei het sedert sy broer Fidel siek geword het in 2006, sal na verwagting Angola se leiers ontmoet en Donderdag deelneem aan 'n spesiale sessie van die Angolese nasionale vergadering, het die agentskap gesê.

Sy aankoms in Angola, ná 'n week lange besoek aan Rusland, val saam met Angola se "vierde-Februariedag", 'n openbare vakansiedag wat die 48ste jaar herdenk van die begin van Angola se gewapende stryd teen Portugal, die eertyds kolonie se koloniale meester.

Honderde-duisende Kubaanse soldate is na Angola gestuur om die huidige MPLA (Popular Movement for the Liberation of Angola) te help in 'n burgeroorlog wat drie dekades geduur het teen UNITA (The Union for Total Independance of Angola).

Die Kubaanse soldate is in die vroeë 1990s onttrek maar die twee lande het steeds sterk bande met mekaar. Daar is honderde Kubaanse dokters en onderwysers wat in Angola werk.

Dié Suider-Afrikaanse land is een van die kontinent se voorste olieprodusente, tesame met Nigerië.

интернет магазины черкассалександр лобановский харьков класс

Motlanthe haal Hajaig oor die kole weens Jodekommentaar

Die adjunkminister van buitelandse sake, Fatima Hajaig, se beweerde anti-Semitiese opmerkings by 'n saamtrek verlede maand het veroorsaak dat president Kgalema Motlanthe haar oor die kole gehaal het.

Die president het "met Hajaig gesels" ná die tweeweeklikse kabinetsvergadering Woensdagoggend, het woordvoerder Themba Maseko aan die media by die parlement gesê.

Die adjunkminister het haar "verskriklike spyt" uitgespreek aan die president dat sy die stelling gemaak het, het Maseko gesê.

By 'n pro-Palestynse saamtrek in Lenasia op 14 Januarie, het Hajaig klaarblyklik gesê dat Amerika en die meeste Westerse lande "in die hande van Joodse geld is", en hoofsaaklik deur "Sioniste" beheer word.

Haar opmerkings het 'n groot protes ontlok, veral van Suid-Afrika se Joodse gemeenskap.

Maseko het gesê Hajaig het aanvaar dat haar stellings teenstrydig met die staat se beleid is.

"Sy het daarna heelhartig en duidelik om verskoning gevra vir die opmerkings en ingestem om dit onvoorwaardelik terug te trek."

Vroeër het die kabinet "kommer uitgespreek, aangesien die stelling teenstrydig was met die verklaarde beleid van die regering wat betref anti-Semitiese sentimente," het hy gesê.

Maseko het gesê Hajaig se opmerkings was "'n oordeelsfout aan haar kant."

свистит генератор приАлександр Фильчаков

Vier aangehou vir inbraak en kaping

ImageVier mans, wie se ouderdomme wissel van 19 tot 38 is Woensdag in Brooklyn gearresteer vir huisbraak en kaping, het die Gautengse polisie gesê.

Kaptein Colette Weilbach het gesê die vier mans het na bewering by 'n huis in Nicolstraat ingebreek omtrent 11 vm. en juweliersware en rekenaartoerusting gesteel.

Die eienaar van die huis het teruggekom terwyl die mans besig was in die huis, en hulle het daarna sy Ford Bantambakkie gekaap deur hom met 'n skerp voorwerp te dreig.

'n Sekuriteitswag wat deur die bure se bediende ontbied is, het op die toneel aangekom en twee skote op die mans geskiet terwyl hulle in die bakkie en in hulle eie silwer Citroen-voertuig gevlug het.

Die bakkie is later verlate in Rupert straat gevind.

Ondersoek deur die Sunnyside-taakspan het polisie na 'n adres in Mamelodi gelei.

Polisie het die silwer Citroen gevind en nadat die vier mans in die huis gearresteer is, het hulle al die gesteelde goedere weer gevind.

Die vier sal binnekort in die hof verskyn op klagte van huisbraak, kaping en besit van gesteelde goedere, het Weilbach gesê.

стоимость зубовАлександр Фильчаков

Zim-onderhandelaars al weer in SA

Zimbabwiese onderhandelaars het Woensdag aangesluit by 'n vergadering wat haastig in Suid-Afrika gereël is in 'n poging om seker te maak dat 'n regering van nasionale eenheid vandeesmaand gevorm word.

Partybeamptes het gesê onderhandelaars is Dinsdag na Suid-Afrika ontbied, nadat die hoofopposisie gekla het dat president Robert Mugabe se party die kanse op magsdeling wat sedert September 'n dooiepunt bereik het, in gevaar stel.

Verlede week het streeksleiers Mugabe se Zanu-PF en die MDC onder druk geplaas om te begin om hulle ooreenkoms in die werklikheid om te skakel deur 'n konstitusionele verandering aan te bring en 'n eersteministerspos te skep. Maar teen Woensdag het dit geblyk dat daar geen stemming gaan wees nie en dat niks voor volgende week sal gebeur nie.

Die MDC-leier, Morgan Tsvangirai, sal die eerste minister wees en Mugabe, wat aan bewind is sedert onafhanklikheid van Brittanje in 1980, sal die president van die regering van nasionale eenheid bly.

Die streeksleiers, wat as die SAOG ontmoet het, het gesê Tsvangirai behoort teen die 11de Februarie ingesweer te word en die res van die kabinet op die 13de Februarie.

Suid-Afrika se presidensiële woordvoerder, Thabo Masebe, het gesê die onderhandelaars is Woensdag na Suid-Afrika ontbied "om seker te maak dat alles in plek is om die tydsbeperkinge wat die SAOG gestel het na te kom."

Suid-Afrika se president, Kgalema Motlanthe, is die huidige voorsitter van die SAOG en voormalige president Thabo Mbeki was die onderhandelaar tussen die Zimbabwe-faksies.

автоматическое освещение лестницыФильчаков прокурор

Volgende keer sal Zuma as president in hof verskyn

Image

Jacob Zuma

Die volgende keer wat die ANK-president Jacob Zuma in die hof in Pietermaritzburg inloop, kan dit moontlik as die president van die Republiek van Suid-Afrika wees.

"Wanneer Zuma weer in Augustus in die hof moet verskyn, sal dit wees as die president van die land en die regters sal hom as die president moet aanspreek," het die party se Jeugligaleier Julius Malema Woensdag gesê ná Zuma se kort verskyning in die hof.

"Ek wil net vir diegene vra wat agter die saak is of hulle trots sal wees om hulle eie president te vervolg en hulle eie land in die skande te steek."

Vroeër het regter Leona Theron voorlopig Zuma se volgende hofdatum vir 25 Augustus vasgestel, wanneer hy na verwagting sal aansoek doen dat die klagte teen hom permanent laat vaar moet word.

'n Senior advokaat vir die Franse wapenvervaardiger Thint, Michael Collins, het gesê hulle sal weer op 24 Junie in die hof wees om aansoek te doen dat die saak teen hulle permanent laat vaar word.

Die opposisieleier, Mangosuthu Buthelezi, van die IVP het gewaarsku dat daar ernstige gevolge vir die land kan wees indien Zuma in die saak as president van die land moet verskyn.

"Dit sal ook moeilik wees in Suid-Afrika vir ons politieke stelsel om eerlikheid en integriteit te projekteer en te beskerm as sy hoogste waardes, wanneer die president op aanklagte van korrupsie vervolg word," het hy gesê.

best social mediaалександр лобановский харьков класс