praag.co.za

Vaaldam styg skaars na vloede in Johannesburg

Written by

praag

in

,

Gautengweer se Twitter-rekening het Donderdag laat weet dat die stortreën in Johannesburg min uitwerking op damvlakke het omdat daar nie genoeg reënval is in die Vaalarea nie. Die boodskap was dat “vloede in die stad beteken NIE Vaalvlakke op”.

Sedertdien het damvlakke effens gestyg volgens reservoir.co.za, tot net minder as 28%, maar dit is nie ‘n groot verandering nie.

Die Vaaldam is Maandag aangevul deur reserwes wat vrygestel word van die Sterkfonteindam, wat ‘n aantal dae neem om resultate te toon.

Hierdie proses sal voortgaan tot die einde van die jaar. Maandag was die Vaaldam se vlak 26,3%. Teen Donderdag, volgens Rand Water, het dit net gestyg tot 26,5% na 1.5mm reën aangeteken is.

Teen Sondag, sal die damvlakke na verwagting weer daal, sodat inwoners nog steeds hul waterverbruik in die provinsie moet laag hou, want watervlakke bly by hul laagste in die geskiedenis.

Die effek van al hierdie reën in Johannesburg, Ekurhuleni en Pretoria beteken die grond is heeltemal versadig en verdere kitsoorstromings is moontlik. Die ongunstige weerstoestande sal voortgaan om eiendom en lewens te eis sê die Weerburo.

In die Johannesburg sal grondwater voortgaan om te styg, maar ongelukkig as gevolg van historiese mynbedrywighede is baie van hierdie water besmet deur suur.

‘n Waarskuwing is ook uitgereik vir verdere erge donderstorms, wind en hael.

Comments

5 responses to “Vaaldam styg skaars na vloede in Johannesburg”

  1. Ou Transvaal Avatar
    Ou Transvaal

    En steeds sal die plakkers voortbou binne vloedgebiede in ‘n poging om gratis en permanent deur ander onderhou te word en die regering sodoende te dwing om behuising te verskaf.
    Die prosses herhaal homself elke jaar so daar is ‘n gewensde resultaat/uiteinde vir die “arme”mense.(sarkasme af)

  2. Antonie Geyser Avatar
    Antonie Geyser

    die regering het genoeg tyd gehad gedurende die droogte om met stootskraapers die vlak vaaldam te verdiep, maar hulle het niks gedoen nie; ook die jukskei se walle kan met klippe (verpak in staalmandjies) opgebou en versterk word- maar nee, hulle sit in kantore en gebruik media om ‘hulle en anc goed te laat lyk/klink

  3. Suidpunt Avatar
    Suidpunt

    Verskoon tog my naïwiteit, maar… as mense sekere oliepypleidings kan voer tot in Gauteng (of, Oos-Vrystaat), kan mens nie, wel, miskien ontsoutingsaanlegte begin en bietjie opwaarts binneland toe stoot nie? Jammer, ek bly maar hier onder in die Wes-Kaap, so ek wil liefs nie te voorskriftelik wees nie.

    Maar die Nuwe Suid-Afrika kan glad nie die oue hieroor verwyt nie. In my rak het ek ‘n allerreuse “Bestuur van Waterhulpbronne in die Republiek van Suid-Afrika”, gepubliseer deur die Departement van Waterwese in 1988 (of iewers daar rond). Dit was ook in Engels beskikbaar.
    In daardie boek word duidelike tabelle (in volkleur!) en verwagtings geskep waar die groot watertekorte in 2010 sou begin plaasvind. Daardie jare het die regering reeds ingesien die groot metro’s sou al hoe groter word, hoe hard hulle ook probeer het om desentralisasie te maak werk (al was die hoofkantore steeds in die stede).

    Hulle het nou nie aan plekkies soos Hermanus noodwendig gedink wat sedert die 1990’s begin ontplof het nie. Hulle kon seker ook nie die vriendelike kredietkaarte in die toekoms “voorsien” het wat ‘n magdom huise tot stand sou bring nie. Nog minder die klomp geld wat links en regs uitgedeel is of die nimmereindigende lys HOP-programme ens. nie. Hulle kon wel miskien voorsien dat bykans geen nuwe damme gebou sou word nie en verouderde en verwaarloosde infrastruktuur. Juis daarom die waarskuwing.

    1. Jan Malan Avatar
      Jan Malan

      Wel die geleerdes in die Parlement reken dit is Die Apartheids regering se skuld omdat hulle die damme hopeloos te groot gebou het, die damme kan nie vol word nie verstaan? No om daardie damme met ontsoute water vol te maak gaan ook nie werk nie, daar is nie eens genoeg elektrieseteit om die ligte te laat brand nie. Maar as Zuma sy sin kry en die Russe kom bou die 7 Kern krag stasies sal daar dalk ‘n surplus krag wees om water te ontsout.
      Maar die probleem tans is daardie groot damme, die Bl@#$%se Apartheid regering.

  4. david ras Avatar
    david ras

    Ek dink nie dat daar veel water vanaf Johannesburg en omstreke die Vaaldam gaan bereik nie.
    Soos ‘n paar landkaarte wys, sal die meeste water wat wel Suidwaarts afloop eerder onderkant die Damwal in die Vaalrivier self beland.
    As ek reg onthou was daar eenmaal ‘n program oor ‘n pompstasie wat die byna die hele JHB van water voorsien. Ek meen dit was dalk die Suikerboschrand pompstasie.
    Miskien kan ander lesers meer lig hierop werp.

Leave a Reply

More posts