Kategorie: Nuus

Munisipaliteit woedend dat EFF grondbesetting stook

Die Mantsopa-plaaslike munisipaliteit in die ooste van die Vrystaat het uitgevaar teen die Ekonomiese Vryheidsvegters, nadat hulle inwoners aangemoedig het om grond onwettig te beset.

Dit volg nadat sowat 300 onwettige grondbesetters Dinsdag in die Marikana-informele woonbuurt by Ladybrand verwyder is, het RSG berig.

Die grondbesetters, wat pensioentrekkers en gestremdes ingesluit het, se hutte is deur ‘n stootskraper platgestoot.

Die EFF het na bewering T-hemde aan die grondbesetters uitgedeel en hulle aangemoedig om die munisipaliteit se hofbevel te verontagsaam.

Die burgemeester, Dennis Tsepe het die EFF daarvan beskuldig dat hulle kwesbare groepe gebruik om politieke punte aan te teken.

Die Menseregtekommissie het vroeër gesê die munisipaliteit moes alternatiewe verblyf aan kwesbare groepe beskikbaar gestel het, voordat hulle uitgesit word.

Swartes wat bejaarde egpaar skiet gevonnis

Die swartes wat ‘n wit bejaarde egpaar wreed vermoor het, is gevonnis.

Hulle is skuldig bevind aan die moord op Chris en Katrien Jooste in Desember 2014.

Die drie van Winterveld het drie jaar gelede die twee wittes in Soshanguve tydens ‘n gewapende roof doodgeskiet.

Hulle is in die Pretoriase Hooggeregshof tot lewenslange tronkstraf gevonnis.

Victor Mbuyiseni Simango is tot twee keer lewenslank en 38 jaar gevangenisstraf gevonnis op aanklagte van moord, roof met verswarende omstandighede en die besit van `n onwettige vuurwapen en ammunisie.

Solomon Selekane en Collen Peter Malopo is elke tot twee keer lewenslank en 23 jaar gevangenisstraf gevonnis.

Die twee bejaardes is vermoor terwyl hulle voorraad aan `n spaza-winkel in Soshanguve afgelewer het. Net R3.50 is van hulle gesteel.

McBride geskors na Valkebaas vrygespreek word

Vogens die polisie het die hoof van die Onafhanklike Polisie-Ondersoekdirektoraat, Robert McBride glo ingemeng met die ondersoek na die hoof van die Valke.

Valkebaas Anwar Dramat is glo na die inmengery vrygespreek. Die minister van polisie, Nathi Nhleko het McBride Woensdag in kennis gestel dat hy geskors is.

‘n Woordvoerder sê McBride het na bewering ingemeng in die minister se ondersoek na die saak.

McBride is tot Donderdag die kans gegun om redes aan te voer oor hoekom hy nie geskors behoort te word nie.

McBride sal Vrydag ‘n dringende interdik in die Pretoriase Hooggeregshof aanvra teen die voorgestelde skorsing.

Dramat en ‘n kollega is vrygespreek van beweerde betrokkenheid by die onwettige uitlewering van vyf Zimbabwiese verdagtes in 2010.

Dramat intussen gesê dat hy bedank het.

Swart amptenare by lisensiekantoor rand wit vrou aan

‘n Wit vrou van Pretoria is glo deur swart staatsamptenare by die Centurion-lisensiekantoor aangerand toe sy geweld tussen die personeel en ‘n lid van die publiek afgeneem het.

Connie Wehrmann sê sy is verlede Woensdag aangerand deur ‘n swart amptenaar. Sy het haar pa na die sentrum vergesel toe die voorval plaasgevind het.

Volgens Wehrmann het die bestuurder ‘n beswaarde lid van die publiek rondgestamp en met die kop geslaan. Hy het na bewering ook op haar geskree en in haar gesig gespoeg.

Wehrmann het aan Netwerk24 gesê gedurende die bakleiery was sy besig om ‘n boodskap op haar selfoon te tik. Die swart amptenare het daarna met geweld probeer om haar selfoon af te vat en haar daarvan beskuldig dat sy beeldmateriaal van die geweld opneem.

Wehrmann se gesig is stukkend geslaan en sy het krapmerke in haar nek. Sy is hardhandig deur veiligheidspersoneel uit die lisensiekantoor geboender.

Die swart polisie-ondersoekbeampte wat haar klag ondersoek het, het Wehrmann egter Dinsdag na die Lyttelton-polisiestasie ontbied om haar in te gelig dat ’n saak van aanranding téén haar ingedien is.

Ao. Hero Gumbu, polisiewoordvoerder vir Lyttelton, het bevestig ’n saak van aanranding word ondersoek.

Wehrmann moet Maandag in die landdroshof verskyn. As Sy Maandag skuldig bevind word, sit sy met ’n kriminele rekord, alhoewel sy oorspronklik die klaer was.

Rekenaaringenieur se lyk in Finland gevind

Die Suid-Afrikaanse rekenaaringenieur en werknemer van Metso in Johannesburg wat in Finland verdwyn het, se lyk is op die Tammerkoskis-strand in Finland gevind.

Volgens die Sweedse nuusportaal in Finland, www.hbl.fi, het Herc Croese na bewering op die rotse by die Tammerkoskis-strand gestaan om die golwe te bewonder toe hy in die water beland en verdrink het.

Croeser het ‘n week gelede in Tempere verdwyn, nadat hy byna twee weke gelede na Helsinki in Finland gereis om ‘n konferensie by te woon.

Hy het saam met vriende iets by die Aussie Bar genuttig. Hy het Donderdag vertel hoe lekker dit sou wees om huis toe te vlieg Vrydag.

Hy het in die hotel Ilves tuisgegaan.

“Nadat die man die kroeg verlaat het, het ons geen spoor van hom gekry nie. Sy bedoeling was waarskynlik terug na die hotel te gaan, maar hy het nooit opgedaag nie,” het Kommissaris Pasi Mettälä gesê.

Kort na Croeser die kroeg verlaat het, het hy sy selfoon vir die laaste keer gebruik, het die polisie gesê. Die gesin aan die ander kant, sê dat die operateur in Suid-Afrika het ‘n selfoonoproep byna ‘n dag later geregistreer, op Vrydagmiddag, maar die polisie kon dit nie bevestig nie.

Croeser sou verlede Saterdag by die OR Tambo- internasionale lughawe aankom, maar het nooit opgedaag nie.

Sy gesin in Boksburg het reeds onraad vermoed toe hulle hom verlede Vrydag nie kon kontak nie.

Hy het die Donderdagaand sy hotelkamer verlaat en by die kroeg sowat 800 m weg van sy hotel gaan kuier. Die polisie het Croeser se paspoort, geld en ander besittings in sy kamer gevind.

Britse soldaat nuutste Ebola-geval in Sierra Leone

‘n Britse militêre gesondheidswerker is met Ebola in Sierra Leone gediagnoseer, het owerhede in Londen Woensdag gesê en ‘n militêre vliegtuig is gestuur om haar terug te bring indien nodig.

“Ons kan bevestig dat ‘n Britse militêre gesondheidswerker in Sierra Leone positief vir Ebola getoets het,” het ‘n woordvoerder vir Openbare Gesondheid Engeland (PHE), ‘n regeringsagentskap, verklaar.

Die vroulike gesondheidswerker word in ‘n spesialis-Ebolasentrum in Kerry Town in die westelike deel van Sierra Leone behandel.

A Royal Air Force-vliegtuig is gestuur na die land en is gereed om die pasiënt te ontruim indien nodig.

“Mediese kenners is tans besig om die situasie te peil om te verseker dat die nodige sorg gegee word,” het die PHE-woordvoerder gesê.

“‘n Mediese besluit of die individu ontruim sal word na die Verenigde Koninkryk vir behandeling sal mettertyd geneem word.”

‘n Geskatte 700 Britse soldate, mans en vroue, is ontplooi om Sierra Leone te help in hul reaksie teen Ebola wat Wes-Afrika verlede jaar getref het.

Hulle het gehelp bou aan mediese sentrums, saam met ‘n aantal vrywilligers van Brittanje se staatsbeheerde National Health Service.

Twee Britse verpleegsters, Pauline Cafferkey en William Pooley, het Ebola opgedoen maar herstel na behandeling in Brittanje.

PHE het gesê ‘n ondersoek is aan die gang oor hoe die naamlose militêre dienspligtige die virus opgedoen het, en enigiemand wat in onlangse kontak met die pasiënt was, word gesoek.

“Enige individue geïdentifiseer deur die feit dat hy in noue kontak [met die slagoffer] was, sal geassesseer word en ‘n kliniese besluit rakende hulle afvoer na die Verenigde Koninkryk sal geneem word,” het die woordvoerder bygevoeg.

Byna 24000 mense is met Ebola besmet sedert Desember 2013, byna almal in Guinee, Liberië en Sierra Leone, en meer as 9 800 is reeds dood daaraan, volgens die Wêreldgesondheidsorganisasie.

Liberië het verlede week sy laaste bevestigde Ebola pasiënt uit die hospitaal ontslaan. Geen nuwe geval is aangemeld in die land sedert 19 Februarie nie.

Noodsamesprekinge in Brussel oor Griekse reddingsplan

Noodsamesprekinge oor hervormings wat nodig is om Griekeland se ekonomiese reddingsplan te verleng, is Woensdag in Brussel gehou. Intussen het die nuwe regering in Athene geswoeg om genoeg kontant bymekaar te skraap om die res van die maand te kan oorleef.

Die Europese Kommissie, die uitvoerende eenheid van die EU, het volgens AFP bevestig dat die onderhandelings in Brussel begin het, maar het geen besonderhede oor die inhoud of deelnemers verstrek nie.

“Ek kan bevestig dat tegniese onderhandelings met deskundiges en Griekse owerhede en internasionale vennote begin het, wat deur onderhandelings in Athene verder ondersteun sal word, het die kommissie se woordvoerder, Mina Andreeva, gesê.

“Dit is baie belangrik dat hierdie tegniese onderhandelinge plaasvind in ’n kalm en polities-neutrale atmosfeer, sodat daadwerklike stappe gedoen kan word, het sy gesê.

’n Griekse regeringsbron het gesê onderhandelinge sou twee dae duur met die doel om die regte “raamwerk te vind oor hoe om voort te gaan.

“Die instansies’ soek spesifieke data, en dit is wat hulle sal kry, het die bron gesê, met verwysing na die Griekse regering se benoeming van die Troika-groep krediteure – die kommissie, die Europese Sentrale Bank en die Internasionale Monetêre Fonds (IMF).

Griekeland se eurosone-vennote­ het verlede maand ooreengekom om die land se reddingsplan tot Junie te verleng, in ruil vir hervormings, hoewel die uitbetaling van die volgende porsie van sowat 7 miljard einde April afhang van ’n oorsig van hervormingsplanne.

Griekeland moet hierdie maand 6 miljard betaal om skuld te delg, wat 1,5 miljard aan die IMF insluit.

Volgens verslae wat gister vrygestel is, het die linkse regering van eerste minister Alexis Tsipras oorweeg om pensioenfondse te gebruik om staatsamptenare se salarisse te betaal terwyl onderhandelinge met die troika voortgaan.

Koplose babalyk dryf in rivier

Inwoners van die Mix-­lokasie noord van Windhoek het Dinsdag ná 18:00 op die lyk van ’n ­pasgebore ­babadogtertjie afgekom, het die Republikein berig.

Volgens ’n jarelange inwoner van die nedersetting het twee vroue na die bosse naby die ou Mix-gebou gestap, toe hulle iets in die nabygeleë rivier gesien lê het.

“Die een het eers gedink dis ’n pop, maar die ander een het dit met ’n stok uit die water gekrap en gesien dis die lyk van ’n pasgebore baba.

Volgens haar het die vroue foto’s van die oorskot geneem, maar vir niemand in die nedersetting daarvan vertel nie.

Woensdagoggend het hulle egter die foto’s van die gru-vonds met inwoners gedeel wat die polisie ontbied het.

“Ons het almal gaan kyk waar sy gelê het, maar toe ons daar kom, was die lyk weg en het daar net bloed gelê.

Die inwoners het die rivier en omgewing begin fynkam en sou later die oggend ’n hond sien wat verder af in die rivier aan iets snuffel.

“Toe ons nader kom, toe sien ons dis die babatjie, maar sy het nie meer ’n kop gehad nie. Die mense en die polisie wat gesoek het, kon dit nie kry nie.

“Dit was gruwelik om na te kyk. Ons het maar ’n plant gesit waar die kop was, dit het so lelik gelyk.
Elkeen hier ken mekaar, het sy gesê.

“Die polisie het gesê ons moet in mekaar se huise kyk of daar iemand was wat swanger was. Maar hier ken almal mekaar, ons is ’n klein gemeenskap en jy sal dit nie kan wegsteek nie. Behalwe, sê sy, as dit dalk ’n “inkommer” was.

Die polisie het teen druktyd nog nie op navrae ge­reageer het nie.

Polisiekaptein vas vir moord op pa

‘n Swart polisiekaptein en haar 60-jarige ma sal na verwagting môre in die Orkney-landdroshof verskyn in verband met die moord op haar pa.

Noordwes polisiewoordvoerder Thulani Ngubane sê die 44-jarige swart vrou is gister in hegtenis geneem terwyl sy aan diens was in Klerksdorp.

Haar ma is by haar huis in Kanana aangekeer. Die beampte se pa is in Desember verlede jaar dood in ‘n veld naby Orkney gevind, met pangawonde aan sy lyf en kop.

Gebrek aan bloed op die toneel het egter volgens Ngubane daarop gedui dat die man elders vermoor is.

Die verdagtes word in Klerksdorp aangehou.

Die motief vir die moord is nog nie bekend nie.

Japan skenk R30 miljoen vir SA rampbestuur

Japan het 30 miljoen rand geskenk vir die opleiding van rampbestuurspanne in Suider-Afrika, het RSG berig.

Dit volg nadat Redding Suid-Afrika Japan in 2011 na die aardbewing en tsoenami bygestaan het. Meer as 20 000 mense is in die ramp dood.

Suid-Afrika se span was die enigste uit Afrika wat gaan help het. Gister was die vierde herdenking van die ramp.

Die Japanse ambassadeur in Suid-Afrika, Shigeyuki Hiroki, sê daar het sedertdien ‘n band van vriendskap ontstaan, wat uitgeloop het op die vennootskap tussen die Japanse regering en Redding Suid-Afrika.

Hiroki het gesê rampe tref verskeie dele van die wêreld onverwags en hulle wil graag vaardighede ontwikkel en veral in Suid-Afrika se buurlande.