Die Automobiel-Assosiasie van Suid-Afrika het goeie nuus vir Suid-Afrikaanse motoriste. Die brandstofprys kan ‘n afname te wagte wees, is hul voorspelling.
Die AA meen die prys van brandstof kan aanstaande maand met 45 sent per liter kan daal nadat internasionale oliepryse begin daal het.
Diesel kan met 38 sent per liter daal, en paraffien met 40 sent per liter.
Die petrolprys het vroeër vandeesmaand met 45 sent per liter gestyg.
Die AA waarsku egter dat die rand skerp verswak het weens die Amerikaanse verkiesingsuitslae, en sê indien die geldeenheid nie weer versterk nie, kan die vooruitsig vir die petrolprys teen die einde van die maand verander.
Hierdie prysverlagings is dus afhanklik van die prestasie van die rand teenoor die dollar in die volgende twee weke, sowel as internasionale oliepryse.
Sedert hulle my bykans 20 jaar gelede in die steek gelaat het en ek hulle gegroet het, bejeen ek die AA met wantroue. Wat die petrolprys betref dink ek hulle is maar ‘n regeringslakei om die land vooruit te waarsku oor die energie-regulering intensies van die staat. Ek is van mening dat enige ondersoek oor wat werklik die petrolprys in SA beïnvloed bokant hulle vuurmaakplek is, soos ook met die onredelik opgeblase voertuigpryse aan motoriste.