Suider-Afrika Archives - Page 29 of 888

Bloemfontein: Polisie waarsku enkel-drawwers

Die polisie in Bloemfontein het ‘n waarskuwing aan drawwers gerig om versigtig te wees as hulle alleen gaan draf.

Dit kom nadat ‘n 20-jarige vrou vermoedelik in die Universitas-omgewing deur twee booswigte aangeval is terwyl sy gedraf het.

Vrystaat polisiewoordvoerder, Maselela Langa sê die twee mans, wat in ‘n silwer Opel Corsa gery het, het die vrou vermoedelik probeer ontvoer. Hulle het haar glo geskop, gekrap en in die motor probeer dwing.

Langa sê die vrou kon egter daarin slaag om weg te hardloop. Dit is onbekend of enigiets gesteel is.

Langa sê die vrou het nie ‘n saak by die polisie oopgemaak nie. Hy sê hy het egter die vrou se ma gekontak en haar aangemoedig om na die polisiekantoor te gaan om die voorval aan te meld.

Hy vra dat die gemeenskap dadelik enige verdagte aktiwiteite by die polisie aanmeld.

“Op die huidige oomblik kan ons nie sê dat hierdie tipe voorval meer voorkom as voorheen nie. Omdat dit gebeur het, neem ons dit baie ernstig op. Ons wil graag die gemeenskap waarsku, as hulle gaan draf moet hulle dit nie alleen doen nie. Moenie jouself in ‘n situasie vind waar jy alleen draf nie,” sê Langa.

Bron: OFM

Petrolprys kan daal voorspel AA

Die Automobiel-Assosiasie van Suid-Afrika het goeie nuus vir Suid-Afrikaanse motoriste. Die brandstofprys kan ‘n afname te wagte wees, is hul voorspelling.

Die AA meen die prys van brandstof kan aanstaande maand met 45 sent per liter kan daal nadat internasionale oliepryse begin daal het.

Diesel kan met 38 sent per liter daal, en paraffien met 40 sent per liter.

Die petrolprys het vroeër vandeesmaand met 45 sent per liter gestyg.

Die AA waarsku egter dat die rand skerp verswak het weens die Amerikaanse verkiesingsuitslae, en sê indien die geldeenheid nie weer versterk nie, kan die vooruitsig vir die petrolprys teen die einde van die maand verander.

Hierdie prysverlagings is dus afhanklik van die prestasie van die rand teenoor die dollar in die volgende twee weke, sowel as internasionale oliepryse.

Minister ontken rol in horing-herrie

David Mahlobo, Suid-Afrika se minister van staatsveiligheid, het ontken dat hy betrokke is by onwettige renosterhoringhandel.

Mahlobo het intussen die kommissaris van polisie in Mpumalanga gevra om die “ongegronde en lasterlike” bewerings wat ‘n Al Jazeera dokumentêre rolprent gemaak het in dier voege, te ondersoek.

Volgens Al Jazeera berig het Mahlobo na bewering noue bande met ‘n Chinees wat die georganiseerde misdaad in renosterhoring hanteer. Guan Jiang Guang, het gespog hoe hy swart immigrasie- en wetstoepassingsbeamptes omkoop.

“Hy het elke week na my masseersalon gekom – minstens twee keer per maand. Ek ken hom baie goed. Hy was al ‘n gas in my huis,” sê Guan in die dokumentêre rolprent van Mahlobo gesê. ‘n Versteekte kamera het die gesprek verfilm.

Mahlobo het ontken hy en sy vrou verbintenisse met Guan of sy werknemers het.

Mahlobo vra verder dat die kommissaris Guan ondersoek oor sy rol in die onwettige renosterstroperyasook na beweringe dat hy onwettige immigrante aanstel.

Die minister oorweeg glo ook ‘n lastereis teen Al Jazeera, publikasies wat die bewerings gepubliseer het, Guan en die rolprent se vervaardiger.

EFFer-bendebaas voor vir aanhitsing

Die leier van die EFF, Julius Malema verskyn vandag in die Bloemfonteinse Landdros vir die oortreding van die Wet op die Reëling van Byeenkomste, het RSG berig.

Die Nasionale Vervolgingsgesag sê hy staan tereg op aanklagte van aanhitsing nadat hy herhaaldelik sou gesê het dat mense onbewoonde grond moet beset.

Malema het verlede week in die landdroshof op Newcastle in KwaZulu-Natal op soortgelyke aanklagte verskyn. Hy het glo die uitlatings gemaak tydens die EFF se verkiesingskongres wat 2014 in die Vrystaat gehou is.

Talle ondersteuners het gisteraand ‘n nagwaak by ‘n gemeenskapsaal gehou. Malema sal na verwagting die hof vra om die saak uit te stel totdat sy aansoek om die Wet op die Reëling van Byeenkomste ongrondwetlik te laat verklaar, afgehandel is.

Sy regsverteenwoordiger, Tumi Mokoena het bevestig dat die aansoek verlede week ingedien is.

Vaaldam styg skaars na vloede in Johannesburg

Gautengweer se Twitter-rekening het Donderdag laat weet dat die stortreën in Johannesburg min uitwerking op damvlakke het omdat daar nie genoeg reënval is in die Vaalarea nie. Die boodskap was dat “vloede in die stad beteken NIE Vaalvlakke op”.

Sedertdien het damvlakke effens gestyg volgens reservoir.co.za, tot net minder as 28%, maar dit is nie ‘n groot verandering nie.

Die Vaaldam is Maandag aangevul deur reserwes wat vrygestel word van die Sterkfonteindam, wat ‘n aantal dae neem om resultate te toon.

Hierdie proses sal voortgaan tot die einde van die jaar. Maandag was die Vaaldam se vlak 26,3%. Teen Donderdag, volgens Rand Water, het dit net gestyg tot 26,5% na 1.5mm reën aangeteken is.

Teen Sondag, sal die damvlakke na verwagting weer daal, sodat inwoners nog steeds hul waterverbruik in die provinsie moet laag hou, want watervlakke bly by hul laagste in die geskiedenis.

Die effek van al hierdie reën in Johannesburg, Ekurhuleni en Pretoria beteken die grond is heeltemal versadig en verdere kitsoorstromings is moontlik. Die ongunstige weerstoestande sal voortgaan om eiendom en lewens te eis sê die Weerburo.

In die Johannesburg sal grondwater voortgaan om te styg, maar ongelukkig as gevolg van historiese mynbedrywighede is baie van hierdie water besmet deur suur.

‘n Waarskuwing is ook uitgereik vir verdere erge donderstorms, wind en hael.

Grootste volmaan kan gevaarlike springgety bring

Die grootste en helderste volmaan in byna 70 jaar kan vandag wêreldwyd gesien word.

Dit is die naaste wat ‘n volmaan aan die aarde kom sedert 1948, en die volgende keer wat ‘n volmaan so naby aan die aarde sal kom, sal in 2034 wees.

Die maan sal sowat sewe persent groter en sowat 15 persent helderder as gewoonlik voorkom, hoewel die mens se oog skaars die verskil kan waarneem.

Die Nasionale Seereddingsinstituut het intussen see en kusgebruikers gewaarsku om versigtig te wees tydens die volmaan-springgety, aangesien die gevolge op die kus groter gaan wees omdat die maan nader aan die aarde as gewoonlik is.

Die NSRI sê hoewel die springgety vandag sy hoogtepunt bereik, sal toestande langs die kus nog tot die einde van die week geraak word.

Johannesburgse lughawegebou vol water weens stortreën

Benewens die chaos wat op die N3-snelweg en die R24 na die lughawe deur gistermiddag se wolkbreuk veroorsaak is, het die lughawegebou skade gely. Water het by die dak ingestroom en verskeie vloere van die gebou het plasse water getoon.

Stukke van die dak en plafon het ook plek-plek na benede getuimel. Skoonmaakpersoneel het allerlei houers op die vloere geplaas om van die lekkende water op te vang.

Verskeie ingange van die lughawegebou is ook deur die reën beskadig.

Johannesburg tot laat gisteraand ontwrig deur N3-vloedramp

Tonele wat met dié uit die distopiese roman Bodem vergelyk kan word, het hul gister op die N3-snelweg oos van Johannesburg afgespeel, met dele van die snelweg wat in ‘n rivier verander is. Motors het begin dryf, teen mekaar gebots en ten minste twee mense het gesterf.

Die toneel gister op die N3 naby Gilloolys. Foto: Twitter

‘n Geweldige donderstorm het laat gistermiddag oor Johannesburg losgebars wat deur sommige as ‘n “wolkbreuk” beskryf is. Verkeer in die omgewing van die N3 wat ook die R24 na Jan Smuts-lughawe insluit, het heeltemal tot stilstand gekom.

Gisteraand laat om halftwaalf was verkeerspolisie en nooddienste steeds besig om gestrande motors en vragmotors van die snelweg te verwyder. Sowel die R24 van die lughawe af en die N3 was steeds plek-plek gesluit met verkeer wat botstil staan.

Gisteraand om halftwaalf tussen Edenvale en Gilloolys was nooddienste steeds besig om voertuie te verwyder. Foto: Praag

Malema belowe sy bendes dat hulle wit grond sal vat

Die EFF-leier en liefling van Britse Marxiste, Julius Malema het Maandag ná sy hofverskyning in Newcastle sy bendes vertel dat grond in wit besit op “enige manier nodig” gevat sal word.

“Die wit minderheid, wees gewaarsku: Ons sal ons grond vat, dit maak nie saak hoe nie. Dit word onvermydelik. Die grond sal gevat word op enige manier nodig. Die grond sal aan swart mense teruggegee word,” het Malema aan duisende EFF-ondersteuners buite die landdroshof in Newcastle belowe.

“Hulle (wit mense) het hulle (swart mense) geslag soos diere. Ons vra nie vir die slagting van wit mense nie. Ten minste vir nou,” het Malema die massa aangehits.

Malema word daarvan aangekla dat hy die Wet op Oproerige Byeenkomste oortree het deur mense aan te hits om ‘n misdaad te pleeg.

Die saak is tot 7 Desember uitgestel tot die Rooi Nar se regspan aansoek by die hooggeregshof gaan indien om die “apartheidswet” ongrondwetlik te laat verklaar.

Massiewe rioolstorting: Openbare Werke ontken aanspreeklikheid

Die nasionale Departement van Openbare Werke het hul aanspreeklikheid ontken vir die rioolbesoedeling van die Hartbeespoortdam na ‘n reusestorting van menslike afval.

In ‘n verslag in die Pretoria News word beweer dat die dam onaanvaarbare vlakke van besoedeling oor ‘n paar jaar sal bereik as niks gedoen word met dringendheid nie.

Die dam het ‘n massiewe probleem met rioolbesoedeling wat ontstaan het uit die Noordelike Werke se afvalwatersuiweringsinstallasie, geleë naby die Fourways/Diepsloot gebiede in die noorde van Johannesburg.

Die departement se woordvoerder het gesê die departement het van berigte in die media kennis geneem in verband met die besoedeling van die Jukskeirivier, wat op sy beurt uiteindelik na die Hartbeespoortdam vloei.

Verlede week, volgens die nuusverslag, die aanleg miljoene liter onbehandelde riool in die Jukskeirivier vrygestel.

Die rioolstortings voer af in die Jukskei, wat aansluit by die Krokodilrivier en dan in die Hartbeespoortdam invloei.

Benewens die stortings uit Noord-Werke, is daar nog meer besoedeling afkomstig van pompstasies, mangate en rioolaanlegte in die rivier.

Joburg Water, ‘n entiteit van die Stad van Johannesburg, het ‘n munisipale afvoerrioolpyplyn wat die Leeuwkop-gevangenis perseel kruis, wat parallel met die Jukskeirivier loop.

“Een van die afvoerrioolpyplyne is buite werking gestel weens blokkasies in die pyp. Dit het tot gevolg gehad dat stortings in die Jukskeirivier,” het die woordvoerder gesê.

Hy het gesê departementele tegniese kenners is op die perseel en het ‘n aantal aanbevelings gemaak.

Intussen het sake-ondernemings by Hartbeespoortdam gesê hulle vrees dat hulle inkomste gaan verloor weens die besmette water by dié dorp in Noordwes wat ‘n groot aantal toeriste lok.

Die Departement van Water en Sanitasie het vroeër bevestig dat die E-coli-bakterie in die dam se water opgespoor is wat tot siektes in mense kan lei.

Die besmetting is veroorsaak deur afval van verskeie watersuiweringsaanlegte. Die voorsitter van die Hartbeespoortdam Toerismevereniging, Ian Gunn, sê sake-ondernemings in die gasvryheidsbedryf in die omgewing het reeds kansellasies op vooraf besprekings ontvang.